Category: اسلام آباد

سینیٹ اجلاس میں وزراء کی عدم موجودگی پر چیئرمین سینیٹ نے وزیر اعظم عمران خان کو خط لکھنے کا فیصلہ کیا ہے

باغی ٹی وی کی رپورٹ کے مطابق سینیٹ کا اجلاس چیئرمین سینیٹ محمد صادق سنجرانی کی زیر صدارت جاری ہے. وقفہ سوالات کے دوران وزراء کی عدم موجودگی پر چیئرمین سینیٹ نے برہمی کا اظہار کرتے ہوئے کہا ہے کہ وزراء کے ایوان میں نہ آنے پر آج وزیراعظم کو خط لکھوں گا،وزراء ایوان میں نہ آنے کا رویہ تبدیل کریں .چیئرمین سینیٹ وزیراعظم ایوان میں نہ آنے پر وزراء کے خلاف سخت ایکشن لیں .

واضح رہے کہ گزشتہ روز بھی وزراء سینیٹ میں نہیں آئے تھے جس پر چیئرمین سینیٹ نے برہمی کا اظہار کیا تھا ،‌آج چیئرمین سینیٹ نے وزیر اعظم کو خط لکھنے کا فیصلہ کیا ہے.
چیئرمین صادق سنجرانی کی زیر صدارت سینیٹ کا اجلاس

اسلام آباد(نمائندہ باغی ٹی وی ) اسلام آباد کی عدالت نے پاکستانی لڑکیوں کو چینی باشندوں سے شادی کے بعد انہیں جسم فروشی پر مجبور کرنے کے الزام میں گرفتار ملزمان کے جسمانی ریمانڈ کی استدعا مسترد کرتے ہوئے انہیں جوڈیشل ریمانڈ پر جیل بھجوا دیا ہے۔عدالت نے ایک نومسلم اور ایک مسیحی جوڑے کو رضا مندی سے شادی کرنے کے بیان پر بری کر دیا ہے۔ایف آئی اے نے میرج اسکینڈل میں گرفتار چینی باشندوں کو اسلام آباد کے سینئر سول جج عامر عزیز کے روبرو پیش کیا اور ملزمان کے جسمانی ریمانڈ کی استدعا کی تاہم عدالت نے ملزمان کو جوڈیشل ریمانڈ پر جیل بھجوانے کا حکم سنا دیا۔عدالت نے پاکستانی مسلمان خاتون اور نو مسلم چینی باشندےکو رضا مندی سے شادی کے اقرار پر بری کر دیا۔مسیحی جوڑے نے بھی عدالت میں رضا مندی سے شادی کا اقرار کیا جس پر عدالت نے مسیحی پاکستانی اور مسیحی چینی باشندے کو بھی بری کرنے کا حکم سنایا۔

پیپلز پارٹی کے چیئرمین بلاول زرداری نے کہا ہے کہ وہ وزراء جن کے کالعدم جماعتوں کے ساتھ تعلق ہے ان کو فوری فارغ کیا جائے.

باغی ٹی وی کی رپورٹ کے مطابق بلاول نے اسمبلی اجلاس میں خطاب کرتے ہوئے کہا کہ ایساتو نہیں کہ آئی ایم ایف سٹیٹ بینک اور ایف بی آر کا فیصلہ کرے، پٹرول کی قیمت میں نو روپے اضافہ کر دیا گیا، یہ تاریخی نااہلی کی وجہ سے ہوا ہے، حکومت میں صلاحیت نہیں،
چیئرمین ایف بی آر کو بھی ہٹا دیا جاتا ہے،پاکستان کے عوام پریشان ہیں، اچانک عوام پر پٹرول بم گرایا جاتا ہے، ان کی نااہلی کی سزا پوری قوم بھگت رہی ہے .بلاول نے مزید کہا کہ ایک سال میں چار بجٹ لائے جاتے ہیں، وزیر اعظم کو کہتا ہون‌کہ آئی ایم ایف ٹیم کی پارلیمنٹ سے اپروول نہیں لیں گے تو ہم اسے تسلیم نہیں کریں گے.

چیئرمین ایف بی آر تعینات ہونے والے شبر زیدی خود ٹیکس نادہندہ نکلے

باغی ٹی وی کی رپورٹ کے مطابق شبر زیدی کو دو سال کی مدت کے لئے ایف بی آر کا چیئرمین تعینات کیا گیا ہے. وفاقی کابینہ اجلاس میں منظوری کی بجائے سمری سرکولیٹ کر کے منظوری لی گئی ہے۔ چیئرمین ایف بی آر تعینات ہونے شبر زیدی خود ٹیکس نادہندہ اور نان فائلر ہیں، شبر زیدی نے گزشتہ تین برسوں میں کوئی ٹیکس نہیں دیا. شبر زیدی نے 3 برس سے انکم ٹیکس گوشوراے جمع نہیں کروائے.

پاکستان کے وزیر اعظم عمران خان 3 روزہ دورے پر برطانیہ 12 جون کو روانہ ہوں گے

باغی ٹی وی کی رپورٹ کے مطابق وزیر اعظم عمران خان دورہ برطانیہ کے دوران کرکٹ ورلڈ کپ کا پاکستان کا میچ بھی دیکھییں گے. وزیر اعظم عمران خان برطانیہ میں اپنے برطانوی ہم منصب سے ملاقات کریں گے. وزیر اعظم عمران خان کا وزرات عظمیٰ کا حلف اٹھانے کے بعد برطانیہ کا یہ پہلا دورہ ہے.

تحریک انصاف کے رہنما و سینیٹر فیصل جاوید نے کہا ہے کہ موجودہ حکومت سابقہ حکومت کی جانب سے لیا گیا قرضہ سود سمیت واپس کر رہی ہے جس میں ایک، دو سال لگ جائیں گے جس کے بعد کے اثرات عوام کو ملیں گے۔

باغی ٹی وی کی رپورٹ کے مطابق سینیٹر فیصل جاوید نے اسلام آباد میں میڈیا سے گفتگو کرتے ہوئے کہا کہ پاکستان پر پیپلز پارٹی اور مسلم لیگ نامی آسیب طاری رہا ،دونوں جماعتوں کی لوٹ مار کی وجہ سے آج پاکستان کی عوام مشکلات کا شکار ہے. ماضی کی حکومتوں نے قرضے نہ لئے ہوتے تو آج حالات اتنے خراب نہ ہوتے. حکومت سود سمیت قرضہ واپس کر رہی ے، و سال بعد عوام کو ریلیف ملے گا.

وفاقی وزیر ریلوے شیخ رشید احمد کے اندرون وبیرون ملک دوروں کی تفصیلات قومی اسمبلی میں پیش کر دی گئی،

باغی ٹی وی کی رپورٹ کے مطابق قومی اسمبلی میں جمع شدہ رپورٹ کے مطابق وفاقی وزیر ریلوے شیخ رشید احمد نے 13 شہروں کے دورے کئے ،وفاقی وزیرریلوے کا یومیہ الاونس 3 ہزار روپے ہے. شیخ رشید احمد نے 13 شہروں کے دورے ٹرین پر کئے. شیخ رشد احمد نےمیٹنگز، ٹریک، اسٹیشنز ودیگر تنصیبات کےجائزے کے حوالے سے دورے کئے .کراچی تا نوشہرہ13 شہروں کے دوروں کے دوران 24پسنج راور4 فریٹ ٹرینزکا آغازہوا ،قومی اسمبلی میں پیش کی جانے والی رپورٹ میں بتایا گیا کہ ریلوےکی آمدن میں بھی35.300بلین روپےکےمقابلےمیں39.010 بلین روپے اضافہ ہوا ،صرف9ماہ کی قلیل مدت میں3.706 بلین روپے ریلوےکی آمدن میں اضافہ ہوا، وفاقی وزیر ریلوے شیخ رشید احمد نے ایران،چین اور یو اے ای کے دورے تینوں ممالک کی دعوت پر بھی کئے ،دورہ ایران میں کوئٹہ تفتان سیکشن کی بحالی پربات چیت ہوئی ،دورہ چین میں ایم ایل ون کےابتدائی ڈکلیئریشن پردستخط کئے

پاکستان کےوزیر خارجہ شاہ محمود قریشی سے وزیر داخلہ بریگیڈیئر (ر) اعجاز شاہ نے ملاقات کی ہے.

باغی ٹی وی کی رپورٹ کے مطابق فارن منسٹر چیمبر پارلیمنٹ ہاوس میں وزیر داخلہ بریگیڈیئر (ر) اعجاز شاہ نے شاہ محمود قریشی سے ملاقات کی .وزیر داخلہ نے بتایا کہ سعودی عرب کی جیلوں میں قید 2107 پاکستانی قیدیوں کی جلد واپسی کیلئے سعودی وزارت داخلہ کے ساتھ رابطے میں ہیں۔ دونوں وزراء نے تارکین وطن کیلئے امیگریشن کے عمل کو آسان، سادہ اور مؤثر بنانے پر اتفاق کیا۔

واضح رہے کہ سعودی ولیعہد محمد بن سلمان نے دورہ پاکستان کے دوران پاکستانی قیدیوں کی رہائی کا اعلان وزیر اعظم عمران کان کی درخواست پر کیا تھا،

مسلم لیگ ن کے رہنما سینیٹر مشاہداللہ خان نے کہا ہے کہ حکومت نئی یونیورسٹیاں بنا رہی ہے حقیقت میں وہ کرپشن کی یونیورسٹیاں بن رہی ہیں.

باغی ٹی وی کی رپورٹ کے مطابق سینیٹ کا اجلاس میں مشاہداللہ خان نے خطاب کرتے ہوئے کہا کہ ادویات کی قیمتوں میں اضافے سے قبل حکومتی اراکین کی کمپنی مالکان سے ملاقات ہوئی، یہ جو یونیورسٹیاں بنانے جا رہے ہیں وہ کرپشن کی یونیورسٹی بن رہی ہے، اتنی کرپشن ہوئی ہے کہ ستر سال کو بھول جائیں گے، پیسہ باہر جا چکا ہے، میر ے پاس ثبوت ہیں،کسی وقت منظر عام پر آ جائیں گے

پیپلز پارٹی کی رہنما نفیسہ شاہ نے کہا ہے کہ وزیر اعظم بادشاہ بن گئے، مصر میں جو حشر ہوا وہ پاکستان کا ہو سکتا ہے.

باغی ٹی وی کی رپورٹ کے مطابق اسلام آباد میں میڈیا سے گفتگو کرتے ہوئے نفیسہ شاہ نے کہا کہ چیئرمین ایف بی آر اعزازی طور پر خدمات سرانجام دیں گے اب ایسا سنا ہے. گورنر اسٹیٹ بینک اور چئیرمین ایف بی آر کی تعیناتی پر پیپلزپارٹی کو شدید تحفظات ہیں، مصرمیں جوحشر ہوا ہے وہی پاکستان کا ہوسکتا ہے ،حکومت سے سوال ہے کہ ایف بی آر کو ریفارم کرنا چاہتے ہیں تو باہر سے کسی شخصیت کو ضرور لائیں لکن قانون کے دائرے میں رہ کر، وزیر اعظم نواز شریف کو بادشاہ کہتے تھے اب خود بادشاہ بن گئے ہیں. انہوں نے کہا کہ چیئرمین ایف بی آر کی تقرری کے خلا ف پارلیمنٹ میں آواز اٹھائیں گے.