وصال فخر سلطان کو آئی جی ریلوے پولیس تعینات کر دیا گیا، وصال فخر سلطان اس وقت موٹر وے پولیس میں تعینات تھے۔
وہ پولیس سروس کے 22 ویں کامن سے تعلق رکھتے ہیں اسٹیبلشمنٹ ڈویژن پاکستان نے محمد وصال فخر سلطان کی تعیناتی کانوٹیفکیشن جاری کر دیا ہے،نوٹیفکیشن کے مطابق محمد وصال فخر سلطان نیشنل ہائی ویز اینڈ موٹروے پولیس میں تعینات تھے۔
وزیر داخلہ محسن نقوی نے کہا ہے کہ بیرون ملک مقیم پاکستانیوں کو پاسپورٹ بروقت جاری کرنا حکومت کی اولین ترجیح ہے۔
وزیر برائے سمندر پار پاکستانی چوہدری سالک حسین کے ساتھ اسلام آباد میں منعقدہ اجلاس کے دوران انہوں نے اس بات کی ہدایت دی کہ کسی بھی مجرم یا مطلوب شخص کو پاسپورٹ جاری نہیں کیا جائے گا،اجلاس میں سپین میں رہائش پذیر پاکستانیوں کے لیے سپین کے ریزیڈنٹ کارڈز کے حصول میں پیشرفت کا جائزہ لیا گیا۔
اجلاس کو بتایا گیا کہ رجسٹریشن شروع ہونے سے پہلے پاکستانیوں کو ایک ہفتے کے اندر پاسپورٹ اور دیگر دستاویزات فراہم کی جائیں گی، تاکہ غیر قانونی تارکین وطن کو قانونی حیثیت دی جا سکے۔ قریباً 15 ہزار پاکستانی اس اسکیم سے مستفید ہونے کی توقع ہے،وزیر برائے سمندر پار پاکستانی نے وزارت داخلہ کی جانب سے مکمل تعاون پر اظہار تشکر بھی کیا۔
حریت رہنما یاسین ملک کی اہلیہ مشعال ملک نے کشمیری خاتون رہنما آسیہ اندرابی کو بھارتی عدالت کی جانب سے دی جانے والی سزا پر شدید ردعمل دیتے ہوئے اسے انصاف کے برعکس قرار دیا ہے-
مشعال ملک نے کہا کہ یہ فیصلہ ایک سوچی سمجھی سازش ہے اور کشمیری قیادت کی آواز دبانے کی کوشش ہے، متنازع قوانین کے ذریعے آزادی کی جدوجہد کو کچلا جا رہا ہے اور یہ صرف چند افراد کی سزا نہیں بلکہ پوری قوم کے حق خودارادیت پر حملہ ہے، ایسے فیصلے انصاف کے تقاضوں کے خلاف ہیں اور کشمیر ی قیادت کو خاموش کرانے کی سازش عروج پر ہے۔
انہوں نے عالمی برادری کی خاموشی پر بھی سوال اٹھاتے ہوئے کہا کہ اگر آج آواز نہ اٹھائی گئی تو تاریخ اسے جرم سمجھے گی مشعال ملک کے مطابق یہ فیصلہ نہیں بلکہ ایک قوم کی آواز کا گلا گھونٹا گیا ہے اور ایسی سزائیں انسانیت کے چہرے پر بدنما داغ ہیں۔
مالی سال 2024-25 میں پاکستانی معیشت نے نمایاں بہتری دکھائی، جہاں جی ڈی پی کی شرح نمو تقریباً 2.7% سے 3.7% کے درمیان رہی-
گلف نیوز کے مطابق مالی سال 2024-25 میں پاکستانی معیشت نے نمایاں بہتری دکھائی، جہاں جی ڈی پی کی شرح نمو تقریباً 2.7% سے 3.7% کے درمیان رہی، افراط زر میں کمی آئی، اور زرمبادلہ کے ذخائر مضبوط ہوئے۔ 2.4% کے پرائمری سرپلس اور سٹاک مارکیٹ کی ریکارڈ کارکردگی نے مالی استحکام کو مضبوط کیا، جس سے پاکستان ایک ابھرتی ہوئی معیشت کے طور پر سامنے آیا۔
گلف نیوز کے مطابق جی ڈی پی میں ترقی 2.7% یا 3.71% تک ریکارڈ کی گئی وزیر خزانہ کے مطابق ملکی تاریخ میں پہلی بار 2.4% کا پرائمری سرپلس حاصل کیا گیا فراط زر میں نمایاں کمی واقع ہوئی، جو 4.6% یا اس سے کم کی سطح پر آگئی سٹاک مارکیٹ میں تاریخی 40% سے زائد اضافہ دیکھا گیا غیر ملکی زرمبادلہ کے ذخائر میں بہتری آئی، جو مالی سال کے آخر تک $20 بلین کی حد عبور کر گئے ان نتائج کی بنیاد پر، پاکستان کی معیشت نے 2024-25 کے دوران استحکام اور ترقی کے آثار دکھائے ہیں۔، ایسے عوامل کا مجموعہ جسے بلومبرگ نے پاکستان کو مالی استحکام کے لیے دنیا کی دوسری سرفہرست ابھرتی ہوئی معیشت کا نام دیا۔
پی آئی اے کا 6 سال بعد لندن کے لیے براہ راست فلائٹ آپریشن رواں ماہ بحال ہوگا۔
ترجمان پی آئی اے کے مطابق پی آئی اے 29 مارچ کو اسلام آباد سے لندن اور 30 مارچ سے لاہور سے لندن کی پروازوں کو چلائے گی پی آئی اے ابتدائی طور پر ہفتہ وار چار پروازیں لندن کے لیے آپریٹ کرے گی پی آئی اے کی اسلام آباد سے ہفتہ وار تین اور لاہور سے ایک پرواز آپریٹ ہوگی پی آئی اے لندن کے فضائی آپریشن کے لیے بوئنگ 777 طیارے استعمال کرے گی-
ترجمان پی آئی اے کے مطابق پی آئی اے لندن کے لیے پروازیں ہیتھرو ایئر پورٹ کے ٹرمینل 4 پر لینڈ کریں گی، چھ سال کے وقفے کے بعد پروازوں کا آغاز کیا جا رہا ہے پی آئی اے کا لندن روٹ سے 70 سال سے زائد کا رشتہ ہے، لندن پی آئی اے کے نیٹ ورک کے ابتدائی بین لاقوامی روٹس میں شا مل ہے ان پروازوں کی شروعات کے بعد برطانیہ کے لیے پی آئی اے کی پروازوں کی ہفتہ وار تعداد 7 ہو جائے گی،لندن کے لئے پروازوں میں بتدریج اضافہ کیا جائے گا۔
پاکستان کے سابق وزیراعظم اور بانی پی ٹی آئی عمران خان کے بیٹوں کی پاکستان کیلئے منفی پروپیگنڈا کرنے والے شخص عارف اجاکیہ کے ساتھ فوٹو سوشل میڈیا پر وائرل ہو رہی ہے جس نے نیا تنازع کھڑا کر دیا ہے-
بانی پی ٹی آئی عمران خان کے دونوں بچوں کی عارف اجاکیہ کے ساتھ ملاقات ہوئی جس کی فوٹو وائرل ہو گئی،سوشل میڈیا ویب سائٹ ایکس پر جرنلسٹ اظہر جاوید کی جانب سے شئیر کی گئی فوٹو میں عمران خان کے بیٹوں کو عارف اجاکیہ کے ساتھ خوشگوار موڈ میں دیکھا جا سکتا ہے-
تصویر شئیر کرتے ہوئے انہوں نےتشویش کا اظہار کیا کہا کہ یہ صرف متنازعہ نہیں ہے ، یہ گہرائی سے متعلق ہےعمران خان کے بیٹے سلیمان اور قاسم، عارف آجاکیہ کے ساتھ شانہ بشانہ کھڑے ہیں ایک شخص جو لندن میں پاکستان مخالف مہم اور مظاہروں کے لیے جانا جاتا ہے۔
انہوں نے کہا کہ ایک ایسے وقت میں جب پاکستان کو چیلنجز کا سامنا ہے، ایسے عناصر کے ساتھ اتحاد کا انتخاب سنگین سوالات کو جنم دیتا ہے کیا یہ جہالت ہے، تکبر ہے یا جان بوجھ کر؟کیا وہ اس پیغام کو سمجھتے ہیں جو وہ دنیا بھر میں لاکھوں پاکستانیوں کو بھیج رہے ہیں؟ یا اس سے ان کو کوئی فرق نہیں پڑتا؟
ایک سوشل میڈیا صارف سفینہ خان نے کہا کہ عمران خان کے بیٹے عارف اجاکیہ کیساتھ جینوا میں ، یہ وہ عارف اجاکیہ ہیں جو اپنے آپکو فخر کیساتھ انڈین نا صرف کہتے ہیں بلکہ بھارتیوں کیساتھ ملکر پاکستان کے خلاف مظاہرے بھی کرتے ہیں-
واضح رہے کہ بھارت کی مسلم دشمن ہندوتوا حکومت نے کشمیر میں ہونے والے واقعہ کیخلاف لندن میں جمعہ کو ایک مظاہرہ کا انتظام کیا اس مظاہرہ میں ماتھے پر تلک لگائے عارف اجاکیہ نے بھر پور شرکت کی تھی اور پاکستان کے خلاف نعرے بازی کی تھی-
سوشل میڈیا پر جاری معلومات کے مطابق عارف اجاکیہ، الطاف حسین کا قریبی ساتھی ہے اور بھارتی اہلکاروں سے روابطہ میں پل کا کردار ادا کرتا ہے۔
اجاکیہ نے بھارت جاکر ایک تقریب میں اسلام ترک کرکے ہندومذہب قبول کرلیا تھا۔
رپورٹس کے مطابق بھارت کی مسلم دشمن ہندوتوا حکومت نے کشمیر میں ہونے والے واقعہ کیخلاف لندن میں جمعہ کو ایک مظاہرہ کا انتظام کیا اس مظاہرہ میں ماتھے پر تلک لگائے عارف اجاکیہ نامی ایک ایسے شخص کی شرکت ہے جو باقاعدگی سے ایم کیو ایم لندن کے سربراہ الطاف حسین کے گھر اور دفتر جاتا ہے عارف اجاکیہ نے ہندوؤں کے حلیہ میں صرف پاکستان کیخلاف ہونے والے مظاہرے میں ہی شرکت نہیں کی بلکہ کھل کر پاکستان اور اسلام کو گالیاں بھی دیں۔
عارف اجاکیہ یہ شخص فرانس کا شہری ہے نوے کی دہائی میں یہ شخص الطاف حسین کے دست راست محمد انور کا زاتی ملازم تھا محمد انور اور الطاف حسین نے اس شخص کو 2005 کے بلدیاتی انتخابات میں کراچی کے جمشید ٹاؤن کا ناظم بنادیا مگر اس نے مختصر عرصہ میں ہی اسقدر کرپشن کیا کہ علاقے میں اسکے خلاف مظاہرے شروع ہو گئے اس سے بڑی غلطی اجاکیہ نے یہ کی کہ کرپشن کے مال میں سے نہ تو الطاف حسین کو حصہ دیا اور نہ ہی انور کو جسکی پاداش میں اسکو نظامت سے برطرف کردیا گیا۔
محمد انور نے اس واقعہ کے بعد عارف اجاکیہ کو کھڈے لائن لگادیا مگر جب الطاف حسین نے محمد انور کو کھڈے لائن لگایا تو عارف اجاکیہ کو بحال کرکے پاکستان دشمنوں سے روابط کیلئے مقرر کردیا گزشتہ چند برسوں میں عارف اجاکیہ کئی مرتبہ بھارت جاچکا ہے جہاں اس نے ہندو انتہا پسندوں کی جانب سے دئیے گئے ایک استقبالیہ میں اسلام ترک کرکے ہند مذہب قبول کرلیا (استغفراللہ) اور کئی چینلز پر بیٹھ کر اسلام کے خلاف ہرزہ سرائی کی۔
بھارتی خفیہ ایجنسی “را” نے عارف اجاکیہ کو پاکستان اور اسلام کے خلاف بولنے کیلئے ایک یوٹیوب چینل بھی بناکر دیا ہے جس پر بیٹھ کر یہ مسلسل پاکستان اور اسلام کیخلاف زہر اگلتا ہے جس کے عوض را کی جانب سے اسکو ایک خطیر رقم دی جاتی ہے۔
ایک ماہ قبل الطاف حسین نے بلوچستان کے مسئلہ پر انٹرنیٹ سے کچھ مواد چوری کرکے اسے اپنی کتاب کے طور پر شائع کیا تو اس نام نہاد کتاب کی تقریب رونمائی میں مہمانان خصوصی کے طور پر پاکستان دشمن خان آف قلات اور عارف اجاکیہ کو مدعو کیا گیا باخبر زرائع کا کہنا ہے اجاکیہ گزشتہ چند ایک سال سے الطاف حسین اور بھارتی انٹیلیجنس اہلکاروں کے درمیان پل کا کام کررہا ہے جس کے لئے وہ باقاعدگی کے ساتھ الطاف حسین کے گھر جاتا ہے۔
جبکہ ایک طرف الطاف حسین صبح و شام جنرل عاصم منیر سے معافی کی بھیک مانگ رہا ہے اور دوسری جانب عارف اجاکیہ جیسے دین و قوم فروش سے ملکر پاکستان کی جڑیں کاٹنے میں مصروف ہے۔
اسلام آباد: وزیراعظم شہباز شریف اور سعودی ولی عہد کا ٹیلیفونک رابطہ ہوا ہے جس دوران خطے کی تازہ صورتحال اور کشیدگی کے اثرات پر تبادلہ خیال کیا گیا۔
سعودی خبر رساں ایجنسی کے مطابق ٹیلی فونک گفتگو کے دوران دونوں رہنماؤں نے علاقائی و عالمی امن و استحکام سے متعلق امور اور جاری سفارتی کوششوں پر بھی گفتگو کی،وزیراعظم شہباز شریف نے اس موقع پر سعودی عرب کی حمایت کا اعادہ کرتے ہوئے سعودی سلامتی اور خودمختاری پر حملوں کی مذمت کی۔اس موقع پر وزیراعظم کا کہنا تھا کہ ہمیشہ اور مضبوطی سے سعودی عرب کے ساتھ کھڑے رہیں گے۔
کراچی: اسلام آباد سے سعودی عرب کے شہر ریاض جانے والی نجی ایئرلائن ایئر سیال کی پرواز پی ایف 768 کو فضا میں اچانک تکنیکی خرابی کا سامنا کرنا پڑا جس کے باعث طیارے کی کراچی ایئرپورٹ پر ہنگامی لینڈنگ کرنی پڑی۔
ذرائع کے مطابق طیارہ جیسے ہی پاکستان کی فضائی حدود سے نکل کر بحیرہ عرب کے اوپر پہنچا تو اس میں فنی خرابی پیدا ہوگئی،صورتحال کے پیش نظر کپتان نے فوری طور پر کراچی ایئرپورٹ پر ہنگامی لینڈنگ کا فیصلہ کیا اور ایئر ٹریفک کنٹرول کو آگاہ کیا، کپتان کی مہارت کے باعث طیارے کو بحفاظت کراچی ایئر پورٹ پر اتار لیا گیا، طیارے میں سوار تمام 160 مسافر محفوظ رہے۔
ایئر سیال انتظامیہ کے مطابق مسافروں کو کراچی ایئرپورٹ کے ٹرانزٹ لاؤنج منتقل کر دیا گیا ہے جبکہ انہیں دوسرے طیارے کے ذریعے ریاض روانہ کرنے کے انتظامات کیے جا رہے ہیں۔
وزیراعظم شہباز شریف نے سماجی رابطے کی ویب سائٹ ایکس پر اپنے بیان میں کہا ہے کہ پاکستان امریکا اور ایران کے درمیان مذاکرات کی میزبانی کیلئے تیار ہے۔
وزیراعظم نے اپنے پیغام میں ڈونلڈ ٹرمپ، اسٹیو وٹکوف اور عباس عراقچی کو ٹیگ کرتے ہوئے کہا کہ پاکستان دونوں ممالک کے درمیان بات چیت کیلئے مثبت کردار ادا کرنے کو تیار ہے۔ انہوں نے واضح کیا کہ یہ میزبانی صرف اسی صورت ممکن ہوگی جب امریکا اور ایران دونوں اس پر رضامند ہوں۔
وزیراعظم کا کہنا تھا کہ خطے میں امن و استحکام کے لیے مذاکرات ناگزیر ہیں اور پاکستان ہمیشہ سے سفارتی حل کی حمایت کرتا آیا ہے۔ انہوں نے اس امید کا اظہار بھی کیا کہ بات چیت کے ذریعے کشیدگی میں کمی لائی جا سکتی ہے۔
پاکستان کے معمر ترین ویلڈر نسیم الدین نے 74 سال کی عمر میں گنیز ورلڈ ریکارڈ کی ہیٹ ٹرک مکمل کر کے ایک نئی تاریخ رقم کر دی ہے۔
نسیم الدین نے ہاتھ میں انڈا پکڑ کر 38 ماربل ٹائل توڑنے کا منفرد کارنامہ انجام دیا، جس سے انہوں نے سابقہ 30 ٹائلز کا ریکارڈ توڑ دیا۔ گنیز ورلڈ ریکارڈ حکام نے ان کے اس کارنامے کو باضابطہ طور پر تسلیم کرتے ہوئے آفیشل ویب سائٹ پر ریکارڈ اپ ڈیٹ کر دیا ہے۔
اس سے قبل بھی نسیم الدین اپنے مُکے سے 163 اخروٹ توڑنے اور ایک ہاتھ سے سیب کچلنے کے عالمی ریکارڈ قائم کر چکے ہیں، جس کے بعد یہ ان کا تیسرا عالمی ریکارڈ بن گیا ہے۔
نسیم الدین کا تعلق ایک ایسے خاندان سے ہے جو عالمی ریکارڈز بنانے میں نمایاں مقام رکھتا ہے۔ ان کے بیٹے راشد نسیم 150 سے زائد عالمی ریکارڈز کے ساتھ دنیا میں سب سے زیادہ ریکارڈ بنانے والے افراد میں شامل ہیں، جبکہ ان کی بہو، پوتی اور پوتا بھی کئی ریکارڈز اپنے نام کر چکے ہیں۔
نسیم الدین نے اپنے اس ریکارڈ کو فلسطین کے مظلوم مسلمانوں اور پاکستان آرمی کے نام کرتے ہوئے کہا کہ یہ کامیابی تمام پاکستانیوں کے لیے ہے جو اپنے ملک سے محبت کرتے ہیں۔