Category: اسلام آباد

سینیٹ کے اجلاس میں سینیٹر پلوشہ کی جانب سے اسرائیل کے خلاف پیش کی گئی قرارداد متفقہ طور پر منظور کرلی گئی۔

قرارداد میں غزہ میں جنگ بندی معاہدے کی خلاف ورزیوں اور اسرائیلی بیانات پر شدید تشویش کا اظہار کیا گیا، ایوان نے اسرائیلی قیادت کی جانب سے علاقائی اتحاد بنانے کے بیان کو مسلم امہ کی وحدت کے خلاف قرار دیا،قرارداد کے متن کے مطابق اسرائیل کا طرزِ عمل بین الاقوامی قانون اور اقوام متحدہ کے چارٹر کے منافی ہے، مقبوضہ فلسطینی علاقوں کی قانونی و تاریخی حیثیت تبدیل کرنے کی ہر کوشش کو مسترد کیا گیا ہے،سینیٹ نے مقبوضہ مغربی کنارے میں آبادکاری کے پھیلاؤ کی شدید مذمت کی اور کہا کہ اسرائیلی قیادت کے اشتعال انگیز بیانات عالمی امن و استحکام کے لیے خطرہ ہیں،قرارداد میں کہا گیا کہ اسلامی ممالک کی خود مختاری اور علاقائی سالمیت کے خلاف کسی بھی اقدام کی مخالفت کی جائے گی۔

ایوان نے اسرائیل سے مقبوضہ علاقوں سے فوری انخلا اور انسانی امداد کی بلا تعطل فراہمی کا مطالبہ کیا،سینیٹ نے غزہ کی بحالی اور تعمیرِ نو کے عمل کے جلد آغاز پر زور دیتے ہوئے اس عزم کا اعادہ کیا کہ پاکستان فلسطینی عوام کے حقِ خود ارادیت اور آزاد ریاست کے قیام کی غیر متزلزل حمایت جاری رکھے گا۔

دوسری جانب سینیٹ میں وزیر قانون اعظم نذیر تارڑ کا کہناتھاکہ عمران خان کو کل ان کی رضامندی کے ساتھ پمز لایا گیا،4 ماہر ڈاکٹروں نے کا چیک اپ کیا ہے،جو آئین و قانون کے حدود و قیود میں تھا اس کے مطابق عمران خان کا علاج جاری ہےرات کے وقت کا تعین سیکورٹی کو مدنظر رکھ کر کیا گیا، عمران خان کو گھر یا ملک سے باہر بھیجنا ایگزیکٹو کا نہیں بلکہ عدلیہ کا اختیار ہے ،

‎سینیٹ اجلاس میں خطاب کرتے ہوئے رانا ثنااللہ کا کہنا تھا کہ دہشت گردی پر جو پالیسی آج اپنائی گئی ہے اسے پہلے اپنانا چاہیے تھا۔ اگر چند سال قبل یہ پالیسی اپنائی جاتی تو دہشت گردی کا نام و نشان نہ رہتا۔ وزیراعظم پاکستان نے 4 ماہ قبل افغانستان کو پیغام دیا تھا کہ دہشت گرد اور پاکستان میں کسی ایک کا انتخاب کرلیں۔ افغانستان کو بات سمجھ نہیں آئی تو ردعمل دیا گیا۔
رانا ثنااللہ کا کہنا تھا کہ جب جب دہشت گرد افغانستان سے پاکستان پر حملے کریں گے ردعمل دیا جائے گا۔ ہم بانی پی ٹی آئی اور ان کی پارٹی کو کہتے ہیں کہ آپ ریاست کے ساتھ کھڑے ہوں اور دہشت گردی کے خلاف کارروائیوں کو بھرپور سپورٹ کریں۔
‎وزیر اعلیٰ پنجاب کے لیے نیا طیارہ خریدا گیا ہے، جس کی قیمت تقریباً 10 ارب روپے ہے۔ یہ طیارہ گلف اسٹریم جی 500 ہے، جو عالمی رہنماؤں اور بڑے کاروباری اداروں کے زیر استعمال ہوتا ہے۔ پنجاب حکومت کی وزیر اطلاعات عظمیٰ بخاری کا کہنا ہے کہ یہ طیارہ ایئر پنجاب کے لیے خریدا گیا ہے
‎وزیر اعظم شہباز شریف کے مشیر برائے سیاسی امور کا کہنا تھا کہ بانی پی ٹی آئی عمران خان کی رہائی سے متعلق حکومت کے پاس نہ کوئی ڈھیل ہے نہ ڈیل۔ بانی پی ٹی آئی کا جو بہترین علاج ہوسکتا ہے وہ ہوا ہے۔ سپریم کورٹ آف پاکستان نے بھی اسے ریگولیٹ کیا ہے۔

‎پاکستان تحریک انصاف کے اراکین پارلیمنٹ نے سپریم کورٹ اسلام آباد کے باہر احتجاج کیا، جہاں بانی پی ٹی آئی عمران خان کے مقدمات کی سماعت مقرر کرنے، اہل خانہ سے ملاقات اور ذاتی معالجین سے معائنہ کرانے کا مطالبہ کیا مظاہرہ میں اپوزیشن لیڈر سینیٹ علامہ ناصر عباس، سلمان اکرم راجا، عامر ڈوگر، شفیع جان، محمد حسین اور شاہد خٹک سمیت دیگر اراکین شریک ہوئے۔
‎اپوزیشن جماعتوں نے مل کر یہ احتجاج کیا، جو عمران خان کی قید اور عدالتی تاخیر کے خلاف ہےمظاہرین نے نعرے لگائے اور فوری سماعت کا مطالبہ کیا، جو پی ٹی آئی کی مسلسل قانونی مہم کا حصہ ہے جہاں جیل میں قید لیڈر کی صحت اور مقدمات کو مرکزی حیثیت حاصل ہے۔

وزیر پارلیمانی امور طارق فضل چوہدری نے سینیٹ میں بیان دیتے ہوئے کہا کہ پاکستان اب مزید جنازے نہیں اٹھائے گا، ہر شہید کے خون کا بدلہ لیا جائے گا حالیہ دہشت گردی میں افغان باشندوں کی ملی بھگت ثابت ہوئی، جن کی خفیہ اطلاعات پر پاکستان ایئر فورس نے افغانستان میں کامیاب اسٹرائیکس کیں۔
انہوں نے بتایا کہ 100 سے زائد دہشت گرد ہلاک ہوئے، ان کے تربیتی کیمپ تباہ کر دیے گئے دہشت گرد بچوں اور خواتین کو ڈھال بنا رہے ہیں، مگر پاکستان امن چاہتا ہے اور ملکی سلامتی پر کوئی سمجھوتہ نہ ہوگا۔ افغان سرزمین سے وارداتی دہشت گردی جاری تھی، ترلائی مسجد حملہ، بنوں اور باجوڑ کے خودکش واقعات افغان ہینڈلرز کی کارستانی تھیں۔
افغان طالبان سے مذاکرات میں ضمانت نہ ملنے پر کارروائی ناگزیر تھی، اسٹرائیکس صرف دہشت گرد پناہ گاہوں پر کی گئیں وزیر نے زور دیا کہ پاکستان دفاع کا حق استعمال کرے گا، دہشت گردی ختم ہونے تک آپریشن جاری رہے گا۔

‎اسلام آباد میں فیض آباد کے ٹرانسپورٹ اڈوں کو سیکیورٹی خدشات کی آڑ میں بند کر دیا گیا ہے، جس سے بین الصوبائی اور شہری ٹرانسپورٹ معطل ہو گئی۔ مسافر شدید پریشانی کا شکار ہیں اور متبادل راستے ڈھونڈ رہے ہیں۔
وفاقی پولیس نے وضاحت کی کہ اڈے محض خدشات پر بند نہیں ہوئے بلکہ کی خلاف ورزی پر کارروائی ہے—جیسے مسافروں کا سافٹ ویئر پر اندراج نہ کرنا یا واک تھرو گیٹس نہ لگانا۔ راولپنڈی-اسلام آباد کے داخلی راستوں پر چیکنگ سخت کر دی گئی ہے۔ ٹرانسپورٹرز مالی نقصان اور نظرثانی کا مطالبہ کر رہے ہیں۔

‎تفصیلات کے مطابق، پٹرولیم ڈیلرز ایسوسی ایشن نے آٹومیٹک ٹینک گیجنگ (اے ٹی جی) سسٹم کی تنصیب پر تحفظات ظاہر کرتے ہوئے وزیر پٹرولیم کو خط لکھا ہے۔
‎ڈیلرز نے خط میں کہا کہ اے ٹی جی سسٹم کی تنصیب تیل کمپنیوں کی ذمہ داری ہے، کیونکہ سٹوریج، ڈسپنسرز اور پمپنگ سسٹم ان کے دائرہ کار میں آتے ہیں۔ انہوں نے بتایا کہ نجی تیل کمپنی وافی انرجی یہ اخراجات خود برداشت کر رہی ہے، اور مطالبہ کیا کہ یہ سسٹم ریفائنریز، سٹوریج ٹرمینلز اور گاڑیوں پر بھی نصب کیا جائے۔
‎ڈیلرز کا اصرار ہے کہ اے ٹی جی سسٹم کا تکنیکی اور مالی بوجھ ڈیلرز پر نہ ڈالا جائے بلکہ تیل کمپنیاں یا حکومت اسے سنبھالیں۔ خط میں مزید کہا گیا کہ یہ سسٹم اسمگل شدہ تیل کی فروخت روکے گا اور آئل سپلائی چین کو شفاف بنائے گا۔