Category: کراچی

کراچی میں گزشتہ24 گھنٹوں کے دوران کورونا کیسز مثبت آنے کی شرح 20.34 فیصد تک پہنچ گئی۔

محکمہ صحت سندھ کے مطابق گزشتہ 24 گھنٹوں کے دوران صوبے میں مجموعی طور پر 18 ہزار 75 ٹیسٹ کیے گئے جس میں سے 1631 افراد میں وائرس کی تصدیق ہوئی اور 25 افراد زندگی کی بازی ہار گئے۔

حکام محکمہ صحت کے مطابق کراچی میں گزشتہ 24 گھنٹوں کے دوران 1314 افراد میں کورونا وائرس کی تصدیق ہوئی اور مثبت کیسز کی شرح 20.34 فیصد رہی۔

محکمہ صحت کے مطابق سندھ کے دیگر اضلاع میں کورونا کیسز مثبت آنے کی شرح 2.97 فیصد ریکارڈ کی گئی جبکہ صوبے میں مجموعی طور پر کورونا کیسز مثبت آنے کی شرح 9.64 فیصد ریکارڈ ہوئی۔

خیال رہے کہ پاکستان میں کورونا سے اموات کی تعداد 22759 اور مجموعی کیسز 9 لاکھ 68 ہزار سے زائد ہو چکے ہیں۔

گلبہار پولیس نے بڑی کارروائی کرتے ہوئے انتہائی مطلوب گینگ وار کاشف دادا گروہ کا ٹارگٹ کلر کو گرفتار کرلیا اور گرفتار ملزم کے قبضے سے اسلحہ موٹرسائیکل برآمد کرلی۔

تفصیلات کے مطابق کراچی میں گلبہار پولیس نے خفیہ اطلاع پر بڑی کارروائی کی ، کارروائی کے دوران گینگ وار کاشف دادا گروہ کے ٹارگٹ کلر کو گرفتارکرلیا اور ملزم نبیل حسن کے قبضے سے اسلحہ اور موٹرسائیکل بھی برآمد کرلیا۔

ایس ایس پی سینٹرل ملک مرتضی تبسم نے بتایا ملزم نے بھتہ نا دینے پر تاجر پر ایک گھنٹے میں 2 حملے کیے،مقتول شبیر رحمان نیشنل بینک میں ملازمت کے ساتھ کاروبار بھی کرتا تھا۔

ملک مرتضیٰ تبسم کا کہنا تھا کہ پہلا حملہ 1 جون کو گولیمار میں سینٹری دکان پر کیا ،حملے سے تاجر شبیر رحمان شدید زخمی ہوا ، زخمی تاجر شبیر کو بیٹا اور بھتیجا فورا اسپتال لے کر روانہ ہوئے، گینگ وار ملزمان نے پیچھا کیا اور لولین پل پر کار پر فائرنگ کی، فائرنگ سے زخمی تاجر سمیت بیٹا اور بھتیجا بھی زخمی ہوگئے، تاجر کا زخمی بیٹا کار چلاتا ہوا اسپتال پہنچا لیکن والد دم توڑ گئے۔

ایس ایس پی سینٹرل نے کہا کہ گرفتار ملزم ویسٹ اور سینٹرل میں ڈکیتی کی متعدد وارداتیں بھی کرچکا ہے، ملزم کے دیگر ساتھی پہلے ہی گرفتار ہوچکے ہیں، گرفتار ملزم سے مزید تفتیش کا عمل جاری ہے۔

سندھ حکومت کا بڑا فیصلہ،ہر کیس میں گرفتاری نہیں ہوسکے گی

سندھ حکومت کا پولیس رولز میں ترامیم کا فیصلہ

باغی ٹیوی کی رپورٹ کے مطابق پولیس رولز26میں ترامیم کا مسودہ تیار،کل سندھ کابینہ اجلاس میں پیش کیاجائےگا۔سنگین جرائم کے علاوہ دیگر عمومی مقدمات میں پولیس مبینہ ملزم کو گرفتار نہیں کرسکے گی۔ مقدمے کی تفتیش کے بعد ملزم کی گرفتاری کا فیصلہ ہوگا۔ گرفتاریوں سے متعلق پولیس کے اختیارات میں ترامیم کی جائیں گی۔
10سے زائد مختلف دفعات پر نامزد فرد کی گرفتاری نہ کرنے کی تجویز دی گئی ہے
پولیس رولز 1934میں ترامیم کا مسودہ سندھ کابینہ کی منظوری کے بعد نافذ العمل ہوگا۔
پولیس رول26میں ترمیم سے غیر ضروری گرفتاریوں کی حوصلہ شکنی ہوگی۔ زرائع
غیر ضروری گرفتاریوں کو روکنے سے جیلوں میں انڈر ٹرائل قیدیوں کی تعداد میں بھی کمی آئے گی۔
گرفتاریوں سے متعلق پولیس کے اختیارات میں بھی ترامیم کی سفارش کی گئی ہے۔

متحدہ قومی موومنٹ (ایم کیو ایم) پاکستان کے کنوینئر خالد مقبول صدیقی نے کہا ہے کہ 40 لاکھ لوگوں کے جعلی شناختی کارڈ کس دور میں بنائے گئے.

اگر یہ ووٹر لسٹ میں شامل ہوگئے تو جمہوری عمل پر سوال اٹھ جائے گا۔قومی اسمبلی اور سینیٹ اجلاس میں جعلی شناختی کارڈز کے اجراء پر ایم کیو ایم نے توجہ دلاؤ نوٹس جمع کروادیا۔

علی محمد خان نے کہا کہ غلط کام ہوئے ہیں، نادرا سندھ کے 39 ملازمین کو معطل کیا گیا۔ڈپٹی چیئرمین سینیٹ نے معاملہ متعلقہ قائمہ کمیٹی کے سپرد کر دیا۔

سندھ حکومت نے پولیس قوانین میں ترمیم کا فیصلہ کیا ہے جس کے بعد اب ہر کیس میں کسی بھی شہری کی گرفتاری ممکن نہیں ہوگی۔

سندھ حکومت نے پولیس رولز میں ترمیم کرنے کا فیصلہ کیا ہے۔ محکمہ قانون کی جانب سے پولیس رولز 26 میں ترمیم کا مسودہ تیار کرلیا گیا ہے۔

مسودہ کل وزیراعلی سندھ مراد علی شاہ کی زیر صدارت ہونے والے سندھ کابینہ کے اجلاس میں پیش کیا جائے گا۔

محکمہ قانون کے ذرائع کے مطابق ترمیم کے تحت سنگین جرائم کے سوا دیگر عمومی مقدمات میں پولیس مبینہ ملزم کو گرفتار نہیں کرسکے گی، مقدمے کی تفتیش کے بعد ملزم کی گرفتاری کا فیصلہ ہوگا۔

ذرائع کے مطابق مسودے میں 10 سے زائد مختلف دفعات پر نامزد فرد کی گرفتاری نہ کرنے کی تجویز دی گئی ہے۔ پولیس رولز 1934ء میں ترامیم کا مسودہ سندھ کابینہ کی منظوری کے بعد نافذ العمل ہوگا۔

سندھ حکومت کے ذرائع کا کہنا ہے کہ پولیس رول 26 میں ترمیم سے غیر ضروری گرفتاریوں کی حوصلہ شکنی ہوگی۔

غیر ضروری گرفتاریوں کو روکنے سے جیلوں میں انڈر ٹرائل قیدیوں کی تعداد میں بھی کمی آئے گی۔

شرافی گوٹھ سے ڈکیتی اور راہزنی کی وارداتوں میں پولیس کو مطلوب ملزمان گرفتار۔

گرفتار ملزمان پنجاب کے علاقے دنیاپور میں بھی ڈکیتی کے مقدمات میں مطلوب تھے۔پولیس نے فیوچر کالونی میں دوران گشت کارروائی کی۔

گرفتار ملزمان موٹرسائیکل لفٹنگ میں بھی ملوث تھے۔ملزمان سے غیر قانونی اسلحہ اور مسروقہ موٹرسائیکل برآمد۔

پولیس نےملزمان کی نشاندہی پر ایک اور موٹرسائیکل تحویل میں لے لی۔

تحویل میں لی گئی موٹرسائیکلیں تھانہ عوامی کالونی اور شرافی گوٹھ کی حدود سے چوری کی گئیں تھیں۔

گرفتار ملزمان کیخلاف موٹرسائیکل چوری کی cctv فوٹیج بھی حاصل کر لی گئی جس کے ذریعے ملزمان کو شناخت کیا گیا۔

دونوں ملزمان کیخلاف تھانہ درخشاں، الفلاح، ماڈل کالونی اور شرافی گوٹھ میں مختلف نوعیت کے متعدد مقدمات درج ہیں۔

ملزمان کی گرفتاری کے متعلق شہر کے دیگر تھانوں کو مراسلہ جاری کر دیا گیا ہے۔گرفتار ملزمان کیخلاف ضابطے کی کارروائی کی جا رہی ہے۔

ملزمان سے برآمد اسلحہ فارنزک کیلئے روانہ کر دیا گیا۔گرفتار ملزمان میں نیک مراد اور محمد عاقب شامل ہیں۔

شوبز انڈسٹری کے نامور اداکار اعجاز اسلم کو کراچی میں عید الاضحیٰ سے قبل اسٹریٹ کرائم کی بڑھتی وارداتوں نے تشویش میں مبتلا کردیا۔

اداکار اعجاز اسلم نے سماجی رابطے کی ویب سائٹ ٹویٹر پر اپنے پیغام میں کہا کہ کراچی میں عید سے پہلے اسٹریٹ کرائمز میں اضافہ ہونا ایک معمول کی بات ہے۔

اعجاز اسلم نے لکھا کہ ’ہمارے حکام اسٹریٹ کرائمز پر قابو پانے میں قاصر کیوں ہیں یہ ایک بہت بڑی تشویش کی بات ہے۔‘

اداکار نے ڈکیتی کی ایک واردات کا ذکر کرتے ہوئے بتایا کہ ’کل ڈی ایچ اے میں ریسٹورنٹ کے باہر بیٹھے تمام لوگوں کو لوٹ لیا گیا اور لٹیرے آسانی سے بھاگ گئے۔‘

اعجاز اسلم نے اپنے ٹویٹ میں وزیراعلیٰ سندھ مراد علی شاہ کو بھی ٹیگ کیا۔

انہوں نے یہ بھی کہا کہ ’گاڑیوں سے ساؤنڈ سسٹم، بیک ویو مرر کی چوری بھی بہت عام ہے، کیوں ان جرائم پر کوئی سخت سزا نہیں دی جاتی، وارداتوں کی وجہ سے شہری اپنی محنت کی کمائی سے محروم ہوجاتے ہیں۔

ڈائریکٹر جنرل قومی احتساب بیورو(نیب) کراچی نے محکمہ تعلیم اور محکمہ صحت میں اربوں روپے کےمیگا کرپشن کی تحقیقات کی منظوری دے دی ۔

نیب کی جانب جاری اعلامیے کے مطابق ڈی جی نیب کراچی نجف قلی مرزا کی سربراہی میں اجلاس ہوا جس میں ڈی جی نیب نے 6 انکوائیریز کو تحقیقات میں تبدیل کرنے کی منظوری دے دی ۔

اعلامیے کے مطابق محکمہ تعلیم اور محکمہ صحت میں اربوں روپے مالیت کے میگا کرپشن اسکینڈل کی تحقیقات کی منظوری دی گئی۔

نیب کے مطابق محکمہ تعلیم اور محکمہ صحت میں 11 غیر قانونی ٹھیکے من پسند کمپنیوں کو دیے گئے،محکمہ آرکائیو میں 2 ارب کے اسکینڈل کی تحقیقات کی بھی منظوری دی گئی۔

اس کے علاوہ سیہون ڈیولپمنٹ اتھارٹی کے ڈی جی اور دیگر افسران کے خلاف بھرتیوں اور تقرریوں کی تحقیقات کی بھی منظوری دی گئی ہے.

ورکس اینڈ سروسز ڈیپارٹمنٹ کے افسر مدد علی آرائیں کے خلاف بھئ آمدن سے زائد اثاثوں کی تحقیقات کی منظوری دی گئی۔

وزیراعلی سندھ نے کہا ہے کہ صوبائی حکومت کراچی سرکلر ریلوے کے لیے اپنا چھ ارب روپے کا حصہ ادا کرنے کے لئے تیار ہے۔

وزیراعلیٰ سندھ سید مراد علی شاہ کی زیر صدارت اجلاس میں نالوں کی صفائی، تجاوزات کے خاتمے، ڈزاسٹر مینجمنٹ پلان، کراچی سرکلر ریلوے منصوبے میں پیش رفت اور بی آر ٹی پر بریفنگ دی گئی۔

کمشنر کراچی نے بتایا کہ محمود آباد نالہ، گجر نالہ اور اورنگی نالہ بڑی حد تک کلیر کیے جاچکے ہیں۔متاثرین کو 82 کروڑ 33 لاکھ روپے سے زائد معاوضہ ادا کیا گیا ہے۔

ایف ڈبلیو او نے بتایا کہ کے سی آر روٹ پر واقع انڈرپاس اور فلائی اوور بنانے کی اسٹڈی کرلی ہے۔

ریلوے میں پہلی بار عید الاضحیٰ کے موقع پر عید اسپیشل ٹرینیں نہ چلانے کا فیصلہ کیا ہے۔

ترجمان ریلوے کا کہنا ہے کہ عید پر معمول کی ٹرینوں کے ساتھ دو، دو اضافی کوچز کی تجویز زیر غور ہے، ملت ایکسپریس حادثہ محکمہ ریلوے کو بوگیوں کی کمی کا سامنا ہے۔

ترجمان ریلوے کے مطابق ملت ایکسپریس حادثے کے بعد ایگزامنرز نے بوسیدہ بوگیوں کی کلیئرنس بند کردی، ملت ایکسپریس حادثے میں ایک ٹرین ایگزامنر کو معطل کیا جاچکا ہے۔

ذرائع کے مطابق محکمہ ریلوے کے پاس موجود 400 سے زائد بوسیدہ بوگیوں کو زبردستی چلایا جارہا تھا۔

دوسری جانب عید پر اسپیشل ٹرینیں نہ چلانے سے مسافروں کو پریشانی کا سامنا ہے۔

ذرائع کا کہنا ہے کہ بس والوں نے کرایوں میں بھی اضافہ کردیا، عید پر آبائی علاقوں میں جانے والے پردیسی بکنگ آفس پر پریشانی کا شکار ہیں۔

ترجمان ریلوے کا کہنا ہے کہ ریلوے نے بوگیوں کی عدم موجودگی پر عید اسپیشل آپریشن ملتوی کیا ہے۔