Category: کراچی

تھانہ اقبال مارکیٹ کی حدود راجہ تنویر کالونی میں جوتوں کے گودام میں آگ لگنے کا معاملہ

کراچی / ضلع ویسٹ اقبال مارکیٹ پولیس اسٹیشن کی حدود راجہ تنویر کالونی میں واقع جوتوں کے گودام میں رواں ھفتے میں دوسری مرتبہ آگ لگنے واقعہ پولیس تاحال معمہ حل نہ کر سکی تفصیلات کے مطابق راجہ تنویر کالونی میں جوتوں کے کارخانے کے مالک امان اللہ کو آج صبح اچانک آگ لگنے کی اطلاع ملی تو دکھ و غم سے نڈھال کو دل کا دورہ پڑ گیا یاد رھے کچھ دن قبل اسکے گودام میں خوفناک آگ لگی تھی جس سے کروڑوں روپے کا نقصان ھوا تھا گودام کے مالک امان اللہ کو اسپتال میں داخل کردیا گیا 15 پولیس اور علاقہ پولیس نے موقع پر پہنج کر فائر بریگیڈ کو طلب کیا اور آگ بجھائی علاقہ مکینوں کا کہنا ھے گودام کے مالک امان اللہ کے مخالفین نے آگ لگائی ھے پولیس اس سے قبل لگنے والی آگ کا معمہ حل نہیں کر پائی تھی کہ آج پھر آگ لگی.

حکومت نے قومی ایئرلائن (پی آئی اے) کے لیے 20 ارب روپے فنڈز اکھٹے کرنے کا نیا منصوبہ تیار کرلیا۔

تفصیلات کے مطابق پی آئی اے کیلئے 20ارب روپے فنڈز اکٹھے کرنے کی غرض سے ‘سکوک بانڈز’ کے اجرا کا فیصلہ ہوا ہے۔ اس حوالے سے جاری ہونے والے دستاویز میں کہا گیا ہے.

کہ قومی ایئرلائن کے لیے سکوک بانڈز کی مدت 10 سال کی ہوگی، گرین شو آپشن کے تحت مزید5 ارب روپے کے سکوک بانڈز فروخت کیے جاسکیں گے۔

دستاویز کے مطابق یہ بانڈز پاکستان اسٹاک ایکس چینج پر بھی لسٹ ہوں گے۔

اس ضمن میں دستاویز یہ بھی کہتا ہے کہ سکوک بانڈز سے حاصل رقم سے پی آئی اے مالی ضرورتیں پورا کرے گی۔ ذرایع کا کہنا ہے کہ بانڈز کی ضمانت کے طور پر پی آئی اے زمین، بلڈنگز اور جہازوں کو گروی رکھوایا جائے گا۔

*خوش خبری، اہم حکم نامہ جاری*

دوسری جانب سول ایوی ایشن اتھارٹی(سی اے اے) کے ملازمین کیلئے خوش خبری یہ ہے کہ انہیں جولائی کی تنخواہ عید سے قبل ہی دے دی جائے گی۔

سول ایسی ایشن اتھارٹی کے ملازمین کو رواں ماہ جولائی کی تنخواہ16تاریخ کو ادا کی جائے گی۔

لیاری گینگ وار کے سرغنہ عذیر بلوچ کے خلاف مزید دو کیسز میں ثبوت ہی نہیں مل سکا، ایڈیشنل ڈسٹرکٹ اینڈ سیشن جج جنوبی کی عدالت نے لیاری گینگ وار سرغنہ عزیر بلوچ کو عدم ثبوت کی بناء پر بری کر دیا۔

کراچی کے جوڈیشل کمپلیکس میں واقع ایڈیشنل ڈسٹرکٹ اینڈ سیشن جج جنوبی کی عدالت میں لیاری گینگ وار کے سرغنہ عذیر بلوچ و دیگر ملزماں کیخلاف دو مقدمات سے متعلق کیسز کی سماعت ہوئی.

دوران سماعت کلاکوٹ تھانے کے تفتیشی افسر کی جانب سے موقف اپنایا گیا کہ گینگ وار سرغنہ عذیر بلوچ، شاہد رحمان عرف ایم سی بی، زبیر بلوچ، ذاکر ڈاڈا، جاوید بلوچ کے خلاف پولیس مقابلہ،غیرقانونی اسلحہ اور دھماکہ خیزمواد رکھنے کا الزام ہے۔

عذیر بلوچ و دیگر ملزمان کے خلاف کلاکوٹ اور بغدادی تھانے میں 2012میں مقدمے درج کئے تھے، کیسز میں تین ملزمان پہلے ہی بری ہوچکے ہیں، گواہوں نے ملزمان کو شناخت کرنے سے انکار کر دیا تھا.

استغاثہ ایک بار پھر ثبوت پیش کرنے میں ناکام ہوگیا، عدالت نے دو مقدمات میں نامزد ملزمان کو بری کرنے کا حکم دے دیا

کراچی میں بدھ کی دوپہر تیز بارش نے گرمی کا زور توڑ دیا۔

مون سون کے اسپیل میں دوسری بارش نے موسم کو خوشگوار بنادیا۔ کراچی کے بیشتر علاقوں میں بادل برسنے سے سڑکوں پر پانی جمع ہوگیا اور ٹریفک کی روانی بھی متاثر ہوئی۔

محکمہ موسمیات نے پیر سے بدھ کے دوران طوفانی بارشوں کی پیشگوئی کی گئی تھی۔ اس دوران راولپنڈی، کراچی، حیدرآباد، ٹھٹہ، گوجرانوالہ اور پشاور کے ندی نالوں میں طغیانی کا خدشہ ظاہر کیا گیا۔

محکمہ موسمیات نے رواں ہفتے کے لئے تمام اداروں کو ہائی الرٹ رہنے کے احکامات جاری کردئیے جبکہ اس دوران گلگت بلتستان، خیبرپختون خوا کے پہاڑی علاقوں میں لینڈ سلائیڈنگ کا خطرہ بھی ظاہر کیا گیا ہے۔

محکمہ موسمیات نے یہ بھی کہا ہے کہ حالیہ بارشوں سے دریاؤں میں پانی کی صورتحال میں بہتری پیدا ہوگی

ایس ایچ او شاہ لطیف ٹاؤن کی گاڑی چوری ہونے کا واقعہ نیا رخ اختیار کرگیا، پولیس کے اعلیٰ حکام نے سب انسپکٹر کے پاس کروڑوں روپے مالیت کی گاڑی پر سرجوڑ لئے ہیں۔

باغی ٹی وی نے گذشتہ روز شاہ لطیف ٹاؤن کے ایس ایچ او نیک محمد کھوسہ کی گاڑی گھر کے باہر سے غائب ہونے کی خبر بریک کی تھی، جس کے بعد پولیس کی دوڑیں لگ گئیں۔

بعد ازاں تحقیقات کا آغاز کیا گیا تو اہم انکشافات سامنے آئے، ایس ایچ او نیک محمد کھوسہ اپنی نئی سفید ریو گاڑی چھپانے کے لیے افسران اور میڈیا میں جھوٹ بولتے رہے.

ایس ایچ او کی جانب سے پہلےکہا گیا کہ گاڑی چوری ہوئی، بعد اپنا بیان تبدیل کرتے ہوئے کہا کہ گاڑی کو شو روم والے کام سےلےگئے تھے، اب گاڑی مل گئی ہے، گاڑی چوری کا کوئی واقعہ پیش نہیں آیا۔

ڈی آئی جی نے خود اس معاملے کی تحقیقات کرائیں تو انکشاف ہوا کہ معاملہ ڈکیتی کا ہے، فوری طور پر ایس ایچ او شاہ لطیف ٹاؤن نیک محمد کھوسہ کو فوری طور پر معطل کیا گیا۔

پولیس کے اعلیٰ حکام سر جوڑ کر بیٹھ گئے کہ سب انسپکٹر کے پاس ایک کروڑ کی گاڑی کیسی آئی؟ اس کے تحقیقات شروع کردی گئی ہے۔

شہری کے خلاف آئس کا مبینہ جھوٹا مقدمہ بنانے کا معاملہ

پولیس اہلکار نے پیٹی بند بھائیوں کی حقیقت عدالت کے سامنے بیان کردی

پولیس اہلکار محمد زبیر نے جوڈیشل مجسٹریٹ کے سامنے اپنا بیان ریکارڈ کرادیا.محمد زبیر نے اپنےبیان میں بتایا کہ پولیس نے شہری اسرار کے خلاف آئس کا جھوٹا مقدمہ بنایا ہے،22 اپریل 2021 کو میری ڈیوٹی صدر پولیس اسٹیشن لگائی گئی۔گلستان جوہر میں شاہراہ فیصل پولیس کے ہمراہ اقراء کمپلیکس میں کاروائی کی تھی،
کاروائی میں تین افراد حسنین حیدر ،چوکیدار اور اسرار کو حراست میں لیا تھا،اسرار کے گھر سے ہمیں ایک پستول ملا تھا جس کا لائسنس اس نے دیکھایا تھا،ہم تین افراد کو لے کر صبح چھ بجے صدر پولیس اسٹیشن پہنچے،جب میں اگلی رات ڈیوٹی پرواپس آیا تو ایس آئی او نے حسنین حیدر اور چوکیدار کو چھوڑ دیا تھا۔

گرفتاری کے وقت حسنین حیدر نے بتایا تھا کہ ڈانس پارٹی میں آئس سپلائی کرتا ہوں،ایس آئی او عامر ویرک نے شہری اسرار کے خلاف جھوٹا بیان دینے کا کہا مگر میں انکار کردیا۔میں اپنا بیان بذریعہ ڈاک ڈی آئی جی ساوتھ کو بھیجا دیا تھا،

پولیس اہلکار کےبیان کی وجہ سے مجھ پر دباو ڈالا جارہا ہے اور معطل بھی کرادیا گیا ہے،شہری اسرار بے گناہ ہے اور اس پر جھوٹا مقدمہ بنایا گیا ہے۔

حکومت سندھ نے کورونا کے بڑھتے ہوئے کیسز کے باعث ایک بار پھر اسکولز، پارکس اور ہوٹل بند کرنے کا فیصلہ کیا ہے۔

وزیراعلیٰ سندھ مراد علی شاہ کی زیر صدارت صوبائی کووڈ ٹاسک فورس کے اجلاس میں کورونا کے بڑھتے ہوئے کیسز پر تشویش کا اظہار کیا گیا اور وبا کی روک تھام کے لیے نئی پابندیاں لگانے کا فیصلہ کیا گیا۔

اجلاس میں انڈور ڈائننگ کو کل رات سے بند کرنے کا فیصلہ کیا گیا اور ساتھ ہی سندھ بھر کے اسکولوں میں پہلی سے آٹھویں جماعت تک کلاسز کو جمعہ سے بند کرنے کا فیصلہ کیا گیا.

جبکہ نویں دسویں جماعت اور اس سے اوپر کی کلاسز بھی صرف امتحابات کے لیے کھلی رکھنے کی اجازت ہو گی۔

‏اپوزیشن لیڈر سندھ اسمبلی حلیم عادل شیخ کا وڈیو بیان سامنے آیا۔

جس میں حلیم عادل شیخ نے سندھ حکومت پر تنقید کرتے ہوئے کہا سندھ حکومت کہتی ہے کہ کچھ خرچ نہیں ہوا، اگر کراچی ڈوبا تو وزیراعلیٰ اور ان کے درباری ذمیدار ہونگے.

ریاست زرداری کے وزراء وفاق اور NDMA کی جانب سے صاف کرائے گئے۔ نالوں پر فوٹو سیشن کروارہے ہیں، تینوں نالوں کی صفائی کے لیے وفاق نے این ڈی ایم اے کو 35 ارب روپے جاری کیے،۔

تینوں نالوں کی صفائی کا 70 فیصد کام مکمل ہوچکا ہے، سندھ حکومت کے ماتحت کے ایم سی کے 41 اور ڈی ایم سیز کے 500 سے زائد نالے صاف نہیں ہوسکے ہیں۔

وفاق نے سندھ حکومت کو متاثرین کے لیے 1325 ملین روپے بھی جاری کرچکا ہے، ‏ملین روپے یوٹیلٹی کے کاموں کے لیے بھی جاری ہوچکے ہیں۔

صفائی کے لیے اب بحریہ ٹاؤن کے جرمانے کے پیسوں پر آنکھیں لگائی ہوئی ہیں۔

جس شہر سے 90 فیصد روینیو لیتے ہیں اس پر ایک روپیہ بھی سندھ حکومت لگانے کو تیار نہیں، ‏لیکن انہیں صرف ایڈمنسٹریٹر بننے کا شوق ہے۔