Category: کراچی

سندھ بھر میں انسداد پولیو مہم جاری ہے، مہم کے دوران تقریباً 90 لاکھ بچوں کو پولیو سے بچاو کے قطرے پلائے جائیں گے۔پاکستان کو پولیو سے پاک کرنے کےلیے انسداد پولیو مہم جاری ہے، سندھ بھر میں انسداد پولیو مہم تین روز قبل شروع ہوگئی جو 4 اپریل تک جاری رہے گی۔ مہم کے دوران تقریباً 90 لاکھ بچوں کو پولیو سے بچاو کے قطرے پلائے جائیں گے۔ترجمان آئی یو سی کا کہنا ہے کہ سندھ میں گزشتہ جولائی سے اب تک ایک بھی پولیو کیس رپورٹ نہیں ہوا۔یاد رہے کہ سنہ 2020 میں ملک میں 84 پولیو کیسز ریکارڈ کیے گئے، سب سے زیادہ پولیو کیسز بلوچستان سے سامنے آئے جن کی تعداد 26 ہے۔اس کے بعد سندھ اور خیبر پختونخواہ میں 22، 22 کیسز ریکارڈ ہوئے جبکہ پنجاب سے 14 پولیو کیسز سامنے آئے۔رواں برس اب تک بلوچستان میں 1 پولیو کیس ریکارڈ کیا گیا ہے۔

این اے 249, یوسی 31 میں پاک سر زمین پارٹی نے دیا تحریک انصاف کو ایک اور بڑا جھٹکا۔تحریک انصاف کے رکن شیر باز آفریدی کا ڈیرہ جو کہ پی ٹی آئی کا الیکشن آفس تھا پی ایس پی کے الیکشن آفس میں تبدیل ہوگیا. پی ایس پی کے زمہ داران کے ساتھ آفس کی تیاری کے موقعے پر خوشی کا اظہار کرتے ہوئے ویڈیو بنائی۔‏NA 249 NC 31 ساتھی شیر باز آفریدی – جنرل سیکریٹری حصام صابر ، ممبر NC فرحان انصاری KOC ممبران ساتھ- شیر باز آفریدی بھائی نے اپنا ڈیرہ جو کہ PTI کا الیکشن آفس تھا PSP کے الیکشن آفس میں کنورٹ کر دیا اور تمام لوگ سید مصطفی کمال کے قافلہ میں شامل ہوگۓ۔249 NA الیکشن کی تیاری زور و شور سے جاری ہے۔

کراچی: سچل کے علاقے میں کچرا چننے والے نو عمر لڑکے کو بدفعلی کرنے کی کوشش میں ملوث ملزم کو علاقہ مکینوں نے درگت بنانے کے بعد پولیس کے حوالے کردیا سچل پولیس کے مطابق 10 سالہ جنت گل کو چنگچی رکشے میں سوتا دیکھ کر ایک شخص اسے اٹھا کر جھاڑیوں میں لے جا کر بدفعلی کرنے کی کو شش کرنے لگا جس پر نو عمر لڑکے نے چیخ و پکار شروع کردی۔ اس دوران علاقہ مکین جمع ہو گئے جنہوں نے ملزم کو پکڑ کر تشدد کا نشانہ بنانے کے بعد اسے پولیس کے حوالے کردیا، پولیس کا کہنا ہے کہ متاثرہ لڑکے اور ملزم کا اسپتال سے میڈیکل چیک اپ کرایا جائے گا۔

تفصیلات کے مطابق کراچی کے علاقے کورنگی میں مالک مکان کرایہ دار کی 6 سالہ معصوم بچی سے زیادتی کی کوشش کے بعد فرار ہوگیا جس کے خلاف تھانہ عوامی کالونی میں مقدمہ درج کر لیا گیا ہے۔ ذرائع کے مطابق کورنگی کے علاقے عوامی کالونی میں کرائے کے مکان میں بیوہ خاتون اپنے بیٹے نوید اور 6 سالہ بیٹی مائرہ کے ساتھ 2 ماہ سے رہائش پذیر تھے۔ نوید نے بتایا کہ میں اور میری والدہ دونوں ایک گارمنٹ فیکٹری میں کام کرتے ہیں اور منگل کی صبح گھر پر موجود تھے۔نوید کے بیان کے مطابق اس کی چھوٹی بہن کھیلتے ہوئے مالک مکان کے گھر پہنچ گئ۔ والدہ نے بہن کو آواز دی لیکن وہ نہیں آئی۔ والدہ مالک مکان نذیر کے گھر پہنچیں تو اسے میری بہن مائرہ کے ساتھ زیادتی کی کوشش کرتے دیکھ لیا۔ انہوں نے مائرہ کو بچا لیا۔بعد ازاں بچی کی والدہ نے ادارہ برائے انسانی حقوق سے رابطہ کرکے ادارے کی ٹیم کے ہمراہ تھانہ عوامی کالونی پہنچیں اور مالک مکان کے خلاف مقدمہ درج کرایا۔ بچی کو میڈیکل معائنے کیلئے ہسپتال روانہ کردیا گیا۔

کراچی: اسٹیٹ بینک آف پاکستان (ایس بی پی) نے عالمی مالیاتی فنڈز (آئی ایم ایف) سے  50 کروڑ ڈالرز قرض موصول ہونے کی تصدیق کردی۔ اسٹیٹ بینک آف پاکستان کے ترجمان نے تصدیق کی کہ آئی ایم ایف سے500 ملین ڈالرقرض کی قسط منگل تیس مارچ کو موصول ہوئی ہے۔
اسٹیٹ بینک کے مطابق آئی ایم ایف سے ملنے والی قرض کی قسط کی مجموعی مالیت 498.7 ملین ڈالر کے قریب ہے۔ واضح رہے کہ عالمی مالیاتی فنڈز کے ایگزیکٹیو بورڈ نے 25 مارچ کو پاکستان کو قرض کی قسط جاری کرنے کی منظوری دی تھی۔ یہ قسط بجٹ  میں مالی مدد فراہم کرنے کے لیے دی جارہی ہے۔ آئی ایم ایف کی جانب سے قرض رقم کی منظوری کے حوالے سے اعلامیہ بھی جاری کیا گیا۔ جس میں بتایا گیا تھا کہ ایگزیکٹیو بورڈ نے اقدامات کا جائزہ لینے کے بعد پچاس کروڑ ڈالرز دینے کی منظوری دی۔ آئی ایم ایف نے اپنے اعلامیے میں بتایا تھا کہ جولائی 2019 میں پروگرام کی پہلی قسط کی منظوری دی گئی تھی، ادائیگی سے توسیعی فنڈ کی سہولت کے تحت مجموعی طور پر دو ارب ڈالرز کی فراہمی کی گئی اعلامیے میں بتایا گیا تھا کہ معیشت کو سہارا دینے پاکستان کی پالیسیاں مبصرانہ رہیں جب کہ پاکستان نے شرح نمو میں اضافے اور ادارہ جاتی اصلاحات کےلیے جارحانہ اقدامات بھی کیے۔ آئی ایف ایم اعلامیے میں اس بات پر بھی زور دیا گیا تھا کہ حکومتی ملکیتی کمپنیوں کی کارکردگی کو بہتر اور شفاف بنانا ہوگا۔آئی ایم ایف کا کہنا تھا کہ پاکستان کو مزید اصلاحات سے معاشی اعتماد اور نجی سرمایہ کاری کو تقویت دینا ہوگی اور کاروباری ماحول کو بہتر کر کے روزگار کے مواقع پیدا کرنا ہوں گے۔ اعلامیے میں کہا گیا ہے کہ منی لانڈرنگ اور تخریبی فنانسنگ کی روک تھام کے ایکشن پلان کو مکمل کرنا ہوگا اور انسداد بدعنوانی کے اداروں کے مطالبات کو پورا کرنا ہوگا۔

چئیرمین پاک سر زمین پارٹی سید مصطفی کمال نے کہا کہ این اے 249 کے مسائل اور انکے حل کو ہم سے بہتر کوئی نہیں جانتا۔ میرا کردار سب کے سامنے ہے، کرپشن نہیں کی اور نہ کوئی انڈسٹری لگائی ہے. ان خیالات کا اظہار انہوں نے مرکزی الیکشن آفس این اے 249 میں یوسی 30، وانڈا برادری کے حاجی زر خان اور حاجی عالم خان، بلدیہ ٹاؤن، مہاجر کیمپ، 02 نمبر پر متحد مسلم کچھی کمہار جماعت کے معززین،بلدیہ ٹان، 04 نمبر، یوسی 34 میں گھانچی برادری، بلدیہ ٹان، یوسی 30، 24 نمبر پر مختلف برادریوں سے ملاقاتیں اور بلدیہ ٹان، سیکٹر 21/A میں کشمیری برادری کے اجتماعات سے خطاب کرتے ہوئے کیا۔ انہوں نے کہا کہ بلدیہ ٹاؤن کے علاقے میں آخری بار پانی اور دیگر سہولیات میرے دور نظامت میں ملیں۔ میں نے اسٹیڈیم اور بس ٹرمینل، درجنوں پارکس بنا کر دیئے۔ لیکن افسوس سب کچھ تباہ کردیاگیا۔ میرا کردار سب کے سامنے ہے، کرپشن نہیں کی اور نہ کوئی انڈسٹری لگائی ہے۔ عوام کی خدمت میرا روزگار نہیں ہے۔ کراچی کے مسائل کراچی والا ہی سمجھ سکتا ہے انہوں نے مزید کہا کہ ہم نے گزشتہ پانچ سال میں ایک بھی یو ٹرن نہیں لیا۔ لوگ ہمارے کردار اور قابلیت کی وجہ سے ہمارے ساتھ جڑ رہے ہیں۔ چالیس سالوں سے جاری بندوق اور گولی کی سیاست کو پی ایس پی نے پھولوں سے ختم کردیا ہے، یہ حالیہ انسانی تاریخ کا معجزہ ہے۔

سائیں سرکار کے وزیر ٹرانسپورٹ اویس قادر شاہ صاحب نے آج میڈیا کے سامنے صرف ایک بس کا افتتاح کرتے ہوئے اس میں آزمائشی سفر بھی کیا، جبکہ ذراہع کے مطابق وہ بس بھی ایک نجی کمپنی کی نکلی، حقیقت یہ ہے کہ پیپلزپارٹی کی نااہل سندھ حکومت 13 سالوں میں ٹھیک طرح سے سندھ کو ٹرانسپورٹ سروس بھی مہیا نہی کرپائی ھے۔ واضع رہے کہ آج ہی سندھ کے وزیر ٹرانسپورٹ سید اویس شاہ نے کراچی میں پاکستان کی پہلی الیکٹرک بس کا آغاز کیا گیا تھا۔ان کا دعوہ تھا کہ کراچی کیلئے مزید الیکٹرک بسیں چلائی جائیں گی جبکہ ابھی کچھ دیر پہلے ہی رکن اسمبلی راجہ اظہر نے اپنے ٹوئٹ بیان میں کہا کہ ایک بس چلائی گئی اور وہ بس بھی ایک نجی کمپنی کی نکلی۔یوں سائیں سرکار کا ایک اور وعدہ جھوٹا ثابت ہوگیا.

صوبہ سندھ میں گزشتہ 24 گھنٹوں میں 7853 ٹیسٹ میں کورونا کے مزید 275 کیسز رپورٹ ہوئے ہیں، جبکہ دو مریض انتقال کرگئے۔ مراد علی شاہ نے کورونا وائرس کی صورتحال پر بیان میں بتایا کہ سندھ میں گزشتہ 24 گھنٹوں میں 7853 ٹیسٹ میں 275 کیسز رپورٹ ہوئے جبکہ گزشتہ 24 گھنٹوں میں کورونا سے 2 مریض انتقال کرگئے۔ جس کے بعدصوبے میں کورونا سے اموات کی مجموعی تعداد 4497 ہوگئی۔ آج مزید 100 مریض صحتیاب ہوئے ہیں، جس کے بعد صحت یاب مریضوں کی تعداد 256052 ہوگئی۔ اب تک صوبہ میں کورونا کے 3288631 ٹیسٹ میں 265432 کیسز رپورٹ ہوچکے۔ صوبے کے 275 نئے کیسز میں سے 180 کا تعلق کراچی سے ہے، کراچی کے ضلع شرقی میں 99، ضلع جنوبی 28، ملیر 23، ضلع غربی 18 ضلع وسطی 8 اور کورنگی میں 4 مزید کیسز رپورٹ ہوئے۔

پاک سر زمین پارٹی کے چیئرمین سید مصطفی کمال نے جانی خیل میں چار پختون نوجوانوں کے قتل پر گہرے افسوس اور تشویش کا اظہار کرتے ہوئے کہا ۔علاقے میں امن و امان کے قیام اور شہریوں کی جان و مال کی زمہ داری حکومت پر عائد ہوتی ہے۔ خاص طور پر ایسے علاقے جہاں بنیادی سہولیات کے فقدان اور محرومیوں کی وجہ سے امن و امان کی صورتحال پہلے سے موجود ہے وہاں ایسے واقعات کا رونما ہونا اور حکومتی بےحسی کی وجہ سے ورثاء کا کئی دنوں تک اپنے پیاروں کی لاشوں کو نا دفنانا صورتحال کو مزید پیچیدہ بنا سکتا ہے۔ انتطامیہ اور لواحقین کے درمیان امن معاہدہ ہونا باعث اطمینان ضرور ہے لیکن حکومت اس بات کو یقینی بنائے کہ آئندہ اسطرح کے واقعات دوبارہ رونماء نا ہوں۔ ان خیالات کا اظہار انہوں نے این اے 249 میں پختون نوجوانوں کے وفد سے ملاقات کرتے ہوئے کیا۔ انہوں نے وفاقی حکومت سے واقعے کی شفاف اور غیر جانبدارنہ تحقیقات اور متاثرین کو انصاف کی فراہمی یقینی بنانے کا مطالبہ کیا۔ چئیر مین پی ایس پی سید مصطفی کمال نے مقتول نوجوانوں کے لواحقین سے دلی تعزیت وہمدردی کا اظہار کرتے ہوئے مرحومین کے درجات کی بلندی اور اہل خانہ کے لیے صبرِ جمیل کی دعا بھی کی۔