Category: کراچی

ارکان سندھ کو معطل کرنے کا معاملہ / شیری رحمان کا بیان کتے کے کاٹنے کی وجہ سے فریال تالپور کی رکنیت کینسل کرنے کا حکم قابل تشویش ہے، کتے کے کاٹنے کا تعلق اسمبلی ارکان سے جوڑنے پر افسوس ہوا، کیا وزیراعظم کے حلقے میں ایسے واقعات ہونے پر ان کو معطل کرنے کا حکم ہوگا؟ پارلیمان کے تقدس کا خیال کیاجائے، کوئی رکن اسمبلی نہیں چاہتا اس کے حلقے میں ایسے واقعات ہوں،2020 میں پنجاب کے 90 ہزار لوگ کتے کے کاٹنے کا شکار ہوئے،کسی نے مطالبہ نہیں کیا کہ وزیراعلی پنجاب یا رکن پنجاب اسیمبلی کی رکنیت معطل کی جائے، عدالت فریال تالپور کے خلاف اس فیصلے پر نظر ثانی کرے.

تحریک منہاج القرآن نے ”نظام المدارس پاکستان“ کا نیا نصاب پیش کر دیا درس نظامی کا موجودہ ماڈل 272سال پرانا ہے ڈاکٹر طاہرالقادری یہ نصاب اورنگزیب عالمگیر کے زمانے میں ملا نظام الدین فرنگی محلی نے ترتیب دیاتھا مدارس دینیہ میں ایسا نصاب پڑھایا جائے کہ فارغ التحصیل طلباء زندگی کے ہر شعبہ میں کامیابی حاصل کریں مسجد، مدرسہ اور خانقاہ کے تعلیمی، تربیتی کردار کا احیاء چاہتے ہیں شیخ الاسلام کا قومی کانفرنس سے خطاب ڈاکٹر طاہرالقادری نے ویڈیو لنک پر، ،کراچی،کوئٹہ، پشاور،میرپور سمیت 300چھوٹے، بڑے شہروں میں خطاب کیا۔کراچی 18مارچ 2021ء قائد تحریک منہاج القرآن شیخ الاسلام ڈاکٹر محمد طاہرالقادری نے مدارس دینیہ کے نصاب کے موضوع پر جامعہ رحمانیہ طارق روڈ میں منعقدہ قومی کانفرنس میں ”نظام المدارس پاکستان“کا نیا نصاب پیش کر دیا ہے۔ انہوں نے علمائے کرام کو دعوت دی کہ وہ جو تجاویز دیں گے کھلے دل کے ساتھ قبول کریں گے۔ ہمارا کسی بورڈ،مکتب فکر سے کوئی مقابلہ نہیں ہے، ایسی سوچ کو بھی گناہ سمجھتا ہوں۔ہم اسلاف کی اعلیٰ علمی،اخلاقی اقدار کے احیاء کیلئے جدوجہد کررہے ہیں، میں مکالمہ پر یقین رکھتا ہوں۔ ڈاکٹر طاہرالقادری نے قومی کانفرنس سے خطاب کرتے ہوئے کہا کہ درس نظامی کا موجودہ نصاب 272سال پرانا ہے۔ آخری بار اورنگزیب عالمگیر کے زمانے میں اسے اس وقت کے معروف عالم دین ملا قطب الدین سہالوی کے صاحبزادے ملا نظام الدین فرنگی محلی نے ترتیب دیا تھا۔سوال یہ ہے کہ 272سال پرانا درسِ نظامی آج کے زمانے کے تقاضے کس حد تک پورے کر سکتا ہے؟ دنیا بھر میں زمانے کے حالات و واقعات کے مطابق نصاب پر نظر ثانی ہوتی رہتی ہے، برصغیر میں انگریز کی آمد سے مدارس دینیہ کا نصاب جمود کا شکار ہو گیا۔ اب وقت آگیا ہے کہ اس جمود کو توڑا جائے۔عالم دین کو علم، گفتار، کردار اور اخلاق کے اعتبار سے سوسائٹی میں منفرد اور ممتاز نظر آنا چاہیے۔ اللہ کی ذات کو تحرک پسند ہے، سچا عالم علمی جمودکا شکار نہیں ہو سکتا، اسلام قیامت تک کے سیاسی، سماجی، معاشی تقاضے پورے کرنے کی تعلیمات اور فکر کا حامل ہے۔عالم وہ ہے جس کا علم اس کی زندگی میں ہر وقت بڑھتا رہے۔ اعتدال اور علم و تقویٰ پر مبنی اسلامی معاشرہ کی تشکیل کے لئے مسجد، مدرسہ اور خانقاہ کے علمی، تربیتی اور روحانی کردار کا احیاء ضروری ہے۔ اس کے لئے عصری تقاضوں سے ہم آہنگ نصاب ناگزیر ہے۔ انہوں نے نظام المدارس پاکستان کے متعارف کروائے گئے نئے نصاب کے حوالے سے گفتگو کرتے ہوئے کہا کہ نظام المدارس پاکستان میں زیر تعلیم طالب علم 8سال کے تدریسی عرصہ کے دوران نصابی کتب کے ساتھ ساتھ 364کتب کا مطالعہ کرے گا، اُسے علوم القرآن، علوم الحدیث، سیرت، تصوف، عقائد کے ساتھ اخلاقیات اور دوسرے مسالک اور مذاہب کے ساتھ ہم آہنگی اورمکالمہ کی بھی تعلیم دی جائے۔ انہوں نے کہا کہ حضور نبی اکرم ﷺ نے یہودیوں،رومیوں کی زبان سیکھنے کا بھی حکم دیا تھا تاکہ ان کی زبان میں انہیں جواب دیا جاسکے۔ دیگر اقوام کی زبانوں کو سیکھنا سنت نبوی ﷺ ہے، اسلام میں تنگی نہیں کشادگی اور توسع ہے، ہم اپنے آپ کو مسالک کے خانوں میں بند کر کے اسلام کے عالمگیر پیغام اور تعلیمات کی حقیقی برکات اور ثمرات نہیں سمیٹ سکتے۔ انہوں نے کہا کہ نظام المدارس پاکستان کے نصاب میں ا ساتذہ کیلئے تعلیمی ریفریشر کورسز بھی متعارف کروائے گئے ہیں۔ علم و عمل میں پختہ استاد ہی حقیقی وارثان انبیاء کی ایک نسل تیار کر سکتا ہے۔ قومی کانفرنس نظام المدارس پاکستان کے زیر اہتمام آن لائن منعقد ہوئی۔مرکزی تقریب منہاج القرآن انٹرنیشنل کے مرکزی سیکرٹریٹ پر ہوئی۔ شیخ الاسلام ڈاکٹر طاہرالقادری نے ویڈیو لنک پر لاہور، کراچی،فیصل آباد،راولپنڈی،ملتان،گوجرانوالہ،جہلم،سیالکوٹ، گجرات،حیدر آباد،کوئٹہ،میر پور، ساہیوال، اوکاڑہ، پشاور، ہزارہ سمیت پاکستان کے 300چھوٹے، بڑے شہروں میں علمائے کرام، مہتممین و مدرسین کو خطاب کیا اور نیا نصاب پیش کیا۔نصاب مطالعہ کے لئے منہاج القرآن اور نظام المدارس پاکستان کے سوشل میڈیا لنکس پر دستیاب ہے۔۔ ڈاکٹر طاہرالقادری نے کہا کہ مدارس دینیہ کا ایسا علمی کردار اور مقام چاہتا ہوں کہ یہاں کا فارغ التحصیل طالب علم چاہے تو مسجد میں چلا جائے، چاہے تو اپنی صلاحیتیں بروئے کار لا کر زندگی کے کسی بھی شعبے میں اپنی صلاحیتوں کا لوہا منوا سکے،انہوں نے کہا کہ یہ اسی صورت ممکن ہے کہ طالب علم کو دنیوی تعلیم کے ساتھ ساتھ دینی تعلیم و تربیت بھی دی جائے۔ انہوں نے کہا کہ میں خود کو کبھی عالم نہیں سمجھتا جب انسان عالم سمجھتا ہے تو علم میں اضافے کا عمل رک جاتا ہے۔ میں خود کو ہمیشہ متعلم سمجھتا ہوں۔انہوں نے کہا کہ منہاج القرآن علم کی تحریک ہے اور بہت جلد ہم ایک بہت بڑا شہر علم آباد کرنے جارہے ہیں۔اس موقع نظام المدارس پاکستان کے نائب ناظم اعلیٰ مفتی مکرم خان قادری سمیت بڑی تعداد میں علماء مشائخ،اسکالرز موجود تھے.

23مارچ کراچی میں نظام بدلو بائیک ریلی تاریخ رقم کرے گی۔صاحبزادہ ثاقب نوشاہی بدلے گا نظام تو بدلے گا پاکستان کراچی کی خوشحالی کیلئے قوم بائیک ریلی کا حصہ بنے۔راؤ کامران محمود نظام کی تبدیلی کی جدوجہد میں پاکستان عوامی تحریک کی قیادت و کارکنان کی بڑی قربانیاں ہیں پی اے ٹی کی بائیک ریلی کی تیاریوں کے سلسلے میں ڈاکٹر عدنان سامی،علامہ نعیم انصاری و دیگر کا لیاقت آباد اور جہانگیر روڈ کا دورہ پاکستان عوامی تحریک کراچی کے تحت 23مارچ یوم پاکستان پر نکلنے والی نظام بدلو بائیک ریلی کے سلسلے میں قائدین کے شہر کراچی کے دورہ جات جاری ہیں۔اس سلسلے میں پاکستان عوامی تحریک کراچی کے سینئر نائب صدر ثاقب نوشاہی،نائب صدر ڈاکٹر عدنان سامی،جنرل سیکرٹری راؤ کامران محمود،نوید عالم،عطاء الرحمان ہاشمی،علامہ نعیم انصاری و دیگر نے لیاقت آباد تاؤن اور جمشید روڈ کا دورہ کیا اور عوامی رابطہ مہم کے اجتماعات سے خطاب کیا۔ان قائدین نے کہا 23مارچ کراچی میں نظام بدلو بائیک ریلی تاریخ رقم کرے گی۔نظام کی تبدیلی کی جدوجہد میں پاکستان عوامی تحریک کی قیادت و کارکنان کی بڑی قربانیاں ہیں۔جب تک نظام نہیں بدلے گا ملک و ملت کی تقدیر نہیں بدل سکتی۔انھوں نے کہا کراچی مسائلستان بنا ہوا ہے وقت آگیا ہے قوم کے مسائل کے حل کیلئے ملکر جدوجہد کی جائے۔کراچی کے مسائل کے حل کیلئے کوئی سنجیدہ نہیں سب ووٹ کیلئے عوام کو بیوقوف بنا رہے ہیں کراچی کی تباہی کی ذمہ دار وہی پارٹیاں ہیں جو اب تک اقتدار کے مزے لیتے رہی ہیں۔انھوں نے اپیل کی پاکستان اورکراچی کی خوشحالی کیلئے قوم بائیک ریلی کا حصہ بنے اور کرپٹ نطام کے خاتمے کیلئے ہمارا ساتھ دے۔

کراچی میں بلوچ کالونی پل کے قریب ٹریفک پولیس اہلکار اور شہری میں ہاتھا پائی ہو گئی۔سڑک پر گاڑی کھڑی کرنے کے باعث ہونے والی ہاتھا پائی میں ایک دوسرے پر لاتوں اور گھونسوں کا بے دریغ استعمال بھی کیا گیا۔جھگڑے کے دوران دوسرے ٹریفک اہلکار نے بھی شہری کی پٹائی کی۔گزشتہ روز پیش آنے والے واقعے کا مقدمہ ٹیپو سلطان تھانے میں درج کر لیا گیا ہے۔

پی ٹی آئی رکن سندھ اسمبلی دعا بھٹو کی سندھ اسمبلی کے باہر ہیڈ ماسٹرز کی احتجاجی کئمپ میں شرکت دعا بھٹو نے سندھ اسمبلی کے باہر احتجاج کرنے والے اساتذہ سے یکجہتی کا اظہار کیا پی ٹی آئی رکن سندھ اسمبلی شاہنواز جدون ایڈووکیٹ ملک الطاف و دیگر بھی ان کے ہمراہ شریک تھے۔
دعا بھٹو نے آئی بی پاس اساتذہ سے یکجہتی کا اظہار کرتے ہوئےکل ہونے والے تشدد کے واقعے کی مذمت بھی کی گزشتہ روز بہت ہی افسوس ہوا سندھ کی بیٹیوں کو حقوق مانگنے پر سڑکوں پر گھسیٹا گیا۔ آئی بی اے ٹیسٹ پاس ہیڈ ماسٹرز کو مسقتل نہیں کیا جارہا ہے۔سندھ حکومت ان کی جگہ لاکھوں روپے رشوت لیکر اپنے لوگ بھرتی کروانا چاہتی ہے۔کل سندھ کی عزتوں کو سڑکوں پر رسوا کیا گیا سندھ کی یہ بیٹیاں بھی بختاور اور آصفہ جیسی ہیں۔ پی ٹی آئی ان کے مطالبات کی حمایت کرتی ہے ہر ممکن قانونی مدد کریں گے۔ سندھ کی بیٹیوں کو یوں رسوا ہونے نہیں دیں گے۔

کراچی۔ایم کیو ایم پاکستان کے 37ویں یوم تاسیس کے حوالے سے خالد مقبول صدیقی کی پریس کانفرنس کراچی۔پریس کانفرس میں خالد مقبول صدیقی کے ہمراہ عامر خان،وسیم اختر و دیگر بھی موجود کراچی۔دنیا بھر میں بسنے والے ایم کیو ایم کے کارکنوں کو یوم تاسیس کی مبارک باد دیتے ہیں۔ایم کیو ایم کے آج 37 سال پورے ہوگئے،ہماری خواہش تھی کہ 18 مارچ یوم تاسیس کے دن جلسہ کرسکیں،کراچی حالات کے پیش نظر آج کا یوم تاسیس سادگی سے منایا جارہا ہے،کراچی۔شام کو اپنے کارکنوں و ہمدردوں کے ساتھ یوم تاسیس کی خوشی منائیں گے،کراچی۔25 مارچ کو نشتر پارک میں جلسہ کریں گے،کراچی۔اگر کچھ شر پسند عناصر آج کے دن کی مناسبت سے اس شہر کے امن کو خراب کرنا چاہتے ہیں،کراچی۔شہر میں امن و امان کی صورتحال کو قابو رکھنا و بہتر کرنا حکومت کی زمہ داری ہے،کراچی۔37 سالہ تاریخ میں ہم نے اپنے حصے سے زیادہ قربانی دی ہے،کراچی۔ملک بھر میں جمہوریت کو مستحکم کرنے کے لئے اقدامات ناگزیر ہیں،کراچی۔سندھ کے شہری اور دیہی علاقوں کے درمیان جو خلیج پیدا کی گئی اسے ختم کرنے کے لئے ہم نے ہمیشہ پہل کی کراچی۔آج اس یوم تاسیس پر یہ عظم کرتے ہیں کے تمام تر مخالفت کے باوجود ہم اپنے مڈل کلاس لیڈر شپ کو ایوانوں میں پہنچانے کی کوشش کریں گے،کراچی۔جمہوریت میں گزشتہ دنوں بھی خرید و فروخت چلی ہے کراچی۔ہم نے آج ایک اسکول ٹیچر کو سینیٹ کے ایوان تک پہنچایا ہے،کراچی۔ہم نے خود کو کبھی فروخت نہیں کیا،نہ کبھی سودے بازی کی سیاست کی،کراچی۔ہم اپنی سیاست کو کبھی تبدیل نہیں کریں گے.

کراچی بدلتی سیاسی صورت حال اور سیاسی مخالفین کو ٹف ٹائم دینے کے لئے سندھ حکومت نے کابینہ میں ردوبدل کا فیصلہ کیا ہے۔ سندھ کابینہ میں ایک بار پھر تبدیلیوں پر غور شروع کردیا گیا ہے، بعض وزرا کو کابینہ سے فارغ کرنے اور کچھ نئے چہرے سامنے لائے جانے کے لئے تجاویز تیار کی گئی ہیں۔ ممکنہ طور پر محکمہ اطلاعات سمیت مختلف وزرا کو نئی ذمہ داریاں دینےکا امکان ہے،صوبائی کابینہ میں ردوبدل کا حتمی فیصلہ چیئرمین پاکستان پیپلز پارٹی بلاول بھٹو کرینگے۔گذشتہ روز وزیراعظم عمران خان نے ایک بار پھر وفاقی کابینہ میں رد وبدل کا فیصلہ کیا، فیصلے کے تحت نئے چہروں کو اہم ذمہ داریاں دی جائیں گی۔ذرائع کے مطابق بیرسٹر علی ظفر، انوار الحق کاکڑ اور فیصل جاوید کو کابینہ میں شامل کرنے پر غور کیا جارہا ہے جبکہ شبلی فراز اور فیصل واوڈا نے بھی سینیٹربننےکے بعد وفاقی عہدوں کاحلف نہیں اٹھایا۔دوسری جانب وفاقی وزیر برائے انسانی حقوق شیری مزاری نے اے آر وائی نیوز کے پروگرام پاور پلے میں میزبان ارشد شریف کے ساتھ گفتگو کرتے ہوئے کہا کہ کابینہ میں رد و بدل کے حوالے سے کوئی علم نہیں البتہ سینیٹر منتخب ہونے والے اراکین جلد وزارت کا حلف اٹھا کر کابینہ میں‌ شامل ہوجائیں‌ گے۔