Category: کراچی

‏اپوزیشن لیڈر حلیم عادل شیخ کے حوالے سے ترجمان پی ٹی آئی کراچی جمال صدیقی کا بیان سندھ پولیس مکمل طور پر سیاسی ہوچکی ہے، تفتیشی افسر کی جانب سے اپوزیشن لیڈر حلیم عادل شیخ کے کیس میں تاخیری حربے شرمناک اور عدالت سے مذاق کے مترادف ہے۔‏جسٹس صاحب تفتیشی افسر دیگر کے خلاف نوٹسز جاری کریں۔ سندھ حکومت کو بے نقاب کرنے کی دہشتگردی ہم کرتے رہیں گے۔

کراچی میں ساتویں جماعت کی طالبہ کے ساتھ اسکول انتظامیہ نے پچھلے چار ماہ سے زیر التواء اسکول فیسیں لانے میں ناکامی پر مبینہ طور پر بدسلوکی کی ، انہوں نے اسٹوڈنٹس والدین ایسوسی ایشن سے معاملے کا نوٹس لینے کی اپیل کی ہے۔ دریں اثنا ، ایس ایس پی ملک مرتضیٰ نے بتایا کہ طالبہ کی چار ماہ کی فیسیں زیر التوا ہیں اور انہوں نے مزید کہا کہ اس نے اسکول انتظامیہ سے طالب علم کے اہل خانہ کے ساتھ معاملہ حل کرنے کو کہا ہے۔معاملہ حل نہ ہونے پر اسکول کے خلاف مقدمہ درج کیا جائے گا یہ واقعہ کراچی کے علاقے ناظم آباد کے علاقے میں پیش آیا ، جہاں ایک نجی اسکول کی انتظامیہ نے 7 ویں جماعت کی طالبہ کے ساتھ مبینہ طور پر بدسلوکی کی کیونکہ اس کے والدین زیر التواء فیس ادا کرنے میں ناکام رہے تھے۔اسکول میں کیا ہوا اس کے بارے میں ، طالب علم جس کی شناخت چھپ چھپ کر رکھی گئی تھی ، نے بتایا کہ اسے لنچ بریک سے فائدہ اٹھانے سے روک دیا گیا تھا اور اسے اسکول انتظامیہ نے اسکول کے بیگ سے محروم کردیا تھا۔طالب علم کے والد نے تھانے پہنچ کر اپنی بیٹی کے ساتھ بدسلوکی کے الزام میں نجی اسکول کے خلاف شکایت درج کروائی۔

کراچی سندھ ہائیکورٹ نے اورنگی ٹاؤن میں نالوں کے اطراف تجاوزات آپریشن سے متعلق مکانات مسمار کرنے کیخلاف مکینوں کی درخواست پر حکام کو نوٹس جاری کردیئےجسٹس سید حسن اظہر رضوی اور جسٹس مسز راشدہ پر مشتمل دو رکنی بینچ کے روبرو اورنگی ٹاؤن میں نالوں کے اطراف انسداد تجاوزات آپریشن میں مکانات مسمار کرنے کیخلاف درخواست کی سماعت ہوئی۔درخواستگزار کے وکیل عثمان فاروق ایڈوکیٹ نے موقف دیا تجاوزات کی آڑ میں لیز شدہ مکانوں کو بھی منہدم کیا جارہا ہے۔درخواستگزاروں کے پاس قانونی دستاویزات اور لیز ہے۔جسٹس حسن اظہر رضوی نے ریمارکس دیئے کچی آبادیوں اور گوٹھ آباد اسکیموں نے کراچی کو تباہ کردیا۔ سپریم کورٹ نے نالوں کی صفائی کا حکم دیا ہے۔ بے ہنگم تعمیرات اور خلاف ضابطہ منظوری نے کراچی کو بڑا نقصان پہنچایا۔ آپ کو نالوں پر لیز کس نے دی؟عثمان فاروق ایڈوکیٹ نے موقف دیا کہ یہ مکانات نالوں سے متصل ہیں جس کی دستاویزات موجود ہیں۔ جسٹس حسن اظہر رضوی نے ریمارکس دیئے کہ بارش میں کیا حال ہوتا ہے کراچی کا آپ کو یاد نہیں؟ بارش میں تو اورنگی نالہ میں بچے بہہ گئے تھے۔عدالت نے مکینوں کی درخواست پر حکام کو نوٹس جاری کرتے ہوئے کے ایم سی اور دیگر کو آئندہ سماعت تک جواب جمع کرانے کا حکم دیا۔ عدالت نے درخواستگزار کو درخواست قابل سماعت ہونے پر مطمئن کرنے کا بھی حکم دیا ہے۔

کراچی میں پریس کانفرنس کے دوران وزیراعلیٰ پنجاب کی معاون خصوصی فردوس عاشق نے پی ڈی ایم پر تنقید کرتے ہوئے کہا کہ مولانا فضل الرحمان اقتدار سے دوری کا غم دور کرنے کے لیے بھاگ دوڑ کر رہے ہیں اور جعلی راج کماری مولانا کے کندھے پر سر رکھ کر آہیں سسکیاں لے رہی ہے۔فردوس عاشق اعوان نے گفتگو کے دوران سندھ حکومت کو بھی آڑے ہاتھوں لیا اور کہا کہ سندھ میں فرد واحد کی حکومت ہے، آمرانہ حکومت ہے، یہ وفاقی حکومت کو پروفیسر بن کر لیکچر دیتے ہیں، سندھ میں کون سے طاقتور چوہے ہیں جو 40 ارب روپے کی گندم کھاگئے؟زیر اعلیٰ پنجاب کی معاون خصوصی برائے اطلاعات فردوس عاشق اعوان کا کہنا ہے کہ بلاول بھٹو زرداری نے جو ایٹم بم حکومت پر چلانا تھا وہ انہوں نے مولانا فضل الرحمان پر چلا دیا ہے۔

کراچی غیر متوقع بارشوں اور تیز آندھی کے امکان کے پیش نظر سندھ ڈیزازسٹر مینجمنٹ اتھارٹی نے خبردار کردیا ہے۔ سندھ ڈیزا زسٹر مینجمنٹ اتھارٹی کا کہنا ہے کہ آئندہ چوبیس سے اڑتالیس گھنٹوں کے درمیان کراچی، حیدرآباد، لاڑکانہ، سکھر ڈویژن سمیت شہید بےنظیرآباد اور میرپور خاص ڈویژن میں بارش اور تیز آندھی کا امکان ہیں۔اس کے علاوہ ٹنڈو محمد خان اور دادو میں بھی بارش اور تیز آندھی کا امکان ہے۔سندھ ڈیزازسٹر مینجمنٹ نے متعلقہ ضلعی انتظامیہ کو مراسلے کے زریعے ضروری اقدامات کرنے کی ہدایت بھی کی گئی ہے، مراسلے میں کہا گیا ہے کہ بروقت اقدامات کیےجائیں تاکہ جانی نقصان سےبچاجاسکے۔سندھ ڈیزازسٹر مینجمنٹ اتھارٹی کی جانب سے دئیے گئے مراسلے پر متعلقہ اضلاع کے حکام نے انتظامات کو حتمی شکل دینا شروع کردی ہے۔

گورنرسندھ عمران اسماعیل کہتے ہیں آئی سندھ مشتاق مہر نے حلیم عادل شیخ کے معاملے پر ظلم کیا۔ آئی جی سندھ اگر اپنی ذمہ داری نبھاتے تو نوبت یہاں تک نہیں پہنچتی۔ ہم نے مجبور ہوکر آئی جی کو تبدیل کرنے کا مطالبہ کیاتھا۔ورلڈ فاریسٹ ڈے پر گورنر ہاوس کراچی میں تقریب کا انعقاد، گورنر سندھ عمران اسماعیل نےشجرکاری مہم میں پودا لگایا۔ میڈیا سے گفتگو میں کہا چیئرمین سینٹ کے انتخابات میں یوسف رضا گیلانی کو عدالتوں سے ریلیف نہیں ملے گا۔ صادق سنجرانی بطور چیئرمین سینٹ اپنی مدت پوری کریں گے۔گورنر سندھ کا کہنا تھا کہ مجبور ہوکر آئی جی سندھ مشتاق مہر کی تبدیلی کا مطالبہ کیا، وہ اپنی زمہ داریاں پوری طرح نبھاتے تو یہ نوبت نہ آتی۔ انہوں نے مزید کہا کہ این اے 249 میں ٹکٹ دینے کامعاملہ سیاسی ہے، اس پر پارٹی کا جو فیصلہ ہے وہ مقدم ہے۔

سربراہ نیشنل کمانڈ اینڈ آپریشن سینٹر ( این سی او سی) اور وفاقی وزیر اسد عمر کا کہنا ہے لوگوں کا روزگار نہیں چھین سکتے اس لیے مکمل لاک ڈاون نہیں کیا جا رہا۔کراچی میں کورونا کیسز بڑھ رہے ہیں، ان ڈور شادی کی تقریبات کا کوئی جواز نہیں وفاقی وزیر اسد عمر کا کہنا تھا کہ کراچی میں کورونا کے مثبت کیسز بڑھنا شروع ہو گئے ہیں، ہم سب کو بہت زیادہ احتیاط کی ضرورت ہہے۔ ان حالات میں ان ڈور شادی کی تقریبات کا کوئی جواز نہیں، ہم لوگوں سے روزگار نہیں چھین سکتے اس لیے مکمل لاک ڈاؤن کی طرف نہیں جا رہے، مختلف علاقوں میں اسمارٹ لاک ڈاؤن کو بہتر بنانے کی ضرورت ہے۔

پاکستان فیڈرل یونین آف جرنلسٹس (پی ایف یوجے) نے سندھ پولیس کی جانب سے صحافیوں کے خلاف انسداد دہشت گردی ایکٹ کے تحت مقدمات درج کرنے کی مذمت کی ہے۔پی ایف یو جے کے صدر شہزادہ ذوالفقار اور جنرل سیکرٹری ناصر زیدی نے ایک بیان میں کہا کہ پولیس نے طالبعلم عرفان جتوئی کے مبینہ ماورائے عدالت قتل کے ملزمان کو بچانے کیلئے صحافیوں، رائٹرز اور سیاسی کارکنوں کے خلاف انسداد دہشت گردی ایکٹ کے تحت مقدمات درج کیے ہيں۔سکھر سائٹ ایریا پولیس اسٹیشن میں درج ایسے مقدمے کی مثال نہيں ملتی۔پی ایف یو جے نے سندھ حکومت اور پیپلز پارٹی سے مطالبہ کیا ہے کہ اس معاملے پر توجہ دی جائے، آئی جی سندھ کو مقدمات واپس لینے کی ہدایات جاری کی جائيں اور طالب علم کے قتل کی غیر جانبدارنہ انکوائری کرائی جائے.