Category: کراچی

منگھو پیر تھانہ کی حدود میں واقع گرم چشمہ کے نزدیک سے مختلف ہوٹلوں میں سور کا گوشت سپلائی کرنے والے گروہ کے کارندہ کو علاقہ مکینوں نے رنگے ہاتھوں دھر لیا۔تفصیلات کے مطابق ملزم بجرنگ سائٹ سپر ہائی وے کے ویرانوں سے سور کا شکار کر کے سپلائی کے لئے منگھو پیر تھانہ کی حدود میں واقع گرم چشمہ سے گزر رہا تھا جس دوران موٹر سائیکل خراب ہونے کی بنا پر ساتھ رکھے تین سور کے دھڑ اور ایک سر کو نزدیکی کچرہ کندی میں ٹھکانے لگانے کے دوران رہائشیوں کے ہاتھ لگ گیا۔ مشتعل افراد کے استفسار پر ملزم گھبرا گیا بعد ازاں ملزم کے پاس موجود بوریوں سے شکار شدہ سور نکلنے پر عوام نے ملزم کی لاتوں گھونسوں سے تواضع کر ڈالی۔بھرکس نکلنے پر بجرنگ نے انکشاف کیا کہ وہ اور اس کے دیگر ساتھی سور کا گوشت شہر قائد کے مختلف علاقوں میں عرصہ دراز سے سپلائی کر رہے ہیں۔ سنسنی خیز انکشافات کے دوران یہ بات بھی سامنے آئی کہ ملزم یہ گوشت نا صرف ایسے ہوٹلوں میں سپلائی کرتا ہے جو اس گوشت کو بڑے یا بکرے کی کڑاہی بنا کر فروخت کرتے ہیں بلکہ یہ گوشت ایسی بیکریوں پر بھی فروخت کیا جاتا ہے جہاں اس گوشت سے قیمہ کے کباب اور سموسے بنائے جاتے ہیں مزید برآں ملزم کے مطابق سور کی چربی کا تیل مختلف کنفیکشنری آئٹم۔بنانے کے کام آتا ہے جس کو شہر میں موجود بڑی کمپنیاں مہنگے داموں خریدتی ہیں۔ملزم سے سوالات کے دوران یہ بات بھی سامنے آئی کے اس گوشت کے زیادہ تر خریدار مسلمان ہیں اور رمضان المبارک میں خاص طور پر منگل بدھ گوشت کے ناغہ کے دوران کھپت پوری کرنے کے لئے سور کا گوشت سپلائی کیا جاتا ہے۔
ملزم کے۔مطابق سور کا گوشت چونکہ نرم اور ذائقہ دار ہوتا ہے لہذا ہوٹلوں کے کسٹمر اس کو بڑی رغبت سے کھاتے ہیں جس بنا پر ہوٹل مالکان کی جانب سے سور کے گوشت کی مانگ میں دن بہ دن اضافی ہوتا جارہا ہے۔
علاقہ مکینوں کی اطلاع پر ملزم بجرنگ کو پولیس نے جائے وقوعہ سے شکار شدہ سوروں سمیت تحویل میں لے کر منگھو پیر تھانہ منتقل کردیا۔پولیس ذرائع کے۔مطابق ملزم سے مزید تفتیش جاری ہے۔

پی ٹی آئی نے پارٹی نظم و ضبط کی خلاف ورزی پر 2 ارکان سندھ اسمبلی کے خلاف کارروائی کرتے ہوئے انہیں نوٹسز جاری کر دیے ہیں۔ تحریک انصاف کی جانب سے جاری اعلامیے میں بتایا گیا ہے کہ اسلم ابڑو اور شہریار خان شر کو اظہارِ وجوہ کے نوٹسز جاری کیے گئے ہیں۔ پی ٹی آئی نے اسلم ابڑو اور شہریار شر کو 7 روز میں جواب جمع کروانے کا کہا ہے۔خیال رہے کہ سینٹ الیکشن میں اسلم ابڑو اور شہریار شر نے سیف اللہ ابڑو کو ووٹ دینے کی مخالفت کرتے ہوئے کہا تھا کہ انہیں ٹکٹ دینے کا فیصلہ گورنر سندھ عمران اسماعیل نے کیا۔واضح رہے کہ سینیٹ الیکشن سے ایک روز قبل جب پاکستان تحریک انصاف کے تین ارکان سندھ اسمبلی آئے تو پی ٹی آئی کے دیگر ارکان نے اپنے باغی ساتھیوں پر دھاوا بول دیا تھا.

تھانہ شاہ لطیف ٹاؤن کی حدود میں اسٹریٹ کرائم سے لیکر موٹرسائیکل چوری اور ڈکیتی کی واردات میں تیزی سے اضافہ ہوتا جارہا ہے پر تاحال پولیس کی طرف سے واردات کو روکنے ک لئے کوئی پیٹرولنگ نہیں کی جارہی ۔چند دنوں میں درجنوں واردات کا ہونا ایک حیران کن عمل ہے جس پر علاقہ مکین بھی اپنے آپ کو غیر محفوظ محسوس کرنے لگے ۔
دن دھاڑے بائیک چوری سے لیکر اسٹریٹ کرائم اپنی عروج پانے لگا ۔تھانہ شاہ لطیف ٹاؤن کی حدود میں واردات کا سلسلہ جاری ۔ بائیک چوری سے لیکر اسٹریٹ کرائم میں اضافہ پولیس ناکام نظر آنے لگی ۔ 125 موٹرسائیکل واقعہ مٹکے والی گلی سیکٹر 16-A گلی نمبر 2 مکان نمبر R 541 باہر کھڑی ہوئی موٹرسائیکل کو با آسانی چوری کرکے فرار ہوگئے ۔

پاکستان کرکٹ بورڈ نے پی ایس ایل میں کورونا کے بڑھتے کیسز کے باعث ایونٹ کو فوری طور پر ملتوی کیا ہے۔پاکستان سپر لیگ میں اب تک کورونا کے 7 کیسز رپورٹ ہوچکے ہیں جس کی وجہ سے کراچی کنگز کے کھلاڑی ڈین کرسٹین بھی پی ایس ایل کو چھوڑ چکے ہیں جس کی تصدیق پی سی بی کی جانب سے بھی کی گئی ہے۔پاکستان سپر لیگ کے چھٹے ایڈیشن کا آغاز 20 فروری سے ہوا تھا اور ایونٹ میں اب تک 14 میچز کھیلے جاچکے ہیں۔

پاکستان کرکٹ بورڈ نے کراچی کنگز سے وابستہ آسٹریلوی کرکٹر ڈین کرسٹین کے پی ایس ایل سے علیحدہ ہونے کی تصدیق کی ہے۔پی سی بی کا کہنا ہےکہ کراچی کنگز کے آل راؤنڈر ڈین کرسٹین دبئی روانہ ہورہے ہیں۔پی ایس ایل میں کورونا کیسز سامنے آنے کےبعد لیگ میں شامل غیر ملکی کرکٹرز پریشانی کا شکار ہیں جب کہ پی ایس ایل 6 میں اب تک مجموعی طور پر کورونا کے 7 کیسز سامنے آچکے ہیں.

کراچی:پاکستان سپر لیگ سیزن 6 اپنی تمام تر رعنائیوں کے ساتھ جاری وساری ہے اور شائقین کرکٹ ایونٹ کے تمام مقابلوں سے لطف اندوز ہورہے ہیں نیشنل اسٹیڈیم کراچی میں آج ایک اور میچ کا فیصلہ ہوگا، یہ میچ اسلام آباد یونائیٹڈ اور لاہور قلندرز کے درمیان ہوگا۔
میچ پاکستانی وقت کے مطابق رات سات بجے شروع ہوگا، دونوں ٹیموں نے اپنے چار چار میچز میں سے تین میچز جیت رکھے ہیں۔پوائنٹس ٹیبل پر اسلام آباد یونائیٹڈ تیسرے اور لاہور قلندرز چوتھے نمبر پر موجود ہے دونوں ٹیموں گذشتہ روز پی ایس ایل 6 کے 14ویں میچ میں کوئٹہ گلیڈی ایٹرز نے ملتان سلطانز کو22 رنز شکست دے کر پہلی کامیابی حاصل کی تھی، کوئٹہ کی کامیابی کے ساتھ ٹاس جیت کر میچ جیتنے کی روایت بھی ٹوٹ گئی کوئٹہ کی جانب سے قیس احمد نے شاندار بولنگ کرتے ہوئے 3 وکٹیں حاصل کیں، محمد حسنین اور زاہد محمود نے دو، دو وکٹیں حاصل کیں، ڈیل اسٹین اور محمد نواز ایک، ایک وکٹ حاصل کرسکے۔کے درمیان کھیلے گئے گزشتہ پانچ میچز میں اسلام آباد یونائیٹڈ فاتح رہی ہے۔

پاکستان سپر لیگ (پی ایس ایل) کے چھٹے ایڈیشن کے دوران کورونا کے بڑھتے ہوئے کیسز کے باعث کراچی کنگز کے مینٹور اور سابق کپتان پاکستان کرکٹ ٹیم وسیم اکرم نے لیگ چھوڑنے کے لیے مشاورت شروع کر دی ہے۔ ڈاکٹرز نے سوئنگ کے سلطان وسیم اکرم کو فوری طور پر ہوٹل چھوڑنے کا مشورہ دیا ہے۔وسیم اکرم کا اس حوالے سے کہنا ہے کہ ڈاکٹرز نے مشورہ دیا ہے کہ ذیابطیس کی وجہ سے خطرہ ہو سکتا ہے لہذا رسک نہ لیں۔ذرائع کے مطابق اس بات کا قوی امکان ہے کہ وسیم اکرم آج شام تک ٹیم ہوٹل چھوڑنے کا اعلان کر دیں۔خیال رہے کہ پاکستان سپر لیگ کا چھٹا ایڈیشن کراچی میں جاری ہے اور چند روز قبل پہلے دو کھلاڑیوں کے کورونا ٹیسٹ مثبت آئے تھے جس کے باعث میچ کو ایک روز آگے شیڈول کر دیا گیا تھا جب کہ آج مزید تین کھلاڑیوں میں کورونا کی تصدیق ہوئی ہے۔

کراچی : شہر قائد میں اسٹریٹ کرائمز میں مزید اضافہ ہوگیا، لٹیرے دن دہاڑے وارداتیں کرنے لگے، شہری خوف کا شکار جبکہ پولیس لاچار ہے تفصیلات کے مطابق کراچی کی سڑکوں پر لٹیرے راج کرنے لگے، اسٹریٹ کرمنلز شہر میں دندناتے پھر رہے ہیں، سنسان سڑک ہی نہیں مصروف شاہراہوں پر بھی لوگوں کو سر عام لوٹا جانے لگا حسین آباد ابراہیم اسپورٹس کمپلیکس کے قریب تین ڈاکو شہری سے ایک لاکھ 50 ہزار لوٹ کر فرار ہوگئے ڈاکووٗں نے چلتی موٹر سائیکل روک کر شہری کو لوٹا، واردات کی فوٹیج اے آر وائی نیوز نے حاصل کرلی فوٹیج میں بیک اپ پر موجود تیسرے ملزم کو بھی دیکھا جاسکتا ہے، لٹنے والا شہری مسلسل مزاحمت کرتا نظر آرہا ہے اور سڑک پر آنے جانے والے شہری تماشہ دیکھ کر گزرتے رہے۔

کراچی پولیس کی 2 خواتین سمیت 32 افسران ایس ایچ او لگنے کے لیے نا اہل قرار دیدیے گئے نا اہل قرار دیے جانے والے انسپکٹر اور سب انسپکٹررینک کے افسران اس سے قبل مختلف تھانوں میں ایس ایچ او رہ چکے ہیں اور دوران تعیناتی ان پر سنگین الزامات لگے جوکہ انکوائری میں صحیح ثابت ہوئے جس کے بعد ہونے والی بورڈ کی میٹنگ میں افسران کو نا اہل قرار دیا گیا۔ایس ایچ او منتخب کرنے کے لیے بنائی گئی کمیٹی نے نا اہل ہونے والے افسران کو ایس ایچ او لگنے کے قابل افسران کے پول میں سے نکال دیا ہے۔نا اہل ہونے والی خواتین ایس ایچ او میں سابق ایس ایچ او گلشن اقبال سیدہ غزالہ اور سابق ایس ایچ او ملیر سٹی ناجیہ افضال بھی شامل ہیں۔

لاہور میں 10 مارچ سے شیڈول پاکستان سپرلیگ (پی ایس ایل)6 کے میچز کراچی منتقل کرنے کی تجویز پر تمام اسٹیک ہولڈرز سے مشاورت جاری ہے۔بائیوببل کے باوجود چار کوویڈ کیسز پازیٹو آنے پر پی سی بی حکام خاصے پریشان ہیں اور لیگ کو جاری رکھنے کیلیے کراچی میں بائیوببل کے تمام انتظامات کو بہتر بنانے کے بعد مزید کسی ناخوشگوار حالات کا سامنا کرنے کے بجائے تمام میچز نیشنل اسٹیڈیم کراچی میں ہی کروالیے جائیں۔بورڈ حکام تمام حالات، واقعات کا جائزہ لے کر سوچ وبچار کرنے میں مصروف ہیں کہ لیگ کو اب کس طرح مکمل کرنا ہے اور کیا ایک ہی جگہ میچز کرانا مناسب ہوگا یا پھر پہلے سے جاری کردہ پلان پر عمل کیا جائے۔پہلے سے طے شدہ شیڈول کےمطابق کراچی میں سات مارچ کوآخری پی ایس ایل کا میچ کھیلا جانا ہے، جس کےبعد فائنل سمیت تمام 14 میچز لاہور میں شیڈول ہیں.