Category: کراچی

کراچی (اسٹاف رپورٹر)اورنگی ٹاؤن میں واقع مکان میں زور دار دھماکے نتیجےمیں مالک مکان 4 بچوں اور خاتون سمیت 8 افراد زخمی ہوگئے جبکہ مکان اور دکان ملبے کا ڈھیر بن گئی،اطلاع ملنے پر پولیس اور ریسکیو عملہ موقع پر پہنچ گیا،پولیس نے بم ڈسپول اسکواڈ کو طلب کرلیا، پولیس کے مطابق ابتدائی معلومات پر پتہ چلا ہے کہ دھماکا شارٹ سرکٹ اور ٹینکی میں بننے والی گیس کے نتیجے میں ہوا۔ بم ڈسپوزل اسکواڈ کے مطابق گھر کا مالک مجید جھلس کر جبکہ پڑوسی مکان گرنے سے شدید زخمی ھو گیازخمیوں کو ھسپتال منتقل کر دیاگیا۔

کراچی میں نارتھ ناظم آباد کے علاقے سے پولیس نے جعلی میجر کو ساتھی سمیت گرفتار کر لیا، ملزم اغواء برائے تاوان، جعل سازی اور دیگر وارداتوں میں ملوث ہے۔ تفصیلات کے مطابق نارتھ ناظم آباد کے بلاک ایچ میں خفیہ اطلاع پر کارروائی کر کے جعلی میجر کو ساتھی سمیت گرفتار کر لیا گیا۔ ملزموں سے اسلحہ، جعلی دستاویزات ،پولیس اور قانون نافذ کرنے والے اداروں کی وردیاں اور جعلی کارڈ بھی برآمد کئے گئے۔ گرفتار جعلی میجر فخر عباس لیاقت آباد کا رہائشی ہے جس کا آبائی تعلق اٹک سے ہے، ملزم کا ساتھی وقاص بھی غیر قانونی کاموں میں ملوث رہا ہے۔ملزم جعلسازی کے ذریعے شہریوں سے رقم وصول کرتا تھا، ملزموں کا کریمنل ریکارڈ چیک کیا جا رہا ہے۔

کراچی: محکمہ صحت سندھ نے کورونا ویکسین کا دائرہ کار مزید بڑھاتے ہوئے ویکسین لگوانے سے انکار کرنے والے ہیلتھ ورکرز کے خلاف کارروائی شروع کردی کورونا ویکسین کا دائرہ کار اب فرنٹ لائن ہیلتھ ورکرز سے بڑھاکرنجی شعبے کے بھی تمام ڈاکٹرز اور ہیلتھ ورکرز تک پھیلادیا گیا ہےچین سے درآمد کی گئی ویکسین دو خوراکوں پر مشتمل ہے جو 21 روز کے وقفے سے لگے گی محکمہ صحت کے حکام نے توقع ظاہر کی ہے کہ آئندہ چند ہفتوں کے دوران کورونا ویکسین دیگر سرکاری اداروں کے ملازمین سمیت عام افراد کے لیے بھی دستیاب ہوگی۔ ڈویژنل سطح پر قائم کورونا ویکسین مرکز میں میرپورخاص، عمرکوٹ اور تھرپارکر اضلاع کے فرنٹ لائن ہیلتھ ورکرز کو ویکسین لگانے کا سلسلہ جاری ہے تاہم بعض ہیلتھ ورکرز کی جانب سے لازمی ویکسین سے انکار کا بھی انکشاف ہوا ہے جس کے بعد ان کے خلاف محکمانہ کارروائی شروع کردی گئی ہے محکمے کی پالیسی یہ ہے کہ ویکسینیشن سےکوئی منع نہیں کرسکتا اور اگر منع کرے گا تو اس کو جو بینیفٹ الاؤنسز ملے ہیں وہ روک دیے جائیں گے بلکہ ری ایمبرز بھی ہوں گے۔

پی ایس ایل کا میلہ سج چکا اور پاکستانی عوام کرکٹ کے دلچسپ مناظر سے لطف اندوز ہونے کے لیے بے چین نظر آتے ہیں۔کرکٹ گراؤنڈ میں کئی ایسے مزیدار اور انٹرٹینمنٹ کے مناظر کیمرے کی آنکھ میں قید ہوتے ہیں کہ آن کی آن میں وائرل ہوتے اور شائقین کرکٹ انہیں خوب پذیرائی دیتے نظر آتے ہیں گزشتہ روز کے بھی میچ ختم ہونے کے بعد ایک ایسا ہی منظر کیمرے کی آنکھ نے محفوظ کیا جو ا س وقت سوشل میڈیا پر خوب وائرل ہے۔
نیشنل اسٹیڈیم میں لاہور قلندر اور کوئٹہ گلیڈی ایٹر کے درمیان ہونے والے میچ میں حارث رؤف کے ساتھ محمد حسنین کی شرارت کی ویڈیو سوشل میڈیا پر وائرل ہوگئی۔

جوڈیشل مجسٹریٹ شرقی جاوید علی کوریجو
مفرور ملزمان کا ریکارڈ اپ ڈیٹ نہ کرنے اور گڑ بڑ کرنے کا معاملہ عدالت نے ایس ایچ او انسپکٹر جاوید بروہی کو پانچ دن کی سزا سنادی عدالت نے ایس ایچ او کو گرفتار کرکہ جیل بھیجنے کا حکم دے دیا ملزم کو عدالتی فیصلے کی کاپی مفت میں فراہم کی جائے عدالت کوئی بھی قانون سے بالاتر نہیں ہے ہر ایک کو قانون کے مطابق چلنا ہے ، ایس ایچ او پر بھاری ذمہ داری ہوتی کیونکہ لوگ وہاں اپنی شکایت لے کر آتے ہیں، ایس ایچ او کی ذمہ داری ہے کہ تمام شکایت کو قانون کے مطابق دیکھے،دیکھنے میں آیا کہ کیس پراپرٹی کا رجسٹرڈ اپ ڈیٹ نہیں کیا جاتا پھر وہی کیس پراپرٹی دوسرے مقدمات میں بھی پیش کی جاتی ہے،ایس ایچ او نے عدالت نے سامنے سفید جھوٹ بولا،ایس ایچ او جمشید کوارٹر عدالت کے ساتھ مذاق کررہے ہیں ،ایس ایچ او جمشید کوارٹر جاوید بروہی کسی رعایت کا مستحق نہیں ہے ،
کیس پراپرٹیز کا رجسٹرڈ اور مفرور ملزمان کا رجسٹر اپ ڈیٹ نہیں کیا تھا ، پولیس رولز کے تحت تمام ریکارڈ اپ ڈیٹ کرنا ایس ایچ او کی ذمہ داری ہے۔

شبلی فرازبےوقت کی راگنی گارہے ہیں۔ایک ذمہ داروزیرکی حیثیت سے بات کرنے کے بجائے حسب معمول چولیں مارتے رہے شبلی فرازحکومتی ناکامیوں اور نالائقیوں پربھی کبھی زبان کھولیں.حقائق سے بے خبرشبلی فرازسندھ آئیں اپنی آنکھوں سے آکرحقائق معلوم کریں۔حلیم عادل شیخ جب کہہ رہے ہیں کہ ان کاکوئی فارم ہائوس نہیں ہے تو چلاکیوں رہے ہیں۔تمام ترکارروائیاں سپریم کورٹ کے احکامات کی روشنی میں کی گئیں.سندھ حکومت کسی انتقامی کارروائی پریقین نہیں رکھتی۔حلیم عادل کے خلاف ادارے حرکت میں آئے ہیں سندھ حکومت اپنی ذمہ داری سے آگاہ ہے۔شبلی فرازجس باپ کے بیٹے ہیں ان کے منہ سے جھوٹی باتیں اورالزامات سن کرتکلیف ہوتی ہے۔اب بھی وقت شبلی اپنا سیاسی قبلا درست کرلے سچ بولنا شروع کرے۔سندھ میں تمام ترادارے آزادہیں کسی کے اوپرکوئی دبائونہیں۔شبلی فرازاورخان صاحب کے شیرو آئی جی سندھ کے اوپربھی بلاجوازالزامات لگارہے ہیں۔

ترجمان سندھ حکومت بیرسٹر مرتضٰی وہاب کا شبلی فراز کی پریس کانفرنس پر رد عمل
شبلی فراز کی باتوں سے لگتا ہے کہ حلیم عادل شیخ دنیا کے معصوم انسان ہیں ۔حلیم عادل شیخ کے جرائم پر شبلی فراز کیوں پردہ پوشی کررہے ہیں۔پیپلز پارٹی کی قیادت پر الزام تراشی سے کچھ حاصل نہیں ہوگا ۔حلیم عادل شیخ کو بچانے کیلئے تحریک انصاف نے شبلی فراز کو سامنے کیا ہے ۔ حلیم عادل شیخ کے کرتوت شاید شبلی فراز کے علم میں نہیں ہیں ۔ شبلی فراز تحریک انصاف کے ٹائیگر کے روپ میں لینڈ گریبر ہیں ۔ پولنگ اسٹیشن پر مسلح افراد کے ساتھ دھاوا بولنے پر موصوف کی گرفتاری ہوئی۔شبلی فراز کو چاہیے کہ پریس کانفرنس سے پہلے حلیم عادل شیخ کی حرکتیں ملاحظہ فرمائیں۔ شبلی فراز تحریک انصاف کی عقیدت میں کورچشم ہو کر بیانات دے رہے ہیں۔

امیر جماعت اسلامی کراچی حافظ نعیم الرحمن نے لیاری اولمپکس کے بعد کراچی سٹی اولمپکس کا اعلان کردیا،لیاری سمیت پورے کراچی کے میدانوں کو آباد کر یں گے سید عبدالرشید لیاری میں بڑے پروگرامات کریں گے اس کے بعد پورے شہر میں کھیلوں کی سرگرمیوں کا انعقاد کیا جائے گا ، شہر کے نوجوان جماعت اسلامی کے گرد جمع ہو رہے ہیں ، نوجوانوں کی اُمید صرف جماعت اسلامی ہے ، کراچی کی حکومت ملی تو نوجوانوں کی تقدیر بدل دیں گے ، ان خیالات کا اظہار انہوں نے بہار پریمئر لیگ سیزن ٹو کی اختتامی تقریب سے خطاب کرتے ہوئے کیا بہار پریمئیر لیگ سیزن ٹو کا ٹائٹل بہار ایگلز نے اپنے نام کر لیا، فائنل ٹاکرا بہار سٹرائکر ز اور بہار ایگلز کے درمیان کھیلا گیا،اس موقع پر سید عبدالرشید امیر جماعت اسلامی جنوبی کراچی و ایم پی اے نے بڑا اعلان کرتے ہوئے کہا کہ جماعت اسلامی نوجوانوں کو صحت مند سرگرمیاں فراہم کرتی رہے گے لیاری کو منشیات سے پاک اور اس کے کھیلوں کے میدانوں کو آباد کریں گے، انہوں نے لیاری اولمپکس کا اعلان کرتے ہوئے کہا کہ بیک وقت لیاری کے تمام پلے گراؤنڈز کو آباد کریں گے جماعت اسلامی لیاری کے باصلاحیت کھلاڑیوں کے ٹیلنٹ کو سامنے لانے اور لیاری کا خوبصورت چہرہ دنیا کو دکھانے کی جدوجہد کر رہی ہے اور یہی میرا وژن 2040 ہے فٹبال کرکٹ باکسنگ سائیکلنگ جمناسٹک ،کراٹے ،اسکیٹنگ سمیت ہر کھیل کو فروغ اور کھلاڑیوں کی حوصلہ افزائی اور سرپرستی کرینگے، امیر جماعت اسلامی کراچی حافظ نعیم الرحمن کا مزید کہنا تھا کہ جماعت اسلامی خیر کے ہر کام کو کرنے پر یقین رکھتی ہے نوجوانوں کو کھیل کے موقع فراہم کرنا اور انکے صلاحیتوں کو دنیا کے سامنے لانا جماعت اسلامی کا مشن ہے ان کا کہنا تھا کہ لیاری کے نوجوانوں کی ترقی کے لیے جماعت اسلامی اسی طرح اپنا کام جاری رکھے گی کھیلوں کے میدان ، تعلیمی ادارے سب کو بحال کریں گے اور لیاری کا مثبت چہرہ دنیا کے سامنے لائیں گے ، انہوں نے جماعت اسلامی کے ذمہ داران کو کامیاب ٹورنامنٹ کے انعقاد پر مبارکباد دی اور آئندہ بھی اسی طرح کی سرگرمیوں کو جاری رکھنے اور مکمل تعاون فراہم کرنے کی ہدایت کی، اور کراچی بھر میں کھیلوں کی سرگرمیوں کے انعقاد کا اعلان کیا،اس موقع پر ناظم جماعت اسلامی لیاری سید جواد شعیب اور انکی ٹیم ، حفیظ بلوچ ، ہدایت بلوچ ، سعود سلیم بلوچ ، رضوان سربازی بلوچ سمیت دیگر رہنما بھی موجود تھے۔