Category: کراچی

پاکستان کرکٹ بورڈ کے مطابق کل پی ایس ایل کی 5 فرنچائز کے 244 ٹیسٹ کیے گئے جن میں سے کراچی کنگز کے پی سی آرٹیسٹ کی رپورٹ گزشتہ رات موصول ہوئی۔پی سی بی نے تصدیق کی کہ کراچی کنگز کے تمام اسکواڈ کے کورونا ٹیسٹ کلیئر ہوگئے ہیں۔پی سی بی کا کہنا ہےکہ پی ایس ایل میں شریک تمام فرنچائزکے کورونا ٹیسٹ کاعمل مکمل ہوگیا جب کہ 4 روز بعد دوبارہ تمام اسکواڈ کے کورونا ٹیسٹ ہوں گے۔

آج ہونے والے سینیٹ الیکشن کے سلسلے میں پاکستان پیپلز پارٹی اراکین کے لیے سندھ اسمبلی میں ناشتے کی خصوصی تیاری کی گئی۔ سندھ اسمبلی میں سینیٹ الیکشن میں ووٹ ڈالنے کے لیے آنے والے پی پی اراکین کے لیے ناشتے کا انتظام کیا گیا جس میں گرما گرم پراٹھے، چنے، دودھ پتی اور چائے تیار کی گئی۔پی پی اراکین کے لیے پراٹھے دیسی گھی سے بنائے گئے جبکہ گرما گرم حلوہ پوری اور انڈوں سے بھی ارکان کی تواضع کی گئی۔واضح رہے کہ ایوان بالا سینیٹ کی 37 نشستوں کے لیے انتخابی میدان سج گیا۔

ڈی جی رینجرز سندھ میجر جنرل افتخار حسن چوہدری نے سعود آباد محفوظ اسٹیڈیم میں آل پاکستان چرچ ایسوسی ایشن کے زیر اہتمام منعقد کئے گئے تین روزہ پاکستان امن فیسٹیول کی افتتاحی تقریب میں بطور مہمان خصوصی شرکت کی ۔ترجمان رینجرز کے مطابق پروگرام کے آرگنائزر آل پاکستان چرچ ایسوسی ایشن کے صدر پادری عتیق بھٹی نے ڈی جی رینجرزکاتقریب میں آمد پر خیرمقدم کیا۔فیسٹیول میں مسیحی برادی سے تعلق رکھنے والے 3 ہزار سے زائد مرد اور خواتین نے شرکت کی ۔ اس موقع پر ڈی جی رینجرز سندھ نے اپنے خیالات کا اظہار کرتے ہوئے کہا کہ مسیحی برادری سمیت دیگر مذاہب کے درمیان اتحاد اور بین المذاہب ہم آہنگی پاکستان کے استحکام کا باعث ہے ۔

سندھ ہائی کورٹ نے اسٹیٹ بینک ہاؤسنگ سوسائٹی میں گھپلوں سے متعلق کیس میں ملزمان کی درخواست ضمانت پر فیصلہ محفوظ کرلیا۔بدھ 3 مارچ کو دوران کیس کی سماعت ہوئی جس میں ملزمان وکلاء اور نیب پراسیکیوٹر نے دلائل مکمل کرلیے۔دوران سماعت نیب پراسیکیوٹر نے عدالت کو بتایا کہ ہاؤسنگ سوسائٹی کا اسٹیٹ بینک سے کوئی تعلق ہی نہیں۔ ملزمان نے جعل سازی سے 125 ایکٹر پر قبضہ کیا اور 37 کروڑ روپے سے زائد کا لوگوں سے فراڈ کیا گیا۔ اراضی پر قبضے کرکے سوسائٹی بنائی گئی۔ملزمان میں سیکرٹری عبداللہ علوی، مختیار کار نذیر حسین، نصر فیضان صدیقی، سید عامر، عبدالحق، محمد خرم علوی، روشن آرا، اعجاز حسین، غلام حیدر چانڈیو اور عثمان ابراہیم شامل ہیں۔ حسین علی ہاکرو و دیگر کے خلاف نیب تحقیقات کر رہا ہے۔دلائل مکمل ہونے کے بعد عدالت نے ملزمان کی درخواست ضمانت پر فیصلہ محفوظ کرلیا۔

سندھ اسمبلی میں قائد حزب اختلاف حلیم عادل شیخ کو اسمبلی لے جانے والی بکتر بند گاڑی آج اسپتال نہ پہنچ سکی جس کے باعث وہ ابھی تک اسمبلی جانے کے منتظر ہیں۔ترجمان حلیم عادل شیخ کا کہنا ہے کہ حلیم عادل شیخ کو جناح اسپتال سے اسمبلی لے جانے کے لیے روزانہ بکتر بند گاڑی پولیس لاتی تھی لیکن آج پولیس نے گاڑی خراب ہونے کا بہانہ بنا کر گاڑی نہیں پہنچائی۔سندھ اسمبلی اجلاس، حلیم عادل کا شرجیل میمن پر جیل میں تشدد کرانے کا الزام ڈی ایس پی اور دیگر اہلکاروں کے سامنے سانپ مارا، حلیم عادل نے بیان ریکارڈ کرالیافواد چوہدری کی حلیم عادل شیخ کے کمرے سے سانپ نکلنے اور تشدد کی مذمتحلیم عادل شیخ کے ترجمان کا کہنا ہے کہ حلیم عادل اسمبلی جانے کے لیے ایک گھنٹے سے گاڑی کے انتظار میں ہیں۔اس حوالے سے حلیم عادل شیخ کا کہنا ہے کہ بحیثیت اپوزیشن لیڈر خورشید شاہ کو الیکشن کمیشن کے حکم پر دو دن پہلے اسلام آباد پہنچایا جا چکا ہے۔پی ٹی آئی رہنما کا کہنا ہے کہ بکتر بند گاڑی نہیں آئی تو کوئی مسئلہ نہیں، مجھے پولیس موبائل یا میری ذاتی گاڑی میں لے چلیں، گدھا گاڑی یا رکشے میں لے جائیں۔حلیم عادل شیخ کا کہنا ہے میں پیدل جانے کو بھی تیار ہوں لیکن مجھے بروقت سندھ اسمبلی پہنچائیں کیونکہ پہلا ووٹ میں نے کاسٹ کرنا تھا۔سندھ اسمبلی میں اپوزیشن لیڈر حلیم عادل شیخ اسپتال میں وارڈ کے باہر گاڑی کے منتظر ہیں اور پولیس افسر سے تکرار کر رہے ہیں۔

اسلام آباد: سینیٹ الیکشن میں پاکستان ڈیموکریٹک کے مشترکہ امیدوار یوسف رضا گیلانی کا کہنا ہےکہ وہ الیکشن جیت چکے ہیں۔سینیٹ الیکشن کے سلسلے میں یوسف رضا گیلانی قومی اسمبلی پہنچے تو انہیں صحافیوں نے گھیر لیا۔ایک سوال کے جواب میں یوسف رضا گیلانی نے کہا کہ علی حیدر گیلانی کی ویڈیو پلانٹڈ ہے۔اس موقع پر صحافی نے یوسف رضا گیلانی سے سوال کیا کہ آپ جیت کے لیے کتنے پر امید ہیں؟ اس پر سابق وزیراعظم کا کہنا تھا کہ ہم جیت چکے ہیں۔دوسری جانب سینیٹ الیکشن کے لیے حکومتی امیدوار حفیظ شیخ اور یوسف رضا گیلانی کے درمیان قومی اسمبلی میں غیر رسمی ملاقات ہوئی اور دونوں کے درمیان ہلکی پھلکی بات چیت بھی ہوئی۔

پاکستان کے ایوان بالا (سینیٹ) کے نمائندوں کے چناؤ کے لیے ووٹنگ صوبائی اسمبلیوں میں بھی ہوتی ہے لیکن یہ طریقہ کار کسی ایک پارٹی کے نشان پر ٹھپہ لگانے سے بہت مختلف ہوتا ہے۔صوبائی اسمبلیوں کے ارکان جنرل، ٹیکنوکریٹ اور خواتین کی مخصوص نشستوں پر تمام سینیٹ امیدواروں کو ووٹ دے سکتے ہیں لیکن ہر بیلٹ پیپر پر فاتح امیدوار کا تعین اس بات پر ہوتا ہے کہ اُسے ترجیحی لحاظ سے کس نمبر پر منتخب کیا گیا ہے۔اس عمل میں سب سے اہم کردار سب سے زیادہ ووٹ حاصل کرنے والے امیدوار کا ہوتا ہے، مطلوبہ کوٹے سے زیادہ ووٹ حاصل کرنے والا امیدوار پہلے مرحلے میں کامیاب قرار پاتا ہے جب کہ اس کے اضافی ووٹ دوسری ترجیح پر رہنے والے امیدوار کو منتقل ہو جاتے ہیں۔ریجنل الیکشن کمشنر ندیم حیدر کا کہنا ہے کہ فارمولے کے تحت صوبائی اسمبلیوں میں کامیابی کے لیے مطلوبہ ووٹوں کی تعداد مختلف ہوتی ہے، ان باریکیوں کا خیال نہ رکھنے والے اراکین اکثر اپنے ووٹ مسترد کروا بیٹھتے ہیں۔ندیم حیدر کا کہنا ہے کہ سنگل ٹرانسفرایبل ووٹ فارمولا برطانوی ریاضی دان تھامس رائٹ ہل نے 1819 میں ایجاد کیا تھا۔

پیپلز پارٹی کی رہنما سہیل انور سیال کہتے ہیں کہ پی ٹی آئی کے دو ارکان اپنی مرضی سے ہمارے ساتھ آئے ہیں، ہم نے کسی کو اغواء نہیں کیا تحریک انصاف کے دو منحرف ارکان اسلم ابڑو اور شہریار شر پيپلز پارٹی کے صوبائی وزير سہيل انور سيال کے ہمرا ایک ہی گاڑی میں سندھ اسمبلی پہنچے۔سندھ اسمبلی کے باہر میڈیا سے گفتگو میں صوبائی وزیر سہیل انور سیال نے کہا کہ اپوزیشن رکن کے ساتھ چلنا گھومنا کیا گنا ہے اور اگر کوئی رکن اسمبلی خود کسی کے ساتھ گھوم پھر رہا ہو تو اس ميں کوئی برائی نہيں۔ یہی جمہوریت ہے کہ سامنے بیٹھے وہ بیان دے رہے ہیں سہیل انور سیال نے کہا کہ پولنگ کے بعد ہی کامیابی کا معلوم ہوگا لیکن پی ڈی ایم کے امیدوار ہی جیتیں گے۔سہیل سیال نے اپنی نگرانی میں پی ٹی آئی کے دونوں ارکان کو ایوان میں پہنچایا جبکہ شہریار شر اور اسلم ابڑو نے پیپلزپارٹی کو ووٹ دینے کا اعلان بھی کیا

کراچی: تحریک انصاف کے منحرف رکن سندھ اسمبلی نے سینیٹ الیکشن کے دوران بڑا اعلان کردیا پی ٹی آئی کے منحرف رکن سندھ اسمبلی سینیٹ الیکشن میں ووٹ کاسٹ کرنے کے لیے سندھ اسمبلی پہنچے جہاں صحافی نے ان سے سوال کیا کہ آپ کا ضمیر کیا کہتا ہے سینیٹ میں کس کو ووٹ دیں گے ؟ صحافی کے سوال پر سیف اللہ ابڑو نے کہا کہ میں پیپلزپارٹی کو ووٹ دوں گا واضح رہے کہ گزشتہ روز سندھ اسمبلی میں پی ٹی آئی کے تین منحرف ارکان کی ان کے ہی ساتھی اراکین نے پٹائی لگائی تھی جس پر ایوان میں شدید ہنگامہ آرائی ہوئی