Category: کراچی

کراچی پولیس کا ایک اورمقابلہ جعلی نکلا،3 جنوری کوسائٹ اے تھانے کی حدود میں پولیس مقابلے کے دوران جاں بحق ہونے والا گلگت ہنزہ کا نوجوان ابتدائی انکوائری کے بعد تحقیقاتی رپورٹ میں بھی بے قصورقرارپایا ایس ایس پی ملیرنے تحقیقاتی رپورٹ مرتب کرلی ،جعلی پولیس مقابلے میں ملوث دونوں پولیس اہلکار مفرور ہیں جن کی گرفتاری کی کوششیں کی جا رہی ہیں
3 جنوری کو سائٹ اے پولیس نے مبینہ پولیس مقابلے کے دوران ہنزہ کے رہائشی نوجوان سلطان نذیر کو ہلاک کرنےکا دعویٰ کیا تھا تاہم متوفی نوجوان کے رشتہ داروں کا کہنا تھا کہ سلطان نذیر کوموٹر سائیکل چلانا نہیں آتی تھی ۔ اسی لیے وہ گارڈن سے آن لائن موٹر سائیکل سروس بک کراکر میٹروویل سائٹ ایریا میں اپنے عزیزوں کے گھرسوئم میں شرکت کے لیے گیا تھا اور واپسی پراسےسائٹ حبیب بینک چورنگی کے قریب جعلی پولیس مقابلے میں ہلاک کردیا گیا اورپولیس نے سلطان نذیرکے پاس تمام دستاویزات موجود ہونے کے باوجود اہلخانہ کو اطلاع نہیں دی تھی مقتول نوجوان کے رشتہ داروں نے واقعے کی صاف شفاف تحقیقات اور جعلی پولیس مقابلے میں ملوث اہلکاروں کو سخت سے سخت سزا دینے کا مطالبہ کیا تھا جس پر پولیس نے مقابلے کا مقدمہ الزام نمبر2021/9 بجرم دفعہ 353،34/324 اور دہشت گردی کی دفعہ 7اے ٹی اے کے تحت درج کرکے ایس پی بلدیہ فیضان علی کو انکوائری افسر مقرر کردیا تھا اورایس پی بلدیہ نے بھی انکوائری رپورٹ میں نوجوان سلطان نذیرکو بے قصور قراردیتے ہوئے مزید تحقیقات کسی دوسرے ضلع کے افسر سے کرانے کا کہا تھا اور اپنی انکوائری رپورٹ ڈی آئی جی ساؤتھ کو جمع کردی تھی اور ڈی آئی جی ساؤتھ نے ابتدائی انکوائری رپورٹ ایڈیشنل آئی جی کراچی کو بھجوا دی تھی،14 جنوری کو ایڈیشنل آئی جی کراچی نے ایس ایس پی عرفان بہادر کو تحقیقات منتقل کردی تھی اور اس سلسلے میں ایک نوٹی فکیشن بھی جاری کردیا تھا جس میں ہدایت کی گئی تھی واقعے کی صاف و شفاف اور میرٹ پر تحقیقات کی جائیں
پولیس ذرائع کے مطابق ایس ایس پی ملیرعرفان بہادر نے بھی اپنے تحقیقاتی رپورٹ مرتب کر لی ہے اور تحقیقاتی رپورٹ میں ہنزہ کے مقتول جوان سلطان نذیر کو بے قصور قرار دیا گیا ہے ذرائع نے بتایا کہ ایس ایس پی ملیر کی جانب سے آئندہ چند روز میں تحقیقاتی رپورٹ ایڈیشنل آئی جی کراچی کو جمع کروا دی جائے گی، پولیس ذرائع کے مطابق تحقیقاتی رپورٹ میں بتایا گیا کہ تین جنوری کو مقتول سلطان نذیر آن لائن سروس کے ذریعے اپنے رشتہ داروں کے گھر سے واپس گھر جا رہا تھا رائیڈر نے پیٹرول ڈلوانے کے لیے پمپ پرموٹرسائیکل روکی دوسری جانب سے پولیس اہلکار2 ملزمان کا پیچھا کرتے ہوئے آرہے تھے پولیس اہلکاروں نے فائرنگ کی تو موٹرسائیکل رائیڈر بھاگا، سلطان نذیر موٹرسائیکل رائیڈر کے پیچھے دوڑا تو پولیس اہلکاروں نے سلطان نذیر کو بھاگتے دیکھ کر اسے گولیاں ماری ، ذرائع کے مطابق ایس ایس پی عرفان بہادر کی جانب سے مرتب کردہ رپورٹس میں جعلی پولیس مقابلے میں ملوث 2 پولیس اہلکاروں شبیر اور جہانگیرکے خلاف سخت قانونی کارروائی کی سفارش کی گئی ہے ذرائع کے مطابق جعلی پولیس مقابلے میں ملوث دونوں پولیس اہلکار مفرور ہیں اور شبہ ہے کہ دونوں پولیس اہلکارکسی دوسرے صوبے فرار ہو چکے ہیں جن کی گرفتاری کے لیے بھرپور کوششیں کی جا رہی ہیں۔

ایڈیشنل آٸی جی کراچی غلام نبی میمن اور ایس ایس پی ایسٹ ساجد امیر سدوزٸی کی ہدایات پر ایس ایچ او سچل زبیر نواز کی نگرانی میں سچل پولیس کا سرچ آپریشن کوئٹہ بس ٹرمینل سپر ہائی وے پر کاروائی ,کروڑوں مالیت کی چھالیا صابن پرفیومز کپڑا انڈین گٹکا ماوا بیرنگ برامد اسمگلرز غیرملکی سامان کو کوئٹہ سے کراچی آنے والی بسوں کے خفیہ خانوں میں نان کسٹم پیڈ ممنوعہ سامان کو چھپا کر کراچی لاکر ڈمپ کرتے تھے رات کی تاریکی میں چھوٹی سوزوکیوں میں مال کو لاد کر کراچی اور اندرون سندھ کے کئی علاقوں میں سپلائی کیا جاتا تھا۔۔

گورنر سندھ عمران اسمعیٰل سے سعودی عرب کے سفیر نواف سعید المالکی سے گورنر ہاؤس میں ملاقات ,ملاقات میں دونوں ممالک کے درمیان تعلقات کے فروغ، مختلف شعبوں میں تعاون بڑھانے اور باہمی دلچسپی کے دیگر امور پر تبادلہ خیال پاکستان کی سعودی عرب کے ساتھ طویل المدتی دلی اور روحانی وابستگی ہے اور دونوں ممالک کے عوام بھائی چارے کے رشتہ سے پیوستہ ہیں۔ گورنر سندھ دونوں ممالک کے درمیان متعدد شعبوں میں تجارت کو فروغ دینے کی عمدہ صلاحیت ہے۔ گورنر سندھ پاکستان کے ساتھ تجارتی اور سرمایہ کاری میں تعاون کو مذید وسعت دینا چاہتے ہیں ۔ نواف سعید المالکی

ترجمان سندھ حکومت مرتضٰی وہاب کی میڈیا سے گفتگو یہ لوگ چوری اور سینہ زوری کررہیں ہیں جن لوگوں نے کراچی سے ووٹ لینا اور دعوؤں کیا لیکن کوئی کام۔نہیں کیا مائی کلاچی روڈ پر 2019 میں ہم نے پودے لگائے وہ تناور درخت بن گئے ہیں وفاقی وزیر چائنہ کٹنگ پر یقین کرتے ہیں
اپنے اقتدار کو بچانے کے لئے اپنے اے ٹی ایمز استعمال کررہے ہیں ان لوگوں کو بچانے کے لیے سینیٹ میں لایا جارہا ہے ان کا ٹارگیٹ عوام کی فلاح و بہبود نہیں ہے ان کی کوئی سیاسی سوچ نہیں ہے یہ لوگ ملک کو تباہی کی طرف لے جارہے ہیں 6 بار پیٹرول کی قیمتوں میں اضافہ کیا گیا
یہ لوگ ایوان میں کہتے تھے ہم حکومت میں آکر قیمتیں کم۔کریں گے اب کہاں گئے وہ دعوے اور وعدے یہ ساری باتیں بتاتی ہے کہ یہ عوامی حکموت نہین ہے میں ان کی جماعت کا نام پاکستان تحریک استحصال رکھتا ہوں مردا علی شاہ نے صرف سرہرائز کا زکر کیا تھا اور وہ 3 تاریخ ان کو سرپرائز مل جائے گا ماحول دوست ماحول نہیں چاہتی یہ حکومت کوئی قانون دستاویزات دیکھا دیں جس سے ثابت ہو کہ یہ زمیں کے پی ٹی کا ہے تو یہ ثابت ہوا تو میں پیچھے ہٹ جاو گا عدالتی فیصلہ ہے کہ زمین صوبائی سبجیکٹ ہےآئینی اعتبار سے زمین صوبائی سبجیکٹ ہے

کراچی: سندھ ہائیکورٹ نے وفاقی اور صوبائی حکام کو لاپتا افراد کے ٹھکانے سے متعلق معلومات اکھٹا کرنے اور رپورٹ پیش کرنے کی ہدایت کردی جسٹس نعمت اللہ پھلپوٹو کی سربراہی میں دو ججز کے بینچ نے لاپتا افراد کی بازیابی کے لیے درخواستوں کا ایک سیٹ اٹھایا تو عمر زمان کے والدین، جنہیں 2014 میں قانون نافذ کرنے والے اداروں کے اہلکاروں نے مبینہ طور پر حراست میں لیا، نے عرض کیا کہ ان کے بیٹے کی گمشدگی کے بعد سے اس کا کوئی سراغ نہیں ملا ہے بینچ نے مشاہدہ کیا کہ لاپتا افراد کے حوالے سے مشترکہ تحقیقاتی ٹیم (جے آئی ٹی) اور صوبائی ٹاسک فورس (پی ٹی ایف) کے متعدد سیشن ہوئے ہیں تاہم اس کا کوئی فائدہ نہیں ہوا اور درخواست گزار مایوس نظر آئے۔

کراچی : سندھ میں پرائیوٹ میڈیکل اینڈ ڈینٹل کالجز میں داخلے کی آج آخری تاریخ ہے لیکن ناقص منصوبہ بندی کے باعث بی ڈی ایس کی 740 میں سے 631 نشستیں خالی ہیں ناقص پالیسیوں نے طلباء کا مستقبل تباہی کے دہانے پر پہنچا دیا، ناقص منصوبہ بندی کےباعث بی ڈی ایس کی 740 میں سے631 نشستیں خالی ہیں کیونکہ ایم ڈی کیٹ نتائج کے نمبر 60 فیصد لانے کی شق کے باعث طلباء داخلوں سے محروم رہ گئے صدر پرائیوٹ میڈیکل اینڈ ڈینٹل کالجز ایسوسی ایشن سندھ ڈاکٹر رضی کا کہنا ہے کہ داخلے کی صورتحال سے وزیر اعظم عمران خان کو آگاہ کیا ہے، سندھ بھر کے 12 میڈیکل ڈینٹل کالجز میں صرف 109 داخلے ہوئے ہیں ڈاکٹر رضی نے کہا کہ 631 نشستیں ابھی خالی ہیں لہذا داخلوں کی تاریخ میں تین ہفتے کا اضافہ کیا جائے اور ایم ڈی کیٹ نتائج کی غیر آئینی شق کو ختم کرکے چالیس فیصد کیا جائے۔

کراچی: پاک بحریہ کے سربراہ ایڈمرل محمد امجد خان نیازی نے ملک میں امن مشق 2021 کے دوران روسی بحری جہاز کا دورہ کیا جہاں غیرملکی افسران نے جہاز میں نصب جدید سسٹم سے متعارف کرایا تفصیلات کے مطابق نیول چیف نے روسی بحری جہاز ‘ایڈمرل گریگورووچ فریگیٹ’ کا دورہ کیا، اس موقع پر روسی جہاز کے کپتان کونسٹنٹن اکسیونوف نے فریگیٹ کے ذریعے پاکستانی مہمان کی رہنمائی کی، غیرملکی افسران نے بحری بیڑے میں نصب خصوصی آلات اور جدید تکنیکی مہارت سے آگاہ کیا امیرالبحر ایڈمرل محمد امجد خان نیازی نے اعزازی مہمانوں کی کتاب میں اپنی یادگار بھی درج کیں خیال رہے کہ پاکستان نے امن 2021 مشقوں کے ذریعے سے دشمن کو بتا دیا کہ خبر دار کوئی میلی نگاہ نہ ڈالے، ملک کی سمندری سرحدیں محفوظ ہاتھوں میں ہیں گزشتہ روز امن مشق کے دوران کراچی میں پی این ایس قاسم منوڑہ پر پاک نیوی کے جوانوں نے پیشہ ورانہ مہارت، دہشت گردی کے خاتمے اور جنگی صلاحیتوں کا بھرپور مظاہرہ کیا واضح رہے کہ امن مشقیں دو ہزار اکیس کے موقع پر پاکستان کو تنہا کرنے کا خواب بھی چکنا چور ہوگیا، تقریب میں فرانس، جرمنی اور ایران سمیت 40 سے زائد ممالک کے نمائندوں نے شرکت کی۔

جامعہ کراچی کے اسسٹنٹ پروفیسر پر آئی بی اے کے طلباء و گارڈز کے مبینہ تشدد کے خلاف اساتذہ نے آئی بی اے کے مرکزی دروازے کے سامنے احتجاج کیا جبکہ جامعہ کراچی میں تدریسی عمل معطل ہےانجمن اساتذہ جامعہ کراچی کا کہنا ہے کہ آئی بی اے کا انتظامیہ اس واقعے پر فی الفور کارروائی کرے جبکہ استاد ڈاکٹر مصطفیٰ حیدر پر تشدد کے واقعے میں ملوث طلباء کا آئی بی اے سے اخراج کیا جائے اور اس میں ملوث سیکیورٹی گارڈز کے خلاف کاروائی کرتے ہوئے انہیں برطرف کیا جائے انجمن اساتذہ کے مطابق اس واقعے میں ملوث طلباء کی تصاویر پریس کو جاری کی جائیں اور یہ تصاویر جامعہ کراچی کے دروازوں پر آویزاں کی جائیں۔ ان تمام لوگوں کے جامعہ کراچی کی حدود میں داخلے پر پابندی عائد کی جائے انجمن اساتذہ نے مطالبہ کیا کہ جامعہ کراچی کی حدود میں سیکورٹی جامعہ کراچی کی ذمہ داری ہے لہذا آئندہ سے جامعہ کراچی کے داخلی دروازوں پر جامعہ کراچی کے علاؤہ کوئی گارڈ نہیں ہوگا اساتذہ کے مطابق ہفتے 13 فروری کی شام گاڑی کا سائرن بجانے پر آئی بی اے کے طالب علم سے تلخ کلامی ہوئی تھی جس پر طالب علم نے اسسٹنٹ پروفیسر ڈاکٹر مصطفیٰ حیدر کو تھپڑ مارا۔ اسکے بعد آئی بی اے کے گارڈز اور طلباء نے استاد کو تشدد کا نشانہ بنایا