Category: کراچی

*کورنگی پولیس وسندھ رینجرز کا مشترکہ آپریشن ایس ایس پی کورنگی کیپٹن ریٹائر فیصل عبداللہ چاچر صاحب کی خصوصی ہدایت پر
ایس ڈی پی او صاحب الفلاح کی سربراہی میں تھانہ الفلاح کی حدود میں پولیس و سندھ رینجرز کامشترکہ کومبنگ آپریشن آج رات 12 بجے شروع کردیا گیا
آپریشن میں داخلی و خارجی راستے بند کرکے گھر گھر تلاشی کا عمل جاری آپریشن جرائم پیشہ عناصر کی موجودگی کی اطلاع پر کیا جارہا ہے آپریشن میں ایس ڈی پی او الفلاح
ایس ایچ او الفلاح
اور پولیس کی اضافی نفری اور لیڈیز اسٹاف بھی شامل۔۔
اہل علاقہ نے سندھ پولیس اور رینجرز کے جرائم پیشہ افراد کے خلاف آپریشن کو سراہا اور مزید کہا کہ ایسی مثبت کاروائیوں سے ہی شہر کا امان قائم رہ سکتا ہے

امام وخطیب جامع گول مسجد کراچی حضرت مولانا عبد الرزاق ھزاروی صاحب دامت برکاتہم پر قاتلانہ حملہ امام صاحب اور انکے صاحبزادے مولانا زبیر صاحب شدید زخمی حالت میں ہسپتال منتقل ۔۔
ڈاکٹرز کے مطابق حالت خطرے سے باہر ہے اہل محلہ کا کہنا ہے کہ پولیس خاموش تماشائی بنی ملزمان کو کھلی چھوٹ دے رکھی ہے اور بارہاں اطلاع پر بھی کوئی کاروائی نہیں کی گئی ۔۔۔
انتظامیہ گول مسجد کا کہنا ہے کہ اس واقعے کی پرزور مذمت کرتے ہیں اور مطالبہ کرتے ہیں ملزمان کو فوری طور پر گرفتار کیا جائے اور قانونی کاروائی عمل میں لائی جائے اور مسجد اور امام کا تقدس بحال رکھا جائے

کراچی وزیر اعلیٰ سندھ سید مراد علی شاہ نے کہا ہے کہ ان کی حکومت زراعت کے شعبے کو ترقی دینے کی خواہاں ہے اور اس کے لیے سولرٹیوب ویلز لگائے جائیں گے اور بچھڑوں کی افزائش کرکے انہیں برآمد کرنے کے لیے ایک جامع منصوبہ پر عمل پیرا ہے اور اس پر پبلک پرائیویٹ پارٹنر شپ کے تحت عمل کیاجائے گا۔ یہ بات انہوں نے وزیراعلیٰ ہاؤس میں کویتی فرم انرٹیک کے چیف ایسوسی ایٹ عبد اللہ ال مطیری کی سربراہی میں ایک وفد سے گفتگو کرتے ہوئے کہی۔ اجلاس میں وزیر توانائی امتیاز شیخ ، چیئرمین پی اینڈ ڈی محمد وسیم ،وزیراعلیٰ سندھ کے پرنسپل سیکریٹری ساجد جمال ابڑو ، سیکرٹری توانائی طارق شاہ اور ڈی جی پی پی یونٹ خالد شیخ نے شرکت کی۔ دورے پر آئے ہوئے وفد نے وزیراعلیٰ سندھ کو بتایا کہ وہ صوبائی حکومت کے ساتھ واٹر سیکٹر اور اس کی تقسیم ،سولرسسٹم اور حلال گوشت کے لئے مویشیوں کی افزائش میں کام کرنے میں دلچسپی رکھتے ہیں۔ سی ای او عبد اللہ ال مطیری نے کہا کہ ہماری کمپنی براہ راست سرمایہ کاری کرے گی اور جہاں ضروری ہو وہاں پی پی پی موڈ کے تحت کام کریں گے۔ وزیر اعلیٰ سندھ نے کہا کہ ان کی حکومت کراچی کے مختلف اضلاع میں ٹیپ واٹر کی فراہمی کے لئے واٹر اسکیم شروع کررہی ہے۔ انہوں نے کہا کہ اگر کویتی کمپنی شہر میں پانی کی تقسیم کا نظام شروع کرے گی تو اس پر ہم ان کا خیرمقدم کریں گے۔ مراد علی شاہ نے کہا کہ صوبائی محکمہ زراعت کے پاس مویشیوں کے پالنے کے بڑے مراکز موجود ہیں۔ انہوں نے کہا کہ ہم انرٹیک کو محکمہ زراعت کے ساتھ مل کر کام کرنے پر انہیں خوش آمدید کہیں گے تاکہ مویشیوں کی نئی نسلوں کو فروغ ملے اور حلال گوشت کی برآمد کے لئے ان کی نشوونما کی جاسکے ۔ انہوں نے مزید کہا کہ سولر ٹیوب ویلز کی تنصیب کا ایک اور منصوبہ پائپ لائن میں ہے۔ کویت کی کمپنی اس منصوبے میں حصہ لے سکتی ہے اور صوبے میں سولر ٹیوب ویلز نصب کرنے میں مدد فراہم کرسکتی ہے۔ کمپنی کے سی ای او نے وزیر اعلیٰ سندھ کو سندھ میں کام کرنے کے مواقعے دینے پر ان کا شکریہ ادا کیا اور کہا کہ ان کی فرم پہلے ہی بلوچستان میں کام کر رہی ہے۔ وزیراعلیٰ سندھ نے کہا کہ تھر میں سرمایہ کاری کے بہت سے مواقعے موجود ہیں اور انہوں نے وفد کو تھر کے علاقے کا دورہ کرنے اورانہیں ان کی دلچسپی کے شعبوں کی تلاش کرنے کی دعوت دی۔ انہوں نے کہا کہ صوبائی حکومت سرمایہ کاروں کو ہرممکن مدد فراہم کرتی ہے۔ وزیر اعلیٰ سندھ نے چیئرمین پی اینڈ ڈی محمد وسیم کو ہدایت کی کہ وہ محکمہ سرمایہ کاری کے ساتھ آنے والے وفد کی میٹنگ کا اہتمام کریں تاکہ وہ دیگر مواقعوں پر تبادلہ خیال کرسکیں۔

مذکورہ (RFID) سروس کارڈ کے ذریعے تمام پولیس ملازمین کی سمارٹ اٹینڈنس سسٹم کے تحت حاضری لی جائیگی.دنیا کی طرح جدید طرز عمل پر عمل پیرہ سندہ پولیس نے کیئےجدید تیکنیکی آلات کے ذریعے کامیابیاں حاصل کی ہیں.سندہ پولیس کے ایچ آر ایم سیکشن کی کاوشوں سے پولیس افسران و جوانان سمیت تمام پولیس ملازمان کے جدید طرز پر کمپیوٹرائزڈ سروس کارڈ جاری کرنے کا عمل شروع کردیا گیا ہے.
اس سلسلے میں ایس ایس پی لاڑکانہ جناب مسعود احمد بنگش صاحب نے پولیس افسران و جوانوں کو ڈجیٹل (RFID) سروس کارڈ وتھہ کیو آر کوڈ جاری کرنے کاعمل شروع کردیا ہے.
اچھی کارکردگی پر جناب ایس ایس پی صاحب لاڑکانہ اور ایس پی ہیڈ کواٹر جناب محمد کلیم ملک صاحب نے انچارج ایچ آر ایم امتیاز علی شیخ اور انکی ٹیم کو تعریفی اسناد دیکر انعامات و اعزازات سے نوازہ ہے.

کراچی: ایڈمنسٹریٹر کراچی لیق احمد کی ھدایت پر سینئر ڈایریکٹر لینڈ اینٹی اینکروچمنٹ بشیر صدیقی کی زیر نگرانی ڈسٹرکٹ ساوتھ لی مارکیٹ کے اطراف تجاوزات کے خلاف آپریشن شروع روڈ اور فت پاتھ پر رکھے ھوٹل کا سامان کرسیاں میزیں کیبن گیس سلینڈڑ پنکچر بنانے کا سامان ٹھیلے پتھارے گنے کی مشین اور دیگر تجاوزات ضبط کی جارھی ھے کاروائ ڈپٹی ڈائریکٹر آصف جیٹھا نیپر پولیس سٹی وارڈن اور اسٹاف اینٹی اینکروچمنٹ بھی موجود ہیں۔

تفصیلات کے مطابق کراچی کے دو ڈسٹرکٹ ڈسٹرکٹ ساوتھ اور ڈسٹرکٹ کورنگی میں تجاوزات کے خلاف آپریشن۔ ایڈمنسٹریٹر کراچی لیق احمد کی ھدایت پر کراچی کے دو ڈسٹرکٹ میں تجاوزات کے خلاف آپریشن جاری ھے۔ڈسٹرکٹ ساوتھ میں لی مارکیٹ کے اطراف تجاوزات کے خلاف آپریشن کیا جارھا ھے۔ڈسٹرکٹ کورنگی میں کمپری ہینسو ھائ اسکول 9000 روڈ پر تجاوزات کے خلاف بڑا آپریشن کیا جارھا ھے۔

ڈسٹرکٹ کورنگی میں فت پاتھ پر رکھیں لکڑی اور لوھے کی دوکانوں کو مسمار کیا جارھا ھے جبکہ ڈسٹرکٹ ساوتھ میں لی مارکیٹ کے اطراف مختلف تجاوزات ضبط کی جارھی ھے۔ ایڈمنسٹریٹر کراچی لیق احمد کی ھدایت پر کراچی کے سات ڈسٹرکٹ میں روزانہ کی بنیاد پر تجاوزات کے خلاف ڈے نائٹ آپریشن جاری ھے۔
آپریشن میں علاقہ اسسٹنٹ کمشنر علاقہ ایس ایچ او پولیس کی بھاری نفری سیٹی وارڈن آفیسرز وہ اسٹاف اینٹی اینکروچمنٹ بھی موجود ہیں بشیر صدیقی

موسیٰ فاؤنڈیشن کے چیئرمین آصف موسیٰ کی ویراول ترک جماعت کی جانب سے "مقدمہ جوناگڑھ” کے نام سے منعقدہ تقریب میں مہمان خصوصی کے طور پر شرکت، انہوں نے ویراول ترک جماعت کے اس اقدام کو سراہا اور ہر ممکن تعاون کی یقین دہانی کروائی، ترک ویراول جماعت کی جانب سے چیئرمین موسیٰ فاؤنڈیشن آصف موسیٰ کو اعزازی شیلڈ سے بھی نوازا گیا… اس موقع پر فاروق ستار، ایم پی اے قاسم فخری، ریحان ہاشمی، ایس ایچ او بلدیہ انسپکٹر احمد عمر، بشیر گارڈ، یوسف چاغا و دیگر معززین موجود…

کراچی:احسن آباد غازی کانٹاکے قریب ٹریفک حادثہ01 شخص ہلاک و01زخمی۔ہلاک وزخمی ہونے والوں کو چھیپا ایمبولینس کے ذریعے عباسی ہسپتال منتقل کیاجارہاہے۔ہلاک وزخمی ہونے والوں کی شناخت (ہلاک)زبیرولد میر حسین عمر35سال(زخمی)انور ولد خوشحال خان عمر17سال۔

کراچی:ماڑی پور دعا ہوٹل کے قریب ٹریفک حادثہ ایک شخص ہلاک۔ہلاک ہونے والے شخص کو چھیپا ایمبولینس کے ذریعے سول ہسپتال منتقل کیاجارہاہے۔ہلاک ہونے والے شخص کی شناخت تاحال نہ ہوسکی عمر25سال۔

کراچی:کورنگی 05 نمبر کے قریب ٹریفک حادثہ ایک شخص ہلاک۔ہلاک ہونے والے شخص کو چھیپا ایمبولینس کے ذریعے جناح ہسپتال منتقل کیاجارہاہے۔ہلاک ہونے والے شخص کی شناخت عمر ولد نعمت عمر60سال۔

کراچی:شفیق موڑ نالے کے قریب سے ایک شخص کی لاش برآمد(وجہ ہلاکت نامعلوم)۔لاش کو چھیپا ایمبولینس کے ذر یعے عباسی ہسپتال منتقل کیاجارہاہے۔لاش کی شناخت تاحال نہ ہوسکی عمر35سال۔

شہر قائد میں فائرنگ کے واقعات کے ساتھ لُوٹ مار میں بھی اضافہ،
نئے سال میں جرائم کی شرح بھی گزشتہ سال کی نسبت بڑھ گئی،
دسمبر 2020 کی نسبت جنوری 2021 میں 37 فیصد زیادہ موٹرسائیکلیں چھینی گئیں،
جنوری میں گاڑی چوری میں 24، موٹر سائیکلیں چوری میں 7 فیصد اضافہ،
دسمبر 2020 کی نسبت جنوری میں 10 فیصد موبائل فونز بھی زیادہ چھینے گئے، سی پی ایل سی

بلدیہ ٹاؤن کے رہائشی نوجوان تڑپنے رہے، پولیس اہلکار بے حسی کی مثال بن گئے
بلدیہ ٹاؤن کے رہائشی جوان پاکستان تحریک انصاف کے کارکن صدام آفریدی اور ان کے دوست عامر اور ریحان سڑک پر بے یار و مددگار تڑپتے رہے اور پولیس اہلکار تماشائی بن کر وڈیو بناتے رہے ملک شہزاد اعوان کا صورتحال کا نوٹس وزیر اعلیٰ سندھ ، ائی آئی جی سندھ اور کراچی پولیس چیف سے جے ائی ٹی تشکیل دے کر شفاف تحقیقات کا مطالبہ کردیا ملک شہزاد اعوان نے جاری بیان میں کہا کہ اس طرح کے واقعات میں پولیس اہلکاروں کا اس طرح کا رویہ ناقابلِ برداشت ہے اس طرح کے اہلکار پولیس ڈیپارٹمنٹ پر بدنامی کا داغ ہیں جو دیگر پولیس افسران اور ڈیپارٹمنٹ کی عزت کو پامال کرنے کا باعث ہیں، اکثر اوقات کیسز میں یہ دیکھا گیا ہے کہ ماورائے عدالت قتل کے بعد پولیس کیس کو شفافیت کے ساتھ تحقیق کرنے کے بجائے کیس کو دبانے کے لیے مقتولین کا سابقہ پولیس ریکارڈ سامنے رکھ کر لواحقین کے جذبات کے ساتھ کھیلتے نظر آئے ہیں، انہوں نے کہا کہ صدام آفریدی پاکستان تحریک انصاف کا اثاثہ تھے انہوں نے پارٹی کے لیے بہت قربانیاں دی ان پر کچھ دن قبل ہی ایس ایچ او اتحاد ٹاون پرویز بھٹو نے ذاتیات کی بنا پر جھوٹا مقدمہ دائر کیا صدام کے بھائی کو بھی جھوٹے مقدمے میں نامزد کیا مجھے شبہ ہے کہ اب اس جھوٹے ریکارڈ کو قتل کی تفتیش کا حصہ بنا کر کیس دبا دیا جائے گا، یقیناً میں اس طرح کی صورتحال نہیں بننے دونگا، معاملے کی شفاف تحقیقات کروائی جائے گی میں صدام آفریدی,انعام اور عامر کی فیملی کے ساتھ ہوں انہیں مکمل انصاف دلایا جائے گا۔