Category: کراچی

سندھ ہائیکورٹ نے نیب کو ملزم کو گرفتار کرنے سے روک دیا

باغی ٹی وی :سندھ ہائیکورٹ نے نیب کو ملزم کو گرفتار کرنے سے روک دیا.عدالت نے جنید قادر شاہ کی ایک ہفتے کیلئےحفاظتی ضمانت منظور کرلی

شریک ملزم جنید قادر شاہ نے حفاظتی ضمانت کیلئےعدالت سے رجوع کیا تھا . سندھ ہائیکورٹ ،خورشید شاہ کے خلاف کرپشن اور آمدن سے زائد اثاثے بنانے کے کیس میں عدالت نے نیب کو آرڈر جاری کیا .عدالت نے نیب کو نوٹس جاری کرتے ہوئے 23 نومبر کو جواب طلب کرلیا

سندھ ہائی کورٹ نے پاکستان پیپلز پارٹی کے رہنما خورشید شاہ کے خلاف آمدن سے زائد اثاثے بنانے کے ریفرنس میں شریک ملزم جنید قادر شاہ کی حفاظتی ضمانت منظور کر لی۔شریک ملزم جنید قادر شاہ نے حفاظتی ضمانت کے لیے عدالتِ عالیہ سے رجوع کیا تھا۔

گرفتاری کے بعد بیماری سیاسی رہنماؤں کا معمول،خورشید شاہ بھی

خورشید شاہ کی گرفتاری، دونوں بیگمات نے بڑا قدم اٹھا لیا، عدالت پہنچ گئیں

قیادت کمزور ہونے کی وجہ سے بھارت آئے روز پاکستان پر حملے کر رہا ہے،خورشید شاہ

نیب نے خورشید شاہ کے خلاف احتساب عدالت میں ریفرنس دائر کر رکھا ہے، خورشیدشاہ کیخلاف ریفرنس میں مزید 17 افرادبھی نامزدہیں، خورشیدشاہ کی اہلیہ،دونوں بیٹےاورداماد بھی عدالت پیش ہوئے ہیں، اویس قادر شاہ،ایم پی اے فرخ شاہ ودیگراحتساب عدالت پیش ہوئے ہیں. سکھر:ملزمان پرایک ارب 23 کروڑ روپے کرپشن کاالزام ہے

بلاول تھوڑا غصہ ادھر بھی نکالیں، سیدمصطفی کمال

باغی ٹی وی رپورٹ کے مطابق ، پاک سرزمین پارٹی کے صدر مصطفیٰ کمال نے سندھ کے ضلع مٹیاری میں‌آوارہ کتوں سے کاٹے جانے والے بچے پراپنا رد عمل دیتے ہوئے کہا ہے.کیپٹن صفدر کی گرفتاری پر غصے میں آنے والے بلاول صاحب تھوڑا غصہ سندھ میں معصوم بچوں کو کتے کے کاٹنے پر دکھادیں، بلاول صاحب آپ کی حکومت پچھلے پندرہ سال سے سندھ پر ہے اور مٹیاری اس کا ضلع ہے جہاں ایک ماں کے بچے کو آوارہ کتوں نے کاٹ لیا ہے اور وہ اپنی ماں کی گود میں دم توڑ گیا ہے. سید مصطفی کمال کاکہنا ہے کہ آپ کی حکومت اور اس کی کارکردگی کہاں ہے کیا . عوام کو آوارہ کتوں کے رحم و کرم پر چھوڑ دیا ہے کہ وہ ماؤں کے جگر گوشوں کو کاٹیں اور پھر مائیں اپنے جگر گوشوں کو ڈھونڈتی پھریں

کیپٹن صفدر کی گرفتاری پر غصے میں آنے والے بلاول صاحب تھوڑا غصہ سندھ میں معصوم بچوں کو کتے کے کاٹنے پر دکھادیں@BBhuttoZardari #ppp @SindhCMHouse pic.twitter.com/qFMjKVHKSM

— Baaghi TV باغی ٹی وی (@BaaghiTV) November 12, 2020

آپ نے اگر عوام کی خدمت اور حفاظت نہیں کرنی تو اس اقتدار کا کیا فائدہ. واضح رہے کہ سید مصطفیٰ‌کمال کراچی اور سندھ کی بری حالت پر اکثر کڑھٹے رہتے ہیں. ان کا کہنا ہے کہ مسائل کے حل کے لیے ایک بار انہیں‌موقع دیا جائے پھر دیکھنا کہ عوام کے مسائل کس طرح حل ہوتے ہیں.

ادھر کشمور میں ماں اور پانچ سالہ بیٹی کے ساتھ اجتماعی زیادتی کے اندوہناک واقعے پر پی پی پی چیئرمین بلاول بھٹو زرداری کا کہنا ہے انہیں اس گھناؤنے فعل سے شدید صدمہ پہنچا ہے۔ گورنر سندھ عمران اسماعیل نے آئی جی پولیس اور چیف سیکرٹری سے ٹیلی فونک رابطہ کیا اور المناک واقعے کی رپورٹ فوری طلب کر لی۔

زمیں پھٹی، نہ آسماں رویا۔ ماں بیٹی کے ساتھ اس قدر ظلم ہوا، بھیڑیے نما ملزمان نے مقدس رشتوں کا بھی خیال نہ کیا۔ افسوس ناک واقعہ کشمور میں پیش آیا جہاں 5 سالہ معصوم بچی علیشاہ اور اس کی والدہ سے اجتماعی زیادتی کی گئی۔ اس درندگی پر کشمور کے لوگ سراپا احتجاج ہیں

کشمور میں ماں اور پانچ سالہ بیٹی کے ساتھ اجتماعی زیادتی پر بلاول بھی بول پڑے

باغی ٹی وی : کشمور میں ماں اور پانچ سالہ بیٹی کے ساتھ اجتماعی زیادتی کے اندوہناک واقعے پر پی پی پی چیئرمین بلاول بھٹو زرداری کا کہنا ہے انہیں اس گھناؤنے فعل سے شدید صدمہ پہنچا ہے۔ گورنر سندھ عمران اسماعیل نے آئی جی پولیس اور چیف سیکرٹری سے ٹیلی فونک رابطہ کیا اور المناک واقعے کی رپورٹ فوری طلب کر لی۔

زمیں پھٹی، نہ آسماں رویا۔ ماں بیٹی کے ساتھ اس قدر ظلم ہوا، بھیڑیے نما ملزمان نے مقدس رشتوں کا بھی خیال نہ کیا۔ افسوس ناک واقعہ کشمور میں پیش آیا جہاں 5 سالہ معصوم بچی علیشاہ اور اس کی والدہ سے اجتماعی زیادتی کی گئی۔ اس درندگی پر کشمور کے لوگ سراپا احتجاج ہیں۔

کشمور پولیس نے ایک ملزم رفیق ملک کو گرفتار کر کے عدالت سے چار روزہ جسمانی ریمانڈ حاصل کر لیا ہے۔ بلاول بھٹو زرداری نے واقعے کو گھناؤنی درندگی قرار دیا۔ ان کا کہنا ہے مظلومین سے انصاف ہو گا۔ بلاول بھٹو نے ہدایت کی ہے کہ معصوم بچی اور اس کی والدہ کے علاج و معالجے کو یقینی بنایا جائے۔اس گنہونی درندگی پر انسانیت شرمندہ ہے، واقعہ میرے لیئے باعثِ صدمہ ہے:

گورنر سندھ عمران اسماعیل نے واقعے کا نوٹس لیتے ہوئے آئی جی پولیس سے رپورٹ طلب کر لی ہے۔

آرزو راجہ کا نکاح پڑھانے والا مولوی اور وکیل کہاں گئے؟ تفتیشی افسر کا عدالت میں بیان

باغی ٹی وی کی رپورٹ کے مطابق پولیس نے آرزو کے شوہر علی اظہر کو ریمانڈ مکمل ہونے پر عدالت میں پیش کردیا

دوران سماعت تفتیشی افسر نے عدالت میں کہا کہ ملزم علی اظہر سے تفتیش مکمل کرلی ہے، مزید ریمانڈ کی ضرورت نہیں، آرزو اور علی اظہر کا نکاح پڑھانے والے نکاح خواں عبوری ضمانت پر ہیں، آرزو کے وکیل محمود کی تلاش میں چھاپے مارے لیکن وہ مفرور ہے

تفتیشی افسر نے بتایا کہ نکاح خواں نے بیان دیا کہ آرزو کے خودمختاری سرٹیفکیٹ پر جسٹس آف پیس محمد اظہر الدین کی مہرلگی ہے، آرزو اورعلی اظہرکے گواہوں کی موجودگی میں ان کا نکاح پڑھایا،

واضح رہے کہ گزشتہ سماعت پر سندھ ہائیکورٹ نے اسلام قبول کر کے پسند کی شادی کرنے والی لڑکی آرزو فاطمہ کو دارالامان بھیجنے کا حکم دیا تھا

عدالت نے تفتیشی افسر کو چائلڈ میرج ایکٹ کی روشنی میں تحقیقات کاحکم دیدیا،عدالت نے کہا کہ کم عمری کی شادی کے قانون کی روشنی میں کارروائی کی جائے ۔سندھ ہائیکورٹ میں اسلام قبول کرکے پسند کی شادی کرنے والی لڑکی آرزو فاطمہ کی عمر کے تعین سے متعلق رپورٹ پیش کردی گئی ،

سندھ ہائیکورٹ میں پسند کی شادی کرنے والی لڑکی آرزو فاطمہ کیس کی سماعت ہوئی،آرزو راجہ کی عمر کے تعین سے متعلق رپورٹ پیش کردی گئی ،5 رکنی میڈیکل بورڈ نے آرزو کی عمر 14 سے 15 سال قرار دے دی۔

واضح رہے کہ پیپلز پارٹی کے چیئرمین بلاول بھٹو زرداری کا کہنا ہے سندھ حکومت آرزو راجہ کیس کے فیصلے پر نظر ثانی کے لیے عدالت سے رجوع کرے گی۔

بلاول نے کہا کہ آرزو راجہ کیس میں اگر معزز عدالت کو شبہات ہیں تو انہیں دور کیا جائے گا، سندھ حکومت اپنے دائرہ کار میں انصاف کی فراہمی کے لیے ہر ممکن اقدام کرے گی۔انہوں نے کہا کہ کم عمری میں شادی سے متعلق قانون پر عمل درآمد کے لیے ہر ممکن جدوجہد کریں گے۔

دوسری جانب ہیومن رائٹس کمیشن آف پاکستان کا کہنا ہے شواہد بتارہے ہیں کہ آرزو راجہ کم عمر ہے، اس کی شادی اور مذہب کی تبدیلی جبری طور پر کرائی گئی ہے، یہ ملکی قوانین کی خلاف ورزی کے زمرے میں آتا ہے ۔

خیال رہے کہ سندھ ہائی کورٹ نے اپنی مرضی سے اسلام قبول کرے شادی کرنے والی آرزو فاطمہ کے کیس میں پولیس کو آرزو فاطمہ کے شوہر علی اظہر اور اس کے اہل خانہ کی گرفتار سے روک دیا۔

درخواست گزار آرزو  نے مؤقف اختیا کیا تھا کہ ‘میرا تعلق عیسائی گھرانے سے تھا مگر بعد میں اسلام قبول کرلیا اور نام آرزو فاطمہ رکھا، میں نے اپنے گھر والواں کو بھی اسلام قبول کرنے کا کہا مگر انہوں نے انکار کردیا جبکہ میں نے بغیر کسی دباؤ کے اپنی مرضی سے اسلام قبول کیا ہے.

آرزو اغوا یا قبول اسلام معمہ الجھ گیا لاہور احتجاج میں کر دی بڑی ڈیمانڈ

پسند کی شادی کرنے والی آرزو فاطمہ کیس میں عدالت کا بڑا حکم

پسند کی شادی کرنے والی آرزو راجہ کا بیان سن کر عدالت نے کیا حکم دے دیا؟

پسند کی شادی کرنیوالی آرزو کی عمر کتنی؟ رپورٹ عدالت میں پیش

آرزو  نے بتایا کہ اپنی مرضی سے علی اظہر سے پسند کی شادی کی ہے، پسند کی شادی کرنے پر میرے والد نے میرے شوہر کی پوری فیملی کے خلاف مقدمہ درج کرادیا ہے مقدمہ درج ہونے کے بعد پولیس کی جانب سے ہراساں کیا جارہا ہے۔

پسند کی شادی کرنیوالی آرزو کی عمر کا تعین ہونے کے بعد عدالت نے اہم حکم دے دیا

نیب سے گرفتاری کا خوف، تحریک انصاف کی اہم شخصیت ضمانت کروانے پہنچ گئی

باغی ٹی وی کی رپورٹ کے مطابق ‏رہنما تحریک انصاف فردوس شمیم نقوی بھی نیب کے ریڈار پرآگئے

فردوس شمیم نقوی نے گرفتاری سے بچنے کے لئے عدالت سے رجوع کر لیا،عدالت نے فردوس شمیم نقوی کی 10 لاکھ روپے میں عبوری ضمانت منظور کر لی ،عدالت نے27 نومبرتک نیب کوفردوس کی گرفتاری سے روک دیا،عدا لت نے نیب ودیگرسے پیش رفت رپورٹ طلب کر لی

دوسری جانب الیکشن کمیشن نے فردوس شمیم نقوی کے اثاثہ جات بھی ظاہر کر دیئے ہیں، پی ٹی آئی کے فردوس شمیم نقوی 33 کروڑ 40 لاکھ روپے کے مالک ہیں،

واضح رہے کہ فردوس شمیم نقوی نے قائد حزب اختلاف کےعہدے سے استعفا دے دیا تھا،گورنر سندھ عمران اسماعیل کا کہنا ہے کہ فردوس شمیم نقوی نے استعفااسی روز معذرت کرنے کےبعد دے دیا تھا،گورنر سندھ کو فردوس شمیم نے اپنا استعفیٰ دیا،

قبل ازیں پارٹی چیف آرگنائزر سیف اللہ نیازی نے فردوس شمیم نقوی کو وزیراعظم کا پیغام پہنچا یا ،۔پارٹی قیادت ان کی سندھ اسمبلی میں دو سالہ کارکردگی سے مطمئن نہیں تھی۔ نئے اپوزیشن لیڈر کا اعلان بعد میں کیا جائے گا۔

واضح رہے کہ فردوس شمیم نقوی نے گیس بحران پر وزیر اعظم سمیت وفاقی وزرا پرتنقید کی تھی جس پربعد میں انہوں نے معذرت بھی کی،

فردوس شمیم نقوی کا کہنا تھا کہ کسی کی بھی حکومت ہو، اس شہر میں گیس کی ڈلیوری صحیح نہیں، وزیراعظم، عمر ایوب،ندیم بابر سنیں، انکو شرم بھی دلاؤں گا، کوئی شرم ہوتی ہے کوئی حیا ہوتی ہے،دو سال گزر گئے ابھی تک شہر قائد کا گیس کا مسئلہ حل نہیں ہوا

نجی ٹی وی کے مطابق فردوس شمیم نقوی کے متنازع بیانات سے بھی مسائل پیدا ہوئے، کچھ ایم پی ایز کو فردوس شمیم نقوی سے سخت رویے کی بھی شکایات تھیں، اور ان سے استعفیٰ وزیر اعظم عمران خان کی جانب سے طلب کیا گیا تھا

حکومت نے قبلہ درست نہ کیا تو عوام انکے محلوں کے باہر ہونگے۔ مصطفیٰ کمال

باغی ٹی وی کی رپورٹ کے مطابق پاک سرزمین پارٹی کے چیئرمین سید مصطفیٰ کمال نے کہا کہ پاک سرزمین پارٹی میں شمولیتوں کا سلسلہ جاری ہے، ہر دن گزرنے کے ساتھ ساتھ پی ایس پی کے ساتھ جڑنے والوں کی تعداد میں اضافہ ہوتا جارہا ہے۔ وزیراعظم اور وزراء اعلیٰ والی پارٹیوں کو چھوڑ کر لوگ ہمارے ساتھ شامل ہو رہے ہیں، یہ اس بات کا ثبوت ہے کہ لوگ موجودہ حکمرانوں سے ناامید ہو چکے ہیں۔ جنہیں ملک کے حالات بہتر کرنے ہیں، انکے لئے پاک سرزمین پارٹی ہی واحد آپشن ہے،

مصطفیٰ کمال کا مزید کہنا تھا کہ یہ ملک اس نظام کے تحت مزید نہیں چل سکتا، تمام جماعتوں کو بیٹھ کر گرینڈ جرگہ کرنا ہو گا، اصول طے کرکہ فیصلے کرنے ہونگے، تمام سیاستدانوں اور اداروں کو بیٹھ کر 20 سال کا لائحہ عمل طے کرنا ہوگا، ادارے وزیراعظم کو گرینڈ نیشنل ڈائیلاگ کے لیے آمادہ کریں۔جنرل قمر جاوید باجوہ سے کہتا ہوں کہ عوام کی امیدیں حکومت اور اپوزیشن سے ختم ہو چکی تھیں، آپ کراچی آئے دو دن ٹھرے لیکن اگر اب بھی حالات وہی رہے تو لوگ آپ سے مایوس ہونگے۔ کراچی کو پیکج نہیں اسکا حق چاہیے۔ کراچی چلتا ہے تو پاکستان چلتا ہے۔ پیپلز پارٹی کے چئیر مین بلاول زرداری کو کیپٹن صفدر کے ساتھ ہونے والے واقعے کا بہت دکھ ہوا اور آرمی چیف سے انکوائری کا مطالبہ کیا۔ ہم پوچھتے ہیں کہ بلاول زرداری نے سندھ کے دارالخلافہ کراچی کے 70 لاکھ لوگوں کو کم گننے پر ایک مرتبہ بھی غصہ نہیں کیا کیونکہ اگر کراچی کی گنتی پوری ہوگئی تو پیپلز پارٹی کو عوام کی خدمت کرے بغیر اقتدار نہیں ملے گا، انہیں مجبوراً عوام کے لیے کام کرنا ہوگا۔ کراچی کے مسائل کا حل یہ ہے کراچی کو صحیح گنا جائے،اٹھارویں ترمیم میں ملنے والے اختیارات نیچے منتقل کرائے جائیں،این ایف سی ایوارڈ کے بعد پی ایف سی ایوارڈ کا اجراء یقینی بنایا جائے،کراچی کو ایک ڈسٹرکٹ کی صورت میں بحال کیا جائے۔

مصطفیٰ کمال کا مزید کہنا تھا کہ 18 اکتوبر کو بھی باغ جناح میں سرکاری وسائل کا بے دریغ استعمال کرتے ہوئے سندھ کے حکمرانوں نے اپوزیشن کی پی ڈی ایم کا جلسہ کیا گیا، سندھ بھر سے لوگ لائے گئے، بھرپور پیسہ خرچ کیا گیا لیکن کراچی میں کھڑے ہو کر کراچی کی بات نہیں کی گئ۔ پی ایس پی کے 8 نومبر کا تاریخی جلسہ بغیر سرکاری وسائل استعمال کیے ہوئے کیا گیا جس میں ہر قومیت، مذہب، فرقے، زبان کے لوگ کراچی کے تمام علاقوں سے باغ جناح پہنچے،اب تک حکومت اور اپوزیشن پر لرزہ طاری ہے، پاک سر زمین پارٹی کراچی کو سسکتا نہیں چھوڑ سکتی، ہم اپنے سینے آگے کریں گے، اگر مرنا ہی ہے تو اس ظلم کے نظام کو روند کر مریں گے۔ جلد آئندہ کے لائحہ عمل کا اعلان کریں گے، اگر حکومت نے قبلہ درست نہیں کیا تو اب یہ لوگ گراؤنڈ نہیں انکے محلوں کے باہر ہونگے۔

مصطفیٰ کمال کا مزید کہنا تھا کہ پیپلز پارٹی کو 8342 ارب روپے این ایف سی ایوارڈ میں ملے جو کرپشن کی نظر ہو گئے۔ پیپلز پارٹی ہی کراچی سے کشمور تک مسائل کی زمہ دار ہے، کراچی سے کشمور تک لوگوں کے کتے کاٹ رہے ہیں،کراچی دنیا کی بدترین ٹرانسپورٹ میں نمبر 1، بدترین بجلی کے نظام میں نمبر 1، کاروبار کرنے کے لائق بدترین شہروں میں نمبر 1، نوکریوں کے لحاظ سے بدترین شہروں میں نمبر 1۔کراچی کی ایک ماہ پہلے سب سے بڑی خبر یہ تھی کہ گھروں میں پانی گس گیا ہے، 64 افراد مر گئے، وزیراعظم کو نیشنل ڈزاسٹر مینجمنٹ کو کراچی بھیجنا پڑا،چیف جسٹس نے کراچی کے مسائل پر عدالت لگا لی،چیف آف آرمی سٹاف دو دن آ کر بیٹھے اور یہاں کے مسائل سنے اور وزیراعظم کو آکر 1100 ارب روپے کا اعلان کرنا پڑا،1100 ارب روپے میں سے 11 روپے ابھی تک نہیں آئے۔

کراچی کی عوام کو ایک قطرہ پانی کا نہ دینے والے انقلاب لانے کی بات کر رہے ہیں، مصطفیٰ کمال برس پڑے

کرونا کے باعث نالوں کی صفائی کا کام تاخیرکا شکار ہوا،وزیراعلیٰ سندھ

صوبائی خود مختاری کے نام پر صرف ایک شخص کو اختیار دیا گیا،مصطفیٰ کمال

کراچی کے مسئلہ پر آرمی چیف کو وزیراعلیٰ سندھ سے بات کرنی چاہئے،مصطفیٰ کمال نے کیا تشویش کا اظہار

این ایف سی کے سارے پیسے وزیراعلیٰ لے کر بیٹھ جاتے ہیں،مصطفیٰ کمال

کراچی اور سندھ کی تباہی کے ذمے داروں کا کل یوم احتساب ہوگا، مصطفیٰ کمال

مصطفیٰ کمال کا مزید کہنا تھا کہ وزیراعظم عمران خان کو اب تک یقین نہیں آیا کہ وہ الیکشن جیت چکےہیں مگر وہ ابھی تک الیکشن کمپین کا بیانیہ ہی چلا رہے ہیں۔  آئین کے تحت چلنے والے ملک میں اگر وزیراعظم اپوزیشن سے بات نہ کرے تو آئینی بحران پیدا ہو جاتا ہے۔یہ ملک آئین پر چتا ہے بادشاہت پر نہیں۔نیب چیئرمین، پبلک اکاؤنٹس کمیٹی کا چیئرمین اپوزیشن کی مشاورت سے لگتا ہے۔وزیراعظم عمران خان کا اپوزیشن سے بات کرنے کا موڈ نہیں ہےمجبوراً جب اداروں کو ملک چلانے کیلئے اپنا کردار ادا کرنا پڑا تو ساری خرابیوں کا ملبہ ان پر ڈال دیا گیا۔اپوزیشن اگر واقعی مخلص ہے تو ایک گھنٹے میں استفعی دیں حکومت ختم ہو جائے گی۔سب یہی کہہ رہے ہیں کہ اس حکمران کو اتارو اور ہمیں حکمران بنا دو،

انہوں نے کہا کہ جو کام 50 ہزار میں ہوتا تھا اب 5 لاکھ میں ہو رہا ہے ،حکومت اور اپوزیشن سمیت کوئی ریفارمز کی بات نہیں کر رہا۔انکی مثال ایسی ہے 1 کروڑ کا مال اگر دکان میں ہے اور 1 لاکھ کی چوری ہو گئی تو 99 لاکھ کا مال چھوڑ کر 1 لاکھ کے پیچھے بھاگ رہے ہیں،عوام سے معافی مانگ لیں کہ ہم گیا ہوا پیسہ واپس نہیں لا سکتے اور موجودہ وسائل پر توجہ دیں اور غربت تیزی سے بڑھ رہی ہے،معاشرہ اتنا خراب ہو چکا ہے کہ چھوٹی چھوٹی بچیاں بھی محفوظ نہیں۔ انہوں نے کہا کہ وزیراعظم مسلمانوں کے قاتل نریندر مودی سے بات کر سکتے ہیں لیکن اپوزیشن رہنماؤں سے نہیں،انہی اپوزیشن رہنماؤں سے سینیٹ کا ووٹ لینا ہو تو حلال ہے۔اس موقع پر پاک سر زمین پارٹی میں شمولیت اختیار کرنے والوں میں رؤف اختر فاروقی، سابق DG KBCA ، ایڈمنسٹریٹر کراچی، صوبائی سیکرٹری انفارمیشن ٹیکنالوجی ،بزنس کمیونٹی سے آفاق فاروقی، میجر وسیم قیصر (ریٹائرڈ) ذیشان زکی، سلیم نقی، احمد صادق، جہانزیب، طیبہ، تسلیم خان، سمیع شفیع، کامران راجا شمولیت کی ،معروف قانون دانوں میں سہیل عباس، جنید رضا ایڈووکیٹ، عباس حیدر کی شرکت ہوئی ہے