Category: کراچی

صوبے سندھ میں لاک ڈاؤن کی خلاف ورزی پر پولیس کا بڑا آپریشن

باغی ٹی وی :صوبے میں لاک ڈاؤن کی خلاف ورزی پر پولیس کارروائیوں کا سلسلہ جاری ہے، صوبے میں مزید 127 افراد گرفتار کرلئے گئے. لاک ڈاؤن کی خلاف ورزی پر اڑتالیسویں روز 33 مقدمات درج ہوئے

پولیس سے ملنے والے اعدادوشمار کے مطابق گرفتار ملزمان کی تعداد 11 ہزار 261 ہوگئی، صوبے میں لاک ڈاؤن کی خلاف ورزی پر درج ہونے والے مقدمات کی تعداد 3 ہزار 520 تک جا پہنچی گئی.: لاک ڈاؤن کے اڑتالیسویں روز کراچی سے 63 افراد کو گرفتار کیا گیا

کراچی میں گرفتار ملزمان کے خلاف 19 مقدمات درج ہوئے، لاک ڈاؤن کی خلاف ورزی پر حیدر آباد میں 3 افراد گرفتار اور ان پر 1 مقدمہ قائم کیا گیا، میرپور خاص میں 3 افراد گرفتار اور ان کے خلاف 3 مقدمات درج کئے گئے. شہید بے نظیر آباد میں تین روز بعد 30 افراد کو گرفتار کیا گیا. شہید بے نظیر آباد میں لاک ڈاؤن کی خلاف ورزی پر گرفتار ملزمان کے خلاف 4 مقدمات بنائے گئے.:سکھر میں لاک ڈاؤن کی خلاف ورزی پر 2 افراد گرفتار اور ان پر 1 مقدمہ قائم ہوا. لاڑکانہ میں لاک ڈاؤن کی خلاف ورزی پر 26 افراد کو گرفتار کیا گیا. لاڑکانہ سے گرفتار 26 افراد کے خلاف 5 مقدمات درج کئے گئے،

شہلا رضا نے تحریک انصاف کے سینیٹر کو مار ڈالا

باغی ٹی وی کی رپورٹ کے مطابق پیپلز پارٹی کی رہنما شہلا رضا نے تحریک انصاف کے رہنما فیصل جاوید کو مار ڈالا

سماجی رابطے کی ویب سائٹ ٹویٹر پر ٹویٹ کرتے ہوئے شہلا رضا کا کہنا تھا کہ یہ خبر انتہائی دکھ کے ساتھ سنی کہ سینیٹر فیصل جاوید کا انتقال ہو گیا،اللہ انہیں جنت میں بلند درجات دے اور لواحقین کو صبر جمیل دے

ہوا کچھ یوں کہ گزشتہ روز فیصل جاوید کی والدہ کی وفات ہوئی تھی تا ہم شہلا رضا نے فیصل جاوید کی والدہ کی وفات کو فیصل جاوید کی ہی موت بنا کر تعزیت کر ڈالی، فیصل جاوید نے جب شہلا رضا کی یہ ٹویٹ دیکھی تو انہوں نے جواب دیا کہ میں ابھی زندہ ہوں ہٹا کٹا ہوں محترمہ کتنی بار آپکو سمجھایا ہے کپی مت پیا کریں اور اگر پیتی بھی ہیں تو پی کر ٹویٹ مت کیا کریں

میں ابھی زندہ ہوں ہٹا کٹا ہوں محترمہ کتنی بار آپکو سمجھایا ہے کپی مت پیا کریں اور اگر پیتی بھی ہیں تو پی کر ٹویٹ مت کیا کریں@SyedaShehlaRaza pic.twitter.com/9ywAa9Ey6o

— 𝐉.𝐀.𝐑.𝐕.𝐈.𝐒. (@halfmemer) May 8, 2020

بعد ازاں شہلا رضا نے فیصل جاوید کے حوالہ سے تعزیت کے لئے کی گئی ٹویٹ ڈیلیٹ کر دی اور نئی ٹویٹ کی.جس میں انہون نے کہا کہ اللہ تعالی سینیٹر فیصل جاوید کو والدہ کے انتقال پر صبر جمیل عطا فرمائے آمین

اللہ تعالی سینیٹر فیصل جاوید کو والدہ کے انتقال پر صبر جمیل عطا فرمائے آمین pic.twitter.com/Nchkz4W9JN

— Syeda Shehla Raza (@SyedaShehlaRaza) May 8, 2020

تحریک انصاف کے رہنما سینیٹر فیصل جاوید کو بڑا صدمہ

سندھ حکومت نے مزید صنعتوں کو کام کرنے کی دی اجازت

باغی ٹی وی :لاک ڈاؤن کی جزوی غیر موثر ہونے کے اثرات جاری سندھ حکومت نے مزید 81 صنعتوں کو کام کرنے کی اجازت دے دی، صوبہ سندھ میں کھلنے والی فیکٹریوں کی کُل تعداد 711 تک پہنچ گئی۔

خراب معاشی صورتحال اور اس کے نتیجے میں بڑھنے والی بے روزگاری کو کم کرنے کی خاطر سندھ حکومت نے مزید 81 صنعتوں کو کام کرنے کی اجازت دے دی ہے، ان صنعتوں میں ٹیکسٹائل، گارمںٹس، اپیرل، ڈینم، نٹ ویئر، انجیینرنگ اور سٹیل کی فیکٹریاں شامل ہیں۔

وزارت داخلہ سندھ کے جاری اعلامیے کے مطابق 7 صنعتی علاقوں سے فیکٹریوں کے مالکان نے برآمدی یونٹس چلانے کی اجازت طلب کی تھی، ٹی ڈی اے پی سے برآمدی آرڈرز کی تصدیق کے بعد اجازت دی گئی ہے۔

تمام فیکٹریز سندھ حکومت کے جاری کردہ ایس او پیز پر عمل کرنے کی پابند ہونگی، جس میں ملازمین کا درجہ حرارت چیک کرنے سمیت، سماجی فاصلے، ماسک اور سیناٹائزر فراہم کیا جائے ÷
واضح رہے کہ اقتصادی ربطہ کمیٹی کے اجلاس کے بعد میڈیا سے گفتگو کرتے ہوئے وزیراعطم عمران خان نے کہا کہ لاک ڈاؤن کی وجہ سے خوف تھا کہ ہمارا بہت بڑا طبقہ دیہاڑی دار اور چھابڑی والے ہیں، اس کی اکثریت 80 فیصد ہے، خوف تھا جب سب بند کر دیا تو جو لوگ روز کماتے ہیں ان کیا بنے گا۔

ان کا کہنا تھا فخر ہے ہمارے ملک میں کورونا کی اس طرح پیک نہیں آئی جس طرح یورپ کے حالات ہیں، اللہ کا کرم ہے پاکستان پر ایسا پریشر نہ پڑا جیسا یورپ میں تھا، ہم سوچتے رہے کہ کونسا وقت ہو کہ ہم لاک ڈائون کو کم کریں۔

باغی ٹی وی کی رپورٹ کے مطابق پاک بحریہ نے اینٹی نارکوٹکس فورس کے ہمراہ خفیہ معلومات کی بنیاد پر بلوچستان کے علاقے پسنی میں مشترکہ کاروائی کرتے ہوئے 100 کلوگرام کرسٹل (ڈرگ)ضبط کر لی۔

پاک بحریہ کے ترجمان کے مطابق پکڑی گئی منشیات کی قیمت تقریبا تین ارب روپے ہے ۔ ضبط کی گئی منشیات کو بحیرہ عرب کے راستے نا معلوم مقام پر منتقل کیا جانا تھا۔ قبضے میں لی گئی منشیا ت کو مزید قانونی کاروائی کے لیے اینٹی نارکوٹکس فورس کے حوالے کر دیا گیا ہے۔

کرونا وائرس کے باعث ملک میں وبائی صورتحال کے باوجود بھی جرائم پیشہ عناصر مذموم کاروائیوں میں سرگرم ہیں جبکہ منشیات اسمگلنگ کے خلاف مشترکہ آپریشن کی کامیابی اس امر کا مظہر ہے کہ پاک بحریہ غیر قانونی سرگرمیوں کی روک تھام کے لیے مستعد ہے۔پاک بحریہ ملکی ساحلی پٹی اور سمندری راستوں کا غیر قانونی مقاصد میں استعمال روکنے کے لیے پر عزم ہے۔

ایم کیو ایم میں مائنس الطاف کے بعد مائنس فاروق ہو گیا، مصطفیٰ کمال زیرو،وزیراعظم نااہل،فاروق ستار نے کیں کھری کھری باتیں

باغی ٹی وی کی رپورٹ کے مطابق ایم کیو ایم کے رہنما فاروق ستار نے نجی ٹی وی سے گفتگو کرتے ہوئے کہا کہ اللہ کا شکر ہے جیسا دنیا کا حال ہے ویسا ہی میرا اور آپ کا حال ہے، سیاست خدمت کے لئے کرنی ہو تو پھر میں سمجھتا ہوں کی سیاست عبادت ہے،میں تو سیاست کو عبادت سمجھ کر کرتا ہوں، جو ہماری چار سے چھ سیٹیں چھینی گئیں میں کھل کر کہتا ہوں‌کہ اتنی سیٹیں دے دی گئیں کہ چھوٹے مارجن سے حکومت بنا لیں، کراچی کی چھ سیٹیں اس لئے دی گئی تھیں کہ نواز شریف اور مریم نواز الیکشن سے پہلے واپس آ گئے تھے اور لاہور ،گوجرانوالہ کی جن چھ سیٹوں پر نظر تھی وہ نہیں ملیں پھر کراچی سے اس کمی کو پورا کیا گیا

فاروق ستار کا مزید کہنا تھا کہ نااہل، نالائق وزیراعظم ہے عمران خان، میں نے تحریک انصاف سے اتحاد کرنے سے منع کیا تھا،عامر خان کا طوطی بولتا تھا اس کے پا س حقیقی سے لائے گئے 500 کارکنا ن تھے، میں نے ان پر اعتماد کیا تھا میں نے ان کو نمبر ٹو بنایا تھا،اس طرح کس نے ان کی مدد کی ،غیبی ہاتھ آگے آئے اور پھر الیکشن کمیشن، ہائیکورٹ میں ان کی مدد کی گئی اور پھر مائنس الطاف کے بعد مائنس فاروق ستار ہوا،اور آج خالد مقبول بھائی کو دال آٹے کا بھاؤ پتہ چل رہا ہے کہ وہ ڈمی سربراہ ہیں، اصل سربراہ عامر خان، کنور نوید، وسیم اختر ہیں

فاروق ستار کا مزید کہنا تھا کہ کچھ چھوٹے سربراہ بھی ہیں، یہ بہانہ کیا جا رہا ہے کہ وہ تنظیمی کام کریں گے، خالد مقبول صدیقی کو کچھ بھی معلوم نہیں ہے، اگر ایک گھر میں زیادہ ابو ہوں گے تو کام نہیں چلے گا، ایم کیو ایم بہادرآباد میں یہی ہو رہا ہے

فاروق ستار کا مزید کہنا تھا کہ ایم کیو ایم پاکستان کسی کے کہنے پر نہیں بنائی گئی، 23 اگست کی شام کو جو بات کہی تھی وہی بات میں نے 22 اگست کی شام کو کرنی تھی اور میں پریس کلب چلا گیا تھا لیکن ٹھاکر نے مجھے بات نہیں کرنے دی حالانکہ میں نے اسکی بڑی منت کی،یہ بھی مجھے معلوم ہے کہ ایک پنڈی سے فون آیا تھا، ایک اسلام آباد سے فون آیا تھا،اس لئے مجھے چھوڑا گیا تھا کہ یہ دیکھنے کے لئے کہ میں‌ کرتا کیا ہوں

فاروق ستار کا مزید کہنا تھا کہ مصطفیٰ کمال کا کہنا ہے کہ ان کو معلوم تھا کہ یہ پریس کانفرنس کسی دن ہو گی، اب ان کے پاس کوئی نجومی تھا جس نے انہیں بتا دیا تھا، عامر خان اس ویو پر سوار ہو کر آ رہے تھے کراچی، ایئر پورٹ پر انکا استقبال کرتے،بہادر آباد لاتے اور ہم سب سر پکڑ کر بیٹھے ہوتے، یہ نعرے لگتے یہ مصطفیٰ کمال،فاروق ستار گٹھ جوڑ نامنظور، ایم کیو ایم ، پی ایس پی اتحاد نا منظور، فاروق ستار استعفیٰ دو اور عامر خان کو رابطہ کمیتی کا کنوینئر بنا دیا جائے یہ منصوبہ تھا

فاروق ستار کا مزید کہنا تھا کہ ہمیں کسی بات پر غرور اور تکبر نہیں کرنا چاہئے اور عقل کل بھی نہیں سمجھنا چاہئے، مجھے کہا جاتا تھا کہ پی ایس پی میں شامل ہو جاؤں، فروغ نسیم کہتے تھے، میں نے سب کی چال ڈھال دیکھی، مصطفیٰ کمال اچھے ایڈمنسٹریٹر لیکن سیاسی طور پر زیرو ہیں، مائنس خالد مقبول صدیقی تب ہو گا جب وہ میری طرح ہمت کرے اور بتا دے کہ اس ٹولے نے ایم کیو ایم پر قبضہ کیا ہوا ہے، پھر کارکنان میرے اور خالد مقبول کے ساتھ ہوں‌ گے،ایم کیو ایم ہم ہوں گے، خالد مقبول میں یہ جراثیم ہیں، وہ بے ایمان نہیں لیکن اللہ انکو حوصلہ دے

فاروق ستار کا کہنا تھا کہ ہیلو کی آواز کراچی والے سنیں گے یا نہیں، ہیلو بولنے والے نے بھی کوئی کسر نہیں چھوڑی،وہ خاموش رہتے اس غلطی کے بعد کوئی دوبارہ غلطی نہ کرتے لیکن انہوں نے دوبارہ غلطی کی اور خود دروازے بند کر دیئے،اگر اسی پتنگ کے ساتھ ایم کیو ایم پاکستان الیکشن میں گئ تو 2020 میں بلدیاتی الیکشن جو ہونا تھے لیکن کرونا کی وجہ سے نہیں ہوئے اب اگلے سال ہوں گے اس میں انہوں نے میئر کا سمجھ لیں سودا کرلیا ہے.