باغی ٹی وی کی رپورٹ کے مطابق پورٹ قاسم کے قریب نجی کمپنی میں گیس لیکج سے متعدد افراد متاثر ہوئے ہیں

اطلاع پرریسکیو ٹیمیں جائے وقوعہ پر پہنچ گئیں،کمپنی میں متاثر ہونے والے مزدوروں کی تعداد 100 تک پہنچ گئی ہے،36 متاثرین کو الخدمت ہسپتال فیز، 25 سے زائد اسٹیل ملز ہسپتال اور 20 سے زائد کو عائشہ ہسپتال منتقل کیا کردیا گیا جبکہ تین کی حالت سیرئس ہے

ذرائع کے مطابق نجی کمپنی میں لائن پھٹی ہے جس سے گیس لیک ہوئی ہے جس کی وجہ سے علاقے کو بند کردیا ہے۔کمپنی ذرائع کے مطابق ٹونٹے والے پائپ کی مرمت کا کام جاری ہے ،کپمنی کے سارے عملے کو باہر نکال دیا ہے

ایم ایس جناح ہسپتال کے مطابق پورٹ قاسم کے قریب اینگرو پولیمراینڈ کیمیکل لمیٹیڈ کےٹرمینل سے کیمیکل اخراج کے باعث 70 سے زائد افراد متاثر ہوئے۔ڈاکٹر سیمی جمالی کے مطابق کچھ افراد کو سانس لینے میں دشواری کا سامنا تھا، تاہم تمام افراد اب بہتر ہیں۔ اطلاعات کے مطابق کچھ متاثرہ افراد کو دیگر 2 نجی اسپتالوں میں بھی منتقل کیا گیا۔

واضح رہے کہ اس سے قبل گزشتہ ماہ کیماڑی کے علاقے میں پراسرار گیس کے اخراج سے 14 افراد جاں بحق ہوئے تھے جب کہ 500 سے زائد متاثر ہوئے تھے۔ حکام گیس کے اخراج کی اصل وجوہات جاننے سے قاصر رہے تھے۔

پاکستان نیوی کے ریٹائرڈ چیف انجنییر کا کیماڑی واقعہ پر کہنا تھا کہ نہ کوئی زہریلی گیس لیک ہوئی اور نہ ہی سویابین کو ذمہ دار قرار دیا جاسکتا ہے۔ اگر گیس لیک ہوتا تو بندرگاہ پر کام کرنے والے افراد بھی متاثر ہوتے مگر یہاں صرف کیماڑی کے رہائشی زیادہ نشانہ بنے ہیں.

سندھ ہائی کورٹ نے کراچی کے علاقے کیماڑی میں زہریلی گیس کے واقعہ پر صوبائی و وفاقی حکومتوں سمیت سندھ انوائرنمنٹل ایجنسی، چیئرمین کے پی ٹی و دیگر کو نوٹسز جاری کر دیے،

عدالت میں دی جانے والی درخواست میں کہا گیا تھا کہ زہریلی گیس سے اموات واقع ہوئیں لیکن کوئی ذمہ داری نہیں لے رہا۔ درخواست گزار نے کیماڑی واقعے پر عدالت سے استدعا کی ہے کہ اس واقعے کی تحقیقات کرائی جائیں اور تعین کیا جائے کہ واقعے کا ذمہ دار کون ہے، ذمہ داروں کے خلاف کارروائی کی جائے اور متاثرین کو معاوضہ دیا جائے۔

شہر قائد میں زہریلی گیس، کسٹم ہاؤس کے ملازمین بے ہوش، کسٹم ہاؤس کو تالے لگ گئے

کراچی میں زہریلی گیس کا اخراج کہاں سے ہوا؟ چیئرمین کے پی ٹی بول پڑے

کراچی میں زہریلی گیس کا پھر حملہ، ہلاکتیں 8 ہو گئیں،مریضوں میں اضافہ

کراچی میں زہریلی گیس کہاں سے آئی؟ جوڈیشیل تحقیقات کا مطالبہ سامنے آ گیا

عدالت نے دوران سماعت ریمارکس دیتے ہوئے کہا کہ یہ اہم معاملہ ہے، صوبائی اور وفاقی حکومتوں کا جواب آنے دیں۔ عدالت نے تمام فریقین سے 11 مارچ تک جواب طلب کر لیا۔

عمارت گری، لوگ مرے، رات کیسے سوئے، کسی کے کان پر جوں رینگی؟ چیف جسٹس کا شدید برہمی کا اظہار

باغی ٹی وی کی رپورٹ کے مطابق سپریم کورٹ کراچی رجسٹری میں تجاوزات کےخلاف کیس کی سماعت ہوئی،اٹارنی جنرل خالد جاوید ، ایڈووکیٹ جنرل سندھ کراچی رجسٹری میں پیش ہوئے

چیف جسٹس گلزار احمد نے کہا کہ ایڈووکیٹ جنرل سرکلر ریلوے پر پیش رفت سے آگاہ کریں، ایڈووکیٹ جنرل سندھ نے سرکلر ریلوے سے متعلق فیصلہ پڑھ کر سنایا،چیف جسٹس گلزار احمد نے کراچی ماس ٹرانزٹ کے نقشے پر عدم اعتماد کر دیا،

چیف جسٹس گلزار احمد نے کہا کہ اس نقشے میں تو کچھ سمجھ نہیں آرہا، جس طرح کا نقشہ ہے اسی طرح کے کام ہیں،آپ کیوں نہیں سمجھ رہے کراچی کو کس طرح کام کی ضرورت ہے،گرین لائن میں 3سال کس بات کے لگے؟ 3سال میں تو پورے ایشیا کے منصوبے مکمل ہو جائیں، یہ مہینوں کا کام ہے، کیا رکاوٹ ہے جو کام وقت پر پورا نہیں ہوتا؟

حکام نے کہا کہ اگلے سال گرین لائن مکمل ہو جائے گی،جس پر چیف جسٹس نے کہا کہ اگلے سال کیوں، اس سال کیوں نہیں؟ ٹھیکیدار کو پیسہ اس وقت دیتے ہیں جب آپ کا کمیشن ملتا ہے،ابھی ناظم آباد جائیں کوئی کام نہیں ہورہا،سب سمجھتے ہیں آپ کے معاملات ٹھیک نہیں ،کوئی انسانیت والا عمل ہے، ملک سے محبت ہے آپ لوگوں کو؟ آپ بین اور بانسری بجا رہے ہیں، لوگ مر رہے ہیں، ابھی تو مرنے کی گنتی شروع ہو ئی ہے، خدانخواستہ کراچی پورا ہی نہ گرجائے، جس طرح کراچی میں تعمیرات ہوئیں بہت بڑا رسک بنا دیا گیا،آپ لوگوں کو کراچی کا کچھ پتہ ہی نہیں،

چیف جسٹس گلزار احمد نے کہا کہ کیماڑی کا پل گرنے والا ہے، کچھ احساس ہے؟ اگر کیماڑی پل گر گیا تو کراچی سے تعلق ہی ختم ہو جائے گا،شہید ملت روڑ، کشمیر روڑ، ناظم آباد کا کیا حال کر دیا، کراچی میں یونیورسٹی روڑ تباہ کر دیا،خوبصورت ترین روڑ تباہ کر دیئے ،کل عمارت گر گئی ،رات کو آپ سب سکون سے سوئے ہیں ؟ کس کے کان پر جوں رینگی ؟ جوں رینگنا سمجھتے ہیں ؟ نیوزی لینڈ کی وزیر اعظم ایک ہفتہ تک نہیں سوئی تھی ،

باغی ٹی وی کی رپورٹ کے مطابق سابق وزیراعظم شاہد خاقان عباسی نے کہا ہے کہ ہم اقتدار کے بھوکے نہیں، ہم نظام کو درست کرنے کے لئے الیکشن چاہتے ہیں، اقتدار والے بیٹھیں اور سوچیں کہ حکومت کیسے کرنی ہے، یہ حکومت نہیں چل سکتی، پہلے بھی کہا تھا کہ الیکشن متنازعہ ہے، پاکستان اندرونی خطرات میں ہے، معیشت تباہ ہے، کوئی امید دینے والا نہیں، جو بھی محب وطن ہے فیصلہ کرے کہ ملک کیسے بچانا ہے، پاکستان کی عوام کو شفاف الیکشن کی جانب لے کر جائیں گے

شاہد خاقان عباسی نے مزید کہا کہ قومی حکومت کے خط کی حیثیت ردی کے کاغذ جیسی ہے،ملک میں جمہوریت کے نام پر آمریت کو مسلط کی گئی ہے، عمران خان کیوں جواب نہیں دیتا کہ آٹا کیوں مہنگا ہوا، میڈیا پرپابندیاں کیوں لگیں، جتنی آمریت اب ہے اتنی پہلے کبھی نہیں تھی، ملک کو ترقی دیں، دنیا کہاں جا رہی ہے ہم کہاں جا رہے ہیں، پاکستان ہم سب کا ہے، سب ترقی چاہتے ہین، ہمیں تشویش ہے،

ن لیگ کی ناراض "مولانا ” کو ایک بار پھر منانے کی کوشش

شاہد خاقان عباسی نے مزید کہا کہ حکومت کو ہٹانے کے لئے گرینڈ الائنس کی ضرورت نہیں ، پاکستان کی بہتری کے لئے ایم کیو ایم سمیت سب سے ملیں گے، ہم اقتدار کے طالب نہیں، ہمیں ملک کی ترقی چاہئے، ہم یہاں موجود ہیں، پیپلز پارٹی کا اپنا بیانیہ اور ہمارا اپنا ہے، کچھ باتوں پر اتفاق نہیں ہے. سب نے اپنی اپنی سیاست کرنی ہے.

کس کا پیغام لے کر کراچی آیا ہوں؟ احسن اقبال کا ایئر پورٹ پرہوا پرتپاک استقبال، گونیازی گو کے نعرے

کس کا پیغام لے کر کراچی آیا ہوں؟ احسن اقبال کا ایئر پورٹ پرہوا پرتپاک استقبال
باغی ٹی وی کی رپورٹ کے مطابق مسلم لیگ ن کا وفد کراچی پہنچ گیا، کراچی پہنچنے پر احسن اقبال شاہد خاقان عباسی، مریم اورنگزیب، مصدق ملک کا پرتپاک استقبال کارکنان نے کیا،کارکنان کی جانب سے پھولوں کی پتیاں نچھاور کی گئیں، ایئر پورٹ پر ن لیگی کارکنان نے احسن اقبال کو کندھے پر اٹھایا اور نعرے بازی کی،

مسلم لیگ ن کے سینئر نائب صدر شاھد خاقن عباسی جنرل سیکرٹری احسن اقبال ،مریم اورنگ زیب،مصدق ملک کی کراچی آمد ایئرپورٹ پر شاندار استقبال ھزارون کارکن کے ھمراہ ریلی کی صورت مین قائد اعظم کی مزار پے حاضری دینے لیے راونگی https://t.co/FexS3GvNxE

— Musharraf Malik (@malik_musharraf) March 5, 2020

لیگی رہنما ایئر پورٹ سے مزار قائد پہنچے اور بانی پاکستان کے مزار پر فاتحہ خوانی کی، بعد ازاں میڈیا سے گفتگو کرتے ہوئے احسن اقبال نے کہا کہ رہائی کے بعد مزار قائد حاضری کے لیےآئے ہیں،2018انتخابات میں کراچی کا مینڈیٹ چرایا گیا،کراچی بھتہ خوری اور ٹارگٹ کلنگ کا شکار تھا،کراچی میں بوری لاشیں ملتی تھیں،مسلم لیگ ن نے کراچی میں امن قائم کیا،ہمارے دورمیں کراچی میں 200 سے زائد بندکارخانے دوبارہ بحال ہوئے ،کراچی میں نوازشریف کے پیغام کو لیکر آئے ہیں،کراچی ن لیگ کا قلعہ بنے گا

باغی ٹی وی کی رپورٹ کے مطابق شہر قائد کراچی میں افسوسناک واقعہ پیش آیا ہے، رضویہ تھانے کے قریب عمارت گر گئی ہے

فیڈرل بی ایریا میں عمارت کا حصہ گرنے سے ایک شخص جاں بحق جبکہ 3 بچوں سمیت 10 افراد زخمی ہوگئے ہیں،عینی شاہدین کے مطابق عمارت کی پہلی منزل پر مرمتی کام جاری تھا جس کے دوران واقعہ پیش آیا۔ اطلاع پر ریسکیو ادارے موقع پر پہنچے تا ہم تنگ گلیوں کی وجہ سے امدادی کاموں میں مشکلات کا سامنا ہے

عمارت کے ساتھ ملحقہ دوسری عمارت کے گرنے کا بھی خطرہ ہے وہاں مقیم خاندان بھی سامان نکال رہا ہے، گرنے والی عمارت کا ملبہ اٹھایا جا رہا ہے، شہریوں کی بڑی تعداد موقع پر پہنچ گئی ہے، رپورٹ کے مطابق عمارت زیادہ پرانی نہیں تھی.

https://twitter.com/RePorter1979/status/1235471809031495681

عمارت گرنے کے حادثے میں ایک شخص جاں بحق ہوگیا جبکہ تین بچوں،چار خواتین سمیت 10 افراد زخمی ہوئے ہیں، تمام افراد کو طبی امداد کیلئے عباسی شہید ہسپتال منتقل کر دیا گیا، پولیس کی بھاری نفری بھی موقع پر موجود ہے. ایدھی اور چھیپا کے رضاکار امدادی کاموں میں مصروف ہیں،

واضح رہے کہ دو ماہ قبل بھی کراچی میں ایک عمارت زمین بوس ہو گئی تھی

کرونا وائرس سے تعلیم کا حرج کیوں ، بعض اداروں کی طرف سے آن لائن کلاسز جاری

باغی ٹی وی :کرونا وائرس کی وجہ سے کام میں بندش کیوں کراچی کے بعض تعلیمی اداروں نے آن لائن پڑھانا شروع کردیا .کورونا وائرس کی وجہ سے سندھ کے تعلیمی اداروں کی مسلسل بندش پر طلباء وطالبات کا تعلیمی سال بچانے کے لیے کیمبرج ایجوکیشن سسٹم سے منسلک کراچی کے نجی کالجز نے آن لائن کلاسز کا آغاز کردیا۔

کراچی میں آن لائن کلاسز کے لیے اے لیول کے کالجز سیڈر، نکسر اور لائسیم نے پہل کی ہے، تعلیمی اداروں نے طلبہ کو اینڈرائیڈ، ایپل موبائل فونز، آئی پیڈز، لیپ ٹاپس اور کمپیوٹر پر آن لائن کلاسز کی سہولت فراہم کی ہے۔
سندھ بھر کے تمام سکولز بندرکھنے کا فیصلہ، لمبی تاریخ دے دی گئی

ایپ میں لاگ ان ہونے کے لیے مطلوبہ خانہ پر کرکے پاس ورڈ یا کوڈ انٹر کرنے سے طالب علم کلاس کے مقررہ وقت پر ٹیچر سے آن لائن ہو جاتا ہے، طالب علم اپنی ڈیوائس کا مائیک اور کیمرہ بند کرکے کلاس میں شرکت کر سکتا ہے جب کہ لیکچر کے دوران ٹیچر اسکرین پر طلبہ کو سمجھا بھی رہا ہوتا ہے۔

دوران لیکچر طالب علم کو کوئی سوال پوچھنا ہو تو ’ریز یور ہینڈ‘ کے آپشن میں جاکر تحریری طور پر لکھ سکتا ہے، یہی نہیں متعلقہ لیکچر سے متعلق ٹیچنگ میٹیریل اور نوٹس طالبعلم کو ای میل کیے جاتے ہیں۔

آن لائن لیکچر کے دوران طالب علم کی حاضری بھی مانیٹر کی جاتی ہے، موڈریٹرز اس دوران کلاس میں موجود ہوتے ہیں جو آن لائن اٹینڈنس چیک کرتے ہیں سندھ حکومت نے بڑا اقدام اٹھاتے ہوئے 13 مارچ تک صوبے کے تمام سکولوں میں تعطیلات کا اعلان کر دیا ہے۔

یہ فیصلہ وزیراعلیٰ سید مراد علی شاہ کے زیر صدارت ہونے والے اجلاس میں کیا گیا۔ذرائع کے مطابق یہ اہم فیصلہ کرونا وائرس کے خدشات کے پیش نظر کیا گیا ہے۔ تمام نجی اور سرکاری سکولوں میں 13مارچ تک تعطیلات ہونگی۔
اس سے پہلے واضح‌رہے کہ حکمہ تعلیم بلوچستان نے کورونا وائرس کی وجہ سے صوبے کے تمام تعلیمی ادارے 15 مارچ تک بند کرنے کا اعلان کردیا ہے۔ بلوچستان حکومت نے میٹرک کے امتحانات بھی 15 مارچ تک ملتوی کردیے ہیں۔ اس ضمن میں باقاعدہ نوٹی فکیشن جاری کردیا گیا ہے۔وزیراعلیٰ بلوچستان جام کمال اور وزیراعظم کے معاون خصوصی برائے صحت ڈاکٹر ظفر مرزا نے ذرائع ابلاغ سے ہنگامی بنیادوں پر خصوصی بات چیت کرتے ہوئے کہا کہ ضرورت اس امر کی ہے کہ جو لوگ حالیہ دنوں میں چین اور ایران سے آئے ہیں وہ اپنا طبی معائنہ کرائیں۔

کورونا وائرس کے پہلے کیس کی تصدیق کے بعد سندھ حکومت نے اہم قدم اٹھا لیا

واضح‌رہے کہ حکمہ تعلیم بلوچستان نے کورونا وائرس کی وجہ سے صوبے کے تمام تعلیمی ادارے 15 مارچ تک بند کرنے کا اعلان کردیا ہے۔ بلوچستان حکومت نے میٹرک کے امتحانات بھی 15 مارچ تک ملتوی کردیے ہیں۔ اس ضمن میں باقاعدہ نوٹی فکیشن جاری کردیا گیا ہے۔وزیراعلیٰ بلوچستان جام کمال اور وزیراعظم کے معاون خصوصی برائے صحت ڈاکٹر ظفر مرزا نے ذرائع ابلاغ سے ہنگامی بنیادوں پر خصوصی بات چیت کرتے ہوئے کہا کہ ضرورت اس امر کی ہے کہ جو لوگ حالیہ دنوں میں چین اور ایران سے آئے ہیں وہ اپنا طبی معائنہ کرائیں۔

یہ ہے بلاول کا سندھ،تنخواہ لینے جانیوالے پولیس اہلکار کو چھینک آئی تو "کرونا” کا مریض بنا کر ہسپتال میں بند کر دیا گیا

باغی ٹی وی کی رپورٹ کے مطابق کرونا وائرس کا خوف پاکستانیوں میں پھیلنے لگا،کھانسی آنے پر سندھ پولیس اہکار کو کرونا وائرس کا مشتبہ مریض قرار دے دیا گیا

پولیس اہلکار حاکم علی کا کہنا ہے کہ میری تنخواہ بند ہے کھلوانے ایس ایس پی آفس گیا تھا،دفتر میں کھانسی آگئی تو پولیس نے پکڑ کر لے گئی اور ہمیں اسپتال پہنچا دیا، ہسپتال گئے تو ڈاکٹروں نے چیک کرنے کی بجائے کمرے میں بند کر دیا،

https://twitter.com/RegnlTelegraph/status/1235147300344864769

پولیس اہلکار کا کہنا تھا کہ اسے کرونا وائرس نہیں ہے اسے ہسپتال سے نکالا جائے.میں ایران نہیں کراچی گیا تھا،واپسی سے اب تک جیکب آباد میں ہی ہوں، مجھے ہسپتال میں بند کر دیا گیا ہے باہر نکالا جائے.

واضح رہے کہ شہر قائد کراچی میں کرونا وائرس کے دو اور پاکستان میں کل 5 کیسز سامنے آ چکے ہیں،

ڈاکٹر ظفر مرزا نے کہا ہے کہ مجھے بڑی امید ہے کہ تمام سیکٹرز وفاقی اور صوبائی سطح پر ملکر کام کر رہے ہیں اس کا اچھا نتیجہ ملے گا، اس وقت ہم یہ نہیں کہہ سکتے کہ سکول بند کر دیئے جائیں، صوبائی حکومتیں خود مختار ہیں وہ خود فیصلے کرتی ہیں، پنجاب میں چھٹیوں کا فیصلہ پنجاب حکومت کرے گی ،وفاق کو کوئی اعتراض نہیں ہو گا،اسلام آباد اور ملحقہ علاقوں میں ابھی تک سکول بند نہیں کئے گئے،5 مریضوں کا علاج جاری ہے وہ تیزی سے صحتیاب ہو رہے ہیں،

ڈاکٹر ظفر مرزا نے مزید کہا کہ 620 طلبا ووہان میں ہیں، اور 1094 صوبے میں ہیں، ان کی فلاح و بہبود کے لئے چین کی حکومت کے ساتھ ملکر جو کیا جا سکتا تھا کر رہے ہیں، ہماری ایمبیسی فعال ہے، ہم چین کے قوانین کا احترام کرتے ہیں، ہبئی صوبہ سے باہر کسی پر آنے جانے میں کوئی پابندی نہیں،

لاپتہ افراد کی بازیابی سے متعلق پیشرفت رپورٹ عدالت نے کی طلب
باغی ٹی وی کی رپورٹ کے مطابق سندھ ہائیکورٹ میں  درجنوں لاپتہ افراد کی بازیابی سے متعلق کیس کی سماعت ہوئی ،

لاپتہ ہونے والے بس کنڈیکٹر سمیر کی والدہ نے عدالت میں کہا کہ میرے بیٹے کو 4 سال ہو گئے وہ گھر نہیں آیا ،پولیس حکام ہمارے ساتھ تعاون نہیں کرتے ، عدالت میں بھی متعلقہ پولیس افسر پیش نہیں ہوتے،دیگر لاپتہ افراد کے اہلخانہ کا کہنا تھا کہ ہمیں صرف تاریخ پر تاریخ ملتی ہے لیکن ہمارے بچوں کا کچھ پتہ نہیں چلتا ،اگرہمارے پیاروں پر کوئی الزام ہے تو عدالت میں پیش کریں۔

عدالت نے پولیس حکام کو لاپتہ افراد کی بازیابی کیلئے کارروائیاں تیز کرنے کا حکم دیتے ہوئے فوری بازیاب کروانے کا حکم دے دیا اورآئندہ سماعت پر پولیس حکام سے لاپتہ افراد کی بازیابی سے متعلق پیشرفت رپورٹ طلب کرلی

لاپتہ افراد کے وکیل کی گمشدگی، سپریم کورٹ نے حکومت کو بڑا حکم دے دیا