Category: کراچی

باغی ٹی وی کی رپورٹ کے مطابق امریکہ میں قید ڈاکٹر عافیہ صدیقی کی پاکستان واپسی اور جیل سے رہائی کے متعلق درخواست کی سماعت سندھ ہائیکورٹ میں ہوئی،

سندھ ہائیکورٹ میں ڈاکٹر عافیہ کی بہن ڈاکٹر فوزیہ کے وکیل پیش نہیں ہوئے۔ آج ہونے والی سماعت میں منسٹری آف فارن افئیرز نے اپنا جواب سندھ ہائی کورٹ میں جمع کرایا، جواب میں کہا گیا کہ ڈاکٹر عافیہ صدیقی کی رہائی کا معاملہ کئی مرتبہ اعلی سطح پر اٹھایا گیا ہے اور ڈاکٹر عافیہ صدیقی کی جانب سے دستخط شدہ رحم کی اپیل بھی امریکی صدر کو مارچ دوہزاربیس میں بھجوائی جاچکی ہے۔

سندھ ہائی کورٹ میں جمع کرائے گئے جواب میں کہا گیا ہے کہ امریکہ سے ڈاکٹر عافیہ صدیقی کے ساتھ اچھے برتاؤ سے متعلق متعدد بار مدعا اٹھایا ہے اور ان کے ساتھ جیل میں رکھے گئے ناروا سلوک کو بھی ذکر کیا گیا، جس پر امریکی حکام نے تحقیقات کے بعد وہاں کے ایک لوکل اسٹاف کو جیل سے ہٹ ادیا ہے۔

منسٹری آف فارن افئیرز کی جانب سے عدالت کو بتایا گیا کہ ہیوسٹن میں موجود عملہ ان کی والدہ کو ڈاکٹر عافیہ کی خیرو عافیت سے آگاہ کرتے رہتے ہیں،امریکہ میں کورونا وائرس کے حوالے سے درخواست گزار آگاہ ہیں پھر بھی پاکستان قونصل جنرل امریکی جیل حکام سے رابطے میں ہیں۔

عالمی یوم تعلیم امریکی جیل میں قید ڈاکٹر عافیہ صدیقی کے نام منسوب

جواب میں بتایا گیا ہے کہ وائرس کی وجہ سے امریکی جیل حکام نے قونصل جنرل کی عافیہ صدیقی سے ملاقات معطل کر رکھی ہے جبکہ ڈاکٹر عافیہ صدیقی ویڈیو کال پر بات کرنے کے لئے تیار نہیں ہیں

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

جماعت اسلامی نے کاروبار کھلوانے کے لیے تاجرو ں کے ہمراہ احتجاجی تحریک کا آغاز کر دیا۔ کل سہ پہر ساڑھے تین بجے فائیو اسٹاف چورنگی نارتھ ناظم آباد پر تاجر برادری کے ہمراہ احتجاجی مظاہرہ ہوگا۔

ترجمان جماعت اسلامی کراچی کے مطابق وفاقی و صوبائی حکومتیں الزامات لگانے کے بجائے لاک ڈاؤن اور کاروبار ی سرگرمیوں کی بحالی کے حوالے سے واضح اور دو ٹوک اعلان کریں۔ سندھ حکومت کل سے کراچی میں مارکیٹیں اور صنعتی مراکز کھولنے کا اعلان کرے۔ کاروبار نہیں کھولا توکل سے احتجاجی تحریک شروع کردیں گے۔ احتجاجی مظاہرہ پر امن اور ایس او پی کے مطابق ہوگا۔ احتجاج جمہوری حق ہے۔ لاہور اور کراچی میں ایک ہی کورونا وائرس ہے،لاہور میں کاروبار کھلا ہے تو کراچی میں کیسے بند رہ سکتاہے؟ حکومت سندھ تاجروں سے مذاکرات میں ایس او پیز پر اتفاق کر چکی ہے لیکن عمل نہیں کر رہی۔ وفاقی حکومت صوبائی حکومت کو کاروبار کھولنے سے متعلق واضح پالیسی دے۔ 7 مئی کو ادارہ نور حق میں د کا نمائندہ کنونشن ہوگا جس میں آئندہ کا لائحہ عمل طے ہو گا۔ تاجر رہنما محمود حامد کا کہنا ہے کہ واضح لائحہ عمل اختیار کرنے پر جماعت اسلامی کا شکریہ ادا کرتے ہیں۔محمودحامد تاجر رہنماحکومت سندھ تاجروں کو بےعزت نہ کرے۔ آن لائن کاروبار یار کی صورت میں تاجروں کو لالی پاپ دیا گیا ہے۔ تاجروں کی گرفتاریوں کو بند کیا جائے۔

سربراہ پاکستان سنی تحریک محمد ثروت اعجاز قادری نے کہا ہے کہ ماہ صیام رحمتوں اور برکتوں کا مہینہ ہے،روزہ تزکیہ نفس اور صبر وبرداشت کا درس دیتا ہے، کارکنان عوام کے مسائل حل کرنے کیلئے آگے بڑھ کرکام کریں،ظلم کے سیاہ بادل ہٹانے اور روشن مستقبل کیلئے اخوت وبھائی چارگی کو فروغ دینا ہوگا،عوام کو جب بنیادی حقوق نہیں ملیں گے تو عوام سڑکوں پر مجبور ہوکر نکلیں گے،صحت،تعلیم،خوراک سے پریشان مظلوم عوام کی سنوائی تک نہیں ہوتی،سرمایہ دارانہ،وڈیرانہ نظام کا خاتمہ کرکے ہی عوام کو بنیادی حقوق میسر ہوسکتے ہیں،حکمران عوام سے کئے گئے وعدے پورے کریں اور غریبوں کو ریلیف فراہم کیا جائے، رمضان مبارک میں پھلوں اور سبزیوں کی قیمتوں میں ہوشربا اضافہ پرائز کنٹرول اور ضلعی انتظامیہ کے بلند بانگ دعوے دھرے رہ گئے،صوبائی حکومت عوام کو ریلیف دینے سمیت پھلوں،سبزیوں میں ہوشرباء اضافے کا نوٹس لے،جمہوریت مستحکم اور عوام کو خوشحال دیکھنا چاہتے ہیں۔

خیالات کا اظہار انہوں نے اپنی رہائشگاہ قادری ہاؤس پر اہلسنت خدمت فاؤنڈیشن کے عہدیداروں کے اجلاس سے خطاب کرتے ہوئے کیا،ثروت اعجاز قادری نے کہا کہ سیاست خادم بن کر عوام کی خدمت اور مسائل حل کرنے کا نام ہے،سیاستدان عوام کی خدمت کو اپنا شعار بنائیں،انہوں نے کہا کہ ملک کی ترقی و خوشحالی کیلئے تمام اکائیوں کو متحد ومنظم ہونا ہوگا،پاکستان اسلام کا قلعہ ہے یہود ونصاریٰ اسلام کے قلعے کو کمزور کرنے کے درپے ہیں محب وطن عوام یہود ونصاری کی ہر سازش کو اپنے شعور سے ناکام بنادینگے،ملک کا آئین عقیدہ ختم نبوت کا تحفظ کرتاہے اور نفی کرنیوالوں کو غیر مسلم و فتنہ قرار دیتا ہے،اسلام کی سربلندی اور ملک کی سلامتی،ترقی وخوشحالی کیلئے جدوجہد کرنا ہی ہمارا مشن ہے۔

وزیراعلیٰ سندھ نے وزیراعظم کو خط لکھ کر بڑا مطالبہ کر دیا

باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے وزیراعظم عمران خان کو خط لکھ دیا ہے جس میں انہوں نے کہا ہے کہ وفاقی حکومت ٹڈی دل کے معاملے پر سنجیدگی کا مظاہرہ کرے۔

خط میں وزیراعلیٰ سندھ سید مراد علی شاہ نے مزید کہا ہے کہ سندھ میں فصل پر ٹڈیاں 15 مئی کے بعد بڑا حملہ کرسکتی ہیں، 6 مارچ کو صوبے میں اسپرے کے لیے وفاق سے درخواست کی تھی۔ یقین دہانی کے باوجود ٹڈی دل کے حملے روکنے کے لیے کوئی تعاون نہیں کیا گیا، جلد فصل پر اسپرے نہیں کیا گیا تو شدید نقصان ہوگا۔

وزیراعلیٰ سندھ کا مزید کہنا تھا کہ کہ ایف اے او کی رپورٹ کے مطابق ٹڈی دل کا حملہ گزشتہ سال سے زیادہ ہوگا لہٰذا وفاقی حکومت ٹڈی دل کے معاملے پر سنجیدگی کا مظاہرہ کرے۔ابھی تک نہ تو ایئرکرافٹ خریدے گئے نہ ہی سندھ اور بلوچستان میں اسپرے شروع ہوئی،سندھ حکومت نے وفاقی حکومت کو 6 ایئرکرافٹ اسپرے کیلئے مہیا کرنے کی درخواست کی تھی،اگر یہ مسئلہ حل نہیں کیا گیا تو ٹڈی دل اگلی فصلوں کو تباہ کردیں گی، جو ایک بھیانک صورتحال ہوگی،

دوسری جانب سندھ کے صوبائی وزیر زراعت کا کہنا ہے کہ ٹڈی دل کورونا سے زیادہ خطرناک ثابت ہوگا اور پاکستان قحط کی لپیٹ میں آجائےگا۔ سندھ کی فصلیں تباہ ہورہی ہیں، وفاق کورونا کیطرح ٹڈی دل کو بھی ہلکا لے رہا ہے.

قبل ازیں امیر جماعت اسلامی پاکستان سینیٹر سراج الحق نے سند ھ ،بلوچستان او ر پنجاب میں ٹڈی دل کے حملوں کے حولہ اسے سینیٹ میں قرار داد پیش کردی ہے ۔

ایک قرار داد میں کہا گیاہے کہ سینیٹ کا یہ ایوان صوبہ بلوچستان، سندھ کے بعد پنجاب کے جنوبی اضلاع میں فصلوں اور باغات پر ٹڈی دل کے تباہ کن حملوں کے نتیجے میں ہونے والے نقصانات اور وفاقی حکومت کی طرف سے بروقت امدادی کارروائیاں نہ کرنے پر انتہائی افسوس کا اظہار کرتا ہے اور متاثرہ کسانوں کے ساتھ دلی ہمدردی کا اظہار کرتا ہے۔

سینیٹ کا یہ ایوان وفاقی حکومت کو یاددہانی کراتا ہے کہ ٹڈی دل نے بلوچستان میں مارچ، اپریل 2019میں حملہ کیاوہاں نقصان کے بعد سندھ کے علاقوں خیرپور،مٹھی ،عمرکوٹ ،بدین ،نوشہروفیروز،کھپرو،سانگھڑ،ڈھرکی،پنوعاقل سمیت دیگر علاقوں میں نقصان کیا اورپھلتی پھولتی رہی اسکے بعدپنجاب کا رخ کیا اور صادق آباد،رحیم یار خان ،یزمان ،ہارون آباد ،بہاولنگر سمیت دیگر علاقوں میں اب تک حملہ آور ہے جس میں سرسوں ،کینولہ ،اسپغول ،چارہ جاتی فصلوں کا شدید نقصان ہوا ہے لیکن اس کو کنٹرول کرنے کے لیے وفاق نے محدود اقدام سمیت کوئی مضبوط منصوبہ بندی کے ساتھ کارروائی نہیں کی ۔

سینیٹ کا یہ ایوان وفاقی حکومت سے مطالبہ کرتا ہے کہ ٹڈی دل سے متأثرہ علاقوں میں ہنگامی حالت کا اعلان کرے ۔بلوچستان ،سندھ اور پنجاب کے متاثرہ علاقوں کا سروے کرکے فوری طور پر تخمینہ لگائے ہوئے متعلقہ صوبائی حکومتوں کے ساتھ بھرپور کوآرڈی نیشن کے ذریعے فی الفور امدادی کارروائیوں کا آغاز کرے۔متأثرہ کسانوں کو نقصانات کا معاوضہ ادا کرنے کے لیے خصوصی پیکج کا اعلان کرے۔ٹڈی دل کے حملوں سے بچنے کے لیے موثر احتیاطی تدابیر کی جائیں

وزیراعظم کچھ نہیں "کرتے”، ہماری "ضرویات”پوری کی جائیں، بلاول

باغی ٹی وی کی رپورٹ کے مطابق پیپلز پارٹی کے چیئرمین بلاول زرداری نے کہا ہے کہ سندھ حکومت لاک ڈاوَن میں میڈیا ورکرز سے متعلق پالیسی پر کام کررہی ہے،

بلاول زرداری کا کہنا تھا کہ یوم مزدور پر ہر سال جلسے کرتے ہیں،اس سال کورونا کے باعث مزدوروں کے ساتھ آج کا دن نہ منا سکے، ڈاکٹرز کورونا وائرس کے خلاف فرنٹ لائن پر ہیں،400طبی عملہ کورونا وائرس کا شکار ہوا آج کا دن ڈاکٹروں اور طبی عملے کے نام کرتے ہیں،

بلاول زرداری کا مزید کہنا تھا کہ کورونا وائرس سے سب سےزیادہ دیہاڑی دار طبقہ متاثر ہوا،حکومت پاکستان کو دیہاڑی دار طبقے اور طبی عملے کیلئے عملی اقدام کرنا چاہیے،کورونا وائرس سے پاکستان میں 9ڈاکٹرز جاں بحق ہوئے،ڈاکٹر،نرسز اور پیرامیڈیکس اسٹاف سے کم تنخواہ پر کام لے رہے ہیں،صوبائی سطح پر ہماری ضروریات پوری کی جائیں،

کرونا سے نہیں،مزدور بھوک کی وجہ سے موت کے منہ میں جا رہے ہیں، سراج الحق

مزدوروں کے لئے حکومت کیا کر رہی ہے؟ وزیراعظم نے مزدور ڈے پرپیغام جاری کر دیا

مزدور ڈے پر حکومت مزدور کو کیا ریلیف دے سکتی تھی؟ شہباز شریف میدان میں آ گئے

نیا پاکستان محنت کشوں اور مزدوروں کا پاکستان ہے، وزیراعلیٰ پنجاب کا دعویٰ

بلاول زرداری کا مزید کہنا تھا کہ کورونا کے خلاف جنگ میں فرنٹ لائن ورکرز کو تیاری کے ساتھ بھیجنا ہوگا،ہر صوبہ کو وفاقی حکومت کی نااہلی کی وجہ سے نقصان پہنچا ہے، وزیراعظم مزدوروں کی بات کرتے ہیں مگردیتے کچھ نہیں، وزیراعظم عمران خان کام نہیں کرنا چاہتے تو استعفیٰ دیکر کسی اور کو موقع دیں۔ ڈر ہے کراچی کے حالات اٹلی اور نیو یارک جیسے نہ ہو جائیں۔

بلاول زرداری کا مزید کہنا تھا کہ وزیراعظم سے پوچھا جائے کتنا شرح اموات کافی ہے۔ دو فیصد شرح اموات بہت بڑا نمبر ہے۔ شکر الحمداللہ ہم اٹلی ، ایران نہیں بنے۔ پیپلز پارٹی نے کرورونا وائرس نہیں بنایا۔ ہم اپنے ہیروز کی طرف دھیان دے رہے ہیں۔ وزیراعظم سے امید کرتے ہیں کہ کام کرو۔ ہم چاہتے ہیں سکولوں میں، کرایوں میں، یوٹیلٹی میں ریلیف ملے۔ ہم اس بیماری کا مقابلہ کر سکتے ہیں، پاکستان نے ہمیشہ ہر کرائسسز کا مقابلہ کیا ہے، پاکستان، بھارت، افغانستان ملکوں کے درمیاں رہ کر جی رہے ہیں۔ اس بیماری سے نکلنے کے بعد تاریخ لکھی جائے گی کس ملک نے کیا کیا۔

بلاول زرداری کا مزید کہنا تھا کہ وزیراعظم صاحب کنٹینر سے اترو اور اپنا کام کرو۔ پختونخوا اور پنجاب حکومت کی تجویز پر لاک ڈاؤں کو بڑھایا گیا۔ وفاقی حکومت کی مدد کے بغیر کوئی اکیلا مقابلہ نہیں کر سکتا۔ ہم سب سے مل کر اس وبا کے خلاف جنگ لڑنا ہے۔ وفاقی حکومت نےاپنی نالائقی اورنااہلی سےصوبائی حکومتوں کونقصان پہنچایاہے، پہلے دن سےوزیر اعظم روزانہ اجرت والوں کاذکرکرتےہیں، لیکن پیسے نہیں دیتے، اس مرض سے سب سے زیادہ خطرہ غریب عوام کو ہے۔

بلاول کا کہنا تھا کہ وزیراعظم میرے صوبے اور عوام کو نشانے پر رکھتے ہیں۔ ہم نے کبھی ان کا جواب نہیں دیا۔ پہلے دن سے وزیراعظم اور ان کے نمائندے میرے صوبے پر مسلسل حملہ کرتے ہیں۔ اس وبا سے ہم نے لڑنا ہے، میں سیاسی اختلاف کو بھول جاتا ہوں۔ میرے ملک کا وزیراعظم عمران خان ہے۔ وفاقی حکومت کو اپنی زمہ داری اٹھانی پڑے گی۔ دو مہینے گزر چکے ہیں ، لاک ڈاؤن ہر صوبے میں ہو رہا ہے۔

یوم مزدور پر سنائی شیخ رشید نے ریلوے مزدوروں کو خوشخبری