پاکستان میں شخصی آمریت، ہم یہ کام نہیں ہونے دیں گے، بلاول کا اعلان

باغی ٹی وی کی رپورٹ کے مطابق پاکستان پیپلز پارٹی کے چیئرمین بلاول بھٹو زرداری نے یوم قائد پر اپنے پیغام میں کہا کہ قائداعظم محمد علی جناحؒ نے سیاسی و جمہوری جدوجہد کے ذریعے ایک ملک قائم کرکے تاریخ رقم کی، وقت گذرنے کے ساتھ ساتھ قائداعظمؒ کے دو قومی نظریہ کی اہمیت و افادیت مزید کھل کر سامنے آرہی ہے۔ قائداعظم محمد علی جناحؒ جنوبی ایشیا کے ایک دور اندیش رہنما تھے، جنہوں نے مسلمانوں کیلئے ایک علحیدہ ملک کا خواب دیکھا، جہاں وہ آزدی اور امن کے ساتھ رہ سکیں۔

بلاول زرداری نے مزید کہا کہ پاکستان پیپلز پارٹی قائداعظم محمد علی جناحؒ کے ویژن کی حقیقی علمبردار ہے، کیونکہ کے اس کے دو قائدین شہید ذوالفقار علی بھٹو اور شہید محترمہ بینظیر بھٹو نے قائداعظم کے ویژن برائے جمہوری، پُرامن اور مضبوط پاکستان پر عملدرآمد کی جدوجہد کے دوران اپنی جانیں تک وار دیں۔

بلاول زرداری کا مزید کہنا تھا کہ ملک کے بانی اجداد کی جانب سے شروع کردہ تحریک آزادی ایک ختم نہ ہونے والی لڑائی ہے، کیونکہ ہمیں بھی استبدادیت کے ان بھوتوں کو نکال باہر پھینکنا ہے، جن کے باعث 1971ء میں مشرقی پاکستان کی علحیدگی جیسا نقصان اٹھانا پڑا۔ آمریتی قوتوں نے ون یونٹ کے تحت ملک کو مظبوط کرنے کے نام پر بہت پہلے ہی دولخت کر دیا تھا، لیکن پیپلز پارٹی اس امر کو یقینی بنائے گی کہ قومی اتحاد کی آڑ میں اسی عدم برابری کو دوبارہ تقویت دینے کی کھلی چھٹی نہیں دے گی۔

قائداعظم کے پاکستان کی تکمیل کون کرے گا؟ وزیراعظم آزاد کشمیربول پڑے

بانی پاکستان کے یوم پیدائش پر وزیراعلیٰ خیبرپختونخواہ نے دیا کشمیریوں کو اہم پیغام

پاکستان کو اسلامی فلاحی ریاست بنانے کا خواب کب پورا ہو گا؟ وزیراعلیٰ پنجاب نے کیا بڑا دعویٰ

بانی پاکستان کے یوم پیدائش پر وزیراعلیٰ سندھ نے دیا اہم پیغام

ہم ملک کو مستحکم، خوشحال اور ترقی یافتہ بنا سکتے ہیں؟ گورنر سندھ نے بتا دیا

قائداعظم کی کشمیر بارے کیا خواہش تھی؟ صدر آزاد کشمیر نے ایکبار پھر اظہار کر دیا

بلاول بھٹو زرداری نے اس عزم کا اعادہ کیا کہ پاکستان میں شخصی آمریت قائم کرنے کے خواہش رکھنے والی آمریتی قوتوں کی جانب سے پیدہ کردہ تمام تر مشکلاتوں، رکاوٹوں اور انتقامی کاروائیوں کے باوجود پیپلز پارٹی قائداعظم کا ادھورا مشن پورا کرنے کیلئے اپنی لڑائی جاری رکھے گی۔

مزار قائدؒ پر گارڈز کی تبدیلی کی پروقار تقریب

باغی ٹی وی کی رپورٹ کے مطابق بانی پاکستان کے یوم پیدائش پر مزار قائدؒ پر گارڈز کی تبدیلی کی پروقار تقریب منعقد ہوئی۔ پی ایم اے کیڈٹس کے چاق و چوبند دستے نے گارڈز کے فرائض سنبھال لئے۔ تقریب کے مہمان خصوصی پاکستان ملٹری اکیڈمی کے کمانڈنٹ میجر جنرل محمدعلی تھے۔

بانی پاکستان قائداعظم محمد علی جناحؒ کا یوم پیدائش، مزار قائد پر گارڈز کی تبدیلی کی پروقار تقریب منعقد ہوئی جس کے ٘مہمان خصوصی پاکستان ملٹری اکیڈمی کے کمانڈنٹ میجر جنرل محمد علی تھے، انہوں نے گارڈز کا معائنہ کیا۔پی ایم اے کیڈٹس کے چاق و چوبند دستے نے گارڈز کے فرائض سنبھال لئے، سلامی بھی پیش کی۔ گارڈز میں خواتین کے دستے بھی شامل تھے، پروقار تقریب میں قومی نغموں کی دھنیں بھی بجائی گئیں۔

قائداعظم کے پاکستان کی تکمیل کون کرے گا؟ وزیراعظم آزاد کشمیربول پڑے

بانی پاکستان کے یوم پیدائش پر وزیراعلیٰ خیبرپختونخواہ نے دیا کشمیریوں کو اہم پیغام

پاکستان کو اسلامی فلاحی ریاست بنانے کا خواب کب پورا ہو گا؟ وزیراعلیٰ پنجاب نے کیا بڑا دعویٰ

بانی پاکستان کے یوم پیدائش پر وزیراعلیٰ سندھ نے دیا اہم پیغام

ہم ملک کو مستحکم، خوشحال اور ترقی یافتہ بنا سکتے ہیں؟ گورنر سندھ نے بتا دیا

قائداعظم کی کشمیر بارے کیا خواہش تھی؟ صدر آزاد کشمیر نے ایکبار پھر اظہار کر دیا

تقریب کے مہمان خصوصی نے فاتحہ خوانی کی، پھول چڑھائے اور مہمانوں کی کتاب میں تاثرات بھی قلمبند کئے، اس موقع پر صدر اور وزیراعظم کے پیغامات بھی پڑھ کر سنائے گئے۔ تقریب میں بانی پاکستان کو بھرپور طریقے سے خراج عقیدت پیش کیا گیا۔

بانی پاکستان کے یوم پیدائش پر وزیراعلیٰ سندھ نے دیا اہم پیغام

باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے بانی پاکستان قائداعظم محمد علی جناحؒ کے یوم پیدائش کے موقع پر اپنے ایک پیغام میں کہا ہے کہ بانی پاکستان محمد علی جناحؒ نے برصغیر کے مسلمانوں کیلئے ایک علیحدہ آزاد مسلم ریاست حاصل کرنے کیلئے تحریک آزادی چلائی، اپنی انتھک محنت، ولولہ انگیز اور کرشمہ ساز قیادت کی بدولت کامیابی حاصل کی، جس کے نتیجے میں دنیا کے نقشے پر مسلمانوں کیلئے ایک آزاد مملکت پاکستان وجود میں آیا۔

وزیراعلیٰ سندھ نے مزید کہا کہ قائداعظم محمد علی جناحؒ نے ایسے اصول چھوڑے ہیں کہ جن پر کاربند رہ کر پاکستان کو ترقی کی عظیم منزل تک پہنچایا جا سکتا ہے۔ انہوں نے کہا کہ ہم بانی پاکستان قائداعظم محمد علی جناحؒ، شہید ذوالفقار علی بھٹو اور شہید محترمہ بینظیر بھٹو کے افکار اور ملک و قوم کے مفادات کے مطابق کام کر رہے ہیں اور کرتے رہیں گے، ہم اس کیلئے ماضی کی طرح قربانی دینے سے گریز نہیں کریں گے۔

ہم ملک کو مستحکم، خوشحال اور ترقی یافتہ بنا سکتے ہیں؟ گورنر سندھ نے بتا دیا

وزیراعلیٰ سندھ سید مراد علی شاہ کا مزید کہنا تھا ا کہ ہمیں چاہیے کہ ہم سب مل کر قائداعظم محمد علی جناحؒ کے زرین اصولوں اتحاد، تنظیم، یقین محکم پر کاربند رہ کر پاکستان کو ترقی کی راہ پر گامزن ہونے والے سفر کو مزید مؤثر بنائیں۔

ہم ملک کو مستحکم، خوشحال اور ترقی یافتہ بنا سکتے ہیں؟ گورنر سندھ نے بتا دیا
باغی ٹی وی کی رپورٹ کے مطابق گورنر سندھ عمران اسماعیل نے کہا ہے کہ پچیس دسمبر کا روز دن ہمارے لئے انتہائی اہم ہے، بابائے قوم کو خراج عقیدت پیش کرنے کا بہترین طریقہ ان کے رہنماء اصولوں تنظیم، اتحاد اور یقین محکم پر عمل ہے اور یہی وہ اصول ہیں کہ جن کے ذریعے ہم ملک کو مستحکم، خوشحال اور ترقی یافتہ بنا سکتے ہیں۔

گورنر سندھ عمران اسماعیل نے مزید کہا کہا کہ تاریخ شاہد ہے کہ دنیا میں وہی قومیں سربلند رہی ہیں، جو اپنے اسلاف کے کارناموں کو رہنماء رکھتے ہوئے منزل کی طرف گامزن رہیں۔ قائداعظم محمد علی جناحؒ کا جو پیغام لوگوں کی سمجھ نہیں آتا تھا، وہ آج ہر اُس مسلمان کو سمجھ آرہا ہوگا، جس نے پاکستان کی مخالفت کی اور ہندوستان کو اپنا وطن مان کے وہاں پر رہنا پسند کیا۔ دو قومی نظریہ آج پورے برصغیر کے مسلمانوں کی سمجھ میں اچھی طرح آگیا ہے، یہ ایک عظیم قائد کا وژن تھا، جس نے پہلے ہی سے پیشن گوئی کی تھی کہ تمام زندگی وہ مسلمان جو پاکستان کا ساتھ نہیں دے رہے ہیں، وہ اپنی بقیہ تمام زندگی ہندوستانی ثابت کرنے میں گزاریں گے۔

گورنر سندھ کا مزید کہنا تھا کہ جو ظلم و بربریت ہندوستان میں مسلمانوں کے ساتھ روا رکھا جا رہا ہے، وہ حرف بہ حرف وہ چیز ہے، جو قائداعظم محمد علی جناحؒ نے فرمایا تھا۔ میں سمجھتا ہوں کہ ہمیں اللہ تعالیٰ کا شکر ادا کرنا چاہے کہ ہم سب اپنے پیارے وطن میں آزادی سے سانس لے رہے ہیں۔ قائداعظم محمد علی جناحؒ نے ہمیشہ باہمی اتحاد اور بھائی چارے کو عوام کے درمیان فروغ دینے پر زور دیا، آپ اس بات پر یقین رکھتے تھے، آیئے آج ہم یہ عہد کریں کہ اسلام کی سربلندی، پاکستان کی ترقی اور عالمی سطح پر قوم کا وقار بلند کرنے کیلئے کسی بھی مرحلے پر قربانی سے گریز نہیں کریں گے اور بانی پاکستان قائداعظم محمد علی جناحؒ کے بتائے ہوئے اصولوں کے مطابق آگے بڑھیں گے، اسی میں ہماری اور ہمارے ملک کی ترقی ہے۔

سندھ حکومت نے کیا دو چھٹیوں کا اعلان

باغی ٹی وی رپورٹ کے مطابق حکومت سندھ نے بانی پاکستان قائد اعظم محمد علی جناح کے یوم پیدائش، کرسمس اور بینظیر بھٹو کی برسی کے مواقع پر عام تعطیل کا اعلان کیا ہے۔

سندھ حکومت کی جانب سے جاری اعلامیے کے مطابق 25 دسمبر کو قائد اعظم محمد علی جناح کے یوم پیدائش اور کرسمس کے تہوار کے موقع پر صوبے کے سرکاری اور ماتحت اداروں میں عام تعطیل ہو گی۔

نوٹیفکیشن میں کہا گیا ہے کہ 27 دسمبر کو بینظر بھٹو کی برسی کے موقع پر بھی صوبے بھر میں عام تعطیل ہو گی۔

ٹرینیں ایک بار پھر لیٹ ہونے لگیں،آمدورفت میں 12 گھنٹے کی تاخیر سے مسافر پریشان

باغی ٹی وی کی رپورٹ کے مطابق موسم کی خرابی کےباعث کراچی آنیوالی ٹرینوں کا شیڈول متاثر ہوا ہے، ٹرینوں کی آمدورفت میں 12 گھنٹےتاخیر سے مسافروں کومشکلات کا سامنا ہے، پاکستان ایکسپریس 8،رحمان بابا 7 گھنٹے تاخیر سے کراچی پہنچےگی، قراقرم اورپاک بزنس ایکسپریس 10 گھنٹےتاخیرسےکراچی پہنچیں،ملت ایکسپریس 10 ،کراچی ایکسپریس 8 گھنٹےتاخیرکا شکارہے،شاہ حسین ایکسپریس 11گھنٹےتاخیرسےکراچی پہنچےگی،ہزارہ ایکسپریس 4 ،عوام ایکسپریس 6،گرین لائن 7 گھنٹے لیٹ ہے.

لاہور سے واہگہ شٹل ٹرین کا کیا شیخ رشید نے افتتاح، مزید شٹل ٹرین کہاں چلائیں گے، وفاقی وزیر نے بتا دیا

مصطفیٰ کمال کو ملی سندھ ہائیکورٹ سے بڑی خوشخبری

باغی ٹی وی کی رپورٹ کے مطابق سندھ ہائیکورٹ نے مصطفیٰ کمال سمیت 9 ملزمان کی درخواست ضمانت پرمحفوظ فیصلہ سنادیا،عدالت نے مصطفیٰ کمال اورافتخار قائمخانی سمیت دیگر ملزمان کی عبوری ضمانت میں توثیق کردی،دیگر ملزمان میں محمد داؤد ،نشاط علی، ممتاز حیدر ،محمد عرفان، فضل الرحمان،محمد رفیق اور نذیرشامل ہیں.

سابق سٹی ناظم کراچی مصطفیٰ کمال عدالت میں پیش

مصطفیٰ کمال کے پیش نہ ہونے پر عدالت کا اظہار برہمی، بڑا حکم دے دیا

واضح رہے کہ سابق سٹی ناظم کراچی اور پاک سر زمین پارٹی کے چیئرمین مصطفیٰ کمال بھی نیب کے ریڈار پر آ گئے ، نیب نے مصطفیٰ کمال کے خلاف ریفرنس دائر کر دیا ، نیب نے احتساب عدالت میں سربراہ پی ایس پی مصطفیٰ کمال و دیگر کےخلاف ریفرنس دائر کیا ہے جس میں افتخار قائم خانی سمیت11ملزم ریفرنس میں نامزد کئے گئے ہیں، زادے حسنین ملک، نذیر زرداری، محمد داؤد، محمد یعقوب بھی ملزمان میں شامل ہیں،

کراچی:کرسمس ڈے :کراچی میں پہلی مرتبہ 50 فٹ طویل کرسمس ٹری کی نمایش شہر قائد میں مذہبی رواداری کے لیے پہلی بار 50 فٹ طویل کرسمس ٹری کی نمائش کا اہتمام کیا گیا۔جس میں‌ تمام مکاتب فکرکے لوگوں کی بڑی تعداد نے شرکت کی

ترکی کو دنیا میں مثالی ملک بنایا جائے گا:ترک صدررجب طیب ایردوان

تفصیلات کے مطابق کراچی میں امن کے قیام کے بعد مذہبی ہم آہنگی کے ساتھ کرسمس کے رنگ بھی نمایاں ہونے لگے ہیں، پہلی مرتبہ کراچی کے علاقے پہاڑ گنج میں پچاس فٹ لمبی کرسمس ٹری کی نمائش کی گئی۔

حکومت نےڈینگی سےبچاوکےلیےآسٹریلین ٹیکنالوجی استعمال کرنےکا فیصلہ کرلیا

پہاڑ گنج چورنگی پر منعقد ہونے والی تقریب میں ایڈیشنل آئی جی غلام نبی میمن، ڈی آئی جی غربی، ایس ایس پی وسطی سمیت اہم شخصیات نے شرکت کی، مسیحی برادری سے رواداری کے اظہار کے لیے مسلم کمیونٹی نے بھی شرکت کی۔

نامورشخصیات نے دنیا میں بھی نام کمایا اورجوحافظ قرآن بھی ہیں!

یاد رہے کہ کرسمس کرسچن کمیونٹی کا اہم ترین تہوار ہے، اس دن مسیح کی ولادت کا جشن منایا جاتا ہے، اس دن تحائف کی لین دین کی جاتی ہے، سانتا کلاز کا مشہور کردار بھی اسی سے جڑا ہوا ہے۔ اس دن مسیحی ایک مصنوعی درخت سجاتے ہیں، اس درخت کو گھروں میں نمایاں مقام پر نصب کرتے ہیں اور اس کو رنگین کاغذوں، گھنٹیوں، چھوٹے کھلونوں، کھانے پینے کی چیزوں اور موم بتیوں سے سجایا جاتا ہے۔

بھارت کے حالات بہت خراب ہیں،کسی بھی وقت کچھ ہوسکتا ہے، چین

تین چھٹیوں کا اعلان ہو گیا،ملازمین میں خوشی کی لہر دوڑ گئی
باغی ٹی وی کی رپورٹ کے مطابق سندھ حکومت نے بے نظیر بھٹو کے یوم شہادت کی مناسبت سے 27 دسمبر کو صوبے بھر میں عام تعطیل کا اعلان کردیا ہے۔محکمہ داخلہ سندھ کی جانب سے جاری نوٹی فکیشن کے مطابق سابق وزیر اعظم بے نظیر بھٹو کے یوم شہادت کی مناسبت سے 27 دسمبر کو صوبے بھر میں عام تعطیل ہوگی۔

نوٹیفکیشن کا اطلاق صوبائی اداروں، ذیلی سرکاری محکموں اور بلدیاتی اداروں کے ماتحت چلنے والے دفاتر اور تعلیمی اداروں پر ہوگا۔

سندھ حکومت نے بانی پاکستان قائداعظم محمد علی جناح کے یوم پیدائش اور کرسمس پر بھی عام تعطیل کا اعلان کر دیا ۔25 دسمبر کو سندھ کے سرکاری اور سندھ حکومت کے ماتحت اداروں میں تعطیل ہو گی۔سندھ میں 25 دسمبر کو عام تعطیل کا نوٹیفیکشن جاری کر دیا گیا ہے۔سندھ میں 24 دسمبر کوبھی شہدائے قمبر کی برسی پر عام تعطیل ہو گی۔ جب کہ شہید بینظیر بھٹو کی برسی پر 27 دسمبر کو صوبے میں عام تعطیل کا اعلان کر دیا گیا ہے جس کا باقاعدہ نوٹیفیکیشن بھی جاری کر دیا گیا ہے

واضح رہے سندھ حکومت 2008 سے ہر سال 27 دسمبر کو عام تعطیل کا اعلان کرتی ہے اور بے نظیر بھٹو کے یوم شہادت کی مرکزی تقریب نوڈیرو میں ہوتی ہے تاہم اس مرتبہ یہ تقریب لیاقت باغ راولپنڈی میں ہوگی ،تقریب سے بلاول زردری بھی خطاب کریں گے

وردی والے عوام کو حقوق دیں گے تو ہم انکے ساتھ کھڑے ہونگے، مصطفیٰ کمال کے دبنگ اعلان پر سیاسی جماعتیں پریشان
باغی ٹی وی کی رپورٹ کے مطابق پاک سرزمین پارٹی کے چیئرمین سید مصطفیٰ کمال نے کراچی میں بزنس کمیونٹی کے نمائندہ وفد سے ملاقات کے موقع پر گفتگو کرتے ہوئے کہا ہے کہ عوام کو بنیادی انسانی حقوق ہر حال میں دینے ہونگے، چاہے  وہ انہیں کوئی شیروانی پہن کر دے یا پھر وردی میں، عوام اسی کے ساتھ کھڑی ہوگی جو انکے مسائل حل کرے گا، سابق صدر جنرل پرویز مشرف کے کیس پر سیاست ہرگز نہیں ہونی چاہیئے، ایم کیو ایم کا یہ کہنا کہ جنرل مشرف کے خلاف کارروائی اس لئے کی گئی کہ وہ اردو بولنے والے ہیں، یہ جنرل مشرف کیساتھ انتہائی زیادتی ہے کیونکہ اس بات سے ان کا قد چھوٹا کریں گے جو انکے ساتھ ظلم ہے،

مصطفیٰ کمال کا کہنا تھا کہ آج جنرل پرویز مشرف کے حق میں پوری قوم کیساتھ افواج پاکستان اٹھ کھڑی ہوگئی ہے، اگر کسی شخص نے تعصب کی بنیاد پر کوئی بات کی بھی ہے تو غلط کہی ہے، ہمیں عوام اور اداروں کا ردعمل دیکھنا چاہیئے جو کہ اطمینان بخش ہے نہ کہ صرف ایک فرد کے تعصب بھرے جملے کو، ہم جنرل مشرف کے خلاف فیصلے کو مسترد کرتے ہیں، اگر آرٹیکل 6 پر عملدرآمد کرنا ہی ہے تو اس کی پوری روح کیساتھ عمل کیا جائے، اس حساب سے کم ازکم 500 افراد کو پھانسی کی سزا ہونی چاہیئے، ایک فرد واحد کو نشانہ نہیں بنایا جاسکتا، پیرا گراف نمبر 66 نے جج کی ذہنیت اور اس بات کو واضح کردیا ہے کہ فیصلے میں ذاتی عناد، غصے اور دشمنی کا عنصر موجود ہے جس سے پورے کیس کی روح متاثر ہو چکی ہے۔

خصوصی عدالت کا فیصلہ، پرویز مشرف نے چپ کا روزہ توڑ دیا، بڑا اعلان کرتے ہوئے کیا کہا؟

پرویزمشرف بارے عدالتی فیصلہ جلد بازی کا مظاہرہ، ایسا کس نے کہا؟

وقت کا تقاضا ہے ملک پر رحم کریں، فواد چودھری نے ایسا کیوں کہا؟

پرویزمشرف فیصلہ، پیپلز پارٹی کے قمر زمان کائرہ نے ردعمل دے دیا

پرویزمشرف فیصلہ، سراج الحق بھی میدان میں آ گئے، بڑا مطالبہ کر دیا

مصطفیٰ کمال کا مزید کہنا تھا کہ اس بات پر تشویش ہوتی ہے کہ پاکستان پیپلز پارٹی جو جمہوریت کو بہترین انتقام قرار دیتی ہے، اس نے کبھی جنرل ضیاءالحق کے متعلق وہ زہر نہیں اگلا جو وہ جنرل پرویز مشرف کے خلاف اگلتی ہے جبکہ جنرل ضیاءالحق نے تو پیپلز پارٹی کے قائد ذوالفقار علی بھٹو کو پھانسی پر چڑھا دیا تھا۔ ہمیں کوئی بھی فیصلہ لینے سے پہلے جنرل پرویز مشرف کی ملک کیلئے خدمات کو بھی مدنظر رکھنا ہوگا، کوئی بھی عدالتی فیصلہ آمریت کی راہ میں رکاوٹ ثابت نہیں ہو سکتا، آمریت کا راستہ صرف اسی صورت میں رک سکتا ہے جب حکمران اپنی کارکردگی کو بہتر بنائیں گے، عوام کو بنیادی انسانی حقوق ہر حال میں دینے ہونگے، چاہے وہ انہیں کوئی شیروانی پہن کر دے یا پھر وردی میں، عوام اسی کے ساتھ کھڑی ہوگی جو انکے مسائل حل کرے گا،