سعید غنی کی وزیراعظم پر کڑی تنقید، کہا بانی ایم کیو ایم کی شکل میں عمران خان آ گئے

باغی ٹی وی کی رپورٹ کے مطابق وزیر اطلاعات و محنت سندھ سعید غنی نے کہا ہے کہ عمران نیازی کی باتیں سن کر ان کی کیفیت پر پریشانی ہوتی ہے. ملک میں پام آئل سے کہاں بجلی بنتی ہے یہ وزیراعظم صاحب بتادیں. پاکستان میں ایک نیا بانی ایم کیوایم عمران خان کی شکل میں پیدا ہوا ہے وہ ایک دن کچھ اور دوسرے دن کچھ بولتا تھا یہی صورتحال اب وزیراعظم عمران خان کی ہے.

کسی شہر میں کچرا ہوگا تو کہیں نہیں لکھا کہ وفاق 149نافذ کرسکتا ہے، سعید غنی

پی ٹی آئی نے 50 لاکھ گھر اور ایک کروڑ نوکریاں نہ دینے کا ریکارڈ بنایا، مرتضیٰ وہاب

ان خیالات کا اظہار انہوں نے ہفتے کو مقامی ہوٹل میں منعقدہ سیمینار میں شرکت کے بعد میڈیا سے گفتگو کرتے ہوئے کیا.

سعید غنی نے کہا کہ وزیراعظم نے خود کہا کہ نواز شریف کی طبعیت خراب ہےایک نیا بانی ایم کیوایم عمران خان کی شکل میں پیدا ہوا ہے وہ ایک دن کچھ اور دوسرے دن کچھ بولتا تھا یہی صورتحال اب وزیراعظم عمران خان کی ہے جو بے تکی باتیں کرتا ہے، وزیراعلی سندھ کی صفائی ستھرائی مہم چل رہی ہے کچرے کا بیک لاگ مہم کے زریعے کافی حد تک اٹھایا گیا اس پر بلاوجہ تنقید کسی کو زیب نہیں دیتی۔

چیئرمین نیب کی ویڈیو کی تحقیقات کہاں تک پہنچیں؟ سعید غنی نے اٹھایا سوال

آصف علی زرداری کے حوالے سے پوچھے گئے سوال کے جواب میں انہوں نے کہا کہ آصف علی زرداری کو ان کا حق نہیں دیا جارہا انہیں مختلف بیماریاں لاحق ہیں مختلف ڈاکٹرز ان کا برسوں سے علاج کررہے ہیں حکومت کے میڈیکل بورڈ میں آصف علی ذرداری کے اپنے معالج شامل نہیں ہیں ہم کبھی بھی جیلوں اور عدالتوں سے نہیں بھاگے اور نہ ڈرنے والے ہیں تاہم سابق صدر کی صحت کے معاملے پر کوئی سمجھوتا نہیں کیا جائیگا. حکومت ہوش کے ناخن لے اور سابق صدر کو طبی سہولیات فراہم کرے. آصف علی زرداری کی فیملی کو انکی صحت سے متعلق خدشات ہیں حکومت انہیں دور کرے۔

یوسف ٹھیلے والا کے معاملے پر پوچھے گئے سوال کے جواب میں انہوں نے کہا کہ اس ایشو پر کمیٹی تحقیقات کررہی ہےیہ بات سمجھ سے بالاتر ہےیوسف ٹھیلے والا سے ان کی کبھی ملاقات نہیں ہوئی لیکن نجانے کیوں میڈیا ٹرائل کیا جارہا ہے وفاقی حکومت کی کارکردگی پر سعید غنی نے کہا کہ یہ حکومت رہی تو ڈالر تین سو روپے تک چلا جائیگا اگر وزیراعظم یہ کہہ رہے ہیں تو اس سے ڈالر کا زخیرہ کرنا شروع کردیں گے۔ جو قطعی طور پر غیر مناسب بیان ہے۔

قانون کے محافظ سندھ میں ایسا کیا کرنے لگے کہ تین ایس ایچ او کو معطل کر دیا گیا

باغی ٹی وی کی رپورٹ کے مطابق سندھ کے علاقے گھوٹکی میں قانون کے محافظ سمگلر نکلے، تحقیقات کے بعد تین ایس ایچ اوز کو معطل کر دیا گیا، تین تھانوں کے ایس ایچ اوز کوایرانی تیل اور نان کسٹم گاڑیوں کی اسمگلنگ کے الزام میں معطل کیا گیا ہے،ایڈیشنل آئی جی سندھ ڈاکٹر جمیل احمد نے دو انسپیکٹرز اور سب انسپیکٹر کو معطل کردیا،جس کا نوٹیفکیشن جاری کر دیا گیا ہے

نوٹفکیشن کے مطابق تینوں تھانوں کے ایس ایچ اوز ایرانی پیترول اور نان کسٹم پیڈ گاڑیوں کی اسمگلنگ میں ملوث ہیں، اسمگلنگ کے الزام میں معطل ہونے والوں میں انسپیکٹر امداد تالپور انسپیکٹر آغا شمشاد پٹھان اور سب انسپیکٹر طفیل احمد بھٹو شامل ہیں. انسپیکٹر امداد تالپور تھانہ کھمبڑا انسپیکٹر آغا شمشاد پٹھان گھوٹکی، اور سب انسپیکٹر طفیل بھٹو ایس ایچ او ڈھرکی تعینات تھے.

معطل ہونے والے پولیس افسران کو پولیس لائین لاڑکانہ میں رپورٹ کرنے کا حکم دیا گیا ،دوران معطلی افسران بنا اطلاع کے پولیس لائین نہ چھوڑنے کا حکم دیا گیا، معطل شدہ پولیس افسران روزانہ رول کال اٹینڈ کریں گے اور انکوائری کو بھی جوائن کریں گے

ایم کیو ایم لندن کے ٹارگٹ کلر ،رکن اسمبلی کے قاتل کی رہائی کا پروانہ جاری

باغی ٹی وی کی رپورٹ کے مطابق سندھ ہائیکورٹ میں ایم کیوایم کے ایم پی اے منظر امام کیس قتل میں سزا کے خلاف اپیل منظور کر لی گئی،عدالت نے ملزم محمد عاشق کی سزا کالعدم قرار دے دی،عدالت نے ملزم کو جیل سے رہا کرنے کا حکم دے دیا،پراسیکیوشن ملزم کی سزا برقرار رکھنے کے لئے شواہد پیش کرنے میں ناکام رہا،

انسداد دہشت گردی کی عدالت نے قتل کا جرم ثابت ہونے پر کالعدم تنظیم کے کارکن عاشق کو سزائے موت اور 5 سال قید کی سزا سنائی علاوہ ازیں مجرم کو 4 لاکھ جرمانہ ادا کرنے کا بھی حکم دیا تھا،

واضح رہے کہ جنوری 2013 میں کراچی کے علاقے اورنگی ٹاؤن میں گھات لگائے دہشت گردوں نے کے متحدہ قومی موومنٹ کے رکن سندھ اسمبلی سید منظر امام کی گاڑی پر فائرنگ کی تھی جس کے نتیجے میں دو محافظ اور وہ جاں بحق ہوگئے تھے۔

خیال رہے کہ ایس ایس پی سینٹرل ڈاکٹر رضوان نے گزشتہ برس برس 12 اپریل کو دعویٰ کیا تھا کہ پولیس نے کارروائی کرتے ہوئے اورنگی ٹاؤن سے ایم کیو ایم لندن کے ٹارگٹ کلر کو گرفتار کیا جو منظر امام سمیت 19 افراد کے قتل میں ملوث ہے۔

ایک دہشت گرد سے کہلوایا گیا کہ اس نے مجھ سے ملاقات کی،وزیراعلیٰ سندھ

باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے میڈیا سے گفتگو کرتے ہوئے کہا کہ کل شام مجھے پتہ چلا ایک ویڈیو آئی تھی،ڈی جی رینجرز سے اس حوالے سے بات کروں گا،میں اس دہشت گرد کو جانتا بھی نہیں نہ کبھی ملا ہوں،لگتاہے متعلقہ ایس ایس پی میرے خلاف سازش میں ملوث ہے ،پولیس سے کہا ہے کہ مکمل انکوائری کریں،2017 میں جب وہ گرفتارہوا تھا تو وہ رینجرز کی تحویل میں تھا،

وزیراعلیٰ سندھ کا مزید کہنا تھا کہ کراچی میں جعلی نمبر پلیٹ والی گاڑیوں کے خلاف کارروائی ہوگی،

صحافی نے وزیراعلیٰ سندھ سےسوال کیا کہ دہشت گرد نے آپ سے متعلق انکشاف کیا ہے، جس پر وزیراعلیٰ سندھ مراد علی شاہ نے کہا کہ جس نے کہانی بنائی ہے اس تک پہنچ چکا ہوں،ایک دہشت گرد سے کہلوایا گیا کہ اس نے مجھ سے ملاقات کی ،غلط نمبر پلیٹ والی گاڑی کےخلاف ایف آئی آر درج ہوئی ہے،کل شام پتہ چلا کہ گاڑی گورنر ہاوَس کی ہے،جعلی نمبرپلیٹ والی گاڑی کامیڈیا کے ذریعے علم ہوا،

وزیراعلیٰ سندھ کا مزید کہنا تھا کہ کابینہ میں ردوبدل مرضی سے کروں گا کسی سے پوچھ کر نہیں،میں اسمبلی اور عوام کو جواب دہ ہوں،

ایک اور سیاسی خاندان کو عدالت نے قرار دیا اشتہاری

باغی ٹی وی کی رپورٹ کے مطابق احتساب عدالت میں اسپیکر سندھ اسمبلی آغا سراج درانی و دیگر کے خلاف آمدن سے زائد اثاثے رکھنے کیس کی سماعت ہوئی، جہاں اسپیکر سندھ اسمبلی آغا سراج درانی میں پیش ہوئے۔دوران سماعت عدالت نے آغا سراج درانی کی اہلیہ بیٹیاں اور بیٹوں سمیت دیگر مفرور ملزمان کو ریفرنس سے الگ کرتے ہوئے نیب کو مفرور ملزمان کو اشتہاری قرار دینے کی ہدایت کی اور کیس کی سماعت تین دسمبر تک ملتوی کردی، آئندہ سماعت پر اسپیکر سندھ اسمبلی آغا سراج درانی ویگر پر فرد جرم عائد کی جائے گی۔

سراج درانی کے گھر سے کتنا سونا ملا، نیب نے دائر ریفرنس میں بتا دیا

نیب پراسیکیوٹر نے کہا کہ آغا سراج درانی کے اہل خانہ بیرون ملک مفرور ہو چکے ہیں، عدالت نے آغا سراج درانی کی اہلیہ، بیٹے اور بیٹیوں کے وارنٹ گرفتاری جاری کر دیئے،

قبل ازیں اسپیکر سندھ اسمبلی آغا سراج درانی کو احتساب عدالت کراچی پہنچا دیا گیا ،اس موقع پر سیکورٹی کے سخت انتظامات کئے گئے ہیںَ ،پولیس نے پیپلز پارٹی کے جیالوں کو عدالت کے اندر جانے سے روک دیا

واضح رہے کہ نیب نے اسپیکر سندھ اسمبلی آغا سراج درانی کو اسلام آباد سے گرفتار کیا تھا، انہیں حراست میں لے کر کراچی منتقل کیا گیا تھا، سراج درانی کیخلاف اختیارات کے ناجائز استعمال اور آمدن سے زائد اثاثوں کے الزامات ہیں۔آمدن سے زائد اثاثوں کے کیس میں گرفتار اسپیکر سندھ اسمبلی آغا سراج درانی کے گھر پر نیب نے چھاپے کے دوران نیب افسران نے ان کے گھر سے اہم فائلیں‌ قبضے میں‌ لی تھیں، ان کے سیکیورٹی اہلکاروں نے نیب حکام سے بدتمیزی بھی کی تھی ۔

پاکستان مردہ باد اور پاک فوج کیخلاف نعرے لگانے پر کراچی میں مقدمہ کس کے خلاف درج ہوا؟

باغی ٹی وی کی رپورٹ کے مطابق جئے سندھ قومی محاذ کو پاکستان مخالف ریلی نکالنا مہنگا پڑگیا،اسٹیل ٹاؤن تھانے میں دہشتگردی بغاوت سمیت سنگین دفعات کے تحت مقدمہ درج کر لیا گیا،مقدمہ جسقم بشیرخان قریشی گروپ کے چیئرمین صنعان قریشی کے خلاف درج کیا گیا مقدمے میں صدر ملیر ضمیر حاجانو اور وائس چیئرمین الہی بخش سمیت دیگر کو بھی نامزد کیا گیا ہے.

ایف آئی آر کے متن میں لکھا گیا ہے کہ صنعان قریشی نے ساتھیوں کے ہمراہ اسٹیل ٹاؤن سے کراچی پریس کلب تک ریلی نکالی، ریلی میں دو سے ڈھائی ہزار کارکنان شریک تھے،ریلی کے تمام شرکاء نے جئے سندھ قومی محاذ کے جھنڈے اٹھا رکھے تھے،ریلی کے شرکاء پاکستان اور حکومتی اداروں کے خلاف نعرے بازی کر رہے تھے، ریلی میں پاکستان مردہ باد پاکستان نہ کھپے کے نعرے لگائے گئے، پاکستان توڑیں گے، پہلے بنگلہ دیش بنا سب سندھو دیش بنے گا کے نعرے لگائے ،پاکستان کا جو یار ہے غدار ہے کہ نعرے بھی لگائے گئے ، ریلی کے شرکاء نے پاک فوج کے خلاف نعرے بازی کی .

ایف آئی آر کے متن میں مزید کہا گیا ہے کہ چیئرمین جسقم کارکنان کو فسادات اور دہشتگردی پھیلانے کے لیے اکساتا رہا،پاک فوج اور حکومت کے خلاف نعرے بازی کی ویڈیو بھی ریکارڈ کی گئی ہے، چیئرمین جسقم اور عہدیداران نے اعلی سرکاری حکام پر حملے کے لئے ریلی شرکاء کو بھی اکسایا،

مقدمہ دہشت گردی ، بغاوت نفرت انگیز تقاریر کی دفعات کے تحت درج کیا گیا ،پاکستان اور گورنمنٹ کے خلاف دہشت گردی پھیلانے کی دفعہ بھی شامل کی گئیں

تاجر کو قتل کرنیوالے ملزم کی سزائے موت کیخلاف اپیل، عدالت کا بڑا فیصلہ

باغی ٹی وی کی رپورٹ کے مطابق تاجرکے قتل اور پولیس اہلکاروں پرفائرنگ کے جرم میں سزائے موت کے خلاف اپیل مسترد کر دی گئی، سندھ ہائیکورٹ نے مجرم ہاشم عرف قادری کی سزا برقرار رکھنے کا حکم دے دیا، عدالت نے کہا کہ مجرم کےخلاف ٹھوس شواہد موجودہیں سزا کالعدم قرار نہیں دی جاسکتی،

بریکنگ نیوز،حکومت اور فوج ایک پیج پر، وزیراعظم نے ایسا فیصلہ کیا کہ قوم کے دل جیت لئے

عدالت نے پولیس مقابلے اورغیر قانونی اسلحہ رکھنے کے جرم میں بھی 14سال قیدبرقراررکھنےکاحکم دے دیا،انسداد دہشتگردی عدالت نے مجرم ہاشم عرف قادری کوپھانسی دینے کاحکم سنایا تھا.

پی ٹی آئی رہنما زہرہ شاہد قتل میں ملزمان کی سزاکے خلاف اپیل مسترد کر دی گئی

انسداد دہشت گردی کی عدالت سے سزا ملنے کے بعد ملزم نے فیصلہ کو ہائیکورٹ میں چیلنج کیا تھا، سندھ ہائیکورٹ نے اپیل کی درخواست مسترد کر دی جس کے بعد اب ملزم کے وکیل کی جانب سے سندھ ہائیکورٹ کا فیصلہ سپریم کورٹ میں چیلنج کئے جانے کا امکان ہے.

گٹکا بنانےاورفروخت کرنے والوں کے خلاف کارروائی،عدالت نے کب تک مہلت دیدی؟

باغی ٹی وی کی رپورٹ کے مطابق سندھ ہائیکورٹ میں گٹکا بنانےاورفروخت کرنے والوں کے خلاف کارروائی کے حوالہ سے درخواست پر سماعت ہوئی،صوبائی سیکریٹری صحت اوردیگرفریقین سندھ ہائیکورٹ میں پیش ہوئے،عدالت نے گٹکے بنانے اورفروخت کرنے والوں کے خلاف کارروائی جاری رکھنے کا حکم دیا،

بھارتی گٹکا بیچنے پر انوکھی سزا جان کر حیران ہوں جائیں

عدالت نے گٹکے بنانے اورفروخت کرنے کی سزاسے متعلق فوری قانون بنانے کاحکم دے دیا،عدالت نے سندھ حکومت کو قانون بنانے کےلیے10 دسمبر تک مہلت دے دی،سندھ ہائیکورٹ نے آئندہ سماعت پر تمام فریقین سے رپورٹ طلب کرلی

اسمبلی میں بیٹھے لوگوں کو سب معلوم ہے کہ یہ چیز کہاں تیار ہوتی ہے؟ نصرت سحر عباسی نے کیا بڑا انکشاف

اس سے پہلے سندھ ہائی کورٹ نے گٹکا مافیا کے خلاف مقدمات میں دفعہ 337-J کا اضافہ کرنے کا حکم دیا تھا جس کے بعد ملزمان کے خلاف درج مقدمات میں ناقابل ضمانت دفعہ کا اضافہ کردیا گیا ہے۔

گٹکا مافیا کے خلاف ناقابل ضمانت دفعہ لگنے کے بعدگٹکے کے کیس میں 160 سے زائد ملزمان کی ضمانت کی درخواستیں مسترد کردی گئیں۔ ڈسٹرکٹ اینڈ سیشن جج ایسٹ نے 80 ملزمان کی ضمانتیں مسترد کیں جب کہ ضلع ویسٹ کی عدالتوں نے 50، سینٹرل اور ساؤتھ کی عدالتوں نے 15،15 ملزمان کی ضمانتیں مسترد کریں۔