Category: کراچی

خطے میں امن اور سیکیورٹی کے فروغ کے لئے پاک بحریہ کے کردار کو صدر مملکت نے سراہا
پاکستان بحریہ کی 112 ویں مڈ شپ مین اور 21 ویں شارٹ سروس کمیشن کورس کی پاسنگ آﺅٹ پریڈ پاکستان نیول اکیڈمی پی این ایس رہبر میں منعقد ہوئی۔ کمیشننگ ٹرم81 پاکستانی اور 53 دوست ممالک کے مڈ شپ مین اور شارٹ سروس کمیشن کے65 کیڈٹس بشمول 07 خواتین کیڈٹس پر مشتمل تھی۔ صدر مملکت ڈاکٹر عارف علوی اس تقریب کے مہمان خصوصی تھے۔ پاکستان نیول اکیڈمی آمد پر چیف آف دی نیول اسٹاف، ایڈمرل ظفر محمود عباسی نے معزز مہمان کا استقبال کیا۔

مہمان خصوصی نے اپنے خطاب میں کمیشننگ ٹرم کو مبارکباد دیتے ہوئے انہیں تاکید کی کہ وہ عصر حاضر کی جدید جنگی ٹیکنالوجی سے ہم آہنگ رہیں اور اپنے آباءکی شاندار روایات کی پاسداری کرتے ہوئے انہیں آگے بڑھائیں۔ ڈاکٹر عارف علوی نے پاس آؤٹ ہونے والے کیڈٹس کو قائد اعظم کے زریں اصولوں پر عمل پیرا ہونے اور ملکی دفاع کے حوالے سے قوم کی توقعات پر پورا اترنے کے لئے کوشاں رہنے کی بھی ہدایت کی۔ خطے میں امن اور سیکیورٹی کے فروغ کے لئے پاک بحریہ کے کردار کو سراہتے ہوئے صدر مملکت نے کہا کہ پاکستان نیول اکیڈمی میں برادر ممالک کے کیڈٹس کی تربیت نہ صرف ان ممالک سے دوستانہ تعلقات کو مزید مضبوط بنانے میں اہم ہے بلکہ میری ٹائم سیکیورٹی کے فروغ کے لئے مشترکہ کاوشوں کے بارور ہونے میں بھی اہمیت کی حامل ہے۔

مہمان خصوصی نے مسلح افواج کی کاوشوں اور قربانیوں کا اعتراف کرتے ہوئے قوم کی مکمل حمایت کا وعدہ کیا اور مخالفین کی طرف سے درپیش کسی بھی خطرے کے خلاف قومی خودمختاری کے تحفظ کو یقینی بنانے کے عزم کا اعادہ کیا۔ اقوام متحدہ کی قراردادوں کے خلاف مقبوضہ جموں و کشمیر میں انسانی حقوق کی سنگین خلاف ورزیوں کو اجاگر کرتے ہوئے مہمان خصوصی نے دنیا کے تمام ممالک سے مطالبہ کیا کہ وہ ہندوستان کی فاشسٹ حکومت کے خلاف کشمیری عوام کی منصفانہ اور حق پر مبنی جدوجہد میں ان کے ساتھ کھڑے ہوں۔

اس سے قبل اپنے استقبالیہ خطاب میں کمانڈنٹ پاکستان نیول اکیڈمی کموڈور عامر محمود نے افسران کی تربیت کی نمایاں خصوصیات پر روشنی ڈالی۔انہوں نے حاضرین کو آگاہ کیا کہ بحرین ، اردن ، فلسطین ، قطر اور سعودی عرب کے کیڈٹس اس وقت پاکستان نیول اکیڈمی میں تربیت حاصل کر رہے ہیں۔ انہوں نے نوجوانوں کو بھی مشورہ دیا کہ وہ ملک کی سا لمیت ، عزت اور مفاد کو اولین اور اہم رکھیں۔

بعد ازاں مہمان خصوصی نے پوزیشن حاصل کرنے والے کیڈٹس اور مڈشپ مین میں انعامات تقسیم کئے۔ 2011-A کے لیفٹیننٹ محمد سیاف پاشا،2012-B کے لیفٹیننٹ نصر اللہ اور 2013-A کے لیفٹیننٹ شامل علی خان نے قائد اعظم گولڈ میڈل حاصل کیا۔ مڈشپ مین نوید احمد نے اعزازی شمشیرجبکہ مڈ شپ مین محمد عمر نے” اکیڈمی ڈرک”جیتی۔ آفیسر کیڈٹ عبدالرحمان نے چیئرمین جوائنٹ چیف آف اسٹاف کمیٹی گولڈ میڈل ، بحرین کے آفیسر کیڈٹ عیسی دواجی خلیفہ الموسی الدوسیری نے چیف آف دی نیول اسٹاف گولڈ میڈل اور شارٹ سروس کورس کی آفیسر کیڈٹ انشال جاوید نے کمانڈنٹ گولڈ میڈ ل جیتا جبکہ مین ٹاپ اسکارڈن پرافیشنسی بینر کا فاتح رہا۔

تقریب میں وفاقی وزیر برائے دفاع جناب پرویز خٹک, سینئر فوجی افسران ، سفیروں ، دوست ممالک کے دفاعی اتاشیوں ،معززین ِشہر، مڈ شپ مین اور کیڈٹس کے والدین اور رشتہ داروں نے بڑی تعداد میں شرکت کی۔

نیب ترمیمی آرڈیننس کیوں لایا گیا؟ سعید غنی نے لگایا وزیراعظم پر سنگین الزام
باغی ٹی وی کی رپورٹ کے مطابق پیپلز پارٹی کے رہنما سعید غنی نے کہا ہے کہ وزیراعظم نے کہا تھا ان کے کچھ دوست نیب کے دائرے میں ہیں،نیب قانون کی ہمیشہ مخالفت کی ،نیب ترمیمی آرڈیننس کے بعد اب وہ خوش ہوں گے،نیب نے ایک تماشہ لگایا ،کوئی پوچھنے والا نہیں نیب آرڈیننس میں ترمیم عمران خان اور ساتھیوں کو بچانے کیلیے ہے،لوگوں کی عزتیں اچھالی جاتی ہیں ،غیر قانونی حراست میں رکھتے ہیں

نیب ترمیمی آرڈیننس منظوری کے اگلے روز سپریم کورٹ میں چیلنج

بلی بارگین کرنے والے کو الیکشن لڑنے کی اجازت ہونی چاہئے، نیب ترمیمی بل سینیٹ میں پیش

نیب آرڈیننس میں ترامیم کے بعد نیا مسودہ تیار

سعید غنی نے مزید کہا کہ عمر ایوب نے کل بھونڈا مذاق کیا،آئین کے مطابق جس صوبے سے گیس پیدا ہو وہاں کے عوام کا اس پر پہلا حق ہے،وفاقی وزیر گیس قلت کا الزام ہم پر لگا رہےہیں ،کہا گیا کہ ہم نے گیس پائپ لائن ڈالنے کی اجازت نہیں دی،سندھ سے70فیصدگیس نکلتی ہے لیکن پھر بھی صوبہ قلت کا شکار ہے،

حریم شاہ باز نہ آئی، وفاقی وزیر کی ویڈیو لیک کرکے شرمناک الزامات عائد کر دیئے

شیخ رشید کی ویڈیو لیک، حریم شاہ پھر میدان میں آ گئی؟ کیا کہا؟

عمران خان کی ویڈیو لیک کر دوں گی، حریم شاہ کی نئی ٹویٹ کے بعد کھلبلی مچ گئی

سعید غنی کا مزید کہنا تھا کہ پنڈی کے بڑے جلسوں میں کل کا جلسہ ایک بڑا جلسہ تھا،نیب کے ان قوانین کو تبدیل کیا جاتا جس سے عوام کو تکالیف ہیں،وہ نہیں کیے گئے

ملک کی بڑی ہاؤسنگ سوسائٹی کے خلاف نیب تحقیقات، چھاپہ، دو گرفتاریاں

باغی ٹی وی کی رپورٹ کے مطابق فضائیہ ہاؤسنگ اسکیم کامعاملہ،نیب حکام نے میکسم مارکیٹنگ کمپنی کے دفترپرچھاپہ مارا ،نیب نے میکسم مارکٹنگ کمپنی سے تنویراوربلال کوگرفتار کرلیا.نیب نے میکسم مارکیٹنگ کمپنی سے اہم دستاویزات قبضے میں لے لیں،نیب کراچی نے فضائیہ ہاؤسنگ اسکیم کے خلاف تحقیقات کا آغاز کررکھا ہے،

نیب کراچی نے ‘فضائیہ ہاؤسنگ اسکیم’ کے خلاف درخواست پر تحقیقات کا آغاز کردیا۔متاثرین کی تعداد 6 ہزار ہے جنہوں نے اسکیم میں تقریباً 13 ارب روپے لگائے گئے تھے۔ متاثرین کا کہنا ہے کہ چار سال سے ان کے ساتھ دھوکہ کیا جارہا ہے اور انہیں نا تو پلاٹ نہ رقم واپس کی جارہی ہے۔

نیب کراچی کا کہنا تھا کہ چیئرمین نیب جسٹس ریٹائرڈ جاوید اقبال کی ہدایت پر نئی انکوائری کا آغاز کیا گیا ہے اور انہوں نے جلد انکوائری مکمل کرنے کی ہدایت کی ہے۔بیان میں کہا گیا کہ نیب کراچی جلد از جلد یہ انکوائری مکمل کرنے کے لیے پرعزم ہے اور اس میں ملوث تمام افراد کو احتساب کے کٹہرے میں لایا جائے گا۔

کراچی: تاجروں نے وزیر اعظم سے کھل کر اپنے مسائل بیان کر دیے

باغی ٹی وی رپورٹ کے مطابق تاجروں نے وزیراعظم عمران خان سے آج ہونے والی ملاقات کے دوران شکایتوں کے انبار لگا دیے اور گلے شکوے کیے۔ملاقات کے دوران تاجروں نے وزیراعظم سے کہا کہ آپ سے متعدد ملاقاتیں کر چکے ہیں لیکن مسائل حل نہیں ہو رہے ہیں۔

ذرائع کے مطابق تاجر رہنماؤں نے عمران خان سے شکوہ کیا کہ آپ کی معاشی ٹیم آپ کے احکامات پر عمل نہیں کرتی ہے۔تاجروں نے وزیراعظم عمران خان کو بتایا کہ سوئی سدرن گیس انتظامیہ کی نااہلی کے باعث کراچی کی صنعتیں تباہ ہو رہی ہیں۔ گیس بحران کی وجہ سےاربوں روپے کے ایکسپورٹ آرڈر وقت پر نہیں دیے جاسکے ہیں۔
وزیراعظم عمران خان کا کہنا تھا کہ گیس پریشر میں کمی کی وجہ سے مسائل ہیں، سوئی سدرن گیس انتظامیہ کو اسلام آباد بلا کر بات کروں گا۔

تاجر رہنماؤں نے وزیراعظم کو بتایا کہ فیڈرل بورڈ آف ریونیو (ایف بی آر) کا رویہ پہلے کی طرح تاجر دشمن ہے، ٹیکس نظام کو مزید بہترکیا جائے۔

ذرائع کے مطابق وزیر اعظم عمران خان نے تاجر برادری کو مسائل کے حل کی یقین دہانی کروائی ہے۔ عمران خان نے تاجروں کو یقین دہانی کرائی ہے کہ گورنر سندھ عمران اسماعیل کےذریعے آپ سب سے رابطے میں رہوں گا۔
واضح رہے کہ وزیر اعظم اس وقت کراچی کے دورے پر ہیں .اور وہ بزنس کمیونٹی کے مسائل حل کرنے کےلیے کوشا ں ہیں تاکہ معیشت کا پہیہ چل سکے اس سلسے میں تارجروں اور بزنس کمیونٹی کی شکایات کو سن کر ان کا ازالہ کرنے کی کوشش کی جارہی ہے.

بے نظیر کی برسی، فاروق ستار نے ایسا مطالبہ کر دیا کہ پیپلز پارٹی ہوئی پریشان

باغی ٹی وی کی رپورٹ کے مطابق سربراہ تنظیم (ایم کیو ایم پاکستان) بحالی کمیٹی ڈاکٹر فاروق ستار نے سابق وزیر اعظم بے نظیر بھٹو کی بارہویں برسی کے موقع پر پیغام میں کہا کہ سابق وزیر اعظم بے نظیر بھٹو کا قتل ایک افسوسناک واقعہ تھا۔ یہ واقعہ راولپنڈی میں پیش آنے کے باوجود انتقامی ردعمل کراچی میں کیا گیا۔ 27 دسمبر 2007 کراچی اور سندھ کی تاریخ کا وہ سیاہ باب ہے جب لوگوں کے دفاتر اور املاک نظر آتش کر دی گئیں ۔

فاروق ستار کا مزید کہنا تھا کہ اس واقعے میں کراچی اور سندھ کی خواتین کی بے حرمتی کی گئی ۔ احتجاج کی آڑ میں کراچی جلا دیا گیا اور دکانوں سے لوٹ مار کی گئی۔ ہم مطالبہ کرتے ہیں کہ سابق وزیر اعظم بے نظیر بھٹو کے قتل کی آڑ میں جو احتجاج کے نام پر نقصان کیا گیا اسکا انصاف ہو۔اعلی’ ججز پر مشتمل کمیشن بنایا جائے جو کراچی کے شہریوں کے نقصان کا ازالہ کرے۔ سنگین جرائم کرنے والوں کو قانونی طور پر تحقیقات کر کے سزا دے جائے۔

بے نظیر کی برسی، جائے شہادت لیاقت باغ میں سجے گا میدان

بے نظیر قتل کی تحقیقات دوبارہ کرنے کا فیصلہ ،زرداری کیلئے ایک اور مشکل

واضح رہے کہ بے نطیر بھٹو پاکستان کی پہلی خاتون وزیر اعظم تھیں جنہیں 27 دسمر 2007 کو لیاقت باغ میں جلسے کے بعد جلسہ گاہ سے باہرنکلتے ہوئے بم دھماکے میں شہید کر دیا گیا تھا .بے نظیر کی شہادت کے بعد ہونیوالے الیکشن میں پیپلزپارٹی کی حکومت بنی تھی اور آصف زرداری صدر پاکستان بنے تھے. پیپلزپارٹی نے حکومت بنانے کے بعد بے نظیر قتل کی تحقیقات اپنے پرانے مطالبے کے مطابق اقوام متحدہ سے کروانے کے لیے درخواست دی جو اس نے قبول کر لی تھی۔ آصف علی زرداری نے بے نظیر کے قتل کی پہلی برسی پر دعویٰ کیا تھا کہ انھیں معلوم ہے کہ قاتل کون ہیں۔ لیکن صدر مملکت بن جانے کے بعد قتل کی دوسری برسی پر اپنی تقریر میں اس حوالہ سے کچھ نہیں کہا .

انسداد دہشتگردی کی خصوصی عدالت نے 9 سال8ماہ بعد بے نظیر قتل کیس کا فیصلہ سنایا تھا .عدالت کے جج اصغر خان نے فیصلہ سناتے ہوئے پولیس افسران ، سابق سی پی او راولپنڈی سعود عزیز اور سابق ایس پی سٹی خرم شہزاد کو مجموعی طور پر17، 17سال قید ، پرویز مشرف کو اشتہاری قرار دیتے ہوئے5 ملزمان بری کردیے تھے

وزیراعظم کا آج ہو گا دورہ کراچی، مصروفیات کیا ہوں گی؟ شیڈول جاری

باغی ٹی وی کی رپورٹ کے مطابق وزیراعظم عمران خان ایک روزہ دورے پر آج کراچی جائیں گے۔وزیر اعظم عمران خان گورنر سندھ سمیت پی ٹی آئی کے ارکان قومی و صوبائی اسمبلی سے ملاقاتیں کریں گے، کراچی میں وفاق کے زیر اہتمام ترقیاتی منصوبوں کا بھی جائزہ لیں گے۔

عمران خان شام کو وفاقی وزیر منصوبہ بندی اسد عمر کے بیٹے کے ولیمہ کی تقریب میں بھی شرکت کریں گے۔ وزیراعظم کےدورہ کراچی کو حتمی شکل دے دی گئی،تحریک انصاف کی صوبائی قیادت وزیراعظم عمران خان سے ملاقات کرے گی، وزیراعظم ملاقات میں اراکین قومی و صوبائی اسمبلی کے تحفظات سنیں گے،وزیراعظم عمران خان تاجروں سےبھی اہم ملاقات کریں گے،وزیراعظم عمران خان گورنر ہاؤس میں اہم ملاقاتیں کریں گے.

قبل ازیں چند روز قبل کراچی سے تعلق رکھنے والے پاکستان تحریک انصاف کے اراکین قومی اسمبلی نے وزیراعظم عمران خان سے ملاقات کی جس میں مبران نے وزیراعظم کو کراچی شہر کے مسائل اور اپنے متعلقہ حلقوں میں عوام کو صحت، روزگار اور پینے کے صاف پانی کی فراہمی کے حوالے سے درپیش مسائل سے آگاہ کیا۔ ملاقات کرنے والوں میں ارکان قومی اسمبلی شکور شاد، آفتاب جہانگیر، اکرم چیمہ، عطاء اللہ خان، اسلم خان، فہیم خان اور کیپٹن (ر) جمیل احمد خان شامل تھے۔

ممبران قومی اسمبلی نے وزیراعظم کو کراچی شہر کے مسائل اور اپنے متعلقہ حلقوں میں عوام کو صحت، روزگار اور پینے کے صاف پانی کی فراہمی کے حوالے سے درپیش مسائل سے آگاہ کیا۔ کراچی میں وفاقی حکومت کی جانب سے جاری ترقیاتی منصوبوں پر پیشرفت پر بھی گفتگو کی۔

وزیراعظم نے کہا کہ کراچی پاکستان کا معاشی حب ہے۔ کراچی کی ترقی ملک کی ترقی ہے۔ کراچی کی ترقی و خوشحالی وفاقی حکومت کی اولین ترجیحات میں شامل ہے۔ کراچی جیسے بڑے شہر میں عوام کو درپیش مسائل کا مکمل ادارک ہے اور اس سلسلے میں وفاقی حکومت ہر ممکنہ کردار ادا کرنے کے لئے پر عزم ہے۔

دوسری جانب وزیراعلیٰ سندھ سید مراد علی شاہ کا کہنا ہے کہ وزیراعظم نے سی سی آئی اجلاس ساڈھے سات گھنٹے کیا ،جس صوبے سے گیس پیدا ہوتی ہے اس کو وزیراعظم نے تسلیم کیا، پانی کا استعمال معاہدہ کے بجائے تاریخی استعمال پر کر رہے تھے، اس کو سی سی آئی نے قبول کیا، یہ ایک مہینے کیلئے موخر کیا گیا ہے لیکن اس کو قبول کیا گیا، نیا سال شروع ہونے والا ہے، انشاء اللہ سب ٹھیک ہوجائے گا،

قائداعظم کے پاکستان کی تکمیل کون کرے گا؟ وزیراعظم آزاد کشمیربول پڑے

بانی پاکستان کے یوم پیدائش پر وزیراعلیٰ خیبرپختونخواہ نے دیا کشمیریوں کو اہم پیغام

پاکستان کو اسلامی فلاحی ریاست بنانے کا خواب کب پورا ہو گا؟ وزیراعلیٰ پنجاب نے کیا بڑا دعویٰ

بانی پاکستان کے یوم پیدائش پر وزیراعلیٰ سندھ نے دیا اہم پیغام

ہم ملک کو مستحکم، خوشحال اور ترقی یافتہ بنا سکتے ہیں؟ گورنر سندھ نے بتا دیا

قائداعظم کی کشمیر بارے کیا خواہش تھی؟ صدر آزاد کشمیر نے ایکبار پھر اظہار کر دیا

وزیراعلیٰ سندھ سید مراد علی شاہ کا مزید کہنا تھا کہ وزیراعظم کو ملاقات میں کہا کہ وزیراعلیٰ پونے کے ناطے مجھ پر آپ کا استقبال کرنا فرض ہے، مجھے وزیراعظم کے آنے کا باضابطہ طور پرآگاہ نہیں کیا جاتا،میں 27 دسمبر کو اگر کراچی ہوتا ہو وزیراعظم کا ضرور استقبال کرتا، محترمہ بینظیر بھٹو کی برسی کی مناسبت سے ہمارا 27 دسمبر کو پنڈی میں جلسہ ہے، میں پی پی پی کا ادنی کارکن ہوں، اس لئے میں یہاں نہیں ہونگا، میں وزیراعظم سے درخواست کرونگا کہ وہ کراچی میں اجلاس 27 دسمبر کے بجائے کسی دوسرے دن کریں

بلاول کا آزادی صحافت کا نعرہ، سندھ میں 50 سے زائد صحافیوں پر سنگین دفعات کے تحت مقدمات درج
باغی ٹی وی کی رپورٹ کے مطابق صحافیوں پر جھوٹے مقدمات کیخلاف کراچی سمیت سندھ بھر کے مختلف پریس کلبز کے سامنے صحافی برادری نے احتجاج کیا، مختلف اضلاع کے 50 سے زائد صحافیوں پر انسداد دہشتگردی ایکٹ سمیت سنگین دفعات کے تحت درج کئے جا چکے ہیں ،صحافیوں نے جھوٹی ایف آئی آرز کی شفاف انکوائری کا مطالبہ کیا ہے.

صحافیوں پر سنگین الزامات کے تحت جھوٹے مقدمات کے اندراج کیخلاف سندھ جرنلسٹس کونسل کی کال پر سینکڑوں صحافیوں نے صوبے کے مختلف پریس کلبز کے سامنے احتجاج کرتے ہوے مطالبہ کیا ہے کہ سندھ میں صحافیوں کو حراساں کرنے کیلئے جھوٹے مقدمات کا تسلسل ختم کرکے درج 30 سے زائد کیسز کی شفاف انکوائری کرائی جائے۔

کراچی پریس کلب کے سامنے صحافیوں کے احتجاجی مظاہرے کو خطاب کرتے ہوے سندھ جرنلسٹس کونسل کے صدر غازی جھنڈیر نے کہا ہے کہ سندھ کے مختلف اضلاع میں پولیس کی ملی بھگت سے 50 سے زائد صحافیوں پر انسداد دہشتگردی ایکٹ، بھتہ خوری، اغوا برائے تاوان، ڈکیتی جیسی سنگین دفعات کے تحت جھوٹے مقدمات درج کروا کہ صحافیوں کو حراساں کیا جا رہا ہے۔

ڈی آئی جی سکھر اقبال دارا نے ذاتی انتقام کی بنیاد پر صحافی عجیب لاکھو کیخلاف 17 سے زائد جھوٹے مقدمات دائر کرائے ہیں، جن میں صحافی کے 80 سالا بزرگ والد کو نامزد کیا گیا ہے، پولیس صحافی عجیب لاکھو کو ڈاکووں کی طرح اغوا کرنے کے بعد تشدد کا نشانہ بنا رہی ہے۔

کراچی پریس کلب کے صدر امتیاز خان فاران نے مظاہرے سے خطاب کرتے ہوے کہا کہ صحافیوں پر جھوٹے مقدمات کسی بھی صورت میں برداشت نہیں کیئے جائینگے یہ صحافتی آزادی کا گلا دبانے کے مترادف ہے۔ نامور صحافی امداد سومرو نے کراچی پریس کلب کے سامنے احتجاج کرنیوالے صحافیوں سے خطاب میں کہا کہ گذشتہ چند ماھ میں سکھر ریجن کی پولیس نے صحافیوں کیلئے زمین تنگ کردی ہے، ڈی آئی جی سکھر اقبال دارا اپنے عہدے اور اختیارات کا ناجائز استعمال کرتے ہوے عجیب لاکھو سمیت دیگر صحافیوں کو انتقام کا نشانہ بنا رہا ہے ، افسوس کی بات ہے کہ وزیر اعلی سندھ، آئی جی سندھ اور پبلک سیفٹی کمیشن کو دہائیوں کے باوجود بھی پولیس اپنی غیرقانونی حرکتوں سے باز نہیں آ رہی ہے۔ قادر لاشاری نے کہا کہ صوبے میں صحافیوں کیخلاف جھوٹے مقدمات پر سندھ حکومت کو اپنا کردار ادا کرنا چاھیئے بصورت دیگر سندھ بھر کے صحافی احتجاجی تحریک کا آغاز کرینگے۔ احتجاجی مظاہرے کو نجیب اللہ نائچ،اکبر جعفری ودیگر صحافی رہنمائوں نے بھی خطاب کیا۔

صحافیوں پر جھوٹے مقدمات کیخلاف سندھ جرنلسٹس کونسل کے تحت سکھر، کندھ کوٹ کشمور، جیکب آباد،شکارپور، گھوٹکی، نوابشاھ، دادو، نوشہرو فیروز، بھان سعید آباد، سیون، مٹھی، اسلام کوٹ، عمرکوٹ، میرپورخاص، بھریا سٹی، مورو، ڈیپلو سمیت سندھ بھر کے مختلف پریس کلبز کے سامنے صحافیوں نے احتجاج رکارڈ کرایا۔

جیل اصلاحات، سندھ حکومت مزید کتنی جیلیں بنانے جا رہی ہے؟ رپورٹ آ گئی

باغی ٹی وی کی رپورٹ کے مطابق سندھ حکومت نے صوبے میں مزید 8 نئی جیلیں بنانے کا فیصلہ کیا ہے،جیل اصلاحات کے حوالے سے چیف سیکریٹری سندھ اور وفاقی محتسب کی سربراہی میں اہم اجلاس ہوا،اجلاس میں سیکریٹری داخلہ سندھ، پراسیکیوٹر جنرل سندھ، سینیئر ایڈوائیز محتسب، آئی جی جیل سمیت دیگر متعلقہ افسران شریک ہوئے.

اجلاس میں سیکریٹری داخلہ کو ضلعی ملیر کے 100 اور ویسٹ کے لئے 200 ایکڑ زمین کے لئے سمری بنائی کی ہدایت کی گئی،سندھ کے شہروں‌ ٹھٹھہ، نوابشاہ، قمبر شہداد، مٹھی، کندھکوٹ، ملیر اور ضلعی ویسٹ میں نئی جیلیں بنائی جائیں گی۔صوبے کے جیلوں میں نئیں آنے والے قیدیوں کی میڈیکل اسکریننگ کی جائے۔

آئی جی جیل نصرت حسین منگن نے اجلاس میں کہا کہ کراچی، لاڑکانہ اور شکارپور کے جیلوں میں گنجائش سے زیادہ قیدی ہیں۔ اس وقت صوبے کے جیلوں کی گنجائش 13038 جب کے 17239 قیدی ہیں۔ صوبے کی جیلوں میں 6886 قیدیوں کو پرائمری سے لے کر ماسٹرز تک کی تعلیم فراہم کی جارہی ہے۔

وفاقی محتسب سید طاہر شہباز نے کہا کہ وفاقی محتسب نے اس وقت تک جیل اصلاحات کے حوالے سے سپریم کورٹ میں 4 روپورٹ جمع کروائی ہیں۔جنوری کے پہلے ہفتے میں بھی رپورٹ جمع کروائی جائے گی۔ سندھ حکومت نے جیل اصلاحات کے حوالے سے بھترین کام کیا ہے۔

اللہ میرے سمیت سب کو ہدایت دے،شیخ رشید نے ایسا کیوں کہہ دیا؟

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کراچی میں میڈیا سے گفتگو کرتے ہوئے کہا ہے کہ اللہ کرے بلاول خطرناک ہی ہوں، عمران خان نے کہا ہے کہ لیگل ایشوز پر بات نہ کروں ، عدالتی فیصلے قابل قبول ہوں گے، عدلیہ آزاد ہوں گے، مشرف کیس کا کیا فیصلہ ہونے جا رہا ہے اہم ہے، اللہ سب کو ہدایت دے، بلاول ہمارے شہر میں آ رہا ہے، سندھ سے آنے والوں کو خوش آمدید کہتے ہیں، جتنے لوگ میرے فین ہیں اتنے ہی مخالف بھی ہیں، اداروں میں کوئی تصادم نہیں ،عمران خان مدت پوری کریں گے.

نیب میں پیش نہ ہونے کا بلاول کا بیان، حقیقت کیا ہے؟ بلاول نے نیب کو خط میں کیا لکھا؟

بلاول سے کہتا ہوں ” بچے” ہوئے ہو تو” بچ "کے کھیلو، شیخ رشید کا مشورہ

بھارت نے حالات سے توجہ ہٹانے کے لئے پاکستان کے خلاف کونسا اقدام اٹھا لیا؟ شیخ رشید بول پڑے

شیخ رشید نے مزید کہا کہ بلاول گھیرےمیں اور آصف زرداری چاہتےہیں کہ بلاول کو کلین چٹ ملے،آصف زرداری شہادتیں ختم کرنے کی کوشش کر رہے ہیں،مودی مارچ تک پاکستان کی سرحدوں سےچھیڑچھاڑکرسکتاہے،مسلمان جاگ گئے ہیں،بھارت کےعوام سڑکوں پرنکل آئےہیں،

حریم شاہ باز نہ آئی، وفاقی وزیر کی ویڈیو لیک کرکے شرمناک الزامات عائد کر دیئے

وزیراعظم کا دورہ کراچی طے، وزیراعلیٰ سندھ نے کیا بڑا مطالبہ
باغی ٹی وی کی رپورٹ کے مطابق وزیراعظم عمران خان کل جمعہ کوایک روزہ دورے پرکراچی پہنچیں گے،وزیراعظم عمران خان گورنر ہائوس میں اہم ملاقاتیں کریں گے، وزیراعظم عمران خان کو کراچی میں امن وامان کی صورتحال پر بریفنگ دی جائے گی۔

وزیراعظم کراچی میں شہری مسائل اور ترقیاتی منصوبوں کا جائزہ بھی لیں گے، وزیراعظم کراچی میں پارٹی رہنمائوں سے ملاقات کریں گے، جس میں پارٹی کی تنظیم سازی سے متعلق بریفنگ دی جائے گی۔

قبل ازیں چند روز قبل کراچی سے تعلق رکھنے والے پاکستان تحریک انصاف کے اراکین قومی اسمبلی نے وزیراعظم عمران خان سے ملاقات کی جس میں مبران نے وزیراعظم کو کراچی شہر کے مسائل اور اپنے متعلقہ حلقوں میں عوام کو صحت، روزگار اور پینے کے صاف پانی کی فراہمی کے حوالے سے درپیش مسائل سے آگاہ کیا۔ ملاقات کرنے والوں میں ارکان قومی اسمبلی شکور شاد، آفتاب جہانگیر، اکرم چیمہ، عطاء اللہ خان، اسلم خان، فہیم خان اور کیپٹن (ر) جمیل احمد خان شامل تھے۔

ممبران قومی اسمبلی نے وزیراعظم کو کراچی شہر کے مسائل اور اپنے متعلقہ حلقوں میں عوام کو صحت، روزگار اور پینے کے صاف پانی کی فراہمی کے حوالے سے درپیش مسائل سے آگاہ کیا۔ کراچی میں وفاقی حکومت کی جانب سے جاری ترقیاتی منصوبوں پر پیشرفت پر بھی گفتگو کی۔

وزیراعظم نے کہا کہ کراچی پاکستان کا معاشی حب ہے۔ کراچی کی ترقی ملک کی ترقی ہے۔ کراچی کی ترقی و خوشحالی وفاقی حکومت کی اولین ترجیحات میں شامل ہے۔ کراچی جیسے بڑے شہر میں عوام کو درپیش مسائل کا مکمل ادارک ہے اور اس سلسلے میں وفاقی حکومت ہر ممکنہ کردار ادا کرنے کے لئے پر عزم ہے۔

دوسری جانب وزیراعلیٰ سندھ سید مراد علی شاہ کا کہنا ہے کہ وزیراعظم نے سی سی آئی اجلاس ساڈھے سات گھنٹے کیا،جس صوبے سے گیس پیدا ہوتی ہے اس کو وزیراعظم نے تسلیم کیا، پانی کا استعمال معاہدہ کے بجائے تاریخی استعمال پر کررہے تھے، اس کو سی سی آئی نے قبول کیا، یہ ایک مہینے کیلئے موخر کیا گیا ہے لیکن اس کو قبول کیا گیا، نیا سال شروع ہونے والا ہے، انشاء اللہ سب ٹھیک ہوجائے گا،

قائداعظم کے پاکستان کی تکمیل کون کرے گا؟ وزیراعظم آزاد کشمیربول پڑے

بانی پاکستان کے یوم پیدائش پر وزیراعلیٰ خیبرپختونخواہ نے دیا کشمیریوں کو اہم پیغام

پاکستان کو اسلامی فلاحی ریاست بنانے کا خواب کب پورا ہو گا؟ وزیراعلیٰ پنجاب نے کیا بڑا دعویٰ

بانی پاکستان کے یوم پیدائش پر وزیراعلیٰ سندھ نے دیا اہم پیغام

ہم ملک کو مستحکم، خوشحال اور ترقی یافتہ بنا سکتے ہیں؟ گورنر سندھ نے بتا دیا

قائداعظم کی کشمیر بارے کیا خواہش تھی؟ صدر آزاد کشمیر نے ایکبار پھر اظہار کر دیا

وزیراعلیٰ سندھ سید مراد علی شاہ کا مزید کہنا تھا کہ وزیراعظم کو ملاقات میں کہا کہ وزیراعلیٰ پونے کے ناطے مجھ پر آپ کا استقبال کرنا فرض ہے، مجھے وزیراعظم کے آنے کا باضابطہ طور پرآگاہ نہیں کیا جاتا،میں 27 دسمبر کو اگر کراچی ہوتا ہو وزیراعظم کا ضرور استقبال کرتا، محترمہ بینظیر بھٹو کی برسی کی مناسبت سے ہمارا 27 دسمبر کو پنڈی میں جلسہ ہے، میں پی پی پی کا ادنی کارکن ہوں، اس لئے میں یہاں نہیں ہونگا، میں وزیراعظم سے درخواست کرونگا کہ وہ کراچی میں اجلاس 27 دسمبر کے بجائے کسی دوسرے دن کریں،