سندھ ہائی کورٹ میں شعیب ملک کے خلاف درخواست پر سماعت 8 اکتوبر تک ملتوی کر دی گئی
باغی ٹی وی کی رپورٹ کے مطابق عدالت نے پی سی بی کونوٹس جاری کرتےہوئےفریقین سے8اکتوبرتک جواب طلب کرلیا، سندھ ہائی کورٹ کے جسٹس محمد علی مظہر اور جسٹس آغا فیصل پر مشتمل 2رکنی نے سماعت کی.
درخواست گزار نے میچ سےقبل شعیب ملک کی اہلخانہ کےساتھ شیشہ کیفے جانے کے خلاف درخواست دائر کر رکھی ہے. درخواست میں کہا گیا ہے کہ رات گئےشعیب ملک اوردیگرکھلاڑی شیشہ بارمیں انجوائےکرتےرہے،اگلے دن ہم اہم میچ ہارگئے ،دنیا بھر میں سوشل میڈیا پر قومی ٹیم کا مذاق اڑایا گیا،ورلڈ کپ کے اہم میچزمیں ہارنے کی وجہ معلوم کرنا ہوگی،
قومی کرکٹ ٹیم کی ورلڈ کپ میں مایوس کن کارکردگی،عدالت میں رٹ دائر
واضح رہے کہ کرکٹ ورلڈ کپ میں پاکستان ٹیم کی بدترین کارکردگی کے خلاف اسلام آباد ہائیکورٹ میں بھی رٹ دائر کی گئی ہے. بلال فاروقی ایڈوکیٹ نے دائر درخواست میں ٹیم میں عدالت سے استدعا کی گئی ہے کہ کرکٹ ٹیم میں مبینہ گروپنگ اور ٹیم سلیکشن کے حوالہ سے تحقیقات کی جائے . درخواست گزار نے موقف اختیار کیا ہے کہ وزیراعظم عمران خان نے ٹیم کے کچھ کھلاڑیوں کوریلو کٹا کہا،وزیراعظم کےبیان کے مطابق پی سی بی اورسلیکشن کمیٹی ناکام ہوگئی،شعیب ملک کی گروپنگ کرنےکی خبریں عام پھربھی سلیکشن سمجھ سےبالاترہے،درخواست میں مزید کہا گیا ہے کہ کرکٹ ٹیم میں گروپنگ کرنے والےکھلاڑیوں کےخلاف انکوائری کاحکم دیا جائے، عدالت سے استدعا کی گئ ہے کہ شعیب اختر،راشدلطیف اورمحمدوسیم کوعدالتی معاونت کےلیےطلب کیا جائے ،عدالت سلیکشن کمیٹی سےٹیم سلیکشن کاطریقہ کارطلب کرے.
