بحریہ یونیورسٹی کراچی کیمپس میں پاکستان نیوی سکول آف لاجسٹکس کے 8ویں کانووکیشن کا انعقاد

باغی ٹی وی کی رپورٹ کے مطابق بحریہ یونیورسٹی کراچی کیمپس ، انسٹیٹیوٹ آف پروفیشنل سیئکالوجی کے 16ویں اور پاکستان نیوی سکول آف لاجسٹکس کے 08ویں کانووکیشن کا انعقاد کیا گیا۔چیف آف نیول سٹاف ایڈمرل ظفر محمود عباسی نشان امتیاز (ملٹری) نے کانووکیشن میں بطور مہمان خصوصی شرکت کی اور فارغ التحصیل طلباءمیں اسناد تقسیم کیں۔

کانووکیشن میں یونیورسٹی کے مختلف شعبہ جات کے مجموعی طور پر 763طلبا ءمیں اسناد تقسیم کی گئیں۔ مہمان خصوصی نے امتیازی حیثیت حاصل کرنے والے طلباءکو 37سونے اور 29چاندی کے تمغوں سے بھی نوازا۔ شرکاءسے خطاب کرتے ہوئے چیف آف نیول سٹاف ظفر محمود عباسی نشان امتیاز(ملٹری) نے طلباءکو انکی شاندار کامیابی پر مبارکباد پیش کی۔ انھوں نے بحریہ یونیورسٹی کراچی کیمپس اور پاکستان نیوی سکول آف لاجسٹکس کی قوم اور ملک کی خدمت کرنے پر تعریف کی۔

نیول چیف نے بحریہ یونیورسٹی کے اعلیٰ تعلیم کے شعبے اور میری ٹائم ڈسپلن کے آغاز کرنے پر باقی اداروں سے سبقت لے جانے پر کاوشوں کو سراہا۔ انھوں نے مزید کہا کہ مجھے یہ جان کر نہایت خوشی ہوئی ہے کہ بحریہ یونیورسٹی دور جدید کے تقاضوں کے عین مطابق اپنے طلباءکو تعلیمی ضروریات سے آراستہ کر رہی ہے۔ انھوں نے کثیر الجہتی تعلیم کے فروغ اور طلباءکے دیگر ممالک کے ساتھ تبادلے کے پروگرامز پر یونیورسٹی کی تعریف کی۔

اس سے پہلے خطاب کرتے ہوئے ریکٹر بحریہ یونیورسٹی وائس ایڈمرل کلیم شوکت ہلال امتیاز (ملٹری) نے مہمان خصوصی کا کانووکیشن میں شرکت کرنے پر شکریہ ادا کیا۔ ریکٹر بحریہ یونیورسٹی نے اس موقع پر خطاب کرتے ہوئے کہا کہ بحریہ یونیورسٹی مستقبل کے تقاضوں کو مدِ نظر رکھتے ہوئے طلباءکو جدید تعلیم سے آراستہ کر رہی ہے ۔انھوں نے طلباء کو بہترین تعلیمی ماحول، سٹیٹ آف دی آرٹ لیبارٹریز اور انتہائی قابل فکیلٹی کی فراہمی پر بحریہ یونیورسٹی کی کاوشوںکا ذکر کیا۔ انھوں نے بحریہ یونیورسٹی کے ملک کی بلیو اکانومی میں کردار ادا کرنے پر بھی کردار کو سراہا۔

کانووکیشن کی تقریب میں بڑی تعداد میں سینئر نیول آفیسرز، صنعتکاروں، فکیلٹی ممبران اور فارغ التحصیل طلباءکے والدین نے شرکت کی۔ مہمان خصوصی نے طلباءاور ان کے والدین کو مبارکباد پیش کی اور ان کے روشن مسقبل کے لیے نیک تمناﺅں کا اظہار کیا۔مہمان خصوصی نے تمغے حاصل کرنے والے طلباءکو ان کی شاندار کامیابی پر خصوصی طور پر سراہا۔

سعید غنی نے لگائے ایم کیو ایم پر سنگین الزام، آصف زرداری کی رہائی ڈیل ؟اس پر کیا کہا؟

باغی ٹی وی کی رپورٹ کے مطابق سندھ کے صوبائی وزیر برائے اطلاعات سعید غنی نے کہا ہے کہ ایم کیوایم کی سیاست نفرت اورتقسیم کی سیاست ہے، آئی جی سندھ کے خط پرشدید تحفظات ہیں،ہم آئی جی کوتبدیل نہیں کرناچاہتے نہ ایسی سوچ ہے، کوئی قانون کاغلط استعمال کرے تواس کاجواب دیناہے،

سعید غنی نے مزید کہا کہ شیخ رشید کی باتوں کواہمیت نہیں دیتے،ایم کیوایم نےبل پیش کرکے سندھ کی تقسیم کی بات کی، بل لانے سے ایم کیو ایم کی ذہنیت کھل کرسامنے آگئی، یہ سندھ میں انتشارپھیلانا چاہتے ہیں، پی ٹی آئی واضح کرے کہ وہ اس بل کی حامی ہے یا مخالف؟

نیب سعید غنی کو "ہراساں” کرنے لگا، پی پی نے بڑا مطالبہ کر دیا

کسی شہر میں کچرا ہوگا تو کہیں نہیں لکھا کہ وفاق 149نافذ کرسکتا ہے، سعید غنی

پی ٹی آئی نے 50 لاکھ گھر اور ایک کروڑ نوکریاں نہ دینے کا ریکارڈ بنایا، مرتضیٰ وہاب

سعید غنی نے مزید کہا کہ ہم وزیراعظم عمران خان کی انتقامی کارروائی سے نہیں گھبرائے،میں نہیں سمجھتا کہ ہم آئی جی کے ایک خط سے گھبرا جائیں گے ،آئی جی سندھ کسی کے اشارے پر سندھ حکومت اور پولیس تعلقات کو تماشا بنانا چاہتے ہیں،پنجاب میں کئی آئی جی تبدیل ہو جاتے ہیں مگر کوئی ایشو نہیں ہوتا،آئی جی اسلام آباد کو تو بھینس چوری کے معاملے پر ہٹادیا گیا،مگر کسی نے ایشو نہیں بنایا۔

سعید غنی کا مزید کہنا تھا کہ سابق صدر و شریک چیئرمین آصف زرداری کی رہائی کسی ڈیل کا نتیجہ نہیں،اگر کوئی سمجھتا ہے کہ رہائی ڈیل کا نتیجہ ہے تو عمران خان سے پوچھ لے،عمران خان کہتے تھے کہ میں نے پکڑایا تو پھر چھوڑا بھی خود ہو گا،5 سے 6 ماہ بعد انصاف کو ڈیل کہنا زیادتی ہے،

ایک اور پیپلز پارٹی رہنما کو ملی ضمانت

باغی ٹی وی رپورٹ کے مطابق سندھ ہائیکورٹ نے اسپیکر سندھ اسمبلی پاکستان پیپلز پارٹی (پی پی پی) کے رہنما آغا سراج درانی سمیت نو ملزمان کی درخواست ضمانت منظور کرلی ہے .عدالت نے آغا سراج درانی کو دس لاکھ روپے جمع کرانے کا بھی حکم دیا ہے۔

آغا سراج درانی عدالتی کے علاوہ آغا مسیح الدین، طفیل احمد شاہ، میٹھا خان، شمس الدین خاتون، اسلم پرویز لنگا، ذوالفقار علی ڈاہر، گلزار احمد اور شکیل احمد کی عبوری ضمانت میں توثیق کی درخواستِ ضمانت منظور کرلی گئی۔

عدالت نے ملزمان کے نام ایگزٹ کنٹرول لسٹ (ای سی ایل) میں شامل کرنے کا حکم دے دیا۔ درخواستوں پر 25 نومبر کو فیصلہ محفوظ کیا گیا تھا.
سندھ ہائیکورٹ نے ملزمان کے نام ای سی ایل میں شامل کرنے کا حکم دے دیا۔ اسپیکرسندھ اسمبلی آغا سراج درانی عدالتی ریمانڈ پر جیل میں ہیں، عدالت نے درخواستوں پر 25 نومبر کو فیصلہ محفوظ کیا تھا۔ احتساب عدالت نمبر تین میں ملزمان کے خلاف ریفرنس زیر سماعت ہے۔ احتساب عدالت آغا سراج کے اہلیہ، بیٹے اور بیٹیوں کو اشتہاری قرار دے چکی ہے۔

کراچی :این جی اوز کی من مرضیاں اورریاست مخالف سرگرمیوں پرسندھ حکومت نے سخت ایکشن لیتے ہوئے پاکستان میں کام کرنے والی مزید ایک ہزار این جی اوز کی رجسٹریشن منسوخ کردی ہے۔تفصیلات کے مطابق سندھ حکومت نے مزید ایک ہزاراین جی اوز کی رجسٹریشن منسوخ کردی ہے، این جی اوز کی منسوخی کا فیصلہ قواعد وضوابط کی روشنی میں کیا گیا ہے۔

کراچی سے ذرائع کےمطابق سیکریٹری سماجی بہبود نوازشیخ کا کہنا ہے کہ اب تک سندھ میں5693کی رجسٹریشن منسوخ کی جاچکی ہیں۔نواز شیخ کا یہ بھی کہنا تھا کہ کراچی کی 697 این جی او جبکہ سکھر کی 263 اور لاڑکانہ کی 40 این جی اوز کی رجسٹریشن منسوخ کی گئی ہے۔

سیکریٹری سماجی بہبود نواز شیخ کا مزید کہنا تھا کہ مذکورہ این جی اوز نے آڈٹ رپورٹ اور الیکشن رپورٹس جمع نہیں کرائی تھیں جس کے بعد ان کیخلاف یہ اقدام کیا گیا۔یاد رہے کہ محکمہ سماجی بہبود حکومت سندھ نے صوبے بھر کی 4 ہزار 693 غیر فعال غیر سرکاری تنظیموں (این جی اوز) کی رجسٹریشن منسوخ کردی تھی ، جس کا محکمہ کی جانب سے نوٹیفیکیشن بھی جاری کر دیا گیا تھا

کراچی :بول نیوز کے اینکر مرید عباس قتل کیس کی سماعت جیل میں کرنے کا نوٹیفکیشن جاری کردیا۔تفصیلات کے مطابق کراچی میں ایڈیشنل ڈسٹرکٹ اینڈ سیشن جج کی عدالت میں اینکر مرید عباس سمیت 2 افراد کے قتل کے کیس کی سماعت میں محکمہ داخلہ سندھ کی جانب سے اینکر مرید عباس قتل کیس کی سماعت جیل منتقل کرنے کے لیے جاری کیا گیا

کراچی سے ذرائع کے مطابق ایڈیشنل ڈسٹرکٹ اینڈ سیشن جج ساوتھ نے کہا کہ محکمہ داخلہ کے نوٹیفکیشن میں کیس جیل میں چلانے کا کہا گیا ہے لیکن محکمہ داخلہ سندھ کے نوٹیفکیشن میں اس بات کی وضاحت نہیں کی گئی کہ جیل میں کیس کس جج کی عدالت میں چلایا جائے گا اور وضاحت کے لیے ایڈیشنل ڈسٹرکٹ اینڈ سیشن جج نے ڈسٹرکٹ اینڈ سیشن جج کو خط لکھ دیا۔

دوسری طرف محکمہ داخلہ سندھ کی جانب سے جاری کیے گئے نوٹیفکیشن میں کہا گیا ہے کہ مرید عباس قتل کیس انتہائی ہائی پروفائل ہے، ملزم عاطف زمان اور عادل زمان کی سٹی کورٹ میں پیشی کے وقت ناخوش گوار واقعہ رونما ہوسکتا ہے، لہذا ملزمان کے خلاف کیس جیل میں چلایا جائے۔

انسانی حقوق کے عالمی دن پر سربراہ سنی تحریک نے دکھایا مغرب کو آئینہ

باغی ٹی وی کی رپورٹ کے مطابق سربراہ پاکستان سنی تحریک محمد ثروت اعجاز قادری نے کہا ہے کہ مقبوضہ کشمیر میں مسلمانوں پر سنگین مظالم انسانی حقوق کی بدترین توہین ہے،انسانی حقوق کے علمبردار انسانیت کا بھاشن دینے کی بجائے کشمیریوں کو انسانی حقوق دلوائیں ،کشمیر،فلسطین،برما،عراق میں انسانیت سوز مظالم ہورہے ہیں ،انسانیت کا احترام دین اسلام کا فلسفہ ہے مسلم ممالک میں اقلیتیں محفوظ اور بنیادی حقوق مہیا ہیں،پوری دنیا میں مسلمانوں کے ساتھ انسانیت سوز مظالم ہورہے ہیں،مغربی لابی مذہبی جنونیت کو پروان چڑھا رہی ہیں،مسلم ممالک میں اقلیتیں محفوظ اور انسانیت کا احترام اسلامی اقدار کی اعلیٰ مثال ہیں،انسانی حقوق کے دعویدار ہی انصاف نہ کر کے انسانیت کے دشمن بنے ہوئے ہیں.

ان خیالات کا اظہار انہوں نے انسانی حقوق کے یوم پر اپنے بیان یں کیا،ثروت اعجاز قادری کا کہنا تھا کہ بھارت مذہبی جنونیت اور انسانیت سوز مظالم میں دنیا کو بدترین ملک ہے،بھارت میں مسلمان،عیسائی،سیکھ اور دیگر اقلیتیں محفوظ نہیں ہیں،حکومتی سطح پر مودی حکومت نے جنونی ہندؤں کو اقلیتوں کے قتل اور خواتیں سے بدسلوکی کا لائسنس دیا ہواہے،اقوام متحدہ مقبوضہ کشمیر میں انسانی حقوق کا مبصر وفد نہیں بھیج سکتا تو ایسے عالمی ادارے کا کیا فائدہ ہے،

ثروت اعجاز قادری نے مزید کہا کہ مظلوموں کو کچلا جارہا ہے نسل کشی بدسلوکی غلاموں سے بھی بدتر سلوک انسانیت کی توہین ہے ،انصاف کی بالادستی کے بغیر انسانی حقوق کا تحفظ ممکن نہیں ہے ،پوری دنیا کے عوام کو انسانی حقوق فراہم کرنے کیلئے انصاف کی بالادستی و یقینی بنانا ہوگا،پاکستان دنیا کا واحد ملک ہے جہاں اقلیتوں کو یکساں انسانی ومذہبی حقوق حاصل ہیں،انسانی حقو ق کے عالمی ادارے اور عالمی تنظیمیں مسلمانوں کو بھی پوری دنیا میں انسانی ومذہبی حقوق فراہم کریں۔

وزیراعظم کی خواہش کا احترام، مراد علی شاہ بازی لے گئے،وہ کام کر دیا جس کی توقع نہ تھی

باغی ٹی وی کی رپورٹ کے مطابق وزیراعلیٰ مراد علی شاہ کی زیر صدارت سندھ کابینہ کا اجلاس ہوا،سندھ کابینہ نے طلبہ یونینز کو بحال کرنے کا بل منظور کرلیا،بل کے متن میں کہا گیا ہے کہ طلبہ یونینز7 سے 11 ارکان پر مشتمل ہوں گی،طلبہ یونینزکا کام تعلیمی ماحول بہتر کرنااورنظم و ضبط پیدا کرناہوگا۔

طلبہ یونین کے حوالہ سے منظور کئے گئے بل میں مزید کہا گیا ہے کہ طلبہ یونینز کاتعلیمی سرگرمیوں کو روکنا خلاف قانون ہوگا،طلبہ یونینزکااسلحہ رکھنایاتعلیمی اداروں میں لاناخلاف قانون ہوگا،طلبہ پر اسلحہ رکھنے یا تعلیمی اداروں میں لانے پر پابندی ہوگی.

سندھ حکومت کے ترجمان مرتضیٰ وہاب نے پریس کانفرنس سے خطاب کرتے ہوئے کہا کہ سندھ حکومت اہم سنگ میل عبور کرنے جارہی ہے فوری طور پر طلبہ یونین کو بحال کر رہے ہیں ،سندھ اسمبلی طلباء یونیز کی بحالی کے حوالے سے قرارداد منظور کرچکی ہے, بلاول بھٹو زرداری بھی طلباء یونیز کے حوالے سے اعلانات کرچکے ہیں,وزیراعلی سندھ طلباء یونیز کی بحالی کی ہدایت کرچکے ہیں .

طلبا کے خلاف مقدمے، فواد چودھری میدان میں آ گئے، کیا کہا؟

طلبہ یونین :میں اپنے طلباکوضائع نہیں ہونے دوں‌ گا، جامع ضابطہ اخلاق تشکیل دیں گے، وزیراعظم

طلبا ریلی کے بعد گرفتار ملزم کا عدالت نے کتنا ریمانڈ دے دیا؟ پنجاب یونیوسٹی کا موقف کیا ہے؟

بلاول نے کیا وزیراعظم سے بڑا مطالبہ، کہا معاشی بحران ختم کرنے کیلئے یہ کام کریں

باغی ٹی وی کی رپورٹ کے مطابق پیپلز پارٹی کے چیئرمین بلاول زرداری نے کراچی میں ترقیاتی منصوبوں کی افتتاحی تقریب سے خطاب کرتے ہوئے کہا کہ نالائق وزیراعظم نے معیشت کا براحال کردیا،بیوروکریسی کومشکلات کا سامنا ہے،عوام مہنگائی کی سونامی میں ڈوب گئے ہیں،چھوٹے تاجرٹیکسزکے طوفان کی زد میں ہیں،ملک میں کسی کوروزگارنہیں مل رہا، معیشت کی تباہ حال صورتحال میں ہم میگا پروجیکٹس کا افتتاح کررہے ہیں،

بلاول زرداری نے مزید کہا کہ بے روزگاری کا مقابلہ کرنا ہے تو مزدوروں کو نوکریوں سے نکالنے کے بجائے تنخواہیں دینا ہوں گی،
اگر ہمیں معاشی بحران کا مقابلہ کرنا ہے تو سخت محنت کرناہوگی، پیپلزپارٹی نے ہر دور میں مزدور طبقے کی تنخواہوں میں اضافہ کیا،
ٹیکس ایمنسٹی اسکیم ارب پتی لوگوں کو دی گئی، معاشی بحران کا مقابلہ کرنا ہے تو ایک کروڑ نوکریاں عوام کو دینا ہوں گی ،معاشی بحران کا مقابلہ کرنا ہے تو چھوٹے تاجروں کیلیے ایمنسٹی اسکیم لائی جائے ،عوام کو امید تھی ان کو ایک کروڑ نوکریاں ملیں گی،آج وہ ناامید ہو چکے.

بلاول زرداری کا مزید کہنا تھا کہ خان صاحب آپ نے پنجاب ،کے پی میں کتنے مفت علاج کے اسپتال بنائے، وزیراعظم سندھ حکومت کو برا بھلا کہتے رہتے ہیں ،وسیم اکرم پلس،شیر شاہ سوری سے پوچھیں کتنے منصوبوں کا افتتاح کیا،

تاوان کی ادائیگی یا کچھ اور،ڈیفنس سے اغوا دعا منگی گھر پہنچ گئی

باغی ٹی وی کی رپورٹ کے مطابق شہر قائد کراچی کے علاقے ڈیفنس سے اغوا کی گئی دعا منگی گھر پہنچ گئی، دعا منگی کو ایک ہفتہ قبل ڈیفنس سے اغوا کیا گیا تھا۔ رہائی کے بدلے تاوان بھی ادا کرنے کی اطلاعات ہیں۔

اہلخانہ نے دعا منگی کے حوالے سے بات کرنے سے گریز کر دیا۔دعا منگی گزشتہ شب گھر پہنچی اور خیریت سے ہے،دعا منگی کو ایک ہفتہ قبل کار سوار افراد نے ڈیفنس کےعلاقے خیابان بخاری سے اغوا کیاتھا.. 19 سالہ دعا منگی 6 دن بعد گھر پہنچی،

یاد رہے کہ ڈیفنس میں گزشتہ ہفتے کار سوار ملزمان نے نوجوان حارث کو گولی مار کر زخمی کر دیا تھا اور ان کے ساتھ موجود دوست دعا منگی کو اغواء کر کے فرار ہو گئے تھے۔ دعا منگی کی بازیابی کے لیے کلفٹن میں احتجاجی مظاہرہ بھی کیا گیا تھا جس میں متعدد افراد نے شرکت کی تھی۔

تین تلوار پر کیے گئے مظاہرے میں دعا کے اہل خانہ، تحریک انصاف کے ارکان اسمبلی، ایم کیو ایم تنظیمی بحالی کمیٹی کے سربراہ فاروق ستار اور سماجی رہنما جبران ناصر سمیت دیگر سیاسی و سماجی شخصیات نے شرکت کی تھی۔ احتجاجی مظاہرے میں شریک دعا کی بہن لیلیٰ منگی کا کہنا تھا کہ واقعے کے بعد سے گھر والے صدمے کی کیفیت میں ہیں، انہوں نے حکام سے مطالبہ کیا کہ ان کی بہن کو جلد ازجلد بازیاب کرایا جائے-

دعامنگی کے اہل خانہ نے کہا تھا کہ صدر، وزیر اعظم، یا وزیر اعلی کی ہمدردی نہیں چاہیئے، دعا کی بحفاظت واپسی چاہتے ہیں،دوسری جانب سندھ کے وزیراطلاعات سعیدغنی نے کہاکہ ڈیفنس جیسے علاقے میں دعا کا اغوا تشویش ناک ہے.

میڈیا رپورٹس کے مطابق اس سے قبل واٹس ایپ کے ذریعے اہلخانہ سے رابطہ کیاگیا تھا اور تاوان بھی مانگا گیا تھا، وائس میسجز بھی تھے ۔ رپورٹ کے مطابق دعا منگی کے اغوا 11 مئی کو اغوا ہونیوالی بسمہ سے مماثلت رکھتا ہے ، دونوں واقعات میں تین چار لوگ تھے اور گاڑی ہی استعمال کی گئی۔