امیر جماعت اسلامی پاکستان سراج الحق نے کہا ہے کہ مظلوم کشمیریوں سے کہتا ہوں آگے بڑھیں ہم آپ کے ساتھ ہیں، قوم کے مشورے سے آزادی کشمیر کے لیے لائحہ عمل طے کروں گا، ہم مودی سے ڈرنے والے نہیں ہیں،

باغی ٹی وی کی رپورٹ کے مطابق کراچی میں جماعت اسلامی کے زیر اہتمام عظیم الشان کشمیر مارچ سے خطاب کرتے ہوئے سراج الحق نے کہاکہ مقبوضہ کشمیر میں ایک مہینے سے کرفیو نافذ ہے، نوجوانوں کو شہید کیا جارہا ہے ، خواتین کی اجتماعی عصمت دری کی جارہی ہے لیکن ہمیں کشمیر کی آزادی کیلئے کوئی حرکت نظر نہیں آتی، اگر بھارتی فوج وہاں موجود ہے تو ہماری فوج کو بھی سرینگر میں موجود ہونا چاہیے، اگر آپ نے یہ لڑائی سرینگر میں نہیں لڑی تو آپ دیکھیں گے کہ یہ لڑائی اسلام آباد اور مظفر آباد میں لڑی جائے گی،

انہوں نے کہاکہ کشمیریوں کو ہمارے نعرے حوصلہ دے رہے ہیں، عوام نے بارش میں اکھٹے ہو کر امتی ہونے کا ثبوت دیا، کشمیریوں کا آزادی کے لیے جنگ لڑنا ان کا قانونی حق ہے، بھارت میں آزادی کی کئی تحریکیں چل رہی ہیں، انہوں نے کہاکہ حکومت پاکستان شملہ معاہدے کا خاتمہ کرے، ہمارے لوگ مر رہے ہیں اور آپ تماشا دیکھ رہے ہیں، لیکن یہ مت بھولیں امت جاگ رہی ہے،

اگر یہ لڑائی سرینگر میں نہ لڑی گئی تو پھر یہ لڑائی مظفر آباد اور اسلام آباد میں لڑنی پڑے گی، انہوں نے کہا کہ پاکستان کی حکومت شملہ معاہدے کے خاتمے کا اعلان کرے اور آزاد کشمیر کی قانون ساز اسمبلی میں کشمیری مجاہدین کونمائندگی دی جائے جو حکمت عملی تیار کریں ۔ انہوں نے کہا کہ مودی اپنے ملک کیلئے کام کرتاہے اور ہمارے حکمران ہیں کہ اسلام آباد میں ائیر کنڈیشنڈ کمروں میں بیٹھے ہیں لیکن اب فیس بک کا جہاد نہیں چلے گا ، ہمیں عملی طور پر آگے بڑھنا پڑے گا ، حکومت بارڈر اور ایل او سی پر لگائی ہوئی باڑ ختم کرے ۔حکومت کی کارکردگی جیسی ہونی چاہئے ، ویسی نہیں ہے،

سراج الحق نے کہاکہ پوری پاکستانی قوم کشمیریوں کی جدوجہد آزادی کے ساتھ ہے، ہم کشمیریوں‌ کو کسی طور تنہا نہیں چھوڑیں گے اور ان کی ہر ممکن مددوحمایت کی جائے گی، شہداء کی قربانیاں رائیگاں نہیں جائیں‌ گی، کشمیریوں‌ کو جلد آزادی مل کر رہے گی،

کراچی کے مختلف علاقوں میں بارش کا سلسلہ ایک بار پھر شروع ہو گیا ہے، فیڈرل بی ایریا اور گلستان جوہرمیں بارش سے موسم خوشگوار ہو گیا ہے،

باغی ٹی وی کی رپورٹ کے مطابق گلبرگ، سخی حسن، بفرزون، نارتھ ناظم آباد، النوراور اطراف میں بارش ہوئی ہے، کورنگی اورگردونواح میں بھی بارش ہونے سے گرمی کا زور ٹوٹ گیا ہے، شارع فیصل اورگردونواح میں بارش ہوئی ہے، محکمہ موسمیات کا کہنا ہے کہ 2سےروزمیں سمندری ہوائیں مکمل طورپربحال ہونےسےگرمی کااحساس کم ہوجائیگا،

بحیرہ عرب میں پچھلےسسٹم کےآخری حصہ کی موجودگی اور خلیج بنگال میں نئے سسٹم کی ابتدا ہے، کراچی میں آج بونداباندی اورکل گرج چمک کےساتھ بارش کاامکان، منگل کےروزبھی بونداباندی ہوسکتی ہے،

سندھ کے وزیر بلدیات سعید غنی نے کہا ہے کہ آصف زرداری اور فریال تالپور پر جو الزامات ہیں وہ سب کے سب سندھ کےہیں، ان الزامات میں کوئی بھی ادارہ اور ملزم سندھ سےباہر کا نہیں ہے،

باغی ٹی وی کی رپورٹ‌کے مطابق انہوں نے کہاکہ پاکستان میں اورکوئی ایسا مقدمہ نہیں کہ جرم کہیں اورہوا ہے اور ٹرائل کہیں اور ہو رہا ہو، ایسا توکلبھوشن،ابھی نندن اوراحسان اللہ احسان کےساتھ بھی نہیں ہوا، ملزمان کوعدالتوں نے جو جو سہولیات دیں وہ بھی نہیں دی جا رہیں،

سعید غنی نے کہاکہ آصف زرداری کی صحت کی جو حالت ہےوہ ہم نےنہیں نیب کےڈاکٹرزنےبنائی ہے، موجودہ حکومت جو سلوک کر رہی ہے اس کی مثال نہیں ملتی، سارےسلوک کاایک ہی مقصد ہے کہ بلاول بھٹو کاموقف تبدیل کیاجاسکے، ان کواحساس ہوناچاہیےکہ اس پارٹی نےجانیں دیکرموقف نہیں بدلا تواب کیسےبدلیں گے، اگرایساہےتوہماراموقف ہےعلیمہ خان،جہانگیرترین،اسد قیصراوردیگر کےمقدمات سندھ میں چلائیں، پیپلزپارٹی پرمظالم میں جوادارےآلہ کار بن رہےہیں وہ ملک کوکمزور کررہےہیں یامضبوط کررہےہیں، یہ رویہ کسی پارٹی کسی سیاستدان کیخلاف نہیں بلکہ ایک صوبےکو نشانہ بنایا جارہاہے،

پاکستان رینجرز (سندھ ) کی جانب سے رینجرز مددگار کے نئے واٹس ایپ نمبر جاری کردیئے گئے۔

رینجرز مدد گار کے نئے واٹس ایپ نمبر 03479001111 کا اجراء کر دیا گیا ہے۔

عوام سے اپیل ہے کہ وہ رینجرز مددگار پر رابطے کے لیےاس واٹس ایپ نمبر کا استعمال کرے۔

شہری کسی بھی جُرم، واقعہ، واردات یا مشکوک سرگرمیوں سے متعلق فوری اطلاع رینجرز کی جانب سے مہیا کردہ نئے واٹس ایپ نمبر 03479001111 پر دے سکتے ہیں۔

اطلاع بذریعہ تصویر، ویڈیو اور دستاویزات واٹس ایپ نمبر پر شئیر کی جاسکتی ہیں۔

رویت ہلال کمیٹی کے چیئرمین مفتی منیب الرحمن نے محرم الحرام کے چاند نظر آنے کا اعلان کر دیا ہے،

باغی ٹی وی کی رپورٹ کے مطابق مرکزی رویت ہلال کمیٹی کا اجلاس کراچی میں مفتی منیب الرحمان کی زیر صدارت ہوا جس میں ملک بھر سے موصول ہونے والی شہادتوں کے بعد متفقہ طور پر چاند کی رویت کا اعلان کیا گیا ہے، وفاقی دارالحکومت میں بھی محرم الحرام کا چاند نظر آیا جس سے مرکزی رویت ہلال کمیٹی کا آگاہ کر دیا گیا تھا،

چیئرمین رویت ہلال کمیٹی مفتی منیب الرحمان نے چاند نظر آنے کا اعلان کرتے ہوئے کہا ہے کہ پاکستان میں یکم محرم الحرام 1441 ہجری یکم ستمبر 2019 کل اتوار کو ہوگی جبکہ اس لحاظ سے یوم عاشور 10 ستمبر کو ہوگا،

واضح رہے کہ گزشتہ روز سعودی عرب، یو اے ای اور دیگر کئی ملکوں‌ میں‌ محرم الحرام کا چاند نظر آگیا تھا جس کے ساتھ ہی دنیا بھر میں نئے ہجری سال 1441 ہجری کا آغا ہوگیا ہے، مسلمانوں کی طرف سے دعائیں کی جارہی ہیں کہ اللہ رب العزت اس نئے سال کو بابرکت بنائے اور کشمیر، فلسطین سمیت دیگر خطوں کے مظلوم مسلمانوں کو آزادیاں نصیب فرمائے. آمین،

وزیراعلیٰ سندھ مراد علی شاہ نے کہا ہے کہ کراچی کی صفائی مہم میں سندھ حکومت مدد کررہی ہے،

باغی ٹی وی کی رپورٹ کے مطابق وزیر اعلیٰ سندھ نے ٹنڈو الہ یار میں میڈیا سے گفتگو کرتے ہوئے کہا کہ وفاقی وزیرعلی زیدی سے نالوں کی صفائی پربات ہوئی ہے، کے ایم سی ایک جگہ سے کچرا اٹھا کردوسری جگہ پھینکتی ہے، جی ڈی اے اپنی سیٹیں بچائے پیپلزپارٹی متحد ہے،

واضح‌ رہے کہ کراچی میں حالیہ بارشوں سے لوگوں‌ کو سخت مشکلات کا سامنا کرنا پڑا جس پرلوگوں کی طرف سے سندھ حکومت پر سخت تنقید کی جارہی ہے، کراچی میں نالوں کی صفائی کا کام نہیں‌ ہو سکا ہےا ور جگہ جگہ گندگی کے ڈھیر پڑے ہیں، مختلف علاقوں میں گندگی کی وجہ سے وبائی امراض پھوٹنے کا خدشہ بھی ظاہر کیا گیا ہے،

پاکستان اسٹیل ملز4 ارب سے زائد کی کرپشن ریفرنس کا فیصلہ7سال بعد سنا دیا گیا

باغی ٹی وی کی رپورٹ کے مطابق سابق چیئرمین معین آفتاب،ڈائریکٹر فنانس پاکستان اسٹیل عدم شواہد کی بناء پربری کر دئیے گئے ،نیب ملزمان کے خلاف احتساب عدالت میں الزام ثابت کرنے میں ناکام رہا.

مشیر خزانہ کی زیر صدارت اجلاس میں بڑا فیصلہ، اسٹیل ملز ملازمین کی بھی سنی گئی

نیب کے مطابق اسٹیل ملزکے لیے خام مال انٹرنیشنل مارکیٹ سے زائد قیمت پرخریدا گیا ،ڈیل کا براہ راست فائدہ ڈیلرز کوہوا اوراسٹیل ملزخسارے میں گئی، سابق چیئرمین اسٹیل مل معین آفتاب شیخ ودیگرکے خلاف2012میں ریفرنس دائرکیا گیا تھا ،عین آفتاب شیخ ودیگرکے خلاف مزید6 ریفرنس زیرسماعت ہیں

کراچی کی صفائی کے لئے فاروق ستار نے بڑا مطالبہ کر دیا

باغی ٹی وی کی رپورٹ کے مطابق کراچی کی صفائی کے حوالہ سے فاروق ستار نے میڈیا سے گفتگو کرتے ہوئے کہا کہ کراچی میں صفائی کے لیے کسی نے ذمے داری پوری نہیں کی ،کراچی میں صفائی ، پانی ، ٹرانسپورٹ اور سیوریج کیلیے وفاق اور سندھ حکومت فنڈز دیں، وزیراعظم عمران خان کراچی آتے اور یہاں بیٹھ کر صفائی مہم کا جائزہ لیتے ،کراچی کو 500 ارب روپے کا فنڈ ملنا چاہیے ،کے فور ، سرکلر ریلوے اور دیگر منصوبے مکمل کیے جائیں ،

فاروق ستار کا کہنا تھا کہ سابق ناظم نعمت اللہ خان بھی کمیشن کے ساتھ ہوں ، کراچی کے 500 ارب روپے کمیشن کے ذریعے خرچ کیے جائیں ، جسٹس امیر ہانی مسلم کمیشن کی طرح کا کمیشن بنایا جائے،میں بھی میئر کراچی کے ساتھ کھڑا ہوجاتا ہوں ،

فاروق ستار کا مزید کہنا تھا کہ سابق ناظم کو بھی کہیں کھڑا کردیں گے،ناصر شاہ بھی آئیں تاکہ کمیشن میں سب کی نمایندگی ہو،سندھ واٹر کمیشن کی طرح کا جسٹس امیر ہانی مسلم کی سربراہی میں کمیشن بنایا جائے،

بلاول کو کراچی کی صفائی کے لئے کھڑا ہونا چاہئے تھا، زرتاج گل

کرپشن کی وجہ سے صفائی نہیں ہوتی،عمران خان کو کراچی کی کرپشن نظر کیوں نہیں آتی؟ مصطفیٰ کمال

وسیم اخترکا یوٹرن، چوبیس گھنٹے گزرنے سے قبل ہی مصطفیٰ کمال کو معطل کر دیا

ضلعی چیئرمین مصطفیٰ کمال کو بریفنگ دینے کے حوالہ سے پریشان، کراچی سے بھاگ گئے

مصطفیٰ کمال آتے ہی چھا گئے، رات دو بجے افسران کو طلب کر لیا

سابق پروجیکٹ ڈائریکٹر گاربیج مصطفیٰ کمال کی بحالی کی درخواست مسترد