Category: کراچی

سوال کا جواب نہ ملنے پر چیف جسٹس نے نیب پراسیکیوٹر کو جھاڑ پلا دی،
انہوں نے کہا کہ اگر کیس کے متعلق مکمل آگہی نہیں تو روسڑم میں کیا لینے آگئے.

باغی ٹی وی رپورٹ کےمطابق ملزمان سلیم جہانگیر اوریار محمد کی درخواست ضمانت پرسندھ ہائیکورٹ میں سماعت کے متعلق سوال کا جواب نہ ملنے پر معزز چیف جسٹس نے کہا کہ اگر کیس سے متعلق کچھ نہیں معلوم توآپ کےعدالت میں ہونے نہ ہونے کاکوئی فائدہ نہیں،چیف جسٹس نے مزید کہا کہ اس سے متعلق معلوم نہیں توروسٹرم کیوں آگئے؟

چیف جسٹس نے استفسار کیا کہ اسپیشل پراسیکیوٹرعدالت کی معاونت نہیں کرسکتا توپراسیکیوٹر جنرل کوطلب کرلیتے ہیں ،
نیب کےاسپیشل پراسیکیوٹرزکوکیس کاکچھ بھی نہیں پتا،ملزمان سلیم جہانگیر اوریار محمد کی درخواست ضمانت پرسندھ ہائیکورٹ میں سماعت پر چیف جسٹس نے نیب پراسکیوٹر پر برہمی کا اظہار کرتےہوئے کہا تھا.

سپریم کورٹ آف پاکستان نے وزیر اعلیٰ سندھ سید مراد علی شاہ کی نااہلی سے متعلق نظرثانی درخواست سماعت کے لیے منظور کرتے ہوئے انہیں نوٹس جاری کردیا۔
عدالت عظمیٰ میں جسٹس عمر عطا بندیال، جسٹس عظمت سعید اور جسٹس اعجاز الاحسن پر مشتمل 3 رکنی بینچ نے مراد علی شاہ کے خلاف دائر درخواست پر سماعت کی۔

دوران سماعت درخواست گزار حامد خان نے عدالت کو بتایا کہ ‘مراد علی شاہ نے الیکشن 2013 میں جھوٹا بیان حلفی جمع کرایا اور انہوں نے کینیڈین شہریت چھوڑنے کا سرٹیفکیٹ جمع نہیں کرایا تھا’

وکیل حامد خان نے کہا ہے کہ مراد علی شاہ کی نااہلی کا فیصلہ حتمی ہوچکا ہے،.مراد علی شاہ نے کینیڈین شہریت چھوڑنے کا سرٹیفکیٹ جمع نہیں کرایا تھا،مراد علی شاہ کو دہری شہریت پرسپریم کورٹ نے نااہل قرار دیا سپریم کورٹ نے وزیر اعلیٰ سندھ مراد علی شاہ کونوٹس جاری کردیا.مراد علی شاہ نے 2013 کے فیصلے پرنظرثانی کیلیے رجوع نہیں کیا،حامد خان

فیصلے پرنظرثانی کیلئے درخواست گزار روشن بریرو نے درخواست دائر کی ہے جس میں مراد علی شاہ کی دہری شہریت پر نااہلی کی استدعا کی گئی تھی.
واضح رہے کہ سپریم کور ٹ میں مراد علی شاہ کی نااہلی سے متعلق درخواست دائر کی گئی تھی جس میں درخواست گزار کا مؤقف تھا کہ مرادعلی شاہ نے بیان حلفی میں دہری شہریت کا ذکر نہیں کیا، دہری شہریت چھپانے پر وہ صادق و امین نہیں رہے، اس لیے انہیں نااہل کیا جائے

آغا سراج درانی خود بخود گورنر سندھ بن گئے، حکومت سندھ نے صدر کے احکامات مسترد کردیے

باغی ٹی وی رپورٹ کے مطابق ، گورنر سندھ عمران اسمعیل حج پر گئے ہیں ان کی غیر موجودگی میں صدر پاکستان نے ڈپٹی سپیکر سندھ اسمبلی کو بنایا تھا جسے سندھ حکومت نے ماننے سے انکار کر دیا اور کہا کہ سپیکر کو گورنر سندھ بننا چاہیے. پیپلز پارٹی نے کہا ہے کہ آئین کی رو سے سپیکر کی موجودگی ڈپٹی سپیکر گورنر نہیں بن سکتے ، سپیکر اسمبلی آغا سراج درانی پر آمدن سے زائد اثاثوں کی بنیاد پر نیب میں کیس چل رہا ہے .یہ پہلا موقع ہو گا کہ کوئی ملزم صوبے کا صدر ہوگا.

پاکستان پرچم پارٹی کے سربراہ مصطفی کمال نے اپنا رد عمل پیش کرتے ہرئے کہا ہے کہ بھارت نےاپنی بربادی کابٹن خودہی دبادیاہے.22کروڑ عوام پاکستان کی فوج ہیں.افغانستان بھارت کےلیےقبرستان ثابت ہوا.

پی ایس پی کے صدر نے کہا کہ افغانستان میں بھارت کى اربوں ڈالرزکى سرمایہ کاری ضائع ہوگئی ہے،کشمیر میں بھارت اپنى ہزیمت مٹانے کى کوشش کررہا ہے، کشمیری عوام آزادی کی جنگ لڑرہےہیں.کشمیری عوام بھارتی آئین پڑھ کراحتجاج نہیں کرتے، لاکھوں کشمیریوں نےجان کےنذرانےپیش کیے.وه ناکام رہےگا،کراچی صفائى مہم سمجھ سے باہرہے،صفائى چندہ اکٹھا کرکے ممکن نہیں

واضح رہے کہ بھارتی صدرنےمقبوضہ کشمیر کی 4 نکاتی ترامیم پردستخط کردیئے جس کے بعد بھارتی آئین میں مقبوضہ کشمیرکی خصوصی حیثیت ختم ہو گئی صدارتی حکم نامہ جاری کیا گیا ہے جس کے مطابق مقبوضہ جموں کشمیرکی علیحدہ قانون سازاسمبلی ہوگی ، لداخ کومقبوضہ کشمیر سےالگ کردیا گیا بھارتی صدرنے گورنرکا عہدہ ختم کردیا اوراختیارات کونسل آف منسٹرزکوتفویض کر دیئے ،کالے قانون میں مقبوضہ جموں کشمیرآج سےبھارتی یونین کاعلاقہ تصورہوگا ،کالےقانون میں مقبوضہ جموں کشمیراب ریاست نہیں کہلائے گی.

چیئرمین پاکستان پیپلزپارٹی بلاول بھٹو زرداری نے پولیس کے یومِ شہداء کی تقریب سے خطاب کرتے ہوئے کہا ہے کہ سندھ میں امن کی فضاکےقیام میں شہداءپولیس کی قربانیوں کابڑاکردارہے،

باغی ٹی وی کی رپورٹ کے مطابق بلاول بھٹو نے کہاکہ پولیس کی خدمات بہت زیادہ ہیں، صوبائی حکومت شہداءپولیس کےبچوں اوران کےاہلخانہ کاخیال رکھےگی، پولیس فورس نےفرنٹ لائن پردہشتگردوں کامقابلہ اور امن قائم کیا، ملک میں معاشی بحران کی ذمہ داروفاقی حکومت ہے،

انہوں نے کہاکہ شہریوں کومعاشی تحفظ فراہم کرناحکومت کی ذمہ داری ہے، پیپلزپارٹی نے اپنے دور میں ملک کومعاشی بحران سےنکالا، واضح رہے کہ آج ملک میں پولیس کے یوم شہداء کا دن منایا گیا ہے،

ہمارے بچے کرنٹ لگنے سے مرر رہے ہیں لیکن کوئی کراچی کی فکر نہیں کر رہا.
ہم نے بہت غلطیاں کی ہیں اب مل کر کراچی کو بدلنا ہے.

تفصیلات کے مطابق کراچی کلین مہم تقریب سے میئر کراچی وسیم اختر نے خطاب کرتےہوئے کہا کہ کراچی شہرکو صاف رکھنا صرف حکومتی اداروں کا کام نہیں ہر شہری کا فرض بنتا ہے کہ وہ وہ کچرے کو گزر گاہوں میں مت پھینکے.سندھ حکومت نے نالوں کی صفائی کے لیے بھی پیسے نہیں دیے ، اربوں روپے کا فنڈ ہوتا ہے تو کراچی کا فنڈ کہاں جاتا ہے.ہمیں جو بھی پیسے ملتےہیں وہ تنخواہوں اور پنشن میں چلے جاتے ہیں.اسلام آباد کا بجٹ یہ شہر بناتا ہے یہاں کے لوگ بناتے ہیں لیکن ہمیں ملتا کیا ہے.سندھ حکومت جو پیسے دیتی ہے وہ بھی عدالت کے کہنے پر دیتی ہے. ہم نے پیچھے غلطیاں کی ہیں اب ہمیں سب کو مل کر کراچی کے لیے کام کرنا ہے.، سندھ حکومت کو سپریم کورٹ کرپٹ ترین حکومت قرار دے چکی ہے .ہمیں‌فنڈز بھی کے ایم سی سے ملتے ہیں.جیسے بھی کراچی چل رہا ہے کےایم سی کے ساتھ چل رہا ہے

انہوں نے کہا کہ .ہمارے بچے کرنٹ لگنے سے مررہے ہیں.بڑےبڑے لوگوں نے نالوں پر بلڈنگ بنائی ہوئی ہیں.جب ان بلڈنگوں کو ختم کرنے کو کہتا تھا تو دھمکیاں ملتی تھیں.
اس موقع پر وفاقی وزیر علی زیدی نے بھی خطاب کیا انہوں نے کہا کہ کراچی ہم سب کا ہے سیاسی اختلافات کو بھلا کر سب کراچی اور اہل کراچی کےلیے کام کریں.ا نہوں نے سب شرکا اور میڈیا کا حاضری پر شکریہ ادا کیا.

اے پی این ایس کے صدر حمید ہارون نے کہا ہے کہ وزیراعلیٰ سندھ نے اشتہارات کی مد میں واجبات کی ادائیگی اگست میں ہونیکی یقین دہانی کرائی ہے،

باغی ٹی وی کی رپورٹ کے مطابق انہوں نے کہاکہ اے پی این ایس وفد نے گزشتہ ہفتے وزیراعلیٰ سندھ ، چیئرمین ایس آر بی سے ملاقات کی تھی، اس دوران وزیراعلیٰ کو نیوزپیپرانڈسٹری کےبحران، سیلز ٹیکس ،بقایاجات کی عدم ادائیگی کے اثرات سے آگاہ کیا گیا تھا،

صدراے پی این ایس حمیدہارون ،سیکریٹری جنرل آل پاکستان نیوزپیپرزسوسائٹی سرمد نےسندھ حکومت کا شکریہ ادا کیا ہے، وزیراعلیٰ سندھ نےآج ہی سندھ ریونیو بورڈ کو نوٹیفکیشن جاری کرنے کی ہدایت کی ہے،