Category: کراچی

مصطفیٰ عامر قتل کیس ملزم ارمغان کے والد کامران قریشی کو پولیس مقابلے اور غیر قانونی اسلحے کے کیس میں گرفتار کرلیاگیا،عدالت نے ملزم سے تفتیش کیلئے این او سی جاری کرتے ہوئے اے وی سی سی کو اجازت دیدی.

باغی ٹی وی کے مطابق دہشت گردی ایکٹ کے تحت درج مقدمے میں مصطفیٰ عامر قتل کیس کے ملزم ارمغان کے والد کامران قریشی کو نامزد کردیا گیا۔پولیس نے ملزم کامران قریشی سے جیل میں تفتیش کی اجازت طلب کرلی جس کی عدالت نے ملزم سے جیل میں تفتیش کی اجازت دیدی۔تفتیشی افسر نے عدالت کو بتایا کہ ملزم ارمغان عرف آرمی پہلے ہی اس مقدمے میں گرفتار ہے جبکہ پولیس مقابلہ و غیر قانونی اسلحہ کے مقدمے میں دہشت گردی ایکٹ کے تحت ملزم کامران قریشی نامزد ہے ۔

ایس ایس پی اے وی سی سی انیل حیدر کے مطابق پولیس نے خفیہ اطلاع پر بمقام اسٹریٹ 7، بنگلا نمبر 35، خیابان مومن فیز 5، گزری کراچی میں کارروائی کر کے ایک منشیات فروش کو گرفتار کیا تھا۔ گرفتار ملزم کی شناخت کامران اصغر قریشی کے نام سے ہوئی جومصطفی عامر قتل کیس کے مرکزی ملزم ارمغان کے والد تھے۔ گرفتار ملزم کے قبضہ سے 200 گرام آئس اور ایک 9ایم ایم پسٹل مع 2 میگزین اور 10 گولیاں برآمد ہوئی تھیں۔

ملزم اسلحہ پشاور سے خرید کے سندھ لایا۔انسپکٹر محمد علی نے کہا کہ یہی اسلحہ پولیس مقابلے میں استعمال ہوا۔ اے وی وی سی سی نے ملزم کامران قریشی سے مزید تفتیش کیلئے عدالت سے اجازت طلب کرلی۔بعدازاں عدالت نے ملزم کامران سے جیل میں تفتیش کی اجازت دیدی۔یاد رہے کہ اس سے قبل اینٹی وائلنٹ کرائم سیل (اے وی سی سی) اور کرائم انویسٹی گیشن ایجنسی (سی آئی اے) نے کامران اصغر قریشی کو 20 مارچ کو منشیات فروشی کے الزام میں گرفتار کیا تھا۔

پاکستان کرکٹ کے لیے برطانیہ سے بری خبر آ گئی

فلسطین کے لیے مظاہرہ، امریکہ نے 300 طلبا کے ویزے منسوخ کردیے

وزیراعلیٰ پنجاب مریم نواز کا ایڈز کے سدباب کیلئے فوری اقدامات کا حکم

سندھ پولیس نے ٹرک و ڈمپرز مالکان کو 3 ماہ میں گاڑیوں میں کیمرے، ٹریکرز نصب کرنے کی ہدایت کردی ۔

باغی ٹی وی کے مطابق کراچی شہر میں ٹریفک مسائل کے مستقل او پائیدار حل سے متعلق سینٹرل پولیس آفس میں اہم اجلاس ہوا۔ اجلاس کے شرکاء کو ڈی آئی جی ٹریفک نے کراچی کی شاہراہوں پر درپیش ٹریفک کے مسائل، حادثات اور ان کی وجوہات،کل وقتی و جز وقتی اقدامات کے حوالے سے تفصیلی بریفنگ دی۔کراچی پولیس چیف کا کہنا ہے کہ ڈرائیورز ٹریننگ اسکول وقت کی اہم ضرورت ہے،ہمیں فوری طور پر پبلک پرائیویٹ پارٹنرشپ کے تحت اسکول قائم کرنے ہونگے۔

آئی جی سندھ غلام نبی میمن نے ہدایت کی کہ ٹرک و ڈمپرز مالکان 3 ماہ میں گاڑیوں میں اوور اسپیڈنگ پر چیک رکھنے کے لیے کیمرے لگائیں، کیمرے، ٹریکرز اور احتیاتی تدابیر اختیار کرنے کے حوالے سے عوامی سطح پر ٹرک ڈرائیورز و مالکان کو آگاہ کیاجائے۔آئی جی سندھ نے کہا کہ ڈرائیورز کے رویوں،برتاؤ کی تشخیص کے لیئے ڈیش بورڈ،کیبن کیمراز اور پچھلے،ٹیلز کیمراز کی تنصیب لازمی بنائی جائے۔ٹریفک انجینئرنگ بیورو شاہراہوں پر ہیوی ٹریفک کی حد رفتار کا ناصرف تعین کرے بلکہ شاہراہوں کے اطراف میں آویزاں بھی کرے۔

کراچی،یوم القدس کے سلسلے میں اجتماعات اور ریلیاں

اے ٹی ایم سے پیسے نکلوانے پر اب زیادہ چارجز لگیں گے

26 نومبر احتجاج ،گرفتار ملزمان اسلام آباد پولیس کےحوالے

وزیراعلی سندھ کا عیدالفطر پر قیدیوں کے لیے معافی کا اعلان

اسرائیل کی غزہ پر بمباری، خواتین و بچوں سمیت 50 شہید

یوم القدس اور بیت المقدس کی آزادی کیلئ کراچی شہر بھر میں اجتماعات منعقد ہوئے اور احتجاجی ریلیاں نکالی.

باغی ٹی وی کے مطابق اس سلسلے میں جامع مسجد و امام بارگاہ حیدری اورنگی ٹاؤن نمبر دس ،جامع مسجد و امام بارگاہ باب النجف بفرزون،محفل مرتضیٰ کشمیر روڈ ،انچولی سوسائٹی،ایم سے جناح روڈ سمیت پوری شہر میں احتجاج ہوا جس سے مولانا صادق جعفری،غلام عباس بادامی، علامہ صادق عباس عابدی ،لخت حسنین زیدی ،مولانا طالب حسین قمی ،اور دیگر نے خطاب کیا اور کہا کہ بیت المقدس کی آزادی کیلئے عملی جدوجہد کی ضرورت ہے ۔انہوں نے مزید کہا کہ فلسطینی مسلمان خود کو تنہا نہ سمجھیں بلکہ پوری پاکستانی قوم کی ہمدردیاں ان کے ساتھ ہیں۔

دوسری جانب جمعتہ الوداع عالمی یوم القدس کے موقع پر مجلس وحدت مسلمین کی جانب سے جامع مسجد نور ایمان کراچی کے باہر بھرپور احتجاج کیا گیا۔ مظاہرین نے اسرائیل کے خلاف شدید نعرے بازی کی۔ عالمی یوم القدس کے حوالے سے کئے گئے احتجاجی مظاہرے میں علامہ باقر عباس زیدی، علامہ مرزا یوسف حسین ،علامہ حیات عباس نجفی، علامہ مبشر حسن سمیت دیگر رہنما موجود تھے۔ اس موقع پر علامہ باقر عباس زیدی نے اپنے خطاب میں کہا کہ دنیا بھر میں جمعتہ الوداع یوم القدس منایا جارہا ہے۔جمعتہ الوداع عالمی یوم القدس مظلوم فلسطینیوں سے اظہار یکجہتی کیلئے منایا جاتا ہے۔اسرائیل کا وجود خطہ کیلئے خطرہ ہے ۔1948 کو قائم ہونے والا اسرائیل جعلی ریاست ہے۔

گوجرانوالہ: سمندر کے راستے یورپ بھجوانے والے 4 انسانی اسمگلرز گرفتار، کروڑوں روپے برآمد

26 نومبر احتجاج ،گرفتار ملزمان اسلام آباد پولیس کےحوالے

وزیراعلی سندھ کا عیدالفطر پر قیدیوں کے لیے معافی کا اعلان

وزیراعلی سندھ سید مراد علی شاہ نے عیدالفطر کے موقع پر سزا یافتہ قیدیوں کے لیے 120 دن کی رعایت کی منظوری دے دی۔

ترجمان وزیراعلی سندھ کے مطابق اس فیصلے سے 820 قیدی مستفید ہوں گے۔ تاہم، یہ معافی ریاست مخالف سرگرمیوں میں ملوث قیدیوں پر لاگو نہیں ہوگی۔ مزید برآں، سزائے موت، قتل، جاسوسی، دہشت گردی، ریپ اور ڈکیتی کے مجرموں پر بھی یہ رعایت لاگو نہیں ہوگی۔دوسری جانب سندھ حکومت نے عیدالفطر پر قیدیوں کی سزاوں میں خصوصی معافی کا نوٹیفکیشن جاری کر دیا۔

حکومت سندھ نے سزا یافتہ قیدیوں کو 120 دن کی خصوصی معافی دے دی ، سزاوں میں کمی کا محکمہ داخلہ سندھ نے حکم نامہ جاری کر دیا ، سزائے موت کے مجرم،ریاست مخالف سرگرمیوں کے مجرمان پر معافی لاگو نہیں ہو گی۔نوٹیفکیشن میں کہا گیاہے کہ خصوصی معافی سے سندھ کے مختلف جیلوں میں 820 قیدی مستفید ہوں گے۔

پاکستان مرکزی مسلم لیگ کے زیر اہتمام اسرائیلی مظالم کیخلاف ملک گیر احتجاج

پاکستان مرکزی مسلم لیگ کا کوئٹہ میں بلوچستان امن مارچ، سینکڑوں افراد کی شرکت

کراچی کے علاقے قائدآباد میں پولیس کیمپ پر کریکر حملہ ہوا ہے۔

ایس ایس پی ملیر کے مطابق قائدآباد میں پولیس کیمپ پر کریکر حملہ کیا گیا یے جس میں متعدد پولیس اہلکار زخمی ہیں۔پولیس نے بتایا ہے کہ ملزمان نے قائدآباد پل کے اوپر سے کریکر پھینکا، حملے میں 3 پولیس اہلکار زخمی ہوئے ہیں جنہیں اسپتال منتقل کیا جا رہا ہے۔

واقعہ سے متعلق تحقیقات شروع کردی گئی ہیں۔ زخمی پولیس اہلکاروں کی شناخت وسیم اور فیاض کے ناموں سے ہوئی زخمی ہونے والا تیسرا اہلکار ایس ایس یو میں تعینات ہے ۔ایس ایس پی ملیر کے مطابق ایس ایس یو کا اہلکار کیمپ پر موجود نہیں تھا۔ایس ایس یو کا اہلکار گزرتے ہوئے زخمی ہوا ۔ پولیس اہلکار فرائض کی انجام دہی میں مصروف تھے۔

فیصل آباد موٹروےکے قریب ڈکیتی اور خاتون سے اجتماعی زیادتی،مقدمہ درج

صارم قتل کیس، پوسٹ مارٹم رپورٹ کا جائزہ لینے کیلئے بورڈ تشکیل

250 گاڑیوں کا قافلہ سامان لیکر پارا چنارپہنچ گیا

کراچی ایئرپورٹ پر مخصوص طیاروں کی تصاویر اور ویڈیوز بنانے پر پابندی عائد کردی گئی۔

میڈیا رپورٹس کے مطابق پاکستان ایئرپورٹ اتھارٹی (پی اے اے) نے کراچی کے ہوائی اڈے پر جہازوں کی دیکھ بھال کے دوران تصاویر اور ویڈیوز بنانے پر پابندی عائد کی ہے، اس حوالے سے اتھارٹی کا کہنا ہے کہ بعض افراد کو ایئر کرافٹ مین ٹیننس آپریشنز کی غیر مجاز تصاویر اور ویڈیوز لیتے دیکھا گیا ہے، ایئرپورٹ تصاویر اور ویڈیو گرافی کرنا رازداری کی سنگین خلاف ورزی اور سکیورٹی کا معاملہ ہے۔

اس حوالے سے ایک بیان میں پاکستان ایئرپورٹ اتھارٹی نے مزید کہا کہ سکیورٹی اور رازداری برقرار رکھنے کیلئے پروٹوکول پر سختی سے عمل کیا جائے، صرف مجاز اہلکار، انجینئرز یا متعلقہ اراکین کو تصاویر یا ویڈیوز کی اجازت ہے، جی ایچ اے، آپریٹرز اور دیگر عملے کو کسی قسم کی فوٹوز بنانے یا ویڈیو گرافی سے سختی سے منع کیا جاتا ہے، پروٹوکولز کی خلاف ورزی پر سخت انتظامی اور تادیبی کارروائی کی جائے گی۔

یہاں قابل ذکر بات یہ ہے کہ پچھلے دنوں لاہور میں پی آئی اے کی پرواز کا لینڈنگ کے وقت ایک پہیہ غائب ہونے کے انکشاف پر پائلٹ نے طیارے کو ایک ٹائر پر لینڈنگ کرائی، پی آئی اے کی پرواز پی کے 306 کراچی سے لاہور روانہ ہوئی، پرواز کی روانگی کے بعد کراچی ائیر پورٹ پر طیارے کے کچھ پرزے ملے، جس کے بارے میں بعد ازاں پتا چلا تھا کہ جہاز کا ایک پہیہ بھی کراچی ایئرپورٹ پر ہی رہ گیا تھا جس کی تصاویر بھی سامنے آئیں۔

بتایا جارہا ہے کہ طیارے کے اگلے پہیوں میں دو ٹائر ہوتے ہیں لیکن لاہور میں لینڈنگ کے وقت ایک ٹائر غائب تھا جو فلائٹ سیفٹی کی سنگین غلطی ہے، جس کی وجہ سے قومی ائیر لائن کی پرواز پی کے 306 کو لاہور میں ایک پہیے پر ہی لینڈنگ کرنا پڑی، تاہم جہاز نے لاہور میں بحفاظت اور ہموار لینڈنگ کی جس کی بنیادی وجہ یہ ہے کہ جہاز میں ایسی صورتحال کیلئے گنجائش موجود ہوتی ہے۔

جعفر ایکسپریس حملہ، ایئر یونیورسٹی میں یکجہتی امن واک کا انعقاد

پنجاب حکومت کی بھکر ، بہاولنگر میں ایئرپورٹ کی منظوری

کراچی میں آج یوم القدس ریلی نکالی جائے گی

گورنر ٹیسوری کا وکیل رہا ، بات کرنے پر وہ ناراض ہو جاتے ہیں،مرتضیٰ وہاب

کراچی شہر میں آج 27 رمضان بعد نماز جمعہ نمائش تا تبت سینٹر یوم القدس ریلی نکالی جائے گی۔مجلس وحدت المسلمین سمیت مختلف مذہبی جماعتوں کی جانب سے آج یوم القدس ریلیاں نکالی جائیں گی، اس سلسلے میں نمائش چورنگی پر استقبالیہ کیمپ بھی لگایا گیا ہے۔

باغی ٹی وی کے مطابق یوم القدس ریلی کے لیے ٹریفک پلان سامنے آگیا، ٹریفک پولیس نے عوام کو پریشانی سے بچنے کے لیے متبادل روٹ استعمال کرنے کی ہدایات جاری کی ہیں۔اس حوالے سے کراچی ٹریفک پولیس کا کہنا ہے کہ شہری ریلی کی وجہ سے ایم اے جناح روڈ کے بجائے متبادل روٹ کا انتخاب کریں، تین ہٹی یا لسبیلہ سے آنے والے گرو مندر سے دائیں جانب سولجر بازار جاسکتے ہیں، بائیں بنوری سنگل سے جیل چورنگی اور پی پی چورنگی سے منزل مقصود جا سکیں گے، پریڈی اسٹریٹ ریگل سے تبت سینٹر جانے والے ٹریفک کو پریڈی چوک موڑ اور صدر دواخانہ سے پی پی چورنگی کی جانب موڑ دیا جائے گا۔

ٹریفک پولیس کا کہنا ہے کہ فریسکو چوک، عید گاہ چوک سے تبت سینٹر جانے والی ٹریفک کو جوبلی موڑ دیا جائے گا، آغا خان سوئم روڈ سے آنے والے بائیں جانب انکل سیریا کی جانب جا سکیں گے، کوسٹ گارڈ سے سولجر بازار یا نشتر روڈ کی جانب ٹریفک کو موڑ دیا جائے گا، داؤد پوتہ روڈ اور لکی اسٹار سے آنے والی ٹریفک کو پریڈی چوک کی طرف بھیجا جائے گا۔اس کے علاوہ لکی اسٹار سے آنے والی ٹریفک کو دائیں جانب صدر دواخانہ سے پیپلز چورنگی کی طرف موڑا جائے گا، آغا خان سوئم روڈ، گارڈن سے کوسٹ گارڈ آنے والے متبادل راستہ اختیار کریں، بہادر یار جنگ روڈ پر سولجر بازار سے گرومندر کی طرف جانے والی ٹریفک کا متبادل راستہ مقرر کر دیا گیا۔

ترجمان ٹریفک پولیس نے شہریوں سے اپیل کی ہے کہ وہ قانون نافذ کرنے والے اداروں اور ٹریفک پولیس سے تعاون کریں تاکہ ٹریفک کی روانی برقرار رکھی جا سکے۔

گورنر ٹیسوری کا وکیل رہا ، بات کرنے پر وہ ناراض ہو جاتے ہیں،مرتضیٰ وہاب

کئی بار بانی کی رہائی کیلئے ڈیل ہوئی ، شیر افضل مروت کا انکشاف

سیاحوں کی آبدوز بحر احمر میں ڈوب گئی، 6 اموات

دوران ڈکیتی سڑک پر شوہر کو درخت کے ساتھ باندھ کر خاتون کے ساتھ اجتماعی زیادتی

میئر کراچی مرتضی وہاب نے کہا ہے کہ وفاق کے پاس جائیں گے کہ اس انڈومنٹ فنڈ میں پیسے ڈالیں، کارپوریٹس کے پاس بھی جائیں گے، اس فنڈ کو چلانے کے لیے بورڈ بنا رہے ہیں۔

باغی ٹی وی کے مطابق میئر کراچی نے گورنر سندھ کامران ٹیسوری کے حوالے سے بتایا ہے کہ میں گورنر صاحب کا وکیل رہا ہوں، میں بات کرتا ہوں، گورنر صاحب ناراض ہو جاتے ہیں وہ میرے بڑے ہیں، جو شخص مجھے کہہ رہا تھا تمہیں اختیارات دلاؤں گا وہ اختیارات مانگ رہا تھا، آپ کسی کے کہنے پر بیان بازی کریں گے تو مسائل ہوتے ہیں، گورنر کو کہوں گا کہ کون ان کو اکسا کر کے ایسے بیانات دلواتا ہے، ان کو امید نہیں تھی کہ میں خط لکھ دوں گا، راشن بانٹنا پرائیویٹ چیزیں ہیں، اس سے لوگوں کی عزتِ نفس کو ٹھیس نہ پہنچائیں۔

انڈومنٹ فند بورڈ کے قیام کے حوالے سے بات کرتے ہوئے میئرِ کراچی نے بتایا کہ اس بورڈ میں میئر، ڈپٹی میئر، افسران سمیت پرائیویٹ سیکٹر کے لوگ بھی شامل کریں گے۔میئر کراچی نے شمسی توانائی کے منصوبوں کے حوالے سے بتایا ہے کہ 4 اسپتال سندھ گورنمنٹ کی مدد سے سولر پر منتقل کرنے جا رہے ہیں، جمشید نوسروانجی بلڈنگ سولرائیز کی ہے، سندھ کی صوبائی حکومت کی مدد سے گڈاپ میں 4 پمپنگ اسٹیشنز سولرائیز کرنے جا رہے ہیں۔

میئر کراچی نے کے پی ٹی کے حوالے سے کہا ہے کہ کے پی ٹی نے 14، 15 سال پہلے کمٹمینٹ کی تھی کہ واٹر ٹریٹمینٹ پلانٹ لگائیں گے، پلانٹ نہیں لگا، سوسائٹی بن گئی، کے پی ٹی کا کام سوسائٹی بنانا نہیں ہے، میں بحیثیت میئر کے پی ٹی کی بورڈ کا ممبر ہوں، معلوم ہے کے پی ٹی کے پاس فنڈ ہے۔شہر میں جاری دیگر ترقیاتی منصوبوں کے حوالے سے انہوں بتایا کہ گٹر باغیچہ میں سیوریج کے حوالے سے جلد خوش خبری آئے گی، مارٹن کوارٹر سمیت دیگر جگہیں جو وفاق کے ماتحت ہیں ان کا حال جا کر دیکھیں، کینال بنانے کے لیے پیسے چاہئیں، اے ڈی بی میں اس کی ایلوکیشن نظر نہیں آ رہی، ہم کہتے ہیں کہ سی سی آئی کے ذریعے یہ مسئلہ حل ہو۔

سیاحوں کی آبدوز بحر احمر میں ڈوب گئی، 6 اموات

دوران ڈکیتی سڑک پر شوہر کو درخت کے ساتھ باندھ کر خاتون کے ساتھ اجتماعی زیادتی

خیبرپی کے میں سیکیورٹی فورسز کی کاروائیاں ،11خارجی ہلاک