Category: کراچی

ٹنڈو الہ یار میں تیز رفتار کار کا حادثہ، 4 افراد جاں بحق

سندھ کے ضلع ٹنڈو الہ یار میں ایک دل دہلا دینے والا حادثہ پیش آیا، جس میں تیز رفتار کار نصیر کینال میں جا گری، جس کے نتیجے میں 4 افراد جاں بحق ہوگئے۔

پولیس ذرائع کے مطابق یہ افسوسناک حادثہ ٹنڈو الہ یار بائی پاس کے قریب پیش آیا، جہاں ایک تیز رفتار کار بے قابو ہو کر نصیر کینال میں جا گری۔ حادثے کے نتیجے میں کار میں سوار چاروں افراد ڈوب کر جان کی بازی ہار گئے۔پولیس نے مزید تصدیق کی ہے کہ حادثہ تیز رفتاری کے باعث پیش آیا، اور مرنے والوں کا تعلق کراچی سے تھا۔ ان افراد کی لاشوں کو پولیس نے فوری طور پر کینال سے نکال کر کراچی منتقل کر دیا ہے۔پولیس کے مطابق اس حادثے کی مزید تحقیقات جاری ہیں اور اس سلسلے میں قانونی کارروائی کی جا رہی ہے۔ حکام کا کہنا ہے کہ حادثے کی وجوہات کا تعین کرنے کے لیے تمام پہلوؤں کا جائزہ لیا جا رہا ہے۔

اس دلخراش حادثے نے علاقے میں غم کی لہر دوڑا دی ہے، اور مقامی افراد اس حادثے پر افسوس کا اظہار کر رہے ہیں۔ پولیس عوام سے درخواست کر رہی ہے کہ وہ تیز رفتاری سے بچنے اور اپنی حفاظت کے لیے احتیاطی تدابیر اختیار کریں۔

اپریل 1, 2025
پاکستان کو دہشتگردی جیسے سنگین چیلنج کا سامنا ہے، بلاول بھٹو

چیئرمین پاکستان پیپلز پارٹی بلاول بھٹو زرداری نے کہا ہے کہ عید خوشی، شکر گزاری اور مُسرت کا تہوار ہے۔

باغی ٹی وی کے مطابق بلاول بھٹو زرداری نے عید الفطر کے موقع پر اپنے خصوصی پیغام میں پوری اُمّت مسلمہ اور بالخصوص پاکستان کے عوام کو مبارکباد پیش کی ہے۔انہوں نے کہا کہ عید ہمیں ہمدردی، بھائی چارے اور ضرورت مندوں کا ساتھ دینے کی اہمیت سکھاتی ہے۔چیئرمین پی پی پی نے کہا کہ پاکستان کو اس وقت سنگین چیلنجز کا سامنا ہے جن میں معاشی اور دہشت گردی جیسے خطرات شامل ہیں جو ہمارے ملک کے امن و استحکام کے لیے نقصان دہ ہیں تاہم پیپلز پارٹی ہمیشہ انتہا پسندی اور انتشار کی قوتوں کے خلاف ڈتی رہی ہے۔

یاد رہے کہپاکستان بھر میں عید الفطر مذہبی عقیدت و احترام کے ساتھ منائی جا رہی ہے۔ اتوار کو شوال کا چاند نظر آ گیا، جس کے بعد عید الفطر کا باضابطہ اعلان مرکزی رویت ہلال کمیٹی کے سربراہ مولانا عبد الخبیر آزا د نے کیا۔ انہوں نے بتایا کہ ملک بھر سے شوال کے چاند کی رویت کی شہادتیں موصول ہوئیں، جس کے بعد عید الفطر کا جشن آج پورے پاکستان میں منایا جا رہا ہے۔مختلف شہروں میں نماز عید کے بڑے اجتماعات منعقد ہوئے۔ نماز عید کے بعد خصوصی دعائیں کی جا رہی ہیں جن میں امت مسلمہ کی سلامتی، ملک کی ترقی اور خوشحالی کے لیے دعائیں شامل ہیں۔

کرپشن اسکینڈل،عمران خان کے بعد فرانسیسی سیاستدان کو بھی "سزا”نااہل قرار

کراچی بھر میں عیدالفطر مذہبی جوش و جذبے سے منائی گئی

گورنر سندھ سے مختلف ممالک کے قونصل جنرلزکی ملاقات ،عید کی مبارکباد

کراچی میں عید کے روز فائرنگ، 2 شہری جاں بحق، تین زخمی

اپریل 1, 2025
کراچی بھر میں عیدالفطر مذہبی جوش و جذبے سے منائی گئی

کراچی شہر میں عیدالفطر مذہبی جوش و جذبے کے ساتھ منائی جا رہی ہے۔شہر بھر کی مساجد، امام بارگاہوں اور عیدگاہوں میں نماز عید کے چھوٹے بڑے اجتماعات ہوئے جن میں شہریوں کی بڑی تعداد نے شرکت کی۔

باغی ٹی وی کے مطابق مقبوضہ کشمیر اور فلسطین کے عوام کی یاد میں امت مسلمہ، قوم اور ملک کی سلامتی، خوشحالی اور بھلائی کے لیے خصوصی دعائیں کی گئیں۔گورنر سندھ کامران خان ٹیسوری نے گورنر ہائوس میں نماز عید ادا کی، جس میں مختلف اسلامی ممالک کے قونصل جنرلز اور دیگر معززین نے بھی شرکت کی۔ دریں اثنا عیدالفطر کی نماز کا مرکزی اجتماع پولو گرائونڈ میں ہوا جس میں اعلی سرکاری افسران، سیاسی رہنمائوں اور سماجی شخصیات نے شرکت کی.

نماز کے بعد بہت سے شہریوں نے اپنے مرحوم عزیزوں کے لیے فاتحہ خوانی کے لیے قبرستانوں کا رخ کیا، یہ روایت نہایت عقیدت کے ساتھ منائی گئی۔عید سے پہلے کے دنوں میں شہر کے شاپنگ سینٹرز رات گئے تک کھچا کھچ بھرے رہے، عوام کی حفاظت کو یقینی بنانے کے لیے شہر بھر میں سیکیورٹی کے خصوصی انتظامات کیے گئے تھے۔

گورنر سندھ سے مختلف ممالک کے قونصل جنرلزکی ملاقات ،عید کی مبارکباد

کراچی میں عید کے روز فائرنگ، 2 شہری جاں بحق، تین زخمی

مارچ 31, 2025
گورنر سندھ سے مختلف ممالک کے قونصل جنرلزکی ملاقات ،عید کی مبارکباد

گورنر سندھ کامران خان ٹیسوری سے مختلف ممالک کے قونصل جنرلز، ایڈیشنل آئی جی کراچی جاوید عالم اوڈھو، حمزہ تابانی اور بزنس کمیونٹی کے افراد نے گورنر ہائوس میں ملاقات کی اورباہمی تعلقات، تجارتی تعائون اور دیگر امور پر تبادلہ خیال کیاگیا۔

باغی ٹی وی کے مطابق گورنر ہائوس سے جاری اعلامیہ کے مطابق ملاقات میں اٹلی، روس، جاپان، ترکیہ، ایران، کوریا، انڈونیشیا، قطر، عمان،عراق، ویتنام اور سری لنکا کے قونصل جنرلز نے گورنر سندھ کو عید کی مبارکباددی اور نیک تمنائوں کااظہار کیا۔اس موقع پر قونصل جنرلز نے گورنر سندھ کو رمضان المبارک میں افطار پروگرام کی کامیابی پربھی مبارکباد دی۔ گورنر سندھ نے مہمانوں کا شکریہ اداکیااورعوام سے قریبی رابطے اور مسائل کے حل کو اولین ترجیح قرار دیاہے۔

کراچی میں عید کے روز فائرنگ، 2 شہری جاں بحق، تین زخمی

مارچ 31, 2025
کراچی میں عید کے روز فائرنگ، 2 شہری جاں بحق، تین زخمی

شہر قائد کے علاقے ابراہیم حیدری اور سپرہائی وے فقیرا گوٹھ میں فائرنگ کے واقعات میں دو افراد جاں بحق اور ایک زخمی ہوگیا, جبکہ بلدیہ اور ملیر میں فائرنگ کے واقعات میں دو افراد زخمی ہوگئے۔

باغی ٹی وی کے مطابق ابراہیم حیدری کے علاقے کورنگی الیاس گوٹھ بہار مدینہ مسجد کے قریب عیدالفطر کی چاند رات کو فائرنگ سے ایک شخص جاں بحق ہوگیا، جس کی لاش کو ضابطے کی کارروائی کیلیے اسپتال منتقل کیا گیا۔ترجمان کراچی پولیس کے مطابق مقتول کی شناخت 42 سالہ کریم بخش ولد میر محمد جٹ کے نام سے کی گئی واقعے کے وقت مقتول گھر کے قریب اپنے بیٹے کے ہمراہ کھڑا ہوا تھا کہ 125 موٹرسائیکل سوار افراد نے قریب آکر بیٹے کے سامنے فائرنگ کر کے باپ کو قتل کر دیا اور موقعے سے فرار ہوگئے۔

پولیس کا کہنا ہے کہ مقتول کے ورثا ہنگامہ آرائی کے بعد لاش جناح اسپتال سے اپنے ہمراہ لے گئے، واقعہ ذاتی دشمنی کا شاخسانہ ہے ، پولیس واقعے کی تحقیقات کر رہی ہے۔اس کے علاوہ سائٹ سپرہائی وے کے علاقے فقیرا گوٹھ پریشان چوک کے قریب محمود ملک شاپ پر فائرنگ سے ایک شخص جاں بحق اور ایک زخمی ہوگیا۔ پولیس کے مطابق جاں بحق ہونے والے شخص کی شناخت 37 سالہ راحت گل ولد محمد گل کے نام سے کی گئی جبکہ زخمی کی شناخت 23 سالہ محمد کاشف ولد محمد رفیق کے نام سے کی گئی جبکہ جاں بحق ہونے والے شخص کی شناخت کا عمل جاری ہے، مقتول پھل فروش تھا۔

واقعے کے وقت اپنے دوست کی دودھ کی دکان کے باہر بیٹھا ہوا تھا ، موٹرسائیکل سوار ملزمان کسی سے لوٹ مار کر کے فائرنگ کرتے ہوئے آرہے تھے کہ فائرنگ کی زد میں آکر راحت گل جابحق اور کاشف زخمی ہوگیا ۔بلدیہ کے علاقے گلشن غازی فرید کالونی مدینہ مسجد کے قریب گھر میں پراسرار فائرنگ سے خاتون زخمی ہوگئی ، زخمی ہونے والے خاتون کو طبی امداد کے لیے سول اسپتال منتقل کیا گیا ، پولیس کے مطابق زخمی ہونے والی خاتون کی شناخت 50 سالہ مغل نساء زوجہ نور دین کے نام سے کی گئی ، پولیس واقعے کی تحقیقات کر رہی ہے۔

ملیر سٹی کے علاقے امام بارگاہ غازی ٹاؤن ملیر سٹی میں عیدالفطر کی چاند رات کو فائرنگ سے 15 سالہ لڑکا زخمی ہوگیا ، زخمی ہونے والے لڑکے کو طبی امداد کے لیے جناح اسپتال منتقل کیا گیا۔ ترجمان کراچی پولیس کے مطابق زخمی ہونے والے لڑکے کی شناخت 15 سالہ حسان ولد علی عمر کے نام سے کی گئی ، فائرنگ کا واقعہ ڈکیتی کی واردات کے دوران مزاحمت کرنے پر پیش آیا ، علاقہ پولیس واقعے کی تحقیقات کر رہی ہے۔

وزیراعظم کی اہلخانہ کے ہمراہ جاتی امرا آمد

مارچ 31, 2025
کراچی: مختلف علاقوں میں زلزلے کے شدید جھٹکے

کراچی: شہر قائد کے مختلف علاقوں میں زلزلے کے جھٹکے محسوس کیے گئے-

باغی ٹی وی : کراچی میں گلشن معمار، گلستان جوہر اور مختلف علاقوں میں جھٹکے محسوس کیے گئے،زلزلے کے جھٹکے اسکیم 33 ، سرجانی ، نارتھ کراچی ، سہراب گوٹھ اور اطراف میں بھی محسوس کیے گئے،زلزلے کے باعث شہریوں میں خوف و ہراس پھیل گیا،شہری کلمہ طیبہ کا ورد کرتے ہوئے گھروں سے باہر نکل آئے-

شہرِ قائد میں آنے والے زلزلے کی شدت ریکٹر اسکیل پر 4.7 ریکارڈ کی گئی، زلزلے کی گہرائی 19 کلو میٹر ریکارڈ کی گئی، زلزلے کا مرکز کراچی کے شمال میں تھا، زلزلے کے باعث کسی نقصان کی اطلاع نہیں ملی ہے۔

وزیر اعظم کا بنگلہ دیشی چیف ایڈوائزر اور ملائیشین ہم منصب سے رابطہ

ایل پی جی کی قیمت میں اضافہ،نوٹیفکیشن جاری

ٹرمپ کی ایران پر بمباری کی دھمکی،خامنہ ای کا سخت ردعمل

مارچ 31, 2025
شرجیل میمن کو عمران خان کو عید مبارکباد،پیغام بھی دے دیا

پیپلز پارٹی کے رہنما،سندھ کے سینئر وزیر شرجیل انعام میمن نے عمران خان کو بھی عید کی مبارکباد دیتے ہوئے مشورہ دیا ہے کہ وہ جب بھی باہر نکلیں مثبت سیاست کریں۔

ٹنڈوجام میں میڈیا سے گفتگو میں انہوں نے کہا کہ واضح ہے کہ کوئی کینال منظور نہیں ہوئی، کینال منظور کرنے کے لیے فورم ہیں، اس پروجیکٹ کو اب تک اپروول نہیں ملی ہے، پہلے ہی 50 فیصد پانی کی کمی ہے، پیپلز پارٹی دریائے سندھ پر کسی بھی کینال کے خلاف تھی ہے اور مرتے دم تک رہے گی.پاکستان کے ایک ایک انچ کی ترقی چاہتے ہیں، صدر آصف زرداری نے جوائنٹ سیشن میں کہا کہ وہ اس پروجیکٹ کو منظور نہیں کر سکتے، صدر کے پاس پروجیکٹ منظور کرنے کا اختیار ہی نہیں ہے، پیپلز پارٹی یہ سمجھتی ہے کہ اس وقت پبلک کے ساتھ کھڑا ہونا ہے، وزیراعظم صاحب آپ اس معاملے میں مداخلت کریں، اعلان کریں کہ یہ پروجیکٹ ختم کیا جاتا ہے، اگر وزیراعظم اعلان کردیں تو ہم شکر گزار ہوں گے۔

شرجیل میمن نے کہا کہ حادثات پر لوگ سیاست کی کوشش کرتے ہیں مجھے بڑا افسوس ہوتا ہے، جنہیں لوگوں نے مسترد کر دیا وہ اس طرح کی سیاست کرتے ہیں، یہ نہیں ہونا چاہیے کہ آپ لاشوں کی سیاست کرنا شروع کر دیں، بیچ میں یہ شروع ہوا تھا کہ اگر ایسا حادثہ ہوا تو گاڑی کو آگ لگا دیں گے، جگہ جگہ پیڈسٹرین برج ہیں لیکن لوگ استعمال کرنے کی زحمت نہیں کرتے، ڈرائیونگ لائسنس سخت اسکروٹنی کے بعد ملنا چاہیے، سندھ حکومت نے اپنے ٹریفک کے نظام کو بہتر کیا ہے، اگر ڈمپر والے کی غلطی ہے تو اسے گرفتار ہونا چاہیے۔

شرجیل میمن کا مزید کہنا تھا کہ تمام پاکستانیوں نے تمام اختلافات بھلا کر ملک کے لئے مل کر کوشش کرنی ہے، اپنے ملک کو مضبوط بنانا ہے، ملک کو درپیش چیلنجز کا مل کر سامنا کرنا ہے، پوری قوم کو متحد ہونا ہوگا، ہمارا مذہب بھی ہمیں یہی سکھاتا ہے کہ دل سے ایک ہوں، دشمن ممالک ہم میں دراڑیں ڈالنا چاہتے ہیں، وہ چاہتے ہیں کہ بھائی بھائی سے لڑے، عید پر دل سے تہیہ کریں کہ تمام اختلافات ختم کریں اور ملک کو مضبوط کریں۔

مارچ 31, 2025
کراچی، فائرنگ سے مذہبی سیاسی جماعت کا رہنما جاں بحق

کراچی میں اہل سنت و الجماعت کے مقامی رہنما کو نامعلوم مسلح ملزمان نے گولی مار کر قتل کردیا، حملے میں مقتول رہنما کے والد زخمی ہوگئے۔

پولیس اور پارٹی عہدیداروں کے مطابق لانڈھی میں ایک مشتبہ ٹارگٹڈ حملے میں مذہبی سیاسی جماعت اہل سنت والجماعت کے ایک مقامی رہنما قاری عبدالرحمٰن کو گولی مار کر قتل کر دیا گیا، جبکہ ان کے والد زخمی ہو گئے۔قائد آباد پولیس کے ایس ایچ او رانا خوشی محمد نے بتایا کہ دونوں افراد شیر پاؤ کالونی میں ایک دکان پر موجود تھے جب موٹر سائیکل پر سوار مسلح ملزمان وہاں پہنچے، ایک موٹر سائیکل سے اترا اور اس نے دونوں افراد پر فائرنگ کردی اور فرار ہوگئے۔

انہوں نے مزید کہا کہ متاثرین شدید زخمی ہوئے جنہیں علاج کے لیے جناح پوسٹ گریجویٹ میڈیکل سینٹر منتقل کیا گیا، جہاں قاری عبدالرحمٰن کو مردہ قرار دیا گیا جبکہ ان کے زخمی والد گل رحمٰن زیر علاج ہیں۔ایس ایچ او رانا خوشی محمد کے مطابق بظاہر یہ ٹارگٹڈ کلنگ کا واقعہ لگتا ہے.

افغان طالبان نے امریکی خاتون قیدی کو رہا کردیا

سوئی سدرن کا عیدالفطر کیلئے گیس کا شیڈول

کراچی، چاند رات اور عیدالفطر کےسیکیورٹی انتظامات مکمل

نیوزی لینڈ کیخلاف سیریز میں پاکستان کو بڑا دھچکا

اسلام آباد پولیس کا عیدالفطر کیلئے سیکیورٹی پلان جاری

مارچ 31, 2025
سوئی سدرن کا عیدالفطر کیلئے گیس کا شیڈول

سوئی سدرن کی جانب سے عیدالفطر کیلئے گیس کا شیڈول جاری کردیا گیا۔

باغی ٹی وی کے مطابق سوئی سدرن گیس نے چاند رات سے عید کے تیسرے روز تک گیس کی مسلسل فراہمی کا اعلان کردیا۔ایس ایس جی سی کا کہنا ہے کہ سوئی سدرن گیس صارفین کو عیدالفطر پربلاتعطل گیس فراہمی کے لیے پرعزم ہے، چاند رات سے عید کے تیسرے دن آدھی رات تک گیس کی بلا تعطل فراہمی کو مستحکم رکھا جائے گا۔ترجمان کا کہنا ہے کہ شکایات کی صورت میں سوئی سدرن کی 24 گھنٹے آپریشنل ہیلپ لائن 1199 پر رابطہ کریں۔

نیوزی لینڈ کیخلاف سیریز میں پاکستان کو بڑا دھچکا

وزیر اعظم شہباز کی قوم کو عید الفطر کی مبارکباد

اسلام آباد پولیس کا عیدالفطر کیلئے سیکیورٹی پلان جاری

سندھ حکومت کا زائد کرایوں کے خلاف سخت کریک ڈائون

مارچ 30, 2025
کراچی، چاند رات اور عیدالفطر کےسیکیورٹی انتظامات مکمل

ڈسٹرکٹ ویسٹ پولیس کی جانب سے چاند رات اور عیدالفطر پر سیکیورٹی انتظامات مکمل کرلیے گئے ۔

پولیس ترجمان کے مطابق ایس ایس پی ویسٹ طارق الہی مستوئی نے تمام عالم اسلام اور فرائض کی ادائیگی پر معمور پولیس افسران و جوانوں کو عید کی دلی مبارکباد پیش کی ہے۔انہوں نے کہا کہ چاند رات کے موقع پر ہوائی فائرنگ جیسے جان لیوا جرم سے اجتناب کیلئے منچلے افراد کو مساجد و امام بارگاہ میں اعلانات کے ذریعے آگاہ کیا جارہا ہے کہ فائرنگ کرکے معصوم شہریوں کی جان کو خطرے میں ڈالنے والوں سے سختی سے نمٹا جائیگا۔

پولیس شہریوں کی حفاظت کیلئے ہمہ وقت تیار ہے اور ہوائی فائرنگ میں ملوث افراد کی گرفتاری کیلئے شاہین فورس کو خصوصی ہدایات جاری کردی گئیں ہیں۔ایس ایس پی ویسٹ نے کہا کہ عید کی خوشیوں کو امن، محبت اور سکون کے ساتھ منائیں اور ہوائی فائرنگ سے پرہیز کریں۔

وزیر اعظم شہباز کی قوم کو عید الفطر کی مبارکباد

نیوزی لینڈ کیخلاف سیریز میں پاکستان کو بڑا دھچکا

اسلام آباد پولیس کا عیدالفطر کیلئے سیکیورٹی پلان جاری

سندھ حکومت کا زائد کرایوں کے خلاف سخت کریک ڈائون

آذربائیجان کی پاکستان کو قرض کی پیشکش

مارچ 30, 2025