Category: کراچی

وزیراعلیٰ سندھ سید مراد علی شاہ نے وزیراعلیٰ ہائوس میں محکمہ آبپاشی اور محکمہ ورکس اینڈ سروسز کے مشترکہ اجلاس کی صدارت کی۔اجلاس میں صوبے بھر میں جاری اہم ترقیاتی منصوبوں کی پیشرفت کا جائزہ لیا گیا۔

باغی ٹی وی کے مطابق وزیراعلی سندھ نے محکمہ ورکس کو جامشورو پھاٹک(ریلوے کراسنگ)سے حیدر آباد براستہ کوٹری بیراج تک دو رویہ سڑک کا منصوبہ تیار کرنے کی ہدایت کی۔اجلاس میں صوبائی وزرا ناصر شاہ، جام خان شورو، علی حسن زرداری، چیف سیکرٹری آصف حیدر شاہ،وزیراعلی سندھ کے پرنسپل سیکریٹری آغا واصف، چیئرمین پی اینڈ ڈی نجم شاہ، سیکرٹری ورکس محمد علی کھوسو، سیکرٹری آبپاشی ظریف کھیڑو، پی اینڈ ڈی کے زبیر چنا اور دیگر متعلقہ حکام نے شرکت کی۔کے فور واٹر سپلائی کے منصوبے کا جائزہ لیتے ہوئے وزیراعلیٰ سندھ نے KBفیڈر اور کینجھر جھیل کی بحالی پر تبادلہ خیال کیا۔

یہ 39.9 بلین روپے کا منصوبہ ہے جس میں وفاقی حکومت کا شیئر 19.4بلین روپے ہے۔ اس منصوبے پر اب تک 4 ارب روپے خرچ کیے جاچکے ہیں ۔ وزیر اعلیٰ سندھ نے حکام پر زور دیا کہ وہ کام کی رفتار تیز کریں۔سندھ کی ترقی کے لیے انفراسٹرکچر اور پانی کے منصوبوں کی اہمیت پر زور دیتے ہوئے مراد علی شاہ نے تمام محکموں کو ہدایت کی کہ وہ صوبے بھر میں عوامی خدمات کو بہتر بنانے کے لیے کیے گئے اقدامات کی موثر اور بروقت تکمیل کو یقینی بنائیں۔

وزیر اعلیٰ سندھ کو محکمہ ورکس اینڈ سروسز کے تحت جاری 799ترقیاتی اسکیموں کے بارے میں بریفنگ دی گئی جن کی مجموعی لاگت166بلین روپے ہے۔مراد علی شاہ نے اعلیٰ معیار اوربروقت تکمیل پر عملدرآمد کی ضرورت پر زور دیا۔وزیراعلی سندھ نے حکام کو ہدایت کی کہ وہ مالی سال کے اختتام سے قبل ہی تمام جاری منصوبوں کو حتمی شکل دیں۔وزیراعلی سندھ نے کہا کہ مالی سال 25-2024 کے لئے حکومت نے کوئی نئی اسکیم متعارف نہیں کروائی ہے البتہ موجودہ منصوبوں کو مکمل کرنے پر توجہ مرکوز ہے۔اس سال 55 ارب روپے مختص کیے گئے ہیں۔ 37 بلین پہلے ہی استعمال ہو چکے ہیں جبکہ تھرو فارورڈ لائبییلٹی 111 بلین روپے ہے۔

میجرانفراسٹرکچر اور واٹر پروجیکٹس:

مراد علی شاہ نے لفٹ بینک آٹ فال ڈرین (LBOD) سسٹم کا بھی جائزہ لیا، فیڈرل پبلک سیکٹر ڈیولپمنٹ پروگرام (PSDP) کے تحت اس منصوبہ پر ابتدائی لاگت کا تخمینہ 115.4 بلین روپے تھا لیکن نظرثانی رپورٹ کے بعد اب اسے 172 ابلین روپے کردیا گیا ہے۔
انہوں نے افسران کو ہدایت کی کہ وہ سینٹرل ڈیولپمنٹ ورکنگ پارٹی (سی ڈی ڈبلیو پی)سے پراجیکٹ کی منظوری حاصل کریں ۔ اس منصوبے پر اب تک کوئی رقم خرچ نہیں کی گئی ہے جبکہ رواں سال اس منصوبے پر 100 ملین روپے مختص کیے گئے ہیں۔ مزید برآں، انہوں نے کوٹری بیراج تک جامشورو پھاٹک روڈ کو دو رویہ کرنے کی ہدایت کی اور اسے انفرااسٹرکچر کی اپ گریڈیشن کا لازمی جز قرار دیا۔

انہوں نے کہا کہ اس سڑک کی تعمیر سے حیدرآباد شہر میں ٹریفک کی روانی میں بہتری آئے گی۔ کوسٹل ہائی وی:اجلاس میں کوسٹل ہائی وے پر بات کرتے ہوئے وزیر اعلی سندھ کو بتایا گیا کہ کوسٹل ہائی وے کی 36 کلو میٹر توسیع سے لاگت میں اضافے کا سامنا ہے۔ اس منصوبے کا ابتدائی تخمینہ16.2 بلین روپے لگایا گیا تھا مگر نظر ثانی کے بعد یہ لاگت بڑھ کر 29.9 بلین روپے تک پہنچ گئی ہے۔

رواں سال منصوبے کے لیی3 بلین روپے مختص کیے گئے ہیں جبکہ 1 بلین پہلے ہی جاری کیے جاچکے ہیں۔ تاہم منصوبے کی نگرانی کرنے والی اسٹیئرنگ کمیٹی نے بولی لگانے کے عمل کے ساتھ مسائل سے بھی آگاہ کیا ۔سندھ حکومت بڑھتی ہوئی لاگت یعنی 6.85 بلین روپے کی ادائیگی کرے گی اور اس حوالے سے 6.5 ملین روپے پہلے ہی میچنگ گرانٹ کی صورت میں موجود ہے۔ اسٹیئرنگ کمیٹی نے محکمہ ورکس کو بولی کے عمل کو حل کرنے کی درخواست کی ہے۔ وزیراعلی سندھ نے چیئرمین پی اینڈ ڈی کو ہدایت کی کہ وہ بقایا جات کامسئلہ حل کرکے کام دوبارہ شروع کریں۔

واٹس ایپ گروپ سے کیوں نکالا؟ ایڈمن کو گولی مار دی گئی

افغان شہریوں کو پاکستان چھوڑنے کیلئے 31 مارچ تک کی مہلت

پاکستان میں پیٹرول کی قیمت میں بڑی کمی ہو رہی ؟

بلاول سے امریکی ناظم الامور،فرانسیسی سفیر،برطانوی ہائی کمشنرکی ملاقات

مصطفیٰ عامر قتل کیس میں اہم پیشرفت، بلال ٹینشن نامی کردار سامنے آگیا، ملزم نے عدالت سے حفاظت کے لیے رجوع کیا، بتایا اسکا نام بلا وجہ لیا جا رہا ہے تاہم عدالت نے درخواست مسترد کردی۔

باغی ٹی وی کے مطابق بلال ٹینشن نے پولیس والوں سے تحفظ کی درخواست عدالت میں دائر کردی، ڈسٹرکٹ اینڈ سیشن جج جنوبی کی عدالت میں درخواست دائر کی گئی۔درخواست میں کہا گیا کہ درخواست گزار کو دوسرے مقدمات میں 2 فروری کو گرفتار کیا گیا، درخواست گزار نے سیشن عدالت سے ضمانت حاصل کرلی،پھر سوشل میڈیا پر دیکھا ایک شخص میرا نام لے رہا ہے،وہ شخص اپنے بیٹے کو بچانے کے لیے مجھے پھنسا رہا ہے۔

درخواست گزار کا کہنا تھا کہ میرا نا اس شخص سے کوئی واسطہ ہے نا اُس کے بیٹے سے کسی قسم کا تعلق ہے،خدشہ ہے مجھے کسی مقدمہ میں نامزد نا کردیا جائے، ملزم نے عدالت سے جانی و مالی تحفظ کی استدعا کی، عدالت نے ملزم کی عدم حاضری پر درخواست مسترد کردی۔بلال ٹینشن کا نام ملزم ارمغان کے والد کامران نے میڈیا سے گفتگو کرتے ہوئے لیا تھا، بلال ٹینشن اور ارمغان تھانہ ساحل کے ایک مقدمہ میں دونوں ساتھ نامزد رہ چکے ہیں۔

یہ مقدمہ آج سے چھ سال قبل بھتہ خوری کی دفعات کے تحت درج ہوا تھا، بلال ٹینشن پر مختلف تھانوں میں مجموعی طور پر 14 مقدمات درج ہیں۔پولیس رپورٹ کےمطابق بلال ٹینشن سے درخواست پر رابطہ کرنے کی کوشش کی پر رابطہ نہیں ہوا، ملزم بلال ٹینشن عادی جرائم پیشہ ہے، ملزم کے خلاف مقدمات عدالت میں زیرِ سماعت ہیں، ملزم بچنے کے لئے ایسی درخواستیں دائر کرکے حربے استعمال کر رہا ہے۔

افغان شہریوں کو پاکستان چھوڑنے کیلئے 31 مارچ تک کی مہلت

عالمی سظح پر خام تیل کی قیمتیں 3 سال کی کم ترین سطح پر آ گئیں

بلاول سے امریکی ناظم الامور،فرانسیسی سفیر،برطانوی ہائی کمشنرکی ملاقات

عالمی منڈی میں خام تیل کی قیمتوں میں اچانک بڑی کمی ہوئی ہے۔ خام تیل کی قیمت رواں سال 20 جنوری کو 82 ڈالر تھی۔اور 50 دنوں سے کم وقت میں 12 ڈالر سے زائد کمی کے بعد اب قیمت 69.3 ڈالر ہو گئی ہے۔

باغی ٹی وی کے مطابق اس وقت خام تیل کی قیمت اگست 2021 کی سطح پر آ چکی ہے۔عالمی مارکیٹ میں خام تیل کی قیمت میں 12.7 ڈالر کی کمی کے بعد پاکستانی عوام امید کررہے ہیں کہ یہاں بھی پیٹرول کی قیمت میں بڑی کمی کی جائے گی۔ اگست 2021 میں پاکستان میں پیٹرول کی قیمت فی لیٹر 119 روپے تھی۔ اب سوال یہ ہے کہ کیا پاکستان میں بھی پیٹرول کی قیمت اگست 2021 کی سطح تک گرسکتی ہے؟ اگر ایسا ہوا تو پاکستان میں پیٹرول کی قیمت 150 روپے فی لیٹر کم ہوگی۔

حکومت کی جانب سے ہر 15 روز بعد پیٹرول کی قیمت میں ردوبدل کا فیصلہ کیا جاتا ہے۔ گزشتہ 50 دنوں کے دوران عالمی منڈی میں خام تیل کی قیمت میں 12.7 ڈالر کی کمی کے باعث توقع کی جا رہی ہے کہ پیٹرول کی قیمت میں 20 سے 30 روپے کی کمی ہو گی، تاہم ایسا اس لیے ممکن نہیں ہے کہ عالمی منڈی میں خام تیل کی کمی کے اثرات پاکستان میں پیٹرول کی قیمتوں پر 2 ماہ بعد اثرانداز ہوتے ہیں۔

معاشی تجزیہ کاروں کے مطابق اس وقت پیٹرول کی قیمت میں 10 روپے تک کی کمی ممکن ہے، زیادہ کمی آئندہ ماہ سے ہو سکے گی۔ پیٹرول کی قیمتوں میں کمی کا حتمی فیصلہ وزارت خزانہ اوگرا کی سمری کی روشنی میں 15 مارچ کی شب کرے گی۔

TIO بیجنگ کی سفارش پر، ٹڈاپ کے ٹیکسٹائل اینڈ لیدر ڈویژن نے تین رکنی چینی وفد کے دورہ کراچی کو ان کے دورے کے آخری اسٹاپ کے طور پر سہولت فراہم کی۔

باغی ٹی وی کے مطابق چینی وفد کے سفر نامے میں پریگما کے چیئرمین کے ساتھ ایک ملاقات شامل تھی، جہاں انہیں پاکستان کے ریڈی میڈ گارمنٹس سیکٹر کی مضبوطی کے بارے میں ایک جامع بریفنگ ملی۔میٹنگ کے بعد، وفد نے چھوٹی صنعتوں کے مختلف یونٹس کا دورہ کرکے مکمل پروڈکشن سائیکل کا خود مشاہدہ کیا۔ انہوں نے معروف فیشن ڈیزائنر زینب چھوٹانی کے ڈیزائن ڈپارٹمنٹ کا بھی دورہ کیا، جہاں انہوں نے ہاتھ کی پیچیدہ کڑھائی کے براہ راست مظاہرے دیکھے۔وفد نے کھاڈی لمیٹڈ کے ہیڈآفس کا دورہ بھی کیا جہاں انتظامیہ نے بریفنگ دیتے ہوئے لائف اسٹائل اسٹور کے ذریعے رہنمائی بھی کی گئی۔

وفد کے ارکان نے معروف جیولری ڈیزائنر نادیہ چوٹانی کے ایٹیلر کا دورہ کیا جہاں وفد کو جدید ڈیزائن کے زیورات سے متعارف کرایا گیا، جس میں پاکستان کی غیر معمولی کاریگری اور ڈیزائن کی صلاحیتوں کا مظاہرہ کیا گیاتھا۔وفد نے اس دورے کو منظم کرنے میں TDAP کی کوششوں کی تعریف کی، جس نے انہیں پاکستان کے فیشن اور طرز زندگی کے شعبوں کی طاقتوں کے بارے میں قابل قدر بصیرت فراہم کی۔

سائلین سے رشوت،اسلام آباد ہائیکورٹ کا تحقیقات کا حکم

بھارتی فضائیہ کے دو طیارے ایک دن میں تباہ

چیف ایگز یکٹو الخدمت کراچی نوید علی بیگ نے کہا ہے کہ اس وقت کراچی شہر میں الخدمت کے 66 واٹر فلٹریشن پلانٹ کام کر رہے ہیں ۔ شہر میں پانی کا بحران ہے اور آلودہ پانی اہم مسئلہ بن چکا ہے ۔

باغی ٹی وی کے مطابق اپنے ایک بیان میں نوید علی بیگ نے کہا کہ الخدمت کے واٹرفلٹریشن پلانٹس سے یومیہ ہزاروں افراد استفادہ کر رہے ہیں ۔الخدمت کی جانب سے ہسپتالوں کے باہر اور دسترخوانوں اور پبلک مقامات پرواٹر وینز اپنی ذمہ داریاں انجام دیتی ہیںاور روزے داروں ،مریضوں اور ان کے لواحقین کو پینے کا ٹھنڈا پانی فراہم کرتی ہیں اور یہ واٹر وینز پورا سال فعال رہتی ہیں ۔الخدمت نے اعزازی طور پر چھ تعلیمی اداروں اور ہسپتالوں میں بھی واٹر فلٹریشن پلانٹ نصب کیے ہیں ،جہاں سے طلبہ اور عام افراد استفادہ کرتے ہیں ۔کراچی میں تین واٹر ڈسپنسنگ مشینیں 24 گھنٹے لوگوں کو اپنی سروس فراہم کرتی ہیں اور لوگ اپنی سہولت کے مطابق کارڈ کے ذریعے کسی بھی وقت پانی حاصل کر سکتے ہیں ۔

نوید علی بیگ نے کہا کہ الخدمت کے پاس اپنی واٹر ٹیسٹنگ لیب بھی ہے جہاں باقاعدگی سے پانی کا ٹیسٹ کیا جا تا ہے ،جبکہ بیرونی ٹیسٹ بھی ارزاں نرخوں پر کیے جاتے ہیں ۔ایسے میں الخدمت سال ہا سال سے لوگوں کو ’’واش پروگرام ‘‘کے تحت قائم واٹر فلٹریشن پلانٹس کے ذریعے صاف اورمعیاری پینے کا پانی فراہم کرر ہی ہے ۔الخدمت پورے شہر میں صاف پانی کے پلانٹس لگانا چاہتی ہے تاکہ پورا شہر اس سہولت سے مستفید ہو۔

انہوں نے کہا پانی ایک بہترین صدقہ ہے اور ہم کمیونٹی کے لیے سمر سمپل پمپ ،سولر سمر سمبل پمپ اور ہینڈ پمپس بھی لگاتے ہیں جس میں بلدیہ، کورنگی سمیت وہ تنگ گلیوں والے علاقے شامل ہیں جہاں پر واٹر ٹینکر داخل نہیں ہو سکتے اور ان گلیوں میں بجلی کے مسائل ہوتے ہیں ۔نوید علی بیگ نے کہا کہ کراچی میں ہمیشہ پانی کا بحران رہتا ہے ،اسی لیے مسائل کاشکار لوگوں کی ضرورت کو مد نظررکھتے ہوئے الخدمت بورنگ کے ذریعے پانی کی فراہمی کا انتظام کرتی ہے ،نوید علی بیگ نے کہا کہ پانی ایک بہترین صدقہ ہے اور اس کو اللہ کی مخلوق کیلئے جاری وساری رکھنا بھی صدقہ جاریہ ہے ۔انہوں نے کہا کہ مخیرحضرات سے اپیل کرتا ہوں کہ اس کام کو وسعت دینے کیلئے ماہ مقدس میں الخدمت کا ساتھ دیں ۔

سونے کی قیمت کو پھر پر لگ گئے، بڑا اضافہ

پنجاب کے سرکاری اسکولز میں اساتذہ کو ہفتہ کی بھی چھٹی

چینی، گھریلو سیلنڈر، بیف، آٹے کا تھیلا اور چاول مہنگے

انجری کے باعث نیوزی لینڈ کے اہم پلئیر کی فائنل میں شرکت مشکوک

ایم کیو ایم پاکستان کی رکن قومی اسمبلی آسیہ اسحاق نے پی ٹی آئی کے شرپسندوں کی جانب سے شاہ فیصل کالونی نمبر 4 کے واٹر پمپنگ اسٹیشن کی سپلائی میں آگ لگانے کو دہشتگردی قرار دیا ہے۔

باغی ٹی وی کےمطابق انہوں نے واقع کی شدید الفاظ میں مذمت کرتے ہوئے کہا کہ رمضان المبارک کے مہینے میں شاہ فیصل کالونی کے بڑے حصے کے رہائشیوں کو پانی جیسی بنیادی ضرورت سے محروم کر دیا گیا ہے۔قانون نافذ کرنے والے ادارے اس نوعیت کے واقعات کی روک تھام کیلئے پی ٹی آئی کے شرپسند کونسلر اور اس کے تمام ساتھیوں کو گرفتار کر کے قانون کے مطابق سخت سزا دیں۔ لوگوں کو پانی کیلئے پریشان کرنا یزیدی سوچ کی عکاسی کرتا ہے، واقع میں عوامی جذبات بھڑکا کر امن و امان کی صورتحال خراب کرنے کی کوشش کی گئی ہے۔

آسیہ اسحاق نے واٹر بورڈ کے افسران سے جلد از جلد پانی کی فراہمی یقینی بنانے کے لیے ہنگامی بنیادوں پر اقدامات اور دہشتگردی میں ملوث افراد کے خلاف قانونی کارروائی کا مطالبہ کیا۔نیز صوبائی حکومت رمضان المبارک میں اس دہشت گردی کے واقعے کا نوٹس لے اور شرپسندوں کے خلاف کارروائی کرتے ہوئے پبلک پراپرٹی کا تحفظ یقینی بنائے اور واٹر اینڈ سیوریج بورڈ کے عملے کو تحفظ فراہم کرے۔

کراچی میں ڈمپر نے موٹرسائیکل سوار تین سگے بھائیوں کو روند ڈالا

کسٹم کی بڑی کارروائی، 30 کروڑ سے زائد مالیت کے موبائل فون ضبط

ٹی 20 ٹیم سے ڈراپ پربابراعظم کےوالد بول پڑے

امریکہ میں غیر قانونی تارکین وطن کو ڈی پورٹ کرنے کیلیے فوجی پروازیں معطل