Category: کراچی

ایف آئی اے کی کارروائی میں ہزاروں ڈالرز سمیت کروڑوں روپے مالیت کی غیر ملکی کرنسی برآمد کرلی گئی۔

ترجمان کے مطابق ایف آئی اے اسٹیٹ بینک سرکل کراچی نے ایک بڑی کارروائی کرتے ہوئے غیر قانونی کرنسی ایکسچینج میں ملوث ملزم کو گرفتار کرکے کروڑوں روپے مالیت کی غیر ملکی کرنسی برآمد کرلی۔گرفتار کیے گئے ملزم کی شناخت محمد ہارون کے نام سے ہوئی، جسے کے ایم سی ہاؤسنگ سوسائٹی کے قریب سے گرفتار کیا گیا۔ ملزم غیر ملکی کرنسی ایکسچینج میں ملوث ہے، جس سے چھاپے کے دوران سے 35 ہزار امریکی ڈالرز برآمد ہوئے۔ملزم کے قبضے سے 10ہزار درہم، 1500 برطانوی پاؤنڈز، 1030 سعودی ریال، ایک لاکھ 20 ہزار روپے برآمدکیے گئے۔ گرفتار ملزم بغیر لائسنس کرنسی ایکسچینج میں ملوث ہے اور وہ برآمد ہونے والی کرنسی کے حوالے سے حکام کو مطمئن نہیں کر سکا۔ملزم کے خلاف کارروائی خفیہ اطلاع پر عمل میں لائی گئی۔ حکام نے مقدمہ درج کرکے تفتیش کا آغاز کردیا ہے۔

امریکا میں ٹک ٹاک بند ہونے کا امکان

صدر، وزیر اعظم ، بلاول بھٹو سمیت قیادت کا کشتی حادثہ پر گہرے دکھ و افسوس کا اظہار

موسم شدید سرد ،بالائی علاقوں میں برفباری کی پیشگوئی

یواےای کی 2 ڈپازٹس کوایک سال کیلئے رول اوور کرنے کی تصدیق

190 ملین پاؤنڈ ریفرنس کا فیصلہ کل سنایا جائے گا

یواےای نے اسٹیٹ بینک آف پاکستان میں رکھے 2 ڈپازٹس کوایک سال کیلئے رول اوور کرنے کی تصدیق کردی۔

ترجمان اسٹیٹ بینک کا کہنا ہے کہ ان ڈپازٹس کی مدت جنوری 2025ء میں ختم ہو رہی تھی،یاد رہے اسٹیٹ بینک آف پاکستان میں رکھے دو ڈپازٹس 2 ارب امریکی ڈالرکے ہیں۔دوسری جانب اسٹیٹ بینک کے ذخائر میں 3 کروڑ ڈالر کا اضافہ ہوگیا،اسٹیٹ بینک کے مطابق اسٹیٹ بینک کے ذخائر 11ارب69 کروڑ ڈالر سے بڑھ کر 11ارب72کروڑ ڈالر ہوگئے۔کمرشل بینکوں کے ذخائر 4کروڑ2لاکھ ڈالر اضافے سے 4ارب72کروڑ ڈالر سے تجاوز کرگئے،ملکی مجموعی ذخائر 7کروڑ3لاکھ ڈالر اضافے سے 16ارب45کروڑڈالر ہوگئے۔

سندھ اسپیشل گیمز 2025 اختتام پذیر،چلڈرن اسکول کار ساز سرفہرست

لڑکی بن کر دوستی، فحش ویڈیوزبنوانے والاگینگ بے نقاب

حکومتی دعوے کھوکھلے،بجلی تقسیم کارکمپنیوں کے نقصانات میں اضافہ

ملتان سلطانز نے احسان اللہ کو بڑی آفر کر دی

امیر جماعت اسلامی پاکستان حافظ نعیم الرحمان نے کہا کہ کراچی کے نوجوانوں کے لیے ترقی کے راستے روکے جارہے ہیں۔

امیرجماعت اسلامی پاکستان حافظ نعیم الرحمان پریس نے کانفرنس کرتے ہوئے کہا کہ ہنگامی طور پر پریس کانفرنس کے لیے آپ کو زحمت دی گئی ہےتعلیمی نسل کشی کی سندھ حکومت کو کسی طور ہر اجازت نہیں دیں گے، اس وقت بھی کراچی 40 فیصد سے زائد ٹیکس دے رہا ہے، یہ ذہنیت کسی طور پر قابل قبول نہیں ہوگی، کراچی کے لوگوں کا مسئلہ پورے پاکستان کا مسئلہ ہے۔، کراچی میں ایک نیو کلئیر پاور پلانٹ لگا ہوا ہے جس کی بجلی وفاق کو جاتی ہے، اسے کراچی کے لیے استعمال کیا جائے۔ معاہدات کے تمام خلاف ورزیاں کے الیکٹرک کرچکا ہے،

انہوں نے کہا کہ ملک میں امن وامان کے حوالے سے موثر اقدامات کیے جائیں، دہشت گردی کو روکنے کے لیے موثر اور جامع حکمت عملی اپنائی جائے، افغانستان کے ساتھ با معنی مذاکرات ہونے چاہئیں، حالات درست کرنے کے لیے دانشمندی کی ضرورت ہے۔آئی پی پیز کے حوالے سے ہماری جدوجہد آگے بڑھ رہی ہے، تین مرتبہ اعلان سن چکے ہیں بجلی 12 روہے کم ہوگی، کب کم ہوگی آرمی چیف سے ملاقات ہوئی اس میں دیگر پارٹیوں کے لوگ تھے، آرمی چیف سے تفصیل سے بات چیت ہوئی، قبائلی عوام کے جو ایشوز ہیں انہیں بیٹھ کر ڈسکس کرکے حل کیا جائے۔

انہوں نے کہا کہ ہمارا پیغام یہ ہے کہ امن کے لیے ہونا چاہئے، امن وامان پیدا کرنا حکومت کی ذمہ داری ہے، فارم 47 کی حکومتوں کو مسلط کیا جائے گا تو ایسے واقعات ہوتے رہیں گے، افغانستان اور پاکستان کا امن ایک دوسرے کے ساتھ جڑا ہوا ہے۔امیرجماعت اسلامی پاکستان نے کہا کہ جہاں اسٹریٹیجک سطح پر بات ہونا چاہئے، مذاکرات کو ویلکم کرتے ہیں ہم سمجھتے ہیں عمران خان سمیت سیاسی قیدی انہیں رہا ہونا چاہئیے، کوئی بھی چھپا ہوا ایجنڈا نہیں ہونا چاہئے۔اس وقت دنیا بھر کی صورتحال آپ کے سامنے ہے، کل رات بڑی تبدیلی ہوئی ہے غزہ میں سیز فائر ہوا ہے، 47 ہزار لوگ شہید ہوگئے اور 90 فیصد ان کے گھر تباہ حال ہیں 50 فیصد اسپتال جزوی طور ہر کام کررہے ہیں۔

انہوں نے کہا کہ اسرائیل نے کسی کو بھی نہیں چھوڑا، صحافیوں بچوں ڈاکٹروں کسی کو نہیں چھوڑا، اسرائیل کو طاقت امریکہ کی حاصل رہی ہے، اسرائیل دہشت گرد ہے اور اس کی پشت پر امریکہ ہے، چند دن قبل گریٹر اسرائیل کا نقشہ پیش کیا گیا۔ان کا یہ بھی کہنا تھا کہ اسرائیل کو جھکنا پڑا اور یہ سیز فائر ہوا، اس معاہدے کے باوجود اسرائیل نے بمباری جاری رکھی ہوئی ہے، پورے خیموں پر اسرائیل نے فاس فورس بمبوں سے لوگوں کو مارا، لوگوں نے سرینڈر نہیں کیا اور اپنی جگہ کو نہیں چھوڑا، اتوار کو جب یہ معاہدہ ہو جائے گا تو مزید سرگرمیاں کی جائیں گی۔

ایڈیشنل آئی جی کراچی جاوید عالم اوڈھو سے کمیونٹی پولیسنگ کراچی کے چیف مراد سونی کی قیادت میں آٹھ رکنی وفد نے ملاقات کی۔

باغی ٹی وی کے مطابق ملاقات میں سی پی کے چیف مراد سونی کے ہمراہ ذیشان حبیب، خرم، سہیل، عقیق اقبال، محمد امین اور دیگر اراکین شریک تھے۔وفد نے پولیس چیف سے ملاقات میں کراچی میں قیامِ امن کے لیے کیے گئے اقدامات کو سراہا اور پولیس کی کاوشوں پر مسرت کا اظہار کیا۔ اس موقع پر وفد نے مختلف علاقوں میں درپیش سیکیورٹی مسائل سے آگاہ کیا، جنہیں ایڈیشنل آئی جی کراچی نے ترجیحی بنیادوں پر حل کرنے کی یقین دہانی کرائی۔سی پی کے چیف مراد سونی نے شہر میں سی سی ٹی وی کیمروں کی اپ گریڈیشن اور ٹیکنیکل معاونت کے لیے تجاویز پیش کیں، جن پر ایڈیشنل آئی جی نے غور کرنے کا عندیہ دیا۔

انہوں نے اعتراف کیا کہ سی پی کے کے تحت نصب کیے گئے کیمروں نے جرائم کی روک تھام میں کلیدی کردار ادا کیا ہے اور اسٹریٹ کرائم کے خاتمے میں مدد فراہم کی ہے۔ایڈیشنل آئی جی کراچی جاوید عالم اوڈھو نے اس موقع پر کہا کہ پولیس کو جدید تقاضوں سے ہم آہنگ کیا جا رہا ہے، سیف سٹی پروجیکٹ پر تیزی سے کام جاری ہے جبکہ ایس فور پروجیکٹ کو مزید اپڈیٹ کیا جا رہا ہے تاکہ عوام کو بہتر سیکیورٹی فراہم کی جا سکے۔ملاقات کے اختتام پر وفد نے پولیس کے ساتھ ہر ممکن تعاون کی یقین دہانی کرائی اور نیک خواہشات کا اظہار کیا۔

سیف علی خان برطانیہ جانے کے خواہشمند،انڈرورلڈ سے تعلق

پنجاب پولیس کو 43 ارب روپے کے فنڈ جاری