Category: کراچی

سینیٹر فیصل واوڈا نے کہا ہے کہ کہاں آپ مولا جٹ کی سیاست کر رہے تھے اور اب کشکول لے کر کھڑے ہو گئے ہیں۔

باغی ٹی وی کے مطابق کراچی میں سینیٹر فیصل واوڈا نے پریس کانفرنس کرتے ہوئے کہا کہ ان کی پارٹی سے چیزیں سامنے آچکی ہیں کہ بانی پی ٹی آئی کو جیل میں رہنا چاہیے۔ اور بیک ڈور مذاکرات کے لیے بھی پراپیگنڈا کیا گیا۔ یہ بھی پراپیگنڈا کیا گیا کہ بانی پی ٹی آئی کے لیے اندرونی و بیرونی پریشر ہے۔ جبکہ جو بیرونی پریشر کا پراپیگنڈا کیا گیا اس کی ہوا بھی کچھ دنوں میں نکل جائے گی۔190 ملین پاؤنڈ اوپن اینڈ شٹ کیس ہے۔ اور آپ کو کہا تھا 190 ملین پاؤنڈ پر کیس بن سکتا ہے اور سزا بھی ہو گی۔ پاپولر ہونے کا یہ مطلب نہیں تھا کہ آپ قانون سے بالا تر ہیں۔ 190 ملین پاؤنڈ کیس ایک جرم تھا جس کی سزا ہو گی۔فیصل واوڈا نے کہا کہ کہاں آپ مولا جٹ کی سیاست کر رہے تھے اور اب کشکول لے کر کھڑے ہو گئے ہیں۔ اور آج پی ٹی آئی کی مذاکراتی کمیٹی نے کہا ہے کہ ہمیں جوڈیشل کمیشن چاہیے۔ آپ اسٹیبلشمنٹ سے بات کرنے کے لیے مر رہے تھے۔بیک ڈور مذاکرات نہیں ہو رہے اور نہ کوئی بیرونی پریشر ہے۔ ہمیں ایسا سپہ سالار ملا جس پر عالمی سطح پر لوگ اعتماد کرتے ہیں۔ اور آنے والے دنوں میں پاکستان خطے میں بھی ابھرتا ہوا نظر آئے گا۔ آنے والے ہفتوں میں عالمی ہوائیں پاکستان کے حق میں چلتی نظر آئیں گی۔سینیٹر فیصل واوڈا نے کہا کہ پی ٹی آئی 20 جنوری پر نظریں لگا کر بیٹھی ہے۔ تاہم 20 جنوری کو بھی پی ٹی آئی کو مایوسی ہونے والی ہے۔ میں بانی پی ٹی آئی کو 4 سال روکنے کی کوشش کرتا رہا لیکن بانی نہیں مانے۔ ان کی کشکول کی اسٹریٹجی بھی ایک فلاپ اسٹریٹجی ہے۔ یہ بندوق، ڈنڈے اور پاپولرازم کے بعد اب کشکول لے کر در در کی بھیگ مانگ رہے ہیں۔چاہتا ہوں کہ مذاکرات میں نیک نیتی سے آگے بڑھیں۔ لیکن اڈیالہ جیل کے باہر کی کانفرنس پر افسوس ہوا۔ اور پی ٹی آئی کے ٹی وی پر آنے والے چہرے بتا رہے ہیں کہ کون سچ اور کون جھوٹ بول رہا ہے۔فیصل واوڈا نے کہا کہ 2025 میں پاکستان کے لیے بہترین چیزیں سامنے آئیں گی۔ اور آرمی چیف کی بیک ڈور ڈپلومیسی سے اچھی چیز ہونے جا رہی ہے۔ بیک ڈور پالیسی کا پی ٹی آئی کو سرپرائز اور پاکستان کے لیے اچھی خبر ہو گی۔ میں نے کابینہ میں بھی کہا تھا یہ سب نہ کریں آپ پر نیب کا کیس بنے گا۔ تاہم جرم کی سزا ہی ہوتی ہے معافی یا ایگزیکٹو آرڈر سے رہائی نہیں۔ میں ہمیشہ مذاکرات کا حامی رہا ہوں مگر یہ مخلصانہ ہونے چاہئیں۔

وزیراعلی سندھ سید مراد علی شاہ نے کہا ہے کہ کے فورصرف کراچی کا نہیں پورے ملک کا منصوبہ ہے،، اگست کے بعد حب ڈیم سی100ملین گیلن پانی لے آئیں گے،جوبھی مسائل ہیں ہمارے ساتھ مل کر کام کریں۔

باغی ٹی وی کے مطابق وزیراعلی سندھ سید مراد علی شاہ نے کراچی میں شہید بھٹوایکسپریس وے کے پہلے فیزکے افتتاح کے موقع پرخطاب کرتے ہوئے کہا کہ شاہراہ شہید بھٹوکی فنانسنگ میں بہت مسائل ہوئے، ایک بینک کے چیئرمین نے کہا تھا 100 فیصد فنڈنگ ہم کریں گے، ماحول ایسا بنایا گیا کہ سندھ حکومت کوبینک نے فنڈنگ نہیں کی۔
وزیراعلی سندھ نے کہا کہ کے فورصرف کراچی کا نہیں پورے ملک کا منصوبہ ہے، جوبھی مسائل ہیں ہمارے ساتھ ملکر کام کریں، ہم کیوں باہر سے لوگوں کو ڈھونڈتے ہیں بینکوں کے پاس جاتے ہیں، عقیل اورعارف بھائی سے کہوں گا ہمارے ساتھ ملکرکام کریں-سید مرادعلی شاہ نے کہا کہ ہمیں پانی کی کمی کا پتہ ہے، حب ڈیم سی40سی50ملین گیلن پانی لے سکتے ہیں، اگست کے بعد حب ڈیم سی100ملین گیلن پانی لے آئیں گے، اس کیلئے ہمیں واپڈا سے ایڈیشنل ایلوکیشن چاہیئے ہوگی، کے فوراورحب کی کمپلیشن کے بعد کراچی میں400 ملین گیلن ایڈیشنل پانی لائیں گے۔وزیراعلی سندھ نے کہا کہ ایف ٹی سی سے لیکراسٹارگیٹ تک شارع فیصل نیا بنا ہے، ماڑی پور، طارق روڈ ساری نئی سڑکیں بنائی ہیں، کراچی میں اورنج لائن، گرین لائن بن چکی ریڈلائن بن رہی ہے، شاہراہ بھٹوکا آج سے 30 سال پہلے بینظیربھٹونے کراچی پیکج دیاتھا، پیکج میں شاہراہ بھٹو، لیاری ایکسپریس وے ودیگرمنصوبے شامل تھے۔انھوں نے کہا کہ کراچی سے ٹریفک کادبائوکم کرنابینظیربھٹوکاوژن ہے، ہمارے پاس وسائل بہت محدودہیں، بہت کچھ کرناچاہتے ہیں لیکن وسائل نہیں ہیں، سندھ حکومت کاعوامی خدمت کا تیزترین سفرجاری، سندھ حکومت کاعزم عوام کی خدمت ہے، ملیرایکسپریس وے سب سے بڑاپبلک پرائیویٹ پارٹنرشپ منصوبہ ہے۔
مراد علی شاہ نے کہا کہ ملیرایکسپریس وے کی لمبائی 39 کلومیٹرہے، یہ منصوبہ کورنگی کریک ایونیوسے شروع ہوکرملیرندی تک پھیلا ہوا ہے۔واضح رہے کہ چیئرمین پیپلزپارٹی بلاول بھٹونے ہفتہ کوشہید بھٹوایکسپریس وے کے پہلے فیزکاافتتاح کردیا۔ پہلے فیزکی تکمیل سے ایئرپورٹ پہنچنے کیلئے سفرمنٹوں میں ممکن ہوگا۔ شاہراہ بھٹوایکسپریس وے کورنگی تاکاٹھورسپرہائی وے تک ہے۔ شہید بھٹوایکسپریس وے کا دوسرا فیزقائدآبادتک مارچ میں مکمل ہوگا۔

ایلون مسک کی برطانوی سیاست میں مداخلت،الزامات اور تنازعات

سعودی عرب جانیوالی خاتون کے پیٹ سے درجنوں ہیروئن بھرے کیپسولز برآمد

ہزار ادویات کی قیمتوں میں 300 فیصد تک اضافہ ہو جانے کا انکشاف

سیاسی جماعتوں میں معذوری ونگ قائم کیا جائے،ناصرحسین شاہ

80 ہزار ادویات کی قیمتوں میں 300 فیصد تک اضافہ ہو جانے کا انکشاف، ادویات کی قیمتوں کو کنٹرول کرنے کا نظام ختم کر کے حکومت نے ادویہ ساز اداروں کو مریضوں کو لوٹنے کی کھلی چھٹی دے دی۔

میڈیا رپورٹس کے مطابق ایک سال کے دوران ملک میں 80 ہزار ادویات کی قیمتوں میں 300 فیصد تک اضافہ ہو جانے کا انکشاف ہوا ہے۔
الزام عائد کیا گیا ہے کہ حکومت کی جانب سے ادویات کی قیمتیں کنٹرول کرنے کا نظام ختم کر کے حکومت نے ادویہ ساز اداروں کو مریضوں کو لوٹنے کی کھلی چھٹی دے دی گئی۔ ادویات کی قیمتوں میں 300 فیصد سے بھی زیادہ اضافہ کر دیا گیا ہے ۔ بچوں کی ادویات دودھ وٹامنز پر 18 فیصد جی ایس ٹی و سیل ٹیکس عائد کر دیا گیا، 4 ہزار میڈیکل ڈیوائسز بشمول شوگر ٹیسٹ کرنے کی سٹرپس پر بھی 65 سے 70 فیصد ٹیکس امپورٹ پر لگا دیا گیا ۔ سے سیدھا 1500 روپے کی قیمت پر پہنچ گیا۔ دل کے امراض کی دوا بائی فورج ہائی نون کمپنی کی 360 روپے سے بڑھ کر 450 روپے کی ہو گئی، جسم میں بخار اور درد کی دوا ایری نیک کی قیمت 549 روپے سے بڑھ کر 686 روپے کر دی گئی ہے ۔ ٹیبلٹ موٹیلیم کے ایک پیک کی قیمت 455 روپے سے بڑھا کر 1100 روپے پر پیک کر دی گئی ہے ہائی بلڈ پریشر کے علاج کے لئے استعمال ہونے والی دوا 260 روپے سے بڑھا کر 313 روپے کی کر دی گئی، یہ دوا بلڈ پریشر کو کم کرکے دل کے بوجھ کو کم کرتی ہے، جس سے دل کے دورے کا خطرہ کم ہو جاتا ہے۔
حکومت کی جانب سے 500 سے زیادہ کمپنیوں پر ٹیکس لگا دیا گیا ہے، سیل ز ٹیکس 18 فیصد تمام ادویات پر ایڈوانس ٹیکس کے طور پر لیا جا رہا ہے۔ ہربل نیوٹا سوٹیکل ہومیوپیتھک ادویات اور میڈیکیٹڈ کاسمیٹکس جو کہ ادویات کے طور پر ڈرگ اتھارٹیز ان کو کنٹرول کرتی ہے اور ٹی سی ادویات ہونے کے باوجود ان پر 18 فیصد ٹیکس لگا دیا گیا ہے جبکہ پاکستان میں میڈیکل ڈیوائسز پر 18 فیصد ٹیکس لگایا گیا ہے۔
بلڈ شوگر چیک کی سٹرپس پر بھی 18 فیصد ٹیکس لگایا گیا ہے۔ میڈیکل ڈیوائسز کی اہم ادویات دل کے سٹنٹس کنولا سرجیکل ٹیپ گلوز سرنج انجیکشن اور اس طرح کی 4 ہزار ادویات میڈیکل ڈیوائسز پر 70 سے 65 فیصد تک ٹیکس لگا دیا گیا ہے۔ تمام میڈیکل ڈیوائسز امپورٹ پر 65 فیصد ٹیکس لگا دیا گیا ہے۔ صدر پاکستان ڈرگ لیگل فورم نے کہا ہے کہ ادویات کی قیمتوں کو مارکیٹ فورسز فارماسوٹیکلز اور امپورٹرز کے حوالے کرنا مریضوں کے ساتھ انتہائی ظلم ہے ۔مریضوں کے ساتھ یہ ظلم اور زیادتی فوری طور پر بند ہونی چاہیے، وزیر اعظم پاکستان چیف جسٹس اف پاکستان اور چیف اف ارمی سٹاف سے خصوصی نوٹس لیں اور ادویات کی قیمتیں واپس پرانی سطح پر کی جائیں۔ ایلو پیتھک ادویات کی قیمتوں کا کنٹرول ختم کرنا ڈی کنٹرول کرنا مریضوں کے ساتھ انتہائی ظلم ہے۔ جبکہ آل کراچی تاجر الائنس کے صدر و بانی عام آدمی پارٹی ایاز میمن موتی والا نے ادویات کی قیمتوں میں 300 فیصد تک ہونے والے اضافے پر رد عمل دیتے ہوئے اپنے بیان میں کہا ہے کہ بجلی، گئس، پئٹرول، روز مردہ کی اشیا خردنوش کی قیمتوں میں مسلسل اضافے نے عوام سے دو وقت کی روٹی چھین لی تھی اب ایک اور مہنگائی کا بم عوام پر گرا دیا گیا ہے، 300 فیصد ادویات کی قیمتوں میں اضافے سے حکمرانوں نے عوام سے علاج معالج کی سہولیات تک چھین لین ہیں سرکاری اسپتالوں میں دوائیاں ملتی نہیں ہے، دوسری جانب قیمتوں میں اضافہ تشویشناک ہے۔

سیاسی جماعتوں میں معذوری ونگ قائم کیا جائے،ناصرحسین شاہ

نیشنل ڈس ایبلٹی اینڈ ڈویلپمنٹ فورم این ڈی ایف پاکستان نے سی آئی پی چیپٹر مٹیاری اور ٹی ڈی ای اے اسلام آباد کے تعاون سے معذوری پر کراچی میں صوبائی کانفرنس کا انعقاد کیا۔

باغی ٹی وی کے مطابق صوبائی کانفرنس سے خطاب کرتے ہوئے مہمان خصوصی صوبائی وزیر منصوبہ بندی، ترقی اور محکمہ توانائی ناصر حسین شاہ نے کہا سیاسی جماعتوں میں معذوری ونگ قائم کیا جائے۔
حاضرین کو سندھ بھر میں افراد باہم معذوری کے لیے رسائی اور شمولیت کو بڑھانے کے لیے اپنے عزم کا یقین دلایااورڈپارٹمنٹ آف امپاورمنٹ آف پرسنز ود ڈس ایبلٹیز کی مسلسل کوششوں کی تعریف کی۔خواتین ترقی کی وزیرشاہینہ شیرعلی نے کہا میں آپ کے ساتھ کھڑی ہوں، معذورخواتین کی حمایت کی اورباڈی شیمنگ کی سخت مخالفت کی،محفوظ اورجامع ماحول بنانے کی اہمیت پر زور دیا، سندھ ہیومن رائٹس کمیشن (ایس ایچ آر سی)کے چیئرمین اقبال ڈیٹھو نے معذوری کی تنظیموں اور سندھ حکومت کے درمیان تعاون پرزوردیا تاکہ اقوام متحدہ کی سفارشات اور معذوری کے حقوق سے متعلق مسائل کی فہرست میں بیان کردہ مسائل کو حل کیا جا سکے۔این ڈی ایف پاکستان کے صدر عابد لاشاری نے تمام سطحوں پر معذور افراد کے ساتھ مساوی سلوک اور فیصلہ سازی کے عمل میں ان کی شمولیت کی ضرورت پر زور دیا۔ انہوں نے ان کے حقوق کے تحفظ اوراحترام کو یقینی بنانے کے لیے مسلسل کوششوں پرزور دیا۔محکمہ بااختیاری معذورین کے نمائندوں فرمان ٹانوری اور رتنا دیوان نے سندھ میں افراد باہم معذوری کی زندگیوں کو بہتر بنانے کے لیے محکمہ کی جانب سے کیے گئے کلیدی اقدامات کا اشتراک کیا، جس سے معذوری کو بااختیار بنانے کے لیے حکومت کے عزم کا اعادہ کیا گیا۔ڈی سی مٹیاری محمد یوسف شیخ نے ڈسٹرکٹ فرینڈ شپ بورڈ، مٹیاری کے تحت معذور افراد کو کاروبار اور مالی امداد کے لیے قرضوں کی مد میں سپورٹ کرنے پر روشنی ڈالی۔ کانفرنس سیاسی، سماجی اور اقتصادی فیصلہ سازی میں ان کی شمولیت پر توجہ مرکوز کرتے ہوئے معذور افراد کے حقوق کی وکالت جاری رکھنے کے مشترکہ عزم کے ساتھ اختتام پذیر ہوئی۔ اس تقریب نے حکومتی اداروں، سول سوسائٹی اور افراد کی اجتماعی ذمہ داری پر زور دیا کہ وہ ایک منصفانہ اور جامع معاشرہ تشکیل دیں۔

کراچی: چیئرمین پیپلز پارٹی بلاول بھٹو زرداری نے کہا ہے کہ وفاقی کی جانب سے سندھ کے ساتھ ہمیشہ سوتیلا سلوک کیا جاتا ہے،ہ پاکستان کی ترقی کے لیے کراچی کی ترقی ضروری ہے اور پیپلز پارٹی 3 نسلوں سے کراچی کی ترقی میں کردار ادا کر رہی ہے۔

باغی ٹی وی : چیئرمین پیپلز پارٹی بلاول بھٹو زرداری نے کراچی میں شہید ذوالفقار علی بھٹو ایکسپریس وے کے پہلے فیز کی افتتاحی تقریب سے خطاب کرتے ہوئے کہا کہ پاکستان کی ترقی کے لیے کراچی کی ترقی ضروری ہے اور پیپلز پارٹی 3 نسلوں سے کراچی کی ترقی میں کردا ر ادا کر رہی ہے۔

انہوں نے کہا کہ شہید ذوالفقار علی بھٹو نے اس شہر میں انقلابی کام کروائے تھے۔ اور شہید بینظیر بھٹو نے آمرانہ حکومتوں کے خلاف جدوجہد کی۔ انہیں حکومت کرنے کا بہت کم موقع ملا۔ شہید بے نظیر بھٹو نے ہمیشہ کراچی میں امن وامان قائم کرنے کی کوشش کی۔ اور آصف زرداری جب پہلی بار صدر بنے تو کراچی شہر کو وسائل فراہم کیے۔

کوئی بھی شعور رکھنے والا عمران خان کو سپورٹ نہیں کر سکتا، عظمیٰ بخاری

بلاول بھٹو نے کہا کہ شہید بھٹو کے دور حکومت میں کراچی کو کئی ترقیاتی منصوبے دیئے گئے۔ جبکہ شارع فیصل سے اسٹیل ملز تک اس شہر کو روزگار دینے کے لیے انقلابی کام کروائے، سابق ناظم کراچی مصطفیٰ کمال اور کراچی کے تاجر اس بات کے گواہ ہیں کہ کراچی کے عوام کا ایک بہت بڑا مسئلہ یہاں کی ٹریفک ہے۔

صحافت کے سرخیل کو 62 ویں اور باغی ٹی وی کو 13 ویں سالگرہ مبارک ہو

چئیرمین پی پی نے کہا کہ شہید ذوالفقار علی بھٹو ایکسپریس وے پبلک پرائیوٹ پارٹنر شپ کا اہم منصوبہ ہے۔ اور سندھ پبلک پرائیوٹ پارٹنر شپ کے منصوبے میں کامیاب ہوا ہے۔ جبکہ وفاق اور دیگر صوبے اس معاملے میں ناکام ہوئے ہیں، اور وفاق نے خود کہا کہ سندھ حکومت کا پبلک پرائیوٹ پارٹنر شپ منصوبہ بہترین ہے مسائل کو حل کرنا ہے تو پبلک پرائیوٹ پارٹنر شپ بہترین طریقہ ہے، ایکسپریس وے کا یہ منصوبہ کراچی کو روزگار مہیا کرنے میں اپنا کردار ادا کرے گا۔ اور یہ منصوبہ پیپلز پارٹی موڈ میں بنایا جا رہا ہے۔ تعلیم اور انفرااسٹرکچر کے کئی منصوبے پیپلز پارٹی موڈ میں بنائے جا رہے ہیں۔

ویسٹ انڈیز کے خلاف پاکستانی ٹیسٹ اسکواڈ کا اعلان

بلاول نے کہا کہ میں نے ٹول ٹیکس ادا کیا ہے اور امید ہے کہ اسے 100 روپے تک رکھیں گے۔ جبکہ کاروباری طبقے کو ساتھ ملا کر پانی، انفراسٹرکچر اور سڑکوں کے مسائل کو حل کر سکتے ہیں سندھ حکومت کو کہا ہےکہ وہ پانی کے منصوبوں پر زیادہ توجہ دیں وفاق کی جانب سے سندھ کے ساتھ ہمیشہ سوتیلا سلوک کیا جاتا ہے۔ تاہم سندھ حکومت سے کہوں گا کہ مجھے پہلے اپنے سرمایہ کاروں کو مطمئن کرنے دیں۔ اور اس کے بعد ہم غیر ملکی سرمایہ کاروں سے بات کریں گے میں میئر کراچی سے کہتا ہوں شہر کے پانی کی ضروریات کو پورا کرنا ہے، ہمیں سولر اور ونڈ انرجی کی طرف جانا ہے۔ اور پیپلز پارٹی موڈ میں سولر اور گرین انرجی پارک بنا سکتے ہیں۔

اینکر پرسن ہرمیت سنگھ عالمی اربعین ایوارڈ میں پہلی پوزیشن کیلئے منتخب

کراچی: پیپلزپارٹی کے چیئرمین بلاول بھٹو زرداری نے شہید ذوالفقار علی بھٹو ایکسپریس وے کے فیز ون کا افتتاح کردیا۔

باغی ٹی وی: چیئرمین پی پی بلاول بھٹو زرداری ایکسپریس وے کے افتتاح کے لیے پہنچے جہاں انہوں نے خود اپنی گاڑی شہید ذوا لفقا رعلی بھٹو ایکسپریس وےپر ڈرائیو کی، اس موقع پر وزیراعلیٰ سندھ مراد علی شاہ بھی گاڑی میں موجود تھے بلاول بھٹو زرداری نے ایکسپر یس وے پر 100 روپے ٹول ٹیکس بھی ادا کیا اور ایکسپریس وے کا تفصیلی جائزہ لیا۔

فتتاحی تقریب میں وزیراعلیٰ سندھ مراد علی شاہ، سندھ کابینہ کے اراکین، پی پی پی سندھ کے صدر نثار کھوڑو، قائم علی شاہ سمیت پارٹی کی دیگر سینئر قیادت موجود تھی۔

یوٹیوب ، فیس بک اور ٹک ٹاک پر فوری پابندی کیلئے درخواست دائر

افتتاحی تقریب سے خطاب میں وزیراعلیٰ سندھ نے کہا کہ شاہراہ بھٹوبنانے میں ہمیں بہت دیرہوگئی ہے، آج سے 30 سال پہلے محترمہ بینظیر نے ایک پیکج دیا تھا، اس پیکج میں اس منصوبے سمیت لیاری ایکسپریس وے اور دیگر منصوبے شامل تھے، ملیر ایکسپریس وے سندھ بلکہ پاکستان کا سب سے بڑا پبلک پرائیویٹ پارٹنرشپ منصوبہ ہے، آج قیوم آباد سے شاہ فیصل تک ملیر ایکسپریس وے پروجیکٹ کے 9.1 کلومیٹر کا جزوی افتتاح کیا گیا ہے، ملیر ایکسپریس وے کی کل لمبائی 39 کلومیٹر ہے، یہ منصوبہ کورنگی کریک ایونیو سے شروع ہوکر ملیر ندی تک پھیلا ہوا ہے۔

امریکی شہر مینہیٹن جتنی خلائی چٹان زمین کے قریب سے گزرے گی

انہوں نے کہا کہ ملیر ایکسپریس وے منصوبے کی کل لاگت 55 ارب روپے ہے، سندھ حکومت ملیر ایکسپریس وے کے لیے تقریباً 32 ارب روپے فراہم کر رہی ہے، پبلک پرائیوٹ پارٹنر، کمرشل بینکوں اور ترقیاتی مالیاتی اداروں نے 23 ارب روپے کا حصہ ڈالا ہےیہ ایکسپریس وے ڈی ایچ اے اور موجودہ لنک روڈ کے ذریعے کاٹھوڑ کے قریب کراچی حیدرآباد موٹروے (ایم نائن) پر ختم ہوگا، سال 2025 میں مکمل طور پر آپریشنل ہونے کے بعد شاہراہ فیصل کے متبادل کے طور پر کام کرے گا، ملیر ایکسپریس وے بڑے صنعتی زونز کو جوڑے گا اور کراچی کے روڈ نیٹ ورک پر بوجھ کو کم کرے گا۔

18واں ایشین فنانشل فورم : وفاقی وزیر خزانہ شرکت کیلئے ہانگ کانگ روانہ

انہوں نے کہا کہ شہید ذوالفقار علی بھٹو ایکسپریس وے سے سفر کا وقت ایک گھنٹے سے کم ہو کر صرف 25 منٹ ہو جائے گا، انہوں نے شہید ذوالفقار علی بھٹو ایکسپریس وے سے کراچی پورٹ آنے اور جانے والی بھاری ٹریفک کے لیے ایک محفوظ اور زیادہ موثر راستے کو یقینی بنایا جائے گا شہید ذوالفقار علی بھٹو ایکسپریس وے کی تعمیر کے دوران اس بات کو یقینی بنایا گیا کہ مقامی باشندوں کو بے گھر نہیں کیا جائے گا ۔

انہوں نے کہا کہ ہمارے فلیگ شپ پراجیکٹس میں حیدرآباد-میرپورخاص ڈوئل کیریج وے اور سر آغا خان جھرک ملاکا تیار پل شامل ہیں۔ ان منصوبوں نے کنیکٹیویٹی کو تبدیل کیا ہے اور تجارتی قرضوں کی ادائیگی کرکے اہم مالیاتی سنگ میل بھی حاصل کیے ہیں-

وزیراعظم سے چیف کلکٹر کسٹمز، کراچی زون جمیل ناصر کی ملاقات

انہوں نے بتایا کہ ٹھٹو ڈوئل کیریج وے ترقی کی منازل طے کر رہا ہے ، گھوٹکی کندھ کوٹ پل پر بھی کام جاری ہے جو کہ دریائے سندھ پر 12.2 کلومیٹر طویل ترین پل بنایا جائے گا، ایم نائن تا این فائیو لنک روڈ پروجیکٹ کافی حد تک مکمل ہو چکا ہے اور انٹر چینج پر بقیہ تعمیراتی کام جاری ہے،یہ کامیابیاں صدر مملکت آصف علی زرداری اور چیئرمین بلاول بھٹو زرداری کی وژنری قیادت کے بغیر ممکن نہیں ہیں۔ محکمہ بلدیات ، پی پی پی یونٹ اور محکمہ خزانہ کی محنت اور لگن قابل تعریف ہوں۔ سندھ حکومت شہید ذوالفقار علی بھٹو ایکسپریس وے منصوبے کو مقررہ وقت سے پہلے مکمل کرنا چاہتی ہے۔

تمیم اقبال اورایلکس ہیلز کے درمیان جھگڑے کیوجہ سامنے آگئی

کراچی: زرمبادلہ کے ذخائر میں جاری مالی سال کے دوران مجموعی طور پر 2.381 ارب ڈالر کا نمایاں اضافہ ریکارڈ کیا گیا ہے۔

باغی ٹی وی: اسٹیٹ بینک کے اعداد و شمار کے مطابق گزشتہ مالی سال کے اختتام پر زر مبادلہ کے ملکی ذخائر کا حجم 13997 ارب ڈالر تھا، اس میں اسٹیٹ بینک کے پاس زر مبادلہ کے ذخائر کا حجم 9.390 ارب ڈالر اور کمرشل بینکوں کے پاس 4.607 ارب ڈالر ریکارڈ کیا گیا تھا۔
تاز
3 جنوری کو ختم ہونے والے ہفتے میں زرمبادلہ کے ملکی ذخائر کا حجم 16.378 ارب ڈالر ریکارڈ کیا گیا، اس میں اسٹیٹ بینک کے پاس زر مبادلہ کے ذخائر کا حجم 11.695 ارب ڈالر اور کمرشل بینکوں کے پاس زرمبادلہ ذخائر کا حجم 4.683 ارب ڈالر ہے۔

لاس اینجلس:آتشزدگی کے باعث خالی گھروں میں لُوٹ مار اور چوریاں

سرکاری خبر رساں ادارے کے مطابق جاری مالی سال کے آغاز سے لے کر اب تک اسٹیٹ بینک کے پاس زر مبادلہ کے ذخائر میں 2.305 ارب ڈالر اور بینکوں کے پاس زرمبادلہ کے ذخائر میں 73 ملین ڈالر کااضافہ دیکھنے میں آیا ہے۔

وزیراعلیٰ سندھ کی بیٹی کی شادی پر لی گئی بلاول بھٹو کی تصویر کے سوشل میڈیا پر چرچے

کراچی: پاکستان پیپلز پارٹی کے رہنما اور وزیراعلیٰ سندھ سید مراد علی کی بیٹی کی شادی کی تقریب میں لی گئی بلاول بھٹو کی تصویر سوشل میڈیا پر وائرل ہو رہی ہے-

باغی ٹی وی: وزیراعلیٰ سندھ کی بیٹی کی شادی میں صدرِ مملکت آصف علی زرداری اور چیئرمین پیپلز پارٹی بلاول بھٹو نے بھی شرکت کی بلاول بھٹو زرداری نے اس تقریب کے دوران اپنے والد کے ساتھ بنائی گئی ایک تصویر سوشل میڈیا پر شیئر کی ہے۔

تصویر میں آصف علی زرداری اور بلاول بھٹو کو خوشگوار موڈ میں دیکھا جاسکتا ہے،تصویر پر صارفین کی جانب سے تعریفی کمنٹس کئے جا رہے ہیں،صارفین کا کہنا ہے کہ چیئرمین پی پی پی نے واضح وزن کم کیا ہے جس کے بعد وہ پہلے سے زیادہ ہینڈسم اور خوبصورت نظر آ رہے ہیں،صارفین نے بلاول بھٹو کو مستقبل کا وزیراعظم قرار دیا-

تمیم اقبال اورایلکس ہیلز کے درمیان جھگڑے کیوجہ سامنے آگئی

جہاں پارٹی کے جیالوں اور سوشل میڈیا صارفین کی جناب سے تعریفیں کی جارہی ہیں وہیں بلاول بھٹو زرداری کی بہنوں آصفہ بھٹو زرداری اور بختاور بھٹو زرداری نے بھی اس تصویر پر سرخ دل کے ایموجیز کے ساتھ کمنٹ کیے ہیں۔

اسرائیل کی یمن میں پاور اسٹیشن اور فوجی تنصیبات پر بمباری

واضح رہے کہ وزیراعلیٰ سندھ مراد علی شاہ کی بیٹی کی شادی کی تقریب کراچی میں منعقد ہوئی۔ اس موقع پر صدر آصف علی زرداری اور چیئرمین پیپلز پارٹی بلاول بھٹو شریک تھےتقریب میں وفاقی وزرا احسن اقبال، عطا تارڑ، رانا تنویر، چیئرمین سینیٹ یوسف رضا گیلانی، سابق وزیر اعلیٰ سندھ سید قائم علی شاہ اور سید خورشید شاہ موجود تھے پیپلز پارٹی پنجاب کے رہنما قمر زمان کائرہ، شہادت اعوان اور وقار مہدی بھی موجود تھے،ان کے علاوہ صوبائی وزرا سمیت دیگر شخصیات اور سرکاری افسران بھی بڑی تعداد میں شریک تھے۔

لاس اینجلس میں لگنے والی آگ کی پیشگوئی پہلے کر دی تھی،معروف ماہر نجومی کا دعویٰ