Category: کراچی

اسلام آباد: وزارت خزانہ کی جانب سے موجودہ مالی سال کے پہلے 6 ماہ کے اخراجات و آمدن کی تفصیلات جاری کر دی گئیں-

باغی ٹی وی : وزارت خزانہ کی جانب سے جاری تفصیلات کے مطابق پاکستان پہلے 6 ماہ میں آئی ایم ایف کی بڑی شرائط پوری کرنے میں کامیاب رہا،2900 ارب روپے کے ہدف کے مقابلے پرائمری سرپلس 3600 ارب روپے تک پہنچ گیا، چاروں صوبوں نے 750 ارب ہدف کے مقابلے 776 ارب سرپلس بجٹ دیا، صوبوں نے 376 ارب ریونیو ہدف کے مقابلے 442 ارب ٹیکس جمع کیا۔

وزارت خزانہ کی رپور ٹ کے مطابق 6 ماہ میں ایف بی آر کو ٹیکس ریونیو میں 384 ارب شارٹ فال کا سامنا ہوا، 6009 ارب ہدف کے مقابلے 5624 ارب روپے ٹیکس جمع کیا گیا، تاہم کہ زرعی آمدن پر ٹیکس پر عمل درآمد سے ریونیو میں مزید اضافہ متوقع ہے تاجر دو ست اسکیم کے تحت 23.4 ارب ٹیکس جمع کرنے کا ہدف بھی پورا نہ ہوا-

ایم کیو ایم پاکستان ،تنظیمی عہدے بانٹ دیئے گئے

وزارت خزانہ کی رپورٹ کے مطابق وفاقی حکومت کی خالص آمدن 5887 ارب روپے رہی جبکہ وفاقی حکومت کے اخراجات 8200 ارب سے تجاوز کر گئے، پہلے 6 ماہ میں 2313 ارب روپے بجٹ خسارہ ہوا، قرضوں پر سود کی مد میں 5141 ارب روپے خرچ کیے گئے جبکہ وفاقی ترقیاتی منصوبوں پر صرف 164 ارب روپے خرچ کیے گئے۔

یو ایس ایڈ پر پابندی،امریکی جج کا بڑا فیصلہ

حکومت سندھ تھر ڈیزرٹ سفاری ٹرین چلانے کیلئے تیار ہے ، سفر کے دوران سیاح حسین ثقافتی رنگوں اور روایتی ورثے سے لطف اندوزہوں گے۔

باغی ٹی وی کے مطابق تھر ڈیزرٹ سفاری ایکسپریس کے ذریعے سندھ کی ثقافت کے دروازے کھلنے کو تیار ہے۔صوبائی وزیر ثقافت و سیاحت سید ذوالفقار علی شاہ نے کہا کہ تھر ڈیزرٹ سفاری ایکسپریس کے انتظامات کا جائزہ لینے آیا ہوں، تھر سفاری ٹرین سندھ کی ثقافت اور سیاحت کے فروغ کے لیے ایک سنگ میل ثابت ہوگی۔ ٹرین سروس فروری کے دوسرے ہفتے میں کراچی سے کھوکھراپار تک پہلے سفر کا آغاز کرے گی۔صوبائی وزیر ثقافت نے کہا کہ تاریخی سفر کے دوران سیاح کراچی، حیدرآباد، میرپورخاص، چھور اور کھوکھراپار کے حسین ثقافتی رنگوں اور روایتی ورثے سے لطف اندوز ہوں گے۔

انھوں نے بتایا کہ منصوبہ سندھ کے قدرتی حسن، لوک موسیقی، روایتی دستکاریوں اور تھر کے منفرد طرزِ زندگی کو دنیا کے سامنے اجاگر کرنے کے لیے تیار کیا گیا۔تھر ڈیزرٹ سفاری ایکسپریس سندھ کے سیاحتی شعبے کو نئی بلندیاں دے گی اور ملکی و غیرملکی سیاحوں کو ایک یادگار سفر فراہم کرے گی۔ڈیزرٹ سفاری ایکسپریس سندھ کی ثقافتی روح کو چھونے کا نادر موقع ہے ، تھر ریگستان ٹرین سفاری پاک بھارت سرحد تک جائے گا اور کراچی، حیدرآباد ، میرپورخاص ،چھور سے کھوکھراپاراسٹیشن پہنچے گی۔

پی آئی اے ملازمین کی تنخواہوں میں اضافے کی منظوری

چیمپئنز ٹرافی کے لیے پاکستان ٹیم کی نئی کٹ کی رونمائی

نریندر مودی کا 12 تا 13 فروری دورہ امریکا طے،ٹرمپ سے ملاقات

امریکہ:غیر قانونی بھارتیوں کو ملک بدر کرنے کا سلسلہ جاری

ٹک ٹاک کا پاکستان کری ایٹر ایوارڈز 2024 کی نامزدگیوں کا اعلان

پی آئی اے بورڈ آف ڈائریکٹرز نے ملازمین کی تنخواہوں میں اضافے کی منظوری دے دی۔

ترجمان کے مطابق پی آئی اے بورڈ آف ڈائریکٹرز کا اجلاس منعقد ہوا جس میں پی آئی اے ملازمین کی تنخواہوں میں مہنگائی کے تناسب سے کیڈر وائز تبدیلی کی اصولی منظوری دے دی گئی۔پی آئی اے ملازمین کی تنخواہوں میں آخری اضافہ 4 سال قبل کیا گیا تھا جس کے بعد مہنگائی کی شرح نے ملازمین کے حالات کشیدہ کردیئے تھے۔ترجمان کے مطابق پی آئی اے کی ملازمین کی کل تعداد سات ہزار سے بھی کم رہ گئی ہے جس میں تیزی سے کمی آرہی ہے، تنخواہوں میں اضافے سے کم ہوتے ہوئے تجربہ کار افراد کو ادارے میں روکنے میں مدد ملے گی۔

چیمپئنز ٹرافی کے لیے پاکستان ٹیم کی نئی کٹ کی رونمائی
نریندر مودی کا 12 تا 13 فروری دورہ امریکا طے،ٹرمپ سے ملاقات

امریکہ:غیر قانونی بھارتیوں کو ملک بدر کرنے کا سلسلہ جاری

ٹک ٹاک کا پاکستان کری ایٹر ایوارڈز 2024 کی نامزدگیوں کا اعلان

محبت میں کراچی آنے والی امریکی خاتون اپنے وطن روانہ

پاکستانی نوجوان کی محبت میں کراچی آنے والی امریکی خاتون وطن واپسی کے لیے ائیرپورٹ پہنچ گئیں۔

ائیرپورٹ ذرائع کے مطابق امریکی خاتون کی بورڈنگ اور امیگریشن کا مرحلہ مکمل ہوگیا ہے، اونیجا اینڈریو رابنسن آج رات دبئی کے راستے امریکا جائیں گی۔11 اکتوبر کو کراچی پہنچنے والی خاتون لگ بھگ چار ماہ بعد وطن واپس جا رہی ہیں، محبت کی ڈرامائی کہانی سے جڑی خاتون کو 2 ہفتے قبل بھی امریکا بھیجنے کی کوشش ناکام ہوئی تھی۔کچھ قبل امریکی خاتون کو سفر کے لیے فٹ قرار دے کر کراچی کے جناح اسپتال سے ڈسچارج کردیا گیا تھا۔

اس سے قبل جناح اسپتال میں زیر علاج اس امریکی خاتون کو امریکی قونصلیٹ کے عملے نے اسپتال میں ملاقات کے دوران وطن واپسی کے لیے آمادہ کر لیا ہے۔ذرائع کے مطابق جناح اسپتال کے اسپیشل وارڈ میں زیر علاج اونیجا اینڈریو رابنس کی حالت میں بہتری آئی ہے، اور قونصلیٹ کی جانب سے خاتون کی واپسی کی ٹکٹ کا بندوبست کیا جا رہا ہے۔امریکی قونصلیٹ کے عملے کو جناح اسپتال کے میڈیکل بورڈ کے سربراہ پروفیسر چنی لال نے مریضہ کی حالت کے حوالے سے تفصیل سے بریفنگ دی۔ ڈاکٹر نے بتایا کہ امریکی خاتون کی طبیعت پہلے سے کافی بہتر ہوئی ہے۔ اسپتال میں داخل ہونے کے وقت مریضہ کا ہیموگلوبن صرف 4 تھا، تاہم خون کے تین پیک لگانے کے بعد اب اس کا ہیموگلوبن 9 ہو گیا ہے۔ اس کے علاوہ، مریضہ کی نفسیاتی حالت کا بھی مسلسل جائزہ لیا جا رہا ہے اور بائی پولر ڈس آرڈر کو کنٹرول کرنے کے لیے ادویات فراہم کی جا رہی ہیں۔

جناح اسپتال کے ترجمان جہانگیر درانی نے تصدیق کی کہ امریکی قونصلیٹ کے عملے کو مریضہ کو دی جانے والی ادویات اور طبی ٹیسٹوں کے بارے میں تفصیلی معلومات فراہم کی گئی ہیں، اور مریضہ کی حالت میں کچھ حد تک بہتری آئی ہے۔ترجمان نے بتایا کہ میڈیکل بورڈ کی فٹنس کے بعد امریکی خاتون کو 11 فروری تک اسپتال سے ڈسچارج کر دیا جائے گا۔ تاہم اگر خاتون 11 فروری تک واپس نہ گئیں، تو انہیں ممکنہ طور پر قانونی اور طبی مشکلات کا سامنا کرنا پڑ سکتا ہے، جن میں ویزا اور قیام سے متعلق پیچیدگیاں شامل ہیں۔

امریکی قونصلیٹ کی جانب سے خاتون کی واپسی کی تیاریوں کا عمل جاری ہے، اور ان کی صحت میں مزید بہتری کی توقع ہے۔ اب یہ معاملہ امریکی قونصل خانے کی نگرانی میں مکمل طور پر حل ہونے کی راہ پر گامزن ہے، اور خاتون کو 11 فروری سے قبل وطن واپس بھیجنے کا منصوبہ بنایا جا رہا ہے۔

پنجاب بھر میں جلسے اور جلوسوں پر پابندی، دفعہ 144 نافذ

ایلون مسک کو "خصوصی سرکاری ملازم” کا درجہ مل گیا

اگلے سال شہر میں مزید300 اسکیمیں مکمل کریں گے، میئر کراچی

پیٹرول، چینی، نمک مہنگا ٹماٹر، پیاز، مرغی سستی ہوئی، ہفتہ وار رپورٹ

میئر کراچی مرتضی وہاب نے کہا ہے کہ اگلے سال مزید 300 اسکیمیں مکمل کریں گے۔

باغی ٹی وی کے مطابق کے ایم سی ہیڈ آفس میں پریس کانفرنس کرتے ہوئے مرتضی وہاب نے کہا کہ جون 2023 میں عہدہ سنبھالا تھا، ڈیڑھ سال بعد خود کو آپ کے سامنے پیش کر رہا ہوں۔انہوں نے کہا کہ مالی اعتبار سے کے ایم سی میں ڈیڑھ سال میں بہتری آئی ہے، اختیارات کا نہیں نیت کا معاملہ تھا۔ 2.14 ارب روپے اس وقت ہمارے اکاؤنٹ میں آ چکے ہیں جبکہ 300 فیصد آمدنی میں پیپلز پارٹی کی قیادت نے اضافہ کیا ہے۔میئر کراچی نے کہا ہے کہ بلدیہ عظمی کراچی کی آمدن میں 300 گنا اضافہ ہوا ہے، یہ وہی اختیارات اور وہی قانون ہے جس سے لینڈ ڈپارٹمنٹ کی ریکوری بہتر ہو رہی ہے۔ بہت سارے ٹاؤنز ہمیں تنگ کرتے ہیں، ٹاؤنز وہ کام نہیں کر رہے تو بلدیہ عظمی کراچی یہ کام کروا رہی ہے لیکن پھر بھی ہماری ریکوری میں اضافہ ہو رہا ہے۔

انہوں نے کہا کہ بلدیہ عظمی کراچی751 اسکیموں پر کام کر رہی ہے اور 30 جون تک اگلے 5 ماہ میں 430 اسکیموں کو پورا کریں گے۔انہوں نے کہا کہ کچی آبادی میں پلازہ اور پیٹرول پمپ بن رہے ہیں، کے ایم سی کچی آبادی میں ڈیولپمنٹ کر رہی ہے۔مرتضی وہاب نے کہا کہ ڈبل ملازمین کی نشاندہی ہوئی جو ہم سے بھی تنخواہ لے رہے تھے، 2019 میں ملازمین کو مستقل کیا گیا جس کا سلسلہ 2018 میں شروع ہوا اور یہ وہ غلط فیصلے ہیں جن کی وجہ سے آج تکلیف کا سامنا ہے۔

میئر کراچی نے کہا کہ ایسے ایسے ملازمین ملے جو 2018 میں 18 سال کے ہی نہیں تھے، 10 سال کے بچے کو بھی ملازم بنا دیا گیا، اس سب سے 36 کروڑ 50 لاکھ روپے کا نقصان پہنچایا جا رہا ہے۔انہوں نے کہا کہ پیپلز پارٹی انسان دوست جماعت ہے کسی کا روزگار نہیں چھیننا چاہتی۔ مرتضی وہاب نے یہ بھی کہا کہ تمام ریکارڈ جمع کر رہے ہیں تاکہ کونسل میں یہ معاملہ لے کر جائیں، کونسل کا ہی فیصلہ ہو گا کہ ان ملازمین کا کیا کرنا ہے، وسائل کی کمی کا حقیقت سے کوئی لینا دینا نہیں ہے۔

پاک بحریہ کی نویں کثیر القومی بحری مشق امن کا آغاز

پیٹرول، چینی، نمک مہنگا ٹماٹر، پیاز، مرغی سستی ہوئی، ہفتہ وار رپورٹ

بیٹے کی شادی پر گوتم اڈانی کاسماجی فلاح و بہبود کے لیے 10,000 کروڑ روپے کا عطیہ

بیٹے کی شادی پر گوتم اڈانی کاسماجی فلاح و بہبود کے لیے 10,000 کروڑ روپے کا عطیہ

پانی کی لائن ڈالنے پر لڑائی، فائرنگ سے2 افراد جاں بحق،3زخمی

بوتل بند پانی فروخت کرنیوالے 28 برانڈز غیر محفوظ قرار

پاکستان بحریہ کے زیرِ اہتمام نویں کثیر القومی بحری مشق امن کا آغاز ہو گیا۔

باغی ٹی وی کے مطابق ترجمان پاک بحریہ کا کہنا ہےکہ 11 فروری تک جاری رہنے والی مشقوں میں 60 سے زائد ممالک شرکت کر رہے ہیں۔ مشق امن 2025ء کے ساتھ پہلی بار’امن ڈائیلاگ‘ کا آغاز بھی کیا جا رہا ہے۔کثیرالقومی بحری مشق امن کا 9واں ایڈیشن 7 سے11 فروری تک ہوگا،امن ڈائیلاگ میں دنیا بھر سے بحری افواج اور کوسٹ گارڈز کے سربراہان شرکت کریں گے۔یہ ڈائیلاگ عالمی بحری قیادت کو سمندری مسائل پر تبادلۂ خیال کا موقع دے گا۔مشقوں کا مقصد خطے کا بحری استحکام، مشترکہ کارروائیوں کی صلاحیتوں میں اضافہ ہے۔

اس موقع پر کمانڈر پاکستان فلیٹ ریئر ایڈمرل عبدالمنیب کا کہنا ہے کہ امن مشق میں شرکت کرنے والے ممالک کا خیر مقدم کرتے ہیں۔بحری سلامتی میں بحری افواج کا اہم کردار ہے۔ گزرتے وقت کے ساتھ ساتھ سمندروں میں مختلف چیلنجز کا سامنا رہا ہے جبکہ سمندروں میں دہشتگردی، قزاقی جیسے چیلنجز درپیش ہوتے ہیں۔کمانڈر پاکستان فلیٹ نےکہا کہ امن مشق دنیا بھر کے ممالک کو خطرات، چیلنجز سے نمٹنے کے لیے مل کرکام کی دعوت دیتی ہے۔ عبدالمنیب نے مزید کہا کہ رواں سال امن مشق میں پہلی مرتبہ امن ڈائیلاگ کا اضافہ کیا گیا ہے۔ ایک دوسرے کے اشتراک سے درپیش متفرق معاملات کو بہتر انداز میں ہینڈل کرسکیں گے۔

پولیو ورکر سے جھگڑا کرنے والے 3افراد گرفتار،مقدمہ درج

بیٹے کی شادی پر گوتم اڈانی کاسماجی فلاح و بہبود کے لیے 10,000 کروڑ روپے کا عطیہ

سابق کھلاڑی تنقید کے ساتھ ساتھ سکھاتے بھی ہیں، محمد رضوان

بوتل بند پانی فروخت کرنیوالے 28 برانڈز غیر محفوظ قرار

لاہور میں نو تعمیر شدہ قذافی اسٹیڈیم کا افتتاح ہو گیا

کراچی کے علاقے شیر شاہ میں پولیو کے قطرے پلانے سے انکار پر پولیو ٹیم سے تلخ کلامی پر 3افراد کو گرفتار کرلیا گیا۔

باغی ٹی وی کے ذرائع کے مطابق شیرشاہ میں محمدی روڈگلی نمبر 14میں ملک بھر میں جاری پولیو مہم کے تحت ویکسین پلانے کیلئے پولیو ٹیم نے دورہ کیا۔تاہم وہاں موجود 3مشتعل افراد نے پولیو ٹیم سے تلخ کلامی کی جو اس حد تک بڑھ گئی کہ پولیس کو مداخلت کرنا پڑی، مشتعل افراد پولیو پلانے سے مسلسل انکار کررہے تھے۔اطلاع ملنے پر پولیس اورخاتون اسسٹنٹ کمشنراپنے عملے کے ہمراہ موقع پرپہنچیں تو مشتعل افراد نے اسسٹنٹ کمشنر کے عملے کے ساتھ بھی تلاخ کلامی کی جس پر پولیس نے تینوں افراد کو گرفتار کرکے تھانے منتقل کردیا اور ان کے خلاف مقدمہ بھی درج کردیا گیا ہے۔ملزمان کے خلاف کارسرکارمیں مداخلت اور پولیو ورکرز سے جھگڑا کرنے کی دفعہ سمیت دیگر دفعات کے تحت مقدمہ درج کیا گیا۔

بیٹے کی شادی پر گوتم اڈانی کاسماجی فلاح و بہبود کے لیے 10,000 کروڑ روپے کا عطیہ

پانی کی لائن ڈالنے پر لڑائی، فائرنگ سے2 افراد جاں بحق،3زخمی

سابق کھلاڑی تنقید کے ساتھ ساتھ سکھاتے بھی ہیں، محمد رضوان

بوتل بند پانی فروخت کرنیوالے 28 برانڈز غیر محفوظ قرار

سندھ میں بڑی پیشرفت، پیپلزپارٹی، جماعت اسلامی اور ایم کیو ایم کے بیک ڈور رابطے