Category: کراچی

وزیر بلدیات سندھ سعید غنی نے کہا ہے کہ پیپلز پارٹی کی سندھ حکومت عوام کو سستی اور اچھی رہائش کی فراہمی کیلئے کوشاں ہے۔

باغی ٹی وی کے مطابق ان خیالات کا اظہار انہوں نے ہفتہ کے روز ملیر ڈویلپمنٹ اتھارٹی کے اجلاس کی صدارت بعد ازاں نیو ملیر ہائوسنگ اسکیم اور اسکیم 45 تیسر ٹائون میں جاری ترقیاتی کاموں کے دورے کے دوران کیا۔اس موقع پر ڈی جی ایم ڈی اے سعید جمانی، پروجیکٹ ڈائریکٹر لئیق احمد، سیکرٹری ایم ڈی اے وقاص سومرو، سپریڈینٹ انجنئیر شیراز میرانی و دیگر بھی موجود تھے۔ اجلاس میں صوبائی وزیر کو ایم ڈی اے کی سستے مکانات کی اسکیم ایم ڈی اے ہومز کے حوالے سے بریفنگ دی گئی اور ایم ڈی اے کے تحت ناردن بائی پاس پر ایم ڈی اے ہومز کے تحت بنائے جانے والے 4 ہزار مکانات کی اسکیم پر تفصیلی بریفنگ دی گئی، بعد ازاں صوبائی وزیر سعید غنی نے ڈی جی ایم ڈی اے سعید جمانی اور پروجیکٹ ڈائریکٹر ہائوسنگ لئیق احمد کے ہمراہ لنک روڈ پر نیو ملیر ہائوسنگ اسکیم اور ناردن بائی باس سیکٹر 6، اسکیم 45 تیسر ٹائون پر 4000 سستے گھروں کے حوالے سے جاری ترقیاتی کاموں کا جائزہ لیا۔

صوبائی وزیر سعید غنی کو بتایا گیا کہ تیسر ٹائون میں 80 اور 120 گز جبکہ نیو ملیر ہائوسنگ اسکیم میں 100 اور 200 گز کے یونٹس قائم کئے جائیں گے۔ اس موقع پر صوبائی وزیر سعید غنی نے کہا کہ اس سستے مکانات کی اسکیم ایم ڈی اے ہومز کے تحت 4 ہزار گھروں کو تعمیر کرکے 5 سالہ اقساط پر دئیے جائیں گے اور یہ اسکیم شہریوں کو سستی اور اچھی رہائش کی فراہمی کیلئے بنائی گئی ہے۔سعید غنی نے کہا کہ سندھ حکومت چیئرمین بلاول بھٹو زرداری کے وژن اور پارٹی منشور کے تحت عوام کو سستی اور بہتر رہائش کی فراہمی کے لئے کوشاں ہے اور جلد ہی ایم ڈی اے کے تحت ان دونوں اسکیموں میں 4000 رہائشی یونٹس کی اسکیموں کا آغاز کردیا جائے گا۔

سعید غنی نے کہا کہ اس وقت کراچی سمیت سندھ بھر میں عوام کو سستی اور بہتر رہائش کی فراہمی اور سیلاب و بارشوں سے متاثرہ لاکھوں افراد کو مفت گھروں کی فراہمی جیسے منصوبے جاری ہیں اور ہماری موجودہ حکومت شہید ذوالفقار علی بھٹو، شہید محترمہ بینظیر بھٹو اور اب چیئرمین بلاول بھٹو زرداری کے وژن کے تحت روٹی، کپڑا اور مکان کے منثور پر دن رات عمل پیرا ہے۔

حاملہ خاتون کو بہنوئی نے زیادتی کے بعد قتل کردیا

کراچی،شادی ودیگر تقریبات کے دوران ہوائی فائرنگ پر پابندی عائد

ایرانی گورنر کا لاہور میں بڑا اعلان

لاہور، شدید دھند کے باعث موٹر وے ایم 11 بند

کراچی ، لوٹ مارکی وارداتوں میں ملوث ڈاکووں کا 5 رکنی گینگ گرفتار

کراچی کے ضلع وسطی میں شادی ودیگر تقریبات کے دوران ہوائی فائرنگ پر پابندی عائد کردی گئی ہے۔

باغی ٹی وی کے مطابق کراچی میں شادی بیاہ اور دیگر خوشی کی تقریبات میں ہوائی فائرنگ کے واقعات میں ہلاکتوں اور زخمی ہونے کے واقعات میں اضافہ ہونے لگا، ضلع وسطی میں تقریبات کے دوران ہوائی فائرنگ پر سخت پابندی عائد کردی گئی۔ایس ایس پی سینٹرل ذیشان شفیق صدیقی نے ضلع وسطی کے تمام ڈی ایس پیز اور ایس ایچ اوز کو خط لکھا ہے جس کے مطابق شادیوں اور دیگر تقریبات کے دوران ہوائی فائرنگ ہونا تشویشناک ہے۔ذیشان شفیق صدیقی نے خط میں لکھا کہ گولیوں کی زد میں آکر معصوم لوگوں کو نقصان پہنچتا ہے، اس مسئلے کو حل کرنے کیلئے نئی پالیسی بنائی جارہی ہے، اب صرف ہوائی فائرنگ کرنے والا ہی نہیں بلکہ شادی ہالوں کے مالکان اور تقریب کے منتظمین کو بھی ذمہ دار ٹھہرایا جائے گا۔

ایس ایس پی سینٹرل نے کہا کہ فائرنگ کرنے والے عناصر چاہے کتنا ہی بااثر ہو اس کیخلاف بلا تفریق کارروائی کی جائے گی، شادی ہال کے باہر ہوائی فائرنگ پر ہال مالکان اور تقریب کے منتظمین مشترکہ ذمہ دار ہوں گے۔خط میں کہا گیا ہے کہ اس بات کو یقینی بنائیں کہ تقریبات کے د وران ہوائی فائرنگ کو روکا جاسکے شادی ہال مالکان اور تقریب کے منتظمین کے ساتھ رابطہ رکھا جائے اور ان کو پالیسی سے متعلق بتایا جائے۔خط میں کہا گیا ہے کہ ہوائی فائرنگ کیخلاف فوری کارروائی نا کرنے والے ڈی ایس پی اور ایس ایچ او کیخلاف سخت کاروائی کی جائے گی لہذا دی گئی ہدایت پر سختی سے عمل کیا جائے۔

یوٹیوب کا صارفین کیلئے نیا فیچر متعارف کرانے کا اعلان

لاہور، شدید دھند کے باعث موٹر وے ایم 11 بند

پنجاب یونین آف جرنلسٹس کے انتخابات، نعیم حنیف بلا مقابلہ صدر منتخب

کراچی ، لوٹ مارکی وارداتوں میں ملوث ڈاکووں کا 5 رکنی گینگ گرفتار

صارم قتل کیس، پولیس نے مزید شواہد اکٹھے کرلیے

شہر کراچی میں سرجانی ٹاون پولیس نے لوٹ مار کی وارداتوں میں ملوث ڈاکووں کے 5 رکنی ڈکیت گینگ کو گرفتار کرلیا جبکہ ڈسٹرکٹ ویسٹ پولیس نے 2 مختلف کاروائیوں میں 5 رکنی ڈکیت گینگ اور کلینک میں ڈکیتی کرنے والے لنگڑے ڈاکو کو بھی گرفتار کرلیا ۔

باغی ٹی وی کے مطابق کے مطابق ڈسٹرکٹ ویسٹ کے تھانے سرجانی ٹاون پولیس نے تیسر ٹاون سیکٹر 51 میں چھاپہ مار کارروائی کے دوران ڈکیتی کی وارداتوں میں ملوث ڈاکووں کے 5 رکنی گروہ کو گرفتار کرلیا۔ایس ایچ او سرجانی غلام حسین پیرزادہ نے بتایا کہ گرفتار ڈاکووں کی شناخت کامران ولد محمد عالم، محمد اسد ولد بیت اللہ، عبدالرحمن ولد محمد لائق، سفیان ولد محمد ندیم اور محمد جابر ولد محمد طارق کے نام سے کی گئی جبکہ ڈاکووں کے قبضے سے 2 پستول ، گولیاں ، چھینے گئے موبائل فونز ، نقدی اور 2 موٹر سائیکلیں برآمد ہوئی ہیں۔گرفتار ڈاکووں کی ایک سی سی ٹی وی فوٹیج بھی سامنے آئی ہے جس میں انہوں نے نیو کراچی گیس سلنڈر کی دکان پر واردات کی تھی ۔

انہوں نے مزید بتایا کہ ڈاکووں کے قبضے سے ملنے والی دونوں موٹر سائیکلیں عوامی کالونی اور سائٹ بی تھانے کی حدود سے چوری کی گئی تھیں اور ان کے مقدمات بھی درج ہیں ۔گرفتار ڈاکووں کے 5 رکنی گروہ نے ابتدائی تفتیش کے دوران شہر کے مختلف علاقوں میں اسٹریٹ کرائمز کی وارداتوں کا انکشاف کیا ہے اور اس حوالے سے پولیس مزید تحقیقات کر رہی ہے۔دریں اثنا ڈسٹرکٹ ویسٹ کے تھانے پاکستان بازار پولیس نے کلینک میں لوٹ مار کی واردات میں ملوث لنگڑے ڈاکو کو گرفتار کرلیا۔

ایس ایچ او عنایت اللہ مروت نے بتایا کہ گرفتار ڈکیت نے گزشتہ ماہ 28 جنوری کو ساتھی کے ہمراہ اورنگی ٹاون سیکٹر ساڑھے گیارہ میں قائم امین کلینک میں گھس کر لوٹ مار کی واردات کی تھی جس کی سی سی ٹی وی فوٹیج بھی منظر عام پر آئی تھی جس میں پینٹ شرٹ پہنے اسلحہ تھامے ہوئے ایک ڈکیت لنگڑا کر چلتے ہوئے دکھائی دیا تھا۔اس فوٹیج کی مدد سے پولیس نے خفیہ ذرائع سے ملنے والی اطلاع پر چھاپہ مار کارروائی کے دوران واردات میں ملوث ڈکیت محمد حسان ولد محمد الیاس کو گرفتار کرلیا جس کے قبضے سے اسلحہ ، گولیاں ، موبائل فون ، نقدی اور موٹرسائیکل برآمد کی ہے جو کہ اقبال مارکیٹ تھانے سے چوری کی گئی تھی۔

عنایت مروت نے بتایا کہ گرفتار ڈکیت پولیو کا شکار ہے جبکہ وہ نشہ پورا کرنے کے لیے موٹر سائیکلیں بھی چوری کر کے پاک کالونی میں لیجا کر فروکت کرتا ہے جبک گرفتار ڈاکو نے شہر کے مختلف علاقوں سے موٹر سائیکلیں چوری کر کے فروخت کرنے کا بھی انکشاف کیا ہے ، پولیس کلینک کی واردات میں شامل دوسرے ڈاکو کی تلاش میں چھاپے مار رہی ہے ۔

دوست نما دشمن کچھ بھی کر لیں، انہیں شکست ہو گی، آرمی چیف

لاہور، سندھ اور بلوچستان ہائیکورٹ سے 3 ججز کا اسلام آباد ہائیکورٹ میں تبادلہ

چیمپئنز ٹرافی کیلئے قومی ٹیم کے اعلان کے بعد کرکٹر امام الحق نے سوشل میڈیا پر معنی خیز پیغام جاری کیا ہے-

باغی ٹی وی : سماجی رابطے کی ویب سائٹ ایکس پر جاری اپنے بیان میں امام الحق نے کہا کہ نتیجہ میری توقع کے مطابق نہیں ہے لیکن سفر ابھی ختم نہیں ہوا یہی زندگی ہے سب کچھ یہی ہے کہ ہر مشکل کے ساتھ آگے بڑھنا ہے اور خود کو مضبوط بنانا ہے اورسب سے اہم صبر اور اللہ پر بھروسہ ہے۔

امام الحق نے چیمپئنز ٹرافی کے لیے قومی ٹیم کے اعلان کے بعد سوشل میڈیا پر پیغام لکھا، امام الحق ون ڈے اسکواڈ کے لیے امیدوار سمجھے جا رہے تھے لیکن انہیں اسکواڈ میں شامل نہیں کیا گیا۔

دنیا کو عدم برداشت اور تقسیم کے بڑھتے ہوئے چیلنجز کا سامنا ہے،شہباز شریف

واضح ہے کہ پاکستان کے 15 رکنی اسکواڈ میں بیٹرز بابر اعظم، فخر زمان، کامران غلام، سعود شکیل، اور طیب طاہر شامل ہیں جبکہ آل راؤنڈرز میں فہیم اشرف، خوشدل شاہ اور سلمان علی آغا (نائب کپتان) اسکواڈ کا حصہ ہیں،15 رکنی اسکواڈ میں وکٹ کیپر بیٹرز محمد رضوان (کپتان) اور عثمان خان بھی شامل ہیں، بولرز میں اسپنر ابرار احمد اور فاسٹ بولرز حارث رؤف، محمد حسنین، نسیم شاہ اور شاہین شاہ آفریدی کو شامل کیا گیا ہے-

ایڈیشنل ایڈووکیٹ جنرل خیبر پختونخواہ نے استعفیٰ دے دیا