Category: کراچی

کراچی: سعودی عرب، یو اے ای، ملائیشیا اور عراق سے گزشتہ 24 گھنٹوں کے دوران 63 پاکستانیوں کو بے دخل کر دیا گیا۔

ائیرپورٹ ذرائع کے مطابق سعودی عرب، یو اے ای، ملائیشیا اور عراق سے پاکستانیوں کی بے دخلی کا عمل جاری ہے۔ گزشتہ 24 گھنٹوں کے دوران ان ممالک سے مجموعی طور پر 63 پاکستانیوں کو بے دخل کیا گیا، جنہیں کراچی ایئرپورٹ پر پہنچنے کے بعد قانونی کارروائی کے بعد گھروں کو روانہ کر دیا گیا۔سعودی عرب سے بے دخل ہونے والوں میں 4 پاکستانی بلیک لسٹ ہونے کی وجہ سے، 15 افراد ہاروب ہونے کی وجہ سے اور 10 افراد زائد المیعاد قیام کے باعث پاکستان واپس بھیجے گئے۔

ملائیشیا سے 16 پاکستانیوں کو ممنوعہ تارکین وطن کی حیثیت کی وجہ سے پاکستان واپس بھیجا گیا۔ یہ افراد اپنے ویزے کی شرائط کی خلاف ورزی کرنے کے سبب ملک سے بے دخل کیے گئے۔عراق سے 11 پاکستانیوں کو غیر قانونی داخلے اور زائد المیعاد قیام کے باعث ایمرجنسی پاسپورٹ کے ذریعے پاکستان واپس بھیجا گیا۔یو اے ای سے 4 پاکستانیوں کو بے دخل کر کے پاکستان روانہ کر دیا گیا۔ ان افراد کا تعلق غیر قانونی اقامت یا ویزے کی خلاف ورزی کرنے والے تارکین وطن سے تھا۔

ائیرپورٹ ذرائع کے مطابق تمام افراد کی واپسی کے بعد قانونی کارروائی کی گئی ہے اور انہیں اپنے وطن واپس بھیج دیا گیا ہے۔ پاکستان کی حکومت اور متعلقہ ادارے ان معاملات پر نظر رکھے ہوئے ہیں تاکہ تارکین وطن کی صورتحال میں بہتری لائی جا سکے۔

ڈی سی کرم پر فائرنگ کرنے والے دو مبینہ شرپسند گرفتار

190 ملین پاؤنڈ کیس، فیصلے کی نئی تاریخ مل گئی

وفاقی وزارت داخلہ نے کراچی میں پاسپورٹ کی سہولت کے لیے بڑا اقدام اٹھایا ہے۔

باغی ٹی وی کے مطابق ضلع وسطی اور غربی میں نئے پاسپورٹ آفس قائم کر دیے گئے، جس کا افتتاح آئندہ ہفتے متوقع ہے۔ذرائع کا کہنا ہے کہ نئے پاسپورٹ آفس نادرا میگا سینٹر ناظم آباد اور سیمنز چورنگی سائٹ میں قائم کیے گئے ہیں۔نادرا میگا سینٹرز ناظم آباد اور سائٹ میں ہی پاسپورٹ پراسیسنگ کاؤنٹرز بنائے گئے ہیں۔ذرائع نے بتایا کہ ناظم آباد اور سائٹ نادرا میگا سینٹر میں پاسپورٹ کاؤنٹرز 24 گھنٹے سہولت فراہم کریں گے۔واضح رہے کہ سال 2024 میں بڑی تعداد میں پاسپورٹ بنوانے والوں کے رش سے شدید مشکلات کا سامنا تھا جس کے باعث پاسپورٹ حکام نئی مشنری کے ساتھ ساتھ دفاتر کی تعدادا کو بھی بڑھا رہے ہیں.

کراچی کی پہلی میراتھون پشاور کے اسرار خٹک نے جیت لی

کیپ ٹاؤن ٹیسٹ، پاکستانی ٹیم فالو آن کا شکار

کراچی، 2024ء میں پکڑے گئے ہزاروں اسٹریٹ کرمنلز باعزت بری

کراچی: پاکستان پیپلز پارٹی نے ایک بار پھر اپنی اتحادی حکومتی جماعت مسلم لیگ ن سے فیصلوں میں اعتماد میں نہ لینے کا شکوہ کر تے ہوئے کہا ہے کہ فیصلوں پر اعتماد میں نہیں لیا جا رہا ، حمایت ختم کرنے پر حکومت ختم ہو جائے گی-

باغی ٹی وی : مرکزی سیکرٹری اطلاعات پیپلز پارٹی شازیہ مری نے میری ٹائم اینڈ سی پورٹ اتھارٹی کے قیام کی منظوری کے فیصلے پر ردعمل دیتے ہوئے کہا کہ وفاقی حکومت متواتر ایسے فیصلے کر رہی ہے جن کے حوالے سے اعتماد میں نہیں لیا جا رہا ، پاکستان میری ٹائم اینڈ سی پورٹ اتھارٹی کے قیام پر اعتماد میں نہیں لیا گیا، شاید مسلم لیگ ن کو اس بات کا ادراک نہیں ہے۔

ان کا کہنا تھا اتھارٹی کے قیام کے فیصلے پر حکومتِ سندھ اور پاکستان پیپلز پارٹی دونوں کو بے خبر رکھا گیا، جس دن حمایت ختم کر دیں گے وفاقی حکومت بھی ختم ہو جائے گی،کافی وقت سے یہ بھی مطالبہ کر رہے ہیں کہ مشترکہ مفادات کونسل کا اجلاس بلایا جائے، 11 ماہ گزر گئے تاحال مشترکہ مفادات کونسل کا اجلاس نہیں بلایا گیا، آئین کی مستقل اور کھلی خلاف ورزی کی جا رہی ہے۔

بھارت کو ایک اور دھچکا، چین نے لداخ کے اہم حصے اپنے نام کرلئے

واضح رہے کہ اس سے قبل پاکستان پیپلز پارٹی نے سندھ کے پانی اور نئی کینالز کے معاملے پر بھی وفاقی حکومت سے اپنے تحفظات کا اظہار کیا تھا اور چیئرمین پیپلز پارٹی کا کہنا تھا اگر مسلم لیگ ن نے کامیابی سے حکومت کرنی ہے تو فیصلے اتفاق رائے سے کرنے ہوں گے-

بھارتی کوسٹ گارڈ کا ہیلی کاپٹر تباہ،3 افراد ہلاک 2 زخمی

کراچی: شہر قائدمیں سال 2024 میں پکڑے جانے والے ہزاروں اسٹریٹ کرمنلز کو سزائیں نہ ہونے اور عدالت سے باعزت بری کئے جانے کا انکشاف ہوا ہے۔

باغی ٹی وی : رپورٹ کے مطابق ناقص تفتیش اور ناکافی شواہد کے باعث ہزاروں اسٹریٹ کرمنلز رہا کردیئے گئے 2024 میں اسٹریٹ کرائم کے 4571 کیسز کا فیصلہ سنایا گیا، 5 ضلعی عدالتوں میں محض71 کیسز میں ہی پراسکیویشن الزام ثابت کرنے میں کامیاب رہی، عد م شواہد کی بنا پر عدالتوں نے 4500 ملزمان کو باعزت بری کردیا۔

رپورٹ کے مطابق ملزمان کی بریت کا تناسب 92.5 فیصد اور سزاؤں کا تناسب محض 8.5 فیصد رہا 2024 میں ضلع جنوبی کی عدالتوں نے 527 کیسز کا فیصلہ سنایا، جن میں سے صرف 14 ملزمان کو سزائیں ہوئیں جبکہ 513 ملزمان باعزت بری ہوئے۔

وفاقی کابینہ میں آئندہ ہفتے توسیع کا فیصلہ

کراچی کی ضلع شرقی کی عدالتوں نے 1609 کیسز کا فیصلہ سنایا، جن میں سے صرف 37 کیسز میں سزائیں ہوئیں جبکہ 1572 ملزمان رہا ہوئےضلع غربی کی عدالتوں سے 318 کیسز کا فیصلہ سنایا گیا اور محض 5 کیسز میں ہی ملزمان کو سزائیں ہوسکیں اور 313 رہا کردیئے گئے۔

چھوٹے اور درمیانے درجے کے کاروبار معیشت میں ریڑھ کی ہڈی کی حیثیت رکھتے ہیں،شہباز شریف

رپورٹ کے مطابق ضلع وسطی کی عدالتوں نے717 کیسز کا فیصلہ سنایا، جہاں سے صڑف 7 کیسز میں ہی سزا سنائی جاسکیں اور 700 ملزمان رہا ہوئےضلع ملیر کی عدالتوں نےسب سے زیادہ 1400 کیسز کا فیصلہ سنایااور صرف 8 کیسز میں ہی ملزمان کو سزائیں دے سکی، جبکہ 1392 ملزمان باعزت بری ہوئےعدالتوں میں اسٹریٹ کرائم کے 3 ہزار کے قریب کیسز زیر التواء ہیں جن کا فیصلہ ہونا باقی ہے۔

جوبائیڈن کا اسرائیل کو 8 بلین ڈالرز کے ہتھیار فروخت کرنے کا معاہدہ

کراچی کے جناح ایئرپورٹ پر جنرل ایوی ایشن ایریا میں آوارہ کتوں کی بڑھتی ہوئی تعداد نے فلائٹ سیفٹی کے لیے سنگین خطرات پیدا کر دیے ہیں۔

آوارہ کتوں کی بہتات کی وجہ سے ، کتوں کا آزادانہ گھومنا ٹیکسی وے اور ایئرپورٹ کے دیگر حساس علاقوں میں پروازوں کی حفاظت کو متاثر کر رہا ہے۔میڈیا رپورٹس کے مطابق ذرائع کا کہنا ہے کہ آوارہ کتوں کی موجودگی اور ان کا ٹیکسی وے پر آزادانہ گھومنا خطرے کی گھنٹی ہے کیونکہ ان کتوں کا کسی بھی طیارے سے ٹکرا جانا فلائٹ سیفٹی کے لیے سنگین نتائج کا باعث بن سکتا ہے۔ اس کے علاوہ، اس علاقے میں مسلسل تربیتی طیاروں کی آمدورفت بھی جاری رہتی ہے، جس سے پروازوں کے آپریشن میں مزید مشکلات پیش آ رہی ہیں۔

گزشتہ شام ایک آوارہ کتا ایک طیارے سے ٹکرا جانے کے قریب پہنچ گیا تھا، جس کی وجہ سے جنرل ایوی ایشن ہینگر سے روانہ ہونے والی ایک پرواز کو حادثے کے خدشے کے پیش نظر منسوخ کرنا پڑا۔ یہ واقعہ اس بات کی نشاندہی کرتا ہے کہ آوارہ کتوں کی تعداد میں اضافے کی وجہ سے ایئرپورٹ پر پروازوں کے آپریشن میں مشکلات بڑھ گئی ہیں اور ایئرپورٹ کی انتظامیہ کے لیے صورتحال کو سنبھالنا ایک بڑا چیلنج بنتا جا رہا ہے۔

پاکستان ایئرپورٹس اتھارٹی کی جانب سے اس مسئلے کے حل کے لیے مؤثر اقدامات نہیں کیے گئے، اور اس کی ناکامی نے ایئرپورٹ کے مختلف علاقوں میں آوارہ کتوں کی موجودگی کو مزید بڑھا دیا ہے۔ ماضی میں آوارہ کتوں کو مرکزی رن وے پر بھی گھومتے ہوئے دیکھا گیا ہے، جس سے پروازوں کے دوران حادثات کا خطرہ بڑھ جاتا ہے۔ماہرین کا کہنا ہے کہ اگر اس مسئلے پر فوری توجہ نہ دی گئی تو یہ نہ صرف فلائٹ سیفٹی کے لیے خطرہ بنے گا بلکہ ایئرپورٹ کی مجموعی ساکھ کو بھی نقصان پہنچا سکتا ہے۔ اس صورتحال کو بہتر بنانے کے لیے پاکستان ایئرپورٹس اتھارٹی کو فوری طور پر آوارہ کتوں کی تعداد کو کنٹرول کرنے اور ان کی ایئرپورٹ کے اندر موجودگی کو روکنے کے لیے جامع حکمت عملی وضع کرنے کی ضرورت ہے۔

جج رخصت پر،اڈیالہ جیل میں جی ایچ کیو حملہ کیس کی سماعت ملتوی

ہم جنس پرستی کا پرچار،چین میں مشہور خواجہ سرا ڈانسر جن ژنگ کے شو منسوخ