Category: کراچی

سندھ نے وفاقی حکومت کے اداروں سے پانی کے چارجز کی مد میں 20 ارب روپے کے واجبات مانگ لیے۔

باغی ٹی وی کے مطابق سندھ اسمبلی کی پبلک اکائونٹس کمیٹی نے صوبے کے وفاقی اداروں پر 20 ارب روپے کے واجبات کی ادائیگی کے لیے ایڈیشنل چیف سیکرٹری بلدیات اور سی ای او واٹر بورڈ کو وفاقی حکومت کے متعلقہ اداروں کو خط لکھنے کی ہدایت کردی ہے۔پانی کے بلوں کی مد میں سندھ کے 20 ارب روپے کے واجبات کی ادائیگی کے لیے وفاقی حکومت کے مختلف اداروں کے متعلقہ حکام کو 21 جنوری کو پی اے سی میں طلب کیا گیا ہے۔چیئرمین پی اے سی نثار کھوڑو کے مطابق واٹر بورڈ کے 2016 سے پاکستان اسٹیل مل، سوئی سدرن گیس، پی ایس او، کے پی ٹی، پاکستان ریلوے،پی آئی اے، نیشنل شپنگ کارپوریشن ،پورٹ قاسم اتھارٹی، میرین فشریز، کنٹونمنٹ بورڈز، کراچی شپ یارڈ، پاکستان مشین ٹول فیکٹری ، کاٹن ایکسپورٹ کارپوریشن سمیت دیگر اداروں پر واٹر چارجز کی مد میں 20 ارب روپے سے زائد کے واجبات ہیں جو سندھ کو ادا نہیں کیے جا رہے۔نثار کھوڑو نے بتایا کہ پانی کے چارجز کی مد میں صرف اسٹیل ملز پر سندھ کے 10 ارب روپے کے واجبات ہیں۔ سندھ کو وفاقی حکومت کے اداروں سے پانی کے بلوں کی مد میں اپنے 20 ارب روپے کے واجبات کی ادائیگی چاہیے۔ وفاقی حکومت سندھ کو 20 ارب روپے کی واجبات کی ادائیگی سے محروم رکھ کر سندھ کے ساتھ زیادتی کر رہی ہے۔انہوں نے کہا کہ سندھ نے وفاقی اداروں کو پانی کی سہولت فراہم کی ہے مگر سندھ کو یہ وفاقی ادارے واجبات کی ادائیگی نہیں کر رہے ہیں۔وزیراعظم وفاقی حکومت کے ان اداروں کی جانب سے پانی کے بلوں کی مد میں سندھ کے 20 ارب روپے کی واجبات کی ادائیگی نہ ہونے کا نوٹس لیں۔ نثار کھوڑو نے کہاکہ وزیراعظم وفاقی حکومت کے ان اداروں کو پابند کریں کے سندھ کو واٹر چارجز کی مد میں 20 ارب روپے کی ادائیگی کی جائے۔ سندھ کو این ایف سی میں پورا حصہ نہیں دیا جا رہا تو دوسری طرف سندھ کو وفاقی ادارے واجبات بھی ادا نہیں کر رہے۔سندھ اپنا حق حاصل کرنے کے لیے پیچھے نہیں ہٹے گا۔چیئرمین پی اے سی نے کہاکہ سندھ کو اربوں روپے کے واجبات کی ادائیگی نہ کرکے معاشی طور پیچھے دھکیلا جا رہا ہے۔ وفاقی حکومت پاکستان بنانے والے صوبہ سندھ کے ساتھ ناروا سلوک نہ اپنائے۔سندھ ملک کو 70 فیصد ریونیو ادا کرنے والا صوبہ ہے۔نثار کھوڑو نے کہا کہ سندھ کو اربوں روپے کے واجبات کی ادائیگی سے محروم رکھنا صوبے کو معاشی طور پر کمزور کرنے کے مترداف ہوگا۔ سندھ کو معاشی طور پر کمزور کرنا ملک کو کمزور کرنے کے برابر عمل ہوگا۔ وفاقی حکومت اپنے اداروں سے سندھ کو پانی کے بلوں کی مد میں 20 ارب روپے کے واجبات دلوائے۔

دُھند کا راج برقرار، موٹر وے سیکشنز بند

کراچی، دھرنا و تصادم، 300افراد کیخلاف دہشتگردی کا مقدمہ درج

نیا سال کراچی کی تعمیر و ترقی کا سال ثابت ہوگا ،مرتضیٰ وہاب

کراچی کی نمائش چورنگی پر دھرنا اور پولیس سے تصادم کرنے والے 300 سے زیادہ افراد کے خلاف مقدمہ درج کرلیا گیا ہے، جس میں دہشت گردی کی دفعات بھی شامل ہیں۔

باغی ٹی وی کے مطابق نمائش چورنگی پر دھرنا مظاہرین کے پولیس کے ساتھ تصادم کامقدمہ سولجربازار تھانے میں درج کرلیا گیا ہے، جس میں 5 نامزد اور300 نامعلوم افرادکے خلاف ہنگامہ آرائی، اقدام قتل، بلوہ، انسداد دہشت گردی اور پولیس پرحملے کی دفعات شامل کی گئی ہیں۔مقدمے کے متن کے مطابق مشتعل مظاہرین نے پولیس پرلاٹھیوں اورپتھروں سے حملہ کیا۔ مشتعل مظاہرین نے پولیس پر فائرنگ بھی کی۔ شرپسندوں نے سب انسپکٹر راجا خالد سمیت 6 پولیس اہلکاروں کو زخمی کیا۔ تصادم کے دوران پتھرا سے پولیس موبائل کونقصان ہوا، اور متعدد موٹر سائیکلیں جلائی گئیں۔دوسری طرف پولیس نے نمائش چورنگی سے گرفتار ہونے والے کم عمر لڑکوں سمیت 19 ملزمان کو عدالت میں پیش کردیا عدالت نے تفتیشی افسر کی جانب سے ملزمان کے جسمانی ریمانڈ کی استدعا مسترد کردی.عدالت نے ملزمان کو عدالتی ریمانڈ پر جیل بھیجنے کا حکم دے دیا.تفتیشی افسر کی جانب سے ملزمان کے جسمانی ریمانڈ کی استدعا کی گئی .

اقوام متحدہ سلامتی کونسل میں پاکستان کی نئی اننگ کا آغاز

نیا سال کراچی کی تعمیر و ترقی کا سال ثابت ہوگا ،مرتضیٰ وہاب

میئر کراچی بیرسٹر مرتضیٰ وہاب نے کہا ہے کہ نیا سال کراچی کی تعمیر و ترقی کا سال ثابت ہوگا اور عوام کے دیرینہ مسائل اس سال حل ہوں گے اور شہر ترقی کی راہ پر گامزن ہوگا.

کراچی کے کئی ترقیاتی منصوبے تکمیل کے مراحل میں ہیں اور کئی منصوبوں کے ٹینڈرز جاری کئے جاچکے ہیں جن پر کام کا آغاز اس ماہ کے آخر تک شروع ہوگا، ان خیالات کا اظہار میئر کراچی بیرسٹر مرتضیٰ وہاب نے باغ ابن قاسم کلفٹن میں ثقافتی پروگرام میں مہمان خصوصی کی حیثیت سے خطاب کرتے ہوئے کیا، سٹی کونسل کے پارلیمانی لیڈر کرم اللہ وقاصی، ڈپٹی پارلیمانی لیڈر دل محمد، پیپلزپارٹی کے مقامی رہنما بھی ان کے ہمراہ تھے، نئے سال کا آغاز ہوتے ہی آتش بازی کا شاندار مظاہرہ کیا گیا جس سے پروگرام میں موجود ہزاروں شہری محظوظ ہوئے، میئر کراچی نے کہا کہ عوام کراچی کو بہتر ہوتا ہوا دیکھنا چاہتی ہے جہاں روشنی ، محبت ، رواداری، موسیقی، ہلا گلا ہو اور لوگ زندگی کی خوشیوں سے لطف اندوز ہوں، انہوں نے کہا کہ ہم سب کو اپنے شہر کی تعمیر و ترقی کے لئے دعائوں کے ساتھ ساتھ کوششیں بھی کرنی چاہئے، انہوں نے کہا کہ آج کے پروگرام میں مختلف قومیتوں کو لوگ موجود ہیں اور کراچی ایک ایسا گلدستہ ہے جس میں ہر رنگ و نسل کے پھول موجود ہیں اور یہی اس شہر کی پہچان ہے، میئر کراچی نے کہا کہ چیئرمین بلاول بھٹو زرداری کے وژن کے مطابق کراچی کو ایک بار پھر امن کا گہوارہ بنانا ہے ، روشنیوں کا شہر بنانا ہے، اخوت، مساوات، بھائی چارگی کو فروغ دینا ہے، انہوں نے کہا کہ کراچی کی عوام نے پیپلزپارٹی پر جو اعتماد کیا ہے، اس پر ہم انشاء اللہ پورا اتریں گے اور عوام کو مایوس نہیں کریں گے، میئر کراچی نے کہا کہ اس سال کے ایم سی مالی لحاظ سے اپنے پائوں پر کھڑی ہوگی اور جو ترقیاتی منصوبے شروع کئے گئے ہیں ان کے فنڈز ہمارے پاس موجود ہیں اور ان منصوبوں کو وقت مقررہ پر مکمل بھی کریں گے، انہوں نے کہا کہ ملیر ایکسپریس وے کا فیز ون اسی ماہ شہریوں کے لئے کھول دیا جائے گا، اسی طرح اس سال میں حب سے کنال کے ذریعے پانی کی سپلائی بھی شروع ہوجائے گی اور ضلع غربی اور وسطی میں پانی کی فراہمی کی صورتحال میں نمایاں اضافہ ہوگا، کریم آباد انڈرپاس پر کام کی رفتار کو تیز کیا گیا ہے تاکہ وہ وقت مقررہ پر مکمل ہوسکے، میئر کراچی نے اس موقع پر پروگرام میں موجود ہزاروں شہریوں کو اپنی جانب سے نئے کی مبارکباد پیش کی ، پروگرام میں مختلف فن کاروں نے اپنے فن کا زبردست مظاہرہ کیا۔

سال 2024:سندھ پولیس کی سالانہ رپورٹ پیش

پاکستان اور بھارت کے درمیان قیدیوں کی فہرستوں کا تبادلہ

اسکیننگ کے بعد واٹس ایپ پر ریورس امیج فیچر کی تیاری

محکمہ موسمیات نے کہا کہ کراچی میں ہفتے کے روز سردی کی شدت دوبارہ بڑھنے کی توقع ہے۔

باغی ٹی وی کے مطابق محکمہ موسمیات نے کہا کہ کراچی میں ہفتے کے روز سردی کی شدت دوبارہ بڑھنے کی توقع ہے، آج ملک میں داخل ہونے والا سلسلہ بلوچستان میں بارش کا سبب بن سکتا ہے، سسٹم کے بلوچستان سے اخراج کے بعد کراچی سرد ہواں کی زد میں آسکتا ہے۔
کراچی میں اگلے دوروز کے دوران سردی کی شدت میں معمولی کمی کا امکان ہے، کم سے کم پارہ 13 ڈگری/ زیادہ سے زیادہ 27 ڈگری تک ریکارڈ ہوسکتا ہے۔بیان میں کہا گیا کہ کراچی میں سردی کی نئی لہر کے دوران کم سے کم پارہ سنگل ڈیجیٹ میں 6 ڈگری ریکارڈ ہوسکتا ہے، سردی کی نئی لہرایک ہفتے تک برقرار رہ سکتی ہے۔چیف میٹرولوجسٹ کراچی سردارسرفراز نے کہا کہ کراچی میں سابقہ ریکارڈ ٹوٹنے کا کوئی امکان نہیں ہے، جنوری 1934 میں پارہ صفر ریکارڈ ہوچکا ہے.

برآمدات میں 10.52 فیصد کا اضافہ

پاک بحریہ کا کامیاب آپریشن، 1 ملین ڈالر کی منشیات برآمد

پاکستان نیوی کے بحری جہاز معاون نے شمالی بحیرہ عرب میں انسداد منشیات کے آپریشن کے دوران منشیات کا بڑا ذخیرہ قبضے میں لے لیا۔

ترجمان پاک بحریہ کے مطابق برآمد شدہ منشیات کی بین الاقوامی مارکیٹ میں مالیت تقریبا 1 ملین امریکی ڈالر ہے، یہ کھیپ سمندر کے راستے بین الاقوامی مقامات تک پہنچائی جا رہی تھی۔ترجمان کے مطابق آپریشن میں شریک نیول فضائی اثاثوں کی مدد سے پی این ایس معاون نے مشکوک کشتی پر کامیابی سے بورڈنگ آپریشنز کر کے منشیات قبضے میں لے لیں جو کشتی کے خفیہ خانوں میں چھپائی گئی تھیں۔پاک بحریہ کی سمندری ہمہ وقت نگرانی، پیشہ ورانہ مہارت اور سمندر میں امن و سلامتی کو یقینی بنانے کے لیے تمام غیر قانونی سرگرمیوں کو روکنے کے عزم کا مظہر ہے۔

سعودی عرب میں 6 ایرانیوں کے سر قلم

تنگوانی: چوروں کا دھاوا، صرافہ مارکیٹ سے لاکھوں کی چوری، پولیس کی غفلت پر ہڑتال

کراچی: ڈائریکٹر جنرل سول ایوی ایشن اتھارٹی نادر شفیع ڈار نےتربیت یافتہ پاکستانی پائلٹس کو ایکسپورٹ کرنے کا اعلان کر دیا۔

باغی ٹی وی: نجی خبررساں ادارے کے مطابق نادر شفیع ڈار نے کہا کہ ہمارے ریجن کے اندر کاک پٹ پائلٹس کی انتہائی کمی ہے، سی اے اے نے اس معاملے پر کام شروع کردیا ہے پاکستانی ہوابازی کی صنعت کو جتنے کپتانوں کی ضرورت ہے وہ تیار کیے جا رہے ہیں جو پاکستانی ایئرلائنز کی ضرورت سے زائد ہوں گے ان کی خدمات غیر ملکی ایئرلائنز کو دی جائیں گی۔

نادرشفیع ڈارکے مطابق دو بین الاقوامی کمپنیوں نے منصوبے کے حوالے سے اپنی دلچسپی دکھائی، ایک انٹرنیشنل کمپنی نے فیز1 پر کام شروع کردیا اور گراؤنڈ ٹریننگ دینے کا آغاز بھی کردیا ہے، غیر ملکی کمپنی نے پاکستان سے نوجوانوں کو شارٹ لسٹ کیا اور بعدازاں ان کو شارجہ میں اپنی اکیڈمی لے جا کر ایئرکرافٹس پر فلائٹ ٹریننگ دی، تربیت مکمل کرنے والے 8 پائلٹس نے پاکستان کی نجی ایئرلائنز میں کام بھی شروع کردیا۔

ائیر وائس مارشل عامر حیات دوبارہ قائم مقام سی ای او پی آئی اے تعینات

اب نئے پلان کے تحت سی اے اے نے ٹریننگ کاک پٹ سے کمرشل کاک پٹ تک کمپنیر نے معاہدے کر لیے، معاہدے کے تحت کمپنیر پہلے ٹریننگ کراتی ہیں اور پھر کمرشل ایئرلائن جوائن کر دیتے ہیں، ٹریننگ اکیڈمیز کے پاکستان آنے کے بعد ہماری کوشش ہوگی کہ ان نوجوانوں کو فائنانس کریں، لوکل فلائنگ کلبز کو بھی پاکستان میں اپنی صلاحتیں بڑھانے کی درخواست کی ہے، اس عمل سے ملک میں ایوی ایشن انڈسٹری کو ترقی ہوگی، نئے پائلٹس کو بنانے کے لیے ابتدائی فلائنگ گھنٹے مکمل کرنے میں ایک سے ڈیڑھ کروڑ روپے کی لاگت آتی ہے۔

کُرم کشیدگی: کوہاٹ گرینڈ جرگے میں فریقین نے امن معاہدے پر دستخط کر دیئے

کراچی: وزیرِ داخلہ سندھ ضیاء لنجار نے کہا ہے کہ پارا چنار واقعے پر ہم سب کو افسوس ہے، وہاں امداد بھی بھیجی ہے، کے پی کی حکومت کو پاراچنار کا مسئلہ حل کرنا چاہیے۔

باغی ٹی وی : کراچی میں دھرنوں کے حوالے سے وزیرِ داخلہ سندھ، آئی جی سندھ اور کراچی پولیس چیف نے پریس کانفرنس کی،اس موقع پر وزیرِ داخلہ سندھ ضیاء لنجار نے کہا کہ ایک ہفتے سے جو حالات ہیں، سڑکیں بلاک ہیں،25 تاریخ سے ابتک کے حالات سب کے سامنے ہیں کراچی کے عوام شکایات کر رہے تھے کہ سڑکیں بلاک تھیں لوگ اسپتالوں تک نہیں جاپا رہے تھے یقینا پارا چنار واقعہ پر سب کو افسوس ہے-

انہوں نے کہا کہ وزیر اعلی کی ہدایت پر ادویات اور اشیا خوردونوش بھی بھجوائیں وہاں جن کا جان و مال کا نقصان ہوا ہے اس پر غم زدہ ہیں، ہم مطالبہ کرتے ہی وہاں کے حالات بہتر کیے جائیں اس کا مطلب یہ نہیں کہ یہاں بدامنی پھیلائی جائے، قانون نافذ کرنے والے اداروں اور عوام کو نقصان پہنچایا جائے،اگر مظاہرین پُرامن تھے تو 8 موٹر سائیکلیں کیسے جلیں؟ 8 پولیس اہلکار زخمی کیسے ہوئے؟-

پائلٹ کی عقلمندی، طیارہ حادثے کا شکار ہونے سے بال بال بچ گیا

وزیر داخلہ سندھ نے کہا کہ سندھ حکومت ان کے غم میں شریک ہے ، احتجاج ریکارڈ ہوگیا ایک دن دو دن، تمام عہدیدار ان سے ملاقاتیں بھی کر رہے تھے، انہیں کہا گیا کہ ایک جگہ فراہم کرتے ہیں وہاں احتجاج کیا جائے، کراچی میں مختلف مکتب فکر کے لوگ آباد ہیں، ہمارے وزرا اور دیگر آفیشل سمیت کراچی پولیس چیف ان سے ملاقاتیں کرتے رہے،سعید غنی، مرتضی وہاب ، ناصر شاہ نے جو پیشکش کی وہ ٹھکرا دی گئی-

خواتین کیلیے خوشخبری،بینظیر کفالت سہہ ماہی قسط کی رقم بڑھا دی گئی