Category: کراچی

قانون ہونے کے باوجود سندھ میں چائلڈ لیبر میں اضافہ کا انکشاف ہوا ہے .

محکمہ اسکول ایجوکیشن کی رپورٹ کے مطابق چائلڈ لیبر کی سب سے کم شرح کراچی میں 2.38 فیصد اور زیادہ شرح قمبر شہدادکوٹ میں 30.8 فیصد ہے۔ کراچی میں 2.38 فیصد ، حیدرآباد میں 4.5 فیصد ، عمرکوٹ میں 21 فیصد چائلڈ لیبر ہے۔رپورٹ کے مطابق سانگھڑ میں 25.7 فیصد ، جیکب آباد میں 12.4 فیصد ، مٹیاری میں 13.6 فیصد چائلڈ لیبر ہے۔سکھر میں 8.6 فیصد ، ٹنڈومحمد خان میں 20.3 فیصد ، ٹنڈوالہیار میں 4.7 فیصد چائلڈ لیبر ہے اسی طرح جامشورو میں 11.4 فیصد ، نوشہروفیروز میں 4 فیصد ، میرپورخاص میں 15.9 فیصد چائلڈ لیبر ہے۔لاڑکانہ میں 7.6 فیصد ، قمبر شہدادکوٹ میں 30.8 فیصد ، گھوٹکی میں 17.6 فیصد چائلڈ لیبر ہے جبکہ خیرپور میں 9 فیصد ، شکارپور میں 20.2 فیصد ، تھرپارکر میں 29 فیصد چائلڈ لیبر اوربدین میں 7.2 فیصد ، سجاول میں 11.2 فیصد ، ٹھٹھہ میں میں 23 ۵فیصد چائلڈ لیبر ہے۔ کشمور میں 5 فیصد ، دادو میں 3.2 فیصد ، نوابشاہ میں 8.2 فیصد چائلڈ لیبر رپورٹ کی گئی ہے۔

ملک میں انٹرنیٹ ایک بار پھر سست روی کا شکار

تیونس میں تارکین وطن کی کشتی الٹنے سے 27 افراد ہلاک

ایف آئی نے انسانی اسمگلنگ میں ملوث منظم گینگ بے نقاب کر دیا

ایف آئی اے امیگریشن نے کراچی ایئرپورٹ پر بڑی کارروائی کرتے ہوئے انسانی اسمگلنگ میں ملوث منظم گینگ کو بے نقاب کردیا۔

باغی ٹی وی کے مطابق ایف آئی اے امیگریشن نے کراچی ایئرپورٹ پر بڑی کارروائی کرتے ہوئے بیرون ملک سے آنے والے 2 مسافروں کو حراست میں لے لیا ہے، حراست میں لیے گئے مسافروں میں فیصل احسان اور نعیم احمد شامل ہیں۔ملزم فیصل احسان نے غیر قانونی طریقے سے لیبیا سے یورپ جانے کی کوشش کی جب کہ ابتدائی تفتیش کے مطابق ملزم نے یورپ جانے کے لیے ندیم اور عمیر نامی ایجنٹوں سے رابطہ کیا، گرفتار ہونے والا ملزم نعیم احمد ایجنٹوں کا بھائی ہے۔ملزم نعیم احمد پہلے سے ہی لیبیا میں رہائش پزیر تھا، ایجنٹوں نے متاثرہ فیصل احسان کو وزٹ ویزے پر دبئی بھجوایا جب کہ مذکورہ ایجنٹوں نے بعد ازاں ملزم کو دبئی سے لیبیا بھجوایا اور مسافر کو بعد ازاں لیبیا سے اٹلی سمندری راستے سے پہنچانے کے معاملات طے کیے۔ایجنٹوں نے اپنے جال میں پھنسانے کے لئے بڑے بحری جہازوں پر یورپ بھجوانے کا جھانسہ دیا، ایجنٹوں نے بحری جہازوں کی ویڈیوز بھی بھجوائیں جب کہ ملزم نے مجموعی طور پر 46 لاکھ روپے مذکورہ ایجنٹوں کو ادا کیے۔ملزم کو دیگر متاثرین کے ساتھ لیبیا سے اٹلی کشتی کے ذریعے بھجوانے کی کوشش کی تاہم کشتی حادثہ کا شکار ہوگئی اور کشتی میں سوار شہریوں کو لیبیا کوسٹ گارڈ کے اہلکاروں نے ریسکیو کرکے جیل منتقل کردیا.ایجنٹوں نے لیبیا میں رہائی کے لئے بھی بھاری رقوم وصول کی اور بعد ازاں مزید رقوم وصول کر کے پاکستان بھجوایا جب کہ ملزمان کو کراچی ایئرپورٹ پہنچنے پر ایف آئی اے امیگریشن نے تحویل میں لے لیا ہے۔ایف آئی اے کے مطابق ملزمان کو مزید قانونی کارروائی کے لئے انسدادِ انسانی اسمگلنگ سرکل کراچی منتقل کرکے تفتیش کا آغاز کردیا گیا ہے، منظم گینگ لیبیا میں شہریوں کو یرغمال بنانے میں ملوث ہے جب کہ گرفتار ملزم کے مطابق لیبیا میں متاثرین کو مختلف ٹارچر سیل میں رکھ کر تشدد کیا جاتا ہے۔
ایف آئی اے امیگریشن حکام کے مطابق انسانی اسمگلرز رہائی کے لئے تاوان بھی وصول کرنے میں ملوث ہیں، شہریوں سے گزارش کی جاتی ہے کہ بیرون ملک جانے کے لئے ہمیشہ متعلقہ ملک کی ایمبیسی سے رابطہ کریں اور اپنے ذاتی دستاویزات غیر متعلقہ شخص کے حوالے نہ کریں۔

نمائش چورنگی کے اطراف پولیس کی گاڑی، اہلکاروں پرمزید حملوں کا انکشاف

عاقب جاوید کی ٹیسٹ اور وائٹ بال ٹیم کو الگ الگ کرنے کی حمایت

برطانیہ کیلئے پی آئی اے کی پروازیں فروری تک چلنے کا امکان

ملک میں پٹرولیم مصنوعات کی فروخت میں جاری مالی سال کے پہلے 6 ماہ میں سالانہ بنیادوں پر 4 فیصد کی نمو ریکارڈکی گئی ہے۔

انڈسٹری کے اعدادوشمار کے مطابق مالی سال کے پہلے 6 ماہ میں ملک میں 8.03 ملین ٹن پٹرولیم مصنوعات کی فروخت ریکارڈ کی گئی جو گزشتہ مالی سال کی اسی مدت کے مقابلہ میں 4 فیصد زیادہ ہے۔گزشتہ مالی سال کی اسی مدت میں ملک میں 7.68 ملین ٹن پٹرولیم مصنوعات کی فروخت ریکارڈکی گئی ۔ دسمبر میں 1.28 ملین ٹن پٹرولیم مصنوعات کی فروخت ہوئی جو نومبر کے 1.58 ملین ٹن کے مقابلہ میں 19 فیصد کم ہے۔دسمبر 2023 کے مقابلہ میں دسمبر 2024 میں پٹرولیم مصنوعات کی فروخت میں سالانہ بنیادوں پر 3 فیصد کا اضافہ ہوا ۔ دسمبر 2023 میں 1.24 ملین ٹن پٹرولیم مصنوعات کی فروخت ہوئی جو دسمبر 2024 میں بڑھ کر 1.28 ملین ٹن ہو گئی۔اعدادوشمار کیمطابق مالی سال کے پہلے 6 ماہ میں پٹرول کی فروخت کا حجم 3.75 ملین ٹن ، ہائی سپیڈ ڈیزل 3.40 ملین ٹن اور فرنس آئل کی فروخت کا حجم 0.35 ملین ٹن ریکارڈکیاگیا۔ گزشتہ مالی سال کی اسی مدت میں 3.57 ملین ٹن پٹرول ، 3.16 ملین ٹن ہائی سپیڈ ڈیزل اور 0.56 ملین ٹن فرنس آئل کی فروخت ریکارڈکی گئی تھی۔مالی سال کے پہلے 6 ماہ میں پی ایس او کی پٹرولیم مصنوعات کا حجم 3.69 ملین ٹن، اٹک پٹرولیم 0.69 ملین ٹن ، شیل 0.58 ملین ٹن اور حیسکول کی پٹرولیم مصنوعات کا حجم 0.03 ملین ٹن ریکارڈکیاگیا۔

سعودی عرب جانے والے مسافرسے ہیروئن برآمد

پاکستان اور بنگلہ دیش کی افواج کے مابین تربیتی معاہدہ، بھارت کو تشویش

کراچی: سربراہ اہل سنت والجماعت مولانا اورنگزیب فاروقی نے کہا کہ ہمارا مطالبہ ہے پوری کرم ایجنسی میں فوجی آپریشن کیا جائے۔

باغی ٹی وی: لسبیلہ چوک پر اہل سنت والجماعت کے مرکزی رہنماؤں نے اہم پریس کانفرنس کی، مرکزی صدر اہل سنت والجماعت پاکستان مولانا اورنگزیب فاروقی نے کہا کہ ہمارے دھرنوں کا مقصد پارا چنار کرم کا مسئلہ تھا، ہمیں تو پہلے یہ سوچنا چاہیے کہ کرم میں ظالم کون اور مظلوم کون ہے،کرم ایجنسی میں تین سب ڈویژن ہیں، دو سب ڈویژن میں اہل سنت برادری کی بڑی تعداد موجود ہے۔

انہوں نے کہا کہ آج تک اپر کرم میں فوجی آپریشن نہیں ہوا، کرم ایجنسی میں بشیرہ گاؤں ہے جہاں شدت پسندوں نے حملہ کیا، ہمارے بچوں، عورتوں اور نوجوانوں کو قتل کیا گیا، ہمارے کانوائے پر حملہ کیا گیا، بگن گاؤں کو پورا جلا دیا گیا، بگن گاؤں کو لوٹا گیا، بچوں کو ذبح کیا گیا، عورتوں کی عزتوں کو لوٹا گیا، کرم ایجنسی میں مساجد کو جلایا گیا، قرآن پاک کی بے حرمتی کی گئی، میں صحافیوں کو دعوت دیتا ہوں، آئیں میرے ساتھ کرم ایجنسی چلیں۔

مریم نواز مساوی بنیادوں پر ترقیاتی منصوبوں پر عمل کرا رہی ہیں،مریم اورنگزیب

مولانا اورنگزیب فاروقی نے کہا کہ ہماری ایپکس کمیٹی نے فیصلہ کیا کہ کرم ایجنسی سے اسلحہ جمع کیا جائے، کچھ لوگوں نے وہ اسلحہ دینے سے انکار کردیا اور اپنے آپ کو مظلوم ظاہر کیا، شہر کراچی بند کردیا، لوگوں کی زندگی مفلوج کردی، کچھ لوگوں نے غیر ملکی اسلحہ چھپانے کے لیے دھرنوں کی آڑ لی، میں کہتا ہوں یہ ملک کو بدنام کرنے کے لیے پوری سوچی سمجھی سازش ہے، یہ لوگ پاکستان کو عراق اور شام بنانا چاہتے ہیں۔

مولانا اورنگزیب فاروقی نے کہا کہ پی ٹی آئی کی اتحادی اور خیبرپختونخوا حکومت میں شامل مجلس وحدت المسلمین نے کراچی کو جام کیا، کراچی لاوارث نہیں کسی کو بدمعاشی کی اجازت نہیں دیں گے، شام کی تنظیم کے جھنڈے پارہ چنار میں لہرائے گئے، کراچی میں دھرنے ختم نہیں مؤخر کر رہے ہیں۔

ہم سوشل میڈیا پلیٹ فارمز بند کر سکتے ہیں، سست نہیں کر سکتے،چیئرمین پی ٹی اے

مولانا اورنگزیب فاروقی نے کہا کہ انہوں نے پاکستانی پرچم کو پاؤں تلے روندا، ہمارے بزرگوں نے اس ملک پاکستان کو بڑی قربانیاں دینے کے بعد حاصل کیا، ایم کیو ایم کے لوگوں نے پاکستان کے پرچم کی بے حرمتی کی، پی ٹی آئی نے نو مئی کو پاکستانی پرچم کی بے حرمتی کی، جنہوں نے اس ملک سے غداری کی آج ملک میں ان کا حال کیا وہ پاکستانی عوام کے سامنے ہے، انہوں نے پاکستان میں غیر ملکی کالعدم تنظیموں کا پرچم لہرایا ہےانہوں نے اس ملک پاکستان سے غداری کی ہےہمارا مطالبہ ہے پوری کرم ایجنسی میں فوجی آپریشن کیا جائے۔

گلوکار ارمان ملک اور فیشن بلاگر آشنا شروف نے شادی کر لی

پاکستان بالخصوص صوبہ سندھ میں زرعی شعبے کی ترقی کے لیے ایک اہم قدم کے طور پر، ساتویں زراعت شماری 2024 مربوط ڈیجیٹل گنتی کا سرکاری طور پر افتتاح کیا گیا۔

باغی ٹی وی کے مطابق صوبائی وزیر برائے لائیواسٹاک اینڈ فشریز محمد علی ملکانی نے کسانوں کی بہتری, مویشیوں کی پیداواری صلاحیتوں میں اضافے اور فوڈ سیکیورٹی کے لیے انقلابی قدم قرار دیا. سندھ سیکریٹریٹ کراچی میں منعقدہ اس تقریب میں اہم شخصیات نے شرکت کی، جن میں وزیر برائے لائیو اسٹاک اور فشریز محمد علی ملکانی، وزیر برائے منصوبہ بندی و ترقیات اور توانائی سید ناصر حسین شاہ اور چیف اسٹیٹسٹیشن، پاکستان بیورو آف اسٹیٹکس (PBS)، ڈاکٹر نعیم الظفر شامل تھے۔تقریب میں مختلف صوبائی محکموں کے سیکریٹریز، ڈائریکٹر جنرلز اور دیگر افسران نے بھی شرکت کی۔اپنے کلیدی خطاب میں ڈاکٹر نعیم الظفر نے اس زراعت شماری کی تبدیلی کی اہمیت کو اجاگر کرتے ہوئے کہا، "یہ صرف ایک ڈیٹا اکٹھا کرنے کی مشق نہیں ہے، بلکہ یہ شواہد پر مبنی فیصلے کرنے کی بنیاد ہے جو ہمارے زرعی شعبے کو پائیدار ترقی کی طرف لے جائے گی۔پہلی بار، ہم ایک مربوط اور مکمل طور پر ڈیجیٹل طریقہ اختیار کر رہے ہیں، جس میں زرعی، لائیو اسٹاک اور مشینری کے شمار کو ایک جامع آپریشن میں ضم کیا گیا ہے۔زراعت شماری کے مقاصد کو بیان کرتے ہوئے، ڈاکٹر نعیم الظفر نے مزید کہا، "یہ زراعت شماری پاکستان کے زرعی ڈھانچے، فصلوں کے نمونوں، لائیو اسٹاک کی آبادی، اور مشینری کے رجحانات کے بارے میں اہم معلومات فراہم کرے گی۔جدید آلات جیسے کہ ٹیبلٹ پر مبنی ڈیٹا کلیکشن، جی آئی ایس ڈیش بورڈز، اور ریئل ٹائم مانیٹرنگ کا استعمال درستگی، اعتماد اور بروقت ڈیٹا کی فراہمی کو یقینی بناتا ہے۔ یہ منصوبہ بین الاقوامی بہترین طریقوں اور فوڈ اینڈ ایگریکلچر آرگنائزیشن (FAO) کے رہنما اصولوں کے مطابق ہے۔انہوں نے تیاریوں کی تفصیل بتاتے ہوئے کہا کہ سندھ میں 1,695 زراعت شماری کنندگان اور نگرانوں کو 30 مقامات پر تربیت دی گئی ہے تاکہ ڈیٹا کے معیار کو یقینی بنایا جا سکے۔انہوں نے سندھ کی زرعی معیشت میں اہم کردار کی بھی تعریف کی, جس میں 82 لاکھ ایکڑ قابلِ کاشت زمین شامل ہے اور کپاس، چاول، گنا، اور گندم جیسی اہم فصلیں پیدا کی جاتی ہیں۔تقریب میں، وزیر برائے لائیو اسٹاک اور فشریز، محمد علی ملکانی نے اپنے خطاب میں کہا، "یہ زراعت شماری ہمارے زرعی طریقوں کو جدید بنانے اور خوراک کی یقین دہانی، ماحولیاتی بحران، اور دیہی ترقی کے چیلنجز سے نمٹنے کے لیے ایک تاریخی قدم ہے۔سندھ کا زرعی شعبہ اس کی معیشت کی ریڑھ کی ہڈی ہے، جو ہماری 37 فیصد آبادی کو سہارا دیتا ہے۔ اس زراعت شماری سے حاصل ہونے والی معلومات پالیسی سازوں کو بہتر فیصلے کرنے اور پائیدار ترقی کو آگے بڑھانے کے قابل بنائے گی۔وزیر نے وفاقی اور صوبائی حکومتوں، تعلیمی اداروں، اور دیگر متعلقہ شراکت داروں کی مشترکہ کاوشوں کی تعریف کی۔ انہوں نے کہا، "ہم جو ڈیٹا اکٹھا کریں گے، اس کے دور رس اثرات ہوں گے، جو کسانوں کی بہتری، پیداواری صلاحیت میں اضافہ، اور خوراک کی حفاظت کو مضبوط بنائیں گے۔سید ناصر حسین شاہ، وزیر برائے منصوبہ بندی و ترقیات اور توانائی نے بھی تقریب سے خطاب کیا اور کہا، "ہماری حکومت جدید طریقوں کے ذریعے زرعی شعبے کو درپیش چیلنجز سے نمٹنے کے لیے پرعزم ہے۔ یہ زراعت شماری اس وژن کو پورا کرنے کی ایک اہم کڑی ہے۔تقریب میں موجود صحافیوں نے معززین سے سوالات کیے، جن میں گزشتہ 16 سال سے زراعت شماری کے نہ ہونے کی وجوہات اور موجودہ شماریات کی درستگی، مطابقت اور کارکردگی پر سوالات شامل تھے، خاص طور پر ماحولیاتی بحران کے تناظر میں۔فیلڈ آپریشنز یکم جنوری سے 10 فروری 2025 تک جاری رہیں گے، جبکہ حتمی نتائج اگست 2025 تک متوقع ہیں۔ یہ منصوبہ وفاقی اور صوبائی حکومتوں کے درمیان تعاون اور ٹیکنالوجی کے ذریعے گورننس کو بہتر بنانے اور زرعی شعبے کی پائیدار ترقی کے لیے ایک اہم سنگ میل ہے۔

مجلس وحدت مسلمین کا ملک بھر میں دھرنے ختم کرنے کا اعلان

سندھ نے وفاقی اداروں سے پانی کے 20 ارب مانگ لیے

دُھند کا راج برقرار، موٹر وے سیکشنز بند

مجلس وحدت مسلمین کے سربراہ علامہ راجہ ناصر عباس نے پریس کانفرنس میں ملک بھر میں جاری دھرنے ختم کرنے کا اعلان کیا۔

باغی ٹی وی کے مطابق راجہ ناصر عباس نے کہا کہ گزشتہ کئی ماہ سے کرم ضلع کے راستے بند تھے، جس سے یہ علاقہ شدید مشکلات کا شکار تھا۔ ادویات کی فراہمی رک جانے سے لوگ مر رہے تھے اور علاقے کا منظر غزہ جیسا بن چکا تھا۔علامہ راجہ ناصر عباس نے بتایا کہ حکومتوں کی جانب سے کوئی توجہ نہیں مل رہی تھی، اس لیے احتجاج کا آغاز کیا گیا، جس کے دوران کراچی سے لے کر گلگت بلتستان تک دھرنے جاری تھے۔عالمی سطح پر بھی ان مظاہروں کی آواز سنی گئی، جن میں خواتین، بچوں اور بوڑھوں نے بھی حصہ لیا، انہوں نے کراچی میں امن پسند لوگوں پر گولیاں چلانے کی مذمت کی۔سربراہ ایم ڈبلیو ایم نے کہا کہ شبیہ حیدر زیدی سمیت کسی کا خون ضائع نہیں ہونے دیں گے۔ انہوں نے اہل تشیع اور اہل سنت کے ساتھ ساتھ میڈیا کا بھی شکریہ ادا کیا۔علامہ راجہ ناصر عباس نے مزید کہا کہ صوبائی حکومت نے نیو ایئر نائٹ پر جشن منانے کی بجائے لاشیں گرائیں، اور کوہاٹ میں دونوں فریقین کے درمیان معاہدے پر دستخط ہو چکے ہیں۔آخر میں علامہ راجہ ناصر عباس نے دھرنے ختم کرنے کا اعلان کرتے ہوئے کہا کہ ہفتہ کے روز ستر سے اسی گاڑیاں راشن اور ادویات لے کر کرم جائیں گی اور پہلا کانوائے پہنچنے تک لوگ دھرنے پر بیٹھے رہیں گے۔

سندھ نے وفاقی اداروں سے پانی کے 20 ارب مانگ لیے

دُھند کا راج برقرار، موٹر وے سیکشنز بند

کراچی، دھرنا و تصادم، 300افراد کیخلاف دہشتگردی کا مقدمہ درج

اقوام متحدہ سلامتی کونسل میں پاکستان کی نئی اننگ کا آغاز

سندھ نے وفاقی حکومت کے اداروں سے پانی کے چارجز کی مد میں 20 ارب روپے کے واجبات مانگ لیے۔

باغی ٹی وی کے مطابق سندھ اسمبلی کی پبلک اکائونٹس کمیٹی نے صوبے کے وفاقی اداروں پر 20 ارب روپے کے واجبات کی ادائیگی کے لیے ایڈیشنل چیف سیکرٹری بلدیات اور سی ای او واٹر بورڈ کو وفاقی حکومت کے متعلقہ اداروں کو خط لکھنے کی ہدایت کردی ہے۔پانی کے بلوں کی مد میں سندھ کے 20 ارب روپے کے واجبات کی ادائیگی کے لیے وفاقی حکومت کے مختلف اداروں کے متعلقہ حکام کو 21 جنوری کو پی اے سی میں طلب کیا گیا ہے۔چیئرمین پی اے سی نثار کھوڑو کے مطابق واٹر بورڈ کے 2016 سے پاکستان اسٹیل مل، سوئی سدرن گیس، پی ایس او، کے پی ٹی، پاکستان ریلوے،پی آئی اے، نیشنل شپنگ کارپوریشن ،پورٹ قاسم اتھارٹی، میرین فشریز، کنٹونمنٹ بورڈز، کراچی شپ یارڈ، پاکستان مشین ٹول فیکٹری ، کاٹن ایکسپورٹ کارپوریشن سمیت دیگر اداروں پر واٹر چارجز کی مد میں 20 ارب روپے سے زائد کے واجبات ہیں جو سندھ کو ادا نہیں کیے جا رہے۔نثار کھوڑو نے بتایا کہ پانی کے چارجز کی مد میں صرف اسٹیل ملز پر سندھ کے 10 ارب روپے کے واجبات ہیں۔ سندھ کو وفاقی حکومت کے اداروں سے پانی کے بلوں کی مد میں اپنے 20 ارب روپے کے واجبات کی ادائیگی چاہیے۔ وفاقی حکومت سندھ کو 20 ارب روپے کی واجبات کی ادائیگی سے محروم رکھ کر سندھ کے ساتھ زیادتی کر رہی ہے۔انہوں نے کہا کہ سندھ نے وفاقی اداروں کو پانی کی سہولت فراہم کی ہے مگر سندھ کو یہ وفاقی ادارے واجبات کی ادائیگی نہیں کر رہے ہیں۔وزیراعظم وفاقی حکومت کے ان اداروں کی جانب سے پانی کے بلوں کی مد میں سندھ کے 20 ارب روپے کی واجبات کی ادائیگی نہ ہونے کا نوٹس لیں۔ نثار کھوڑو نے کہاکہ وزیراعظم وفاقی حکومت کے ان اداروں کو پابند کریں کے سندھ کو واٹر چارجز کی مد میں 20 ارب روپے کی ادائیگی کی جائے۔ سندھ کو این ایف سی میں پورا حصہ نہیں دیا جا رہا تو دوسری طرف سندھ کو وفاقی ادارے واجبات بھی ادا نہیں کر رہے۔سندھ اپنا حق حاصل کرنے کے لیے پیچھے نہیں ہٹے گا۔چیئرمین پی اے سی نے کہاکہ سندھ کو اربوں روپے کے واجبات کی ادائیگی نہ کرکے معاشی طور پیچھے دھکیلا جا رہا ہے۔ وفاقی حکومت پاکستان بنانے والے صوبہ سندھ کے ساتھ ناروا سلوک نہ اپنائے۔سندھ ملک کو 70 فیصد ریونیو ادا کرنے والا صوبہ ہے۔نثار کھوڑو نے کہا کہ سندھ کو اربوں روپے کے واجبات کی ادائیگی سے محروم رکھنا صوبے کو معاشی طور پر کمزور کرنے کے مترداف ہوگا۔ سندھ کو معاشی طور پر کمزور کرنا ملک کو کمزور کرنے کے برابر عمل ہوگا۔ وفاقی حکومت اپنے اداروں سے سندھ کو پانی کے بلوں کی مد میں 20 ارب روپے کے واجبات دلوائے۔

دُھند کا راج برقرار، موٹر وے سیکشنز بند

کراچی، دھرنا و تصادم، 300افراد کیخلاف دہشتگردی کا مقدمہ درج

نیا سال کراچی کی تعمیر و ترقی کا سال ثابت ہوگا ،مرتضیٰ وہاب