Category: کراچی

میئر کراچی بیرسٹر مرتضی وہاب نے کہا ہے کہ بانی پی ٹی آئی کے کیس میں فیصلے سے قبل بات نہیں کرسکتا، ان کے خلاف اوپن اینڈ شٹ کیس ہے۔

باغی ٹی وی کے مطابق میئر کراچی بیرسٹر مرتضی وہاب نے ڈپٹی میئر سلمان عبداللہ مراد کے ہمراہ اورنگی ٹاؤن کا دورہ کیا اور وہاں قطر اسپتال کے اطراف میں ترقیاتی کاموں کا جائزہ لیا۔اس موقع پر میئر مرتضی وہاب نے نئی تعمیر ہونے والی سڑک کا افتتاح بھی کیا۔میئر کراچی کو محکمہ انجینئرنگ کی جانب سے ترقیاتی کاموں پر بریفنگ دی گئی۔اس موقع پر مرتضی وہاب نے کہا کہ سیاسی پریس کانفرنس سے بہتر ہے ترقیاتی پریس کانفرنس کروں۔مرتضی وہاب نے کہا کہ ڈسٹرکٹ ویسٹ میں ایشیا کی سب سے بڑی آبادی موجود ہے، پانی اور سیوریج لائنوں کو ٹھیک کیا ہے، پیور بلاک لگائے گئے اور سڑکوں کی مرمت بھی کی گئی ہے۔مرتضی وہاب نے کہا کہ پانی کے مسائل حل کرنے کے لیے ایک نئی لائن ڈالی جا رہی ہے۔

سنو نیوز بحران کا شکار، متعدد بیوروز بند، ڈائریکٹر نیوز مستعفی

احسان اللہ نے ریٹائرمنٹ کا اعلان واپس لے لیا

کراچی: ایڈیشنل ڈسٹرکٹ اینڈ سیشن عدالت نے گینگ وار کے ملزم عزیر بلوچ کو تین افراد کے قتل کے مقدمے میں بری کردیا ہے۔ یہ مقدمہ 2009 میں چاکیواڑہ تھانے میں درج کیا گیا تھا، جس میں عزیر بلوچ پر پولیس اہلکار سمیت تین افراد کے قتل کا الزام عائد کیا گیا تھا۔

عدالت نے ملزم عزیر بلوچ کے خلاف مقدمے کا فیصلہ سناتے ہوئے اسے قتل کے الزامات سے بری کردیا۔ وکیل صفائی نے دلائل دیتے ہوئے کہا کہ عزیر بلوچ کو گرفتار ملزمان کے بیانات کی بنیاد پر مقدمے میں شامل کیا گیا تھا، تاہم ان بیانات کی بنیاد پر اس کے خلاف ثابت کرنے کے لئے کوئی ٹھوس شواہد نہیں ملے۔ وکیل نے مزید کہا کہ مقدمے میں گرفتار دیگر ملزمان پہلے ہی بری ہوچکے ہیں۔عدالت نے تمام دلائل کو مدنظر رکھتے ہوئے گینگ وار کے ملزم عزیر بلوچ کو مقدمے سے بری کرنے کا فیصلہ سنایا۔ اس فیصلے کے بعد عزیر بلوچ کی رہائی کے امکانات روشن ہوگئے ہیں۔

یاد رہے کہ عزیر بلوچ ایک معروف گینگ وار ملزم ہے اور اس پر متعدد سنگین الزامات عائد ہیں، جن میں قتل، دہشت گردی اور بھتہ خوری شامل ہیں۔ لیکن اس مقدمے میں عدلیہ نے اس کے خلاف الزامات کو ناکافی شواہد کی بنا پر مسترد کردیا۔

مشہور کمپوزر آرنلڈ شوئن برگ کا میوزک کیٹلاگ آگ میں جل کر تباہ

کوئٹہ،کان میں دھماکے کے بعد سرچ آپریشن مکمل، 12 لاشیں نکال لی گئیں

انسداد دہشت گردی عدالت نے شارٹ ٹرم اغواء اور شہری سے ڈیجیٹل کرنسی لوٹنے والے پولیس اہلکاروں کے ریمانڈ میں توسیع کردی۔

باغی ٹی وی کے مطابق اینٹی وائلنٹ کرائم سیل (اے وی سی سی) نے گرفتار پولیس اہلکاروں سمیت 8 ملزمان کو عدالت میں پیش کیا، تفتیشی افسر کا کہنا تھا کہ کیس کی تحقیقات تاحال مکمل نہیں ہوئی، ملزمان کے جسمانی ریمانڈ میں توسیع کی جائے۔عدالت نے تمام ملزمان کے جسمانی ریمانڈ میں 5 دن کی توسیع کردی۔پولیس کا کہنا ہے کہ کیس میں گرفتار 2 ملزمان کو مدعی شناخت کرچکا ہے۔خیال رہے کہ گزشتہ دنوں کراچی کے ضلع غربی سے شہری کی شارٹ ٹرم کڈنیپنگ کے معاملہ پر اغوا میں ملوث پولیس اہلکار سمیت 7 افراد کو گرفتار کیا گیا تھا۔سینئر سپرنٹڈنٹ آف پولیس (ایس ایس پی) اینٹی وہیکل۔لفٹنگ سیل (اے وی ایل سی) انیل حیدر کے مطابق ملزمان نے شہری کے اکائونٹ سے 3 لاکھ 40 ہزار ڈالر اپنے اکائونٹس میں ٹرانسفر کیے، ملزمان عادی جرائم پیشہ اور اس سے قبل بھی جیل جاچکے ہیں۔انھوں نے کہا کہ مغوی شہری کرپٹو کرنسی کا کاروبار کرتا ہے، اسے 25 دسمبر کو اغواء کیا گیا تھا۔

ایلون مسک اسلاموفوبیا مہم چلا رہے ہیں، حافظ نعیم الرحمن

پی ٹی آئی کے سینیٹر اعجاز چوہدری کے پروڈکشن آرڈرز جاری

کراچی میں تیز ہوائوں کے باعث سردی کی شدت میں اضافہ

رواں مالی سال یورپی یونین کو برآمدات میں 18.62 فیصد اضافہ

شہرِ کراچی میں تیز ہوائوں کے باعث سردی کی شدت میں اضافہ ہو گیا ہے، سردی کی موجودہ لہر 17 جنوری تک جاری رہنے کی توقع ہے۔

محکمہ موسمیات کے مطابق کراچی میں گزشتہ شب جناح ٹرمینل پر درجہ حرارت 11.8 ڈگری سینٹی گریڈ، گلستان جوہر میں درجہ حرارت 11.9 جبکہ شارع فیصل پر 13 ڈگری سینٹی گریڈ ریکارڈ کیاگیا۔اسی طرح ماڑی پور میں درجہ حرارت 14.5 اور بن قاسم میں 13.6 ڈگری سینٹی گریڈ ریکارڈ کیا گیا۔محکمہ موسمیات کے مطابق پیرکو کم سے کم درجہ حرارت 10.5ڈگری سینٹی گریڈ ریکارڈ کیا گیا ہے جبکہ آئندہ 24 گھنٹوں کے دوران موسم سرد اور خشک رہنے اورشہر میں وقفے وقفے سے تیز ہوائیں چلنے کا بھی امکان ہے۔چیف میٹرولوجسٹ سردار سرفراز کے مطابق کراچی میں پچھلے 6 سے 7 دن سے درجہ حرارت 9 سے 10 رہا ہے کراچی میں سردی کی موجودہ لہر 17 جنوری تک جاری رہنے کی توقع ہے۔انہوں نے بتایاکہ کراچی میں شمال مشرق سے چلنے والی ہواں کی رفتار 20 کلو میٹر فی گھنٹہ ہے جن میں نمی کا تناسب 65 فیصد ریکارڈ ہوا ہے۔

روہت شرما چیمپئنز ٹرافی سے قبل پاکستان آسکتے ہیں

مکان کا تنازعہ،سوتیلے باپ نے بیٹے کا گلا کاٹ دیا

رواں مالی سال یورپی یونین کو برآمدات میں 18.62 فیصد اضافہ

سندھ کابینہ میں توسیع‘ مزید 8 ترجمان اور 12 معاون خصوصی مقرر

رواں مالی سال کے دوران یورپی یونین کو برآمدات میں8.62 فیصد اضافہ ہوا۔

اسٹیٹ بینک کے اعدادوشمار کے مطابق رواں مالی سال کے پہلے 5 ماہ میں یورپی یونین کے ملکوں کو برآمدات کا حجم 3.866 ارب ڈالر رہا جوکہ گزشتہ مالی سال کی اسی مدت کی 3.559 ارب ڈالر کی برآمدات سے 8.62 فیصد زائد ہے۔گزشتہ سال دسمبر میں مزید 10319 اکائونٹس کے اضافے سے روشن ڈیجیٹل اکائونٹس کی تعداد 778713 ہو گئی، ان اکائونٹس میں جمع رقوم 9.342 ارب ڈالر تک پہنچ گئیں۔اسٹیٹ بینک کے اعدادوشمار کے مطابق گزشتہ سال دسمبر میں روشن ڈیجیٹل اکائونٹس میں 203 ملین ڈالر، نومبر میں 186ملین ڈالر جمع ہوئے، ستمبر 2020 سے دسمبر 2024 کے دوران روشن ڈیجٹیل اکائونٹ میں سمندر پار پاکستانیوں نے مجموعی طور پر9.342 ارب ڈالر جمع کرائے۔

سندھ کابینہ میں توسیع‘ مزید 8 ترجمان اور 12 معاون خصوصی مقرر

زیادہ بولی جانے والی زبانوں میں اردو کا دسواں نمبر

پی ایس ایل 10: سرفراز احمد کا کسی ٹیم نے انتخاب نہیں کیا

وزیر اعظم ہاوس کے بجلی چوروں کے خلاف احکامات کرپٹ افسران نے ہوا میں اڑا دیے

امریکا، سعودیہ سمیت 7 ملکوں سے مزید 52 پاکستانی بے دخل