Category: کراچی

کراچی: گورنر سندھ کامران خان ٹیسوری سے امریکا کے سفیر ڈونلڈ بلوم نے ملاقات کی۔

باغی ٹی وی : دوران ملاقات گورنر سندھ کامران ٹیسوری اور امریکی سفیر ڈونلڈ بلوم نے باہمی تعلقات مزید مضبوط بنانے کا عزم کیا،امریکی سفیر نے گورنر ہاؤس میں پودا لگا کر شجر کاری کی مہم میں حصہ لیا اور مہمانوں کی کتاب میں تاثرات درج کیے۔

امریکی سفیر کو گورنر سندھ کامران ٹیسوری نے بتایا کہ آئی ٹی کے جدید کورسز کی مفت تعلیم دی جا رہی ہےڈونلڈ بلوم نے کہا کہ گورنر سندھ کے عوامی خدمت کے منصوبے قابل تقلید ہیں۔

دوسری جانب گورنر سندھ کامران ٹیسوری نے میڈیا سے گفتگو میں کہا کہ ملک کے حالات سب کے سامنے ہیں گزشتہ روز ایم کیوایم کے وفد کے ہمراہ مولانا فضل الرحمن سے ملاقات کی مولانا صاحب نے مصالحت کا کردار ادا کیا میں پاکستان کی بات کرتا ہوں پاراچنار میں دو گروپ آپس میں لڑرہے ہیں پارا چنار میں صورتحال کشیدہ ہےملک دشمن حالات خراب کرناچاہتاہےمفتی منیب الرحمان اور مفتی تقی عثمانی سے ملاقات کروں گاپاراچنار کے ایم این سے بھی گفتگوکی ہے شعیہ سنی بھائی بھائی ہیں پارا چنار میں امن کے قیام کی ہرکوشش کروں گا، ایک فرد کا قتل پورے ملک کی ساکھ کو نقصان پہنچارہاہے۔

چیف جسٹس آف پاکستان، یحییٰ خان آفریدی، آج سیشن کورٹ گھوٹکی پہنچے، جس کے ساتھ ہی شہر میں سیکیورٹی کے سخت انتظامات کیے گئے۔ عدالت کے اطراف میں پولیس کی بھاری نفری تعینات کر دی گئی۔

چیف جسٹس آف پاکستان کی گھوٹکی آمد کے موقع پر شہید صحافی نصراللہ گڈانی کے ورثا نے احتجاج کیا۔ شہید صحافی کے بچوں اور دیگر اہل خانہ نے چیف جسٹس کے روٹ پر احتجاجی مظاہرہ کیا۔ مظاہرین نے ہاتھوں میں پلے کارڈ اٹھا کر چیف جسٹس سے مطالبہ کیا کہ وہ نصراللہ گڈانی کے قتل کے معاملے کا از خود نوٹس لیں۔مظاہرین نے قومی شاہراہ پر کھڑے ہو کر احتجاج ریکارڈ کروایا اور نعرے بازی کی۔ ان کا کہنا تھا کہ نصراللہ گڈانی کے قاتلوں کو ابھی تک پولیس نے گرفتار نہیں کیا، اور اس سنگین واقعے میں انصاف کی فراہمی میں تاخیر ہو رہی ہے۔

پولیس نے مظاہرین کو آگے بڑھنے سے روک دیا احتجاج کے دوران سیکیورٹی اہلکاروں نے علاقے میں تعینات رہ کر صورتحال پر قابو پایا۔ تاہم، مظاہرین کا کہنا تھا کہ وہ اس وقت تک احتجاج جاری رکھیں گے جب تک نصراللہ گڈانی کے قاتلوں کی گرفتاری اور انصاف کی فراہمی یقینی نہیں بنائی جاتی۔

یاد رہے کہ نصراللہ گڈانی 2023 میں ایک انتہائی وحشیانہ حملے میں شہید ہوگئے تھے، جس کی تحقیقات ابھی تک مکمل نہیں ہو سکیں۔ ورثا کا کہنا ہے کہ پولیس کی طرف سے کیس میں سنجیدگی سے تفتیش نہیں کی جا رہی، جس کے باعث وہ چیف جسٹس سے مداخلت کی اپیل کر رہے ہیں۔

میر ماتھیلو :شہیدصحافی نصر اللہ گڈانی کے قاتلوں کی عدم گرفتاری پر احتجاجی ریلی نکالی گئی

میرپور ماتھیلو:نصراللہ گڈانی قتل کیس،گرفتارملزم کوانسداددہشت گردی عدالت میں پیش کیاگیا

میرپورماتھیلو:شہید صحافی نصراللہ گڈانی قتل کیس، ملزمان کی ضمانتیں کنفرم نہ ہوسکیں

سندھ رینجرز، کاؤنٹر ٹیررازم ڈپارٹمنٹ اور سندھ پولیس نے مشترکہ کارروائی کرتے ہوئے فتنہ الخوارج کے 3 انتہائی مطلوب دہشت گردوں کو گرفتار کرلیا۔

ترجمان سندھ رینجرز کے مطابق کراچی کے علاقے قائد آباد سے دہشت گردی، قتل، اقدام قتل اور بھتہ وصولی کی متعدد وارداتوں میں ملوث فتنہ الخوارج سے تعلق رکھنے والے انتہائی مطلوب ملزمان محمد جاوید سواتی عرف بھائی جان، شاہد حسین عرف عمر اور اکبر زیب خان کو گرفتار کرلیا گیا۔
ملزمان کے قبضے سے اسلحہ، یمیونیشن اور دھماکا خیز مواد برآمد کرلیا گیا۔پاکستان رینجرز (سندھ)اور CTD ترجمان کے مطابق ملزمان کا تعلق فتنہ الخوارج سوات گروپ سے ہے۔ ملزم جاوید سواتی عرف بھائی جان 2008 میں فتنہ الخوارج سوات گروپ میں شامل ہوا اور سوات میں کمانڈر عمر الرحمان عرف استاد فاتح اور بن یامین کے گروپ کے ساتھ سوات میں انتہائی متحرک رہا۔ملزم کے دو بھائی شاہد اور زاہد سوات میں سکیورٹی فورسز کے آپریشن میں ہلاک ہوگئے تھے اور ملزم اپنی فیملی کے ہمراہ سوات آپریشن کے بعد کراچی میں شفٹ ہوا اور مختلف مقامات پر روپوش رہا۔ملزم 2012 میں کراچی سے گرفتار ہوا اور سوات میں عرصہ تقریبا 14 ماہ تک جیل میں رہا۔جیل سے رہائی کے بعد ملزم گلشن بونیر لانڈھی میں شفٹ ہوا جبکہ ملزم کے قریبی ساتھی کمانڈر عمرالرحمان عرف استاد فاتح، عبد الرحمان عرف شہزاد، حبیب اللہ عرف معاویہ کنڑ افغانستان میں شفٹ ہوگئے .ملزم کے کمانڈر عمر الرحمان عرف استاد فاتح ، عبد الرحمان عرف شہزاد اور حمید اللہ عرف اظہار سے انتہائی قریبی تعلقات تھے اور بذریعہ واٹس ایپ مسلسل رابطے میں تھے ۔ ملزم ان کے لئے سہولت کاری کا کام بھی سر انجام دیتا رہا ہے۔۔رینجرز ترجمان کے مطابق ملزمان شاہد حسین عرف عمر اور اکبر زیب خان 2010 میں غلبہ السلام میں شامل ہوئے۔ 2014 میں زکریا عرف انعام اللہ فتنہ الخوارج سوات گروپ میں شامل ہوئے۔ملزمان عسکری تربیت یافتہ ہیں اور افغانستان متعدد بار جاچکے ہیں۔ ملزمان کراچی میں بھتہ وصولی، قتل و اقدام قتل کی متعدد کارروائیوں میں ملوث رہے ہیں۔ملزمان نے اپنے دیگر ساتھیوں زکریا عرف انعام اللہ ، رفیع اللہ عرف ٹیکسی والا اور عدنان ہزارے وال کے ساتھ مل کر جنرل ٹائر کمپنی کے صدر کو 20لاکھ روپے، بنارس میں جنرل سٹور کے مالک کو 10 لاکھ روپے، اسٹیل ٹاون میں ٹینکر والے کو 10 لاکھ روپے، بنارس کے قریب فروٹ سپلائر کو 3 لاکھ، پراپرٹی ڈیلر کو 2 لاکھ ، بنارس میں جنرل اسٹور کے مالک کو 15 لاکھ کی بھتہ کی ڈیمانڈ کی اور متعدد سے بھتہ وصول کیا۔تاجرعبدالغفارسے مبلغ 50 لاکھ روپے بھتے کا مطالبہ کیا اور جان سے مارنے کی دھمکیاں دیں جس کی ایف آئی آر تھانہ قائد آباد میں درج ہے۔ ملزم اکبرزیب خان نے اپنے ساتھی زکریا عرف انعام للہ کے ساتھ مل کر لانڈھی کے قریب مخبری کے شبے میں ریٹائرڈ ہیڈ کانسٹیبل فضل زادہ کو قتل اور سید آفرین کو زخمی کیا جس کی ایف آئی آر تھانہ قائد آباد میں درج ہے۔ملزمان سیکورٹی فورسز کے خلاف دہشت گرد کارروائی کی منصوبہ بندی کررہے تھے۔ ملزمان سے مزید اہم انکشافات کی توقع ہے۔

مئیر کراچی نے لانڈھی میڈیکل کمپلیکس میں مردہ خانے کا افتتاح کردیا

ٹرائل کورٹ مقدمے کا فیصلہ ایک سال میں کرنے کی پابند ہوگی، ترامیم منظور

دولہا نئی نویلی دلہن جنگل میں چھوڑ کر فرار

وزارت قانون کا ضابطہ فوجداری 1898 میں اصلاحات کرنے کا اعلان

کمشنر کراچی اور کنٹرولر جنرل پرائیسز اینڈ سپلائیز سید حسن نقوی نے آٹے کی نئی قیمتیں مقرر کر دی ہیں۔

نوٹیفکیشن کے مطابق فلور ملوں کے ڈھائی نمبر فی کلو ریگولر آٹے کی ریٹیل قیمت 94روپے کلو مقرر کی گئی ہے جو گزشتہ سرکاری قیمت 98 روپے سے 4 روپے کم ہے۔ہول سیل آٹے کی قیمت 90 روپے مقرر کر دی جو سابقہ ہول سیل قیمت 93 روپے سے تین روپے کم ہے۔
اسی طرح ایکس فلور ملز ڈھائی نمبر آٹے کی قیمت 87روپے کلو مقرر کر دی گئی جو سابقہ سرکاری قیمت 90 روپے سے تین روپے کم ہے۔فائن چکی آٹے کی فی کلو ایکس مل قیمت 92روپے مقرر کر دی گئی جبکہ ہول سیل فائن آٹے کی قیمت 95روپے کلو مقرر کر دی گئی۔ ریٹیل فائن آٹے کی قیمت 99 روپے فی کلو مقرر کی گئی ہے۔چکی کے آٹے کی قیت فی کلو 115 روپے مقرر کر دی گئی جو سابقہ قیمت 123 روپے کے مقابلے میں 8 روپے کلو کم ہے۔سرکاری قیمت کے مطابق فائن آٹے کی قیمت میں مئی 2024 کے مقابلے میں 18 روپے کی کمی آچکی ہے اور فائن آٹا 117 روپے کی سرکاری قیمت سے اب 99 روپے کلو پر آچکا ہے تاہم شہر بھر میں نان بائی بدستور روٹی کی قیمت 20 سے 25 روپے اور چپاتی کی قیمت 12 سے 15 روپے وصول کر رہے ہیں جبکہ بیکری آئٹمز ڈبل روٹی، بن، پاپے، بسکٹ اور دیگر آئٹمز کی قیمت میں بھی کوئی کمی نہیں آسکی۔نئے نوٹیفکیشن میں کمشنر کراچی نے وارننگ دی ہے کہ دکاندار اور آٹا فروش سرکاری قیمت کی فہرست نمایاں طور پر آویزاں کریں، خلاف ورزی پر سخت قانونی کارروائی کی جائے گی۔

ٹرائل کورٹ مقدمے کا فیصلہ ایک سال میں کرنے کی پابند ہوگی، ترامیم منظور

دولہا نئی نویلی دلہن جنگل میں چھوڑ کر فرار

جاپان صحت، سیلاب متاثرہ علاقوں کیلئے 2 کروڑ 80 لاکھ ڈالر دے گا

وزارت قانون کا ضابطہ فوجداری 1898 میں اصلاحات کرنے کا اعلان

میئر کراچی مرتضی وہاب نے لانڈھی میڈیکل کمپلیکس میں مردہ خانے کا افتتاح کردیا۔

باغی ٹی وی کے مطابق مرتضی وہاب نے افتتاحی تقریب میں گفتگو کرتے ہوئے کہا کہ وسائل کو لوگوں کے بہترین مفاد میں استعمال کریں گے، کروڑوں روپیخرچ کرنے کے باوجود مردہ خانہ غیر فعال تھا۔انہوں نے بتایا کہ غسل اور میت کے لیے علاقے میں کوئی جگہ موجود نہیں تھی۔میئر کراچی نے بتایا کہ خوشی ہے کہ پرانے بجٹ میں مردہ خانے کو فعال کیا۔انہوں نے کہا کہ ہمارا صرف ایک ہی ایجنڈا ہے کہ عوام کی خدمت کرنی ہے۔مرتضی وہاب نے کہا کہ نظام کو بہتر کرنے کے لیے میں سب کے ساتھ ہوں، چائلڈ لیبر لوگوں کے گھروں میں بھی دکھائی دیتی ہے۔انہوں نے کہا کہ جیسے اپنے بچے ہیں ویسے ہی دیگر بچوں کا بھی خیال کرنا چاہیے۔

ٹرائل کورٹ مقدمے کا فیصلہ ایک سال میں کرنے کی پابند ہوگی، ترامیم منظور

دولہا نئی نویلی دلہن جنگل میں چھوڑ کر فرار

وزارت قانون کا ضابطہ فوجداری 1898 میں اصلاحات کرنے کا اعلان

چین کے اعلی سطحی کاروباری وفد نے سندھ اکنامک زونز مینجمنٹ کمپنی (SEZMC) کے دفتر کا دورہ کیا اور سندھ میں صنعتی، انفراسٹرکچر اور طبی شعبوں میں سرمایہ کاری کے مواقعوں کا جائزہ لیا۔

باغی ٹی وی کے مطابق اجلاس کی صدارت سیکریٹری انویسٹمنٹ ڈپارٹمنٹ سندھ راجہ خرم شہزاد عمر نے کی جنہوں نے چینی سرمایہ کاروں کو سندھ حکومت کی جانب سے مکمل تعاون اور سازگار ماحول کی یقین دہانی کرائی۔ دھابیجی اکنامک زون کو سی پیک منصوبے کے تحت تیزی سے ترقی دی جا رہی ہے جبکہ خیرپور اکنامک زون مکمل طور پر تیار ہے اور سرمایہ کاری کے لیے موزوں ترین جگہ ہے۔ چینی وفد نے الیکٹرک وہیکل (EV) مینوفیکچرنگ، خاص طور پر تین پہیوں والے الیکٹرک وہیکل کی مینوفیکچرنگ میں فوری دلچسپی ظاہر کی اور کہا کہ وہ اس منصوبے میں مقامی اسٹیک ہولڈرز کے ساتھ اشتراک کے خواہشمند ہیں۔طبی شعبے کے حوالے سے بات کرتے ہوئے چینی سرمایہ کاروں نے سندھ حکومت کے میڈیکل سٹی منصوبے میں سرمایہ کاری کے ساتھ بیماریوں پر تحقیق و ترقی (R&D) کے لیے کام کرنے کا عندیہ دیا جبکہ الیکٹرانک مصنوعات کے پلانٹ کے قیام میں بھی دلچسپی ظاہر کی تاکہ جدید چینی مصنوعات پاکستانی عوام کو متعارف کرائی جا سکیں۔ چینی وفد نے سندھ حکومت کی کوششوں کو سراہتے ہوئے کہا کہ اگر حکومت تعاون اور مراعات فراہم کرے تو وہ سندھ میں بڑے پیمانے پر سرمایہ کاری کرنے کے لیے تیار ہیں کیونکہ پاکستان خطے کے ممالک کو جوڑنے والا ایک اہم ملک ہے۔سیکریٹری انویسٹمنٹ راجہ خرم شہزاد عمر نے کہا کہ چینی سرمایہ کاری سے نہ صرف صنعتی ترقی ہوگی بلکہ روزگار کے مواقع اور جدید ٹیکنالوجی کی منتقلی ممکن ہوگی۔ سندھ حکومت سرمایہ کاروں کے لیے ایک شفاف اور سازگار ماحول کی فراہمی کو یقینی بنا رہی ہے تاکہ بین الاقوامی سرمایہ کاری سے صوبے کی معاشی ترقی کو فروغ دیا جا سکے۔

پاک بحریہ کی ترکیہ میں مشق ماوی بلینہ 2024 میں شرکت

اوگر کی منظوری، گیس کی قیمتوں میں 25.78 فیصد تک اضافہ

سعودی عرب کے ساتھ تعلقات کو قدر کی نگاہ سے دیکھتے ہیں، ایاز صادق

سندھ پبلک سروس کمیشن نے سی سی ای-2021 کے حتمی نتائج کا اعلان کردیا

نیو کراچی ٹاؤن میں ورلڈ بینک کے ماتحت ادارے کلک کے تعاون سے ترقیاتی کاموں کا آغاز ہو گیا.

باغی ٹی وی کے مطابق چیئرمین نیو کراچی ٹاؤن محمد یوسف نے سیکٹر 11-G میں شیخ سعدی اسکول کے تعمیر نو کے منصوبے کا افتتاح کے موقع پر میڈیا سے گفتگو کرتے ہوئے کہا کہ شیخ سعدی اسکول عدم توجہ اور عمارت کی خستہ حالی کی وجہ سے 2014 سے بند ہو چکا تھا اور نشہ کے عادی افراد نے اس اسکول کو اپنا مسکن بنا لیا تھا۔ہمیں جب اختیار ملا تو نیو کراچی ٹاؤن کے بلدیاتی سرکاری اسکولوںکا دورہ کیا ۔اور ان اسکولوں کی عمارتوں کی خستہ حالی کا جائزہ لیااور ان اسکولوں کی عمارتوں کی از سر نو تعمیر اور تزین و آرائش کا بیڑا اُٹھایا الحمد اللہ آج شیخ سعدی اسکول کی تعمیر نو کا آغاز ہو چکا ہے اور انشاء اللہ اس اسکول کی عمارت کو گراؤنڈ پلس ون بنایا جائے گا جس کا کل رقبہ تقریباً 2000 اسکوئر فٹ ہے اور ہماری کو شش ہے کہ اس کی تعمیر مکمل کی جائے تاکہ تردیسی عمل کا آغاز جلد سے جلد ہوسکے۔اس موقع پریوسی 10 کے چیئرمین فیصل قاری ، ایڈیشنل ڈائریکٹر سینی ٹیشن مُشتاق احمد ،سپرٹینڈنگ انجینئربی اینڈ آر اشفاق حُسین،انچارج بی اینڈ آر فیصل صغیر،انجینئر بی اینڈ آر ساجد صدیقی و دیگرٹاؤن افسران بھی موجود تھے۔واضح رہے کہ اسکول کی عمارت نئے سرے سے تعمیر کی جارہی ہے جبکہ پرانی خستہ حال عمارت کو مکمل ڈیمولش کردیا جائے گا۔بعد ازاں چیئرمین نیو کراچی ٹاؤن محمد یوسف نے کلک کے تعاون سے تعمیر کیا جانے والا پردہ پارک کا دورہ کیا جس کی تعمیر کے کام کا آغاز ہوچکا ہے ۔اس موقع پر چیئرمین نیو کراچی ٹاؤن محمد یوسف نے کہا کہ پردہ پارک اپنی نوعیت کا پہلا پارک ہوگا جو جدید طرز پر تعمیر کیا جائے گاجو خوبصورتی میں اپنی مثال آپ ہوگا اس پارک میں بچوں کے لئے جھولے اور خواتین کے لئے بہتر اور صاف ستھرا ماحول فراہم کیا جائے گا جہاں تفریح اور کھیل کے تمام مواقع میئسر ہونگے جبکہ نارتھ کراچی سیکٹرفائیو ایم اور فائیو ایل کے درمیانی 4200 سڑک جو عرصہ دراز سے ٹوٹ پھوٹ کا شکار ہے اس سڑک کی تعمیر کا آغاز بھی کلک کے تعاون سے شروع ہو چکا ہے جو جلد مکمل کرلیا جائے گا ۔انہوں نے کہا کہ کلک کی جانب سے نیو کراچی ٹاون میں ترقیاتی منصوبوں کا آغاز خوش آئنداقدام ہے،ترقیاتی منصوبوں کی پائیداری کے لئے تمام محکموں کو یکجا ہوکر کا م کرنے کی ضرورت ہے۔ ہم نے نیو کراچی ٹاؤن میں مسائل کے خاتمے اور عوام کو بلدیاتی سہولیات کی فراہمی کا جو بیڑا اُٹھا یا ہے اللہ کی مدد سے جلد اس میں کامیابی نصیب ہوگی ۔

سعودی عرب کے ساتھ تعلقات کو قدر کی نگاہ سے دیکھتے ہیں، ایاز صادق

ایک اور یوٹرن، عمران نےسول نافرمانی تحریک ملتوی کردی

چنئی ائیرپورٹ سے ایئر انڈیا کا ملازم سونا اسمگل کرتے ہوئے پکڑا گیا

سندھ پبلک سروس کمیشن (SPSC) نے مشترکہ مقابلہ جاتی امتحان (CCE-2021) کے حتمی نتائج جاری کر دیے ہیں۔ امتحانی عمل جو کہ کئی مراحل پر مشتمل تھا، صوبے کے مختلف محکموں کے لیے 73 امیدواروں کی سفارش کے ساتھ مکمل ہوا۔ میرٹ کی بنیاد پر بھرتی کا یہ عمل شفافیت اور سخت معیارات کے مطابق انجام دیا گیا۔

ایس پی ایس سی کے جاری کردہ نتائج کے مطابق پروونشل مینجمنٹ سروس (PMS) BPS-17 کے لیے 15 امیدوار کامیاب قرار پائے ہیں، جبکہ ڈپٹی سپرنٹنڈنٹ پولیس (DSP) BPS-17 کے لیے 30 امیدواروں نے کامیابی حاصل کی۔ اس کے علاوہ اسسٹنٹ ڈائریکٹر لیبر (BPS-17) کے لیے 3 امیدوار، اسسٹنٹ رجسٹرار کوآپریٹو سوسائٹی (BPS-17) کے لیے 3 امیدوار، مختیار کار (BPS-16) کے لیے 14 امیدوار اور لیبر آفیسر (BPS-16) کے لیے 8 امیدوار کامیاب قرار دیے گئے ہیں۔کامیاب خواتین امیدواروں میں کنول رونجھو، پروہ ارباب، طیبہ مظفر اور فرزانہ واحد کو PMS کے لیے منتخب کیا گیا ہے، جبکہ پارس میرانی، صنوبر طفیل، پروہ شیخ، فضیلہ ممتاز، سائرہ پروین اور صدرا اقبال کو DSP کے عہدے کے لیے منتخب کیا گیا ہے۔ اس کے علاوہ ارم مشتاق نے مختیار کار کے عہدے پر کامیابی حاصل کی۔CCE-2021 کے پہلے مرحلے میں اسکریننگ ٹیسٹ لیا گیا، جس میں 22,877 امیدواروں نے شرکت کی۔ان میں سے 2,758 امیدوار کامیاب قرار پائے۔ بعد ازاں تحریری امتحان منعقد ہوا، جس میں 186 امیدواروں نے کامیابی حاصل کی۔ تحریری امتحان میں کامیاب امیدواروں کا زبانی امتحان رواں سال اکتوبر تک جاری رہا۔ایس پی ایس سی نے اس بھرتی کے عمل میں شہری، دیہی، خواتین اور دیگر کوٹہ سمیت آئینی تقاضوں کو پورا کیا۔ کامیاب امیدواروں کی فہرست اور محکموں کی الاٹمنٹ کی تفصیلات ایس پی ایس سی کی ویب سائٹ پر بھی موجود ہیں۔

چنئی ائیرپورٹ سے ایئر انڈیا کا ملازم سونا اسمگل کرتے ہوئے پکڑا گیا

سندھ اور پنجاب میں موسم سرما کی تعطیلات کا اعلان کردیا گیا