Category: کراچی

سپریم کورٹ کے حکم پر سندھ کابینہ نے کی اولاد کے لیے ملازمت کا کوٹہ ختم کرنے کی منظوری دے دی .

باغی ٹی وہ کے مطابق اس کا نوٹیفکیشن جاری کر دیا، جس کے تحت سندھ میں فوتگی کوٹے پر مزید بھرتیاں نہیں ہوں گی۔ یاد رہے کہ رواں سال پنجاب حکومت بھی یہی فیصلہ کر چکی ہے جس کے تحت دورانِ سروس وفات پانے والے سرکاری ملازمین کے بچوں کے لیے کوٹے سے متعلق رول 17 اے ختم کر دیا گیا تھا، جبکہ دورانِ سروس وفات پانے والے سرکاری ملازمین کے بیٹے، بیٹی یا بیوہ کو سرکاری نوکری دی جاتی تھی، اس حوالے سے حکومتِ پنجاب نے جولائی میں باقاعدہ نوٹیفکیشن جاری کیا تھا۔ سندھ کابینہ کی جانب سے اس فیصلے سے قبل صوبے بھر میں انتقال کر جانے والے سرکاری ملازمین کے بچوں یا شریک حیات کو ملازمت دی جاتی تھی۔سپریم کورٹ نے اکتوبر کے مہینے میں جنرل پوسٹ آفس (جی پی او) کی اپیل منظور کرتے ہوئے سرکاری ملازمین کے بچوں سے متعلق تمام پالیسز، پیکیجز اور کوٹے کو غیر آئینی قرار دے دیا تھا۔سپریم کورٹ کے جسٹس نعیم افغان نے کیس کا 11 صفحات پر مشتمل فیصلہ جاری کرتے ہوئے پشاور ہائی کورٹ کا 2021 کا فیصلہ کالعدم قرار دے دیا تھا۔

وزیر اعلیٰ سندھ سے پنجاب و خیبر پختونخواہ گورنرز کی ملاقات

لیبیا کشتی حادثے میں ملوث زمانہ اشتہاری ملزم گرفتار

ڈی جی رینجرز سندھ کی تعیناتی کا نوٹیفکیشن جاری

وزیر اعلیٰ سندھ مراد علی شاہ سے پنجاب اور خیبر پختونخواہ کے گورنرز نے ملاقات کی ہے۔

باغی ٹی وی کے مطابق ملاقات میں صوبائی وزراء،شرجیل انعام میمن، جام خان شورو، سعید غنی اورجام اکرام اللہ دھاریجو بھی شریک تھے۔ ترجمان وزیراعلیٰ سندھ کے مطابق وزیر اعلیٰ سندھ مراد علی شاہ نے گورنر پنجاب سردار سلیم حیدر اور گورنر خیبرپختونخوا فیصل کریم کنڈی کو خوش آمدید کہا۔ملاقات میں پنجاب اور خیبر پختونخواہ میں پیپلز پارٹی کی مضبوطی پر بات چیت کی گئی اور دونوں صوبوں کی عوام تک چیئرمین پیپلز پارٹی بلاول بھٹو کا پیغام پہچانے پر گفتگو ہوئی۔ملاقات میں شہید محترمہ بینظیر بھٹو کے یوم شہادت کے حوالے سے بھی گفتگو کی گئی۔وزیراعلیٰ سندھ اور دونوں گورنرز نے ملکی سیاسی اور معاشی صورتحال پر بھی تبادلہ خیال کیا۔

لیبیا کشتی حادثے میں ملوث زمانہ اشتہاری ملزم گرفتار

نئے دریافت علاقے سے تیل و گیس کی پیداواری سرگرمیاں شروع

ڈی جی رینجرز سندھ کی تعیناتی کا نوٹیفکیشن جاری

آئل اینڈ گیس ڈیولپمنٹ کمپنی کی جانب سے نئے دریافت شدہ علاقے سے تیل اور گیس کی پیداواری سرگرمیاں شروع کردی گئی ہیں۔

باغی ٹی وی کے مطابق او جی ڈی سی کی جانب سے پاکستان اسٹاک ایکس چینج کو بذریعہ خط مطلع کیا گیا ہے کہ حیدرآباد میں کنر ویل تھری سے حاصل ہونے والے گیس کی یومیہ مقدار 3.5 ایم ایم ایس سی ایف ڈی ہے۔اس کنوئیں سے حاصل ہونے والی گیس کی پیداوار کا عمل 1200 فلوئنگ پریشر سے شروع ہوگیا ہے۔کنوئیں سے ایل پی جی کے 3.8میٹرک ٹن یومیہ پیداوار کا عمل بھی شروع کردیا گیا ہے اور کنر مائننگ سے حاصل ہونے والے گیس کو سوئی سدرن گیس کمپنی کے سسٹم میں شامل کردیا گیا۔خط میں کہا گیا ہے کہ مائننگ سے ہلکے تیل کے ذخائر یومیہ 30 بیرل کی مقدار میں حاصل ہوئے ہیں۔

ڈی جی رینجرز سندھ کی تعیناتی کا نوٹیفکیشن جاری

چیمپئنز ٹرافی 2025: ہائبرڈ ماڈل کے اضافی اخراجات پی سی بی نے مانگ لئے

دھی رانی پروگرام جلد شروع ہو جائیگا،عظمٰی بخاری

بینکوں کو 11 ہزار 179 ارب روپے مارکیٹ آپریشن میں جاری

وفاقی حکومت کی منظوری کے بعد میجر جنرل محمد شمریز خان کو ڈائریکٹر جنرل رینجرز سندھ تعینات کردیا گیا ۔

اسٹیبلشمنٹ ڈویژن سے جاری نوٹیفکیشن کے مطابق میجرجنرل محمد شمریز خان کو وفاقی حکومت کی منظوری کے ساتھ جے ایس آئی 4/8 اور پاکستان رینجرز آرڈیننس 1959 کے تحت ڈی جی رینجرز سندھ تعینات کردیا گیا ہے۔نوٹیفکیشن کے مطابق تعیناتی کا اطلاق فوری ہوگا اور تاحکم ثانی جاری رہے گا۔اسٹیبلشمنٹ ڈویژن نے ڈی جی رینجرز سندھ میجر جنرل محمد شمریز کی تقرری کا باضابطہ نوٹیفکیشن جاری کر دیا۔ نوٹیفکیشن کے مطابق میجر جنرل محمد شمریز کی تقرری بمطابق مروجہ قواعد وضوابط سیکنڈمنٹ کی بنیاد پر کی گئی،میجر جنرل محمد شمریز نے گزشتہ ماہ 8 نومبر کو ڈی جی رینجرز سندھ کا عہدہ سنبھالا ہے۔

دھی رانی پروگرام جلد شروع ہو جائیگا،عظمٰی بخاری

مالی سال 2025 کی پہلی سہ ماہی کے دوران خوردہ ڈیجیٹل ذرائع سے ادائیگیوں کا حصہ 87 فیصد ہو گیا، جو اس نظام پر عوام کے بڑھتے اعتماد کا اظہار ہے۔

باغی ٹی وی کے مطابق مرکزی بینک کی رپورٹ میں بتایا گیا ہے کہ جولائی سے ستمبر 2024 کے دوران ڈیجیٹل ادائیگی کی قبولیت، انفرا اسٹرکچر کی ترقی اور نقد سے بتدریج منتقلی میں زبردست اضافہ ریکارڈ کیا گیا۔رپورٹ میں کہا گیا ہے کہ پاکستان میں خُوردہ ادائیگیاں حجم کے لحاظ سے 8 فیصد اضافے سے ایک ارب 951 کروڑ ہوگئیں جن کی مالیت 1360 کھرب روپے رہی۔اسٹیٹ بینک نے مالی سال 2025 کی پہلی سہ ماہی کے لیے نظام ادائیگی کا جائزہ جاری کردیا، جس کے مطابق کیش لیس اور ڈیجیٹل لحاظ سے شمولیتی معیشت کی جانب پاکستان کے سفر میں نمایاں پیش رفت ہوئی ہے۔مرکزی بینک کے مطابق سہ ماہی میں ڈیجیٹل ذرائع سے ادائیگیوں کے حجم اور مالیت دونوں میں 9 فیصد اضافہ ہوا، حجم ایک ارب 69 کروڑ ہوگیا اور مالیت 360 کھرب روپے تک جا پہنچی۔رپورٹ میں کہا گیا ہے کہ خُوردہ ادائیگیوں کا 87 فیصد اب ڈیجیٹل ذرائع سے کیا جا رہا ہے جو ظاہر کرتا ہے کہ ڈجیٹل ادائیگیوں پر عوام کا اعتماد بڑھ رہا ہے، مزید بتایا گیا ہے کہ موبائل بینکاری ایپس کے صارفین کی مجموعی تعداد 4 فیصد اضافے سے 9 کروڑ 65 لاکھ تک جا پہنچی۔مرکزی بینک کی رپورٹ کے مطابق مالی سال کی پہلی سہ ماہی کے دوران موبائل بینکاری ایپس سے ایک ارب 30 کروڑ 10 لاکھ ٹرانزیکشنز کی گئیں، جن کی مالیت 190 کھرب روپے رہی۔رپورٹ میں بتایا گیا ہے کہ موبائل بینکاری ایپس کے ذریعے ہونے والی ٹرانزیکشنز میں حجم کے لحاظ سے 11 فیصد اور مالیت کے لحاظ سے 14 فیصد اضافہ ریکارڈ کیا گیا۔

اسٹیٹ بینک کے مطابق ای کامرس پاکستان کی ڈیجیٹل ادائیگیوں کے لازمی جُز کے طور پر ابھر رہی ہے اور آن لائن ادائیگیاں 29 فیصد بڑھ گئیں۔رپورٹ میں کہا گیا ہے کہ پہلی سہ ماہی کے دوران ہونے والی 11 کروڑ 80 لاکھ آن لائن ای کامرس ادائیگیوں میں سے 91 فیصد ڈیجیٹل ذرائع سے کی گئیں۔مرکزی بینک کے مطابق پوائنٹ آف سیل ٹرمینلز کی تعداد ایک لاکھ 32 ہزار سے بڑھ گئی، جن کے ذریعے 429 ارب روپے کی 8 کروڑ 30 لاکھ ٹرانزیکشنز ہوئیں۔رپورٹ میں بتایا گیا ہے کہ اے ٹی ایم کا نیٹ ورک 19,170 یونٹس تک پہنچ گیا، جس سے 39 کھرب روپے مالیت کی 24 کروڑ 30 لاکھ ٹرانزیکشنز ہوئیں۔اسٹیٹ بینک کی رپورٹ کے مطابق برانچ لیس بینکاری ایجنٹس خصوصاً دیہی اور دور دراز علاقوں میں مالی خدمات کی فراہمی میں اہم کردار ادا کر رہے ہیں، ایجنٹوں نے بلوں کی ادائیگی، موبائل ٹاپ اپس کی مد میں 2 کروڑ 80 لاکھ ٹرانزیکشنز اور رقوم ڈپازٹس اور نکلوانے کی 7 کروڑ 50 لاکھ ٹرانزیکشنز کیں۔رپورٹ میں بتایا گیا ہے کہ سہ ماہی کے دوران ڈیجیٹل ادائیگیاں قبول کرنے والے ریٹیل تاجروں کی تعداد میں 16 فیصد اضافہ ہوا، ’راست ’فوری ادائیگی کے نظام کے ذریعے 47 کھرب روپے مالیت کی 19 کروڑ 70 لاکھ ٹرانزیکشنز انجام دی گئیں۔اسٹیٹ بینک کا کہنا تھا کہ ادائیگی کا نظام بینکوں، فنانشل ٹیکنالوجی اداروں ، پے منٹ سروس پروائیڈرز اور ضابطہ کاروں کی مشترکہ کوششوں سے مسلسل ترقی کر رہا ہے۔

طلاق کیوں ضروری ہے ؟ تحریر:معظمہ تنویر

کراچی :جماعت اسلامی کا پانی کے بحران پر احتجاج کااعلان

سندھ کے سینئر صوبائی وزیر،وزیر اطلاعات شرجیل میمن نے گیس لوڈشیڈنگ کے مسئلے پر شدید تشویش کا اظہار کرتے ہوئے کہا ہے کہ گیس کی فراہمی میں خلل کے باعث نہ صرف عوامی زندگی متاثر ہو رہی ہے بلکہ صنعتی سرگرمیاں بھی بری طرح متاثر ہو رہی ہیں۔ کراچی سمیت سندھ میں گیس لوڈشیڈنگ کا سامنا بہت زیادہ بڑھ گیا ہے اور صوبہ اس صورتحال کا مزید متحمل نہیں ہو سکتا۔

شرجیل میمن کا کہنا تھا کہ گیس کی قلت نے عوام میں بے یقینی اور مایوسی پیدا کر دی ہے۔ ان کا کہنا تھا کہ عوام اور کاروباری حلقوں کا اعتماد کم ہو رہا ہے اور صنعتی پیداوار میں کمی آ رہی ہے جس سے معیشت پر منفی اثرات مرتب ہو رہے ہیں۔انہوں نے وفاقی حکومت سے درخواست کی کہ سردیوں کے مہینوں میں گیس کی بلا تعطل فراہمی کو یقینی بنایا جائے۔ ان کا کہنا تھا کہ اگر سردیوں میں گیس کی فراہمی میں مزید خلل پڑا تو اس سے نہ صرف کراچی بلکہ پورے سندھ میں معاشی مشکلات بڑھ جائیں گی۔ وفاقی حکومت فوری طور پر گیس کی قلت کے مسئلے کو حل کرے تاکہ عوام اور صنعتی شعبے کو اس بحران سے نجات مل سکے۔

انہوں نے یہ بھی کہا کہ کراچی پاکستان کا تجارتی مرکز ہے اور یہاں گیس کی کمی کے اثرات پورے ملک کی معیشت پر پڑ رہے ہیں۔ اگر گیس کی فراہمی بہتر نہ ہوئی تو صنعتی یونٹس کی پیداوار میں مزید کمی آ سکتی ہے جس سے روزگار کے مواقع میں کمی اور مہنگائی میں اضافہ ہو گا۔ سندھ کے عوام اور کاروباری حلقے اس وقت بے چین ہیں اور وفاقی حکومت سے فوری اقدامات کی توقع رکھتے ہیں تاکہ گیس کی فراہمی میں رکاوٹوں کا خاتمہ ہو سکے اور عام آدمی کو سکون کی زندگی گزارنے کا موقع مل سکے۔

خیبر پختونخوا حکومت اداروں سے لڑنے کی بجائے دہشتگردوں سے لڑے،شرجیل میمن

سندھ سرمایہ کاروں کو مکمل تحفظ فراہم کرے گا، شرجیل میمن

پاکستان سرمایہ کاری کے لحاظ سے دنیا کا بہترین ملک ہے ،شرجیل میمن