Category: کراچی

کراچی میں متعدد یوٹیلیٹی اسٹورز بند ہونے سے خریداروں کو شدید پریشانی کا سامنا ہے۔

باغی ٹی وی کے مطابق یوٹیلیٹی اسٹورز کی بندش کا سلسلہ شروع ہوگیا۔ کراچی میں تین اسٹور بند کردیئے گئے۔ مرحلہ وار دیگر اسٹورز بند کیے جائیں گے۔لیاری، سادات کالونی اور کورنگی کراسنگ کے یوٹیلیٹی اسٹورز پر تالے لگ گئے، جو اسٹور کھلے ہیں وہاں موجود خریدار بندش کے فیصلے پر پریشان ہیں۔یوٹیلیٹی اسٹورز انتظامیہ کے مطابق بندش کا فیصلہ اخراجات کم کرنے کیلئے کیا گیا، بند ہونے والے اسٹورز ملازمین کو دوسرے اسٹورز میں تعینات کیا جائے گا۔اس حوالے سے نچلہ طبقہ شدید پریشانی کا شکار ہے کیونکہ مہنگائی کے اس دور میں یوٹیلیٹی اسٹورز سے عوام کو اشیاء خوردنوش مناسب داموں میسر ہوتی ہے.

سندھ فوڈ اتھارٹی کا عوام کو کھلا تیل استعمال نہ کرنے کا مشورہ

کراچی کے ترقیاتی منصوبوں میں تاخیر برداشت نہیں کرونگا، وزیراعلی سندھ

آئی جی سندھ کی صدارت ،مانیٹرنگ ایکٹ 2022جائزہ اجلاس

پانی کی عدم فراہمی پر ایکسیئین واٹر بورڈ طلب

وزیر اعلیٰ سندھ سید مراد علی شاہ نے شہر کراچی کے تین اہم منصوبوں کریم آباد انڈر پاس، کورنگی کاز وے پل اور ملیر ایکسپریس وے کے جائزہ اجلاس کی صدارت کرتے ہوئے محکمہ بلدیات کو ہدایت کی کہ وہ منصوبوں کی بروقت تکمیل کا پلان پیش کریں۔

باغی ٹی وی کے مطابق وزیراعلی سندھ سید مراد علی شاہ نے محکمہ بلدیات سے سوال کیا کہ تمام فنڈز بروقت جاری ہونے کے باوجود منصوبوں کی تکمیل میں اتنی تاخیر کیوں ہو رہی ہی ۔انہوں نے انہیں ہدایت کی کہ وہ تینوں منصوبوں کی مقررہ مدت کے اندر تکمیل کا منصوبہ پیش کریں۔اجلاس پیر کی صبح 9 بجے وزیراعلی ہاس میں منعقد ہوا جس میں وزیر بلدیات سعید غنی، میئر کراچی مرتضی وہاب، وزیراعلی کے پرنسپل سیکریٹری آغا واصف، کمشنر کراچی حسن نقوی، سیکریٹری بلدیات خالد حیدر شاہ، منصوبوں کے پراجیکٹ ڈائریکٹرز؛ نیاز سومرو، ذوالفقار ابڑو ، ممبر پی اینڈ ڈی سکندر اور دیگر افسران نے شرکت کی۔کریم آباد انڈر پاس منصوبہ سندھ حکومت نے کراچی ڈولپمینٹ اتھارٹی (کے ڈی ای) کے ذریعے شروع کیا ہے۔ بریفنگ کے دوران وزیراعلی سندھ کو بتایا گیا کہ منصوبے کی لاگت 3 ارب 80 کروڑ روپے ہے۔ انڈر پاس کی لمبائی 1080 میٹر ہے جس میں سے 300 میٹر مکمل ہو چکے ہیں۔ 212 پری کاسٹ گرائیڈرز میں سے 151 مکمل ہو چکے ہیں اور منصوبے کی مجموعی پیش رفت 35 فیصد ہے۔ وزیراعلی سندھ نے محکمہ بلدیات کو ہدایت کی کہ انڈر پاس میں نکاسی آب کا مناسب اور مثر نظام فراہم کیا جائے تاکہ بارش کا پانی جمع نہ ہو۔ایک سوال کے جواب میں وزیراعلی سندھ کو بتایا گیا کہ مینا بازار اور بازار فیصل کے سامنے ایک رانڈ اباٹ بنایا جا رہا ہے تاکہ ٹریفک کی نقل و حرکت کو منظم کیا جا سکے۔ وزیراعلی سندھ نے وزیر بلدیات سعید غنی اور میئر کراچی مرتضی وہاب کو ہدایت کی کہ تعمیراتی کام تیز کیا جائے کیونکہ اس کی وجہ سے ٹریفک کی روانی میں مشکلات کا سامنا ہے۔ کورنگی کاز وے پر پل کی تعمیر کے بارے میں وزیراعلی سندھ کو بریفنگ دیتے ہوئے بتایا گیا کہ یہ منصوبہ 6ارب 40 کروڑ روپے سے شروع کیا گیا تھا۔یہ منصوبہ 31 جنوری 2025کو مکمل ہونا ہے جو شاید ممکن نہ ہو سکے۔ اس پر وزیراعلی سندھ نے وزیر بلدیات سعید غنی کو ہدایت کی کہ پل پر کام کی خود نگرانی کریں تاکہ اسے بروقت مکمل کیا جا سکے۔ وزیراعلی سندھ کو بتایا گیا کہ 400 پائلس میں سے 300 مکمل ہو چکے ہیں اور 600 گرڈرز میں سے 504 مکمل ہو چکے ہیں اور منصوبے کی مجموعی پیشرفت 30 فیصد ہے۔وزیراعلی سندھ کو بتایا گیا کہ ملیر ایکسپریس وے جام صادق پل تا کاٹھوڑ 38.889 کلومیٹر کا منصوبہ ہے۔جام صادق پل سے شاہ فیصل تک پہلے حصے کی تعمیر 25 دسمبر 2024 تک مکمل ہو جائے گی۔اس پر وزیراعلی سندھ نے محکمہ بلدیات کو شاہ فیصل تا ایئرپورٹ سڑک کی تعمیر نو کی بھی ہدایت کی۔ وزیراعلی سندھ نے واضح طور پر کہا کہ میں چاہتا ہوں کہ تینوں منصوبوں کی تکمیل کی حتمی تاریخیں جمع کروائیں بعد میں کسی قسم کی تاخیر برداشت نہیں کروں گا۔

ماربل سٹی کراچی کے قیام سے متعلق معاہدے پر دستخط

کراچی پولیس نے ہفتہ وار کارکردگی رپورٹ جاری کردی

آئی جی سندھ غلام نبی میمن کی ذیر صدارت سینٹرل پولیس آفس کراچی میں منعقدہ ایک اہم اجلاس میں عادی ملزمان کی نگرانی اور اس تناظر میں پولیس اقدامات سے متعلق تفصیلات کا ذریعہ بیفنگ جائزہ لیا گیا اور مذید ضروری ہدایات دی گئیں۔

باغی ٹی وی کے مطابق اجلاس میں ڈی آئی جیز،ٹی اینڈ ٹی،کرائم اینڈ انویسٹی گیشنز برانچ، انویسٹی گیشن،سی آئی اے، ٹریننگ،ہیڈکوارٹرز،آئی ٹی سمیت دیگر پولیس افسران نے شرکت کی۔اس موقع پر ڈی آئی جی ٹی اینڈ ٹی اور کرائم اینڈ انویسٹی گیشنز برانچ نی”سندھ عادی ملزمان مانیٹرنگ ایکٹ 2022″ اور اس پر عملدرآمدی اقدامات پر تفصیلی بریفنگ میں بتایا کہ پہلے مرحلے میں چار ہزار (4000) عادی ملزمان کی نگرانی کا آغاز ذریعہ الیکٹرانک ٹیگنگ ڈیوائسز کیا جائیگاجبکہ عادی ملزمان اور ان کی نگرانی کا تعین معزز عدالت کرے گی۔علاوہ اذیںای-ٹیگنگ ڈیواسز کی خریداری کے لیئے اشتہار بھی 11 نومبر کوجاری کردیا گیا ہے۔بریفنگ میں اجلاس کو بتایا گیا کہ نگرانی کے عمل کا آغاز پولیس اسٹیشن سے کرتے ہوئے بعداذاں اسے ڈویژنز، زونز اور سی پی او تک وسعت دی جائیگی۔آئی جی سندھ نے کہا کہ آئین اور قانون میں عادی ملزم کی تشریح بالکل صاف اور واضح ہے۔لہذا ضروری ہےکہ تمام ایس ایس پیز، ایس پیز انویسٹی گیشنز متعلقہ تفتیشی افسران کے ساتھ مل کر عادی ملزمان کا ڈیٹا مرتب کرنیکے تمام اقدامات کو یقینی بنائیں جبکہ جیلوں میں قید ملزمان پر کڑی نظر رکھتے ہوئے عادی ملزمان کا تعین اور ڈیٹا بھی ترتیب جائے۔ان کا مذید کہنا تھا کہ ملزمان کے شناختی کارڈز کا اندراج ناصرف یقینی بلکہ اس سسٹم کو سینٹرلائزڈ بھی کیا جائے اور ڈیوائس کی تنصیب،استعمال اور نگرانی کے لیئے نچلی سطح تک آگاہی اور تربیت کی فراہمی کے حوالے سے بھی ہر ممکن اقدامات کیئے جائیں۔انہوں نے ہدایات دیں کہ مانیٹرنگ ڈیوائس کے استعمال سے متعلق پولیس افسران و اہلکاروں کے لیئے تربیتی و آگاہی کورس ترتیب دیا جائے جبکہ عملدرآمدی کمیٹی افسران اور عملہ سے متعلق ایس او پی ترتیب کو بھی یقینی بنائے۔انہوں نے مذید کہا کہ قوی امید ہیکہ عادی ملزمان کی نگرانی سے جیلوں پر دبا میں کمی آئیگی۔

کراچی کے مختلف علاقوں میں تعمیراتی کام جاری ہے،میئر کراچی

ماربل سٹی کراچی کے قیام سے متعلق معاہدے پر دستخط

کراچی پولیس نے ہفتہ وار کارکردگی رپورٹ جاری کردی

صوبائی محتسب اعلی نے اہل محلہ نارتھ ناظم آباد بلاک این کی جانب سے ،گذشتہ کئی برسوں سے پانی کی عدم فراہمی کے خلاف جمع کرائی گئی درخواست پر کاروائی کرتے ہوئے ایکسیئین کراچی واٹر بورڈ ڈسٹرکٹ سینٹرل کو اپنے دفتر میں طلب کر لیا۔

واضح رہے کہ پاسبان ڈیموکریٹک پارٹی شعبہ خواتین کی صدر اور میڈیا ڈائریکٹر عزیز فاطمہ نے پانی کی قلت اور پائپ لائنوں سے فراہمی نہ ہونے کے خلاف اہل محلہ گلی نمبر 5،نارتھ ناظم آباد بلاک ،این، کی جانب سے صوبائی محتسب اعلی میں درخواست جمع کرائی تھی ۔جس پر کاروائی کرتے ہوئے صوبائی محتسب اعلی کے دفتر سے کراچی واٹر بورڈ ، ڈسٹرکٹ سینٹرل کو نوٹس جاری کردیا اور 26نومبر کو متعلقہ علاقے کے ایکسئین کو اپنے دفتر میں طلب کر لیا۔ درخواست گزار گذشتہ کئی برسوں سے پائپ لائنوں کے زریعے پانی کی فراہمی سے محروم ہیں۔ متعلقہ محکمے کو متعدد درخواستیں دینے کے باوجود مسئلہ حل نہ ہونے پر صوبائی محتسب اعلی سے رجوع کیاہے ۔یاد رہے اس وقت کراچی کو پانی کی شدید قلت کا سامنا ہے جس کے باعث عوام منہ مانگے ریٹس پر ٹینکر خریدنے پر مجبور ہے.

میئر کراچی بیرسٹرمرتضیٰ وہاب نے کہا ہے کہ کراچی کے مختلف علاقوں میں سڑکوں کا تعمیراتی کام جاری ہے.

باغی ٹی وی کے مطابق مئی کراچی نے بتایا کہ شیریں جناح کالونی میں شاہراہ غالب نزد پی ایس او پیٹرول پمپ کیماڑی گیٹ نمبر 2 کے قریب سے سڑک کی استرکاری کی جا رہی ہے تاکہ علاقہ مکینوں کو سہولت فراہم کی جاسکے، یہ ہم سب کے بدلتے اور بہتر ہوتے شہر کراچی کے مناظر ہیں جو آج شہریوں کے سامنے ہیں اور اسی طرح آگے بھی جاری رہیں گے، کراچی کی رونقوں اور روشنیوں کو بلدیہ عظمیٰ بحال کررہی ہے اور شہر کے ہر ضلع میں کام ہوتا نظر آرہا ہے جو اس بات کی دلیل ہے کہ اگر نیت ٹھیک اور کام کرنے کا جذبہ ہو تو وسائل یا اختیارات کبھی رکاوٹ نہیں بنتے ،کراچی میں جاری ترقیاتی کاموں کو بروقت اور جلد از جلد مکمل کرنے کی کوشش کی جا رہی ہے تاکہ شہریوں کو آمدورفت میں سہولت فراہم کی جاسکے، شیریں جناح کالونی میں بھاری ٹریفک کی وجہ سے سڑکوں کی صورتحال تشویش ناک تھی اور ٹریفک جام کے مسائل کا سامنا تھا، کیماڑی گیٹ نمبر2 کے قریب کی خستہ حالت کے پیش نظر اس کی فوری مکمل اور استرکاری کا فیصلہ کیا گیا اور اس پر تیزی سے کام شروع کیا گیا اور اب جلد ہی اس مکمل کرلیا جائے گا، انہوں نے کہا کہ کراچی کے شہریوں کا وسیع تر مفاد ہماری اولین ترجیح ہے اور اس کے لئے تمام تر دستیاب وسائل بروئے کار لائے جا رہے ہیں۔

ماربل سٹی کراچی کے قیام سے متعلق معاہدے پر دستخط

کراچی پولیس نے ہفتہ وار کارکردگی رپورٹ جاری کردی

وزیراعلیٰ سندھ مراد علی شاہ نے کہا ہے کہ ماربل سٹی کراچی حکومت سندھ کے پائیدار صنعتی ترقی، معاشی نمو اور ملازمتیں پیدا کرنے کے عزم کی عکاسی کرتا ہے، صوبے میں ماربل اور گرینائٹ سیکٹر کا مستقبل روشن ہے۔

باغی ٹی وی کے مطابق یہ بات انہوں نےمحکمہ سندھ سرمایہ کاری، اس کے ذیلی ادارے سندھ اکنامک زونز مینجمنٹ، کمپنی اور نجی شراکت داروں کائنات انٹرپرائزز اینڈ حسن کنسٹرکشنز کے مشترکہ اجلاس کی صدارت کرتے ہوئے کہی۔ وزیراعلیٰ سندھ کے معاون خصوصی قاسم نوید، چیف سیکریٹری آصف حیدر شاہ، سیکریٹری وزیراعلیٰ رحیم شیخ، سیکریٹری صنعت یاسین شر، سیکریٹری سرمایہ کاری خرم شہزاد، سی ای او سندھ اکنامک زونز اتھارٹی زیرت شفقت ، عظیم عقیلی اور دیگر متعلقہ افسران نے شرکت کی۔ پرائیویٹ پارٹنرز میں سے عاصم صدیقی، چرچل شفقت اور دیگر شریک ہوئے۔ صنعتی اور معاشی ترقی کی جانب بڑا قدم اٹھاتے ہوئے حکومت سندھ نے ماربل اور گرینائٹ کی پیداوار میں انقلابی تبدیلیوں کے منصوبے ماربل سٹی کراچی کے قیام سے متعلق معاہدے پر دستخط کردیے، وزیراعلیٰ سندھ مراد علی شاہ نے اس موقع پر مزید کہا کہ سندھ اکنامک زونز مینجمنٹ اتھارٹی کے زیر انتظام منصوبہ پاکستانی صنعت و تجارت کے مرکز کراچی میں واقع ہے۔ وزیراعلیٰ کے معاون خصوصی برائے سرمایہ کاری سید قاسم نوید نے بریفنگ دیتے ہوئے وزیراعلیٰ سندھ کو بتایا کہ ماربل سٹی ، کراچی بندرگاہ، جناح ایئرپورٹ اور تمام اہم ہائی ویز کےساتھ جڑا ہونے کے باعث قومی اور بین الاقوامی منڈیوں میں تجارت کےلیے بےمثال سہولیات کا حامل ہے۔ منصوبے میں ماڈرن انفرا اسٹرکچر، بنیادی ضروریات اور سخت سیکوریٹی شامل ہیں، 24 گھنٹے نگرانی ، ایمرجنسی مینجمنٹ سسٹم کے باعث سرمایہ کاروں اورورکرزکےلیے محفوظ اور مثبت ماحول بھی فراہم کرتا ہے۔ 100 ملین ڈالر کے منصوبے سے 10 ہزار ملازمتیں پیدا ہونے اور ماربل و گرینائٹ کی پیداوار میں خاطر خواہ اضافہ متوقع ہے۔پاکستان کی صنعتی ترقی میں جدت کے فروغ اور برآمدات کے اضافے میں صوبہ سندھ ھ کا کردار قائدانہ ہے۔
وزیراعلیٰ ہاؤس میں تقریب کے دوران کائنات اینڈ حسن کنسٹرکشن ( جے وی ) کے ساتھ معاہدے پر دستخط وزیراعلیٰ سندھ مراد علی شاہ کی موجودگی میں کیے گئے۔ وزیراعلیٰ سندھ نے نجی شعبے کی شرکت کو سراہا اور منصوبے کی بروقت تکمیل پر زور دیا۔ کائنات اینڈ حسن کنسٹرکشن کے ساتھ معاہدے پر دستخط منصوبے کو عملی جامہ پہنانے کی جانب اہم قدم ہے۔ وزیراعلیٰ ہاؤس میں دستخط کی تقریب سے حکومت کے معاشی نمو ، ملازمتیں پیدا کرنے اور پائیدار صنعتی ترقی کے عزم کی عکاسی کرتی ہے۔

کراچی پولیس نے ہفتہ وار کارکردگی رپورٹ جاری کردی

ایڈیشنل آئی جی کراچی جاوید عالم اوڈھو کے احکامات کو مدنظر رکھتے ہوئے پولیس نے ہفتہ وار کارکردگی رپورٹ جاری کردی.

جاری کر دہ رپورٹ کے مطابق انسداد جرائم کے خلاف کامیاب کارروائیوں میں ضلعی پولیس اور ڈاکوئوں کے درمیان 19مقابلے ہوئے، فائرنگ کے تبادلے میں ایک ڈاکو ہلاک جبکہ 20زخمی ڈاکوئوں سمیت 25ملزمان کو گرفتارکرکے ان کے قبضے سے 22مختلف اقسام کا غیر قانونی اسلحہ اور 14موٹر سائیکلیں برآمدکرلی گئیں۔ترجمان کراچی پولیس کے مطابق کراچی پولیس نے گزشتہ ہفتے منشیات کے خلاف جاری مہم کے دوران 1267 سے زائد ملزمان کو گرفتارکرکے لاکھوں روپے مالیت کی 84کلو 384گرام چرس،ایک کلو 514گرام آئس،کرسٹال اور ہیروئن اور126اقسام کااسلحہ بمعہ ایمونیشن برآمد کیا ہے۔اس کے علاوہ کراچی پولیس نے مختلف کارروائیوں میں چھینی و چوری شدہ 51موٹرسائیکلیں اور 15گاڑیاں بھی برآمدکی ہیں۔

کراچی کے طلبا نے ماحول دوست پولیوشن فری پیپر ایجاد کرلیا

سندھ کے سینئر وزیر، وزیر اطلاعات شرجیل میمن نے کہا ہے کہ عوام نے 24 نومبر کی کال مسترد کردی ،

پریس کانفرنس کرتے ہوئے شرجیل میمن کا کہنا تھا کہ سندھ حکومت نے جو وعدے الیکشن میں عوام سے کئے اس پر ہمارا فوکس ہے، آپ کو اس لیے نہیں ووٹ ملتے کہ عوام کے حقیقی مسائل کو چھوڑ دیں، پیپلز پارٹی کی سندھ حکومت نے آتے ہی کسان کارڈ دیئے،20 ارب روپے سے زیادہ کے کسان کارڈ دیئے گئے، صحت اور تعلیم کے شعبوں میں بھی دن رات کوششیں جاری ہیں، ٹرانسپورٹ سیکٹر اپنی محنت جاری رکھے ہوئے ہے، ریڈ لائن بی آر ٹی اور ییلو لائن بی آرٹی پر کام چل رہا ہے،پاکستان کی پہلی ای وی ٹیکسیز لارہے ہیں،بے روزگار نوجوانوں کو ای وی ٹیکسی دیں گے، نوجوان ای وی ٹیکسی سے عزت والا روزگار کمائے گا،

لوگوں کی بھلائی کیلئے باہر نکلیں تو سب آپ کے ساتھ ہوں گے، شرجیل میمن
شرجیل میمن کا مزید کہنا تھا کہ خیبرپختونخوا میں ایک ہفتے میں 90 سے زیادہ لوگوں کی شہادت ہوئی، وزیراعلیٰ خیبرپختونخوا اس وقت کہاں ہیں؟ خیبرپختونخوا کی مشینری اس وقت کہاں ہے؟ خیبرپختونخوا کی حکومت وفاق پر چڑھائی کررہی ہے،خیبرپختونخوا کی پولیس وفاقی پر چڑھائی کرے یہ ان کی ترجیح ہے، کوئی ایک پراجیکٹ بتادیں جو 12سالوں میں صوبے کو دیا ہو، ان 12سالوں میں خیبرپختونخوا کے لوگوں کو کونسا ریلیف ملا، ریلیف ملا ہوتا تو کے پی کے عوام سندھ یا دیگر صوبوں میں روزگار کیلئے نہ آتے،آج بھی اسٹاک ایکسچینج اوپر گئی ہے، ایک انتشاری ٹولہ یہ چاہتا ہے کہ ملک میں انتشار کی سیاست کی جائے ، آپ بانی پی ٹی آئی کی رہائی کیلئے پرامن احتجاج بھی کرسکتے ہیں، کیا ضرور ی ہے کہ آپ نے پولیس پر شیلنگ اور افراتفری کرنی ہے، بتائیں کراچی میں کتنے لوگ گھروں سے نکلے؟ لوگ اب بیزار ہوچکے ہیں، آپ لوگوں کو مزید بے وقوف بنانا بند کریں،لوگوں کو انتشار نہیں بنیادی مسائل کا حل چاہیے، لوگوں کو برائی اور گالم گلوچ کی سیاست نہیں چاہیے، آپ لوگوں کی بھلائی کیلئے باہر نکلیں تو سب آپ کے ساتھ ہوں گے، ہر حکومت کا یہ کام ہے کہ وہ اپنی ڈومین میں رہے اور جس مقصد کیلئے اقتدار دیا گیا وہ کام کرے، ہماری بھی لیڈر شپ گرفتار ہوئی ہم یہاں سے کوئی جتھہ نہیں لے کر گئے،ہم صوبے سے کوئی سرکاری مشینری نہیں لے کر گئے،

پی ٹی آئی کا سوشل میڈیا بھی "وڑ”گیا

عمران خان کی جانب سے "فائنل کال” پنجاب میں "مس کال” بن گئی

پی ٹی آئی احتجاج،خیبر پختونخوا سے 12 سو سے زائد چھوٹی بڑی گاڑیاں،شرکا کی تعداد

پی ٹی آئی احتجاج،قیادت بشریٰ بی بی نے سنبھال لی،کینٹینر پر چڑھ گئیں

پی ٹی آئی احتجاج، بشریٰ تو آ گئیں، علیمہ خان منظر سے غائب

اسلام آباد، مظاہرین پتھراؤ سے متعدد پولیس اہلکار زخمی

24 نومبردن ختم،لاہورسے نہ قافلہ نکلا نہ کوئی بڑا مظاہرہ

سپریم کورٹ پر حملہ کرنے والوں کو سزا مل جاتی تو نومئی نہ ہوتا، مبشرلقمان

بشریٰ کو خون چاہیے،مولانا کو 3 میسج کس نے بھجوائے؟

بشریٰ کا خطاب،عمران خان تو”وڑ” گیا. مبشر لقمان

خود گرفتاریاں دے رہے،پی ٹی آئی قیادت کہیں نظر نہیں آرہی،مصدق ملک

گاڑیوں میں بیٹھیں،تیز چلیں، خان کو لئے بغیر واپس نہیں آنا، بشریٰ بی بی کا شرکا سے خطاب

کراچی کے طلبا نے موجودہ موسمیاتی تبدیلی کو دیکھتے ہوئے ایگریکلچر ویسٹ سے ماحول دوست پولیوشن فری پیپر ایجاد کرلیا ہے۔

یہ ایک ایسا پیپر ہے جس کو استعمال کر کے پھینکنے سے اس کے اندر موجود بیج کی مدد سے چھوٹے چھوٹے پودوں کی پیداوار ہوگی جو کہ ماحول کیلئے بہت خوشگوار ثابت ہوگا کیوں کہ یہ پیپر گنے کے فضلے، کیلے، چاول اور مکئی کے چھلکوں سے مل کر بنا ہے۔وفاقی اردو یونیورسٹی کے شعبہ بائیو ٹیکنالوجی کے طلبہ کی بنائی گئی بائیو شیٹ سے پانی کی بچت کے ساتھ ساتھ جنگلات کی کٹائی میں بھی خاطر خواہ کمی آئے گی۔ اس پیپر میں کوئی زہریلا مواد نہیں ہوگا بلکہ زرعی فضلے سے تیار کیاگیا ہے۔ صرف یہی نہیں بلکہ پینٹنگز کے شوقین افراد اب مہنگے کینوس کے بجائے پچاس سے سو روپے کی لاگت میں بننے والے اس ماحول دوست پیپر سے اپنا شوق پورا کرسکتے ہیں۔پیپر کی موٹائی کی وجہ سے اس پر باآسانی پینٹنگز نہ صرف کی جاسکتی ہے بلکہ سالوں تک محفوظ بھی رہے گی۔ڈاکٹر سدرہ شاہین کی سربراہی میں گروپ ممبران عبدالرافع، انیلہ شبیر اور حبیب الرحمان نے بائیو پیپر بنایا ہے۔ گروپ ممبران نے دعوی کیا ہے کہ مارکیٹ میں چھوٹے کینوس کی بھی 300 سے قیمت شروع ہورہی ہے جبکہ ہم نے 50 روپے کی لاگت سے کینوس کی طرز پر یہ پیپر تیار کیے ہیں۔طلبا نے کہا کہ پاکستان میں پیپر بہت ہی کم بنتا ہے زیادہ تر درآمد پر انحصار ہوتا ہے جس کو مد نظر رکھتے ہوئے ناقص میٹیریل سے ایسا پروڈکٹ بنایا ہے جو کہ ماحول کو گندہ ہونے سے بھی بچائے گا۔ عموما ایگریکلچر ویسٹ کو جلایا جاتا ہے جس سے گلوبل وارمنگ ہوتی ہے جو کہ ہمارے ماحول کیلئے نقصان دہ ہے۔ موجودہ صورت حال دیکھتے ہوئے یہ ماحول دوست پیپر بنایا ہیکاغذی صنعت میں جنگلات کی کٹائی کی جاتی ہے جس کی وجہ سے جو موسمیاتی تبدیلی کی صورت میں خطرناک اثرات موجود ہیں، بائیو پیپر فصلوں کی باقیات، پودوں کے ریشوں پتوں کو استعمال کرکے ایک پائیدار متبادل حل پیش کیا ہے۔سب سے پہلے فضلہ جمع کر کے صفائی اور چھانٹنا ہوتا ہے پھر شریڈنگ اور پلپنگ کی جاتی ہے۔ اس کے بعد دھلائی اور بلیچنگ کر کے شیٹ کی تشکیل کی جاتی ہے جس کے بعد شیٹ کو تقسیم کیا جاتا ہے۔انہوں نے کہا کہ ملک میں کتابوں اور رسائل و جرائد کی اشاعت مشکل سے مشکل تر ہوتی جا رہی ہے۔ درآمد شدہ کاغذ پر سبسڈی بھی نہیں دی جاتی حالیہ برسوں میں ڈالر کی قیمت میں اضافے کے نتیجے میں کاغذ کی درآمد کہیں زیادہ مشکل ہوتی جارہی ہے۔ اگر اس طرح کے طریقہ کار اپنائے جائیں تو ملک میں امپورٹ کرنے کے بجائے ایکسپورٹ میں تیزی آسکتی ہے۔طلبا نے کہا کہ اگر حکومت تعاون کرے ملک میں کاغذ کے کارخانے بھی لگائے جاسکتے ہیں۔

کراچی، بی ایل اے کے سات ملزمان اسلحہ،منشیات سمیت گرفتار