Category: کراچی

اسسٹنٹ کمشنر جنرل کراچی ہاضم بھنگوار کی تبدیلی کا نوٹیفیکشن معطل کردیا گیا۔کمشنر آفس کی رہائش گاہ سے افسران کو خالی کروانے کے حکم نامے پر ہاضم بھنگوار کو معطل کیا گیا تھا۔

باغی ٹی وی کے مطابق اٹھارہ گریڈ کے دو افسران کو عدالتی اور قانونی پیروی کے تحت نوٹس جاری کیے گئے تھے۔اسسٹنٹ کمشنر جنرل کراچی ہاضم بھنگوار کو ایس این جی ڈی رپورٹ کرنے کا کہا گیا تھا۔چیف سیکریٹری سندھ کے دفتر سے 28 اکتوبر کے حکم نامے کی معطلی کا نوٹیفیکیشن جاری کردیا گیا ہے۔واضح رہے کہ اسسٹنٹ کمشنر ہاظم بنگوار کو عہدے سے ہٹادیا گیا تھا جس کا نوٹی فکیشن بھی جاری کردیا گیا ۔انہیں اسسٹنٹ کمشنر کے عہدے سے ہٹاکر سروسز اینڈ جنرل ایڈمنسٹریشن رپورٹ کرنے کی ہدایت کی گئی تھی ۔ ہاضم بھنگوار کو شہرت اس وقت ملی جب وہ نارتھ کراچی کے اسسٹنٹ کمشنر تعینات ہوئے تھے۔ انہوں نے کچھ عرصے میں اپنے اقدامات سے علاقے کو مثالی بنادیا تھا جبکہ ہر دوسرا شخص انکی تعریف کرتا تھا۔

کوتاہیوں کی وجہ سے آج روزگار اسکیمیں لانا پڑ رہی ہیں،گورنر سندھ

فیصلہ عدالتوں کے بجائے سیاسی میدان میں ہونا چاہیے، مرتضی وہاب

کراچی میں دفاعی نمائش آئیڈیاز کی تیاریاں عروج پرپہنچ گئیں

میئر کراچی مرتضی وہاب نے کہا ہے کہ عدالتوں کے بجائے سیاست کے میدان میں فیصلہ ہونا چاہیے۔

باغی ٹی وی کے مطابق کراچی میں تقریب سے خطاب میں مرتضی وہاب نے کہا کہ پورے سال میں بلدیہ عظمی کی ٹیکس وصولی صرف 20 کروڑ تھی، 4 کروڑ روپے ٹیکس وصولی کمپنی کو دیتے تھے۔انہوں نے کہا کہ ساڑھے پندرہ کروڑ روپے میں شہر کیسے چلاسکتے تھی زمینوں کی نیلامی پر پابندی سے قبضے ہوئے، کے ایم سی کی 56 کچی آبادیاں ہیں جنہیں گرا نہیں سکتے۔میئر کراچی نے کہا کہ کے ایم سی کی 9500 دکانوں کے کرایے 100 روپے ماہانہ تھے، کرائے بڑھا کر دکانوں سے کلیکشن کئی گنا بڑھائی گئی ہے، صرف ستمبر 2024 میں 22 کروڑ سے زائد ٹیکس وصولی میں کامیاب ہوئے۔انہوںنے کہا کہ عدالتوں کے بجائے سیاست کے میدان میں فیصلہ ہوناچاہیے، پریس کانفرنس کم اور کام پر زیادہ توجہ دیتا ہوں، تاجروں اور صنعتکاروں کے مسائل حل کریں گے۔مرتضی وہاب نے کہا کہ حب سے پانی کی دگنی سپلائی کیلیے 13 ارب سے کام شروع کردیا۔انہوں نے کہا کہ قیوم آباد، شاہ فیصل ٹریک دسمبر کے پہلے ہفتے میں مکمل ہوجائے گا، کورنگی کازوے پل 31 جنوری 2025 کو ٹریفک کیلیے کھولیں گے۔میئر کراچی نے کہا کہ وزیراعظم شہباز شریف سے درخواست ہے لیاری ایکسپریس وے کو ہیوی ٹریفک کیلیے کھولا جائے۔

کراچی میں دفاعی نمائش آئیڈیاز کی تیاریاں عروج پرپہنچ گئیں

ایکسپو سینٹرمیں 12ویں آئیڈیاز نمائش کے انعقاد کی تیاریاں عروج پرپہنچ گئیں، دفاعی نمائش میں افتتاحی تقریب سمیت متعدد سرگرمیاں شامل ہیں۔

باغی ٹی وی کے مطابق کراچی ایکسپو سینٹر میں چار روزہ دفاعی نمائش آئیڈیاز کی تیاریاں جاری ہیں، 19سے 22 نومبر کو عالمی سطح کی یہ چار روزہ نمائش دنیا کے کئی ممالک کی توجہ حاصل کرے گی۔دفاعی نمائش میں افتتاحی تقریب سمیت متعدد سرگرمیاں شامل ہیں، نمائش میں ملکی اور غیرملکی معززین کے لیے دفاعی صنتعوں سے متعلق موضوعات پر بین الاقوامی سیمنارز کا انعقاد کیا جائے گا، جس کے لیے سیکیورٹی کے سخت انتظامات کیے گئے ہیں ۔نمائش کے آخری روز شہریوں کے لیے ساحل سمندر پر خوبصورت انداز میں ائر شو کا انعقاد بھی کیا جائے گا، جہاں پاکستان کے دلیر اور جانباز پائلٹس اپنی صلاحیتوں کا مظاہرہ کریں گے۔خیال رہے پاکستان کی ڈیفنس انڈسٹری کو بین الاقوامی سطح پر فروغ دینے کیلئے وزارت دفاع اور دفاعی پیداوار کے تحت ڈیفنس ایکسپورٹ پروموشن آرگنائزیشن ڈی ای پی او ہر دو سال بعد آئیڈیاز کے نام سے بین الاقوامی دفاعی نمائش اور سیمینار کا انعقاد کرتا ہے۔اس نمائش میں پاکستان میں مقامی طور پر تیار کردہ دفاعی سازوسامان کی نمائش کے ساتھ ساتھ دنیا بھر کی بڑی اور اہم دفاعی کمپنیاں بھی اپنے سازوسامان کی نمائش کرتی ہیں۔

پی آئی اے کا 2010 سے 2020 تک آڈٹ نہ ہونے کا انکشاف

سول ایوی ایشن اتھارٹی نے موسم کی تبدیلی کے دوران ائیرپورٹ کے رن وے پر طیاروں کے پھسلنے کے خطرے کا اظہار کیا ہے۔

سی اے اے نے کراچی ائیرپورٹ کے رن وے نمبر 25 ایل پر لینڈنگ اور ٹیک آف کے حوالے سے ہدایات جاری کی ہیں۔ ان ہدایات کے مطابق رات کے وقت رن وے 25 ایل پر شبنم جمع ہو سکتی ہے، جس سے رن وے گیلا ہو جائے گا اور طیاروں کے پھسلنے کا خطرہ بڑھ جائے گا۔ اس کی وجہ سے حادثات کے امکانات پیدا ہو سکتے ہیں۔ سول ایوی ایشن اتھارٹی نے تمام ایئر لائنز کو ہدایت دی ہے کہ وہ طیاروں کی لینڈنگ اور ٹیک آف کے دوران احتیاطی تدابیر اختیار کریں۔سول ایوی ایشن اتھارٹی کی جانب سے ایئر لائنز کو ہدایات جاری ہونے کے بعد ایئر لائنز نے احتیاطی تدابیر کا آغاز کر دیا ہے.

اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب

ٹک ٹاکر امشا رحمان کی بھی انتہائی نازیبا،برہنہ،جنسی تعلق کی ویڈیو لیک

نازیبا ویڈیو لیک ہونے کے بعد مناہل ملک نے دیا مداحوں کو پیغام

سماٹی وی میں گروپ بندی،سما کے نام پر اکرم چوہدری اپنا بزنس چلانے لگے

سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں

انتہائی نازیبا ویڈیو لیک ہونے کے بعد ٹک ٹاکرمناہل نے مانگی معافی

احتساب عدالت نے وومن ڈیولپمنٹ ڈپارٹمنٹ میں کروڑوں روپے کی کرپشن کا ریفرنس چیئرمین نیب کو واپس بھیج دیا ہے۔

باغی ٹی وی کے مطابق کراچی کی احتساب عدالت میں وومن ڈیولپمنٹ ڈپارٹمنٹ میں کروڑوں روپے کی کرپشن کے ریفرنس کی سماعت ہوئی۔ عدالت نے سابق سیکریٹری بدر جمیل میندرو اور دیگر کے خلاف ریفرنس چیئرمین نیب کو واپس بھیج دیا۔عدالت نے ریمارکس دیے کہ یہ ریفرنس نیب قوانین میں تبدیلی کے بعد نیب کورٹ کے دائرہ اختیار میں نہیں آتا۔ پراسیکیوٹر نیب کے مطابق نیب حکام اس کیس کو سماعت کے لیے صوبائی اینٹی کرپشن کورٹ میں بھیجیں گے۔بدرجمیل میندرو، شہباز سومرو، محمد فاروق، فہیم الدین اور اختر عنایت بھرگڑی کے خلاف 2016 میں ریفرنس دائر کیا گیا تھا۔ ملزمان پر 5 کروڑ 69 لاکھ 37 ہزار 751 روپے کی کرپشن کا الزام ہے۔ نیب ترامیم کے بعد نیب حکام نے ریفرنس کی بحالی کی درخواست دائر کی تھی۔

تین سال میں 4ہزار بھکاریوں کو پاکستان واپس بھیجا گیا، ڈی جی ایف آئی اے

سہ ملکی انڈر 19 ٹورنامنٹ 13 نومبر سے دبئی میں شروع ہوگا

عباس علی سینئر نائب صدر کے خلاف فیڈرل اردو یونیورسٹی عبد الحق کیمپس و گلشن اقبال کیمپس کے 3 انجمنوں نے شیخ الجامعہ کے نام خط میں تادیبی کاروائیاں روکنے کا مطالبہ کیا.

باغی ٹی وی کے مطابق شیخ الجماع کے نام خط میں کہا گیا کہ فیڈرل اردو یونیورسٹی کافی عرصے سے مالی بحران ہے جس کی وجہ سے ملازمین مالی دشواری کا شکار ہیں اور اس سلسلے میں دو ماہ سے احتجاج کا سلسلہ جاری ہے انتظامی مالی مسائل حل کرنے کہ بجائے ملازمین کو مختلف ذرائے سے ہراساں اور خوف ذدہ کر رہی ہے اور اپنے مضمون مقاصد حاصل کرنے کہ لئے احتجاج کرنے والے اکثریتی ملازمین کو شوکاز نوٹسز جاری کیے گئے اور نام نہاد کمیٹیاں بنا کر انکوائریاں کی جا رہی ہیں جس کی ہم شدید الفاظ میں پُر زور مذمت کرتے ہیں اور جناب آصف علی زرداری صدر پاکستان و چانسلر وفاقی اردو یونیورسٹی، جناب خالد مقبول صدیقی،وفاقی وزیر تعلیم و پیشہ ورانہ تعلیم و پرو چانسلر وفاقی اردو یونیورسٹی اور ڈاکٹر مختیار ایس ای سی،چیئر مین اور وفاقی سیکریٹری تعلیم سے مطالبہ کرتے ہیں کہ وہ وفاقی اردو یونیورستی کو مالی محران سے نکالنے کے لئے ہنگامی اقدامات کریں نیز ملازمین کے خلاف انتقامی کاروائیاں بند کرنے کے احکامات صادر کریں انجمن کے سینئر نائب صدر جناب عباس علی کے خلاف ہونے والی ذیادتیوں کے خط چند دن قبل مذکورہ بالا افراد کو درخواستیں بذریعہ پاکستان پوسٹ ارسال کر دیئے گئے ہیں لیکن تاحال کوئی جواب موصول نہیں ہوا۔اگر انجمن کے سینئر نائب صدر کے خلاف ہونے والی انتقامی کاروائیوں کے خطوط منسوخ نہیں کئے گئے تو اپنا نیا لائحہِ عمل بنایا جائے گا۔ خط لکھنے والی انجمنوں میں انجمنِ اساتذہ عبدالحق کیمپس انجمنِ اساتذہ گلشن اقبال کیمپس اور انجمن غیر تدریسی عمال گلشن اقبال کیمپس اور دیگر میں سینئر استاد و سابقہ ٹریثرار اور موجودہ سینٹ کے نامزد ممبر اور سینٹ کے نامزد ممبر اور انچارج بزنس ایڈ منسٹریشن اور انجمن اساتذہ کے جنرل سیکریٹری شامل ہیں۔

تین سال میں 4ہزار بھکاریوں کو پاکستان واپس بھیجا گیا، ڈی جی ایف آئی اے

سہ ملکی انڈر 19 ٹورنامنٹ 13 نومبر سے دبئی میں شروع ہوگا

ملی یکجہتی کونسل کے نئے مرکزی تنظیمی زمہ داران کا اعلان

وزیراعلیٰ سندھ کے معاونِ خصوصی و پاکستان پیپلز پارٹی کے جنرل سیکریٹری سینیٹر وقار مہدی نے وفاقی حکومت کی جانب سے سندھ کے میگا ترقیاتی منصوبوں کے لیے مطلوبہ فنڈز جاری نہ کرنے اور اس کے نتیجے میں ایسے منصوبے کی تکمیل میں غیرمعمولی تاخیر پر سخت تشویش کا اظہار کیا ہے۔

باغی ٹی وی کے مطابق اپنے جاری کردہ بیان میں، سینیٹر وقار مہدی نے کہا کہ وفاقی حکومت کو ملک کی چاروں اکائیوں کو مساوی بنیادوں پر دیکھنا چاہیے ،بلکہ تمام صوبوں کو ملکی وسائل سے مستفید ہونے کے لیے انہیں بلا امتیاز مواقع اور تعاون فراہم کرنا بھی وفاقی حکومت کا فرض ہے۔ وفاق کو سب سے زیادہ روینو دینے والے صوبہ کے اہم ترین منصوبوں کے لیے فنڈز کی عدم فراہمی سراسر ناانصافی ہے۔ پانی کاکی-فور منصوبہ کراچی کی ڈھائی کروڑ آبادی کے لیے انتھائی بڑی اہمیت کا حامل ہے، جسے سال 2026ع میں مکمل ہونا ہےلیکن وفاقی حکومت کی جانب سے 130 ارب سے زائد منصوبے کے لیے گذشتہ مالی سال میں محض 15 ارب روپیہ مختص کرنا اور رواں مالی سال میں بھی اپنا یہ ہی رویہ جاری رکھنا سندھ اور بالخصوص کراچی شہر کے عوام سے بھونڈا مذاق ہے جسکی وجہ سے یہ منصوبہ تاخیر کا شکار ہونے کا اندیشہ ہے ۔ وقار مہدی نے کہا کہ کے فور منصوبہ کی طرح جامشورو – سیوہن دو رویہ روڈ کی تعمیر کا منصوبہ بھی وفاقی حکومت کی عدم توجہ کا شکار ہے صوبائی حکومت اس روڈ کی تعمیر کے لیے اپنے حصے کا فنڈز وفاقی حکومت کو دے بھی چکی ہے۔اس روڈ پر آئے روز حادثات میں شہریوں کی قیمتی جانیں ضایع ہوتی ہیں، جبکہ اس روڈ کی تعمیر سے حیدرآباد-سکھر شاہراہ پر بھی ٹریفک کے دباو میں نمایاں کمی آئے گی۔ لیکن اس اہم منصوبہ پر بھی مرکزی حکومت کوئی دلچسپی نہیں لے رہی۔ وقار مہدی نے پی ایس ڈی پی میں شامل 49 ارب کے منظور شدہ دیگر منصوبوں کے التوا پر افسوس کا اظہار کرتے ہوئے مطالبہ کیا ان منصوبوں پر فوری کاروائی کرکے ان کو مکمل کیا جائے۔وقار مہدی نے سینیٹ کی اسٹینڈنگ کمیٹی برائیمنصوبہ بندی، ترقی اور خصوصی اقدامات کی جانب سے کراچی میں اپنا اجلاس منعقد کرنے اور سندھ میں جاری وفاقی حکومت کے منصوبوں کی پیش رفت خصوصا فنڈز کی فراہمی کے معاملے کا جائزہ لینا قابل تعریف اور بڑی اہمیت کا حامل ہے۔ انہوں نے کہا کہ میں کمیٹی کی چیئرپرسن محترمہ قرات العین مری اور دیگر ارکان کی جانب سے اٹھائے گئے مذکورہ اقدام کو خوش آئند قرار دیتا ہوں اور امید کرتا ہوں کہ یہ سلسلہ آگے بھی جاری رہے گا تاکہ صوبہ کے ترقیاتی منصوبے وقت مقررہ پر مکمل ہوسکیں۔

اپوزیشن لیڈر سندھ کو سالڈ ویسٹ مینجمنٹ بورڈ کی ناقص کارکردگی پر تشویش

ملی یکجہتی کونسل کے نئے مرکزی تنظیمی زمہ داران کا اعلان

سکیورٹی خدشات، کراچی ایئرپورٹ آنے والوں پر نئی شرائط عائد

سہ ملکی انڈر 19 ٹورنامنٹ 13 نومبر سے دبئی میں شروع ہوگا

وزیراعلیٰ سندھ مراد علی شاہ نے کہا ہے کہاب سیلاب متاثرین کیلیے گھر بنانے کا پروجیکٹ دنیا کا سب سے بڑا منصوبہ بن چکا ہے اور مزید گھروں کی تعمیر جاری ہے۔

باغی ٹی وی کے مطابق عالمی یوم اطفال کے حوالی سے یونیسیف پاکستان کے پروگرام میں خطاب کرتے ہوئے مراد علی شاہ کا کہنا تھا کہ سیلاب متاثرین کیلیے ایسے گھر بنا رہے ہیں جو موسمیاتی تبدیلی کا مقابلہ کرسکیں، ہم نے نیپال کا ریکارڈ توڑ دیا ہے۔ 2025 تک جب یہ پروگرام مکمل ہوگا تو ایک کروڑ 20 لاکھ افراد کیلیے چھت مہیا کرے گا، ان میں سے اکثریت بچوں کی ہوگی۔حکومت سندھ اپنے چیئرمین بلاول بھٹو زرداری کے ویژن کے مطابق آگے بڑھ رہی ہے جو اس ملک کے سب سے نوجوان لیڈر ہیں۔ ، آرٹس کونسل کراچی میں ہونے والے پروگرام کا عنوان’مستقبل کو سنو‘ تھا۔ وزیر تعلیم سردار شاہ، یونیسیف کے نمائندے عبداللہ فاضل ، یو این ریزیڈنٹ کوآرڈینیٹر محمد یحیٰ اور دیگر اس موقع پر موجود تھے۔مراد علی شاہ کا کہنا تھا کہ ہم اس بات کا عزم کیے ہوئے ہیں کہ بچوں کیلیے ایک بہتر دنیا اور بہتر سندھ چھوڑ کر جائیں۔ بچے مضبوط پاکستان کے معمار ہیں ، ان کی صحت اورترقی ہماری اجتماعی ترجیح ہونی چاہیے۔ وزیراعلیٰ سندھ نے بچوں کے حقوق کے تحفظ کے عزم کا اعادہ کیا اور اس بات کا اعتراف کیا کہ ورلڈ چلڈرن ڈے پاکستان کیلیے اہم موقع ہے، ہر بچے کو روشن مستقبل دینے کیلیے مسلسل کوششوں کی ضرورت ہے۔وزیراعلیٰ سندھ نے اپنی تقریر کا آغاز سندھ ، پاکستان اور دنیا بھر کے بچوں کو چلڈرن ڈے کی مبارکباد سے کیا اور بچوں کے حقوق کے تحفظ کیلیے سندھ کے عزم کا اظہار کیا۔ ان کا کہنا تھا کہ یونیسیف اور اقوام متحدہ کے دیگر شراکت داروں کی مدد سے حکومت یہ یقینی بنائے گی کہ ہر بچے کو جائز سہولیات مل سکیں۔وزیراعلیٰ سندھ نے تقریب میں تمام علاقوں کے بچوں کی شرکت کو سراہا اور کہا کہ یہ قومی یکجہتی اور قوت کو ظاہر کرتا ہے۔انہوں نے یونیسیف اور دیگر ایجنسیوں کے پائیدار ترقی کے اہداف حاصل کرنے میں پاکستان کی مدد کیلیے شکریہ ادا کیا۔ انہوں نے کہا کہ پاکستان کا اقوام متحدہ کی ایس ڈی جی اہداف میں شمولیت کا مقصد نوجوانوں کو ترجیح دینا ہے تاکہ وہ خوشحال مستقبل حاصل کرسکیں۔مراد علی شاہ کا کہنا تھا کہ ساڑھے پانچ کروڑ آبادی کے سندھ میں دو کروڑ سے زیادہ بچے ہیں جو مضبوط قوم کی بنیاد فراہم کرتے ہیں ان کی صحت، تعلیم اور مجموعی ترقی ہماری اجتماعی ترجیح ہونی چاہیے۔انہوں نے یونیسیف کی قومی سفیر صبا قمر کو بھی خوش آمدید کہا اور کہا کہ ان کے حالیہ دورہ سندھ سے بچوں کے حقوق کی اہمیت کے بارے میں آگاہی میں مدد ملی ہے۔ وزیراعلیٰ سندھ نے غذائی قلت اور پینے کے پانی جیسے اہم ایشوز پر فوری توجہ دینے کی ضرورت پر زور دیا اور کہا کہ یہ یقینی بنانا ہوگا کہ تمام بچوں کی محفوظ نشونما ہو اور انہیں سازگار ماحول میسر ہو۔وزیراعلیٰ سندھ نے یونیسیف کے ورلڈ چلڈرن ڈے 2024ء کے پیغام ’’ مستقبل کی سنو‘‘ کی بھی تعریف کی۔ انہوں نے واضح کیا کہ اگر بچوں کے حقوق کا احترام کیا جائے تو بہتر مستقبل کا حصول ممکن ہے۔ انہوں نے یونیسیف کا کراچی میں پروگرام کرنے پر شکریہ ادا کیا اور اس امید کا اظہار کیا کہ یہ سندھ اور دنیا بھر کے بچوں کو روشن مستقبل کے حصول میں مددگار ثابت ہوگا۔

اپوزیشن لیڈر سندھ کو سالڈ ویسٹ مینجمنٹ بورڈ کی ناقص کارکردگی پر تشویش

ملی یکجہتی کونسل کے نئے مرکزی تنظیمی زمہ داران کا اعلان

سکیورٹی خدشات، کراچی ایئرپورٹ آنے والوں پر نئی شرائط عائد

سہ ملکی انڈر 19 ٹورنامنٹ 13 نومبر سے دبئی میں شروع ہوگا