Category: کراچی

اپوزیشن لیڈر سندھ علی خورشیدی نے سندھ سالڈ ویسٹ مینجمنٹ بورڈ کی ناقص کارکردگی پر شدید تشویش کا اظہار کیا ہے۔

باغی ٹی وی کے مطابق اپوزیشن لیڈر سندھ علی خورشیدی نے کہا کہ سالڈ ویسٹ مینجمنٹ کی ناکامی کی وجہ سے کراچی سمیت پورے سندھ میں جگہ جگہ کچرے کے ڈھیر لگا ہوا ہے۔انہوں نے کہا کہ سالڈ ویسٹ مینجمنٹ بورڈ کے قیام کے 10 سال بعد بھی صفائی کا نظام بہتر نہ ہوسکا، سندھ حکومت 10 سالوں میں سالڈ ویسٹ کی ایکٹ کی شقوں میں عمل کرنے میں ناکام رہی ہے۔علی خورشیدی نے کہا کہ موجودہ مینجمنٹ سالڈ ویسٹ کے نظام میں بہتری کی بجائے کرپشن کرنے میں مصروف عمل ہے، سالڈ ویسٹ کے لیبر کے ٹھیکوں میں پیپلزپارٹی کے منظور نظر لوگوں کو نوازا جارہا ہے۔

سکیورٹی خدشات، کراچی ایئرپورٹ آنے والوں پر نئی شرائط عائد

سہ ملکی انڈر 19 ٹورنامنٹ 13 نومبر سے دبئی میں شروع ہوگا

سکیورٹی خدشات کے باعث کراچی ایئرپورٹ آنے والوں پر نئی شرائط عائد کردی گئیں۔

میڈیا رپورٹس کے مطابق پاکستان ائیرپورٹس اتھارٹی کے شعبہ ویجیلنس نے کراچی ائیرپورٹ پر سکیورٹی سخت کرتے ہوئے مسافروں کو رخصت کرنے یا ان کے استقبال کیلئے آنے والوں پر بھی نئی شرائط عائد کردی ہیں، جن کے تحت کراچی ائیرپورٹ پر مسافروں کو لینے یا رخصت کرنے کیلئے آنے والوں کیلئے بھی ٹکٹ کی کاپی ساتھ رکھنا لازمی قرار دیدیا گیا۔ذرائع کا کہنا ہے کہ ایک مسافر کے ساتھ 4 شہری ائیرپورٹ جا سکیں گے، ٹکٹ کی کاپی نہ ہونے پر ائیرپورٹ میں داخل نہیں ہونے دیا جائے گا، شعبہ ویجیلنس کی جانب سے ائیر پورٹ پر داخلے کے وقت سکیورٹی اداروں کے چیک کرنے پر ٹکٹ دکھانا لازمی قرار دیا گیا ہے، نئے شرائط کے تحت ائیرپورٹ میں داخلے کیلئے مسافروں کو لینے آنے والے شہریوں کو شناختی کارڈ بھی لازمی رکھنا ہوگا۔بتایا جارہا ہے کہ پاکستان ائیرپورٹس اتھارٹی کے شعبہ ویجلنس نے یہ پلان ترتیب دیا ہے، نئے فیصلے پر عمل درآمد جلد شروع کیا جائے گا، کراچی ائیرپورٹ کے قریب حالیہ دہشتگرد حملے کے پیش نظر یہ اقدامات کیے گئے ہیں، 7 اکتوبر کو کراچی کے انٹرنیشنل ایئرپورٹ کے قریب دھماکے میں دو چینی باشندوں سمیت 3 افراد ہلاک اور 17 افراد زخمی ہوئے تھے، دھماکے کے بعد وقوعہ پر متعدد گاڑیوں میں آگ لگ گئی، دھماکے میں جلنے والی گاڑیوں کی تعداد 8 بتائی گئی جب کہ حملے میں استعمال ہونے والی گاڑی ڈبل کیبن ویگو تھی، جو شاہ فہد نامی شخص کے نام پر رجسٹرڈ تھی، کراچی ائیرپورٹ حملے کی تحقیقات کے دوران مرکزی ملزم سمیت خاتون اور بینک عملے سمیت کئی سہولتکاروں کو گرفتار کرلیا گیا، ہوائی اڈے کے اندر موجود ریکی ٹیم بھی پکڑی گئی۔

سہ ملکی انڈر 19 ٹورنامنٹ 13 نومبر سے دبئی میں شروع ہوگا

اورماڑہ کے سمندر میں پاکستان گوسٹ گارڈ کی گشتی ٹیم پرحملہ

بابا گرونانک کی تقریبات میں شرکت کے لئے لاڑکانہ سے یاتری روانہ

اورماڑہ کے سمندر میں گجہ ٹرالروں کی پاکستان گوسٹ گارڈ کی گشتی ٹیم پرحملہ و فائرنگ ،حملے میں کوسٹ گارڑکا میجر سمیت دو اہلکار زخمی ہوگئے ، جنھیں فوری طور پر کراچی منتقل کر دیا گیا.

پولیس زرائع کے مطابق اتوار اور پیر کی درمیانی رات بلوچستان کے ساحلی شہر اورماڑہ کے سمندر میں سندھ کے گجہ ٹرالروں نے پاکستان کوسٹ گارڑ کی پیٹرولنگ ٹیم پر حملہ کردی، ازرائع کے مطابق ٹرالر مافیا کی جانب سے بھاری ہتھیاروں کا استعمال کیاگیا فائرنگ سے پاکستان کوسٹ گارڑ جلال خان نامی میجر شدید زخمی ہوگیا جبکہ پاکستان کوسٹ گارڑ کے دو سپاہی توصیف عمر اور سپاہی ابرار بھی زخمی ہو گئے ،زخمی اہلکاروں اور میجر کو اورماڑہ میں ابتدائی طبی امداد فراہم کرنے کے بعد فوری طور پر کراچی منتقل کر دیا گیا۔اس حوالے سے حکام کی تحقیقات جاری ہیں .

چیف آف جنرل اسٹاف اویس دستگیر کی چینی آرمی کے کمانڈر سے ملاقات

چینی شہریوں پر خود کش حملہ آور کے بارے میں نئے انکشافات

انڈر19 ویمنزسکلزکیمپ کا کراچی میں آغازہوگیا

سندھ کے دارالحکومت کراچی کے جناح ائیرپورٹ کے قریب چینی شہریوں پر خود کش حملہ آور کے بارے میں نئے انکشافات سامنے آگئے۔

میڈیا رپورٹس کے مطابق خودکش دھماکے سے قبل شاہ فہد نامی دہشت گرد نے ساتھی خاتون کے ساتھ 5 بجے حب ٹال پلازہ کراس کیا، پھر رات 10 بج کر 33 منٹ پر صدر کے ہوٹل میں کمرہ حاصل کیا، دوسرے دن صبح 10 بج کر 57 منٹ پر گاڑی میں ہوٹل سے نکلا، صدر میں سونی سینٹر کراس کیا، صبح 11 بجکر دو منٹ پر ایمپریس مارکیٹ سے رینبو سینٹر پہنچا، دوپہر 2 بجکر 22 منٹ پر ڈی ایچ اے فیز 1 کا سگنل کراس کیا۔
بتایا گیا ہے کہ سی سی ٹی وی فوٹیج میں کورنگی سے اتحاد پر دہشتگرد کو جاتے دیکھا گیا، شام سوا پانچ بجے اس نے پیٹرول پمپ کراس کیا اور ائیرپورٹ پہنچ گیا،6 بج کر 29 منٹ پر دہشت گرد صدر زینب مارکیٹ پر دیکھا جاسکتا ہے، 6 بجکر 31 منٹ پر واپس اپنے ہوٹل پہنچ گیا۔ذرائع کا کہنا ہے کہ دہشتگردی کے واقعے کے روز شاہ فہد کو ہوٹل کاؤنٹر پر دیکھا گیا، یہ دہشتگرد دوپہر 12 بج کر 19 منٹ پر ہوٹل سے نکل کر پیرا ڈائیز ہوٹل ایٹریم اور آواری ٹاور سے شاہراعِ فیصل آیا، سٹیٹ گیسٹ ہاؤس باغ جناح اور دیگر مقامات کے چکر لگاتا رہا، شام 4 بج کر 20 منٹ پر شاہراعِ فیصل فیاض سینٹر کراس کیا جس کے بعد بہادرآباد حرمین شریفین ہوٹل کے باہر دہشتگرد کو دیکھا گیا۔معلوم ہوا ہے کہ دہشت گرد شاہ فہد رات ساڑھے 9 بجے ائیرپورٹ پہنچا، اس کا ایک ساتھی بھی پیدل ائیرپورٹ میں داخل ہوا، پینٹ شرٹ پہنے ساتھی دہشتگرد کو اوپر کھڑے دیکھا گیا، چینی قافلے کے نکلتے ہی اوپر موجود دہشتگرد نے فون پر شاہ فہد کو اطلاع دی، قافلہ جیسے ہی اس کے قریب پہنچا تو شاہ فہد نے خودکش دھماکہ کردیا۔

انڈر19 ویمنزسکلزکیمپ کا کراچی میں آغازہوگیا

بلاول کا اسموگ سے پریشان شہریوں کو کراچی منتقل ہونے کا مشورہ

کراچی: دھند کے باعث ٹرینوں کی آمد و رفت میں تاخیر، شہری پریشان

کراچی: چیئرمین پاکستان پیپلزپارٹی بلاول بھٹو زرداری نے ملک کے دیگر شہروں میں اسموگ سے پریشان شہریوں کو کراچی منتقل ہونے کا مشورہ دے دیا۔

باغی ٹی وی : پاکستان میں اسموگ اتنی زیادہ ہو گئی ہے کہ خلا سے بھی نظر آنے لگی ہے، شدید دھند اور اسموگ کی وجہ سے فلائٹ آپریشن بھی متاثر ہےجب کہ موٹرویز کو بھی مختلف مقامات پر ٹریفک کے بند کرنا پڑ رہا ہے،پنجاب حکومت نے بڑھتی اسموگ اور فضائی آلودگی کے باعث صوبے کے تمام اضلاع کے نجی و سرکاری اسکول بند کرنے کے احکامات جاری کردیے۔

پنجاب میں بڑھتی ہوئی اسموگ اور فضائی آلودگی کے باعث تمام اسکولوں کو 17 نومبر تک مکمل بند رکھنے اور نجی اداروں کے نصف عملےکو آن لائن شفٹ کرنےکا فیصلہ کیا گیا ہے،وہیں چیئرمین پاکستان پیپلزپارٹی بلاول بھٹو زرداری نے ملک کے دیگر شہروں میں اسموگ سے پریشان شہریوں کو کراچی منتقل ہونے کا مشورہ دے دیا۔

بلاول بھٹو زرداری نے ایکس پر جاری بیان میں پنجاب اور خیبرپختونخوا کے شہروں میں آلودگی کی تفصیل بھی شیئر کی ، جس میں بڑے شہروں میں اے کیو آئی پوائنٹس کی تفصیلات بھی موجود ہیں-

کراچی کی انسداد دہشت گردی کی عدالت نے ایئر پورٹ کے قریب خود کش بم دھماکے کے کیس میں گرفتار 2 ملزمان کا جسمانی ریمانڈ منظور کر لیا۔

باغی تی وی کے مطابق ایئر پورٹ کے قریب خود کش بم دھماکے کے کیس میں پولیس نے گرفتار 2 ملزمان کو انسداد دہشت گردی کی عدالت پیش کیا۔ عدالت نے ملزم جاوید اور گل نساء کو 10 روز کے جسمانی ریمانڈ پر پولیس کے حوالے کر دیا۔واضح رہے کہ کراچی ایئر پورٹ کے قریب ہونے والے حملے میں استعمال ہونے والی گاڑی کی سی سی ٹی وی تصویر گزشتہ روز سامنے آئی۔تفتیشی ذرائع کے مطابق گاڑی میں حملہ آور اور اس کی سہولت کار خاتون کو دیکھا جا سکتا ہے، مبینہ ملزمہ کو بلوچستان سے حراست میں لے لیا گیا ہے۔ذرائع نے بتایا تھا کہ خودکش حملہ آور کے دیگر ساتھی بھی گرفتار کر لیے گئے جن سے مزید تفتیش جاری ہے۔ذرائع کے مطابق گرفتار دہشت گردوں کے قبضے سے خود کش جیکٹ اور بارودی مواد بھی برآمد ہوا ہے۔

کراچی: دھند کے باعث ٹرینوں کی آمد و رفت میں تاخیر، شہری پریشان

کراچی پولیس کا سرچ آپریشن،8ملزمان گرفتار،منشیات برآمد

حکومت سندھ نے صوبے بھر میں منشیات فروشوں کے خلاف بھرپور آپریشن کا فیصلہ کر لیا ہے، محکمہ ایکسائز نارکوٹکس کنٹرول ونگ کی جانب سے(کل)13 نومبر سے منشیات فروشوں کے خلاف باضابطہ آپریشن شروع کیا جا رہا ہے۔

باغی ٹی وی کے مطابق جاری اعلامیہ کے مطابق سندھ کے سینئر صوبائی وزیر برائے اطلاعات، ٹرانسپورٹ،ماس ٹرانزٹ، ایکسائز، ٹیکسیشن و نارکوٹکس کنٹرول شرجیل انعام میمن کی زیر صدارت محکمہ ایکسائز نارکوٹکس کنٹرول ونگ کا اہم اجلاس ہوا جس میں شرجیل انعام میمن نے منشیات فروشوں کے خلاف بھرپور آپریشن کے احکامات جاری کر دیئے اور آپریشن کے سلسلے میں سندھ بھر سے محکمہ ایکسائز نارکوٹکس کنٹرول ونگ کی نفری بھی طلب کر لی گئی ہے۔شرجیل انعام میمن نے کہا کہ کل سے سندھ بھر میں منشیات فروشوں کے خلاف مرحلہ وار آپریشن شروع کیا جائے اور پہلے مرحلے میں کراچی اور حیدرآباد کے منشیات فروشوں کے خلاف گھیرا تنگ کر کے منشیات سے پاک کیا جائے۔ منشیات کے خلاف دائرہ وسیع کرتے ہوئے دیگر اضلاع میں بھی جلد آپریشن شروع کر دیا جائے گا،ہمارا ٹارگیٹ کرسٹل، آئس، ہیروئن، کوکین اور چرس ہے،اس کا خاتمہ ہر صورت میں یقینی بنانا ہوگا،پولیس اور رینجرز بھی ایکسائز نارکوٹکس کنٹرول کی ٹیموں کے ساتھ تعاون کے لئے ہمہ وقت تیار ہے۔انہوں نے کہا کہ انسداد منشیات کے نئے قانون کے بعد ایکسائز نارکوٹکس کنٹرول کی ذمہ داریوں میں اضافہ ہوگیا ہے، اپنی آئندہ نسلوں کو منشیات کی لعنت سے بچانے اور منشیات سے پاک معاشرے کو یقینی بنانے کیلئے ہم سب کو کردار ادا کرنا ہوگا۔انہوں نے کہا کہ منشیات کی روک تھام کیلئے کی جانے والی کوششوں سے اطمینان کا احساس اور خوشی ہوتی ہے،انسداد منشیات ونگ کو مضبوط اور مثالی بنانا اب ہماری ذمہ داری ہے۔انہوں نے کہا کہ منشیات کے خلاف اچھی کارکردگی دکھانے والوں کو انعامات اور اعزازات سے نوازا جائے گا۔انہوں نے مزید کہا کہ انسداد منشیات کے خلاف کارروائیوں کو ذاتی طور پر مانیٹر کر رہا ہوں، روزانہ کی بنیاد پر آپریشن کی رپورٹ دی جائے۔اجلاس میں سیکریٹری ایکسائز محمد سلیم راجپوت، ڈی جی نارکوٹکس کنٹرول ونگ اورنگزیب اکبر پنہور اور دیگر افسران نے شرکت کی۔

کراچی: دھند کے باعث ٹرینوں کی آمد و رفت میں تاخیر، شہری پریشان

کراچی پولیس کا سرچ آپریشن،8ملزمان گرفتار،منشیات برآمد

کراچی میں کینٹ اسٹیشن پر ٹرینوں کی آمد و رفت گھنٹوں تاخیر کا شکار ہے۔

باغی ٹی وی کو ایک مسافر نے بتایا ہے کہ خیبر میل کو رات 10 بجے کینٹ اسٹیشن پہنچنا تھا جو صبح 5 بجے پہنچی ہے، مسافروں کو ٹرینوں سے متعلق معلومات دینے والا بھی کوئی نہیں۔مسافر کا کہنا ہے کہ سکھر ایکسپریس اکثر تاخیر سے روانہ ہوتی ہے، ریلوے انتظامیہ کہہ رہی ہے کہ ٹکٹ واپس نہیں ہو گا، اسے ضائع کر دو۔ٹرینوں کی ا?مد و رفت میں تاخیر سے مسافروں کو مشکلات کا سامنا ہے۔دوسری جانب ریلوے انتظامیہ کا کہنا ہے کہ مختلف شہروں میں دھند کے باعث ٹرینوں کی آمد و رفت تاخیر کا شکار ہے۔دوسری جانب ڈویژنل سپرنٹنڈنٹ آفس پاکستان ریلوے لاہور کی جانب سے جاری بیان کے مطابق شدید دھند اور سموگ کے باعث لاہور سے کراچی جانے والی شالیمار ایکسپریس کا شیڈول تبدیل کردیا گیا ہے۔

کراچی پولیس کا سرچ آپریشن،8ملزمان گرفتار،منشیات برآمد