Category: کراچی

کراچی کے علاقے ڈیفنس فیز 5 میں پولیس نے بروقت کارروائی کرتے ہوئے ایک رہائشی عمارت سے زنجیروں میں جکڑی خاتون کو بازیاب کرالیا۔

پولیس حکام کے مطابق واقعے کی اطلاع مددگار 15 پر موصول ہوئی، جس کے بعد پولیس ٹیم فوری طور پر دیے گئے پتے پر پہنچی۔پولیس نے رہائشی عمارت کی تیسری منزل پر پہنچ کر گھر کا دروازہ توڑا، جہاں ایک کمرے میں خاتون کو زنجیروں سے بندھا ہوا پایا گیا۔ پولیس نے فوری طور پر زنجیریں کاٹ کر خاتون کو بحفاظت آزاد کرالیا۔ متاثرہ خاتون کی شناخت شیریں جناح کالونی کی رہائشی کے طور پر ہوئی ہے۔ابتدائی تفتیش کے مطابق متاثرہ خاتون کو اس کے سابق شوہر نے بچوں کے خرچے کی ادائیگی کے بہانے گھر بلایا تھا۔ پولیس کا کہنا ہے کہ سابق شوہر نے خاتون کو گھر میں زنجیروں سے باندھا اور موقع سے فرار ہوگیا۔ واقعے کے بعد علاقے میں خوف و ہراس پھیل گیا، تاہم پولیس کی بروقت کارروائی سے ایک بڑا سانحہ ٹل گیا۔

پولیس حکام کے مطابق متاثرہ خاتون کو ابتدائی طبی امداد اور قانونی کارروائی کے لیے متعلقہ اسپتال منتقل کیا گیا، جہاں اس کی حالت خطرے سے باہر بتائی جاتی ہے۔ خاتون کا تفصیلی بیان قلمبند کرلیا گیا ہے، جس کی روشنی میں مقدمہ درج کرنے کی کارروائی جاری ہے۔پولیس نے ملزم کی گرفتاری کے لیے مختلف مقامات پر چھاپے مارنا شروع کر دیے ہیں اور جلد گرفتاری کی امید ظاہر کی جا رہی ہے۔ پولیس حکام کا کہنا ہے کہ خواتین کے خلاف تشدد کے ایسے واقعات ناقابلِ برداشت ہیں اور ملزم کو قانون کے کٹہرے میں لایا جائے گا۔

وزیراعلی کے پی سہیل آفریدی کو حیدرآباد ہائیکورٹ بار سے خطاب کی اجازت دینے سے بار ایسوسی ایشن نے انکار کردیا

سہیل آفریدی کل حیدرآباد پہنچیں گے، جہاں مختلف تقریبات میں شرکت اور ریلی کی قیادت بھی کریں گے، حیدرآباد ہائیکورٹ بار ایسوسی ایشن کے صدر ایڈووکیٹ عشرت لوہار نے بار سے خطاب کی اجازت نہ دینے کا لیٹر جاری کردیا،حیدرآباد ہائیکورٹ بار کے 11 ممبران نے وزیراعلی کے پی کے کو خطاب کی اجازت دینے کی مخالفت کی، صرف ایک ممبر نے حمایت کی ،صدر بار ایسوسی ایشن کا کہنا ہے کہ حیدرآباد ہائیکورٹ بار کے جنرل سیکرٹری نے ذاتی بناء پر وزیراعلی کے پی کے سہیل آفریدی کو خطاب کی اجازت دینے کا لیٹر جاری کیا تھا،

وزیر اعلیٰ سندھ سید مراد علی شاہ کی زیر صدارت ترقیاتی منصوبوں کی پیش رفت کا جائزہ اجلاس ہوا

اجلاس میں صوبائی وزراء؛ شرجیل انعام میمن، سعید غنی، سید ناصر حسین شاہ، جام خان شورو، ضیاء الحسن لنجار، میئر کراچی مرتضیٰ وہاب، چیف سیکریٹری آصف حیدر شاہ، پرنسپل سیکریٹری آغا واصف، کمشنر کراچی حسن نقوی، چیئرمین پلاننگ اینڈ ڈویلپمنٹ نجم شاہ، سیکریٹری داخلہ اقبال میمن، ڈی جی پی اینڈ ڈی الطاف ساریو سمیت دیگر حکام نے شرکت کی،وزیراعلیٰ سندھ نے ترقیاتی منصوبوں کی بروقت تکمیل اور معیار یقینی بنانے کی ہدایت کی

وزیراعلیٰ سندھ کو ترقیاتی کارکردگی، جاری منصوبوں اور ادارہ جاتی اصلاحات پر بریفنگ دی گئی، بتایا گیا کہ سندھ کا ترقیاتی بجٹ بجٹ 09-2008ء میں 55 ارب سے بڑھ کر 26-2025ء میں 1,018 ارب روپے ہو گیا ،سندھ میں 13 ہزار سے زائد ترقیاتی منصوبے شروع، 9,193 مکمل کیے گئے ہیں،سڑکوں، آبپاشی، تعلیم، صحت اور سماجی شعبوں میں نمایاں پیش رفت ہوئی ہے

ترقیاتی کاموں میں تاخیر اور لاگت میں اضافے پر وزیراعلیٰ سندھ نے اظہار ناراضگی کیا اور کہا کہ ناقص کام اور غفلت برداشت نہیں کی جائے گی،عوامی پیسے کے زمینی نتائج نظر آنے چاہئیں،محکمے نئے اعلانات کے بجائے منصوبوں کی تکمیل پر توجہ دیں،وزیراعلیٰ سندھ نے اندرونی احتساب اور نگرانی کا نظام مزید مضبوط بنانے کی ہدایت دی،سندھ فلڈ ایمرجنسی ری ہیبلیٹیشن پراجیکٹ (SFERP) کے سے متعلق بریفنگ دی بتایا گیا کہ سندھ حکومت کا سیلاب کے بعد بحالی منصوبوں پر کام جاری ہے،825 کلومیٹر سیلاب متاثرہ سڑکوں کی بحالی جاری ہے، 500 پانی اور نکاسی آب اسکیمیں بحال کی گئی ہیں،

وزیراعلیٰ سندھ سید مراد علی شاہ کا مزید کہنا تھا کہ کیش فار ورک پروگرام سے 1 لاکھ 39 ہزار خاندان مستفید ہوئے ہیں، وزیراعلیٰ سندھ نے بلڈ بیک بیٹر حکمت عملی پر سختی سے عملدرآمد کی ہدایت کی،وزیراعلیٰ سندھ کو کراچی نیبرہوڈ امپروومنٹ پراجیکٹ پر پیش رفت سے آگاہی دی گئی،بتایا گیاکہ کراچی میں سڑکوں، پارکوں اور اسٹریٹ لائٹنگ میں بہتری کا عمل جاری ہے،شہری نقل و حرکت، تحفظ اور معیار زندگی میں نمایاں بہتری آئی ہے،

وزیراعلیٰ خیبرپختونخوا سہیل آفریدی کراچی کے دورے پر پہنچ گئے، پیپلزپارٹی رہنماء اور صوبائی وزیر سعید غنی نے کراچی ایئرپورٹ پر ان کا استقبال کیا۔

وزیراعلیٰ خیبرپختونخوا سہیل آفریدی کے ساتھ ترجمان کے پی حکومت شفیع جان اور صوبائی وزیر مینا خان بھی موجود ہیں، سلمان اکرم راجا، شوکت بسرا اور دیگر پی ٹی آئی رہنماء بھی ان کے ہمراہ ہیں۔پیپلزپارٹی رہنماء اور صوبائی وزیر سعید غنی نے وزیراعلیٰ کے پی سہیل آفریدی کو اجرک اور سندھی ٹوپی پہنائی۔سہیل آفریدی آج کراچی کے ضلع جنوبی، ملیر اور کورنگی جائیں گے، وزیراعلیٰ خیبرپختونخوا ایئرپورٹ سے انصاف ہاؤس جاکر رہنماؤں سے ملیں گے، وہ آج کراچی پریس کلب میں میٹ دی پریس سے خطاب بھی کریں گے۔

دوسری جانب وزیراعلیٰ خیبرپختونخوا سہیل آفریدی کے دورۂ کراچی کے موقع پر استقبال کیلئے کراچی ایئرپورٹ کے احاطے میں جمع پی ٹی آئی کارکنان آپس میں لڑپڑے۔کارکنوں نے ایک دوسرے پر لاتوں اور مکوں کا استعمال کیا، موقع پر موجود لوگوں نے کارکنان کے درمیان بیچ بچاؤ کرایا۔

وزیر اعلیٰ خیبر پختونخوا سہیل آفریدی کراچی پہنچ گئے

وزیر اعلیٰ سہیل آفریدی کے ہمراہ مینا آفریدی اور شفیع جان سمیت دیگر بھی موجود ہیں،سندھ کے صوبائی وزیر سعید غنی وزیر اعلی کے پی سہیل آفریدی کے استقبال کے لئے کراچی ائرپورٹ موجود ہیں،بڑی تعداد میں پی ٹی آئی کے رہنما و کارکنان استقبال کے لئے جمع ہیں، پی ٹی آئی کے تمام کارکنان پر امن طریقے سے وزیر اعلیٰ خیبرپختونخوا سہیل آفریدی کا استقبال کرنے پہنچے، ترجمان پی ٹی آئی کے مطابق پی ٹی آئی کارکنان پر امن طریقے سے کراچی ایئرپورٹ پر موجود ہیں،

دوسری جانب سندھ حکومت کی جانب سے پی ٹی آئی کو جناح گراٶنڈ میں جلسہ کرنےکی اجازت کے لئے مشاورت جاری ہے، صوبائی وزیر سید ناصر حسین شاہ کا کہنا ہے کہ وزیراعلیٰ کےپی سہیل آفریدی کا سندھ میں بھرپور استقبال کریں گے، سہیل آفریدی سیاسی سرگرمیاں کریں جلسہ بھی کر سکتے ہیں ، پی ٹی آئی سمیت کسی بھی جماعت کی پرامن جدوجہد کو نہیں روکا جا سکتا، قانون کی خلاف ورزی ہوں تو مسائل پیدا ہوسکتے ہیں، جلسے کی کوئی پابندی نہیں ہے کورنگی اور ساؤتھ میں بھی انھوں نے جلسے کی درخواست دی ہے ،پی ٹی آئی نے باغ جناح میں جلسے کی اجازت مانگی ہے وہ ان کو دی جارہی ہے،پی ٹی آئی کی لیڈرشپ سے بات چیت ہورہی ہے۔

تحریک انصاف کے رہنما سلمان اکرم راجہ نے ائرپورٹ پر غیر رسمی گفتگو کرتے ہوئے کہا کہ ہمارا پیغام پاکستانی عوام کے نام ہے،حقیقی آزادی کا سفر جاری ہے،کراچی اہم سنگ میل ہے ،انشاء اللہ کراچی سے گونج اٹھے گی،کراچی کا جلسہ اہم ہوگا، ایک عہد کریں گے،اڈیالہ کی دیواریں اب گرنے والی ہیں ،سب سے کہتا ہوں ساتھ چلو

کراچی روانگی سے قبل وزیراعلیٰ سہیل آفریدی کا کہنا تھا کہ اتوار کو مزار قائد پر جلسہ ہو گا، وزیر اعلیٰ سندھ نے ملاقات کی دعوت دی ہے۔ میں پہلے وہاں موجود کے پی کے عوام سے ملوں گا اور ان کے مسائل وزیر اعلیٰ سندھ کے سامنے رکھوں گا،

وزیر اطلاعات سندھ شرجیل انعام میمن نے کہا ہے کہ کالعدم ٹی ٹی پی پر بانی پی ٹی آئی کا جو مؤقف رہا ہے وہ کسی سے چھپا ہوا نہیں۔

نجی ٹی وی جیو نیوز کے پروگرام جیو پاکستان میں گفتگو کرتے ہوئے شرجیل میمن کا کہنا تھا کہ بانی پی ٹی آئی نے ہمیشہ طالبان کے حق میں اور ان کے دفاتر کھولنے کی بات کی۔ کالعدم ٹی ٹی پی نے اسکولوں، مساجد، امام بارگاہوں اور افواج پر حملے کیے،پی ٹی آئی کی قیادت کا طالبان کے لیے ہمیشہ نرم گوشہ رہا ہے، ان کے اپنے صوبے میں معصوم جانیں ضائع ہو رہی ہیں، مغرب کے بعد تھانے بند ہو جاتے ہیں، کے پی حکومت کی ذمے داری ہے وہاں لوگوں کو تحفظ فراہم کرے، وزیراعلیٰ کے پی کی سندھ آمد پر خوش آمدید کہیں گے، وہ جہاں جانا چاہیں انہیں فول پروف سیکیورٹی اور پروٹوکول دیں گے، سندھ حکومت کا نمائندہ وزیراعلیٰ کے پی کو لینے ایئر پورٹ جائے گا، ان کو جو پروگرام کرنا ہے، حکومت کو بتائیں، کسی گراؤنڈ میں پروگرام کرنا ہے تو ہم ان کو گراؤنڈ فراہم کریں گے، کوئی ایسی کوشش نہ کریں کہ لوگوں کو تکلیف ہو، قانون ہاتھ میں نہ لیں۔

شرجیل میمن کامزید کہنا تھا کہ قانون کے دائرے میں رہ کر جو سرگرمی کرنی ہے کریں، ان کو سہولت دینے کو تیار ہیں، پی ٹی آئی سے ہمارے نظریاتی اختلافات ہیں اور سوچ مختلف ہے، جمہوریت میں یہ ہوتا ہے، تنقید ہوتی ہے، عدم برداشت نہیں ہونی چاہیے، بانی پی ٹی آئی کے دور میں کوئی ان پر تنقید کرتا تھا تو اگلے دن نیب کا نوٹس آجاتا تھا۔