Category: کراچی

میئر کراچی مرتضیٰ وہاب نے کہا ہے کہ چیئرمین بلاول بھٹو زرداری کے اعلان کے بعد لیاری ٹرانسفارمیشن پلان کے تحت ایک نئے جامع ماسٹر پلان کے ذریعے لیاری کی ازسرِنو تعمیر کا باقاعدہ آغاز ہو چکا ہے، جس کا مقصد لیاری کو جدید سہولیات سے آراستہ کرنا ہے۔

تقریب سے خطاب کرتے ہوئے مرتضیٰ وہاب کا کہنا تھا کہ پہلے مرحلے میں 5 ارب روپے کی لاگت سے سیوریج، ڈرینج اور واٹر سسٹم کو بہتر بنایا جا رہا ہے، جبکہ دوسرے مرحلے میں سڑکوں کی بحالی شامل ہے۔ان اقدامات کے ساتھ یہ منصوبہ مرزا آدم خان روڈ جو کہ ان پانچ ارب کے علاؤہ ہے جسے 40 کروڑ روپے کی لاگت سے ازسرِنو تعمیر کیا جا رہا ہے۔ تقریباً ساڑھے چار کلومیٹر طویل یہ سڑک 100 دن میں مکمل کی جائے گی، جو لیاری اور ملحقہ علاقوں کے عوام کو بہتر سفری سہولت فراہم کرے گی۔ اسی منصوبے کے ساتھ لیاری کی عوام کا دیرینہ مسئلہ پانی کی فراہمی کو بھی حل کیا جا رہا ہے۔ جس کے تحت K3 لائن جو کہ خصوصاً لیاری کو 10 MGD پانی فراہم کریگی۔ جس سے لیاری کے پانی کی چوری بھی ختم ہوگی اور عوام کی مشکلات میں بھی واضح کمی آئے گی،

سندھ کے سینئر وزیر شرجیل انعام میمن نے بانیٔ پی ٹی آئی عمران خان کے بیٹوں سے منسوب جی ایس پی پلس اسٹیٹس کے خلاف بیان کی سخت مذمت کرتے ہوئے اسے قومی مفادات کے خلاف خطرناک سازش قرار دیا ہے۔

شرجیل میمن کا کہنا تھا کہ اس نوعیت کے بیانات کسی صورت قابلِ قبول نہیں کیونکہ جی ایس پی پلس اسٹیٹس پاکستان کی معیشت کے لیے اہم معاشی سہارا ہے اور لاکھوں پاکستانیوں کے روزگار سے براہِ راست جڑا ہوا ہے، سیاسی مقاصد کے تحت ایسے بیانات دینا دراصل قومی مفادات کو نقصان پہنچانے کے مترادف ہے، یہ تاثر دینے کی کوشش کی جا رہی ہے کہ بانیٔ پی ٹی آئی کے اہلِخانہ نے جی ایس پی پلس کے خلاف کوئی بات نہیں کی، حالانکہ یہ دعویٰ حقائق کے برعکس ہے. عوام بخوبی دیکھ اور سمجھ رہے ہیں کہ کس طرح مخصوص حلقے ملک کے خلاف مہم چلا رہے ہیں، پاکستان اس وقت معاشی چیلنجز سے گزر رہا ہے اور ایسے حالات میں اتحاد اور سنجیدگی کی اشد ضرورت ہے، کچھ عناصر ذاتی مفادات کے لیے ملک کے خلاف بیانیہ تشکیل دے رہے ہیں، قومی مفاد کو سیاست کی بھینٹ چڑھانے کی اجازت کسی کو نہیں دی جا سکتی اور قوم ایسے طرزِعمل کو کبھی قبول نہیں کرے گی.

مشرق وسطیٰ کی جنگ کے باعث نیٹ سکیورٹی اسٹیبلائزرکے ساتھ ساتھ پاکستان دنیا بھرکے لیے اب تجارتی حب بن چکا ہے۔

کاروباری جریدے کے مطابق کراچی پورٹ، پورٹ قاسم اور گوادر پورٹ سمیت پاکستانی بندرگاہوں پر سرگرمیوں میں اضافہ ریکارڈ کیا جا رہا ہے، کراچی پورٹ پر سال 2025u میں تقریباً 8,300 کنٹینرز جبکہ صرف گزشتہ 24 دنوں میں 8,313 کنٹینرز کے برابر مال پہنچا،عرب نیوز کے مطابق؛خلیجِ عرب میں شپنگ رکاوٹوں کے باعث روٹس کی تبدیلی سے پاکستان میں ٹرانس شپمنٹ سرگرمی میں نمایاں اضافہ دیکھا گیا،پاکستان نے بین الاقوامی ٹرانس شپمنٹ قواعد میں ترمیم کر کے سمندری اور فضائی بندرگاہوں میں کارگو ہینڈلنگ کی اجازت دے دی، ٹریڈ کرونیکلس کے مطابق جنوبی ایشیا پاکستان ٹرمینل نے 5,286، ہچیسن پورٹ نے 1,827 اور کراچی گیٹ وے ٹرمینل نے 1,200 کنٹینرز کی ترسیل و کارروائی مکمل کی

عالمی ماہرین کے مطابق مشرقِ وسطیٰ جنگ نے پاکستان کو ٹرانس شپمنٹ کا مستقل مرکز بننے کا سنہری موقع دیا،قریبی متبادل کی تلاش میں دنیا کا پاکستان کو ٹرانس شپمنٹ کیلئے بہترین مقام سمجھنا اہم کامیابی ہے، پاکستان میں مضبوط سیاسی و اقتصادی استحکام اور قیادت کی حکمت عملی سرمایہ کاروں کے اعتماد کو نئی بلندیوں تک لے جا رہی ہے ، سی پیک کے وسیع مواقع اور جدید انفراسٹرکچر پاکستان کو خطے میں تجارتی و لاجسٹک مرکز کے طور پر مستحکم کر رہے ہیں ،پاکستان محفوظ اور مستحکم ملک کے طور پر بین الاقوامی سرمایہ کاری کیلئے پرکشش مقام بن گیا ہے