Baaghi TV

Category: کراچی

  • پاکستان اسٹاک ایکسچینج میں کاروبار کا مثبت آغاز،انڈیکس بلندیوں پر

    پاکستان اسٹاک ایکسچینج میں کاروبار کا مثبت آغاز،انڈیکس بلندیوں پر

    پاکستان اسٹاک ایکسچینج میں کاروبار کا مثبت رجحان دیکھنے میں آ رہا ہے۔

    عید الفطر کی تعطیلات کے بعد کاروبار کے پہلے روز پی ایس ایکس 100 انڈیکس میں کاروبار کے آغاز سے ہی مثبت رجحان دیکھنے میں آ رہا ہے منگل کے روز مارکیٹ کے آغاز پ100 انڈیکس 4449 پوائنٹس اضافے سے 157190 پر کھلا اور اس وقت انڈیکس 2005 پوائنٹس کے اضافے سے 154745 پر ٹریڈ کر رہا ہے۔

    امریکی صدر ڈونلڈ ٹرمپ کے ایران پر پانچ دن حملہ موخر کرنے کے اعلان کے باعث یورپ اورامریکا کےبعد ایشیائی کیپیٹل مارکیٹس میں بھی مثبت رجحان دیکھنے میں آ رہا ہےجاپان کا نکئی 0.75 فیصد جبکہ کورین کاسپی ڈھائی فیصد مثبت ہے، شنگھائی اسٹاک ایک فیصد اور بھارتی نفٹی ففٹی سوا فیصد مثبت ہے۔

    اقتصادی ماہرین کے مطابق اس وقت پی ایس ایکس میں اتار چڑھاؤ کا رجحان جاری ہے، تاہم مارکیٹ کی سمت مثبت بلندی کی جانب ہے۔

  • 
کراچی میں سلنڈر دھماکا، 5 افراد زخمی

    
کراچی میں سلنڈر دھماکا، 5 افراد زخمی

    
کراچی کے علاقے تین ہٹی کے قریب ایک عمارت میں سلنڈر دھماکے کے نتیجے میں 5 افراد زخمی ہو گئے۔
    ریسکیو ذرائع کے مطابق دھماکے کے فوراً بعد امدادی ٹیمیں موقع پر پہنچ گئیں اور زخمیوں کو قریبی اسپتال منتقل کر دیا گیا۔
    ‎حکام کا کہنا ہے کہ دھماکے سے عمارت کے کچھ حصوں کو نقصان پہنچا جبکہ مزید نقصانات کا جائزہ لیا جا رہا ہے۔
    ‎ابتدائی اطلاعات کے مطابق دھماکے کی وجہ گیس سلنڈر میں لیکج بتائی جا رہی ہے، تاہم واقعے کی مزید تحقیقات جاری ہیں۔

  • شیری رحمان کی اکلوتی بیٹی انتقال کر گئیں

    شیری رحمان کی اکلوتی بیٹی انتقال کر گئیں

    پاکستان کی سینئر سیاستدان شیری رحمان کی اکلوتی بیٹی ماروی خورشید ملک 39 برس کی عمر میں انتقال کر گئیں-

    خاندانی ذرائع کے مطابق ماروی ملک کو دماغی ایمبولزم کے باعث تشویشناک حالت میں کراچی کے ایک نجی اسپتال منتقل کیا گیا تھا، جہاں وہ وینٹی لیٹر پر تھیں تاہم جانبر نہ ہو سکیں،مرحومہ کی نمازِ جنازہ بروز پیر 23 مارچ 2026 کو کراچی میں ادا کی جائے گی،جنازہ 49 اولڈ کلفٹن سے سہ پہر 3:30 بجے روانہ ہوگا۔

    ماروی ملک کے انتقال کی خبر سامنے آتے ہی سیاسی، سماجی اور صحافتی حلقوں میں گہرے دکھ اور افسوس کا اظہار کیا جا رہا ہے اور مرحومہ کے لیے مغفرت اور اہلِ خانہ کے لیے صبر جمیل کی دعائیں کی جا رہی ہیں۔

    اسلامی دنیا کے درمیان اختلافات سے صرف صہیونی ریاست فائدہ اٹھا رہی ہے،ایرانی صدر

    سینیٹر شیری رحمان کی بیٹی کے انتقال پر شازیہ مری نے گہرے رنج و غم کا اظہار کرتے ہوئے کہا کہ ماروی ملک کے انتقال کی خبر سن کر دل انتہائی افسردہ اور صدمے سے دوچار ہے دکھ کی اس گھڑی میں شیری رحمان اور ان کے اہلخانہ کے ساتھ تعزیت کا اظہار کرتے ہیں۔

    دوسری جانب شیری رحمان کی بیٹی کی وفات پر گورنر کے پی فیصل کریم کنڈی نے اظہار افسوس کرتے ہوئے کہا کہ ماروی ملک کی وفات ایک ناقابل برداشت صدمہ ہے، سینیٹر شیری رحمان اور دیگر لواحقین کے غم میں برابر کے شریک ہیں۔

    ایران کا ڈیاگو گارشیا فوجی اڈے پر میزائل حملوں کی تردید

    پنجاب کی وزیراعلیٰ مریم نواز نے سینیٹر شیری رحمان کی بیٹی کے انتقال پر افسوس کا اظہار کیا ہے۔

    وزیر اعلیٰ پنجاب مریم نواز نے سوگوار خاندان سے اظہار تعزیت کیا اور مرحومہ کے لئے دعا مغفرت کی مریم نواز نے کہا کہ والدین کیلئے اولاد کا بچھڑ جانا ناقابلِ برداشت صدمہ ہوتا ہے۔

    صدرِ مملکت آصف زرداری اور وزیراعظم شہباز شریف نے سینیٹر شیری رحمٰن کی صاحبزادی کے انتقال پر اظہارِ افسوس کیا ہے

    آصف علی زرداری نے سینیٹر شیری رحمٰن کی صاحبزادی کے انتقال پر دکھ کا اظہار کرتے ہوئے کہا کہ اللّٰہ تعالیٰ سوگوار خاندان کو یہ صدمہ برداشت کرنے کا حوصلہ عطا فرمائے جبکہ وزیراعظم شہباز شریف نے کہا کہ اولاد کا غم ناقابلِ بیان ہوتا ہےغم کی اس گھڑی میں ہم سوگوار خاندان کے غم میں شریک ہیں۔

    امریکی ویب سائٹ کا جنگ کے دوران امریکا اور ایران کے درمیان خفیہ رابطوں کا انکشاف

    وفاقی وزیرداخلہ محسن نقوی نے پیپلز پارٹی کی مرکزی رہنما شیری رحمان کی صاحبزادی کے انتقال پر افسوس کا اظہار کیاہے۔

    وزیرداخلہ محسن نقوی نےشیری رحمان اور سوگوار خاندان سے دلی ہمدردی اور اظہار تعزیت کرتے ہوئے غمزدہ خاندان کے لئے صبر جمیل کی دعا کی ہےمحسن نقوی نے کہاہے کہ بیٹی کی جدائی کا دکھ الفاظ میں بیان نہیں کیا جاسکتا، اللہ تعالیٰ لواحقین کو یہ صدمہ برداشت کرنے کی توفیق عطا فرمائے اور مرحومہ کی روح کو جوار رحمت میں جگہ دے۔

  • شاہد آفریدی کا پاک فوج کے شہداء کو خراج عقیدت

    شاہد آفریدی کا پاک فوج کے شہداء کو خراج عقیدت

    کراچی: قومی کرکٹ ٹیم کے سابق کپتان شاہد آفریدی نے عیدالفطر کے موقع پر پاک فوج کے شہداء کو خراج عقیدت پیش کرتے ہوئے پیغام جاری کر دیا۔

    شاہد آفریدی کا اپنے پٔیغام میں کہناتھا کہ آئیے سرزمین کیلئے جانوں کا نذرانہ پیش کرنے بہادروں کو خراج عقیدت پیش کریں،انہی کی شجاعت اور قربانیوں کی بدولت ہم آج اپنے گھروں میں پر سکون عید منا رہے ہیں،اللہ ان سب کے درجات بلند کرے، انہیں جزائے خیر دے، اللہ ہمارا وطن ہمیشہ محفوظ رکھے،آپ سب کو دلی عید مبارک ۔ پاکستان زندہ باد۔

    عمران خان کی ان کے بچوں سے بات کرادی گئی

    لاہور: عید کے روز پتنگ بازی ، 14 ملزمان گرفتار

    شام میں فوجی تنصیبات پر اسرائیلی حملہ،سعودی عرب کی شدید مذمت

  • کراچی:خواتین کو بیرونِ ملک اسمگل کرنے والا گروہ بے نقاب،خاتون سمیت 4 ملزمان گرفتار،33 سے زائد لڑکیاں بازیاب

    کراچی:خواتین کو بیرونِ ملک اسمگل کرنے والا گروہ بے نقاب،خاتون سمیت 4 ملزمان گرفتار،33 سے زائد لڑکیاں بازیاب

    کراچی میں فیڈرل انویسٹی گیشن ایجنسی (ایف آئی اے) نے خفیہ اطلاع پر بڑی کارروائی کرتے ہوئے خواتین کو بیرونِ ملک اسمگل کرنے والے گروہ کو بے نقاب کر دیا جبکہ ایک خاتون سمیت 4 ملزمان کو گرفتار کر کے 30 سے زائد لڑکیوں کو بازیاب کرا لیا گیا۔

    ترجمان کے مطابق ایف آئی اے اینٹی ہیومن ٹریفکنگ سرکل نے صدر پاسپورٹ آفس کے قریب 2 ہوٹلوں پر چھاپہ مارا کارروائی کے دوران پنجاب کے مختلف اضلاع سے تعلق رکھنے والی 33 خواتین کو تحویل میں لے لیا گیا، جبکہ ان کے ساتھ موجود انسانی اسمگلرز اور ایجنٹس کو بھی گرفتار کر لیا گیا، ملزمان کے قبضے سے 29 پاسپورٹس اور دیگر اہم دستاویزات برآمد ہوئی ہیں۔

    ایران کی اعلیٰ سیکیورٹی قیادت کو نشانہ بنانا کسی صورت قبول نہیں،چین

    ابتدائی تحقیقات میں انکشاف ہوا ہے کہ ملزمان خواتین کو وزٹ ویزا کے بہانے متحدہ عرب امارات بھجوانا چاہتے تھے، جہاں انہیں مبینہ طور پر جسم فروشی کے لیے استعمال کیا جانا تھا،گرفتار ملزمان میں ضیاء الحق، امتیاز علی، فرمان علی اور سکینہ بی بی شامل ہیں، ملزمان کے خلاف مقدمات درج کر لیے گئے ہیں، جبکہ انسانی اسمگلنگ کے نیٹ ورک میں شامل دیگر افراد کی گرفتاری کے لیے مزید چھاپے مارے جا رہے ہیں۔

    اداکارہ نادیہ جمیل کا وزیراعلیٰ پنجاب کو خط، جانوروں کے ساتھ ظلم و زیادتی کے خاتمے کی اپیل

  • سونے کی قیمت میں اچانک بڑی کمی

    سونے کی قیمت میں اچانک بڑی کمی

    ملک میں سونے کی قیمتوں میں آج واضح اور نمایاں کمی ریکارڈ کی گئی ہے، جس کے بعد فی تولہ سونا 5 لاکھ روپے کی سطح سے نیچے آگیا ہے۔

    آل پاکستان جیمز اینڈ جیولرز کے مطابق پاکستان میں سونے کی فی تولہ قیمت میں 24 ہزار 300 روپے کی کمی کے بعد نئی قیمت 4 لاکھ 99 ہزار 462 روپے ہو گئی ہے، جبکہ 10 گرام سونا 20 ہزار 833 روپے کی کمی کے بعد 4 لاکھ 28 ہزار 208 روپے پر آگیا،اسی طرح بین الاقوامی بلین مارکیٹ میں سونے کی قیمت میں 243 ڈالر کی کمی دیکھی گئی، جس کے بعد فی اونس قیمت 4 ہزار 767 ڈالر ہو گئی ہے۔

    ماہرین کے مطابق بین الاقوامی حالات، اور عالمی سطح پر قیمتوں میں کمی کے اثرات مقامی مارکیٹ پر بھی نمایاں طور پر اثرانداز ہورہے ہیں اور سونے کی قیمتوں میں مسلسل اتار چڑھاؤ دیکھا جا رہا ہے۔

    اداکارہ نادیہ جمیل کا وزیراعلیٰ پنجاب کو خط، جانوروں کے ساتھ ظلم و زیادتی کے خاتمے کی اپیل

    کراچی میں گرج چمک، تیز ہواؤں کے ساتھ مزید بارشیں،ہائی الرٹ جاری،چھٹیاں منسوخ

    پاک ترک وزرائے خارجہ کی ملاقات،خطے میں بدلتی ہوئی صورتِ حال پر تبادلہ خیال

  • کراچی میں گرج چمک، تیز ہواؤں کے ساتھ مزید بارشیں،ہائی الرٹ جاری،چھٹیاں منسوخ

    کراچی میں گرج چمک، تیز ہواؤں کے ساتھ مزید بارشیں،ہائی الرٹ جاری،چھٹیاں منسوخ

    محکمہ موسمیات کے مطابق کراچی میں گرج چمک، تیز ہواؤں کے ساتھ درمیانی اورموسلا دھار بارش کا امکان ہے، اس وقت مغربی ہواؤں کا سلسلہ ملک کے بیشتر علاقوں پر اثر انداز ہے-

    محکمہ موسمیات کے مطابق حیدرآباد، ٹھٹھہ،سجاول، بدین، مٹیاری میں بھی درمیانی سےتیزبارش ہوسکتی ہےسندھ کے چند مقامات میں ژالہ باری کا امکان بھی ہے، بارش کے دوران چند مقامات پر آسمانی بجلی گرنے کا بھی خدشہ ہے، جمعہ کو کراچی میں موسم زیادہ تر صاف اور دھوپ نکلی رہے گی، ہفتہ کو شہر میں دوبارہ بادل اور مضافاتی علاقوں میں بارش کا امکان ہے۔

    دوسری جانب کراچی میں ہونے والی موسلادھار بارش نے ایک بار پھر شہر کے کمزور انفرا اسٹرکچر کی قلعی کھول دی، بارش اور تیز ہوائیں چلنے سے بلدیہ موا چھ گوٹھ میں خالی پلاٹ کی دیوار گر گئی، جس کے باعث 13 افراد جاں بحق ہوگئے، جاں بحق افراد میں منشیات کے عادی افراد اور راہگیر شامل ہیں۔

    ریسکیو حکام کے مطابق متاثرہ افراد بارش سے بچنے کے لیے دیوار کے ساتھ بیٹھے ہوئے تھے، وزیراعلیٰ سندھ نے واقعے کا نوٹس لیتے ہوئے فوری اقدا ما ت کی ہدایت کی ہے، جبکہ صوبائی وزیر داخلہ ضیا لنجار نے حادثے کے مقام کا دورہ کرکے باقی دیوار گرانے اور علاقے میں منشیات کے عادی افراد کے خلاف کارروائی کا حکم دے دیا۔

    شہر کے دیگر علاقوں لانڈھی، کورنگی، گلستان جوہر، سرجانی ٹاون اور ملیر درخت اور دیواریں گرنے اور آسمانی بجلی گرنے کے واقعات میں مزید 6 افراد جاں بحق اور متعدد زخمی ہوئے، جناح اسپتال میں بھی 60 سے زائد زخمیوں کو طبی امداد کے لیے منتقل کیا گیا، شہر کے مختلف علاقوں میں بارش کے بعد سے بجلی فراہمی معطل ہے، دوسری جانب کے الیکٹرک کا کہنا ہے کہ، بیشتر علاقوں میں بجلی بحال کردی گئی ہے، انتظامیہ نے شہریوں کو خراب موسم میں احتیاط برتنے کی ہدایت کی ہے۔

    وزیر بلدیات سندھ ناصر حسین شاہ نے کراچی سمیت پورے صوبے میں ہاٸی الرٹ جاری کرتے ہوئے متعلقہ محکموں کے تمام عملے کی عید کی چھٹیاں منسوخ کردیں۔

    وزیر بلدیات نے کہا کہ سندھ حکومت عوام کے جان و مال کی حفاظت کے لیے سرگرم ہے، عوام گھروں میں رہے اور بجلی تنصیبات کو ہاتھ لگانے میں احتیاط کریں جبکہ بارش ہوتے ہی شہر کے بیشتر مقامات تاریکی میں ڈوب گئے کے الیکٹرک کے مطابق بجلی فراہم کرنے والے2100فیڈر میں سے 560 فیڈرز پر بجلی کی فراہمی بند ہے۔

    ترجمان کے الیکٹرک کا مزید بتانا ہے کہ شہر کے مختلف حصوں سے تیز درجہ کی بارش اور تیز ہواؤں کے بعد بجلی کی فراہمی بند ہوئی، اور بجلی سپلائی لائنوں پر درخت، بل بورڈز وغیرہ گرنے کی اطلاعات ہیں،دوسری جانب کمشنر کراچی سید حسن نقوی نے بتایا کہ بارشوں سے نمٹنے کے لیے شہر بھر میں انتظامیہ ہائی الرٹ ہے اور بارشوں سے نمٹنے آور امدادی کاموں کے لیے اپنا بھرپور کردار ادا کرنے کے ڈپٹی کمشنر اور اسسٹنٹ کمیشنر فیلڈ میں موجود ہیں۔

  • کراچی میں شدید بارش،بجلی غائب،حادثات میں 17 اموات

    کراچی میں شدید بارش،بجلی غائب،حادثات میں 17 اموات

    کراچی کے مختلف علاقوں میں تیز آندھی کے ساتھ بارش کے باعث مختلف حادثات میں 17 افراد جاں بحق اور متعدد زخمی ہوگئے۔

    نارتھ ناظم آباد، نارتھ کراچی، سرجانی، ایف بی ایریا، صدر اور کلفٹن سمیت مختلف علاقوں میں تیز ہواؤں کےساتھ بارش ہو ئی۔کینٹ، ریلوے کالونی، دہلی کالونی، گلشن اقبال، گلشن جمال اور گارڈن میں بھی تیز ہواؤں کے ساتھ بارش ہوئی،آندھی کے ساتھ گرج چمک کا سلسلہ بھی جاری رہا جب کہ بارش شروع ہوتے ہیں شہر کے مختلف علاقوں میں بجلی کی فراہمی معطل ہوگئی،بارش کے بعد معین آباد عالمگیر سوسائٹی، شادمان ٹاون 14 اے، گلشن اقبال کے مختلف علاقوں اور ڈیفنس فیز ٹو، ون، اختر کالونی، کشمیر کالونی اور نارتھ کراچی کے مختلف علاقوں میں بھی بجلی کی فراہمی معطل ہوگئی۔

    محکمہ موسمیات کے مطابق شارع فیصل پر ہوا کی رفتار 90 کلو میٹر فی گھنٹہ ریکارڈ کی گئی، ماڑی پور میں ہوا کی رفتار 97 کلو میٹر فی گھنٹہ ریکارڈ ہوئی،مختلف علاقوں میں تیز ہوا کے باعث درخت بھی گرگئے جس کے باعث ٹریفک کی روانی بھی شدید متاثر ہوئی ہے۔ کلفٹن ڈرائیونگ لائسنس برانچ کے قریب تیز ہوا سے درخت گر گیا، 2افراد درخت کے نیچے پھنس گئی، محمد علی سوسائٹی میں ٹیپو سلطان روڈ پر بل بورڈ گرگیا، ریسکیو حکام کے مطابق بلدیہ مواچھ گوٹھ کے قریب دیوار گرنے سے 11 افراد جاں بحق ہوگئے،ترجمان ریسکیو کے مطابق دیوار گرنے سے 3افراد زخمی ہوئے،لاشوں اور زخمیوں کو اسپتال منتقل کردیا گیا۔ ریسکیو ٹیمیں موقع پر تلاش جاری رکھے ہوئے ہے۔ایس ایس پی کیماڑی کے مطابق دوسری منزل کی چھت پہلی منزل پر گری، یہ رہائشی عمارت نہیں، پولیس نفری موقعے پر پہنچ گئی ہے، سرچ اور ریسکیو آپریشن جاری ہے، مزید افراد کے دبے ہونےکا خدشہ ہے۔قائد آباد مجید کالونی میں گھر کی دیوار گرنے سے خاتون اور مرد جاں بحق ہوگئے جب کہ ایک شخص زخمی ہے۔ملیرندی یارو گوٹھ کےقریب آسمانی بجلی گرنےسے ایک شخص جاں بحق ہوگیا۔ کورنگی ساڑھےتین میں گھر کی چھت گرنے سےخاتون جاں بحق ہوگئی، کورنگی 5 نمبرمیں درخت گرنے سے ایک شخص جاں بحق ہوگیا۔دوسری جانب شاہ لطیف مرغی خانہ اسٹاپ کے قریب آسمانی بجلی گرنے سے ایک شخص جاں بحق ہوگیا۔

    محکمہ موسمیات کا کہنا ہے کہ رات میں مزید بارش کا امکان نہیں تاہم آج دوپہر کے بعد بارش کا امکان رہےگا، تیزہوا اورگرج چمک کے ساتھ کہیں کہیں موسلا دھار بارش ہوسکتی ہے، چند مقامات پر ژالہ باری کا بھی امکان ہے، عید کے پہلے دن ہلکی بارش کا امکان رہے گا،24 سے27 مارچ کےدوران بھی مغربی ہواؤں کا سلسلہ کراچی سمیت سندھ میں بارش کا سبب بن سکتا ہے۔

  • 
سعودی ویزہ فراڈ: نوجوان گرفتار، والدین انصاف کے لیے پریس کلب پہنچ گئے

    
سعودی ویزہ فراڈ: نوجوان گرفتار، والدین انصاف کے لیے پریس کلب پہنچ گئے

    
کراچی کے علاقے بنارس کے رہائشی 22 سالہ ابراہیم کو مبینہ طور پر ایجنٹ کی جانب سے سعودی عرب کے ایگریمنٹ ویزے کے نام پر دھوکہ دے کر بیرونِ ملک بھجوا دیا گیا، جہاں وہ بعد ازاں گرفتار ہو گیا۔
    متاثرہ نوجوان کے والدین انصاف کے حصول کے لیے پریس کلب پہنچ گئے۔ ان کا کہنا ہے کہ ایجنٹ نے ساڑھے سات لاکھ روپے لے کر دو سالہ ورک ایگریمنٹ ویزہ دینے کا دعویٰ کیا تھا، تاہم اگست 2025 میں جب ابراہیم کو سعودی عرب بھیجا گیا تو وہ ویزہ دراصل وزٹ ویزہ نکلا۔
    ‎والدین کے مطابق ابراہیم کو ابتدا میں ایک جگہ مزدوری پر رکھا گیا، لیکن کچھ عرصے بعد اسے نکال دیا گیا جس کے بعد وہ کئی دن تک بے سہارا گھومتا رہا۔ بعد میں معلوم ہوا کہ اسے سعودی پولیس نے گرفتار کر لیا ہے۔
    ‎متاثرہ خاندان نے حکومت سے اپیل کی ہے کہ ان کے بیٹے کو فوری طور پر وطن واپس لایا جائے اور ملوث ایجنٹ کے خلاف سخت قانونی کارروائی کی جائے تاکہ دیگر شہری ایسے فراڈ سے محفوظ رہ سکیں۔

  • علی لاریجانی کی قربانی انقلابِ اسلامی کو مزید طاقتور بنائے گی،جعفریہ الائنس

    علی لاریجانی کی قربانی انقلابِ اسلامی کو مزید طاقتور بنائے گی،جعفریہ الائنس

    جعفریہ الائنس کے ترجمان نے ایران کی اہم سیاسی و سکیورٹی شخصیت علی لاریجانی کی شہادت پر گہرے دکھ اور افسوس کا اظہار کرتے ہوئے امت مسلمہ سے تعزیت کی ہے۔

    ترجمان جعفریہ الائنس کے مطابق علی لاریجانی صہیونی طاقتوں کے خلاف ڈٹ کر لڑتے ہوئے شہادت کے عظیم رتبے پر فائز ہوئے، علی لاریجانی کی شہادت نہ صرف ایران بلکہ پوری امتِ مسلمہ کے لیے ایک بڑا نقصان ہے تاہم یہ قربانی انقلابِ اسلامی کو مزید طاقتور بنائے گی اور مزاحمت کے جذبے کو نئی قوت دے گی۔

    انہوں نے مزید کہا کہ علی لاریجانی نے اپنی زندگی کے آخری لمحات میں سوشل میڈیا پلیٹ فارم ایکس (ٹوئٹر) پر امام حسین کے شہادت سے متعلق قول کو دہرایا جو ان کے عزم اور نظریاتی وابستگی کا واضح ثبوت ہے۔

    دشمن کے 5 طیارے تباہ کرنیوالے پائلٹ ایم ایم عالم کی آج 13 ویں برسی

    جعفریہ الائنس کے سیکریٹری اطلاعات احسن مہدی کے مطابق، علی لاریجانی کی شہادت ایک عظیم مثال ہے جو آنے والی نسلوں کو ظلم کے خلاف کھڑ ے ہونے کا حوصلہ دے گی، ایسی قربانیاں تاریخ میں ہمیشہ زندہ رہتی ہیں اور حق و باطل کی جنگ میں سچائی کی فتح کا پیش خیمہ بنتی ہیں۔

    دشمن کے 5 طیارے تباہ کرنیوالے پائلٹ ایم ایم عالم کی آج 13 ویں برسی

    واضح رہے کہ ایران کی طاقتور سیاسی و سکیورٹی شخصیت علی لاریجانی اسرائیل کے ہونے والے فضائی حملے میں شہید ہو گئے ہیں۔ جبکہ ملک کی اندرونی سیکیورٹی کے اہم کمانڈر اور بسیج فورس کے سربراہ غلام رضا سلیمانی بھی اسرائیل کے حملے میں شہید ہو گئے ہیں۔

    ایرانی میڈیا نے بھی ان کی شہادت کی تصدیق کر دی ہے جبکہ ایرانی قومی سلامتی کونسل کے سیکرٹری علی ریجانی کے ٹوئٹر اکاؤنٹ سے بھی ایک پوسٹ کی گئی ہے جس میں ان کی شہادت کی تصدیق کرتے ہوئے کہا گیا ہے کہ، خدا کا بندہ خدا سے جا ملا۔

    غیر ملکی میڈیا کے مطابق تہران میں ایک خفیہ ٹھکانے پر اسرائیلی فضائیہ کے جنگی طیاروں نے علی لاریجانی کو نشانہ بنایا،علی لاریجانی تہران کے مشرقی علاقے میں اپنی بیٹی سے ملنے گئے تھے جہاں ان پر حملہ ہوا، حملے میں ان کا بیٹا مرتضٰی بھی شہید ہو گیا۔

    ایرانی صدر مسعو دپزشکیان نے شہید علی لاریجانی کو خراج عقیدت پیش کرتے ہوئے کہا وہ ایک نمایاں اور قیمتی شخصیت تھے، انہوں نے مختلف عہدوں پر خدمات انجام دیں انہیں وسیع تجربہ تھا،شہید علی لاریجانی نے خطے میں امن اور سلامتی کو فروغ دینے کی کوششیں کیں۔