Category: کراچی

کراچی: سٹیٹ بینک آف پاکستان نے زر مبادلہ کے اعداد و شمار جاری کردیے،جن کے مطابق زرمبادلہ کے مجموعی ذخائر کی مالیت 21 ارب ڈالرز سے تجاوز کر گئی ہے-

اسٹیٹ بینک آف پاکستان کی جانب سے جاری اعلامیے میں 26 دسمبر تک کے اعداد و شمار شامل کیے گئے ہیں جس کے مطابق ملک کے مجموعی ذخائر کی مالیت 21 ارب 1 کروڑ 22 لاکھ ڈالرز کی سطح پر پہنچ گئی ہے، 26 دسمبر کو ہفتے کے اختتام پر زرمبادلہ کے سرکاری ذخائر میں ایک کروڑ 30 لاکھ ڈالر کا اضافہ ہوا جس کے بعد سرکاری ذخائر کی مالیت 15 ارب 91 کروڑ 51 لاکھ ڈالر کی سطح پر آگئی، اس دورانیے میں کمرشل بینکوں کے پاس موجود ذخائر کی مالیت 5 ارب 9 کروڑ 71 لاکھ ڈالر کی سطح پر ریکارڈ کی گئی-

ایبٹ آباد: چائلڈ پورنوگرافی میں ملوث ملزم گرفتار

سعودی عرب :گیسکو نےگھریلواستعمال کیلئے ایل پی جی کی قیمتیں یکساں کردی

سعودی عرب :گیسکو نےگھریلواستعمال کیلئے ایل پی جی کی قیمتیں یکساں کردی

کراچی میں نیب نے کارروائی کے دوران 250 ایکڑ سرکاری زمین واگزار کرا لی ۔

ترجمان کے مطابق 75کروڑ روپے مالیت کی سرکاری زمین سے غیر قانونی ہاؤسنگ اسکیم کا قبضہ ختم کرالیا گیا، نجی ہاؤسنگ اسکیم کی تمام دستاویزات جعلی نکلیں،جعلی ریونیو ریکارڈ، بوگس سیل ڈیڈ اور جعلی ڈاک ٹکٹ استعمال ہونے کا انکشاف سامنے آیا ہے ، 250 ایکڑ اراضی کا کوئی سرکاری لینڈ ریکارڈ موجود نہیں،زرعی زمین کو غیر زرعی ظاہر کرنے کیلئے غیر قانونی اندراجات کا انکشاف بھی سامنے آیا ہے ، اسسٹنٹ کمشنر کے جعلی دستخط اور سرکاری ریکارڈ سے تضاد ثابت ہوئے۔ہاؤسنگ اسکیم کی انتظامیہ نے عوام سے 6 کروڑ 80 لاکھ روپے غیر قانونی وصول کیے،ہاؤسنگ سوسائٹی کے نام پر 2بینک اکاؤنٹس کے ذریعے رقوم جمع کی گئیں۔

پہلا ملک جہاں چار صدیوں بعد سرکاری ڈاک سروس کا مکمل خاتمہ

پہلا ملک جہاں چار صدیوں بعد سرکاری ڈاک سروس کا مکمل خاتمہ

برطانیہ :عمران خان کے پوسٹر والے ٹرک پر نامعلوم افراد نے سیاہی پھینک دی

سونے کی قیمت یں سال 2025 کے دوران بڑا اضافہ دیکھنے میں آیا –

تفصیلات کے مطابق 2025 کے خاتمے پر سونے کی فی تولہ قیمت 4 لاکھ 56 ہزار 962 روپے ریکارڈکی گئی جبکہ 2024 کے اختتام پر مقامی مارکیٹ میں سونے کی قیمت 2 لاکھ 72 ہزار 600 روپے فی تولہ رہی تھی اس طرح سا ل 2024کے مقابلے میں 2025 میں فی تولہ سونا ایک لاکھ 84 ہزار 362روپے مہنگا ہوگیا۔

اسی طرح سال 2024 کے خاتمے پر بین الاقوامی مارکیٹ میں سونے کی فی اونس قیمت 2614 ڈالر فی اونس تھی جو کہ 2025 کے اختتام پر بڑھ کر 4346 ڈالر فی اونس ہوگئی ،سونے کی قیمت میں اضافہ کے بنیادی اسباب میں جغرافیائی و سیاسی تنازعات اور بین الاقوامی اقتصادی غیر یقینی کی صورتحال شامل رہی ہیں۔

کراچی میں سال نو کی تقریبات کے دوران عوام کی حفاظت کے لیے محکمہ داخلہ سندھ نے موٹر سائیکل کی ڈبل سواری پر پابندی عائد کردی ہے –

یہ پابندی دفعہ 144 کے تحت نافذ کی گئی ہے اور یکم جنوری تک برقرار رہے گی،اس دوران شہر میں اسلحے کی نمائش اور ہوا ئی فائرنگ بھی ممنوع ہوگی، پولیس حکام نے ہوائی فائرنگ کرنے والے افراد کی شناخت اور کارروائی کے لیے ڈرون کیمرے اڑا نے کا فیصلہ کیا ہے۔

پولیس کے مطابق، سال نو کے موقع پر لیاقت آباد، شریف آباد، عزیز آباد، ناظم آباد اور دیگر اہم علاقوں میں ڈرون کیمروں کا استعمال کیا جائے گا ان کیمروں کے ذریعے مشتبہ افراد کی ویڈیوز ریکارڈ کی جائیں گی اور بعد ازاں مقدمات درج کیے جائیں گےشہر کے 16 سے زائد تھانوں کو ڈرون کیمروں سے لیس کر دیا گیا ہے تاکہ کسی بھی قسم کی غیر قانونی سرگرمی پر فوری کارروائی ممکن ہو سکے۔

حیدرآباد میں ڈویژنل کمشنرنے ڈی آئی جی پولیس کی سفارش پر یہ قدم اٹھایا ہے، نوٹیفکیشن کے مطابق آتشبازی، ہوائی فائرنگ اوراسلحے کی نمائش پرمکمل پابندی عائد کی گئی ہےخلاف ورزی کرنے والے افراد کے خلاف مقدمات درج کرنے اور قانونی کارروائی کرنے کی ہدایات بھی جاری کی گئی ہیں۔

چکوال میں ڈپٹی کمشنر سارہ حیات کے مطابق دفعہ 144 یکم جنوری تک نافذ العمل رہے گی،اس دوران ون ویلنگ، سالینسر کے بغیر موٹرسائیکل چلانے، آتشبازی اور ہوائی فائرنگ پر بھی پابندی ہوگی،انتظامیہ نے شہریوں سے اپیل کی ہے کہ وہ پابندیوں کا احترام کریں تاکہ نئے سال کے موقع پرمحفوظ اور پرامن ماحول قائم رہے۔

آئی جی سندھ غلام نبی میمن مدتِ ملازمت مکمل ہونے پر ریٹائر ہو گئے ہیں۔

ان کی ریٹائرمنٹ کے بعد سندھ حکومت نے کراچی پولیس چیف جاوید عالم اوڈھو کو قائم مقام آئی جی سندھ تعینات کر دیا ہے اس حوا لے سے باقاعدہ نوٹیفکیشن بھی جاری کردیا گیا ہے۔

سرکاری نوٹیفکیشن کے مطابق جاوید عالم اوڈھو کو آئی جی سندھ کے تقررتک اضافی چارج دیا گیا ہے، وہ اس دوران صوبے بھرمیں پولیس کے انتظامی امور اور امن و امان کی مجموعی صورتحال کی نگرانی کریں گےجاوید عالم اوڈھو اس وقت کراچی پولیس چیف کی حیثیت سے فرائض انجام دے رہے ہیں اور انہیں شہر میں جرائم کی روک تھام اور پولیس اصلاحات کے حوالے سے تجربہ حاصل ہے۔

بلوچستان کی ترقی پاکستان کی خوشحالی کیلئے ناگزیر ہے، فیلڈ مارشل عاصم منیر

ذرائع کے مطابق قائم مقام آئی جی سندھ کی تعیناتی سے پولیس کے روزمرہ امور میں تسلسل برقرار رہے گا غلام نبی میمن کی ریٹائر منٹ پر پولیس افسران اور ملازمین کی جانب سے ان کی خدمات کو سراہا گیاسندھ حکومت نے اس عزم کا اظہار کیا ہے کہ صوبے میں امن و امان کی صورتحال مزید بہتر بنانے کے لیے پولیس قیادت کو مکمل اختیارات اور تعاون فراہم کیا جائے گا۔

بلوچستان کی ترقی پاکستان کی خوشحالی کیلئے ناگزیر ہے، فیلڈ مارشل عاصم منیر