Category: کراچی

ایڈیشنل آئی جی کراچی جاوید عالم اوڈھوسے کمیونیٹی پولیسنگ کراچی کے چیف مراد سونی کی قیادت میں 14 رکنی وفد نے ملاقات کی۔

باغی ٹی وی کی رپورٹ کے مطابق سی پی کے چیف مراد سونی نے ایڈیشنل آئی جی کراچی کو شہر میں سی سی ٹی وی کیمروں کو اپ گریڈ کرنے اور ٹیکنیکل معاونت کے لئے تجاویز پیش کیں جنھیں ایڈیشنل آئی جی نے زیر غور لانے کی یقین دہانی کرائی۔ اس موقع پر سی پی کے چیف مراد سونی کے ہمراہ ڈپٹی چیف عامر چوٹانی، ڈپٹی چیف عقیق اقبال ، ذیشان حارث، ڈاکٹر فرح ، تیمور مصطفیٰ، محبوب علی، محمد امین، امان اللہ، خرم، عرفان، حماد و دیگر اراکین نے شرکت کی۔پولیس چیف سے ملاقات میں وفد نے مسرت کا اظہار کرتے ہوئے شہر میں امن و امان کے حوالے سے پولیس کےاقدامات کو سراہا۔وفد نے پولیس چیف سے شہر میں جرائم و دیگر امور کے حوالے سے تفصیلی بات چیت کی اور سی پی کے مینیجمنٹ کو مختلف علاقوں میں درپیش مسائل سے اگاہ کیا جنھیں پولیس چیف نے ترجیحی بنیادوں پر حل کرنے کی یقین دہانی کرائی۔

ایڈیشنل آئی جی کراچی نے مزید کہا کہ پولیس کو جدید خطوط پر استوار کیا جا رہا ہے۔ سیف سٹی پروجیکٹ پر کام جاری ہے جبکہ ایس فور پروجیکٹ کو مزید اپ ڈیٹ کیا جا رہا ہے۔ ملاقات کے اختتام پر وفد نے پولیس چیف کو باہمی تعاون کی یقین دہانی کرائی اور نیک خواہشات کا اظہار کیا ۔

نومتخب رکنِ سندھ اسمبلی محمد آصف موسیٰ نے آج حلف اٹھا لیا۔

کراچی: باغی ٹی وی کی رپورٹ کے مطابق محمد آصف موسیٰ پیپلز پارٹی کے ٹکٹ پر پی ایس 112 سے کامیاب ہوئے ہیں۔ محمد آصف موسیٰ نے آج حلف اٹھا لیا۔محمد آصف موسیٰ کے حلف اُٹھانے کے بعد سندھ اسمبلی میں پیپلز پارٹی کے ارکان کی تعداد 116ہو گئی۔ اس موقع پر ارکان اسمبلی نے نومتخب رکنِ کو مبارکباد پیش کی.

واضح رہے کہ سندھ اسمبلی میں پاکستان پیپلز پارٹی کو واضح اکثریت حاصل ہے.

وزیراعلیٰ سندھ سید مراد علی شاہ سے جاپان کے سفیر مسٹر وادا مستوہیرو نے ملاقات کی اور دو طرفہ تعلقات پر تبادلہ خیال کیا.
کراچی: باغی ٹی وی کی رپورٹ کے مطابق ملاقات میں دو طرفہ تعلقات اور تجارت پر بات چیت کی گئی اس موقع پر جاپانی سفیر کا کہنا تھا کہ پاکستان جاپان کو گارمینٹس اور زرعی اجناس برآمد کرتا ہے،اچھے معیار کے آموں (مینگوز) کی جاپان میں مارکیٹ ہے، جاپان کے سرمایہ کار پاکستان میں سرمایہ کاری کرنا چاہتے ہیں . وازیر اعلی سندھ نے سفیر کو بتایا کہ جاپان کو آم برآمد کرنے کیلئے سندھ حکومت اقدامات کر رہی ہے، سندھ میں نئے اکنامک زون قائم ہو رہے ہیں، جاپان کے سرمایہ کاروں کو ہم سندھ میں سرمایہ کاری کی دعوت دیتے ہیں.

ترجمان سندھ ہاوس کے مطابق ملاقات میں سیلاب کی تباہ کاریوں اور متاثرین کی بحالی پر بھی بات چیت ہوئی اور وزیر اعلی مراد علی شاہ نے بتایا کہ موسمی تبدیلیوں کے باعث سندھ میں معمول سے زائد بارشین ہو رہی ہیں اور سندھ حکومت سیلاب متاثرین کی بحالی کے لیے کام کر رہی ہے.

حکومت سندھ نے منشیات کی تیاری و کھپت میں استعمال ہونے والے اشیاء کی فروخت پر پابندی عائد کردی

سندھ کے سینئر وزیر شرجیل انعام میمن کی ہدایات پر کمشبر کراچی نے احکامات جاری کر دیئے،لکڑی، ایکریلک، شیشے، پتھر، پلاسٹک و سیرامک کے پائپ، روچ کلپس، چلم، بونگس، میریجوانا پائپ اور دیگر اشیاء کی فروخت پر قلم 144 نافذ کر دیا گیا، نوٹیفکیشن کے مطابق متعلقہ تھانوں کے سٹیشن ہاؤس آفیسرز (ایس ایچ اوز) پاکستان پینل کوڈ (PPC) کی دفعہ 188 کے تحت خلاف ورزیوں کے خلاف مقدمات درج کرنے کے مجاز ہیں،

سندھ کے سینئر وزیر شرجیل انعام میمن کا کہنا ہے کہ یہ پابندی سندھ میں منشیات کے استعمال کے خلاف جاری ہماری جنگ میں ایک اہم قدم ہے، ہمارا مقصد ایسے آلات کی دستیابی کی حوصلہ شکنی کرنا ہے جو منشیات کے کھپت میں استعمال ہوتے ہیں، عوام، خاص طور پر نئی نسل، کو منشیات کی لعنت سے بچانے کے لیے سخت اقدامات کرتے رہیں گے،

شرجیل میمن نے ہدایت کی کہ رزل پیپر، رولنگ مشین، میتھ پائپ، گلاس پائپ اور منشیات کی تیاری میں استعمال ہونے والی دیگر اشیاء کی دکانوں پر فروخت کا خاتمہ یقینی بنایا جائے، دکاندار حضرات محکمہ ایکسائز کے ساتھ تعاون کریں اور منشیات میں استعمال ہونے چیزیں فروخت کرنے سے گریز کریں، کسی بھی خانگی جگہ، گھر ، ہوٹل یا ریسٹورنٹ پر منشیات کے فروخت کے اطلاع پر کارروائی کی جائے گی، ایکسائز حکام منشیات کے فروخت کی اطلاع پر اعلیٰ قیادت کی منظوری کے بعد کسی بھی خانگی جگہ، گھر، ریسٹورنٹ یا پارٹی وغیرہ پر چھاپہ مار سکتے ہیں،معاشرے میں منشیات کا بڑھتا ہوا رجحان تشویشناک بات ہے، ملک کی نوجوان نسل متاثر ہو رہی ہے، منشیات کے خلاف آپریشنز میں مزید تیزی لائی جائے، رینجرز اور پولیس مکمل طور پر تعاون کر رہی ہے،

خاتون کو لفٹ دینا مہنگا پڑ گیا،پولیس اہلکار کا بھتیجا ہنی ٹریپ کا شکار

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

ہنی ٹریپ،لڑکی نے دوستوں کی مدد سے نوجوان کیا اغوا

قصور میں ایک اور جنسی سیکنڈل،خواتین کی عزت لوٹ کر ویڈیو بنا کر بلیک میل کرنیوالا گرفتار

عبدالقوی باز نہ آئے، ایک اور نازیبا ویڈیو وائرل

عمران ،بشریٰ بی بی غیر شرعی نکاح کیس ، عدالتی فیصلہ درست ہے، مفتی قوی

اپنی ہی بیوی کو نازیبا ویڈیو لیک کرنے کی دھمکی دینے والاپہنچا جیل

ویڈیو لیک ہونے سے کیسے بچا جا سکتا ہے؟ڈیٹا ریکوری کا طریقہ

لیکن کھلا یہ بھید سر طور و کربلا
دید و شہود کے بھی مقامات ہیں جدا
..۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گویاؔ جہان آبادی

10 ستمبر : یوم وفات

سید ضامن علی نقوی المعروف گویا جہان آبادی، جہاں آباد کے رہنے والے تھے۔ ان کی ایک مثنوی ” اسرار مستی” نے بڑی شہرت و مقبولیت حاصل کی تھی اس کی تعریف کرنے والوں میں علامہ اقبال بھی شامل تھے ہند و پاک کی آزادی کے بعد گویاؔ پاکستان آ گئے تھے اور یہاں کے ادبی حلقوں میں خاصے مقبول تھے کراچی میں مقیم تھے ، وہیں تقریباً 75 سال کی عمر میں 10 ستمبر 1971ء کو آخری سانس لی
…..
نمونہ کلام
۔۔۔۔۔۔۔۔۔۔۔۔۔۔۔۔۔۔
انساں نے آانکھ کھولی ہے بزم شہود میں
آدم کے قبل آیا ہے عالم وجود میں
تسخیر ہی کو ارض و سما کے حدود میں
دیرینہ ایک جنگ ہے بود و نمود میں
۔۔۔۔۔۔۔۔
ظلمت خلاف نور ہے وقت دراز سے
واقف نہیں اضافی افاضی کے راز سے
۔۔۔۔۔۔۔۔
لیکن کھلا یہ بھید سر طور و کربلا
دید و شہود کے بھی مقامات ہیں جدا
۔۔۔۔۔۔۔۔
خود میں خدا کی دید شہادت کا اقتضا
نظارے کی طلب ہے تقاضا کلیم کا
۔۔۔۔۔۔۔۔۔
چشمِ کلیمؑ اِدھر ہے اُدھر قلب مصطفٰیﷺ
طالب کا وہ مقم یہ مطلوب ک پتا
……
چلی آتی ہیں موجیں اک جمال گل بداماں کی
بنائیں ہر قدم پر ڈالتی سو سو گلستاں کی
کھلا کرتی ہیں کلیاں آنکھ میں دل کے گلستاں کی
دم نظارہ نظریں پھول برساتی ہیں انساں کی
نہ دل سمجھا ، نہ غم سمجھے ، نہ دنیا ساز و ساماں کی
یہ کیا سرگوشیاں تھیں چپکے چپکے اشک و مژگاں کی
لیے بیٹھا ہوں آنسو دیر سے دامان مثگاں میں
سرپ داستاں ہوں شبنم و برگِ گلستاں کی
جہاں سے بزم ہستی میں ہوا ہے خاک پروانہ
وہیں سے برق چمکی ہے کسی کے حسن پنہاں کی
ٹھہر اے سوز نظارہ کہ لو دینے لگے آنسو
حبابوں سے شعاعیں پھوٹ نکلیں آتش جاں کی
پڑا ہوں سر بسجدہ پھر رہا ہے کوئی نظروں میں
جبیں سائی میں منزل ہے نیاز دراز پنہاں کی
فروغ شعلۂ شبنم سے حیرااں مہ و انجم
نظر ہے قطرہء ناچیز پر ، مہر درخشاں کی
مرے اشکوں کی فطرت ہے مسلسل جستجو گویاؔ
ستارے منزلیں طے کر رہے ہیں کوئے جاناں کی

بیگم زیب النساء حمید اللہ پاکستان کی پہلی خاتون انگریزی مصنفہ، صحافی، ایڈیٹر اور شاعرہ

10 ستمبر 2000 یوم وفات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آغا نیاز مگسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیگم زیب النساء صاحبہ کو بہت سے اہم ترین اور منفرد اعزازات حاصل ہیں اور یہ سب کچھ انہیں خداداد صلاحیتوں کی بدولت حاصل ہوا۔ زیب النساء 25 دسمبر 1921 میں کولکتہ کے ایک علمی اور ادبی مسلم گھرانے میں پیدا ہوئیں۔ ان کے والد صاحب واجد علی ایک نامور لکھاری تھے جنہوں نے سب سے پہلے شاعر مشرق علامہ محمد اقبال کی شاعری کا بنگالی زبان میں ترجمہ کیا۔ ان کے والد نے اپنی ہونہار صاحبزادی کو اعلی تعلیم دلائی۔ہندوستان کی تقسیم کے باعث ان کا خاندان کراچی پاکستان منتقل ہو گیا۔ زیب النسا کی شادی 1940 میں ایک کاروباری شخصیت خلیفہ محمد حمید اللہ سے ہوئی جس سے انہیں دو بیٹیاں نیلوفر اور یاسمین پیدا ہوئیں۔ زیب النسا نے 1948 میں انگریزی اخبار روزنامہ ڈان سے کالم نگاری کا آغاز کیا جبکہ 1958 میں انہوں نے کراچی سے انگریزی میں Mirror کے نام سے ماہنامہ جریدہ نکالا جو کہ بہت جلد پاکستان کا ایک مقبول ترہن جریدہ بن گیا ۔ وہ "مرر” کی ایڈیٹر اور پبلشر خود ہی تھیں جبکہ وہ ادارت اور کالم نگاری کے علاوہ شاعری بھی کرتی تھیں اس طرح وہ پاکستان میں انگریزی زبان کی پہلی خاتون صحافی، کالم نگار ، ایڈیٹر ، پبلشر اور انگریزی شاعرہ بن گئیں جو کہ بہت بڑے اعزازات ہیں ۔ اپنے کالمز اور اداریوں میں حکومت کی غلط پالیسیوں پر زبردست تنقید کی وجہ سے ان کے جریدے کی اشاعت پر پابندی عائد کر دی گئی لیکن انہوں نے معروف قانون دان اے کے بروہی کی توسط سے سپریم کورٹ میں حکومت کے خلاف مقدمہ دائر کیا گیا اور یہ مقدمہ انہوں نے جیت لیا اور پاکستان میں کسی بھی خاتون صحافی کا مقدمہ جیتنے کا پہلا اعزاز بھی ان کے حصے میں آیا۔ محترمہ فاطمہ جناح اور بیگم رعنا لیاقت علی خان ان کی بہترین دوستوں میں شامل تھیں ۔ زیب النسا صاحبہ کے خاوند پاکستان میں باٹا شوز کمپنی کے چیف ایگزیکٹو کے عہدے پر فائز تھے۔ 1970 میں ان کے شوہر حمید اللہ صاحب کا آئر لینڈ تبادلہ کر دیا گیا تو زیب النسا بھی ان کے ہمراہ ڈبلن آئر لینڈ منتقل ہو گئیں لیکن کراچی پاکستان میں ان کی آمد و رفت کا سلسلہ جاری رہا۔ 1983 میں ان کے شوہر محترم کا کراچی میں انتقال ہوا۔ زیب النسا کو پاکستان کی پہلی خاتون مبصر ہونے اور الازہر یونیورسٹی قاہرہ سے خطاب کرنے کا بھی اعزاز حاصل رہا ہے ۔ 10 ستمبر 2000 میں ان کا کراچی میں انتقال ہوا ۔ کراچی کی مشہور گلی ” زیب النسا اسٹریٹ” ان کے نام سے منسوب ہے ۔ بیگم زیب النساء حمید اللہ کی انگریزی تصانیف کی تفصیل درج ذیل ہے۔

تصانیف
۔۔۔۔۔۔۔۔۔۔۔۔۔۔۔۔۔۔
۔ (1)Indian Bouquet
۔ 1941
۔ (2)Lotus Leaves
۔ 1946
۔ (3)Sixty Days in
۔ America
۔ 1956
۔ (4)The Young Wife
۔ 1958
۔ (5)The Flute of
۔ Memory
۔ 1964
۔ (6)Poems
۔ 1972