Category: کراچی

کراچی: پاکستان تحریک انصاف کے رہنما شیر افضل مروت کا کہنا ہے کہ پی ٹی آئی کو لیول پلیئنگ فیلڈ نہیں مل رہی ہے، آج کراچی کے عوام خود گھروں سے نکل کر آئے ہیں-

باغی ٹی وی: کراچی میں پی ٹی آئی کی جانب سے بلاول چورنگی سے سی وی یو نشان پاکستان تک ریلی نکالی گئی ریلی میں کئی عرصے سے پس منظر سے غائب رہنے والے پی ٹی آئی رہنما خرم شیر زمان ، آفتاب جہانگیر، فہیم خان، راجا اظہر، سعید آفریدی، ایڈووکیٹ علی پلھ، ایڈوکیٹ رحمان مہیسر سمیت دیگر قیادت سی ویو پر موجود تھی۔

رہنما پاکستان تحریک انصاف شیر افضل مروت کا کہنا تھا کہ ہمارا انتخابی نشان چھینا گیا، امیدوار گرفتار ہوئے لیکن آج بھی انتخابی عمل کا حصہ ہےپی ٹی آئی کو لیول پلیئنگ فیلڈ نہیں مل رہی ہے، آج کراچی کے عوام خود گھروں سے نکل کر آئے ہیں لیکن جن لوگوں نے انہیں جلسے کی دعوت دی، وہ خود گھروں سے نہیں نکلے،آج جو لوگ نکلے وہ غیور ہیں۔

شیر افضل مروت نے ریلی میں بعض رہنماوں کی عدم موجودگی شدید برہمی کا اظہار کرتے ہوئے کہا کہ ٹکٹوں کی تقسیم کے دوران سندھ کی قیادت کے علاوہ اسلام آباد میں کسی کا چہرہ نظر نہیں آرہا تھا لیکن آج کے جلسہ میں سندھ کی قیادت ڈھونڈنے پر نہیں مل رہی، جتنے ٹکٹ ہولڈر آئے ان کو سلام جو نہیں آئے ان پر لعنت بھیجتا ہوں ہماری صفوں میں بزدلوں کی کوئی جگہ نہیں، بانی پی ٹی آئی کو بتاؤں گا جو امیدوار بزدلی سے گھروں میں بیٹھے رہے، ہمت نہیں تھی نکلنے کی تو ٹکٹ کیوں مانگا۔

شیر افضل مروت نے کہا کہ کل عدالتوں میں انصاف کے منہ پر کالک مل دی، عدالتوں نے بلا چھینا، ہمارے امیدوار گرفتار ہوئے، ہمیں ایسے نشان الاٹ کیے گئے جو ہمارے پہچان نہیں ہمارے کاغذات چھینے گئے۔ پی ٹی آئی کو لیول پلیئنگ فیلڈ نہیں دیا گیا پاکستان میں پاکستانیوں کیخلاف ہی سازش ہوئی، پاکستانیوں سے ووٹ کا حق چھینا گیا۔

انہوں نے کہا کہ کراچی کے لوگوں کی پی ٹی آئی سے محبت کا اندازہ ہے، پی ٹی آئی کیلئے ہر سطح پر زیادتیوں کا سلسلہ جاری ہے، میں کراچی والوں کا پیغام عمران خان کو دوں گا بانی پی ٹی آئی کو بتاؤں گا سندھ کے عوام پی ٹی آئی کے ساتھ ہیں،صبح سے رکاوٹیں لگائی گئیں پولیس کے ڈالے گھوم رہے تھے۔ جس طرح ورکرز نکلے انہیں سلام، ہم 8 فروری تک اپنی جمہوری جنگ لڑیں گے۔

پی ٹی آئی رہنما نے سندھ میں پارٹی ٹکٹوں کی تقسیم کو غلط قرار دیتے ہوئے کہا کہ وہ ٹکٹوں کی تقسیم کی مذمت کرتے ہیں جو ٹکٹ ہولڈر آج کی ریلی میں شریک نہیں وہ ہمارے وفادار نہیں 15 سالوں سے پیپلز پارٹی سندھ پر قابض ہے لیکن آج تک سندھ کو قبضوں کے علاوہ کچھ نہیں دیا، آج بھی کراچی میں شہری پانی ٹینکرز سے خریدنے پر مجبور ہیں۔

جماعت اسلامی کراچی کے امیر حافظ نعیم الرحمان نے غزہ ملین مارچ سے خطاب کرتے ہوئے کہا ہے کہ ہمارے جذبات فلسطین کے مسلمانوں کے ساتھ ہیں، ہم انتخابات میں بھی فلسطینیوں کو نہیں بھولے ،اسرائیل ہمارے بچوں کا قتل عام کررہا ہے-

باغی ٹی وی: غزہ میں اسرائیلی وحشیانہ کارروائیوں کے خلاف جماعت اسلامی نے شارع فیصل، کراچی میں غزہ ملین مارچ کا انعقاد کیا جس میں بڑی تعداد میں کارکنان اور حجۃ الاسلام علامہ حسن ظفر نقوی اور دیگر نے بھی شرکت کی، شرکاسے خطاب میں امیر جماعت اسلامی کراچی حافظ نعیم الرحمان نے کہا کہ ہم فلسطین کے عوام کے ساتھ ہیں، اور ہم انتخابات میں بھی فلسطینیوں کو نہیں بھولے ،اسرائیل ہمارے بچوں کا قتل عام کررہا ہے، ہم امریکا کے ایجنٹوں سے لڑتے ہیں، ہم انتخابات کو بھی عبادت سمجھ کر لڑتے ہیں، مارچ میں بڑی تعداد میں کارکنان نے شرکت کی اس موقع پر خواتین اور بچے بھی مارچ میں شریک رہے،مظاہرین نے مظلوم فلسطینیوں سے اظہار یکجہتی کیا جبکہ اسرائیل کے خلاف نعرے لگائے گئے۔

دوسری جانب مارچ کے شرکا سے خطاب میں علامہ حسن ظفر نقوی نے کہا کہ حماس کے مجاہدین اور اہل غزہ نے دنیا بھر میں اسلامی تحریکوں کو ایک جگہ جمع کر دیا ہے،انہوں نے کہا کہ پوری دنیا کے عوام اہل غزہ و فلسطین سے اظہار یکجہتی کیلئے سڑکوں پر موجود ہیں، فلسطینیوں کا خون اور شہادتیں رائیگاں نہیں جائیں گی، مسجد اقصیٰ آزاد ہوگی اور اسرائیل نیست و نابود ہوگا۔

کراچی:نگران وفاقی وزیر تجارت گوہر اعجاز نے تاجروں کے خلاف چارج شیٹ پیش کرد ی-

کراچی میں فیڈریشن آف پاکستان چیمبر آف کامرس اینڈ انڈسٹری میں تاجروں سے خطاب کرتے ہوئے ،نگران وفاقی وزیر تجارت گوہر اعجاز نے ملک میں ڈالرکی قیمت میں اضافےکا ذمہ دار تاجروں کو قرار دیا نگران وفاقی وزیر نےکہا کہ ڈالر 160 سے 320 تاجروں کی وجہ سے ہوا، افغان ٹرانزٹ ٹریڈ کے ذریعے اسمگلنگ میں تاجر ملوث ہیں، چین سے 22 ارب ڈالر کا مال خرید کر 12 ارب ڈالر بتایا گیا، چین سے ڈیٹا ےکر آیا ہوں، تاجر بڑے پیمانے پر انڈر انوائسنگ میں ملوث ہیں، کراچی میں ایک ہزار ایکڑ اراضی پر نیا صنعتی زون بنانےکا تصور پیش کیا ہے، نیا زون ملکی برآمدات کو آئندہ 5 سال میں 100 ارب ڈالر تک لے جائےگا۔

کروڑوں روپے مالیت کی آئس برآمد ، 6 ملزمان گرفتار

قبل ازیں نگران وزیرِ اعظم انوار الحق کاکڑ کی زیرِ صدارت افغان ٹرانزٹ ٹریڈ معاہدے کے تحت تجارت اور سرحدی اضلاع میں اسمگلنگ کے خاتمے پر جائزہ اجلاس ہوا تھا ،جس میں وزیرِ اعظم نے ہدایت کی تھی کہ اسمگلنگ کی مکمل روک تھام کیلئے تمام ادارے بالخصوص فرنٹیئر کور، کسٹمز اور ضلعی انتظامیہ اپنے اقدامات میں تیزی لے کر آئیں –

انہوں نے کہا تھا کہ اسمگلنگ کے گھناؤنے کاروبار سے صرف چند بااثر افراد کو فائدہ پہنچتا ہے،سرحدی اضلاع میں خصوصی اقتصادی زونز اور صنعتوں کے قیام سے لوگوں کو متبادل باعزت روزگار کی فراہمی یقینی بنائی جائےسرحدی علاقوں کے لوگوں کو روزگار کے مواقع مہیا کرنے، انکے سماجی تحفظ اور انہیں باہنر بنانے کیلئے ایک جامع لائحہ عمل مرتب کیا جائے،اسمگلنگ کی وجہ سے پوری پاکستانی قوم نقصان اٹھا رہی تھی اور حکومت اس کے مکمل خاتمے تک آپریشن جاری رکھے گی.

وزیرِ اعظم نے کہاتھا کہ اسمگلنگ کے ذریعےمقامی لوگوں کو روزگار کے مواقع دینے کے بھونڈے جواز کی آڑ میں چند افراد کو ملک کی معیشت کو نقصان پہنچانے نہیں دینگےنگران حکومت اپنی مدت کے آخری دن کے آخری لمحے تک اسمگلنگ کے خاتمے کیلئے اقدامات کرتی رہے گی، این ایل سی چمن بارڈر پر اپنے اسکیننگ و چیکنگ کے منصوبے کو ترجیحی بنیادوں پر مکمل کرے.

انوارالحق کاکڑ نے کہا تھا کہ اکستان کسٹمز سرحدی علاقوں میں اپنی استعداد کار میں اضافہ کرے تاکہ اسمگلنگ میں پکڑے جانے والے عناصر کو قانون کے مطابق قرار واقعی سزا دی جا سکےاسمگلنگ کی روک تھام کے ساتھ ساتھ شہری علاقوں میں اس مال کی طلب کو بھی کنٹرول کرنے کی ضرورت ہےسرحدی اضلاع بالخصوص حساس علاقوں میں اچھی شہرت کے افسران تعینات کئے جائیں اور پوسٹنگ ٹرانسفر کے شفاف سسٹم کو بحال کیا جائے. وزیرِ اعظم کی ہدایت.

وزیرِ اعظم نے ہدایت کی کہ افغانستان سمیت دیگر ممالک، جن کے ساتھ پاکستان کے ذریعے ٹرانزٹ ٹریڈ ہوتی ہے، وزارت تجارت اس کی کڑی نگرانی کرے اور متعلقہ حکام کو اشیاء کی برآمد کے رجحانات کے حوالے سے آگاہ کرےسرحدی علاقوں میں قانونی تجارت کو فروغ دیا جائے اور مکمل دستاویزی کاروائی کو یقینی بنایا جائے.

گلوکار ساحر علی بگا اور یوکرینی گلوکارہ کے گانے کی تیاریاں شروع

سیالکوٹ:وعدہ کرتا ہوں تو ہر صورت نبھاتا ہوں۔ محسن نقوی

کراچی: مرحوم جنید جمشید کے بیٹے سیف اللہ جمشید رشتہ ازدواج میں منسلک ہوگئے.

باغی ٹی وی : سماجی رابطے کی ویب سائٹ انسٹاگرام پر سیف اللہ جنید نے اپنے نکاح کی چند خوبصورت تصاویر پوسٹ کرتے ہوئے اپنے نکاح کا اعلان کیا، سیف اللہ جنید جمشید نے مذکورہ پوسٹ کے کیپشن میں نکاح کی تاریخ 11 دسمبر 2023 درج کی ہے،تصاویر میں مرحوم مذہبی اسکالر جنید جمشید کے بیٹے سیف اللہ، سفید شلوار قمیض ہلکی گلابی ویسٹ کوٹ کے ساتھ زیب تن کئے ہوئے ہیں۔

انسٹاگرام پر جارہ کردہ ایک تصویر میں سیف اللہ کو نکاح نامے پر دستخط کرتے اور اپنی اہلیہ کا ہاتھ تھامے دیکھاجاسکتا ہے جبکہ تصاویر میں سیف اللہ کے بھائی بابر جنید بھی موجود ہیں، پوسٹ کے اختتام میں قرآنی آیت تحریر کی جس کا ترجمہ ہے کہ ’اور ہم نے تمہیں جوڑوں میں پیدا کیا ہے-

نیوزی لینڈ کی سابق وزیراعظم نےاپنے دوست کے ساتھ شادی کر لی

واضح رہے کہ 15برس تک موسیقی کی دنیا سے منسلک رہنے والے جنید جمشید میں 2004ء میں ایک بڑی اورمثبت تبدیلی آئی،جب انہوں نے اپنی زندگی دعوت و تبلیغ دین کیلئے وقف کردی جنید جمشید نےایک بہترین اور سچا مسلمان بننے کا عملی ثبوت پیش کیا، انہوں نے بے شمار نعتیہ کلام اور حمد باری تعالٰی پڑھیں، 7 دسمبر 2016ء کوحویلیاں کے قریب ایک ہولناک ہوائی حادثے میں یہ ممتاز نعت خواں اور ان کی اہلیہ کی زندگی کا چراغ گل ہوگیا، لیکن آج بھی وہ اپنے نعتیہ کلام کے ذریعے لوگوں کی یادوں میں محفوظ ہیں۔

امریکی انٹیلی جنس کاخان یونس میں سرنگوں میں حماس کی قیادت کی موجودگی کا انکشاف

امریکی انٹیلی جنس کاخان یونس میں سرنگوں میں حماس کی قیادت کی موجودگی کا انکشاف