Category: کراچی

صدر مملکت عارف علوی نے کہا ہےکہ ڈنڈا ہر مسئلے کا حل نہیں، یوٹیوب اور انٹرنیٹ بند کرنے سے مسئلہ حل نہیں ہوگا

جامعہ کراچی میں کانووکیشن کی تقریب سے خطاب کرتے ہوئے صدر عارف علوی کا کہنا تھا کہ کہ دنیا میں علم کا حصول مسائل کے حل کا واحد راستہ نہیں، دنیا میں تعلیم یافتہ لوگوں نے زیادہ ظلم کیے ہیں، تعلیم تربیت کی بنیاد نہیں ہے، سائنس اور ٹیکنالوجی عروج پر اور انسانیت زوال پذیر ہے جب یہودیوں کو مارا گیا اس پر بات کی جاتی ہے، آج جوکچھ غزہ میں ہورہا ہے اس پر پردہ ڈالا جاتا ہے یہ سب تعلیم یافتہ اقوام کررہی ہیں،

صدر عارف علوی کا کہنا تھا کہ میں کہتا کچھ ہوں، ٹی وی پر چلتا کچھ اور ہے، معاملہ کچھ ہوتا ہے اور پیغام کچھ اور جاتا ہے، ہم نے ہمیشہ ٹیکنالوجی اورنئی ایجادکی مخالفت کی ہے، آج بھی انٹرنیٹ اور یوٹیوب بند کردیا جاتا ہے، یوٹیوب اور انٹرنیٹ بند کرنے سے مسئلہ حل نہیں ہوگا، ڈنڈا ہر مسئلے کا حل نہیں ڈنڈے سے معاملہ ٹھیک نہیں ہوگا، قرآن و سنت سے قانون بنتا ہے، قاضی کا کام قانون پر عمل کرانا ہے، قرآن میں ہےکہ دشمنی میں بھی انصاف کا دامن نہ چھوڑیں، مذہب میں جو موجودہ ہے اسکو مت چھوڑیں، اقدار کا فوکس،کلچر میں موجود ہے، چھوڑا تو جو راستے کھلنے والے ہیں وہ بند نہیں ہوں گے،

ووٹرز 8 فروری کو 12 بجے پی پی امیدواروں کو ووٹ دینے نکلیں، ورنہ جام صاحب نہر بند کردیں گے۔ فضل اللّٰہ پیچوہو نے دھمکی دی کہ جام صاحب نہر بند ہوگی تو ووٹ نہ دینے والوں کا پانی بھی بند ہوگا۔ انہوں نے ووٹرز سے کہا کہ امیدوار کی شکل پسند نہیں تو ووٹ تیر کو دے کر بلاول بھٹو کو وزیراعظم بنائیں۔پاکستان پیپلز پارٹی (پی پی پی) کے امیدوار فضل اللّٰہ پیچوہو نے ووٹ نہ دینے پر ووٹرز کا پانی بند کرنے کی دھمکی دے دی ہے۔سانگھڑ میں فضل اللّٰہ پیچوہو نے پرتم آباد میں صوبائی اسمبلی کے حلقے پی ایس 40 میں جلسے سے خطاب کرتے ہوئے کہا کہ ووٹرز 8 فروری کو 12 بجے پی پی امیدواروں کو ووٹ دینے نکلیں، 12 بجے تک ووٹر نہیں نکلے تو جام صاحب نہر بند کردیں گے۔

شہر قائد کراچی میں اعلیٰ ثانوی تعلیمی بورڈ کے باہر فرسٹ ایئر کے بدترین نتائج کے خلاف جماعت اسلامی کا دھرنا جاری ہے

دھرنے میں طلباء اور والدین کی بڑی تعداد شریک ہے جبکہ امیرِ جماعت اسلامی کراچی حافظ نعیم الرحمٰن نے بھی دھرنے میں شرکت کی ہے، اس موقع پر حافظ نعیم الرحمان کا کہنا تھا کہ ان بچوں کے ساتھ زیادتی نہیں ہونے دوں گا، وڈیروں اور جاگیرداروں سن لو ہماری جنگ شروع ہوگئی ہے، تم ان بچوں سے ان کا حق نہیں چھین سکتے، میٹرک میں 90 فیصد نمبر لینے والا انٹر میں 40 فیصد لے پایا ہے، تمہیں ڈاکا نہیں ڈالنے دیں گے، ان بچوں کے ساتھ ظلم نہیں ہو سکے گا،6 مہینے کے اعداد و شمار کے مطابق کراچی کے تنخواہ دار طبقے کا ٹیکس ملک کے ٹیکس کے برابر ہے،ہ میں کیسے انہیں تسلی دوں، ان سے وعدہ کر رہا ہوں کہ ان کے ساتھ جعل سازی نہیں ہونے دیں گے

واضح رہے کہ فرسٹ ایئر کے حالیہ نتائج میں 44 ہزار سے زائد طلباء فیل ہوئے ہیں اور فرسٹ ایئر کے تمام گروپوں کے نتائج میں فیل ہونے والے طلباء کا تناسب 64 فیصد ہے

قبل ازیں ورنر سندھ کامران ٹیسوری نے انٹربورڈ کراچی میں نتائج سے متاثرہ طلباء کی دادرسی کرتے ہوئے کہا تھا کہ کراچی کے 66 فیصد بچوں کو فیل کر دیا گیا ہے جو سندھ کی تعلیم پر سوالیہ نشان ہے انٹر کے نتائج پر ماں باپ پریشان ہیں اور سیاسی لوگ بھی احتجاج میں شریک ہورہے ہیں، لہٰذا ہم چاہتے ہیں کہ حقائق کا پتہ چلے.

جنسی ہراسانی کیس،گورنر سندھ نے نسیم میمن کی سزا معاف کرنیکی درخواست کر دی
انٹر کے خراب نتائج، گورنر سندھ چیئرمین نسیم میمن کے حق میں آگئے۔گورنر سندھ نے سندھ حکومت کو نسیم میمن کی سزا معاف کرنے کی درخواست کر دی،گورنر سندھ نے انٹربورڈ چیئرمین کی سزا معافی کیلئے سندھ حکومت کو خط لکھ دیا،نسیم میمن کو صوبائی محتسب میں جنسی ہراسگی پر دو ماہ قبل سزا سنائی گئی تھی ،نسیم میمن نے حیدرآباد کی خاتون ٹیچر کو ہراساں کیا،صوبائی محتسب نے دو ماہ قبل جرم ثابت ہونے پر سزا سنائی گئی۔صوبائی محتسب کے فیصلے کی روشنی میں نگران وزیر اعلی سندھ نے نسیم میمن کو لاڑکانہ بورڈ سے برطرف کر دیا تھا۔ انٹر میڈیٹ کراچی کے نتائج کے وقت نسیم مئں انٹر بورڈ کراچی کے چئرمین تھے۔گورنر سندھ ایک جانب انٹر طلبہ کی داد رسی کرتے ہیں دوسری جانب نتائج کے ذمہ دار سابق چئرمین کی سزا معاف کرانے کے لئے سرگرم ہیں.

دوسری جانب نگراں وزیراعلیٰ سندھ جسٹس (ر) مقبول باقر نے معاملے کو غیر اہم قرار دیتے ہوئے کہا تھا کہ طلباء فیل ہوگئے ہیں تو ہوگئے ہوں، لیکن فیل ہونے پر احتجاج کس بات کا؟

ایم کیو ایم کے سینئر ڈپٹی کنوینر مصطفیٰ کمال نے حلقہ این اے 242 میں کارنر میٹنگ سے خطاب کرتے ہوئے کہا کہ الیکشن کے دنوں میں ہر کوئی آپ سے آکر کہے گا ہمیں ووٹ دو ہم مسائل حل کردیں گے، اگر 70 سالوں میں بجٹ کا 10 فیصد بھی لگتا تو حالات ایسے نہ ہوتے۔ ایم کیو ایم کے سینئر ڈپٹی کنوینر نے مزید کہا کہ میرا کوئی دشمن بھی مجھ پر ایک روپے کی کرپشن کا الزام نہیں لگا سکتا، کراچی میں ایم کیو ایم کے پاس بہت سی ایسی سیٹیں ہیں جہاں میں نہ بھی جاؤں تو ایم کیو ایم جیت جائے گی، بلدیہ کی سیٹ بہت مشکل ہے۔
مصطفیٰ کمال نے کہا کہ یہاں گٹر کے ڈھکن تک نہیں لگ سکے، اللہ کسی کو لیکر اور کسی کو دیکر آزماتا ہے، کہتے ہیں پاکستان میں چوری اس نے ہی نہیں کی جس کو موقع نہیں ملا، مجھے چوری نہیں ڈکیتی کرنے کا موقع ملا، مجھے بطور ناظم 30 ہزار کروڑ روپے لگانے کا موقع ملا۔مصطفیٰ کمال نے کہا کہ میں بلدیہ کی خوشحالی نہیں یہاں کی پسماندگی دیکھ کر آیا ہوں، اس حلقے میں ملک کی تمام قومیں بستی ہیں، مجھے مہاجر ہونے پر فخر ہے مگر میں اپنے آپ کو پختون، پنجابی اوردیگر قوموں سے الگ نہیں کرسکتا، ایم کیو ایم کا خواب ہے ہر رنگ نسل زبان کا آدمی ایم کیو ایم کے جھنڈے تلے ہو۔انہوں نے کہا کہ پورے سندھ میں ایک یوسی بھی نہیں جس کو پیپلزپارٹی ماڈل کے طور پر پیش کردے، پیپلزپارٹی نہیں کہہ سکتی کہ ہم لاہور کو کراچی بنادیں گے، اگر ایسا بولا تو لاہور والے بھاگ جائیں گے۔

حیدرآباد: پی ٹی آئی امیدوار انور جتوئی شرجیل انعام میمن کے حق میں دستبردار ہو گئے جبکہ این اے 218 پر پی ٹی آئی کے امیدوار محرم خان بھی پیپلز پارٹی امیدوار طارق شاہ جاموٹ کے حق میں دستبردار ہو گئے، پی ایس 61 پر انور جتوئی پی ٹی آئی کے ٹکٹ پر الیکشن کے امیدوار تھے، انور جتوئی اور محرم خان پی ٹی آئی چھوڑ کر پیپلز پارٹی میں شامل ہوگئے، اس موقع پر محرم خان نے کہا کہ کسی قسم کا کوئی دباو نہیں، خوشی سے پیپلز پارٹی امیدوار کے حق میں دستبردار ہو رہا ہوں، جبکہ انور جتوئی نے کہا پیپلز پارٹی میں شمولیت کا اعلان کرتے ہیں، اور پیپلز پارٹی امیدوار شرجیل انعام میمن کے حق میں دستبردار ہو رہا ہوں، شرجیل انعام میمن نے محرم خان اور انور جتوئی کا پیپلز پارٹی میں خیرمقدم کیا ، اور کہا کہ بھائیوں کی طرح مل کر عوامی فلاح و بہبود کا کام کریں گے، شرجیل میمن نے کہا کہ پیپلز پارٹی وہ گلدستہ ہے جس میں ہر طرح کےپھول موجود ہیں،