Category: کراچی

کراچی: مسلم لیگ ن کے رہنما خواجہ سعد رفیق نے کہا ہے کہ دہائیوں تک کراچی شہر پر توجہ نہیں دی گئی، سوچےسمجھے منصوبے کے تحت کراچی کو کھنڈربنا دیاگیا۔

باغی ٹی وی: کراچی میں پریس کانفرنس کرتے ہوئے خواجہ سعد رفیق نے کہا کہ کسی کو مائنس کرنا مسلم لیگ ن کے ایجنڈے میں شامل نہیں ہے، ہم شکر گزار ہیں ان سب لوگوں کے جنہیں یقین ہوگیا ہے کہ نواز شریف وزیراعظم بنیں گے اس بار ہمارا پورا فوکس سندھ پر ہے، نواز شریف نے گرین لائن کا تحفہ کراچی کو دیا اور کےفور پر بھی کام کیا، کراچی کے امن و امان کی بحالی کا کریڈٹ نواز شریف کوجاتا ہے،جے یو آئی اور ایم کیو ایم کے ساتھ پہلےہی طے ہو گیا تھا کہ مل کرالیکشن لڑیں گے-

سعد رفیق کا کہنا تھا سیاسی اختلاف اپنی جگہ رہے لیکن بات چیت بھی کریں، پی ٹی آئی نے پاکستان کی سیاست کو گندا کیا ہے، سماجی تعلق ٹوٹنا نہیں چاہیے اور رابطے قائم رہنے چاہئیں، کوئی ایک ادارہ یا جماعت اکیلے اس ملک کو بہتر نہیں کرسکتی، ملک دیوالیہ ہوگیا تھا اس کو ہم نے مل کر بچایا۔

غزہ کے الشفا ہسپتال میں بمباری سے تباہ کن صورتحال

سابق اسپیکر قومی اسمبلی سردار ایاز صادق نے کہا کہ نواز شریف 14 نومبر کو بلوچستان کا دو روزہ دورہ کریں گے، ساری جماعتوں سے ہمارے اچھے تعلقات رہے ہیں، ان جماعتوں سے ملیں گے جہاں ہمارا سیاسی اتحاد ہو سکتا ہےآنے والی نسلوں کو تربیت دینا ضروری ہے اور انہیں گالم گلوچ سے دور رکھنا ہےنواز شریف کے دورہ بلوچستان کےموقع پر کچھ لوگ ن لیگ میں شمولیت اختیار کریں گے۔

بھارتی ہیکرز کے دوسرے ممالک کی حساس معلومات پر سائبر حملے

دوسری جانب اسلام آباد میں میڈیا سے بات کرتے ہوئے جے یو آئی کے رہنما مولانا غفور حیدری کا کہنا ہے کہ آج مری سے جلسوں کا سلسلہ شروع ہوگا، جلسوں کا یہ سلسلہ بہاولپور تک جائے گا، ملک میں صاف اور شفاف الیکشن ہونے چاہیے، اگر 2018 والا الیکشن ہوا تو قبول نہیں کریں گے، اور ہم ایسے الیکشن کیخلاف پہلے سے زیادہ مزاحمت کریں گے ایک فاشسٹ حکومت کو پی ڈی ایم نے چلتا کیا، آج سربراہ جے یو آئی قوم کو یہی بتائیں گے کہ ہم نے اس حکومت سے نجات دلائی ابھی تک کسی پارٹی سے اتحاد کا سوچا نہیں ہے، سیٹ ٹو سیٹ ایڈجسٹمنٹ کی اجازت مرکزی قیادت نے دی ہے، سندھ میں ہم جے ڈی اے الائنس کا حصہ ہو سکتے ہیں، بلوچستان میں بھی سیٹ ٹو سیٹ ایڈجسٹمنٹ ہو سکتی ہے، مسلم لیگ ن ہر جگہ موجود نہیں ہے، صوبائی سطح پر بھی سیٹ ٹو سیٹ ایڈجسٹمنٹ ہو سکتی ہے۔

ن لیگی وفد کی پیرپگاڑا اور ایم کیو ایم کے رہنماؤں سے ملاقات

رہنما جے یو آئی نے کہا کہ فلسطین میں مظالم اور نسل کشی ہورہی ہے، اور اقوام متحدہ صرف امریکا کی لابی بنی ہوئی ہے غزہ کی صورتحال پر عرب لیگ خاموش ہے، کوئی ان کا ضمیر نہیں جھنجھوڑرہا، آج جے یو آئی کے مری جلسے کا اہم موضوع فلسطین بھی ہے، جس میں مولانا فضل الرحمان عالم اسلام کا ضمیر جنھجوڑیں گے۔

دھابیجی پمپنگ اسٹیشن سے کراچی کو پانی سپلائی کرنے والی لائن پھٹ گئی

ٹھٹھہ : دھابیجی پمپنگ اسٹیشن سے کراچی کو پانی سپلائی کرنے والی لائن پھٹ گئی جس کے باعث 50 لاکھ گیلن پانی سپلائی متاثر ہوئی۔

باغی ٹی وی : واٹر بورڈ حکام کے مطابق دھابیجی پمپنگ اسٹیشن سے کراچی کو پانی سپلائی کرنے والی لائن پھٹ گئی، حکام کا کہنا ہے کہ 72 قطر انچ کی لائن صبح بجلی بریک ڈاون کے باعث پھٹی، جس سے 50 لاکھ گیلن پانی سپلائی متاثرہوئی،پائپ لائن کی مرمت کا کام تاحال شروع نہیں ہوسکا، مرمت میں 24 گھنٹے لگیں گے، ایک ماہ کے دوران یہ لائن تین مرتبہ پھٹ چکی ہے۔

بشریٰ بی بی بھی جلد جیل میں‌ہوں گی

قبل ازیں گزشتہ ماہ 3 اکتوبر میں دھابیجی پمپنگ اسٹیشن پربجلی کے بڑے بریک ڈاؤن سے لائن پھٹ گئی واٹرکار بوورڈ حکام کا کہنا تھا کہ ک 72 انچ قطر کی پائپ لائن نمبر 5 بیک پریشر کے باعث پھٹی، ،پائپ لائن پھٹنے سے دوکلومیٹرکا علاقہ زیرآب آگیا تھا اس لائن سے کراچی کو پانی فراہم کیا جاتا ہے، پائپ لائن پھٹنے سے پمپنگ اسٹیشن کے 19 پمپ بند ہوگئے جبکہ یکم اکتوبر کو بھی بجلی کے بریک ڈاؤن سے پمپنگ اسٹیشن کی 2 پائپ لائنیں پھٹ گئی تھیں۔

اسدعمر کا سیاست چھوڑنے کا اعلان

کراچی: پاکستان مسلم لیگ ن کےوفد نے فنکشنل لیگ کے سربراہ پیرپگاڑا اور ایم کیو ایم کے رہنماؤں سے ملاقات کیلئے کراچی پہنچا-

باغی ٹی وی: لیگی وفد نے فنکشنل لیگ کے سربراہ پیرپگاڑا سے راجا ہاؤس میں ملاقات کی،وفد میں خواجہ سعد رفیق اور ایاز صادق شامل تھے ملاقات میں لیگی وفد نے نواز شریف کا پیغام پہنچایا دونوں جماعتوں کے درمیان بات چیت کا سلسلہ جاری رکھنے پر اتفاق ہوا ہے۔

میڈیا سے گفتگو میں رہنما ن لیگ سعد رفیق کا کہنا تھاکہ مسلم لیگ فنکشنل اور مسلم لیگ ن کے درمیان انتخابات سے متعلق تبادلہ خیال ہوا ہے پیر پگاڑا سے مثبت انداز میں بات چیت ہوئی‘ امید ہے اسی انداز سے آگے بڑھے گی نواز شریف کے حکم پر ایاز صادق، بشیر میمن اور میں پیرپگاڑا سے ملاقات کرنے آئے دونوں کے درمیان ملاقات بہت اچھی رہی جبکہ فکشنل لیگ کے رہنما صدر الدین شاہ کا کہنا تھاکہ مسلم لیگ ن سے مذاکرات کا سلسلہ جاری رہے گا الیکشن کی تاریخ قریب آرہی ہے سیاسی ملاقاتوں کا سلسلہ چلتا رہے گا –

ملک کے بیشتر علاقوں میں موسم سرد اور خشک رہے گا، محکمہ موسمیات

دریں اثناءایم کیو ایم کے مرکزی راہنما اور صوبائی تنظیمی کمیٹی پاکستان کے جوائنٹ انچارج زاہد ملک نے کہا ہے کہ پاکستان مسلم لیگ (ن) کا وفد اتوار کو ایم کیو ایم کے مرکز بہادر آباد آئے گا مسلم لیگ (ن) اور ایم کیو ایم کی قیادت کے درمیان سیاسی تعاون کے حوالے سے بات ہو گی ایم کیو ایم کے کنوینئر ڈاکٹر خالد مقبول صدیقی کی قیادت میں مرکزی راہنما مسلم لیگ (ن) کے وفد سے سیاسی امور پر بات چیت کریں گے مسلم لیگ (ن) کا وفد اتوار کو دوپہر 2 بجے ایم کیو ایم کے بہادر آباد مرکز آئے گا۔

اس سے پہلے لیگی وفد نے جے یو آئی کے رہنما راشد سومرو سے ملاقات کی اور ان کے برادر نسبتی کے انتقال پر تعزیت کی جبکہ وہ کراچی ڈویژن کے صدر منور رضا کے گھر بھی گئے اور ان کے اہل خانے سے انتقال پر تعزیت کا اظہار کیا ترجمان جے یو آئی سندھ کے مطابق ن لیگی وفد میں سردار ایاز صادق، سعد رفیق، بشیر میمن، کھیئل داس کوہستانی اور دیگر شامل ہیں-

لیاری گینگ وار عزیر بلوچ گروپ کا کارندہ گرفتار

جے یو آئی ترجمان کے مطابق ن لیگی وفد نے سندھ میں گرینڈ الائنس کی تشکیل پر تفصیلی مشاورت کی،اس موقع پر علامہ راشد سومرو نے ن لیگی وفد کو بتایا سندھ میں گرینڈ الائنس کے نتیجے میں بڑا سرپرائز دیں گے، سندھ کے عوام کو اب محرومیوں سے نکالنے کا وقت آچکا ہے۔

کراچی: ملک میں ایک اور پولیو کیس رپورٹ ہوا ہے-

باغی ٹی وی: صوبائی وزارت صحت کے مطابق کراچی کےضلع شرقی میں 31 ماہ کے بچے میں پولیو وائرس کی تصدیق ہوئی، بچے کو انسداد پولیو کی 3 خوراکیں دی گئی تھیں،متاثرہ بچےکا تعلق یونین کونسل گجرو سے ہے،یہاں کونسل گجرو سے رواں سال کاچوتھا کیس بھی رپورٹ ہوا تھا-

دوسری جانب قومی انسداد پولیو مہم 13 نومبر سے شروع کرنے کا فیصلہ کر لیا گیا، قومی انسداد پولیو مہم تین مراحل میں مکمل ہو گی، پولیو مہم کا پہلا فیز 13 تا 17 نومبر کو شمالی وزیرستان میں چلے گا، پولیو مہم کا دوسرا فیز 20 تا 24 نومبر کو جنوبی خیبرپختونخوا کے 6 اضلاع میں چلے گا، قومی انسداد پولیو مہم کا تیسرا فیز 27 نومبر تا 3 دسمبر تک چلے گا، تیسرے مرحلے میں قومی انسداد پولیو مہم ملک بھر میں چلے گی، مہم میں 4 کروڑ 43 لاکھ 55341 بچوں کی پولیو ویکسی نیشن ہو گی۔

سونے کی فی تولہ قیمت میں 2100 روپے کی کمی

انگلینڈ کا پاکستان کو جیت کے لیے 338 رنز کا ہدف

ڈی جی خان : ڈاکوؤں کی فائرنگ،سب انسپکٹر شہید،پولیس کے 3 جوان شدیدزخمی