Category: کراچی

کراچی: بحریہ ٹاؤن کراچی سے متعلق عدالتی احکامات پر سندھ حکومت متحرک ہوگئی-

باغی ٹی وی : باخبر ذرائع کے مطابق بحریہ ٹاؤن مجموعی طور پر کتنی زمین پر قائم ہے اور زمین کی ملکیت کے حوالے سے تحقیقات کےلیے کمیٹی قائم کردی گئی سندھ حکومت کی جانب سے کمشنر کراچی کی سربراہی میں کمیٹی بنادی گئی ہے جو سات روز میں رپورٹ تیار کرے گی،محکمہ سروسز اینڈ جنرل ایڈمنسٹریشن نے نوٹیفکیشن بھی جاری کردیا ہے جس کے تحت کمیٹی اس بات کی تحقیقات کرے گی کہ بحریہ ٹاؤں کی کتنی زمین خریدی گئی اور کتنی پرقبضہ ہوا۔

تحقیقات میں نشاندہی کی جائے گی کہ بحریہ ٹاؤن کی زمین کا اصل رقبہ کیا ہے اور بحریہ ٹاؤن نے کن شرائط پر نجی افراد سے زمینیں خریدی ہیں، کمشنر کراچی کی سربراہی میں قائم کمیٹی گوگل میپ ، نقشوں اور تصویروں کے ساتھ مکمل رپورٹ پیش کرے گی۔

اسٹیٹ بینک نےخواتین کو بلا سود قرضے کی سہولت کا آغاز کر دیا

واضح رہے کہ سپریم کورٹ کے عمل درآمد بینچ نے بحریہ ٹاؤن کی جانب سے ملیر ڈیولپمنٹ اتھارٹی میں 16 ہزار ایکڑ زمین کی خریداری کے لیے 21 مارچ 2019 کو 460 ارب روپے کی پیش کش قبول کی گئی تھی لیکن اس کے لیے چند شرائط و ضوابط مقرر کیے تھے۔

سپریم کورٹ کے 4 مئی 2018 کے فیصلے میں کہا گیا تھا کہ سندھ حکومت کی جانب سے ملیر ڈیولپمنٹ اتھارٹی کو زمین کی منظوری، بحریہ ٹاؤن کی زمین کے ساتھ اس کا تبادلہ اور سندھ حکومت کی طرف سے کالونائزیشن آف گورنمنٹ لینڈ ایکٹ 1912 کی دفعات کے تحت جو کچھ بھی کیا گیا وہ غیر قانونی تھا زمین منافع بخش ہاؤسنگ اسکیم کے لیے دی گئی تھی لیکن ایم ڈی اے نے اس کے بجائے اپنی نجی ہاؤسنگ اسکیم شروع کرنے کے لیے بحریہ ٹاؤن کراچی کے ساتھ زمین کا تبادلہ کیا۔

میرپورخاص:پولیس کی کارروائی،3 لاکھ 70 ہزار مالیت کی شراب برآمد

بحریہ ٹاؤن کراچی نے کورونا وائرس کی وجہ سے کساد بازاری کے پیش نظر سپریم کورٹ سے ادائیگی کا منصوبہ منجمد کرنے کی درخواست کی تھی اور استدعا کی کہ 2.5 ارب روپے کی ماہانہ اقساط کی ادائیگی سات ستمبر 2020 سے ستمبر 2023 تک مؤخر کر دی جائے،16 دسمبر 2020 کو سپریم کورٹ نے کورونا وائرس سے متعلق معاشی کساد بازاری کی وجہ سے 2.5 ارب روپے کی ماہانہ قسط کے لیے بحریہ ٹاؤن کراچی کو تین سال کی چھوٹ دینے کی درخواست مسترد کر دی تھی۔

یاد رہے کہ برطانوی نیشنل کرائم ایجنسی کی تحقیقات کے نتیجے میں بحریہ ٹاؤن کے مالک ملک ریاض نے مقدمہ لڑنے کے بجائے برطانوی تحقیقاتی ایجنسی سے تصفیہ کر لیا تھا، جس کے بعد این سی اے نے 190 ملین پاؤنڈز کی رقم ریاست پاکستان کی ملکیت قرار دے دی تھی۔

موقع ملا تو سندھ کے شہروں کو لاہور اور فیصل آباد جیسا بنائیں گے،سعد رفیق …

معلومات کے مطابق یہ رقم پاکستان کے قومی خزانے میں پہنچنے کے بجائے سپریم کورٹ کے اُس اکاؤنٹ تک پہنچی جس میں ملک ریاض بحریہ ٹاؤن کراچی کے مقدمے میں سپریم کورٹ کو 460 بلین روپے ایک تصفیے کے تحت قسطوں میں ادا کر رہے ہیں اور یوں برطانیہ سے ریاست پاکستان کو منتقل ہونے والی رقم ملک ریاض کے اکاؤنٹ میں سپریم کورٹ کو ادائیگی کے لیے دے دی گئی۔

نیب کے مطابق الزام یہی ہے کہ لگ بھگ 40 ارب روپے جو کہ قومی خزانے سے تھے بحریہ ٹاؤن کے قرض کی مد میں ایڈجسٹ کیے گئے۔

آٹے کی قیمت میں مزید اضافہ

کراچی: اسٹیٹ بینک آف پاکستان نے خواتین کو ذاتی کاروبار کے لیے بلا سود قرضہ سہولت کا اجرا کیا ہے، اب خواتین گھر بیٹھی آن لائن درخواست جمع کر ا کر پانچ لاکھ روپے تک کا قرضہ باآسانی حاصل کر کے بہتر روزگار کا سلسلہ شروع کر سکتی ہیں-

باغی ٹی وی : تفصیلات کے مطابق نور محمد انصاری انڈسٹریل سکول، سوشل ویلفیئر سوسائٹی کے زیراہتمام ایک تقریب سے خطاب کرتے ہوئےڈپٹی منیجر سٹیٹ بنک آف پاکستان قرۃ العین بلال نے کہا ہے کہ ترقی یافتہ ممالک میں مردوں کے شانہ بشانہ خواتین ہر شعبہ میں اپنی صلاحیتوں سے ملکی ترقی میں کردار ادا کر رہی ہیں،ملک میں خواتین 48فیصدہیں مگربہت تھوڑی تعداد بلکہ نہ ہونے کے برابر خواتین اس وقت اپنا ذاتی کاروبار کر رہی ہیں۔

کراچی آج دنیا کے آلودہ ترین شہروں میں پہلے نمبر پر

انہوں نے کہا کہ ملکی ترقی کے لیے لازم ہے کہ خواتین دوسروں پر انحصار کرنے کی بجائے اپنے ذاتی کاروبار کو ترجیح دیں، اس وقت فوڈ آئٹم اور گھریلو زراعت کے شعبہ میں آگے بڑھنے کے وسیع امکانات موجود ہیں جن کو اختیار کر کے خواتین اپنے گھرانے میں بہتر روزگار کا سلسلہ شروع کر سکتی ہیں بلکہ ان کے کاروبار سے کئی ایک افراد کے روزگار کا بھی بندوبست ہو جاتا ہے۔

عمران اور بشریٰ کی آخری ملاقات، تیاریاں ہو گئیں

انہوں نے کہا کہ خواتین کو چاہیے کہ بنک میں ذاتی اکائنٹ لازمی کھولیں تاکہ تھوڑی تھوڑی بچت بھی ان کے آنے والے کل میں کام آ سکے، بنکوں نے اس مقصد کے لیے الگ ڈیسک بھی قائم کر دئیے ہیں تاکہ بنک آنے والی خواتین کو کسی قسم کی بھی کوئی پریشانی اور دقت نہ ہو،بنک اکاؤنٹ گھر بیٹھی بھی کھول سکتی ہیں۔

غزہ:اقوام متحدہ کے زیرانتظام اسکول پر اسرائیل کی بمباری، 200 …

کراچی: شہر قائد آج دنیا کے آلودہ ترین شہروں میں پہلے نمبر پر آگیا ہے،آج کراچی کا ایئرکوالٹی انڈیکس239 ریکارڈ کیا گیا ہے۔

باغی ٹی وی : کراچی کے بعد دوسرا نمبر بھارتی دارالحکومت نئی دہلی کا ہے جہاں ایئرکوالٹی انڈیکس 196 ریکارڈ کیا گیا ہے،جبکہ تیسرے نمبر پر لاہور ہے جہاں کا ایئرکوالٹی انڈیکس 191 ریکارڈ کیا گیا ہے۔

دوسری جانب لاہور سمیت پنجاب کے 10 اضلاع میں اسموگ کی روک تھام کے لیے اسمارٹ لاک ڈاؤن نافذ کردیا گیا ہے،پنجاب کے شہر لاہور، ننکانہ صاحب، شیخوپورہ، قصور،گوجرانوالہ، گجرات، سیالکوٹ، نارووال، حافظ آباد اور منڈی بہاؤالدین میں اسمارٹ لاک ڈاؤن لگایا گیا ہے جس دوران نقل و حرکت کو محدود کیا گیا ہے فضائی آلودگی کے سبب لاہور میں تعلیمی ادارے بند کردئیے گئے-

نارووال میں انسانیت سوز واقعہ،زمیندار نے 6سالہ بچی کو جانوروں کی طرح زنجیروں سے جکڑ …

حکومت پنجاب نے صوبے کے 10 اضلاع میں تمام سرکاری اور نجی اسکول، کالجز، یونیورسٹیاں بند رکھنے کے احکامات جاری کیے تھے جب کہ بازار، دکانیں،جم، سنیما گھر اور دفاتر 3 بجے کے بعد کھولے جا سکیں گے۔

محمد یوسف پاکستان انڈر 19 کرکٹ ٹیم کے ہیڈ کوچ مقرر

فوجی عدالتوں میں سویلین کا ٹرائل ،سندھ حکومت نے اپیل کی تردید کر دی
ترجمان نگران وزیراعلیٰ سندھ کا کہنا ہے کہ سندھ حکومت نے سویلین کی ملٹری کورٹ میں ٹرائل کے لیئے کوئی اپیل دائر نہیں کی،یہ تاثر بے بنیاد ہے کہ سندھ حکومت نے ملٹری کورٹس میں سویلین کی ٹرائل کے لیے سپریم کورٹ میں اپیل فائل کی ہے

دو دن قبل سندھ حکومت کی جانب سے سویلینز کے فوجی عدالتوں میں ٹرائل کے فیصلے کیخلاف ایک اپیل سپریم کورٹ میں لائی گئی تھی،تاہم عدالتی وقت ختم ہو گیا تھا اور اپیل دائر نہ سکی تھی، مروجہ طریقہ کار کے مطابق اس درخواست کو اگلے روز خود ہی دائر ہو جانا تھا،جب خبریں سامنے آئیں تو سندھ حکومت خاموش رہی تا ہم آج دو دن بعد سندھ حکومت نے تردید کر دی اور کہا کہ کوئی اپیل دائر نہیں کی گئی،

دوسری جانب گزشتہ روز وفاقی حکومت اور وزارت دفاع نے سویلینز کے ملٹری کورٹ میں ٹرائل کے سپریم کورٹ کے فیصلے خلاف انٹرا کورٹ اپیلیں دائر کی تھیں جس میں سپریم کورٹ کے 5 رکنی بینچ کے فیصلے کو کالعدم قرار دینے کی استدعا کی گئی تھی

واضح رہے کہ سپریم کورٹ نے 23 اکتوبرکو فوجی عدالتوں میں سویلینزکا ٹرائل کالعدم قرار دیا تھا، فوجی عدالتوں کے خلاف تحریک انصاف نے بھی سپریم کورٹ میں بھی درخواست دائر کر رکھی ہے، علاوہ ازیں سینیٹ میں 9 مئی کے مقدمات کا ٹرائل خصوصی عدالتوں میں چلانے کی قرارداد متفقہ طور پر منظور کرلی گئی تھی،9 مئی کے مقدمات کا ٹرائل خصوصی عدالتوں میں چلانے کی قرار داد سینیٹر دلاور حسین نے سینیٹ میں پیش کی، جسے متفقہ طور پر منظور کرلیا گیا،گزشتہ ماہ، سپریم کورٹ کے پانچ رکنی بینچ نے حکومت کو 9 مئی کے پرتشدد مظاہروں کے نتیجے میں گرفتار کیے گئے شہریوں کا فوجی ٹرائل کرنے سے روک دیا تھا

شہداء فورم کا فوجی عدالتوں کی بحالی کا مطالبہ

سپریم کورٹ، فوجی عدالتوں میں سویلین کا ٹرائل کالعدم قرار

سپریم کورٹ،فوجی عدالتوں سے متعلق درخواستیں، فل کورٹ تشکیل دینے کی استدعا مسترد

جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

سیاسی مفادات کے لئے ملک کونقصان نہیں پہنچانا چاہئے

پاکستان پیپلز پارٹی کراچی ڈویژن کے صدر و سابق صوبائی وزیر سینیٹر سعید غنی نےسٹی کورٹ کراچی میں پیپلز لائرز فورم کراچی ڈویژن کے تحت منعقدہ ممبرشپ کیمپ کے دوران میڈیا سے بات چیت کرتے ہوئے کہا ہے کہ پیپلز پارٹی پورے سندھ، خاص کر کراچی شہر میں عام آدمی میں مقبولیت حاصل کر رہی ہے، اسی طرح وکلا برادری بھی پیپلز پارٹی کا حصہ بن رہی ہے،

سعید غنی کا کہنا تھا کہ پہلے روز تین سو وکلاء حصہ بنے، آج دوسرا دن ہے، کل بھی کیمپ لگا رہے گا، امید ہے بہت بڑی تعداد میں وکیل پیپلز پارٹی کے وکلاء فورم کا حصہ بنیں گے، وکلاء کا پاکستان میں جمہوریت، انسانی حقوق کے لئے بہت کردار ہے، پاکستان میں جب بھی غیر جمہوری دور آیا تو وکلاء برادری نے جدوجہد کی اور سیاسی قوتوں کو کامیابی بھی حاصل ہوئی،کراچی ترقی کے راستے چل رہا ہے، ہم سب ملکر ملک کے لوگوں کی خدمت کریں گے

سعید غنی کا کہنا تھا کہ ایم کیو ایم کے ساتھ سیٹ ایڈجسٹمنٹ نہ ماضی میں ہوئی نہ امکان ہے،ا بھی الیکشن میں وقت ہے ، سیاسی جماعتوں سے بات چیت کریں گے، نوازشریف نیا لاڈلا ہے، ہمیں کسی الیکشن میں لیول پلیئنگ فیلڈ نہیں ملی ہر الیکشن میں ہمیں ہرانے کی کوشش کی گئی،سازشوں کے باوجود بھی ہم کئی بار اقتدار میں آئے، جتنی بھی سازشیں ہو جائیں اس بار حکومت ہم بنائیں گے۔ ہمارے پاس پارٹی میں لوگوں کیلئے جگہ نہیں ہے،ایم کیو ایم کو کراچی کی عوام نے مسترد کردیا ہے،پی پی پی نہیں ایم کیو ایم اپنی بقا کیلئے سہارے تلاش کررہی ہے،ایم کیو ایم کراچی کی سیاست کا مردہ گھوڑا ہے، ایم کیو ایم اتحادیوں اور غیر مرئی امداد کے بغیر الیکشن لڑنے کا تصور نہیں کرسکتی،پی پی پی کی کراچی میں مقبولیت بڑھ رہی ہے، ایم کیو ایم اب رابطہ کمیٹی کے منقسم ارکان کی پارٹی رہ گئی ہے،ایم کیو ایم کو پی ایس پی گینگ نے ہائی جیک کرلیا ہے

پنجاب اسمبلی، ہنگامہ آرائی کا مقدمہ درج

چودھری پرویز الہیٰ کو پولیس نے بلا لیا

پرویز الہیٰ کی جانب سے حملے کے الزام کے بعد رانا مشہود بھی خاموش نہ رہ سکے