Category: کراچی

کراچی: سندھ کے چوتھے بڑے شہر میرپور خاص کو لوڈشیڈنگ فری قرار دے دیا گیا ہے۔

باغی ٹی وی : نگراں وزیر اعلی سندھ مقبول باقر نے ایس ای آفس میرپور خاص میں منعقدہ تقریب میں وڈیو لنک کے ذریعے اعلان کرتے ہوئے کہا کہ قائد اعظم کے یوم پیدائش پر شہر کو لوڈشیڈنگ فری کی سہولت فراہم کی جارہی ہے، جس سے عوامی مسائل میں کمی آئے گی۔

اس موقع پر حیسکو چیف بشیر احمد کا کہنا تھا کہ دو ماہ سے جاری سیکیورنگ حیسکو ملازمین کی جدوجہد اور عوام کے تعاون کا یہ ثمر ہے، جس کے باعث لائن لاسسز گھٹ کر صرف 6 فیصد رہ گئے ہیں، جن پر جلد قابو پالیا جائے گا،مستقبل میں شہر کو لوڈشیڈنگ سے بچانے کے لئے مزید ٹرانسفارمرز کی تنصیب کی جائے گی، ایمرجنسی کی صورت میں ٹرالی ٹرانسفارمرز مہیا کئے جائیں گے، جبکہ صارفین کی سہولت کے لئے ون ونڈو سینٹر قائم کیا گیا ہے۔

کراچی : پاکستان پیپلز پارٹی (پی پی پی) کے رہنما سید خورشید شاہ نے کہا ہے کہ پیپلزپارٹی تو پہلے سے کہتی آرہی ہے کہ ہمیں مل کر پاکستان کو بچانا ہے، ہمیں پرامید ہونا چاہیئے کہ الیکشن وقت پر ہوں گے-

باغی ٹی وی: پیپلز پارٹی کے مرکزی رہنما و سابق وفاقی وزیر سید خورشید احمد شاہ کی کاغذات نامزدگی کی اسکروٹنی کے بعد میڈیا سے گفتگو کرتے ہوئے کہا کہ لیول پلیئنگ فیلڈ کے حوالے سے قیادت نے جو بات ریکارڈ کرانی تھی وہ کراچکی ہے،ہم صرف وقت پر انتخابات چاہتے ہیں،ہم انتخابات میں عوام کو سرپرائز دیں گے، لیول پلیئنگ فیلڈ ملے یا نہ ملے جو فیلڈ ملی ہے اسی پر کھیلیں گے۔

فضل الرحمان لالچی،بلے کی آفر ہوئی،انکار کر دیا،پرویز خٹک

انہوں نے مزید کہا کہ ملک میں الیکشن ہوں گے تو سیکیورٹی کا مسئلہ خود بخود حل ہوجائے گا، پاک فوج کو الیکشن میں ہونا چاہیئے، فوج ہوگی تو امن و امان ہوگا اور دھاندلی نہیں ہوگی، پاک فوج وہ ادارہ ہے جس پر پوری قوم کا اعتماد ہے، ملک میں ماحول کسی ایک پارٹی کے حق میں نہیں ہے کسی جماعت کو سادہ اکثریت حاصل نہیں ہوگی، ملک میں اب اتحادوں سے ہی حکومت بنے گی، پیپلزپارٹی تو پہلے سے کہتی آرہی ہے کہ ہمیں مل کر پاکستان کو بچانا ہے، ہمیں پرامید ہونا چاہیئے کہ الیکشن وقت پر ہوں گے ملک میں عدلیہ اور دیگر ادارے موجود ہیں اور 8 فروری کی تاریخ توخود عدلیہ نے دی ہے، کسی بھی جماعت سے پیپلزپارٹی کا اتحاد وقت اور حالات پر منحصر کرے گا-

ہم حکومت بنائیں گے ،پی ٹی آئی کو محنت کرنی چاہئے، آصف زرداری

پاکستان مرکزی مسلم لیگ کے نائب صدر فیصل ندیم نے اورنگی ٹاون میں جلسہ عام سے خطاب کرتے ہوئے کہا ہے کہ ملکی خزانہ لوٹنے والوں کو دوبارہ مسلط کرنے کی کوشش کی جارہی ہے۔حادثاتی بھٹو بننے والے بلاول ترقی کے دعوے کرتے ہیں ۔ ترقی سندھ میں نہیں بلاول ہاؤس میں ہوئی ہے۔اورنگی ٹاؤن کو لسانی بنیادوں پر بنیادی سہولیات سے محروم رکھا گیا۔کراچی پر سیاسی قبضہ مافیا سے آزادی حاصل کرنے کا وقت آچکا ہے۔پاکستان کو عوامی قیادت کی ضرورت ہے۔ان خیالات کا اظہار انہوں نے اورنگی ٹاون میں بڑے انتخابی جلسہ عام سے خطاب کرتے ہوئے کیا۔

انتخابی پاور شومیں اورنگی ٹاون کی عوام نےبڑی تعداد میں شرکت کی اور مرکزی مسلم لیگ کی بھرپور حمایت کا اعلان کیا۔جلسہ عام سے کراچی کے صدراحمدندیم اعوان،NA246کےامیدوارحافظ امجد اسلام امجد،PS121کے امیدوار عبدالرحمن ،PS120کے امیدوار امداد علی ، سید ارباب حیدر،راؤ یحییٰ،انجینئر خضر حیات،بلال حیدرسمیت دیگر نے بھی خطاب کیا۔

جلسہ عام سے خطاب کرتے ہوئے فیصل ندیم کا کہنا تھا کہ 15سال سے سندھ پر حکومت کرنے والی پیپلز پارٹی نے ہمیشہ عوام کو دھوکہ ہی دیا ہے۔چوروں کا ٹولہ عوام پر مسلط ہے۔عوام اس بار شعور کا مظاہرہ کریں ۔اور ووٹ کی طاقت سے ان کا احتساب کریں۔عوام کو مسائل سے عوامی نمائندے ہی نکالیں گے۔مرکزی مسلم لیگ کے امیدوار عام عوام میں سے ہیں۔اورمسائل کا ادراک رکھتے ہیں ۔اب عوام ان حقیقی خدمت گزاروں کو منتخب کریں گے۔

جلسہ عام سے خطاب کرتے ہوئے کراچی کے صدراحمدندیم اعوان نے کہاہے کہ ایشیا کی سب سے بڑی کچی آبادی بنیادی سہولیات سے محروم ہے۔ بل بھرنے کے باوجود گھنٹوں کی لوڈ شیڈنگ عوام کے ساتھ ظلم ہے۔الیکشن کا چاند نظر آنے کے بعد بڑی گاڑیوں والے عوام سے مسکرا کر ملیں گے۔کاغذی بیمار شیر الیکشن آتے ہی ٹھیک ہوکر لاہور میں سیاسی جوڑ توڑ کر رہا ہے۔عوام ان سب مداریوں کا احتساب 8 فروری کو کریں گے۔ مرکزی مسلم لیگ نے کراچی کے تمام صوبائی اور قومی حلقوں سے اپنے امیدوار اتار دیے۔مرکزی مسلم لیگ کے نمائندوں کو عوام اچھی طرح پہچانتے ہیں۔عوام کرسی کے نشان پر مہر لگا کرخدمت کی سیاست کرنے والوں کوکامیاب کریں۔

مرکزی مسلم لیگ کراچی کے تحت گیس لوڈشیڈنگ کے خلاف احتجاجی مظاہرے۔

ملک کی ترقی میں مزدوروں اور محنت کشوں کا بنیادی کردار ہوتا ہے

بہن بھائیوں کو بھی عید کی خوشیوں میں اپنے برابر کاشریک کریں 

قرضے لیکر معیشت میں کبھی بھی استحکام پیدا نہیں کیا جا سکتا،

مرکزی مسلم لیگ نے پورے ملک میں الیکشن مہم کا آغاز کر دیا

این اے246کے امیدوار حافظ امجد اسلام امجد نے کہا کہ حکمرانوں نے اورنگی کو مسائل کو دوچار کیا ہوا ہے۔اورنگی ٹاؤن کے عوام کئی کئی گھنٹے بجلی سے محروم ہیں ۔ پاکستان مرکزی مسلم لیگ عوام کی حمایت سے عوام کی محرومیوں کو دور کرے گی ۔ہم نوجوانوں کو منشیات سے بچا کر ہنر مند بنائیں گے۔ہم بدلیں گے تو اورنگی بدلے گا۔پی ایس 121کے امیدوار عبدالرحمن کا کہناتھا کہ اورنگی ٹاؤن کے مسائل حل ہونے کے بجائے بڑھتے ہی جارہے ہیں۔ جو آواز اٹھاتا ہے مافیا اس کی آواز دبا دیتے ہیں۔عوام کرپٹ سیاستدانوں کے گریبان پکڑ کر اپنی محرومیوں کا سوال کریں گے۔

سیکریٹری اطلاعات پیپلزپارٹی سندھ سینیٹر وقار مہدی نے کہا ہے کہ 1977 کے انتخابات کے خلاف تحریک پاکستان کی ترقی کے خلاف سازش تھی،

سینیٹر وقار مہدی کا کہنا تھا کہ محمد علی درانی جیسے سیاسی بونے تاریخ کو مسخ نہیں کر سکتے، 1977 کے انتخابات سے قبل وفاقی وزیر رفیع رضا نے بھٹو شہید کو عالمی سازش سے آگاہ کیا تھا، 1977 کو چلائی جانے والی تحریک کے پیچھے ڈالر تھے، غیر ملکی سرمایہ سے چلنے والی تحریک نے ملک کو اندھیرے میں دھکیل دیا، پاکستان آج بھی 1977 کی تحریک کے مضمرات کا شکار ہے، پاکستان پیپلزپارٹی کا راستہ روکنے کیلئے لاڈلے پیدا کئے گئے، عمران خان کو اقتدار میں لانے کے لیے سیاسی پارٹیوں میں توڑ پھوڑ کی گئی،

ایک اور بیان میں وقار مہدی کا کہنا تھا کہ ایم کیو ایم کے تین کے ٹولے کو عوام خوب پہچانتے ہیں ،بلاول بھٹو زرداری نے کراچی میں ایشیا کا بڑا ٹراما سینیٹر بنایا ‘بلاول بھٹو زرداری نے NICVD کراچی میں دل کے علاج معالجے کی مفت سہولیات فراہم کیں ہیں۔بلاول بھٹو زرداری کی حکومت سندھ نے کراچی کے عوام کو فلائی اوور انڈر پاسسز، پبلک پارک اور کھیل کے میدانوں کے تحفے دیئے ہیں، متوقع شکست کے خوف سے ایم کیو ایم انتخابات کے بائیکاٹ کا ڈرامہ کر سکتی ہے،پیپلزپارٹی کی خدمات کو دیکھ کر کراچی کے عوام نے بلدیاتی انتخابات میں ووٹ دیئے،ایم کیو ایم اس بات کا جواب دے کہ اس نے 1993 میں قومی اسمبلی کے الیکشن کا بائیکاٹ کس کی فرمائش پر کیا تھا۔ایم کیو ایم عوام کو اس بات کا بھی جواب دے کی اس نے 2001 اور 2023 کے بلدیاتی الیکشن کا بائیکاٹ کس کی ہدایت پر کیا تھا۔

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

گورنر سندھ کامران خان ٹیسوری سے نگراں صوبائی وزیر داخلہ بریگیڈیئر (ر)حارث نواز کی گورنر ہاﺅس میں ملاقات ہوئی ہے

ملاقات میں صوبہ میں امن و امان کے اقدامات، کراچی سے اسٹریٹ کرائم کے خاتمہ کی حکمت عملی ، عام انتخابات کے دوران سیکورٹی کے اقدامات سمیت باہمی دلچسپی کے دیگر امور پر تبادلہ خیال کیا گیا، گورنر سندھ کامران خان ٹیسوری کا کہنا تھا کہ عوام کے جان و مال کے تحفظ کے لئے ہر ممکن اقدامات یقینی بنائے جائیں، شہر قائد سے اسٹریٹ کرائم کے خاتمہ کے لئے موثر حکمت عملی ضروری ہے۔ پولیس پیٹرولنگ میں اضافہ، سی سی ٹی وی کیمروں کی مدد سے اسٹریٹ کرائم کو کنٹرول کیا جاسکتا ہے، عام انتخابات کے لئے سکیورٹی کے فول پروف اقدامات یقینی بنائے جائیں، نگراں صوبائی وزیر داخلہ نے گورنر سندھ کو امن و امان برقرار رکھنے کے اقدامات پر تفصیلی بریفنگ دی

واضح رہے کہ شہر قائد کراچی میں جرائم بڑھ چکے ہیں، ڈکیتی، چوری، راہزنی کی وارداتوں میں اضافہ ہو چکا ہے،ایسا لگتاہے کہ جیسے کوئی جنگل کا قانون ہے۔ جس کا دل چاہتاہے اسلحے کے زورپر نہتے شہریوں سے مال اور جان چھین لیتاہے۔ قانون نافذ کرنے والے ادارے کے کانوں پر جوں تک نہیں رینگتی۔اب تو بزرگ خواتین بھی اس لوٹ مار کی عفریت سے محفوظ نہیں ۔ عزیزآباد بلاک 8 بزرگ خاتون سے لٹیرے بیگ چھین کر فرارہو گئے ہیں،شہر میں نشہ آور اشیا کا استعمال بہت زیادہ پھیل چکا ہے

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

عام انتخابات،کاغذات نامزدگی کی جانچ پڑتال کا عمل آج سے